სწორედ ახალი შესაძლებლობების ხელშეწყობის მიზნით, საქართველოს ბანკი, Mastercard-თან და გაეროს ქალთა ორგანიზაციასთან (UN Women) თანამშრომლობით, გოგოებისა და ქალებისთვის AI სასტიპენდიო პროგრამას ახორციელებს. ინიციატივის ფარგლებში, დაინტერესებულ პირებს შესაძლებლობა აქვთ, პარტნიორ პროფესიულ აკადემიებში ხელოვნური ინტელექტის მიმართულებით მათთვის საინტერესო კურსზე 100%-იანი დაფინანსებით ისწავლონ.რომელ აკადემიებში შეგიძლია შეისწავლო ხელოვნური ინტელექტი?პროგრამის ფარგლებში, მსურველებს შესაძლებლობა აქვთ, აირჩიონ მათთვის საინტერესო კურსი 6 პარტნიორი აკადემიიდან: Smart Academy - ხელოვნური ინტელექტი პრაქტიკაში Tbilisi School of Communication - ხელოვნური ინტელექტის საფუძვლები, AI Agents & Automations, AI ბიზნესის განვითარებაში Academy of Digital Industry - ხელოვნური ინტელექტის პრაქტიკული კურსი, AI ChatBots AgileSchool - AI Automation Skillwill - ხელოვნური ინტელექტი საოფისე სამუშაოსთვის ScaleUp - ხელოვნური ინტელექტი და მონაცემთა მეცნიერება IT აკადემია STEP - AI ინჟინერია Python დიზაინ ინსტიტუტი - სამუშაო პროცესების დიზაინი AI-ს გამოყენებით ელექტრონული აკადემია - ხელოვნური ინტელექტი AI კურსები მოიცავს როგორც ხელოვნური ინტელექტის საფუძვლებს, ისე მის პრაქტიკულ გამოყენებას, ავტომატიზაციას, მონაცემთა მეცნიერებასა და ბიზნესპროცესებში AI ინსტრუმენტების ინტეგრაციას.როგორ შეგიძლია მიიღო AI სტიპენდია?პროგრამაში მონაწილეობის მიღება შეუძლია ნებისმიერ გოგოსა და ქალს, რომელსაც ხელოვნური ინტელექტის შესწავლა და ამ მიმართულებით ცოდნის გაღრმავება სურს.სტიპენდიატების შერჩევა რამდენიმე ეტაპს მოიცავს: ელექტრონული განაცხადის შევსება და სამოტივაციო წერილის წარდგენა; აპლიკაციების გადარჩევა; შერჩეულ კანდიდატებთან გასაუბრება. შერჩევის კრიტერიუმებს თითოეული აკადემია ინდივიდუალურად განსაზღვრავს.AI სასტიპენდიო პროგრამაზე განაცხადების მიღება 25 ნოემბრის ჩათვლით გაგრძელდება.პარტნიორი აკადემიების, სასწავლო კურსების, შერჩევის კრიტერიუმებისა და განაცხადის შევსების შესახებ დეტალური ინფორმაციის მისაღებად ეწვიეთ ვებგვერდს.აღმოაჩინე საქართველოს ბანკის მიერ შექმნილი განათლების შესაძლებლობები ვებგვერდზე.საქართველოს ბანკი - განათლების მთავარი მხარდამჭერი.

