,,ცინცაძის 1 ნომერში განთავსდა რობოტი, რომელიც არის დამხმარე ჩვენი ფარმაცევტის. ის ზოგავს როგორც ფარმაცევტის დროს, ასევე ჩვენი მომხმარებლის დროს. ეს არის სააფთიაქო რობოტი. ეხმარება წამლების მოძიებაში. თითქმის ყველა წამალი, უმრავლესობა, რაც კი ავერსის სააფთიაქო ქსელშია განთავსებული, თითქმის ყველაფერია სააფთიაქო რობოტში ჩატვირთული. მხოლოდ ერთი ღილაკის დაჭერით ხდება. სპეციალური ფანჯარაა, სადაც ვარდება პროდუქცია. ერთი მოძრაობით, ძალიან სწრაფად ხდება პროდუქტის მიწოდება. სამარაგოში აღარ უწევს ფარმაცევტს შესვლა. ძიება მაინც გარკვეულ დროს მოითხოვს. ეს იმდენად მოსწონს ჩვენს მომხმარებელს ვფიქრობთ, რომ სხვა აფთიაქებში დავნერგოთ, სადაც სივრცე მოგვცემს ამის შესაძლებლობას, რომ განვათავსოთ. რადგან საკმაოდ დიდი სივრცე სჭირდება ჩვენს სააფთიაქო რობოტს.’’- განაცხადა ლალი ბერგაძემ ,,კომერსანტის“ შემაჯამებელ ეთერში.,,ავერსი’’ პირველი სააფთიაქო ქსელია, რომელმაც მომხმარებელს თვითმომსახურების სერვისი შესთავაზა და აფთიაქებში სწრაფი გადახდის აპარატები დაამონტაჟა. მომხმარებელს დარბაზში პროდუქტის შერჩევა და თანხის გადახდა დამოუკიდებლად შეუძლია. ,,ავერსის’’ საზოგადოებასთან ურთიერთობის სამსახურის ხელმძღვანელი აცხადებს, რომ ეს სერვისი ძალიან კომფორტული აღმოჩნდა, ამიტომ გეგმავენ ქსელში არსებულ ყველა აფთიაქი სწრაფი გადახდის მონიტორებით აღჭურვონ.„ავერსი’’ იყო პირველი სააფთიაქო ქსელი, რომელმაც სულ ცოტა ხნის წინ დანერგა სწრაფი გადახდის აპარატი და მთელი საქართველოს მასშტაბით, უკვე საკმაოდ ბევრ სააფთიაქო ქსელშია. მომხმარებელი დარბაზში არსებულ პროდუქციას აიღებს ფარმაცევტის დახმარების გარეშე. თვითონ აკეთებს არჩევანს და თავად იხდის აპარატით, ისე რომ არ სჭირდება რიგში დგომა. სწრაფად, მარტივად და ურიგოდ იძენს ნივთს. სწრაფი გადახდის აპარატების ყველგან განთავსება გვინდა. იმიტომ, რომ იმდენად მოსწონს მომხმარებელს თვითმომსახურების აპარატი, რომ გვინდა ყველგან განვათავსოთ ქსელში.’’- განაცხადა ლალი ბრეგაძემ.,,ავერსის’’ საზოგადოებასთან ურთიერთობის სამსახურის ხელმძღვანელი აცხადებს, რომ ქსელის მომხმარებელთა რაოდენობა 2024 წელს გაიზარდა. ლალი ბრეგაძის თქმით, გასული წელი რთული იყო, თუმცა სააფთიაქო ქსელმა ერთგული მომხმარებლების რაოდენობის გაზრდა შეძლო. ეს სააქციო შეთავაზებებმა და სხვადასხვა პროდუქტზე ყოველკვირეულმა ფასდაკლებამ განაპირობა.,,2024 წელი რთული იყო, რა თქმა უნდა, როგორც ყველა ბიზნესისთვის, თუმცა ჩვენ ვცდილობთ, რომ მეტი ლოიალური და მეტი ერთგული მომხმარებელი შეიძინოს ,,ავერსმა’’. 2024 წელი შედარებით იყო გამორჩეული ერთგული მომხმარებლების ზრდით. ერთგული მომხმარებლების რიცხვი ნამდვილად არის გაზრდილი. ჯანსაღი კონკურენცია გვაქვს ჩვენს ბაზარზე. შესაბამისად, ვცდილობთ რომ ამ ჯანსაღ კონკურენციას, ამ გამოწვევებს ვუპასუხოთ. ვცდილობთ, უპირველეს ყოვლისა მოსახლეობას შევთავაზოთ მათთვის სასარგებლო აქციები და შეთავაზებები. ჩვენ თითქმის ყოველკვირეულად გვქონდა შეთავაზებები სხვადასხვა პროდუქტებზე. ეს ეხებოდა როგორც სახისა და სხეულის მოვლის საშუალებებს, ბავშვთა კვებას, ბავშვთა მოვლას, ასევე ეხებოდა მედიკამენტებს. სწორედ, ამან განაპირობა ,,ავერსის'' ერთგული მომხმარებლების რაოდენობის ზრდა 2024 წელს.’’- განაცხადა ლალი ბრეგვაძემ.2025 წელს ,,ავერსი’’ ქსელის გაფართოებას გეგმავს. ახალი აფთიაქები გაიხსნება როგორც თბილისში, ასევე იმ ქალაქებში, სადაც ქსელს ფილიალი ჯერ არ აქვს.commersant.ge

