დისკუსიის ფარგლებში მონაწილეებმა რეგიონის ეკონომიკებზე გლობალური მოვლენების გავლენა, მათთან დაკავშირებული გამოწვევები და ახალი შესაძლებლობები განიხილეს. განსაკუთრებული ყურადღება დაეთმო გეოპოლიტიკური დაძაბულობის, ენერგეტიკულ ბაზრებსა და საჰაერო ტრანსპორტის სექტორში არსებული შეფერხებების გავლენას ინფლაციაზე, ეკონომიკურ აქტივობასა და საგარეო სექტორზე.ეკატერინე მიქაბაძემ საქართველოს გამოცდილებაზე საუბრისას აღნიშნა, რომ ბოლო პერიოდში გლობალური შოკების გავლენა ქვეყანაში ძირითადად ინფლაციის არხით გამოიკვეთა. მისი თქმით, ეროვნული ბანკის მთავარ ამოცანად ინფლაციური მოლოდინების სტაბილურ დონეზე შენარჩუნება და იმის შეფასება რჩება, რამდენად შეიძლება პირველადი ეფექტები საბაზო და მომსახურების ინფლაციაზე აისახოს.„აღნიშნული გამოწვევების საპასუხოდ, საქართველოს ეროვნული ბანკი მკაცრ მონეტარულ პოლიტიკას ინარჩუნებს და ყურადღებით აკვირდება გლობალური შოკების გავლენას ინფლაციურ პროცესებზე. ამასთან, მონეტარული პოლიტიკის შემდგომი გადაწყვეტილებები ინფლაციის დინამიკისა და ინფლაციურ მოლოდინებზე შესაძლო გავლენის შეფასების საფუძველზე მიიღება“, - აღნიშნა ეკატერინე მიქაბაძემ.საქართველოს საგარეო პოზიციის გაძლიერებაზე საუბრისას, ყურადღება გამახვილდა მიმდინარე ანგარიშის დეფიციტის შემცირებასა და საერთაშორისო რეზერვების ზრდაზე. ეკატერინე მიქაბაძემ გამოსვლისას ხაზი გაუსვა, რომ 2026 წლის სექტემბერში საქართველოს საერთაშორისო რეზერვებმა რეკორდულ დონეს - დაახლოებით 8.1 მილიარდ აშშ დოლარს მიაღწია, რაც ქვეყნის საგარეო ბუფერებს აძლიერებს და საგარეო შოკების მიმართ მოწყვლადობას ამცირებს.სებ-ის პირველმა ვიცე-პრეზიდენტმა ხაზი გაუსვა საქართველოს ეკონომიკის მდგრადობას და აღნიშნა, რომ ბოლო წლებში განხორციელებულმა სტრუქტურულმა ცვლილებებმა, საწარმოო შესაძლებლობების გაფართოებამ და ექსპორტზე ორიენტირებული, მაღალი პროდუქტიულობის სექტორების განვითარებამ ეკონომიკის მდგრადობა გააძლიერა. ამასთან, მომსახურების ექსპორტის დივერსიფიკაცია სექტორებისა და გეოგრაფიული ბაზრების მიხედვით გლობალური შოკების გავლენის შერბილებას უწყობს ხელს.„საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში კავკასიისა და ცენტრალური აზიის მრგვალი მაგიდის ფარგლებში განხილულმა საკითხებმა კიდევ ერთხელ გამოკვეთა ეკონომიკის დივერსიფიკაციის, მაკროეკონომიკური სტაბილურობის შენარჩუნებისა და ძლიერი საგარეო ბუფერების მნიშვნელობა გლობალური გაურკვევლობის პირობებში“, - განაცხადა ეკატერინე მიქაბაძემ.