1793876077

ეს ფაქტები ნათელი ხდება სასამართლო პროცესებიდან, სადაც ინვესტორის წარმომადგენელი ადვოკატები სასამართლოს წინაშე წარადგენენ გაურკვეველი “ექაუნთებიდან” ათასობით ელეტრონულ მისამართზე დაგზავნილ დეფამაციური შინაარსის შეტყობინებას, სადაც აღნიშნულია, რომ აკადემიის ინვესტორის ინტერესების დამცველი ადვოკატები და იურიდიული ფირმები არიან თაღლითები, დამნაშავეები და რომ მათთან საქმის დაჭერა სარისკო და სახიფათოა. ამავე შეტყობინებებში კორუმპირებულად და წინასწარ მოსყიდულად იხსენიება პრაქტიკულად ყველა ის მოსამართლე, ვინც “ბრიტანულ-ქართულ აკადემიასთან” დაკავშირებული დავის ამა თუ იმ ეპიზოდს განიხილავს.ბიზნესდავების ქართულ ისტორიებში, მსგავსი მიდგომა, რაღაც ახალია, თუმცა ფაქტია, რომ ცალსახად უკანონო ზეწოლის ფორმატთან გვაქვს საქმე, რაც ძალიან შემაშფოთებელია”, –  აღნიშნა “ახალგაზრდა ფინანსისტთა და ბიზნესმენთა ასოციაციის” – აფბას ხელმძღვანელმა, გიორგი კაპანაძემ “ალიასთან” ინტერვიუში. შეგახსენებთ, აფბა ბოლო თვეებია, “ბრიტანულ-ქართული აკადემიის” გარშემო მიმდინარე ბიზნესდავის საზოგადოებრივ მონიტორინგს ახორციელებს.– გიორგი, რამდენადაა დადასტურებული, რომ თქვენს მიერ აღწერილ კამპანიას სწორედ ნათია ჯანაშია წარმართავს? – მადლობა ამ შეკითხვისთვის, მართებული და სწორი ვექტორით დასმული კითხვაა. რა თქმა უნდა, “ჟანრის კლასიკაა”, რომ მსგავსი ქმედებების ავტორები არასდროს საკუთარი ნება-სურვილით არ აღიარებენ დეფამაციიური კამპანიის ავტორობას. პირიქით – წარმომადგენელი იურისტების პირით ემიჯნებიან კიდეც მას. მაგრამ აქ საქმეში ერთვება ლოგიკა, გავრცელებული გზავნილების სტილური და შინაარსობრი თანხვედრა მანამდე ნათია ჯანაშიასთან აფილირებულ ვებგვერდებზე განთავსებულ გზავნილებთან და მთავარი – სამართლადამცავთა ვერდიქტი, რომელსაც ინვესტორის წარმომადგენელი მხარე ელოდება.ჩემი ინფორმაციით, თითოეულ ზემოთ აღწერილ გზავნილთან დაკავშირებით მათ მიმართული აქვთ შესაბამისი სამართალდამცავი უწყებებისადმი მოთხოვნით, რომ დადგინდეს გზავნილების ე.წ. “ციფრული კვალი” და შედეგად გამოირკვეს გზავნილთა რეალური ავტორები. დღევანდელ ციფრულ ეპოქაში, დარწმუნებული ვარ, ეს არც თუ ისე რთული საქმე იქნება.– გიორგი, რამდენიმე თვეა, რაც აფბა აღნიშნული დავის საზოგადოებრივ მონიტორინგს ახორციელებს. ამ ეტაპზე რა არის ის მთავარი მიგნებები, რაც  ამ პროცესში გამოიკვეთა?– ხაზგასმით უნდა აღვნიშნო, რომ ჩვენი მონიტორინგის პროცესი ეყრდნობა მხოლოდ საჯარო სივრცეში არსებულ და მხარეთა მიერ გავრცელებულ ინფორმაციას. ასევე, საჭიროების შემთხვევაში, დამატებით, ამა თუ იმ უწყებიდან, საჯარო ინფორმაციის გაცემის წესით გამოთხოვილ ცნობებს.იკვეთება, რომ ნათია ჯანაშიას მხარე ინვესტორს, “საქართველოს განათლების ჯგუფს” უყენებს შემდეგ პრეტენზიებს:რომ  მათ იაფად გაყიდეს წილი;რომ გარიგების თანხა სრულად არ მიუღიათ;რომ  კონტრაქტის ვადის გასვლის მიუხედავად, ის და მისი მეუღლე სკოლის მმართველობას უკანონოდ ჩამოაშორეს;რომ „საქართველოს განათლების ჯგუფს” სკოლის კაპიტალი, ნათია ჯანაშიას მხარის წილობრივი მონაწილეობის გარეშეც უნდა შეევსო კაპიტალში ოქროყანის მიწის ნაკვეთის შეტანით.და რომ ამ ყველაფრის ფონზე და გამო, ინვესტორი უნდა გაირიცხოს კომპანიიდან.