1736517007

ვთვლით, რომ არ უნდა ვუპასუხოთ აღნიშნულ განცხადებას, ხოლო გავრცელებულ დეზინფორმაციაზე საქართველოს მოსახლეობას უნდა მივაწოდოთ ობიექტური ინფორმაცია.პოსტსაბჭოთა სივრცეს, რუსეთის ლოჯისტიკური საწყობებიდან, ამარაგებდა მრავალი დასავლური კომპანია. მათ შორის, ჩვენი პარტნიორები, როგორებიცაა „ბაიერ კონსუმერი“ (ყველაზე ცნობილი ბრენდი ,,ასპირინი“), „სანოფი“, (ყველაზე ცნობილი ბრენდი ნო-შპა), „რეკიტ ბენკიზერი“ (ყველაზე ცნობილი ბრენდი NUROFEN), ცნობილი ფრანგული კომპანია „ლორეალი“ (VICHY-ს ბრენდი), „შტადა“ - ,,ნიჟფარმი“. ყველა ფარმაცევტული კომპანია საქართველოში და არამარტო საქართველოში, აგრეთვე რეგიონშიც, ევროპულ პროდუქციას იღებდნენ რუსეთში განლაგებული ლოჯისტიკური საწყობებიდან. აღსანიშნავია, რომ ყველ კომპანიას და მათ შორის ჩვენს კომპანიასაც გააჩნია პირდაპირი კონტრაქტები ამ ევროპულ ბრენდებთან, მაგრამ ლოჯისტიკური მომარაგება ხდებოდა რუსეთის გავლით.სიმართლე არის ის, რომ ჩვენ ვაწარმოებთ ბიზნესს არა რუსეთთან, არამედ გერმანულ „ბაიერთან“, ფრანგულ „ლორეალთან“, ბრიტანულ „რეკიტ ბენკიზერთან“.აღსანიშნავია ისიც, რომ ზემოთ ჩამოთვლილი კომპანიების ნაწილმა უკვე შეცვალა მომარაგების გზები და პირდაპირი მოწოდებით, ჩვენი მეშვეობით, აწვდის საქართველოს თავის პროდუქციას, - „ლორეალი“ - საფრანგეთიდან, „სანოფი“ - უნგრეთიდან და ,,ბაიერი“ შვეიცარიიდან. დასავლურ კომპანიებს გადააქვთ თავისი ლოჯისტიკური საწყობები, მთელი ინფრასტრუქტურა, ცვლიან ლოჯისტიკურ ჯაჭვებს და ახორციელებენ საქართველოსთან პირდაპირ ბიზნეს-ურთიერთობებს. სწორედ ამიტომ გვინდა ევროპა!ზემოთ აღნიშნული განცხადება არ არის პირველი შემთხვევა, როცა კომპანიის წინააღმდეგ არაობიექტური ინფორმაცია ვრცელდება. ამას აღვიქვამთ, როგორც თავისუფალ ბიზნესზე მორიგი ზეწოლის და დაზარალების მცდელობას, რადგან სხვა კომპანიებთან ერთად ჩვენც შევუერთდით მოსახლეობაზე ძალადობის შეწყვეტის, ახალი არჩევნების დანიშვნის და ბოლო პროცესების დროს დაპატიმრებული ადამიანების გათავისუფლების მოთხოვნას.

