თბილისის საქალაქო სასამართლოში გრძელდება"ბრიტანულ-ქართული აკადემიის" მინორიტარი აქციონერისა (30%) და ყოფილი დირექტორის, ნათია ჯანაშიას მიერ წამოწყებული დავის განხილვა მაჟორიტარი აქციონერის (70%), "საქართველოს განათლების ჯგუფის" ("საქართველოს კაპიტალის" შვილობილი) წინააღმდეგ.ნათია ჯანაშიამ ეს დავა 2024 წელს წამოიწყო. მხარეებს შორის რამდენიმე სასამართლო პროცესი მიმდინარეობს, როგორც სამოქალაქო, ისე სისხლის სამართლის მიმართულებით.2026 წლის 22 ოქტომბერს, მოსამართლე ზვიად ესებუამ გამართა მორიგი მოსამზადებელი სხდომა საქმეზე, სადაც “საქართველოს განათლების ჯგუფი” ნათია ჯანაშიასა და დავით ცეცხლაძისთვის იმ თანხების დაკისრებას ითხოვს, რომელსაც წლების განმავლობაში“ბრიტანულ-ქართული აკადემია” არ იღებდა მათიშვილების და ნათესაურად მათთან დაკავშირებული სხვა მოწაფეების სწავლის ქირისგან გათავისუფლების გამო. ასევე იმ თანხების დაკისრებას, რომელსაც“აკადემია” იხდიდა მათი ოჯახის წევრების ჯანმრთელობის დაზღვევასა და სხვა და სხვა მიზნით მოგზაურობებში.მოსამზადებელ სხდომის მოცემულ ეტაპზე დაიკითხა მოპასუხის (ნათია ჯანაშიას) მხარის მიერ გამოძახებული მოწმე, - “ბრიტანულ ქართული აკადემიის” მოქმედი მთავარი ბუღალტერი, რომელიც იმავე პოზიციაზე მუშაობდა მაშინაც, როცა „აკადემიის“ მენეჯმენტს ნათია ჯანაშია მეუღლესთან, დავით ცეცხლაძესთან ერთად განაგებდა.ნათია ჯანაშიას ადვოკატის მხრიდან, სხდომის მიმდინარეობისას, დაისვა ბევრი კითხვა, რომელთა ძირითადი არსიც მდგომარეობდა იმაში, რომ მოწმეს აეხსნა სასამართლოსთვის, უგზავნიდა თუ არა იგი „აკადემიის“ მაჟორიტარ პარტნიორს ყოველთვიურ და ყოველწლიურ ფინანსურ ანგარიშებს, სადაც ჩაშლილად იქნებოდა წარმოდგენილი, თუ ვინ იყვნენ  „აკადემიის“ ბიუჯეტიდან გაწეული იმ ხარჯების ბენეფიაციარები, ვინც სადაზღვევო პროდუქტებითა და მოგზაურობისთვის საჭირო რესურსით სარგებლობდა. ასევე, კონკრეტულად რომელი მოწაფეები იყვნენ სწავლის ქირისგან სრულად, თუ ნაწილობრივ გათავისუფლებულები.აღნიშნული ტიპის კითხვები სხვადასხვა რაკურსითა და ფორმულირებით იყო დასმული, მოწმის პასუხების შინაარსიდან გამომდინარეობდა, რომ ანგარიშებში, ასევე ხარჯების საპროგნოზო მაჩვენებლებში, რაც „აკადემიის“ პარტნიორებს ყოველთვიურ და ყოველწლიურ ჭრილში ეგზავნებოდათ, ყველა მონაცემი მითითებული იყო კუმულაციური (კონსოლიდირებული) ფორმატით და მათში არ ყოფილა ჩაშლილი თუ კონკრეტულად რომელი მოწაფე იყო განთავისუფლებული გადასახადისგან და ასევე ის, თუ კონკრეტულად ვინ ფინანსდებოდა და რამდენით, სადაზღვევო პოლისების შეძენისას თუ საერთაშორისო მგზავრობებისას.მოსამზადებელი სხდომის ეს ეტაპი აღნიშნული მოწმის დაკითხვით დასრულდა. სასამართლო გადაიდო 2026 წლის 19 ნოემბრისთვის და სხდომა ასევე ნათია ჯანაშიას წარმომადგენლების მიერ გამოძახებული მოწმის - „ბრიტანულ-ქართული აკადემიის“ ფინანსური დირექტორის დაკითხვით გაგრძელდება.არსებული ინფორმაციით, სადავო თანხის ჯამური მოცულობა 1 მილიონ 800 000 ლარს აღწევს. სარჩელით ასევე მოთხოვნილია საპროცენტო სარგებელი ამ თანხაზე. კერძოდ, უცხოურ ვალუტაში არსებულ მოთხოვნაზე წლიური 2,47%, ხოლო ეროვნულ ვალუტაში არსებულ მოთხოვნაზე წლიური 8,22%.