1791976053

პირველ ეტაპზე ყურძნის ჩაბარების პუნქტები რიონის მარჯვენა სანაპიროზე მდებარე თემებში  გაიხსნება. რიგების თავიდან აცილების მიზნით, მნიშვნელოვანია, მოსავლის აღება და ჩაბარება ორგანიზებულად, შტაბთან შეთანხმებული გრაფიკის შესაბამისად განხორციელდეს.რთველის პროცესში კერძო სექტორის ჩართულობის სტიმულირების და მოსავლის ორგანიზებულად დაბინავების მიზნით, მთავრობის გადაწყვეტილებით, რაჭის რეგიონში სუბსიდირების პროგრამა ხორციელდება. სუბსიდიას მიიღებს ყველა ის კომპანია, რომელიც შეიძენს და გადაამუშავებს “ხვანჭკარას” მიკროზონაში მოწეულ არანაკლებ 3 ტონა ალექსანდროულისა და მუჯურეთულის ჯიშის ყურძენს და მევენახეს არანაკლებ 8 ლარს გადაუხდის. სახელმწიფო სუბსიდიის ოდენობა, რომელსაც რაჭა-ლეჩხუმის რეგიონში ღვინის კომპანიები მიიღებენ, შეადგენს 4 ლარს, როგორც 1 კგ ალექსანდროულის, ასევე, 1 კგ მუჯურეთულის ჯიშის ყურძენზე.ადგილწარმოშობის ღვინოების - „ხვანჭკარა“ და „რაჭა“ ჯიშობრივი სიზუსტის დაცვისა და ხარისხის უზრუნველყოფის მიზნით, ყურძნის მიმღებ ყველა პუნქტზე ამპელოგრაფები მონიტორინგს უწევენ ჩასაბარებელი ყურძენს. ამასთან, რეგიონის შემოსასვლელებში მოწყობილია სპეციალური ბლოკპოსტები, რათა არ მოხდეს ყურძნის სხვა მუნიციპალიტეტებიდან შემოტანა და მუჯურეთულსა და ალექსანდროულში შერევა.რთველი 2026-ის ორგანიზებულად ჩატარების მიზნით, ქალაქ ამბროლაურში რთველის საკოორდინაციო შტაბი ამოქმედდა. დამატებითი ინფორმაციის მიღება შესაძლებელია გარემოს დაცვისა და სოფლის მეურნეობის სამინისტროს ცხელ ხაზზე - 1501.რთველი აქტიურად გრძელდება კახეთის რეგიონშიც სადაც 14 ოქტომბრის მონაცემებით, გადამუშავებულია 273 ათასამდე ტონა ყურძენი.

1791963651

შეხვედრაზე საქართველოსა და FAO-ს შორის არსებული თანამშრომლობის გაღრმავებისა და სამომავლო პარტნიორობის ძირითადი მიმართულებები განიხილეს. განსაკუთრებული ყურადღება დაეთმო კლიმატის მწვანე ფონდის (GCF) ფარგლებში დაგეგმილ პროექტს, რომელიც მნიშვნელოვანია საქართველოში სოფლის მეურნეობის გაძლიერებასა და სოფლად ცხოვრების მდგრადი განვითარებისთვის.„FAO-სთან თანამშრომლობა მნიშვნელოვან როლს ასრულებს საქართველოს სოფლის მეურნეობის განვითარებაში. ჩვენთვის პრიორიტეტულია კლიმატის ცვლილებით არსებულ გამოწვევებთან გამკლავება, სასურსათო უსაფრთხოების უზრუნველყოფა და აგროსასურსათო სექტორის კონკურენტუნარიანობის გაძლიერება. FAO-სთან პარტნიორობა ასევე მნიშვნელოვანია სოფლის განვითარების ხელშეწყობისა და დარგში თანამედროვე მიდგომების დანერგვისთვის“, - განაცხადა დავით სონღულაშვილმა.შეხვედრაზე FAO-ს გენერალურმა დირექტორმა საქართველოში ვიზიტის სურვილი გამოთქვა და აღნიშნა, რომ უფლებამოსილების ვადის დასრულებამდე, 2027 წლის დასაწყისში საქართველოს ეწვევა.FAO-ს გენერალურ დირექტორთან გარამრთულ შეხვედრას ესწრებოდნენ გარემოს დაცვისა და სოფლის მეურნეობის მინისტრის მოადგილე ლაშა დოლიძე და საქართველოს ელჩი იტალიის რესპუბლიკაში თამუნა ლილუაშვილი.