1735282620

მინისტრის თქმით, 70 წლის და მეტი ასაკის პენსიონერთა პენსია 35 ლარით იზრდება და 450 ლარის ოდენობით განისაზღვრება. ამავე კატეგორიის პენსიონერთა პენსია მაღალმთიან დასახლებებში 540 ლარს გაუტოლდება.„70 წლამდე პირთა პენსია, სამთავრობო პროგრამის შესაბამისად, ასევე იზრდება 35 ლარით და განისაზღვრება 350 ლარის, ხოლო მაღალმთიან დასახლებებში - 420 ლარის ოდენობით;შეზღუდული შესაძლებლობის პირთა სოციალური გასაცემელის ზრდა 35 ლარით;ჯამში, სოციალური პროგრამების დაფინანსება შეადგენს 6 მილიარდ 650 მილიონ ლარზე მეტს;ჯანდაცვის პროგრამების დასაფინანსებლად გამოყოფილია 2 მილიარდ ლარზე მეტი, მათ შორის, გათვალისწინებულია პირველადი ჯანდაცვის პერსონალის ხელფასების 10%-იანი ზრდა“,- განაცხადა ლაშა ხუციშვილმა.

1733827378

კომპანიაში აცხადებენ, რომ ქვეყანა უნდა დაუბრუნდეს ევროკავშირში გაწევრიანების სამართლებრივ გზას."PSP ჯგუფი, რომელშიც დასაქმებულია 8000 ადამიანზე მეტი, სრულად წარმოადგენს სამედიცინო სფეროში მომსახურე კომპანიას.პირველადი ჯანდაცვის ორგანიზაციები შექმნილია იმისათვის, რომ უზრუნველყოს საქართველოს მოქალაქეების ჯანმრთელობა, განურჩევლად მათი პოლიტიკური შეხედულებისა და მათი ვალდებულებაა სამედიცინო მომსახურების უწყვეტი მიწოდება მოსახლეობისთვის, რათა ჰქონდეთ წვდომა საჭირო სამედიცინო სერვისებსა და მედიკამენტებზე.ვგმობთ თბილისსა და საქართველოს სხვა ქალაქების ქუჩებში განხორციელებულ ძალადობას!გვსურს ჩვენი ქვეყანა იყოს ზედმიწევნით დემოკრატიული და შეუჩერებლად დაუბრუნდეს ევროკავშირში გაწევრიანების სამართლებრივ გზას", - წერია განცხადებაში.