თავის მხრივ, “საქართველოს განათლების ჯგუფი” ნათია ჯანაშიას გარიცხვას ითხოვს კომპანიიდან იმის გამო:რომ მისმა მენეჯმენტმა “აკადემიას”, არამართლზომიერი და შეუსაბამო ხარჯების გაწევის გზით,  მიაყენა 2 მილიონ ლარზე მეტი მოცულობის ზიანი.რომ მისი მენეჯმენტის პირობებში დაფიქსირდა 4 მილიონ აშშ დოლარზე მეტის მიტაცება/გაფლანგვის ფაქტი.რომ კომპანია დააყენა ლიკვიდაციის რეალური საფრთხის წინაშე.რომ სისტემურად და სისტემატურად, მათ შორის, ბულინგის და სიძულვილის ენის თანხლებით, აწარმოებს ინვესტორის საქმიანი და პიროვნული რეპუტაციის შემლახველ კამპანიას.რომ საკუთარი უმოქმედობით თუ სხვა შეგნებული ქმედებებით ხელს უშლის კომპანიის განვითარების გეგმების განხორციელებას.– თქვენი დაკვირვების შედეგად, ჩამოთვლილთაგან, რომელი მხარის პრეტენზიებია რელევანტური?– მონიტორინგის პროცესში გამოიკვეთა, რომ ნათია ჯანაშიას მხარეს მთელი ამ დროის განმავლობაში საზოგადოებისთვის არ წარუდგენია არც ერთი ფაქტი ან/და დამადასტურებელი სხვა რაიმე დოკუმენტი, რაც მისი ნარატივის მართებულობაში დაგვარწმუნებდა.მეორე მხრივ, ინვესტორის მხარის მიერ საზოგადოებისთვის თუ სასამართლო ინსტანციებისთვის წარდგენილი მტკიცებულებები გამოირჩევა ფაქტებზე დაყრდნობის მაღალი სტანდარტით.ესაა მოკლედ, რაც შეიძლება რომ ითქვას და აქედან გამომდინარე, შეგიძლიათ თავად განსაჯოთ თუ რომელი მხარის პრეტენზიები შეიძლება რომ ჩაითვალოს რელევანტურად.– ბოლო პერიოდში საზოგადოებამ შეიტყო, რომ ნათია ჯანაშიას და მისი მეუღლის საკუთრებაშია რამდენიმე ათეული მილიონის უძრავი ქონება. ეს ფაქტი რამდენად არის მნიშვნელოვანი თქვენთვის, როგორც ბიზნეს დავის მონიტორინგის განმახორციელებლი ორგანიზაციისთვის?– თავისთავად ფაქტი, რომ ესა თუ პირი ფლობს ამა თუ იმ ქონებას, საზოგადოებრივად საინტერესო არ არის. თუმცა თქვენს მიერ მოტანილი ფაქტი, – ვფიქრობ, მხედველობაში გაქვთ ნათია ჯანაშიას და დავით ცეცხლაძის საკუთრებაში არსებულ თბილისში, ლისის ტბის მიმდებარედ განთავსებული სასახლე, რომლის საცხოვრებელი ფართიც 3 820 კვადრატული მეტრია და ასევე საქართველოს ერთ-ერთ განთქმულ სარეკრეაციო სივრცეში განთავსებული ვილა, ჩვენი ყურადღების არეალში მოხვდა, რამდენადაც ორივე მათგანი მათ შეძენილი აქვთ მას შემდეგ რაც აკადემიაში “ინვესტორი” შევიდა – 2019 წლის შემდეგ პერიოდში.ამით იკვეთება ის, რომ “აკადემიაში” ინვესტორის შესვლამ არა მხოლოდ “აკადემიის” ფინანსურ მაჩვენებლებზე იქონია კეთილმყოფელი გავლენა (მაჩვენებლები განუხრელად მზარდია), არამედ მინორიტარ აქციონერ ნათია ჯანაშიასა და მის ოჯახზეც – მათ სწორედ ამ პერიოდში მოახერხეს და შეიძინეს თქვენ მიერ აღნიშნული ქონებები.– მინდა უფრო დაწრილებითი კომენტარი გთხოვოთ ერთი კონკრეტული ასპექტის თაობაზე. – თქვენ აღნიშნეთ, ნათია ჯანაშიას მოთხოვნა იყო, რომ „საქართველოს განათლების ჯგუფს” სკოლის კაპიტალი, ნათია ჯანაშიას მხარის წილობრივი მონაწილეობის გარეშეც უნდა შეევსო კაპიტალში ოქროყანის მიწის ნაკვეთის შეტანით. – რამდენადაც იკვეთება, ეს არის ერთ-ერთი მთავარი სადავო საკითხი. რას გვეტყვით უფრო ვრცლად ამ მომენტის შესახებ? – ჩვენი მოკვლევის საფუძველზე იკვეთება, რომ “განათლების ჯგუფი” მზად იყო და შეიტანდა აღნიშნულ ნაკვეთს აკადემიის კაპიტალში, იმ შემთხვევაში, როდესაც კაპიტალში შენატანს განახორციელებდა ორივე აქციონერი საკუთარი წილობრივი პაკეტის (70/30) შესაბამისად.