ამის შესახებ კონკურენციისა და მომხმარებლის დაცვის სააგენტოს ხელმძღვანელმა ირაკლი ლექვინაძემ გადაცემა „ბიზნესპარტნიორში“ საუბრისას, იმ მოკვლევის შედეგების კომენტარისას განაცხადა, რომელიც სააგენტომ გუშინ გაავრცელა.კერძოდ, სააგენტომ ფარმაცევტული პროდუქციის 4 იმპორტიორი კომპანია დომინანტური მდგომარეობის ბოროტად გამოყენებისთვის 560 000 ლარით დააჯარიმა. ეს კომპანიებია: „გლობალ ცბს“, „კონცეპტ ფარმა“, „რიჩ გრუპი“ და „გეა“. დარღვევა, რომელსაც მათ კონკურენციის სააგენტო ედავება (კერძოდ კი ჭარბი ფასნამატი), 2021-2023 წლებს, ანუ იმ პერიოდს მოიცავს, როცა 7 მედიკამენტზე რეფერენტული ფასები არ მოქმედებდა. დღეს რეფერენტული ფასები ამოქმედებულია და, შესაბამისად, ამ მედიკამენტების ღირებულებაც  შემცირებულია.კონკურენციის სააგენტოს დასკვნის თანახმად, მოკვლევის პროცესში გამოვლინდა, რომ გარკვეული მედიკამენტების თვითღირებულებაში შეტანილი იყო ისეთი ხარჯები, რომლებიც უშუალოდ ფასწარმოქმნას არ უკავშირდება და შეიძლება მიანიშნებდეს ფასის ხელოვნურ ზრდას. კერძოდ, ძვირადღირებული საჩუქრები (მათ შორის, ოქროს სამკაულები); კულტურულ ღონისძიებებზე, სპექტაკლებზე სტუმრების მოწვევა; არაფორმალურ გარემოში სხვადასხვა მხარეებთან შეხვედრები; ევროპასა და საქართველოში კონფერენციების და მაღალი კლასის სასტუმროებში განთავსების ხარჯები; კოსმეტოლოგიური და სტომატოლოგიური ხარჯები; ჯარიმებისა და კანონით გათვალისწინებული სანქციების ხარჯები; პრემიუმ კლასის ავტომობილების მომსახურება და სხვა.ირაკლი ლექვინაძემ  „ბიზნესპარტნიორში“ სტუმრობისას აღნიშნა, რომ ამ ხარჯებს შორის იყო ასევე მენეჯმენტისთვის და მენეჯმენტთან დაკავშირებული პირებისთვის გადახდილი, არაბუნებრივად მაღალი ხელფასები. დღეს, რეფერენტული ფასების მოქმედების პირობებში კი, მისი თქმით, დაწესებულია ფასნამატის ჭერი, რის გამოც ფასწარმოქმნის პროცესში ზემოთ დასახელებული ხარჯების შეტანა პრაქტიკულად გამორიცხულია.ამასთან, ირაკლი ლექვინაძის განცხადებით, სააგენტოს მიერ მიღებული გადაწყვეტილება და წინა ქეისიც, რომლის ფარგლებშიც უმსხვილესი ფარმაცევტული კომპანიები 53 მილიონი ლარით დაჯარიმდნენ, პრეცედენტულია და პრევენციულია, რათა მსგავსი რამ აღარ განმეორდეს იმ მედიკამენტებზე, რომლებიც ამ ეტაპზე რეფერენტული ფასწარმოქმნის სისტემაში არ არიან მოქცეულები.„რეფერენტული ფასი დაახლოებით 7 ათას მედიკამენტზეა დაწესებული, ჯამში ჩვენ გვაქვს 11 ათასზე მეტი დასახელების მედიკამენტი. ჩვენ და ჯანდაცვის სამინისტრო ვართ აქტიურ კოორდინაციაში და იმედი მაქვს, რომ სადაც იქნება მსგავსი პრობლემატიკა, იქაც გვექნება შესაბამისი რეაგირებები,“ - აღნიშნა კონკურენციის სააგენტოს ხელმძღვანელმა.მისივე თქმით, სააგენტოს რეკომენდაცია, რომელიც ამ მოკვლევის ფარგლებში გაიცა, არის ის, რომ ნებისმიერმა კომპანიამ, იქნება ის ფარმაცევტულ თუ სხვა სექტორში, თუ მას ბაზარზე დომინანტური მდგომარეობა ანუ 40%-ზე მეტი გააჩნია, ფასწარმოქმნისას გაითვალისწინოს ის მეთოდიკა და მიდგომა ფასწარმოქმნასთან დაკავშირებით, რაც ამ ქეისშია აღწერილი.jandacva.ge