1733740870

დადგენილებები სამედიცინო სფეროს წარმომადგენლებისთვის რიგ პრობლემურ საკითხებთან არის დაკავშირებული, მათ შორის საქართველოს ბიზნესასოციაციაც აცხადებდა, რომ დადგენილებები „შეიცავდა ფარმაცევტულ ბაზარზე პროდუქციის დეფიციტის შექმნის რისკებს, ვინაიდან ადგილობრივი წარმოება ვერ მოასწრებდა ახალ სტანდარტებთან ადაპტირებას“.ცნობისთვის, 52-ე დადგენილების თანახმად, ფარმაცევტული წარმოების პროცესში გამოყენებული აქტიური ნივთიერება წარმოებული უნდა ყოფილიყო ისეთი ქარხნის მიერ, რომელიც GMP სტანდარტებს აკმაყოფილებდა. 51-ე დადგენილების მიხედვით კი, ფარმაცევტული პროდუქტის რეგისტრაციისთვის ევროკავშირის წევრი ქვეყნების მარეგულირებლის, აშშ-ის საკვებისა და წამლების ადმინისტრაციის, ჯანმრთელობის მსოფლიო ორგანიზაციის (WHO) ან საქართველოს მარეგულირებელი ორგანოს მიერ გაცემული GMP სტანდარტით წარმოების დამადასტურებელ დოკუმენტის წარდგენა სავალდებულო ხდებოდა.„ბიზნესპრესნიუსთან“ საუბრისას სამედიცინო ასოციაციების გაერთიანების ხელმძღვანელი არჩილ მორჩილაძე აღნიშნავს, რომ რეგულაციის მიღება კრიტიკული მნიშვნელობის არ ყოფილა. მისი თქმით, მეტად მნიშვნელოვანია, რომ აქცენტი გაკეთდეს ქვეყანაში მედიკამენტების ჭარბი მოხმარების შემცირებაზე.„ეს დადგენილები ეხებოდა ზოგადად ხარისხის თემას. მე არ ვთვლი, რომ ამის ამოქმედება კრიტიკული იყო. ჩვენ სხვა რამეს ვითხოვდით, ეს ეხებოდა მედიკამენტების ჭარბ მოხმარებას. უფრო კონკრეტულად, პოლიფარმაცია ბიოლოგიურად აქტიური საკვები დანამატების მოხმარების ხარჯზე არაპროპორციულად იყო გაზრდილი. აღნიშნული დადგენილებები ამ მიზანს არ ემსახურებოდა და ამას ვერ შეამცირებდა,“ - აღნიშნა მორჩილაძემ.სამედიცინო სექტორის მოთხოვნად კვლავ რჩება იმგვარი ცვლილებების მიღება, რომელიც ფარმაცევტული პროდუქტების ნებაყოფლობით რეგისტრაციას დაარეგულირებს.„ჩვენი მოთხოვნა კვლავ რჩება ის, რომ უნდა მიიღონ ისეთი რეგულაცია, რომელიც ქვეყანაში ფარმაცევტული პროდუქტების ნებაყოფლობით რეგისტრაციას შეწყვეტს. ჩვენი ბაზარი გაჯერებულია ჰომეოპათიური და საკვები დანამატებით, რასაც არანაირი სამკურნალო თვისებები არ გააჩნია. შესაბამისად, ეს აწვება მხოლოდ პაციენტის ჯიბეს.საყურადღებოა საკვებ დანამატებზე დღგ-ს განაკვეთიც, მას შემდეგ რაც საერთაშორისოდ საკვებ დანამატად აღიარებული ფარმაცევტული პროდუქტი რეგისტრირდება მედიკამენტად, მწარმოებელს ეგზავნება მისი წამლად რეგისტრაციის მოწმობა, რის შემდეგაც ამ პრეპარატებისთვის ხდება წამლის შესაბამისი საერთაშორისო საბაჟო კოდის მინიჭება და ის უკვე თავისუფლდება დამატებითი ღირებულების გადასახადისგან.ასევე საყურადღებოა, რომ უკვე რეგისტრაციის შემდეგ ფარმაცევტულ პროდუქტი იძენს „რეკლამირების“ უფლებას. როგორც მოგეხსენებათ კანონი „წამლისა და ფარმაცევტული საქმიანობის“ შესახებ კრძალავს საკვები დანამატების რეკლამირებას“, - განაცხადა არჩილ მორჩილაძემ.წყარო: BPN.GE