ეს პირობა, რომ მხარეთა შორის არსებობდა და შეთანხმებული იყო, დასტურდება მხარეთა შორის არსებული, საჯაროდ გავრცელებული, საქმიანი მიმოწერის იმ ფრაგმენტებიდან, სადაც დავით ცეცხლაძე “განათლების ჯგუფის” მენეჯმენტს თხოვნით მიმართავს, რომ მიეცეს საშუალება, კაპიტალში შენატანის მათზე რიცხული მოცულობა რამდენიმე ტრანშად დაყოფილად შეიტანოს.შესაბამისად, გაუგებარია, თუკი ჯანაშია-ცეცხლაძის მხარე კაპიტალში შენატანის მათი წილის განხორციელებას 4 ნაწილად დაყოფით ცდილობს, ანუ აპრიორი აღიარებს ამ ვალდებულებას, შემდეგ პერიოდში, კერძოდ დავის დაწყებიდან მხოლოდ დიდი პერიოდის შემდეგ, რა არგუმენტზე დაყრდნობით ითხოვს პარტნიორი მხარისგან მხოლოდ მისი მხრიდან კაპიტალის შევსებას (მიწის შეტანით), ისე რომ მის ვალდებულებას აღარ ახსენებს?ნათია ჯანაშიას მხრიდან ამ გარემოების ახსნას და დადასტურებას, მოკვლევის პროცესში, არსად შევხვედრივართ.უფრო მეტიც, 2026 წლის 13 მარტს გამართულ აქციონერთა კრებაზე, როგორც ჩემთვის ცნობილია, და ეს საკითხი განხილული აქვთ ნათია ჯანაშიასა და მის მეუღლეს თავის ერთ-ერთ განცხადებაშიც, „საქართველოს განათლების ჯგუფი“მზად იყო ოქროყანის ნაკვეთი შეეტანა „ბრიტანულ-ქართული აკადემიის“ კაპიტალში ჯანაშიას მხრიდან შესაბამისი შენატანის განხორცილების პარალელურად, თუმცა ქალბატონი ნათია და მისი მეუღლე, წინააღმდეგი წავიდნენ.– თქვენ აღნიშნეთ, რომ ვრცელდება მთელი რიგი გზავნილები, რომლებიც შეიცავს  შეურაცხმყოფელ ეპითეტებს საქართველოში დავასთან დაკავშირებული საქმეების განმხილველი მოსამართლეების მიმართ. ხომ არ ხდება იგივე ინგლისში მიმდინარე დავასთან მიმართებით?– ზოგადად, იკვეთება რომ დავის ბრიტანეთში, კერძოდ ინგლისისა და უელსის იუსტიციის უმაღლესი სასამართლოს ბიზნესისა და ქონებრივი საქმეების სასამართლოში გადატანის მცდელობა, ესაა ქმედება, რომელსაც ნათია ჯანაშიასა და დავით ცეცხლაძის მხრიდან საკითხზე ირიბი ზეწოლის მცდელობას დავარქმევდი.მიიღებს თუ არა წარმოებაში ამ განაცხადს ლონდონის სასამართლო, ეს ჯერაც უცნობია, მაგრამ თავად ფაქტი მრავლისმეტყველია, მით უფრო, იმაზე დაყრდნობით, რომ ლონდონის სასამართლოსთვის მიმართვის აუცილებლობას, ნათია ჯანაშია, საქართველოში, პოლიტიკური ვექტორის ცვლილებით (ხელისუფლების გეზი რუსეთისკენ), სასამართლოს კორუმპირებულობიოთ და სასამართლო სისტემაზე აბსოლუტური ოლიგარქიული გავლენებით ხსნით და გასაგებად არაფერს ამბობს საკითხის ფაქტობრივ მხარეებზე.ფაქტია, ნათია ჯანაშიას მხრიდან დავის “ბრიტანულ სიბრტყეზე” გადატანის მცდელობით, სახეზე გვაქვს აქციონერთა შორის ბიზნესდავის სრული პოლიტიზება და საქართველოს იმიჯის დაზარალების მცდელობა იმისთვის, რომ მისი კერძო ინტერესები, თუნდაც უხეში ფორმებით და უსამართლოდ, მაგრამ აუცილებლად დაკმაყოფილდეს. რამდენად მოახერხებს ნათია ჯანაშია ამ აუცილებლობაში ბრიტანული მართლმსაჯულების დარწმუნებას, ძნელი სათქმელია…საკუთრივ თქვენ კითხვას რომ დავუბრუნდეთ, გეტყვით რომ არა – მონიტორინგის პროცესში არ გამოვლენილა ფაქტი, რომ ვინმე ბრიტანულ მართლსაჯულებას, ბრიტანელ იურისტებს და ბრიტანელ მოსამართლეებს კორუმპირებულებს, მოსყიდულებს, თაღლითებს და დამნაშავეებს უწოდებდეს.როგორც ჩანს, ჯერ-ჯერობით მაინც, მავანი, მსგავსი ეპითეტების უაპელაციო გამოყენებისას, მხოლოდ საქართველოს მასშტაბით იფარგლება.წყარო: Alia.ge