1791963508

შეხვედრის ფარგლებში საქართველოს ეროვნულ ბანკსა და არაბთა გაერთიანებული საამიროების ცენტრალურ ბანკს შორის ურთიერთგაგების მემორანდუმი გაფორმდა. მემორანდუმს ხელი მოაწერეს საქართველოს ეროვნული ბანკის პრეზიდენტმა ნათია თურნავამ და არაბთა გაერთიანებული საამიროების ცენტრალური ბანკის პრეზიდენტმა ხალიდ მოჰამედ ბალამამ. მემორანდუმი მიზნად ისახავს ორ ცენტრალურ ბანკს შორის ფინანსური და საზედამხედველო თანამშრომლობის გაძლიერებას, ცენტრალური ბანკინგის სფეროში ინფორმაციისა და ექსპერტიზის გაცვლას და ორივე ქვეყნის საბანკო და ფინანსური სექტორების განვითარებისა და ფინანსური სტაბილურობის მხარდაჭერას.მემორანდუმი ასევე ითვალისწინებს ფინანსური ტექნოლოგიების მიმართულებით ინოვაციების ხელშეწყობას, ცოდნისა და გამოცდილების გაზიარებას, შესაძლებლობების განვითარებასა და ერთობლივი კვლევების განხორციელებას.ნათია თურნავამ არაბ კოლეგას საქართველოს ფინანსური და საბანკო სექტორის მიღწევები, სექტორის მდგრადობისა და ლიკვიდობის ჯანსაღი მაჩვენებლები გააცნო. მან ასევე ისაუბრა ეროვნული ბანკის მიერ საგადახდო ინფრასტრუქტურის მოდერნიზაციის მიმართულებით გადადგმულ ნაბიჯებზე, მათ შორის, დროის რეალურ რეჟიმში ანგარიშსწორების (RTGS) სისტემის მასშტაბურ განახლებასა და მყისიერი გადახდების სისტემის (IPS) განვითარებაზე. საქართველოს ეროვნული ბანკის პრეზიდენტის განცხადებით, მემორანდუმი ხელს შეუწყობს ცენტრალური ბანკების თანამშრომლობის გაღრმავებასა და ფინანსური სექტორის განვითარების მიმართულებით საუკეთესო პრაქტიკის გაზიარებას. „ეს მემორანდუმი ქმნის საფუძველს არაბთა გაერთიანებული საამიროების ცენტრალურ ბანკთან თანამშრომლობის გაძლიერებისა და ცენტრალური ბანკინგის, ზედამხედველობისა და ფინანსური ტექნოლოგიების მიმართულებით ექსპერტიზის გაცვლისთვის. ჩვენ განსაკუთრებულ მნიშვნელობას ვანიჭებთ იმ შესაძლებლობებს, რომლებსაც იგი გვთავაზობს შესაძლებლობების განვითარებისა და საგადახდო სისტემებისა და ფინანსური სერვისების განვითარების კუთხით საუკეთესო პრაქტიკის გაზიარებისთვის, რაც ხელს შეუწყობს ტრანსსასაზღვრო ტრანზაქციების გამარტივებასა და ორივე ქვეყნის საბანკო და ფინანსური სექტორების განვითარებას“, - აღნიშნა ნათია თურნავამ.არაბთა გაერთიანებული საამიროების ცენტრალური ბანკის პრეზიდენტმა ხალიდ მოჰამედ ბალამამ აღნიშნა, რომ მემორანდუმი ორ ცენტრალურ ბანკს შორის თანამშრომლობის ახალ შესაძლებლობებს ქმნის. შეხვედრას ასევე ესწრებოდა სებ-ის პირველი ვიცე პრეზიდენტი ეკატერინე მიქაბაძე. საერთაშორისო სავალუტო ფონდისა და მსოფლიო ბანკის წლიური შეხვედრები საერთაშორისო საფინანსო ინსტიტუტების, ცენტრალური ბანკებისა და ფინანსური სექტორის წარმომადგენლებს აერთიანებს. შეხვედრების ფარგლებში განიხილება გლობალური ეკონომიკური ტენდენციები, ფინანსური სტაბილურობის საკითხები და საერთაშორისო თანამშრომლობის გაძლიერების შესაძლებლობები.

