ახალგაზრდებისთვის განათლებაზე ხელმისაწვდომობის გაზრდა საქართველოს ბანკის ერთ-ერთი მთავარი პრიორიტეტია. ამ მიზნით, ბანკი სასტიპენდიო პროგრამას ახორციელებს, რომლის ფარგლებშიც ბაკალავრიატის სტუდენტებს 23 პარტნიორ უნივერსიტეტში სწავლის სრული ან ნაწილობრივი დაფინანსების მიღების შესაძლებლობას აძლევს.გიორგის ისტორიაც ერთ-ერთი მაგალითია იმისა, თუ როგორ შეიძლება მხარდაჭერა ახალგაზრდისთვის ახალი მიზნების და აღმოჩენების საწყისად იქცეს.„მნიშვნელოვანია გესმოდეს, რატომ ხდება ესა თუ ის მოვლენა“გიორგიმ აკადემიური გზა საერთაშორისო ურთიერთობების მიმართულებით დაიწყო, მოგვიანებით კი პოლიტიკური მეცნიერებებით დაინტერესდა. მისთვის მნიშვნელოვანი მხოლოდ მოვლენების ცოდნა არ არის - მას აინტერესებს მათი გამომწვევი მიზეზები, ურთიერთკავშირები და შესაძლო შედეგები. სწორედ ეს ცნობისმოყვარეობა გახდა მისი პროფესიული არჩევანის საფუძველი.სტუდენტური ცხოვრება მისთვის მხოლოდ ლექციებით არ შემოიფარგლება. სწავლას სამსახურსა და სხვა პასუხისმგებლობებს უთავსებს, რამაც დროის სწორად განაწილება და სირთულეებთან გამკლავება ასწავლა. ამ გამოცდილებამ დაანახა, რომ განვითარება მხოლოდ აუდიტორიაში მიღებული ცოდნით არ შემოიფარგლება.დედა - მთავარი მაგალითი და ინსპირაციაროცა გიორგი ინსპირაციის წყაროზე საუბრობს, პირველ რიგში დედას ასახელებს. სწორედ მისი მაგალითით ისწავლა, რომ გამოწვევები გზის დასასრული არ არის და სირთულეების მიუხედავად, საკუთარ მიზნებზე უარი არ უნდა თქვა. ეს დამოკიდებულება დღესაც ეხმარება, განაგრძოს განვითარება და თავდაჯერებულად იაროს საკუთარი მიზნებისკენ.სტიპენდია, როგორც ნდობის გამოხატულებასაქართველოს ბანკის სტიპენდია გიორგისთვის მხოლოდ ფინანსური მხარდაჭერა არ არის. ეს საკუთარი შრომისა და შესაძლებლობების აღიარებაცაა.„ჩემთვის ძალიან მნიშვნელოვანია, როდესაც ვიღაც შენს შესაძლებლობებს ხედავს და საკუთარი მიზნების მიღწევაში გეხმარება“, - ამბობს გიორგი.მისთვის ეს მხარდაჭერა დამატებითი მოტივაციაა, უფრო თამამად დაისახოს ახალი მიზნები. ამასთან, თავადაც სურს, მომავალში სხვებისთვის გახდეს შესაძლებლობების შექმნისა და განვითარების ხელშემწყობი.მთავარი მიზანი: სწავლა საზღვარგარეთ და ცოდნის გაზიარებაუახლოეს მომავალში გიორგი სწავლის საზღვარგარეთ გაგრძელებას გეგმავს. მას სურს, გაეცნოს სხვა ქვეყნების აკადემიურ გამოცდილებას, გაიღრმაოს ცოდნა და მიღებული გამოცდილება საქართველოში გამოიყენოს. გრძელვადიან პერსპექტივაში კი საკუთარ თავს ლექტორის როლში ხედავს - ადამიანად, რომელიც არა მხოლოდ ცოდნას გადასცემს სტუდენტებს, არამედ მათ დამოუკიდებელ აზროვნებასა და სამყაროს უკეთ შეცნობაშიც დაეხმარება.რჩევა მომავალ სტიპენდიატებსგიორგის რჩევა მათთვის, ვისაც საქართველოს ბანკის სტიპენდიატის სტატუსის მოპოვება სურს, მარტივია:„ნუ დაელოდებით იმ მომენტს, როცა სრულიად დარწმუნებული იქნებით. შეცდომების არ უნდა შეგეშინდეთ, რადგან განვითარება სწორედ მოქმედებისა და გამოცდილების დაგროვების პროცესში ხდება“.დარეგისტრირდი საქართველოს ბანკის სასტიპენდიო პროგრამაზესაქართველოს ბანკის განათლების პროგრამებზე განაცხადების მიღება უკვე დაიწყო. თუ ბაკალავრიატის სტუდენტი ხარ და გსურს, განათლების გზაზე შემდეგი ნაბიჯი გადადგა, შეავსე განაცხადი საქართველოს ბანკის სასტიპენდიო პროგრამაზე და მიიღე სწავლის სრული ან ნაწილობრივი დაფინანსება 23 პარტნიორ უნივერსიტეტში.განაცხადების მიღება 30 ნოემბრის ჩათვლით გრძელდება. პროგრამის შესახებ დეტალური ინფორმაცია ხელმისაწვდომია საქართველოს ბანკის სტიპენდიების გვერდზე.აღმოაჩინე საქართველოს ბანკის მიერ შექმნილი განათლების შესაძლებლობები ვებგვერდზე.საქართველოს ბანკი - განათლების მთავარი მხარდამჭერი.