1793868567

ღონისძიების მონაწილეებს სიტყვით აჭარის მთავრობის თავმჯდომარემ ზურაბ პატარაძემ მიმართა და აღნიშნა, რომ საქართველო მსოფლიო დონის პლატფორმად ყალიბდება, ხოლო აჭარა საერთაშორისო ბრენდული კომპანიებისთვის სულ უფრო მიმზიდველი ხდება.„დღეს საქართველო მსოფლიო დონის პლატფორმად იქცა და ამავდროულად აჭარა ყოველწლიურად უფრო საინტერესო ხდება სხვადასხვა საერთაშორისო ბრენდული კომპანიისთვის. ამ ყველაფერს ხელს უწყობს და აძლიერებს ჩვენი ქვეყნის, ჩვენი ხელისუფლების მშვიდობიანი კურსი და განვითარებაზე ორიენტირებული პოლიტიკა“, - აღნიშნა ზურაბ პატარაძემ.აჭარის მთავრობის თავმჯდომარის განცხადებით, ბათუმში ისეთი საერთაშორისო ბრენდის შემოსვლა, როგორიც Cipriani-ია, ქალაქის საერთაშორისო პოზიციონირებას კიდევ უფრო გააძლიერებს. მისი თქმით, ბრენდის პრემიუმ სეგმენტის გამოცდილება ბათუმს ახალ, გამორჩეულ ხასიათს შესძენს.„Cipriani-ის პრემიუმ ხაზი მთელ მსოფლიოში ასოცირდება უმაღლესი სტანდარტის მომსახურებასთან, სერვისებთან და წარმატებასთან. დღეს ეს იტალიური გამოცდილება აჭარის რეგიონში შემოდის და ბათუმს სრულად ახალ, განსხვავებულ, თავისი კოლორიტით სავსე ხასიათს შესძენს,“ - განაცხადა ზურაბ პატარაძემ.აჭარის მთავრობის თავმჯდომარემ ყურადღება ასევე გაამახვილა ბათუმისა და აჭარის მზარდ საინვესტიციო მიმზიდველობაზე და აღნიშნა, რომ პროექტისთვის ბათუმის შერჩევა შემთხვევითი არ ყოფილა. მისი თქმით, რეგიონში განხორციელებული პროექტები, მზარდი ცნობადობა და ბიზნესსა და ხელისუფლებას შორის ეფექტიანი თანამშრომლობა ახალი ინვესტიციების მოზიდვის მნიშვნელოვანი წინაპირობაა.„ამ პროექტის განსახორციელებლად ბათუმის შერჩევა შემთხვევით არ მომხდარა. დღეს ჩვენი რეგიონი, ჩვენი ქალაქი, ჩვენი ცნობადობა და ჩვენი წინ გადადგმული ნაბიჯები მნიშვნელოვანია ინვესტორებისთვის. სწორი კოორდინაცია ბიზნესსა და ხელისუფლებას შორის არის ერთ-ერთი უმთავრესი კომპონენტი და დღევანდელი დღეც ამის ნათელი მაგალითია,“ - აღნიშნა აჭარის მთავრობის თავმჯდომარემ.ზურაბ პატარაძის განცხადებით, რეგიონის განვითარების ერთ-ერთი მთავარი მიმართულება აჭარის ტურისტული პოტენციალის კიდევ უფრო მეტად წარმოჩენა და საერთაშორისო ვიზიტორებისთვის ახალი შესაძლებლობების შეთავაზებაა.„ჩვენი უცვლელი მიზანია, თითოეულმა სტუმარმა აღმოაჩინოს აჭარა, მისი ულამაზესი კუთხეები, შავი ზღვის სანაპირო, მისი ულამაზესი მთა და ბარი, მდიდარი კულტურა და უნიკალური რესურსები და, რა თქმა უნდა, ჩვენი განსაკუთრებული სტუმარმასპინძლობა,“ - განაცხადა მან.თავმჯდომარის თქმით, Cipriani-ის პროექტი ხელს შეუწყობს რეგიონში ახალი ინვესტიციების მოზიდვას, საერთაშორისო კომპანიების შემოსვლას და აჭარის ეკონომიკური და ტურისტული პოტენციალის კიდევ უფრო გაძლიერებას.

1793865637

შეხვედრებზე სებ-მა ანგარიშგების მიმართულებით განახლებული მოთხოვნები წარადგინა, რომელიც საოპერაციო საქმიანობის ანგარიშგების სტანდარტების გაუმჯობესებასა და გამჭვირვალობას უზრუნველყოფს.მონაწილეები გაეცნენ ფინანსური ანგარიშგების შევსებისა და ელექტრონული პორტალის გამოყენების განახლებულ ინსტრუქციას. განსაკუთრებული ყურადღება დაეთმო ფულის გათეთრებასთან ბრძოლისა და მომხმარებელთა უფლებების დაცვის საკითხებს.სემინარები ინტერაქტიულ ფორმატში წარიმართა. მონაწილეებს შესაძლებლობა ჰქონდათ გაეზიარებინათ თავიანთი გამოცდილება, ემსჯელათ არასაბანკო სექტორის გამოწვევებსა და საჭიროებებზე, ასევე რეგულარული საგანმანათლებლო შეხვედრების აუცილებლობაზე.შეხვედრებს თბილისის 120-ზე მეტი ვალუტის გადამცვლელი პუნქტის წარმომადგენელი და სესხის გამცემი სუბიექტი დაესწრო. შეხვედრებში ასევე მონაწილეობდნენ საქართველოს ვალუტის გადამცვლელთა ასოციაციის წარმომადგენლები. ღონისძიების დასასრულს, მონაწილეებს სერტიფიკატები გადაეცათ.საინფორმაციო შეხვედრების წლევანდელმა სერიამ დედაქალაქსა და რეგიონებში ჯამში 300-ზე მეტი არასაბანკო სექტორის სუბიექტი მოიცვა. აღსანიშნია, რომ მსგავსი შეხვედრები ქვეყნის მასშტაბით ბოლო სამი წელია ტარდება და მასში მონაწილეთა რაოდენობა ყოველწლიურად მზარდია.

