Home » ბიზნესი » 20 000 ლარით დაჯარიმდებით თუ ,,სილქნეტის” Wi-Fi ზე პაროლი არ გიყენიათ
20 000 ლარით დაჯარიმდებით თუ ,,სილქნეტის" Wi-Fi ზე პაროლი არ გიყენიათ

20 000 ლარით დაჯარიმდებით თუ ,,სილქნეტის” Wi-Fi ზე პაროლი არ გიყენიათ

ვებ-გვერდი ,,შემცირდეს ინტერნეტის ფასები და გაიზარდოს ინტერნეტის სიჩქარე”  ინფორმაციას ავრცელებს, რომლის მიხედვითაც თუკი თქვენს ინტერნეტს სხვაც მოიხმარს (მესამე პირისთვის გადაცემა), ანუ Wi-Fi ზე თუ არ გაქვთ პაროლი და მეზობელმა გამოიყენა თქვენი ინტერნეტი , სილქნეტს შეუძლია 20 000 ლარით დაგაჯარიმოთ.

გთავაზობთ, ვებ გვერდის მიერ გავრცელებულ ინფორამციას უცვლელად:

,,20 000 ლარით დაჯარიმდებით თუ თქვენს ინტერნეტს სხვაც მოიხმარს ( მესამე პირისთვის გადაცემა ), ანუ Wi-Fi ზე თუ არ გაქვთ პაროლი და მეზობელმა გამოიყენა თქვენი ინტერნეტი, კომპანია ,,სილქნეტს” შეუძლია 20 000 ლარით დაგაჯარიმოთ და ამას მარეგულირებელიც დაეთანხმება და იტყვის ხელშეკრულება დაარღვიეთო.
ასევე, თუკი კაფეში ან რესტორანში უფასო ინტერნეტი აქვთ, ხელშეკრულებით შეუძლიათ ჯარიმის დაკისრება. ისე, ცნობისთვის, ევროპაში შემხვედრია კაფეები / სხვადასხვა დაწესებულებები რომლებსაც აქვთ უფასო Wi-FI და ასევე ფასიანი Premium პაკეტები ( მაგ:რეკლამების გარეშე, ულიმიტო დრო / სიჩქარე და ა.შ ) და საქართველოში იგივე პროვაიდერების ხელშეკრულების მიხედვით  20 000 ლარით დააჯარიმებენ ( მესამე პირისთვის მიწოდება/გაყიდვა )  მარეგულირებელმა ეს ყველაფერი კარგად იცის მაგრამ არ რეაგირებს !

პ.ს ხელშეკრულების მუხლი
7.1.4.მხოლოდ საკუთარი მოხმარებისათვის გამოიყენოს საერთო სარგებლობის ელექტრონული საკომუნიკაციო ქსელებითა და საშუალებებით განხორციელებული „მომსახურება“ და არ დაუშვას „კომპანიისგან“ მიღებული „მომსახურების“ შემდგომი მიყიდვა/გადაცემა სხვა ნებისმიერ „მესამე პირზე“. ამ პუნქტის დარღვევის შემთხვევაში, “კომპანია” უფლებამოსილია დააკისროს “აბონენტს” ჯარიმის სახით 20,000.00 (ოცი ათასი) ლარის გადახდა და “კომპანიისთვის” მიყენებული ზიანის/ზარალის ანაზღაურება”, –  ავრცელებს ინფორმაციას ვებ-გვერდი ,,შემცირდეს ინტერნეტის ფასები და გაიზარდოს ინტერნეტის სიჩქარე”.

გიორგი კაპანაძე 

Share