1792749116

AgileXchange Georgia 2026-ის მთავარი მხარდამჭერია თიბისი, რომლისთვისაც Agile მხოლოდ კონკრეტული მეთოდოლოგია არ არის - ეს არის მუშაობის, თანამშრომლობისა და ცვლილებებთან ადაპტაციის პრაქტიკა.AgileXchange Tbilisi 2026: Hands-On Agile-ის მთავარი იდეა, სწორედ, პრაქტიკაში მიღებული ცოდნის გაზიარებაა. ღონისძიების ფარგლებში მოეწყობა ექვსი პარალელური ვორქშოფი საერთაშორისო ტრენერების მონაწილეობით; ასევე, გაიმართება გამოსვლები მთავარ სცენაზე და დისკუსიები ქართველ და საერთაშორისო Agile ლიდერებთან.AgileXchange-ის მიზანი საქართველოში Agile Community-ის განვითარება, პროფესიონალებს შორის გამოცდილების გაცვლის ხელშეწყობა და საქართველოს საერთაშორისო Agile-ეკოსისტემის ნაწილად უფრო აქტიურად წარმოჩენაა.თიბისისთვის AgileXchange-ის მხარდაჭერა პროფესიული განათლებისა და ტექნოლოგიური ეკოსისტემის განვითარების მხარდაჭერასაც ნიშნავს. ისეთი პლატფორმების გაძლიერება, სადაც ადამიანები ერთმანეთს საკუთარ გამოცდილებას, წარმატებულ მიდგომებსა და მათ შორის დაშვებულ შეცდომებს უზიარებენ, ხელს უწყობს არა მხოლოდ ინდივიდუალური პროფესიონალების, არამედ მთლიანად ინდუსტრიის განვითარებას.

1792748147

უწყების ცნობით, დარღვევა კონკრეტულ ნიმუშს ეხება, რაზეც შესაბამისი ღონისძიებები უკვე ტარდება.“სურსათის ეროვნულმა სააგენტომ, სურსათის უვნებლობის სახელმწიფო კონტროლის ფარგლებში, თურქეთში წარმოებული ზეითუნის ზეთის — Extra Virgin Olive Oil ნიმუშში (სავაჭრო ნიშნით „Ayvalık“, 5-ლიტრიანი თუნუქის შეფუთვა) საქართველოს კანონმდებლობით დადგენილ მოთხოვნებთან შეუსაბამობა გამოავლინა.აღნიშნული ზეთის ნიმუშში გლიციდოლის ცხიმოვანი მჟავების რთული ეთერებისა და 3-MCPD-ისა და მისი ცხიმოვანი მჟავების ეთერების მომატებული შემცველობა დაფიქსირდა. კვლევა ჩატარდა სურსათის უვნებლობის, ცხოველთა ჯანმრთელობისა და გარემოს ინსტიტუტის "BIOR"-ის ლაბორატორიაში.ლაბორატორიული კვლევის შედეგი ეხება კონკრეტულ ნიმუშს და არ ადასტურებს იმავე მწარმოებლის სხვა პროდუქტის ან პარტიის შეუსაბამობას. სააგენტო აგრძელებს შესაბამისი ინფორმაციის შესწავლასა და მომხმარებელთა ჯანმრთელობის დაცვის მიზნით აუცილებელი ღონისძიებების გატარებას.სურსათის საიდენტიფიკაციო მონაცემებია: სავაჭრო ნიშანი: „Ayvalık“; შეფუთვა: 5 ლიტრიანი თუნუქის ტარა; შტრიხკოდი: 8693465410990; მწარმოებლის სარეგისტრაციო ნომერი: TR-10-K-042281. ზეთებსა და ცხიმებში ზოგიერთი დამაბინძურებლის (კონტამინანტის) კვლევა სურსათის ეროვნულმა სააგენტომ 2026 წელს დაიწყო.დღეისათვის აღებულია ზეთისა და ცხიმის 71 ნიმუში”,- აღნიშნულია ინფორმაციაში.