1793805714

გიორგი ნიკოლაძე ქართველი პარატაეკვონდოისტია, რომელიც -70 კგ წონით კატეგორიაში ასპარეზობს. განსაკუთრებული ჟინითა და შეუპოვრობით მან მოკლე დროში შეძლო საერთაშორისო დონეზე თავის დამკვიდრება.გადამწყვეტი ნაბიჯი სოფიაში გამართული ევროპის სალიცენზიო ტურნირი იყო. ამ ტურნირზე გამარჯვებით გიორგიმ პარიზის 2024 წლის ზაფხულის პარალიმპიური თამაშების საგზური მოიპოვა.ეს იყო მომენტი, როდესაც გიორგი პარალიმპიურ ასპარეზზე გავიდა და საქართველოს სახელით მეოთხედფინალში იასპარეზა.მისი წარმატებები ამით არ შემოიფარგლება. გიორგის ბრინჯაოს მედლები აქვს მოპოვებული რომის გრან-პრიზე და ევროპის 2024 წლის ჩემპიონატზე. ის სტაბილურად ამტკიცებს, რომ ევროპის წამყვან პარატაეკვონდოისტებს შორის საკუთარი ადგილი დაიმსახურა.მაგრამ რამდენად ხშირად ვსაუბრობთ ამ მიღწევებზე?პარასპორტსმენების ისტორიებს ხშირად მხოლოდ მაშინ ვიხსენებთ, როდესაც ისინი მედალს იგებენ. თუმცა მათი მიღწევები და შესაძლებლობები ხშირად ყურადღების მიღმა რჩება. შედეგად, პარალიმპიელი ჩემპიონები, რომლებიც საერთაშორისო ასპარეზზე საქართველოს სახელით იბრძვიან, იშვიათად ხდებიან იმ ბრენდებისა და კამპანიების ნაწილი, რომლებიც მათ ცნობადობას მეტად გაზრდიდა.სწორედ ამიტომ საქართველოს ბანკი, როგორც პარალიმპიური ნაკრების მთავარი სპონსორი, მიზნად ისახავს პარალიმპიელი ჩემპიონებისა და მათი მიღწევების შესახებ ცნობადობის ამაღლებას და ამ პროცესში ბრენდების ჩართვას. კამპანიის მიზანია, რომ პარასპორტსმენებმა მიიღონ ის ყურადღება, რომელსაც იმსახურებენ. ასე გაჩნდა კამპანიის მთავარი კითხვა: „რომელი ბრენდი იმსახურებს ჩემპიონს?“კამპანიის ფარგლებში შეიქმნა პარალიმპიელების ფოტოსერია. ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას მთავარი კითხვა ჩნდება: „რომელი ბრენდი იმსახურებს ჩემპიონს?“კითხვა ბრენდებისთვის გამოწვევად იქცევა: შეავსონ ცარიელი ადგილი და დაიწყონ ქართველ პარალიმპიელ ჩემპიონებთან პარტნიორობა.ჩემპიონები მზად არიან.ახლა ბრენდების ჯერია.

1793798220

„ქედის ღვინის ფესტივალი ეხმარება ქართული ღვინის პოპულარიზაციას და ადგილობრივი მეღვინეობის განვითარებას. ჩვენი მიზანია, ხელი შევუწყოთ არა მხოლოდ ღვინის წარმოების განვითარებას, არამედ ხარისხზე ორიენტირებული მეღვინეობის გაძლიერებას, ადგილობრივი უნიკალური ჯიშებისა და ტრადიციების შენარჩუნებას, ახალი ბაზრების ათვისებასა და ქართული ღვინის კონკურენტუნარიანობის ზრდას. ქედის ღვინის ფესტივალი კარგი შესაძლებლობაა, უფრო ფართო საზოგადოებას გავაცნოთ აჭარის მეღვინეობის პოტენციალი, ადგილობრივი მწარმოებლები და ქართული ღვინის მრავალფეროვნება. მსგავსი ღონისძიებები, ღვინის ტურიზმის განვითარებასა და რეგიონებში ეკონომიკური შესაძლებლობების გაძლიერებას უზრუნველყოფს“, - აღნიშნა დავით სონღულაშვილმა.ფესტივალის მიზანი ქართული ღვინის პოპულარიზაცია, ადგილობრივი მეღვინეების მხარდაჭერა, ღვინის ტურიზმის განვითარება და რეგიონის ეკონომიკური პოტენციალის წარმოჩენა იყო. ღონისძიებაში საქართველოს სხვადასხვა რეგიონიდან ჩამოსული 50-მდე მარნისა და მეღვინეობის წარმომადგენელი მონაწილეობდა, რომლებმაც სტუმრებს ტრადიციული და თანამედროვე მეთოდებით დამზადებული ღვინოები გააცნეს.ფესტივალის სტუმრებისთვის მოეწყო ღვინის სადეგუსტაციო და თემატური სივრცეები, სადაც საქართველოს სხვადასხვა რეგიონის ღვინოებთან ერთად წარმოდგენილი იყო ქართული მეღვინეობის ტრადიციები და აჭარის კულტურული თავისებურებები.ღონისძიების ფარგლებში გაიმართა გასტრონომიული მასტერკლასები, მომზადდა ღვინის თანმხლები ტრადიციული კერძები, მათ შორის, თონის პური, მწვადი, ჩურჩხელა და აჭარისთვის დამახასიათებელი კერძები. ფესტივალის პროგრამა ასევე მოიცავდა ქართული მრავალხმიანი სიმღერისა და ტრადიციული ცეკვების წარმოდგენებს, ასევე ბავშვებისთვის განკუთვნილ გასართობ აქტივობებს.სომელიეების მიერ ჩატარებული დეგუსტაციის შედეგად გამოვლინდნენ გამარჯვებული მეღვინეები, რომლებსაც სპეციალური სასაჩუქრე ნაკრებები გადაეცათ.ქედის ღვინის ფესტივალზე გარემოს დაცვისა და სოფლის მეურნეობის მინისტრის მოადგილე გიორგი წკრიალაშვილი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები იმყოფებოდნენ.ინფორმაციას გარემოს დაცვისა და სოფლის მეურნეობის სამინისტრო ავრცელებს