1733309365

საქართველო-ამერიკის შეერთებული შტატების ურთიერთობაში ამჟამად არსებულ დინამიკაზე ამირან გამყრელიძემ „ინტერპრესნიუსთან“ ისაუბრა და განმარტა, რომ ის, რაც დაავადებათა კონტროლის ეროვნული ცენტრის ირგვლივ ახლა ხდება „კარგი არ არის“.„რაც დაავადებათა კონტროლის ეროვნული ცენტრის ირგვლივ ხდება, სამწუხაროდ, არ არის კარგი. არ წაადგება და ადგება ქართულ-ამერიკულ ურთიერთობებს. ვისურვებდი, ამ ურთიერთობებში ხინჯი არ შესულიყო. გიდასტურებთ, რომ შეჩერდა CDC-ს პროექტები, ათობით პროექტი იყო, რაც დაპაუზდა. სხვა პარტნიორებთან, როგორიც არის საფრთხის შემცირების სააგენტოს პროექტები გრძელდება, მას შორის აშშ-ს კერძო სექტორის მიერ განხორციელებული პროექტები.ის, რომ ათობით პროექტი დაპაუზდა, კარგი არ არის. ეს ყველაფერი პოლიტიკურ სიტუაციაზეა დამოკიდებული. მნიშვნელოვანია სწრაფად იყოს აღდგენილი. სახელმწიფო შედარებით ძლიერია, ვიდრე 90-იან წლებში ვიყავით. 2 მილიონი სერიოზული ციფრია, მაგრამ ურთიერთობები ფულში არ გამოიხატებოდა. ისინი აღგვიქვამდნენ სტრატეგიულ პარტნიორებად, ამიტომ განხორციელდა არაერთი პროექტი. ჩემს ყოფილ თანამშრომლებს აღარ ეძლევათ კონფერენციებზე სიარულის და ტრენინგებზე დასწრების საშუალება. ამის შენელებას ვანიჭებ მნიშვნელობას, ვიდრე თანხობრივ ნაწილს. სახელმწიფოს შეუძლია კომპენსირებით ამის გაკეთება და როგორც ვიცი, ნაწილს აკეთებს.მნიშვნელოვანია ის ურთიერთობები, რაც CDC-სთან იყო და დაპაუზებულია. ვისურვებდი, სწრაფად აღდგენილიყო ურთიერთობები აშშ-თან. მთლიანად ქვეყანას განვითარება ამერიკის შეერთებული შტატების გარეშე გაგვიჭირდება. ვისურვებდი, ჯანდაცვის სფეროში ეს პროექტები მალე აღდგენილიყო“,- აღნიშნა ამირან გამყრელიძემ.

1733303117

27 ნოემბრის საღამოს 19:00 საათიდან 29 ნოემბრის ჩათვლით „ავერსი“ გთავაზობთ:ზუსტად 60%–იან ფასდაკლებას წამყვან ბრენდებზემხოლოდ შეზღუდული დროით თქვენი საყვარელი ბრენდების პროდუქცია წარმოუდგენელ ფასად: AHAVA, ACCOJE, That’So, Mesauda, Olivenol, Dermedic, IL SALONE, Beter, Byphasse, Evoluderm და სხვა.ჩეკის განულების სამმაგ შესაძლებლობას:გადახდის დროს შესაძლოა აღმოაჩინოთ, რომ ჩეკი გაგინულდათ, ანუ სრულიად უფასოდ წაიღებთ შინ თქვენ მიერ შერჩეულ პროდუქციას.პრემიუმ ბრენდების ასორტიმენტიდან 300–ლარიან შენაძენზე – კანის მოთხოვნად პროცედურებს საჩუქრად„ავერსისა“ და „კანი ესთეტიკის“ ერთობლივი პროექტის ფარგლებში პრემიუმ ბრენდების მომხმარებელი დასაჩუქრდება კანის ისეთი მოთხოვნადი პროცედურებით, როგორიც არის ბიორევიტალიზაცია, მეზოთერაპია, RF ლიფტინგი და სხვა. ეს შეთავაზება 10 აფთიაქშია ხელმისაწვდომი.100–ლარიან შენაძენზე დასაჩუქრდებით წამყვანი ბრენდების თავის მოვლის საშუალებებით.ბავშვთა კვების, მოვლის, ინვენტარისა და აქსესუარების ბრენდებზეც საოცარი ფასდაკლებები და შეთავაზებები გელით, რაც ოჯახების სიხარულსაც გააორმაგებს.არ გამოტოვოთ გრანდიოზული დღეები, ეწვიეთ „ავერსის“ სააფთიაქო ქსელს!დაწვრილებითი ინფორმაციისთვის ეწვიეთ ბმულებს: https://shop.aversi.ge/ka/ Facebook გვერდი