1754903992

მათივე ცნობით, სააგენტოს მიერ დამუშავებული მონაცემების ანალიზის შედეგად 8 კომპანია გამოიკვეთა, რომლებიც ბაზარზე 14 მედიკამენტთან მიმართებით დომინანტური მდგომარეობით ოპერირებდნენ (საბაზრო წილი 40%-ზე მეტი).„შესაბამისად, მოკვლევა განხორციელდა შემდეგი კომპანიების მიმართ: შპს „გლობალ ცბს“, შპს „კონცეპტ ფარმა“, შპს „ბარდი“, შპს „ნუვეა ფარმაცევტიკალსი“, შპს „რიჩ გრუპი“, შპს „კროკუს ფარმა“, შპს „გეა“ და შპს „BIH“-ი.მოკვლევის მიზანს წარმოადგენდა დადგენილიყო - იყო თუ არა მაღალი ფასნამატები (300-3000%-მდე) გამოწვეული ბაზრის დომინანტური მოთამაშეების მხრიდან არაკონკურენტული ქმედებებით.GCCA-ს გადაწყვეტილებით, 4 კომპანიის შემთხვევაში დომინანტური მდგომარეობის ბოროტად გამოყენება დადგინდა, რაც მომხმარებლისთვის ჭარბი ფასის დაწესებაში გამოიხატა. ჭარბი ფასი განისაზღვრა როგორც გონივრულ მარჟაზე (30%) + ფასნამატი (20%-ზე მეტი). სააგენტოს პოზიციით, დამრღვევი კომპანიების მიერ მედიკამენტებზე დაწესებული ფასები გონივრულ დონეს მნიშვნელოვნად აღემატებოდა. შედეგად, 4 კომპანიის ჯარიმის მოცულობამ ჯამში 559 358 ლარი შეადგინა. საჯარიმო სანქციები განსაზღვრულია 2024 წლის ბრუნვის მაქსიმუმ 5%-მდე, ზიანთან კორელაციით.მოკვლევის პროცესში გამოვლინდა, რომ გარკვეული მედიკამენტების თვითღირებულებაში შეტანილი იყო ისეთი ხარჯები, რომლებიც უშუალოდ ფასწარმოქმნას არ უკავშირდება და შეიძლება მიანიშნებდეს ფასის ხელოვნურ ზრდას. კერძოდ, ძვირადღირებული საჩუქრები (მათ შორის, ოქროს სამკაულები); კულტურულ ღონისძიებებზე, სპექტაკლებზე სტუმრების მოწვევა; არაფორმალურ გარემოში სხვადასხვა მხარეებთან შეხვედრები; ევროპასა და საქართველოში კონფერენციების და მაღალი კლასის სასტუმროებში განთავსების ხარჯები; კოსმეტოლოგიური და სტომატოლოგიური ხარჯები; ჯარიმებისა და კანონით გათვალისწინებული სანქციების ხარჯები; პრემიუმ კლასის ავტომობილების მომსახურება და სხვა.მოკვლევის ფარგლებში, GCCA-ის მიერ გაიცა განსაახილველად სავალდებულო რეკომენდაცია. კერძოდ, დომინანტმა ეკონომიკურმა აგენტებმა საფასო პოლიტიკა უნდა აწარმოონ იმგვარად, რომ ფასის დადგენამდე სააგენტოს განმარტებების შესაბამისად შეაფასონ და გაითვალისწინონ კონკურენციის საწინაღმდეგო რისკები. ჭარბი ფასი არ იყოს არასამართლიანად მაღალი თავისთავად ან/და კონკურენტი პროდუქტის/მომსახურების ფასთან შედარებით. არასამართლიანად მაღალი ფასის შესახებ გონივრული ეჭვის წარმოშობის შემთხვევაში, სააგენტომ შესაძლოა დაიწყოს საქმის მოკვლევა შესაბამისი სუბიექტ(ებ)ის წინააღმდეგ.GCCA-ს შეფასებით, მოკვლევა ეხება იმ პერიოდს, როდესაც რეფერენტული ფასები ჯერ არ იყო დაწესებული. დღევანდელი მდგომარეობით, რეფერენტული ფასების ამოქმედებამ მედიკამენტებზე არსებული მაღალი ფასნამატები მნიშვნელოვნად გაანეიტრალა“, - ნათქვამია ინფორმაციაში.