1793797548

ფინანსთა სამინისტროს ინფორმაციით, გაცნობითი ხასიათის შეხვედრაზე ლაშა ხუციშვილმა ამერიკელ დიპლომატს თანამდებობაზე დანიშვნა მიულოცა და წარმატებები უსურვა საქმიანობაში.მხარეებმა განიხილეს ორ ქვეყანას შორის ურთიერთობები. ფინანსთა მინისტრმა სტუმარს გააცნო ქვეყნის ეკონომიკური ვითარება და საშუალოვადიანი პროგნოზები.საუბარი შეეხო აშშ-ის მხარდაჭერით საერთაშორისო პროგრამებისა და უწყებათაშორისი თანამშრომლობის, ასევე, მატერიალურ-ტექნიკური ბაზის,ინფრასტრუქტურის გაძლიერებისა და კადრების გადამზადების მიმართულებით განხორციელებულ ღონისძიებებს.შეხვედრის დასასრულს მხარეებმა დაადასტურეს თანამშრომლობის გაგრძელების მზაობა.შეხვედრას დაესწრო საელჩოს ეკონომიკისა და კომერციის ოფიცერი ამირ ალავი.

1793794380

„თბილისობა“, აშშ-ში მცხოვრები ქართველებისთვის, ქართული კულტურისა და ტრადიციების გაზიარების, თანამემამულეებთან შეხვედრისა და სამშობლოსთან ემოციური კავშირის შენარჩუნების განსაკუთრებული შესაძლებლობაა.  ნიუ-იორკში გამართულ დღესასწაულზე, თიბისი სტუმრებს განსაკუთრებული გამოცდილებით და არაერთი სასიამოვნო სიურპრიზით, აქტივობით და საჩუქრებით დახვდება. თიბისიმ ემიგრანტებისთვის საბანკო მომსახურებას კიდევ უფრო მარტივი და ხელმისაწვდომი გახადა. მსოფლიოს ნებისმიერი წერტილიდან მომხმარებლებს შეუძლიათ, დისტანციურად, სწრაფად და უსაფრთხოდ ისარგებლონ მათ საჭიროებებზე მორგებული საბანკო სერვისებით - ანგარიშის გახსნა, ციფრული ბარათის აღება, იპოთეკური სესხით სარგებლობა, გზავნილის გაგზავნა და განაღდება, თანხის დაგროვება და სხვა საბანკო პროდუქტები.  თიბისისთვის ემიგრანტებთან კავშირი მხოლოდ საბანკო მომსახურებით არ შემოიფარგლება. ბანკი მომავალშიც აქტიურად დაუჭერს მხარს ინიციატივებს, რომლებიც ქართველებს მსოფლიოს სხვადასხვა ქვეყანაში ერთმანეთთან და სამშობლოსთან აკავშირებს და ქართული კულტურის საერთაშორისო პოპულარიზაციას უწყობს ხელს. მისამართი: Amphitheater at Coney Island, 3052 W 21st St. Brooklyn, NY 11224 United States 