1792745886

მათი ცნობით, სტუმრებს შორის იყვნენ HORECA სექტორის პროფესიონალები, სომელიეები, ღვინის ბაიერები, იმპორტიორები, დისტრიბუტორები და ღვინის საცალო ვაჭრობის წარმომადგენლები.ღვინის პროფესიონალები ქართული ღვინის მწარმოებელ კომპანიებსა და მარნებს ქართლსა და კახეთში ეწვივნენ, სადაც ქართული მეღვინეობის მრავალსაუკუნოვან ისტორიას, კულტურასა და ტრადიციებს გაეცნენ, დააგემოვნესსხვადასხვა სტილის ქართული ღვინოები."კახეთში, გურჯაანის მუნიციპალიტეტის სოფელ კარდენახში, „ნიკალას მარანში“, გაიმართა ბუნებრივი ღვინის ასოციაციის წევრი მეღვინეების ღვინოების დეგუსტაცია, სადაც სტუმრებს შესაძლებლობა ჰქონდათ გაცნობოდნენ სხვადასხვა დასახელების ბუნებრივ ღვინოებს. ტურის ფარგლებში, თბილისში გაიმართა დეგუსტაცია ე.წ. Walkaround Tasting-ში, რომელშიც 10-მდე ქართული ღვინის მწარმოებელი კომპანია მონაწილეობდა. მათბრიტანელი პროფესიონალებისგან შეფასებები და რეკომენდაციები მიიღეს. დიდი ბრიტანეთის ბაზარზე დამკვიდრების მიზნით, ღვინის ეროვნული სააგენტო ღვინის მაგისტრის, სარა ებოტის კომპანიასთან Swirl Wine Group LTD-თან 2015 წლიდან თანამშრომლობს. მიმდინარე წლის 9 თვეში, საქართველოდან დიდ ბრიტანეთშიექსპორტირებულია 310 ათასამდე ლიტრი ღვინო, რაც გასული წლის ანალოგიურ მაჩვენებელზე 43%-ით მეტია",-აღნიშნულია ინფორმაციაში. 

1792745011

10-ზე მეტ კურსი, პარტნიორ პროფესიულ აკადემიებში, საქართველოს ბანკის სრული დაფინანსებით - საქართველოს ბანკისინიციატივის ფარგლებში, მოსწავლეებსშესაძლებლობა აქვთ, დაეუფლონ პროგრამირებას, ხელოვნურ ინტელექტს, დიზაინსა და სხვათანამედროვე მიმართულებებს, რაც მათ საკუთარიინტერესების აღმოჩენასა და ახალი უნარებისგანვითარებაში დაეხმარება.პროექტის მიზანია, მოსწავლეებს ჯერ კიდევსკოლის პერიოდში ჰქონდეთ შესაძლებლობა, გაეცნონ სხვადასხვა პროფესიას, მიიღონპრაქტიკული ცოდნა და გამოცადონ საკუთარიშესაძლებლობები მათთვის საინტერესო სფეროში.აირჩიე შენთვის საინტერესო მიმართულებასაქართველოს ბანკის სრული დაფინანსებითმოსწავლეებს შეუძლიათ, სხვადასხვა პროფესიულიკურსიდან შეარჩიონ სასურველი მიმართულება, მათ შორის:პროგრამირება და ტექნოლოგიები პროგრამირების საფუძვლები; ვებპროგრამირება ნულიდან; Front-end Development; Back-end Development; React Native ნულიდან; IT პროექტების მართვა. ხელოვნური ინტელექტი AI აგენტები და ავტომატიზაცია; ხელოვნური ინტელექტის პრაქტიკული კურსი; კონტენტის შექმნა AI-ის დახმარებით; AI და მეწარმეობა. დიზაინი და კრეატიული მიმართულებები გრაფიკული დიზაინი; UI/UX დიზაინი; კრეატიული კომუნიკაცია. რომელ აკადემიებში არის შესაძლებელისაქართველოს ბანკის სტიპენდიის მიღება?პროექტის ფარგლებში მოსწავლეებისთვისგანკუთვნილ კურსებს საქართველოს ბანკისპარტნიორი აკადემიები სთავაზობენ, მათ შორის: IT აკადემია STEP; სქილვილი (Skillville); Edutech Academy; Re:educate; დიზაინ ინსტიტუტი; ელექტრონული აკადემია. კურსების ჩამონათვალი და ხელმისაწვდომობაპარტნიორი აკადემიის მიხედვით განსხვავდება.როგორ უნდა გახდე საქართველოს ბანკისსტიპენდიატი?სტიპენდიის მისაღებად კანდიდატების შერჩევასამოტივაციო წერილისა და გასაუბრებისსაფუძველზე მოხდება, ხოლო ზოგიერთი აკადემიისშემთხვევაში დამატებითი ტესტირებაც იქნებაგათვალისწინებული.ინფორმაციისთვის, საქართველოს ბანკისთვისგანათლების მხარდაჭერა ერთ-ერთი მთავარიპრიორიტეტია. ბანკი 40-ზე მეტ საგანმანათლებლოპროექტს ახორციელებს და მხარს უჭერს, რათაადამიანებს სხვადასხვა ასაკსა და ეტაპზეჰქონდეთ ახალი ცოდნის მიღებისა და საკუთარიშესაძლებლობების განვითარების შესაძლებლობა.საქართველოს ბანკის საგანმანათლებლოინიციატივების შესახებ დამატებითი ინფორმაციახელმისაწვდომია ვებგვერდზე ganatleba.bog.ge