1791963426

თავისი მასშტაბით და ინფრასტრუქტურით გამორჩეული ეს უნიკალური სასახლე რეალტორების მიერ მინიმუმ 20 მილიონ ლარად არის შეფასებული. სფეროს სპეციალისტები იმასაც ამბობენ, რომ  სასახლის მშენებლობაზე დღემდე ჩატარებული სამუშაოები, სულ მცირე, 4 000 000 ამერიკული დოლარის ღირებულების მაინც იქნება.ბოლო დღეებში გავრცელდა ინფორმაცია, თითქოს ნათია ჯანაშიას “მაგნოლიას” გრანდიოზული სასახლე გასხვისდა. დასახელდა ისიც, რომ მყიდველი საქართველოში მსხვილი ბიზნესების მფლობელი არაბული წარმოშობის მეწარმე იყო. ითქვა ისიც, რომ გარიგების ღირებულებამ რეალტორთა მიერ შეფასებულ 20 მილიონ ლარს გადააჭარბა და 23 მილიონ 900 ათასი ლარი შეადგინა.თუმცა, “ბანკები და ფინანსების” მიერ ჩატარებული მიკრო მოკვლევის შედეგად, ზემოთ აღნიშნული ფაქტები, იურიდიული თვალსაზრისით, არ დადასტურდა. მსგავსი გარიგება რეგისტრირებული არ არის, “მაგნოლიას” გრანდიოზული სასახლე კვლავ ნათია ჯანაშიას მეუღლის, დავით ცეცხლაძის სახელზე ირიცხება. შესაბამისად, რთული სათქმელია, რამდენადაა რეალობასთან ახლოს სასახლის გასხვისებასთან დაკავშირებით გავრცელებული ცნობები და რეალურად რამდენად მოიძებნება ამ სასახლის 20 მილიონზე მეტად შეძენის მსურველი, მფლობელთა მიერ მისი გასხვისების სურვილის გამოხატვის შემთხვევაში.საკუთრივ სასახლეს რაც შეეხება, მოგეხსენებათ, იგი ლისის ტბის მიმდებარედ არის აგებული და დედაქალაქს ამაღლებული ფერდობიდან გადმოჰყურებს. შენობა 3 630 კვ. მეტრ მიწის ნაკვეთზეა განთავსებული. ის ლისი ვილების ყველაზე მაღალ წერტილზეა აშენებული და მახლობლად მდებარე მულტიმილიონერთა სხვა ვილებთან შედარებით ყველაზე დიდი ფართობი უკავია.გრანდიოზული სასახლე რამდენიმე შენობა-ნაგებობისგან შედგება. მათი ნაწილი მიწისქვეშ არის განლაგებული. შენობების მაქსიმალური სიმაღლე საპროექტო გათვლებით 15 მეტრზე მეტია, რაც სტანდარტული ხუთსართულიანის სიმაღლეა. მინუს 1 სართულზე მდებარე შენობის ნაწილი მონოლითური ბეტონითაა ჩასხმული, ხოლო ზედა სართულებზე გამოყენებულია ბლოკის მასალა.