1793790348

სასტიპენდიო პროგრამის ფარგლებში, საქართველოს მოქალაქეებს შესაძლებლობა აქვთ, ისწავლონ მათთვის სასურველ მიმართულებაზე 100%-იანი დაფინანსებით და პროფესიული განვითარების ახალი ეტაპი დაიწყონ.რომელ პროფესიულ აკადემიებში შეგიძლია ისწავლო საქართველოს ბანკის სტიპენდიით?სასტიპენდიო პროგრამის პარტნიორი აკადემიები სხვადასხვა სფეროსა და პროფესიულ მიმართულებას აერთიანებს. მათ შორისაა: აგრარული უნივერსიტეტის კულინარიის აკადემია; Tbilisi School of Communication; Academy of Digital Industry; Smart Academy; IT Academy STEP; Headvice; BDO Academy; ScaleUp; სქილვილი (Skillville); AgileSchool; Smart Fish Academy; Edutech Academy; Craft – კრაფტ მეწარმეობის აკადემია; ნეომაინდ აკადემია; Sky21; რე ედუქეითი; ელექტრონული აკადემია; დიზაინის ინსტიტუტი; ღვინისა და გასტრონომიის აკადემია. რა მიმართულებების შესწავლაა შესაძლებელი?პროგრამა მრავალფეროვან სასწავლო მიმართულებებს მოიცავს, მათ შორისაა ტექნოლოგიები, დიზაინი, მარკეტინგი, ფინანსები, ბიზნესი და კულინარია.დაინტერესებულ პირებს შესაძლებლობა აქვთ, შეისწავლონ მონაცემთა ინჟინერია, Data Analytics & BI Development (SQL & Power BI), Python, AI აგენტები და ავტომატიზაცია, კიბერუსაფრთხოება, გრაფიკული და 3D დიზაინი, არქიტექტურის დიზაინი, კონტენტ მარკეტინგი, MarTech, UX/UI ქოფირაითინგი, ფინანსური ანალიზი, ბუღალტრული აღრიცხვა, ადამიანური რესურსების მართვა და სხვა მიმართულებები.კურსების ჩამონათვალი და ხელმისაწვდომობა პარტნიორი აკადემიის მიხედვით განსხვავდება. დეტალური ინფორმაციის მისაღებად ეწვიეთ ვებგვერდს.როგორ შეგიძლია მიიღო საქართველოს ბანკის სტიპენდია?სასტიპენდიო პროგრამაში მონაწილეობის მიღება საქართველოს ნებისმიერ მოქალაქეს შეუძლია. სტიპენდიატების შერჩევა რამდენიმე ეტაპს მოიცავს:1. ელექტრონული განაცხადის შევსება და სამოტივაციო წერილის წარდგენა;2. აპლიკაციების პირველადი გადარჩევა;3. შერჩეულ კანდიდატებთან გასაუბრება;4. საჭიროების შემთხვევაში, დამატებითი ტესტირება ან პროფესიული უნარების შემოწმება.პარტნიორი აკადემიების, სასწავლო კურსების, შერჩევის კრიტერიუმებისა და განაცხადის შევსების შესახებ დეტალური ინფორმაციის მისაღებად ეწვიე ვებგვერდს.აღმოაჩინე საქართველოს ბანკის მიერ შექმნილი განათლების შესაძლებლობები ვებგვერდზე ganatleba.bog.ge

1793786400

„ქედის ღვინის ფესტივალი ეხმარება ქართული ღვინის პოპულარიზაციას და ადგილობრივი მეღვინეობის განვითარებას. ჩვენი მიზანია, ხელი შევუწყოთ არა მხოლოდ ღვინის წარმოების განვითარებას, არამედ ხარისხზე ორიენტირებული მეღვინეობის გაძლიერებას, ადგილობრივი უნიკალური ჯიშებისა და ტრადიციების შენარჩუნებას, ახალი ბაზრების ათვისებასა და ქართული ღვინის კონკურენტუნარიანობის ზრდას. ქედის ღვინის ფესტივალი კარგი შესაძლებლობაა, უფრო ფართო საზოგადოებას გავაცნოთ აჭარის მეღვინეობის პოტენციალი, ადგილობრივი მწარმოებლები და ქართული ღვინის მრავალფეროვნება. მსგავსი ღონისძიებები, ღვინის ტურიზმის განვითარებასა და რეგიონებში ეკონომიკური შესაძლებლობების გაძლიერებას უზრუნველყოფს“, - აღნიშნა დავით სონღულაშვილმა.ფესტივალის მიზანი ქართული ღვინის პოპულარიზაცია, ადგილობრივი მეღვინეების მხარდაჭერა, ღვინის ტურიზმის განვითარება და რეგიონის ეკონომიკური პოტენციალის წარმოჩენა იყო. ღონისძიებაში საქართველოს სხვადასხვა რეგიონიდან ჩამოსული 50-მდე მარნისა და მეღვინეობის წარმომადგენელი მონაწილეობდა, რომლებმაც სტუმრებს ტრადიციული და თანამედროვე მეთოდებით დამზადებული ღვინოები გააცნეს.ფესტივალის სტუმრებისთვის მოეწყო ღვინის სადეგუსტაციო და თემატური სივრცეები, სადაც საქართველოს სხვადასხვა რეგიონის ღვინოებთან ერთად წარმოდგენილი იყო ქართული მეღვინეობის ტრადიციები და აჭარის კულტურული თავისებურებები.ღონისძიების ფარგლებში გაიმართა გასტრონომიული მასტერკლასები, მომზადდა ღვინის თანმხლები ტრადიციული კერძები, მათ შორის, თონის პური, მწვადი, ჩურჩხელა და აჭარისთვის დამახასიათებელი კერძები. ფესტივალის პროგრამა ასევე მოიცავდა ქართული მრავალხმიანი სიმღერისა და ტრადიციული ცეკვების წარმოდგენებს, ასევე ბავშვებისთვის განკუთვნილ გასართობ აქტივობებს.სომელიეების მიერ ჩატარებული დეგუსტაციის შედეგად გამოვლინდნენ გამარჯვებული მეღვინეები, რომლებსაც სპეციალური სასაჩუქრე ნაკრებები გადაეცათ.ქედის ღვინის ფესტივალზე გარემოს დაცვისა და სოფლის მეურნეობის მინისტრის მოადგილე გიორგი წკრიალაშვილი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები იმყოფებოდნენ.ინფორმაციას გარემოს დაცვისა და სოფლის მეურნეობის სამინისტრო ავრცელებს.

1793785276