1792743580

გარემოს დაცვისა და სოფლის მეურნეობის სამინისტროს ცნობით, ვიზიტის ფარგლებში მინისტრმა ინფორმაცია მიიღო სადგურის მუშაობის სპეციფიკის, ნარჩენების გადატვირთვისა და ტრანსპორტირების პროცესის, ასევე რეგიონში ნარჩენების მართვის ინფრასტრუქტურის განვითარების მიმართულებით განხორციელებული ღონისძიებების შესახებ.ამბროლაურისა და ონის მუნიციპალიტეტების მომსახურე, საერთაშორისო სტანდარტების შესაბამისი თანამედროვე ტიპის ნარჩენების გადამტვირთავი სადგურის ფუნქციონირების შედეგად რეგიონს მწვანე სტატუსი მიენიჭა.„ამბროლაურისა და ონის მუნიციპალიტეტებში ასეთი თანამედროვე გადამტვირთავი სადგურის ფუნქციონირება მნიშვნელოვნად ამარტივებს ნარჩენების მართვის პროცესს და ხელს უწყობს გარემოზე უარყოფითი ზემოქმედების შემცირებას. ჩვენი მიზანია, ქვეყანაში ეტაპობრივად განვავითაროთ თანამედროვე სტანდარტების შესაბამისიინფრასტრუქტურა, რაც უზრუნველყოფს ნარჩენების მართვის სისტემის ეფექტიანობის გაუმჯობესებას, გარემოს დაცვასა და მოსახლეობისთვის უსაფრთხო გარემოს შექმნას“, -განაცხადა დავით სონღულაშვილმა.გარემოს დაცვისა და სოფლის მეურნეობის სამინისტროს ცნობით, საქართველოს მყარი ნარჩენების მართვის კომპანია ნარჩენების მართვის თანამედროვე ინფრასტრუქტურის განვითარებას აგრძელებს.უწყების განმარტებით, აღნიშნული მიმართულებით განხორციელებული ღონისძიებები მიზნად ისახავს ნარჩენების მართვის სისტემის გაუმჯობესებას, გარემოზე უარყოფითი ზემოქმედების შემცირებასა და ქვეყნის მასშტაბით გარემოსდაცვითი მდგომარეობის გაუმჯობესებას. ამბროლაურის მუნიციპალიტეტში ნარჩენების გადამტვირთავი სადგურის ფუნქციონირებას გარემოს დაცვისა და სოფლის მეურნეობის მინისტრთან ერთად, მინისტრის მოადგილე სოლომონ პავლიაშვილი, საქართველოს მყარი ნარჩენების მართვის კომპანიის დირექტორი მიხეილ გოგოლიძე და ადგილობრივი ხელისუფლების წარმომადგენლები გაეცნენ.

1792741389

"ვულოცავ სემეკის ყველა მოქმედ და ყოფილ თანამშრომელს ამ მნიშვნელოვან თარიღს.1997 წლის 23 ოქტომბერს ხელი მოეწერა ელექტროენერგეტიკის მარეგულირებელი კომისიის პირველი აპარატის ჩამოყალიბებას და განისაზღვრნენ ის პირები, რომლებსაც უნდა შეექმნათ მარეგულირებელი კომისია და შეესრულებინათ კანონმდებლობით ნაკისრი ვალდებულებები. 29 წლის განმავლობაში კომისიამ მნიშვნელოვანი წვლილი შეიტანა რეგულირებადი სექტორების განვითარებაში, მათი გამჭვირვალობის, ეფექტიანობისა და სამართლიანი რეგულირების უზრუნველყოფაში.კომისიის საქმიანობის საფუძველია დამოუკიდებლობა, ობიექტურობა, მიუკერძოებლობა, სამართლიანობა და საჯაროობა, ხოლო ჩვენი მთავარი ღირებულება პროფესიონალიზმსა და თანამშრომლობაზე დაფუძნებული საქმიანობაა.ჩემი და ჩემი გუნდის სახელით მადლობას ვუხდი ყველა სახელმწიფო უწყებას, ლიცენზიატ კომპანიას, ორგანიზაციას, ექსპერტს, მედიას  სემეკთან ნაყოფიერი თანამშრომლობისთვის,"- წერს ნარმანია 