1754551664

„ჩვენ ძალიან მოულოდნელი და ამავდროულად საინტერესო აღმოჩენა გავაკეთეთ - აღმოჩნდა, რომ ვაქცინები, რომლებსაც არ აქვთ სპეციფიკური ეფექტი კონკრეტული ვირუსის ან სიმსივნის წინააღმდეგ, შეუძლიათ მრავალი ნეოპლაზმის ზრდის დათრგუნვა. მომავალში, ეს ვაქცინები შეიძლება გახდეს უნივერსალური ინსტრუმენტი კიბოს წინააღმდეგ საბრძოლველად, რაც აიძულებს იმუნურ სისტემას უფრო აქტიურად ებრძოლოს სიმსივნეებს“, - თქვა UF-ის პროფესორმა, ელიას საიურმა, რომლის სიტყვებსაც ციტირებს უნივერსიტეტის პრესსამსახური.რამდენიმე წელია, მკვლევრები ავითარებენ სხვადასხვა რნმ-ზე დაფუძნებულ თერაპიებს, რომლებიც პაციენტის იმუნურ სისტემას უფრო აქტიურს ხდის სიმსივნეების კონკრეტული ტიპების წინააღმდეგ ბრძოლაში. კერძოდ, ერთი წლის წინ, ექსპერიმენტებში, რომლებშიც რამდენიმე მოხალისე მონაწილეობდა, მათ პირველად გამოიყენეს რნმ-ზე დაფუძნებული თერაპია გლიობლასტომის, ტვინის კიბოს აგრესიული ფორმის, ზრდის ჩასახშობად.ამ კლინიკური კვლევების შედეგებმა მკვლევრები მიიყვანა იმ დასკვნამდე, რომ რნმ ვაქცინებს თავად შეუძლიათ იმუნური სისტემის უფრო აქტიური გახადონ სიმსივნესთან ბრძოლაში, თუ ისინი ასტიმულირებენ ე.წ. 1 ტიპის ინტერფერონების გამომუშავებას. ეს არის ის, რასაც ბიოლოგები უწოდებენ ცილოვანი მოლეკულების ერთობლიობას, რომლებიც წარმოიქმნება ორგანიზმში ვირუსების შეღწევისას და ააქტიურებენ იმუნურ სისტემას ნებისმიერი საფრთხის წინააღმდეგ ბრძოლაში.ამ იდეით ხელმძღვანელობისას, მკვლევრებმა მოამზადეს რნმ-ის მოლეკულები, რომლებიც იმუნურ უჯრედებს ინტერფერონების უდიდესი რაოდენობის გამომუშავების საშუალებას აძლევს და შეფუთეს ისინი ცხიმის ნანონაწილაკებში. მკვლევრებმა ამ ვაქცინის მოქმედება გამოცადეს თაგვებზე ექსპერიმენტებში, რომელთა სხეულშიც მელანომის, კანის კიბოს, აგრესიული ფორმების ნიმუშები იყო ჩანერგილი. მეცნიერებმა მათ ორგანიზმში შეიტანეს რნმ ვაქცინა და ანტისხეულებზე დაფუძნებული იმუნოთერაპია, რაც ზრდის T უჯრედების აქტივობას და აიძულებს მათ უფრო აქტიურად შეუტიონ სიმსივნეს.ამ ექსპერიმენტებმა აჩვენა, რომ რნმ ვაქცინამ მნიშვნელოვნად გაზარდა იმუნოთერაპიის ეფექტურობა და უფრო აქტიურად შეაღწია სიმსივნეში, რის შედეგადაც მისი მოცულობა დაახლოებით სამჯერ ნაკლები გახდა, ვიდრე მხოლოდ იმუნოთერაპიის გამოყენებისას.ბიოლოგებმა მსგავსი შედეგები მიაღწიეს ტვინის კიბოთი დაავადებული შინაური ძაღლების მკურნალობაში, რაც მიუთითებს რნმ ვაქცინის მოქმედების უნივერსალურ ბუნებაზე სიმსივნეების დიდ რაოდენობაზე. მეცნიერების დასკვნით, მომავალში ეს მნიშვნელოვნად გაზრდის კიბოს მრავალი ფორმის მკურნალობის ეფექტურობას.