ნათია ჯანაშიას “მაგნოლიას” სასახლის სხვა ვილებისგან გამორჩეულობა მხოლოდ ზომასა და მოცულობაში არ მდგომარეობს.მაგნოლიას ქუჩაზე მდებარე ვილების უმეტესობას მცირე ზომის სპორტული მოედნები ეზოში აქვთ და ძირითადად ეს კალათბურთის ცალფარა მოედანი, ან სამანქანე გარაჟზე მიდგმული მინიფეხბურთის ერთი კარია.“მაგნოლიას” სასახლის მთავარი თავისებურებაც კი ზუსტად ის არის, რომ მისი მინიფეხბურთის მოედანი შენობაშია მოქცეული. მოედნის სიგრძე 21 მეტრია,  სიგანე 14 მეტრი. ეს ზომები დასაშვებია ფუტსალის არასაერთაშორისო მატჩებისთვის და ადგილობრივი ჩემპიონატებისთვის.ნათია ჯანაშიას “მაგნოლიას” გრანდიოზული სასახლე თავისი მოცულობით 5-ჯერ აჭარბებს ერეკლე მეორეს თელავურ სასახლეს, ჯამბაკურ-ორბელიანის ციხე-სასახლეს, დადიანების ზუგდიდურ ცნობილ სასახლესაც და ავლაბრის ცერემონიების სასახლის (ყოფილი საპრეზიდენტო რეზიდენცია) მთავარ შენობასაც კი.ამ მოცულობის ფართში თავისუფლად თავსდება საშუალო თბილისური 40 ოჯახის, მაგალითად, 100 კვადრატულ მეტრიანი ბინა.უძრავი ქონების სპეციალისტების თქმით, საქართველოს მასშტაბით იშვიათია სახლი, რომელიც ერთ სივრცეში აერთიანებდეს: ბოულინგის დარბაზს, სტანდარტული ზომის დახურულ მინიფეხბურთის მოედანს და 16 ადამიანზე გათვლილ, კავეას სტილის, თანამედროვე ტექნოლოგიებით სრულად აღჭურვილ კინოთეატრს.სასახლის დანარჩენი ინფრასტრუქტურა ტრადიციულია და მსგავსია მულტიმილიონერთა რეზიდენციებისთვის. კერძოდ, ათამდე საძინებელი, - თითოეული საკუთარი საგარდერობე და სააბაზანო სივრცეებით, ასევე საკუთარი ვერანდებით, საიდანაც თითოეულს დამოუკიდებელი გასასვლელი აქვს ღია აუზზე; დახურული და ღია აუზებ; სპა-სივრცე მასაჟის ოთახებით; მოცულობითი კვების ბლოკი ორი სამზარეულოთი და ვრცელი სასადილო სივრცით; ბარი და სტილისტისთვის გამოყოფილი სივრცე და სხვა თუმცა, არის გამორჩეული და არასტანდარტული ზონებიც. მაგალითად - შინაური ცხოველების ოთახი, ჩაის ლაუნჯი და აკვადისკოთეკა.