1792738250

ჩვენს ხელთ არსებული ინფორმაციით, აღნიშული პირები მოქალაქეებს სხვადასხვა საფინანსო პროდუქტით, მათ შორის, სესხით სარგებლობასა და სხვა ფინანსურ ოპერაციებში დახმარებას სთავაზობენ. კერძოდ, მოქალაქეს ერთ-ერთი კომერციული ბანკის სახელით დაუკავშირდნენ და აცნობეს, რომ მის სახელზე დამტკიცებული სესხით სარგებლობის მიზნით საჭირო იყო ხელშეკრულების გაფორმება. მომხმარებლის მხრიდან სასესხო განაცხადის არსებობის უარყოფის შემდეგ, მეტი დამაჯერებლობისთვის მას უკვე საქართველოს ეროვნული ბანკის სახელით დაუკავშირდნენ, დაარწმუნეს სესხით სარგებლობის საჭიროებაში, რის შედეგადაც მათი ზეგავლენით მომხმარებელმა გაიარა ავტორიზაცია შესაბამის დისტანციურ არხში, ინტერნეტ ბანკში გაიაქტიურა სესხი, ხოლო თანხის ნაწილი გადარიცხა მესამე პირის ანგარიშზე. თუმცა როგორც მოგვიანებით გაირკვა, მომხმარებელი სავარაუდო თაღლითობის მსხვერპლი გახდა.მსგავსი შემთხვევები კიდევ ერთხელ ცხადყოფს, რომ ე.წ. სოციალური ინჟინერიის გამოყენებით თაღლითები ცდილობენ თავად მოიპოვონ მომხმარებლის საბანკო ანგარიშებზე წვდომა ან უშუალოდ მომხმარებელს შეასრულებინონ გარკვეული ოპერაციები, რაც მათ ფინანსურ ზიანს იწვევს.ხაზგასმით აღვნიშნავთ, რომ საქართველოს ეროვნული ბანკი, როგორც ქვეყნის ცენტრალური ბანკი, კომერციული ბანკებისგან განსხვავებით, არ გასცემს სესხებს ფიზიკურ და იურიდიულ პირებზე და არ ხსნის ანაბრებს, ასევე, რაიმე ფორმით არ უწევს დახმარებას მომხმარებლებს კომერციულ ბანკში სხვადასხვა საფინანსო პროდუქტით სარგებლობის პროცესში. აღნიშნული სცდება ქვეყნის მოქმედი კანონმდებლობით საქართველოს ეროვნული ბანკისთვის მინიჭებული უფლებამოსილებისა და კომპეტენციის ფარგლებს.ამდენად, საქართველოს ეროვნული ბანკი მოუწოდებს მოქალაქეებს გამოიჩინონ განსაკუთრებული ყურადღება და სიფრთხილე. არ გასცენ საკუთარი პერსონალური და ფინანსური ინფორმაცია, მათ შორის, ბანკის დისტანციურ არხებში ავტორიზაციისთვის  საჭირო მომხმარებლის სახელი და პაროლი, ასევე, აღნიშნული ინფორმაცია არ შეიყვანონ უცნობი პირებისგან მოწოდებულ საეჭვო ბმულებზე და არ სცადონ საბანკო/საბარათე ოპერაციების განხორციელება. ამ და სხვა შემოთავაზების  შემთხვევაში აუცილებელია გადაამოწმონ მიღებულ ინფორმაცია მომსახურე ფინანსურ ორგანიზაციასთან და მხოლოდ ამის შემდეგ მიიღონ საფინანსო პროდუქტით სარგებლობისა თუ ოპერაციების შესრულების გადაწყვეტილება.  შესაძლო თაღლითობის შესახებ ეჭვის არსებობის შემთხვევაში კი მიმართონ შესაბამის სამართალდამცავ ორგანოებს.შეგახსენებთ, რომ საქართველოს ეროვნული ბანკი, ფინანსური სექტორის მომხმარებელთა უფლებების დაცვის მიზნით, პერიოდულად ავრცელებს გამაფრთხილებელ თუ საგანმანათლებლო ინფორმაციას ფინანსური თაღლითობის ხშირად გამოყენებულ სქემებთან დაკავშირებით. შესაბამისი შინაარსის მასალები განთავსებულია საქართველოს ეროვნული ბანკის ოფიციალურ ვებგვერდებზე.ინფორმაციას ეროვნული ბანკი ავრცელებს.