1752838257

მისი თქმით, უვიზო მიმოსვლა არის ტექნიკური საკითხი, - „შენ ან გიწევს რიგში დგომა, ან არა“.„ეს არის სპეკულაცია. თუ გინდა კონკრეტული მიმართულებით მაღალი ხარისხის სამედიცინო დახმარება მიიღო, სხვა ქვეყნებიც არის, უამრავი ქვეყანაა. ეს თითიდან გამოწოვილი ამბავია, სპეკულაციაა.რაც შეეხება უვიზო მიმოსვლას - ეს არის ტექნიკური საკითხი, შენ გიწევს რიგში დგომა ვიზასთან დაკავშირებით, ან არა. ეს სამივე კანონი: გამჭვირვალობის, გრანტების, „ფარას“ არის მიმართული სტაბილურობის დაცვისთვის. სტაბილურობა თუ არ გვექნება ქვეყანაში გინდა უვიზოდ წადი მერე სხვა ქვენაში და გინდა ვიზით. არანაირი მნიშვნელობა არ აქვს,“ - განაცხადა კობახიძემ.

1752830650

ამ რევოლუციური კვლევის შედეგები გამოქვეყნდა ავტორიტეტულ სამეცნიერო ჟურნალ Science Signaling-ში.მეცნიერებმა აღმოაჩინეს, რომ CXCL12 მნიშვნელოვან როლს ასრულებს სისხლის წითელი უჯრედების მომწიფებაში, რაც ხელს უწყობს წინამორბედ უჯრედებს ბირთვის მოშორებაში - მათი სრულფასოვან სისხლის წითელი უჯრედებად გარდაქმნის საკვანძო ეტაპი. სისხლის წითელი უჯრედები ადამიანის სისხლის მოცულობის 45%-ს შეადგენენ და ასრულებენ სასიცოცხლო ფუნქციას - ჟანგბადის მიწოდებას სხეულის ყველა ქსოვილში.ბუნებრივ პირობებში, ეს რთული პროცესი ხდება ძვლის ტვინში, სადაც ღეროვანი უჯრედები თანმიმდევრულად გარდაიქმნებიან ერითრობლასტებად, ბირთვის დაკარგვის შემდეგ, მწიფე სისხლის წითელი უჯრედებად იქცევიან. ბირთვის დაკარგვა არ არის მხოლოდ ფორმალობა, არამედ უჯრედების შეკუმშვისა და ჰემოგლობინის კონცენტრაციის გაზრდის აუცილებელი მექანიზმი, რაც აუმჯობესებს ჟანგბადის ტრანსპორტირების ეფექტურობას.მკვლევრებმა აჩვენეს, რომ CXCL12-ის ლაბორატორიაში დამატება წარმატებით ახდენს სისხლის უჯრედების განვითარების ამ კრიტიკული ეტაპის იმიტაციას, რაც ხელოვნური სისხლის წარმოების ტექნოლოგიების გაუმჯობესების ახალ შესაძლებლობებს ქმნის.