1791892773

შეხვედრის მიმდინარეობისას განიხილებოდა რეგიონში არსებული ეკონომიკური ვითარება, არსებული გამოწვევები და მათი გადაჭრის გზები.მინისტრმა ყურადღება გაამახვილა დაკავშირებადობის ინფრასტრუქტურის გაძლიერებისა და ქვეყნებს შორის კოორდინაციის გაღრმავების მნიშვნელობაზე, ასევე, ფინანსებზე წვდომისა და საშინაო კაპიტალის ბაზრების გაძლიერების მიმართულებით გადადგმულ ნაბიჯებზე.

1791891660

პრემიერმა ასევე უპასუხა შეკითხვას მიმდინარე გამოძიებასა და სამეთვალყურეო საბჭოს პასუხისმგებლობის საკითხზე.„მე არ ვიცი რამდენად ჰქონდა სამეთვალყურეო საბჭოს იმის საშუალება, რომ ეს ყველაფერი თავის დროზე დაედგინა. გამოძიება მიმდინარეობს და საბოლოო ჯამში საგამოძიებო ორგანოები მოფენენ ყველაფერს ნათელს.პროცესი გრძელდებოდა, თუ არ ვცდები  უკვე დასრულებულია ეს პროცესი, შუამავლების გარეშე თავიდან ბოლომდე აწარმოებს ყველა პროცესს საქართველოს რკინიგზა, რაც მოგვცემს ჩვენ ძალიან დიდი თანხების დამატებით გენერირების საშუალებას.მარტო წელს წარმართული ახალი პროცესების საფუძველზე საორიენტაციოდ 70 მილიონი ლარით გაიზრდება რკინიგზის დამატებითი შემოსავლები.  ძალიან აქტიურად მუშაობს ამაზე ბატონი ლაშა აბაშიძე და მისი ძალიან მადლიერი ვართ გამომდინარე იქიდან, რომ მისი საქმიანობით შარშანაც და წელსაც ათეულობით მილიონი ლარი დაიზოგა ან შეემატა საქართველოს რკინიგზას.  გაორმაგდა მისი ხელმძღვანელობის ქვეშ რკინიგზის შემოსავლები და კიდევ უფრო მეტად გაიზრდება მომავალი წლის შემოსავლები შესაბამის საანგარიშო წელთან  შედარებით“, -  განაცხადა პრემიერმა.

1791886698

ღონისძიება ცენტრის დირექტორმა ლევან უჯმაჯურიძემ გახსნა. მან სტუმრებს ქართული ხორბლის ენდემური სახეობები და ადგილობრივი ჯიშები, ქართული ვაზის მრავალფეროვნება, მათი ისტორიული მნიშვნელობა, ასევე ხორბლის მოყვანასთან, პურის ცხობასა და მევენახეობა-მეღვინეობასთან დაკავშირებული ტრადიციები და რიტუალები გააცნო.დეგუსტაციაზე წარმოდგენილი იყო ქართული ხორბლის ენდემური სახეობებისა და ადგილობრივი ჯიშებისგან დამზადებული პური, ჯიღაურას ბაზაზე დაცული იშვიათი ქართული ვაზის ჯიშებისგან დამზადებული ღვინის ნიმუშები და ტრადიციული ქართული პროდუქტები.საერთაშორისო სტუმრებს, ცენტრის სტანდარტების და სერტიფიცირების სამსახურის უფროსმა თამარ ჯინჯიხაძემ და მარცვლოვანი კულტურების კვლევის სამსახურის მთავარმა სპეციალისტმა ნანა ჩხუტიაშვილმა, ქართული ხორბლის კვებითი ღირებულებისა და ნუტრიციული მახასიათებლების შესახებ მიაწოდეს ინფორმაცია. ყურადღება გამახვილდა ხორბლის სხვადასხვა სახეობისა და ადგილობრივი ჯიშების თავისებურებებზე, მათ მნიშვნელობაზე და გამოყენების შესაძლებლობებზე.ქართული ხორბლის კულტურას განსაკუთრებული მნიშვნელობა ენიჭება ქვეყნის აგრობიომრავალფეროვნებისა და კულტურული მემკვიდრეობის შენარჩუნებისთვის. მისი ტრადიციები და რიტუალები 2025 წელს UNESCO-ს კაცობრიობის არამატერიალური კულტურული მემკვიდრეობის წარმომადგენლობით სიაში შევიდა, ხოლო ქართული ქვევრის ღვინის დაყენების უძველესი ტრადიციული მეთოდი ამავე სიაში 2013 წლიდან არის შეტანილი. FAO-ს გლობალური გამოფენის ფარგლებში ქართული ხორბლისა და ვაზის კულტურის, მათთან დაკავშირებული ტრადიციებისა და სამეცნიერო ცოდნის საერთაშორისო აუდიტორიისთვის გაცნობა სწორედ ამ მემკვიდრეობის დაცვისა და პოპულარიზაციის მნიშვნელობას უსვამს ხაზს.