1792663226

როგორც აღმოჩნდა, “აკადემიაში” ინვესტორის შესვლის შემდეგ პერიოდში ნათია ჯანაშიამ წამოიწყო უზარმაზარი სამშენებლო პროექტი და ლისის ტბის მიმდებარედ 3 820 კვადრატულ მეტრის ფართობის გრანდიოზულ საცხოვრებელ სივრცეს იშენებს. ამ ფაქტმა საზოგადოების ყურადღება მიიქცია და ნათია ჯანაშიას არნახულად დიდი სასახლე, ბოლო ხანებია, სოცქსელებში განხილვის ერთ-ერთ მთავარ თემად იქცა”, - ამბობენ “ახალგაზრდა ფინანსისტთა და ბიზნესმენთა ასოციაციის” - აფბას მონიტორინგის სამსახურში.აფბას მონიტორები აღნიშნავენ, რომ ნათია ჯანაშიას მიერ წამოწყებული გრანდიოზული სამშენებლო პროექტი იმდენად არის საინტერესო, რამდენადაც იგი დროში ზუსტად ემთხვევა პერიოდს, როცა “აკადემიის” მინორიტარმა აქციონერმა, ინვესტორთან გარიგების შედეგად, გაყიდული წილის სანაცვლოდ, საგანმანათლებლო ბიზნესისთვის უპრეცენდენტოდ დიდი თანხა - 29 მილიონ 300 ათასი ლარი მიიღო. ეს პროცესი დროში ასევე ემთხვევა პერიოდს (2019-2024 წლები), როცა “აკადემიას” ნათია ჯანაშიას და მისი მეუღლის, დავით ცეცხლაძის მენეჯმენტი განაგებდა და როცა გამოვლენილია 4 000 000 აშშ დოლარზე მეტის მიტაცება/გაფლანგვის შესაძლო ფაქტი, რაზეც ფინანსთა სამინისტროს საგამოძიებო სამსახურში საქმეც არის აღძრული და გამოძიება მიმდინარეობს.“გარდა ამ მნიშვნელოვანი ასპექტებისა, ყურადღებას იქცევს საკუთრივ სასახლის მასშტაბები და მისი გრანდიოზულობა - 3 820 კვადრატული მეტრის მქონე საცხოვრებელი საქართველოში დიდი იშვიათობაა. მთელი რიგი კითხვები, საზოგადოებას, ამ კონტექსტშიც გაუჩნდა”, - აღნიშნავენ აფბას მონიტორინგის სამსახურში.“იყო ობიექტური მოლოდინი, რომ ნათია ჯანაშია, დიდი საჯარო ინტერესიდან გამომდინარე, რაიმე ფორმატით გამოეხმაურებოდა დაგროვილ კითხვებს და უპასუხებდა საზოგადოებას, თუ რა ფაქტორებმა მისცა ბიძგი მის გადაწყვეტილებას, აეგო დადიანების ზუგდიდურ სასახლეზეც კი დიდი საცხოვრებელი; აპირებს თუ არა მის გასხვისებას და ამ შესაძლო გარიგების შედეგად, დამატებითი სარგებლის მიღებას და სხვ (გავრცელებული ინფორმაციის თანახმად, 3 820 კვადრატულ მეტრიანი სასახლით არაბული და ირანული ბიზნეს-ჯგუფები არიან დაინტერესებულნი და სასახლის მოწყობას მულტიფუნქციურ კომპლექსად გეგმავენ, სადაც ერთდროულად იქნება განთავსებული საოფისე და საცხოვრებელი სივრცე. დასახელებულია შესაძლო გარიგების თანხაც - 23 მილიონ 900 ათასი ლარი).დღემდე, ნათია ჯანაშია არსებულ ამ კითხვებთან მიმართებით  იგნორირების ტაქტიკას ირჩევს, რაც მისი გრანდიოზული სასახლის მიმართ საჯარო ინტერესს კიდევ უფრო ამძაფრებს. ამას ემატება ის მომენტიც, რომ არსებობს მოლოდინი, რომ უახლოეს ხანში ცნობილი გახდება ინფორმაცია მისი კიდევ ერთი, არანაკლებ ფეშენებელური საცხოვრისის თაობაზე”, - აცხადებენ აფბას მონიტორინგის სამსახურში.საკუთრივ სასახლეს რაც შეეხება, იგი ლისის ტბის მიმდებარედ არის აგებული და დედაქალაქს ამაღლებული ფერდობიდან გადმოჰყურებს. შენობა 3 630 კვ. მეტრ მიწის ნაკვეთზეა განთავსებული და ლისი ვილების ყველაზე მაღალ წერტილზეა აგებული. სასახლეს, მახლობლად მდებარე მულტიმილიონერთა სხვა ვილებთან შედარებით, ყველაზე დიდი ფართობი უკავია.ნათია ჯანაშიას სასახლის სხვა ვილებისგან გამორჩეულობა მხოლოდ ზომასა და მოცულობაში არ მდგომარეობს.მისი ერთ-ერთი მთავარი თავისებურებაა შენობაში მოქცეული მინიფეხბურთის მოედანია, რომლის სიგრძე 21 მეტრია,  სიგანე კი14 მეტრი. ეს ზომები დასაშვებია ფუტსალის არასაერთაშორისო მატჩებისთვის და ადგილობრივი ჩემპიონატებისთვის.უძრავი ქონების სპეციალისტები თამამად აცხადებენ, რომ საქართველოს მასშტაბით იშვიათია სახლი, რომელიც ერთ სივრცეში აერთიანებს: ბოულინგის დარბაზს, სტანდარტული ზომის დახურულ მინიფეხბურთის მოედანს და 20 ადამიანზე გათვლილ, კავეას სტილის, თანამედროვე ტექნოლოგიებით სრულად აღჭურვილ კინოთეატრს.სასახლის დანარჩენი ინფრასტრუქტურა ტრადიციულია და მსგავსია მულტიმილიონერთა რეზიდენციებისთვის. კერძოდ, ათამდე საძინებელი, - თითოეული საკუთარი საგარდერობე და სააბაზანო სივრცეებით, ასევე საკუთარი ვერანდებით, საიდანაც თითოეულს დამოუკიდებელი გასასვლელი აქვს ღია აუზზე; დახურული და ღია აუზები; სპა-სივრცე მასაჟის ოთახებით; მოცულობითი კვების ბლოკი ორი სამზარეულოთი და ვრცელი სასადილო სივრცით; ბარი და სტილისტისთვის გამოყოფილი სივრცე; შინაური ცხოველების ოთახი; ჩაის ლაუნჯი და აკვადისკოთეკა. 