დღემდე, ხელოვნური სისხლის წითელი უჯრედები ძირითადად ჭიპლარის სისხლის ან ძვლის ტვინის ღეროვანი უჯრედებიდან იქმნება, მაგრამ მათი ხელმისაწვდომობა სერიოზულად შეზღუდულია. მიუხედავად იმისა, რომ თანამედროვე ტექნოლოგიები უკვე იძლევა ჩვეულებრივი უჯრედების ღეროვან უჯრედებად გადაპროგრამების საშუალებას, ბირთვის მოშორების პროცესის ეფექტურობა 40%-ს არ აღემატება. CXCL12-ის გამოყენებას შეუძლია მნიშვნელოვნად გაზარდოს ეს მაჩვენებელი, რაც ხელოვნური სისხლის წარმოებას უფრო ეფექტურს და ეკონომიურს გახდის.ეს აღმოჩენა განსაკუთრებით მნიშვნელოვანია იშვიათი სისხლის ჯგუფების შესაქმნელად და პერსონალიზებული მედიკამენტების შემუშავებისთვის ისეთი სერიოზული დაავადებების სამკურნალოდ, როგორიცაა ნამგლისებრუჯრედოვანი ანემია და თალასემია. გარდა ამისა, ხელოვნური სისხლის მასობრივ წარმოებას შეუძლია გადაჭრას დონორის სისხლის დეფიციტის გლობალური პრობლემა, განსაკუთრებით საგანგებო სიტუაციებში და სამედიცინო მომსახურებაზე შეზღუდული წვდომის მქონე რეგიონებში.

1752148007

როგორც მან ჟურნალისტებს განუცხადა, თორნიკე რიჟვაძე კლინიკაში დაახლოებით 06:30 საათზე გადმოიყვანეს და მისი მდგომარეობა იყო მძიმე.„პაციენტი შემოყვანილია დღეს დილით, დაახლოებით 06:30 საათზე. გადმოყვანილი იქნა სხვა კლინიკიდან, მდგომარეობა შემოსვლისას იყო საკმაოდ მძიმე, ვინაიდან კლინიკურად სახეზე იყო ტრავმულ - ჰემორაგიული შოკის კლინიკა. ამ წუთში, მისი მდგომარეობა დადებითი დინამიკითაა, ვინაიდან შოკის ხარისხი შემცირებულია, ჰემოდინამიკის პარამეტრები მეტ ნაკლებად აღდგენილია, იმყოფება მართვით სუნთქვაზე, უტარდება ის სამკურნალო ღონისძიებები, რაც პროტოკოლითაა გათვალისწინებული“,- განაცხადა რატიანმა.ცნობისთვის, დღეს დილით, შინაგან საქმეთა სამინისტრომ გაავრცელა ინფორმაცია, რომ საგარეჯოს „ჯეოჰოსპიტალსში“, შეყვანილი იქნა ა/რ მთავრობის ყოფილი თავმჯდომარე თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა. უწყების ინფორმაციით, თორნიკე რიჟვაძეს ჩაუტარდა გადაუდებელი სამედიცინო დახმარება. ექიმების განმარტებით, მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა. მოგვიანებით კი, რიჟვაძე საგარეჯოდან პირველ საუნივერსიტეტო კლინიკაში გადაიყვანეს.არსებული ინფორმაციით, თორნიკე რიჟვაძის საქმეზე, ცეცხლსასროლი იარაღის დაუდევრად შენახვისთვის, ბრალდებულის სახით ალექსი ახვლედიანია დაკავებული.