1732779304

საქართველოს მასშტაბით 50%-მდე ფასდაკლება ვრცელდება როგორც აფთიაქებში, ისე ვებგვერდსა PSP.GE და აპლიკაციაში PSP App მსოფლიოში ცნობილ პრე­მი­უმ და დერ­მა­ტო­ლო­გი­ურ ბრენ­დების: Caudalie, SVR, Esthederm, Bioderma, Payot, Algologie, Mizon, Missha, Vilage, Avene, Vichy, Kaypro, La Petit Olivier, Ziaja, Sebamed, Pharmaceric და სხვა მრავალფეროვან ასორტიმენტზე; პირის ღრუს მოვლის იტალიური და შვეიცარული ბრენდების: Curasept, Biorepair, Blanx, Wild, Promice, Piave პროდუქციაზე.ინოვაციური კონცეფციის PSP აფთიაქში, პეკინის N14-ში და ონლაინ პლატფორმაზე PSP.GE მომხმარებელს AMARSI Fragrances, Brecourt, PH Fragrances, Baruti, Electimuss, Eutopie, Brera6, Affinessence, Nout, Anima Mundi, Cigno Nero, Pompeii - ფრანგული, იტალიური, ბრიტანული, ნიდერლანდური, შვეიცარული ნიშ პარფიუმის შეძენა ასევე განახევრებულ ფასად შეუძლია.განსაკუთრებული სიახლე! ტრადიციული აქციების გარდა, წელს PSP პირველად გთავაზობთ აუთლეტ სტენდებს. აუთლეტ სტენდებზე პრემიუმ ბრენდების ათეულობით პროდუქტის შეძენა მომხმარებელს შეუძლია 70%-იანი ფასდაკლებით საკუთარი მარაგისთვის და საჩუქრებად.მრავალფეროვანი შეთავაზებებია ბავშვთა კვების, ჰიგიენის და მოვლის ყველაზე ფართო ასორტიმენტზე: როგორც 1+1 კონკრეტულ პროფუქტებზე, მოთხოვნად პროდუქტებზე ფიქსირებული დაბალი ფასი და 50%-იანი ფასდაკლება ფრანგულ და ამერიკულ Dodie, Real Shades, Lansinoh, Luc et Lea ბავშვის მოვლის საშუალებებზე.“ყოველწლიურად, ნოემბრის ბოლოს მომხმარებელი განსაკუთრებით ელოდება PSP-ს შეთავაზებას საყვარელი ბრენდების პროდუქტების მარაგის და საჩუქრებად შესაძენად. PSP პირველი კომპანიაა საქართველოში, რომელმაც 2019 წელს რეალური 50%-იანი ფასდაკლება შესთავაზა საზოგადოებას და წლებია ტრადიციად აქცია. საინტერესო და სარგებლიანი შეთავაზებებით PSP მუდმივად ანებივრებს მომხმარებელს, წლევანდელი სიახლე - აუთლეტ სტენდები, კოსმეტიკის პროდუქტების 50 ლარიან შენაძენზე საჩუქრად დეკორატიული კოსმეტიკა, დამატებით საშუალებას აძლევს დაზოგონ მეტი და მარტივად იზრუნონ სილამაზეზე,“- აცხადებენ PSP-ში.ეწვიეთ PSP-ს 22-დან 30 ნოემბრის ჩათვლით, მოიმარაგეთ საჩუქრები და საყვარელი ბრენდების თავის მოვლის საშუალებები და კოსმეტიკა დიდი ფასდაკლებებით.