1791884916

ამ მიზნით, საქართველოს ბანკი 40-ზე მეტ საგანმანათლებლო პროექტს ახორციელებს და უჭერს მხარს. ინიციატივები მოიცავს როგორც აკადემიურ და საერთაშორისო განათლებას, ისე ტექნოლოგიების, ხელოვნური ინტელექტისა და პროფესიული უნარების განვითარებას.ბანკის საგანმანათლებლო პროგრამები სხვადასხვა ასაკისა და ინტერესის მქონე ადამიანებისთვისაა განკუთვნილი.აღმოაჩინე მიმდინარე შესაძლებლობები - შეავსე განაცხადი და გახდი საქართველოს ბანკის სტიპენდიატი:საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებისთვის 23 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში ახალგაზრდებს შესაძლებლობას აძლევს, მიიღონ სწავლის სრული ან ნაწილობრივი დაფინანსებაპროგრამაზე რეგისტრაცია დაიწყო. პროგრამის შესახებ დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ ვებგვერდს.AI სტიპენდია გოგოებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური  AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია დაიწყო, დეტალური ინფორმაციისთვის ეწვიეთ ვებგვერდს.სტიპენდია პროფესიულ აკადემიებში -  ახალი უნარებისა და შესაძლებლობებისთვისიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-მდე პარტნიორ აკადემიაში. პროგრამაში მონაწილეობის მსურველთათვის რეგისტრაცია მალე დაიწყება.  დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება უფასოდპროფესიულ აკადემიებში სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.თბილისის წიგნის დღეები - ცოდნა წიგნებიდანაც იწყებაგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, განსხვავებული პერსპექტივების გაცნობა და ახალი სამყაროების აღმოჩენა წიგნებითაც შეიძლება.სწორედ ამიტომ, 30 ოქტომბრიდან 1 ნოემბრის ჩათვლით, საქართველოს ბანკის მხარდაჭერით, Expo Georgia-ში თბილისის წიგნის დღეები გაიმართება. ღონისძიება მკითხველებს წიგნებისა და ახალი იდეების გარშემო გაერთიანების შესაძლებლობას აძლევს. დეტალური ინფორმაციისთვის ეწვიეთ თბილისის წიგნის დღეების გვერდს.საქართველოს ბანკის მიერ შექმნილი სხვა საგანმანათლებლო შესაძლებლობები:UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაშისაქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და შესაძლებლობას აძლევს მათ, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა. პროგრამის გამარჯვებულები სულ მალე გახდება ცნობილი.STEM განათლების ხელშეწყობა მთელი საქართველოს მასშტაბითსაქართველოს ბანკისა და კომაროვის STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც შესაძლებლობას აძლევს მოსწავლეებს საქართველოს ნებისმიერი კუთხიდან ჩაერთონ სასწავლო პროცესში. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს. ახალ ნაკადზე სწავლის წურვილი 1500-ზე მეტმა მოსწავლემ გამოთქვა.ფოთის საჭადრაკო კლუბი - შესაძლებლობა მომავალი ჩემპიონებისთვისსაქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს ერთი წლის განმავლობაში სწავლას სრულად დაუფინანსებს. სასტიპენდიო პროგრამის გამარჯვებულები მალე გახდებიან ცნობილი.Code IT - პირველი ნაბიჯები პროგრამირებაშიპროგრამირებით დაინტერესებული 14-18 წლის მოზარდებისთვის Code IT-ის  პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ. ახალ ნაკადზე რეგისტრაცია გაზაფხულის სემესტრში დაიწყება.CHEVENING - დიდ ბრიტანეთში სწავლის შესაძლებლობაCHEVENING -ის სასტიპენდიო პროგრამის ფარგლებში, საქართველოს ბანკი ახალგაზრდებს დიდ ბრიტანეთში სრული დაფინანსებით სწავლის შესაძლებლობას აძლევს. სტიპენდია სრულად ფარავს სწავლის, ცხოვრებისა და მგზავრობის ხარჯებს და სხვადასხვა მიმართულების სამაგისტრო პროგრამის არჩევის შესაძლებლობას იძლევა. 2027 სასწავლო წლისთვის განაცხადების მიღება დასრულდა. 2028 წლის კონკურსი კი 2027 წლის ზაფხულში გამოცხადდება.Fulbright - აშშ-ში სწავლის შესაძლებლობაFulbright-ის პროგრამის ფარგლებში, საქართველოს ბანკი შესაძლებლობას აძლევს ახალგაზრდა პროფესიონალებს, ისწავლონ აშშ-ს წამყვან უნივერსიტეტებში სრული დაფინანსებით, ორ წლიან სამაგისტრო პროგრამაზე. 2026-27 სასწავლო წლის კონკურსზე განაცხადების მიღება 1 ივლისს დასრულდა. ახალი კონკურსი, გაზაფხულზე გამოცხადდება.ნიკა გუჯეჯიანის სახელობის სტიპენდია - სწავლის შესაძლებლობა ესპანეთშიკრეატიული ინდუსტრიით დაინტერესებულ ახალგაზრდებს, საქართველოს ბანკი აძლევს შესაძლებლობას, მიიღონ ნიკა გუჯეჯიანის სახელობის სტიპენდია და ისწავლონ მადრიდში, Miami Ad School Europe-ში, 100%-იანი დაფინანსებით. 2027 წლის პროგრამაზე განაცხადების მიღება 8 ივნისს დასრულდა. კონკურსი გაზაფხულზე ცხადდება.ეს საქართველოს ბანკის მიერ განხორციელებული საგანმანათლებლო ინიციატივების მხოლოდ ნაწილია. დეტალური ინფორმაციის მისაღებად ეწვიეთ ვებგვერდს: ganatleba.bog.ge