1751884614

მათივე ცნობით, თორნიკე რიჟვაძეს ჩაუტარდა გადაუდებელი სამედიცინო დახმარება.„7 ივლისს, საგარეჯოს „ჯეოჰოსპიტალსში“, შეყვანილი იქნა თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა.შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები.თორნიკე რიჟვაძეს ჩაუტარდა გადაუდებელი სამედიცინო დახმარება. ექიმების განმარტებით, მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა.ასევე, ცეცხლსასროლი იარაღის დაუდევრად შენახვისთვის, საქართველოს სისხლის სამართლის კოდექსის 238-ე მუხლით, ბრალდებულის სახით ერთი პირია დაკავებული“,- ნათქვამია ინფორმაციაში.

1751873566

✅ფილტვის დაზიანება:- ვეიპინგთან ასოცირებულია ე.წ. EVALI– Vaping Associated Lung Injury,რომელიც შეიძლება მწვავედ განვითარდეს და საჭირო გახდეს ინტენსიური მკურნალობა.  - სიმპტომები: ხველა, ქოშინი, ტკივილი მკერდში, ცხელება, სისუსტე.  - ზოგიერთ შემთხვევაში ვეიპინგი იწვევს პნევმონიის მსგავს ინფილტრატებს ან ლიპიდურ პნევმონიას,ხშირად საჭირო ხდება დიფერენცირება ფილტვის სიმსიმვნესთან✅ნიკოტინის ეფექტები:- ახდენს ზეგავლენას ტვინის განვითარებაზე– აფერხებს მეხსიერებას, კონცენტრაციას, ზრდის შფოთვას, უძილობას.  - ზრდის სხვა ნარკოტიკულ ნივთიერებებზე გადასვლის რისკს.✅ქიმიური ტოქსიკურობა:- ბევრ ვეიპ მოწყობილობაში ნაპოვნია მძიმე ლითონები (ტყვია, ნიკელი), ფორმალდეჰიდი და სხვა კანცეროგენული ნივთიერებები.✅სტატისტიკა:- აშშ-ს CDC-ის მონაცემებით, EVALI-ის 2020 წლის მდგომარეობით 2800-ზე მეტი დადასტურებული შემთხვევა და მრავალი სიკვდილი დაფიქსირდა.  - მოზარდებში ვეიპინგის მოხმარება იზრდება – 12-დან 17 წლამდე ასაკში 1-დან 5 მოზარდს აქვს მოხმარების გამოცდილება.✅ ვეიპის მოხმარება რეალური საფრთხეა როგორც სასუნთქი სისტემისთვის, ისე ფსიქიკური ჯანმრთელობისთვის. პრევენციისთვის საჭიროა მეტი განათლება და ადრეული ჩარევა,მეტი საუბარი მის მავნეობაზე!!!“, - წერს პედიატრი, ინგა მამუჩიშვილი სოციალურ ქსელში.

1751448872

როგორც ABC.AZ იტყობინება, გარდა ამისა, აეროზოლში ლითონების დონე იზრდება თითოეული შესუნთქვისას: რაც უფრო მეტს შეისუნთქავთ, მით უფრო მაღალია ლითონების კონცენტრაცია ორთქლში.მეცნიერებმა ასევე აღმოაჩინეს, რომ ელექტრონული სიგარეტის მოწევისას ტყვია უზარმაზარი რაოდენობით ორთქლდება: ერთი ელექტრონი დღეში ამ ლითონს უფრო მეტს გამოყოფს, ვიდრე თითქმის 20 კოლოფი სიგარეტი. ანუ, ეს 380 სიგარეტის მოწევის ეკვივალენტურია.სხვა საკითხებთან ერთად, ზოგიერთ მოწყობილობაში ნიკელისა და სტიბიუმის დონემ დასაშვებ კონცენტრაციას გადააჭარბა, რის შემდეგაც კიბოს განვითარების რისკი მკვეთრად იზრდება.