1792661403

20 ოქტომბერს Los Angeles Lakers-მა NBA-ის რეგულარული სეზონის პირველი მატჩი გამართა და Golden State Warriors 22-ქულიანი სხვაობით, ანგარიშით 127:105 დაამარცხა. ეს თამაში განსაკუთრებული იყო ქართული კალათბურთისთვის - სანდრო მამუკელაშვილი პირველი ქართველი კალათბურთელია, რომელმაც ლეგენდარული Los Angeles Lakers-ის მაისურით ითამაშა.ლეიკერსი მეტია, ვიდრე საკალათბურთო კლუბი. წარმატებულ ისტორიასთან ერთად, ის კულტურულ ფენომენს წარმოადგენს, რომელიც მისდამი სხვანაირი ემოციითა და პატივისცემით განგაწყობს.ითამაშო "ლეიკერსში" - ეს ნიშნავს, რომ საზოგადოების ყურადღების ცენტრში ხარ და შენკენ უამრავი თვალია ლოს-ანჯელესიდან ტოკიომდე მოპყრობილი. "ლეიკერსის" მაისურის ტარება დიდი გამოწვევაა, მაგრამ სანდროს კარიერაში ძალიან ბევრი რამ აქვს დამტკიცებული, რაც გვაძლევს საბაბს, ვიფიქროთ, რომ ის 100%-ით მზადაა.მამუს “ლეიკერსის” შემადგენლობაში დებიუტი უკვე ჰქონდა. ეს იყო წინასასეზონო შეხვედრა “საკრამენტო კინგსის” წინააღმდეგ. 19 წუთში ქართველმა ფორვარდმა 8 ქულა, 5 შედეგიანი გადაცემა და 1 მოხსნა დააგროვა.ჩვეულებისამებრ, მატჩის შემდეგ სანდრო თავდაჯერებული ჩანდა. ჟურნალისტებთან საუბარში აღნიშნა: “ჩემთვის მთავარია მოედანზე გავიდე, მონდომებით ვითამაშო, მაქსიმუმი გავაკეთო და დანარჩენი თავისით მოხდებაო”.პირველი ოფიციალური შეხვედრა “ლეიკერსმა” საშინაო არენაზე “გოლდენ სტეიტ უორიორსის” წინააღმდეგ გამართა. წინასასეზონო სამზადისში ეს ორი კლუბი უკვე 2-ჯერ დაუპირისპირდა ერთმანეთს. სანდროს გუნდმა ორივე შეხვედრა სამწუხაროდ დათმო (124:98 და 89:101).თავად სანდრო დამაჯერებლად გამოიყურებოდა: პირველ შეხვედრაში "გოლდენ სტეიტს" 15 ქულა ჩაუგდო (ასევე 2 მოხსნა და 2 ასისტი), მეორე ჯერზე კი 10 ქულას, 7 მოხსნასა და 2 ასისტს მოუყარა თავი. განსაკუთრებული აღნიშვნის ღირსია სანდროს საოცარი ჩატენვა ბრუნში, რომელმაც ყველა სოციალური ქსელი მოიცვა. კადრში ჩანს მისი გაოგნებული თანაგუნდელის, NBA-ის "ოლ სტარის" 6-გზის მონაწილის, ლუკა დონჩიჩის სახე. დიახ, სამზადისში სანდრომ უკვე დაუმტკიცა თანაგუნდელებს, რომ ინიციატივის საკუთარ თავზე აღება, შემოქმედითობა და გუნდური თამაში თანაბრად ეხერხება.დონჩიჩმა სანდროს მიმართ საქებარი სიტყვებიც არ დაიშურა: “თამაშს კარგად კითხულობს და შესანიშნავ გადაცემებს აკეთებსო”, - აღნიშნა მან. რამდენადაც დიდია მოლოდინი და სასიამოვნოა ეს პოზიტიური განწყობა, უნდა გვესმოდეს, რომ სანდრო ძალიან რთულ გზას გადის. NBA-ის უზომოდ გადატვირთულ კალენდარში თითოეული ფეხის დაცდენა ძვირად ფასობს. აქ პატიებას არ უნდა ელოდო - შანსს მხოლოდ მაშინ მიიღებ, თუ მას გამოიმუშავებ.ლეიკერსამდე მიმავალი გზასანდრომ იბრძოლა, არ დანებდა და არ გაჩერდა. მიდიოდა იქ, სადაც შესაძლებლობა ელოდა. იღებდა გამოცდილებას და პროგრესის შანსს ხელიდან არ უშვებდა. იყო ცვლილებები, მოქმედება, სიახლისა და სიმაღლის წყურვილი და “ლეიკერსამდე” მიმავალი გრძელი გზა. ქრონოლოგიურად გადავხედოთ:2021 წლის დრაფტზე იგი “ინდიანა პეისერსმა” აირჩია, თუმცა რეალურად კარიერა NBA-ის იმჟამინდელ მოქმედ ჩემპიონში, “მილუოკი ბაქსში” დაიწყო, სადაც ვარსკვლავური შემადგენლობა და უდიდესი კონკურენცია დახვდა. ნდობის მოსაპოვებლად მას G-ლიგაში თამაშიც მოუწია, სადაც ბრწყინვალე ასპარეზობით ყველას დაუმტკიცა, რომ მისი ადგილი მსოფლიოს უძლიერეს საკალათბურთო ასოციაციაში იყო.