1732259552

„ავერსის კლინიკა“ პირველი სამედიცინო დაწესებულებაა საქართველოში, რომელმაც მკურნალობის ეს ყველაზე თანამედროვე მეთოდი დანერგა. გამა ნაიფის (Gamma Knife), მისი უნიკალური შესაძლებლობებისა და საუკეთესო შედეგების გამო, მსოფლიოს წამყვანი კლინიკები ირჩევენ. ამ რადიოქირურგიული მეთოდით წელიწადში 90 000-მდე პაციენტი იკურნება."გამა ნაიფით" (Gamma Knife) მკურნალობენ: თავის ტვინის კეთილთვისებიან სიმსივნეებს: თავის ტვინის ავთვისებიან სიმსივნეებს; სამწვერა ნერვის ნევრალგიას; ტვინის არტერიოვენურ მალფორმაციას; ნებისმიერ სიმსივნეს, რომელიც გავლენას ახდენს თავის ტვინის სასიცოცხლო ფუნქციაზე; ეპილეფსიის განსაზღვრულ ფორმებს; ესენციურ ტრემორს. პროცედურის დროს რადიაქტიური სხივები კონად იკრიბება და დაზიანებული ქსოვილისკენ მიემართება მის გასანადგურებლად. აქ ყველაზე მნიშვნელოვანი ის არის, რომ სხივები არ აზიანებს ჯანმრთელ ქსოვილს."გამა ნაიფით" (Gamma Knife) მკურნალობის უპირატესობები: არაინვაზიური პროცედურაა, რომელიც არ მოითხოვს განაკვეთს, შესაბამისად, არ ტოვებს ნაიარევს თავის ქალაზე; მინიმალურია ოპერაციის შემდგომი გართულებების რისკი; მკურნალობა სრულდება ერთ სეანსში; პაციენტთა უმრავლესობა შინ ბრუნდება პროცედურიდან რამდენიმე საათის შემდეგ და მეორე დღესვე უბრუნდება ცხოვრების ჩვეულ რიტმს; უსაფრთხოა ორსულებისა და ბავშვებისთვის. გამა ნაიფი (Gamma Knife) - ვისაც ყველაზე ძვირფასს, გონებას ანდობ!ღონისძიებას ესწრებოდნენ:„ავერსის“ დამფუძნებელი პაატა კურტანიძე; დევნილთა, შრომის, ჯანმრთელობისა და სოციალური დაცვის მინისტრი- მიხელ სარჯველაძე; „ავერსის კლინიკის“ დირექტორი დიმიტრი ჯორბენაძე; Gamma Knife-ის ევროპის რეგიონის ხელმძღვანელი; სამედიცინო სექტორის წარმომადგენლები; მერიის, ჯანდაცვისა და სოციალური სამსახურის წარმომადგენლები; ჰოლდინგ „ავერსის“ წარმომადგენლები.  

1731045660

სამინისტროს ინფორმაციითვე, იმუნიზაციის სახელმწიფო პროგრამის ფარგლებში, საქართველომ, Abbott Biologicals B.V.-ის წარმოების, ოთხ-კომპონენტიანი ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.„გრიპის ვირუსის საწინააღმდეგო ვაქცინაცია რისკ ჯგუფებს, სახელმწიფო პროგრამის ფარგლებში ჩაუტარდებათ.გრიპის სეზონისათვის ქვეყანაში გრიპის ვაქცინაციის მიზნით მაღალი რისკის ჯგუფებად განისაზღვრა: დიაბეტის მქონე პირები; დიალიზზე მყოფი პირები; C ჰეპატიტის მქონე პირები,აივ ინფექცია/შიდსისა და ორგანოგადანერგილი და მუკოვისციდოზის დაავადების მქონე პირები.აგრეთვე, 60 წლის და უფროსი ასაკის ხანდაზმული პირები; ორსულები; ზოგადსაგანმანათლებლო დაწესებულების (სკოლები) პედაგოგები; ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი; სავალდებულო ვაქცინაციას დაქვემდებარებული მედპერსონალი და სხვ.4 ნოემბრიდან კი, სეზონური გრიპის საწინააღმდეგო ვაქცინაცია, ყველა მსურველისთვის უფასოა.აცრა ვაქცინაციის სერვისის მიმწოდებელ სამედიცინო დაწესებულებებში 6 თვის ასაკიდანაა შესაძლებელი და ბენეფიციარებისთვის სრულად უფასოა.დაწესებულებების ბმული: https://ncdc.ge/#/pages/content/666ecf18-b8a9-446b-8a9d-f48cfb1e6c22“, – აღნიშნულია ინფორმაციაში.

1729250941