1751274252

როგორც მთავრობის მეთაურმა აღნიშნა, საზოგადოებაში არსებობს საფუძვლიანი ვარაუდი, რომ კერძო კომპანიების მიერ გაწეული მომსახურება, ხშირ შემთხვევაში, არა პაციენტის განკურნებას, არამედ მისთვის ნარკოტიკული საშუალების ლეგალურად მიწოდებას ისახავს მიზნად.„როგორც ცნობილია, ჩანაცვლებით თერაპიისთვის გამოიყენება ისეთი პრეპარატები, როგორიცაა მეთადონი და ბუპრენორფინი. საზოგადოებაში არსებობს საფუძვლიანი ვარაუდი, რომ კერძო კომპანიების მიერ გაწეული მომსახურება, ხშირ შემთხვევაში, არა პაციენტის განკურნებას, არამედ მისთვის ნარკოტიკული საშუალების ლეგალურად მიწოდებას ისახავს მიზნად. იმ პირობებში, როდესაც კერძო კომპანიას აქვს პირდაპირი კომერციული ინტერესი პრეპარატის რეალიზაციის მაქსიმალურად გაფართოების მიმართ, ბუნებრივია, მას აქვს ძლიერი ცდუნება, არა პაციენტის განკურნებაზე, არამედ პრეპარატის რეალიზაციაზე იყოს ორინტირებული. ამგვარი პრაქტიკა სრულად უნდა აღიკვეთოს. აქედან გამომდინარე, მივიღეთ გადაწყვეტილება, სრულად ავკრძალოთ ჩანაცვლებითი თერაპიის პროგრამების განხორციელება კერძო სუბიექტების მიერ“, - განაცხადა პრემიერ-მინისტრმა.მისივე თქმით, ძალზე მნიშვნელოვანია, ჩანაცვლებითი მკურნალობის განხორციელებაზე, რომელიც მაღალი რისკის შემცველ სამედიცინო საქმიანობათა კატეგორიას განეკუთვნება, სრული პასუხისმგებლობა აიღოს სახელმწიფომ, რომელიც თავისი დაწესებულებების მეშვეობით, მკურნალობის პროცესში ერთიანი სტანდარტის დამკვიდრებას უზრუნველყოფს.„გამკაცრდება კონტროლი ჩანაცვლებითი თერაპიის სახელმწიფო პროგრამების განხორციელებაზე. მკაცრად იქნება უზრუნველყოფილი, რომ თითოეული მომსახურება პაციენტის მაქსიმალურად სწრაფ განკურნებას მოემსახუროს და არ მოხდეს მისი ბოროტად გამოყენება ე.წ. ლეგალური ნარკომანიის წასახალისებლად. ასევე, დღეს ვთხოვე საქართველოს ჯანდაცვის მინისტრს, უზრუნველყოს ჩანაცვლებითი თერაპიისთვის განკუთვნილი ინფრასტრუქტურის მაქსიმალურად მოკლე ვადებში გატანა მჭიდროდ დასახლებული სივრცეებიდან. დღეს ამ ინფრასტრუქტურის მნიშვნელოვანი ნაწილი სწორედ მჭიდროდ დასახლებულ სივრცეებშია განთავსებული, რაც ადგილობრივი მოსახლეობის საფუძვლიან უკმაყოფილებას იწვევს“, - განაცხადა ირაკლი კობახიძემ.ინფორმაციას მთავრობის ადმინისტრაცია ავრცელებს.

1750848016