ამას მოჰყვა გარდამტეხი ეტაპი - ტრანსფერი “სან ანტონიოში” და ლეგენდარული გრეგ პოპოვიჩის ხელმძღვანელობით ასპარეზობა. მის ხელში მამუმ უდიდესი გამოცდილება მიიღო. “სან ანტონიოს” პუბლიკამ სანდრო შეიყვარა, თუმცა მამუს მეტი სათამაშო დრო სჭირდებოდა, ამიტომაც მორიგ გაჩერებად “ტორონტო რაპტორსი” აირჩია - საჯაროდაც დაადასტურა, რომ სხვა კლუბებისგან უკეთესი ფინანსური შეთავაზების მიუხედავად, გასული სეზონის სტარტზე არჩევანი “ტორონტოზე” შეაჩერა.ამ ნაბიჯმა დაგვანახა, რომ მამუ პარკეტს მიღმა სწორ ნაბიჯებს დგამდა: გასული სეზონი მის კარიერაში გამორჩეული გამოდგა. კანადურ კლუბში სანდრო პარკეტზე 80 შეხვედრაში ვიხილეთ, რაც მის კარიერაში სარეკორდო მაჩვენებელია. მამუმ სეზონი შთამბეჭდავი სტატისტიკით დაასრულა: საშუალოდ 21.9 წუთი, 11.2 ქულა, 4.9 მოხსნა და 1.9 შედეგიანი გადაცემა. თამაშიდან სროლის სიზუსტის პროცენტული მაჩვენებელი 52.5%-ს შეადგენდა, რაც მთელი NBA-ის მასშტაბით მე-20 საუკეთესო შედეგი გახლდათ.…და ლოს-ანჯელეს ლეიკერსი"ტორონტოსთან" შეთანხმების მიხედვით, მამუკელაშვილს ჰქონდა უფლება, ზაფხულში თავისუფალი აგენტი გამხდარიყო და კარიერა სხვა კლუბში გაეგრძელებინა. ამ შესაძლებლობით კი “ლოს-ანჯელეს ლეიკერსმა” ისარგებლა და სანდროს 4-წლიანი, 52 მილიონი დოლარის კონტრაქტი გაუფორმა, რითაც ძალიან ბევრი ქართველი ქომაგის ოცნება ახდა - სანდრო იმ კლუბში ითამაშებს, რომლის მაისურითაც მეჯიკ ჯონსონი, ქარიმ აბდულ-ჯაბარი, კობი ბრაიანტი და შაკილ ო’ნილი ასპარეზობდნენ.სანდრომ ლეიკერსში 54-ნომრიანი მაისური მოირგეო, რაც სიმბოლიზმის მატარებელია. გაგახსენებთ, “ინდიანა პეისერსმა” იგი დრაფტზე 54-ე პიკად აირჩია. შესაბამისად, ეს იყო მისი სტარტი, ესაა მისი ამწყო და ვიყოთ იმედიანები - წარმატებული მომავალი.მეექვსე სეზონი NBA-ში, ამჯერად უკვე “ლოს-ანჯელეს ლეიკერსის” რიგებში - ეს ძალიან ხმაურიანი და შთამბეჭდავი ფურცელია ქართული კალათბურთის ისტორიაში. ეს საფეხური სანდროს ძალიან გაზრდის და ჩვენი ნაკრებისთვის კიდევ უფრო მეტად მნიშვნელოვან ფიგურად ჩამოაყალიბებს. ცხადია, როდესაც NBA-ის კალენდრის გამო სანდრო სანაკრებო შეკრებებზე გუნდთან ერთად ვერ იმყოფება, ეს დიდი დანაკლისია, თუმცა მნიშვნელოვან მომენტებში, დიდ ტურნირებზე, სანდროს ნაკრებში მხრებით მოაქვს კლასი, გამოცდილება და დამაჯერებლობა - ლიდერული თვისებები მან გასულ ევრობასკეტზეც ნათლად დაგვანახა.ერთი სიტყვით, წინ საინტერესო სეზონი გველოდება. კალიფორნია, “ლეიკერსი”, კობი ბრაიანტი, სანდრო მამუკელაშვილი - ეს უკვე ერთმანეთთან კავშირში მყოფი ასოციაციებია და ჩვენ ისღა დაგვრჩენია, მამუს ამ ძალიან საინტერესო თავგადასავალში ვუქომაგოთ და უდიდესი წარმატება ვუსურვოთ.საქართველოს ბანკი ეროვნული საკალათბურთონაკრების მთავარი სპონსორია

1792657309