1791883993

ქართული ღვინის წარდგენას სომელიეები - ვილი შლეგლი და იოჰანეს შელჰორნი  უძღვებოდნენ ორი ქართველი მეღვინის, იაგო ბიტარიშვილის (იაგოს მეღვინეობა) და მიხეილ ჭონიშვილის (ჭონას მარანი) თანამონაწილეობით. ღონისძიების სტუმრებს შესაძლებლობა ჰქონდათ გაცნობოდნენ 8 სახეობის ქართულ ღვინოს. სომელიე ვილი შლეგლი, საკუთარ ბარში, ერთი კვირის განმავლობაში  რეგულარულ მენიუში სამი სახეობის ქართული ღვინის ნიმუშს დაამატებს, რაც საუკეთესო შესაძლებლობაა გერმანელი მომხმარებლისთვის ქართული ღვინის გასაცნობად და დასაგემოვნებლად.ქართული ღვინის პოპულარიზაციისა და საექსპორტო პოტენციალის გაზრდის მიზნით, გერმანულ კომპანიასთან „ff.k Public Relations” ღვინის ეროვნულმა სააგენტომ თანამშრომლობა 2021 წლიდან დაიწყო. კამპანიის ფარგლებში, დეგუსტაცია-სემინარები გერმანიის სხვადასხვა ქალაქში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის იმართება; ქართული ღვინო წარმოდგენილია საერთაშორისო გამოფენებზე, ხორციელდება მიზნობრივი სარეკლამო და მედია კამპანიები, მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში.გერმანია ქართული ღვინის გაყიდვების მზარდი დინამიკით გამოირჩევა. მიმდინარე წლის იანვარ-სექტემბერში საქართველოდან გერმანიაში ექსპორტირებულია 1,14 მილიონ ლიტრამდე ღვინო, რაც გასული წლის ანალოგიურ პერიოდთან შედარებით 28%-ით მეტია.

1791883917