1793626277

სამიტის პირველ დღეს ვარლამ ებანოიძემ დისკუსია გამართა RegGenome-ის აღმასრულებელ დირექტორ ბობ უორდროპთან. შეხვედრის მთავარი თემები იყო ფინანსურ ზედამხედველობაში ხელოვნური ინტელექტის გამოყენება, რეგულირების ციფრულ ფორმატში გარდაქმნა და სხვადასხვა იურისდიქციას შორის მარეგულირებელი ჩარჩოების თავსებადობის ხელშეწყობა.განსაკუთრებული ყურადღება დაეთმო მანქანურად წაკითხვადი რეგულაციებისა და ხარისხიანი მონაცემების მნიშვნელობას. აღნიშნული მიდგომები ხელს უწყობს მარეგულირებელ მოთხოვნებს შორის მსგავსებებისა და განსხვავებების გამოვლენას, ანგარიშგების დუბლირების შემცირებასა და მტკიცებულებებზე დაფუძნებული პოლიტიკის შემუშავებას. ასევე განიხილეს აგენტური ხელოვნური ინტელექტის გამოყენების შესაძლებლობები საზედამხედველო საქმიანობაში, მათ შორის განმეორებადი ანალიტიკური ამოცანების შესრულებისა და შესაძლო შეუსაბამობების გამოვლენის მიმართულებით.სამიტის მეორე დღეს ვარლამ ებანოიძემ მოდერაცია გაუწია მრგვალ მაგიდას თემაზე: „ღია ფინანსები და ხელოვნური ინტელექტი: სად შეუძლია რეგიონულ თანამშრომლობას ყველაზე სწრაფი შედეგების მოტანა“. დისკუსიაში საერთაშორისო ორგანიზაციების, ფინანსური ინსტიტუტების, ფინტექ და რეგტექ კომპანიების წარმომადგენლები მონაწილეობდნენ.შეხვედრაზე განხილვის ერთ-ერთი მთავარი საკითხი საქართველოს ღია ბანკინგის გამოცდილება და მისი ღია ფინანსების უფრო ფართო ეკოსისტემად განვითარების პერსპექტივები იყო. მონაწილეებმა ასევე იმსჯელეს ფინანსურ მომსახურებებში ხელოვნური ინტელექტის გამოყენებასა და მომხმარებელზე ორიენტირებული ინოვაციური სერვისების განვითარების შესაძლებლობებზე.განსაკუთრებული ყურადღება დაეთმო ღია ფინანსებისა და ხელოვნური ინტელექტის კომბინაციის პოტენციალს მომხმარებელთა გამოცდილების გაუმჯობესების, ფინანსური ჩართულობის ზრდის, რისკების მართვისა და თაღლითობის პრევენციის მიმართულებით.ამასთან, აღინიშნა, რომ მსგავსი სერვისების განვითარებისთვის აუცილებელია სანდო ტექნოლოგიური და მარეგულირებელი ინფრასტრუქტურა, მონაცემთა ხარისხის უზრუნველყოფა, პერსონალური ინფორმაციის დაცვა, გადაწყვეტილებების გამჭვირვალობა და პასუხისმგებლობის მკაფიო განაწილება.„ღია ფინანსებისა და ხელოვნური ინტელექტის განვითარება ფინანსური სექტორისთვის ახალ შესაძლებლობებს ქმნის. ამ შესაძლებლობების სრულად გამოსაყენებლად მნიშვნელოვანია არა მხოლოდ ინოვაციური ტექნოლოგიების დანერგვა, არამედ სანდო ტექნოლოგიური და მარეგულირებელი გარემოს ჩამოყალიბება. ამ პროცესში განსაკუთრებული მნიშვნელობა ენიჭება საერთაშორისო და რეგიონულ თანამშრომლობას, საერთო სტანდარტების განვითარებასა და ფინანსურ სისტემებს შორის თავსებადობის უზრუნველყოფას“, – განაცხადა ვარლამ ებანოიძემ.დისკუსიების მნიშვნელოვანი მიმართულება იყო რეგიონული თანამშრომლობა და ფინანსური ინფრასტრუქტურის თავსებადობა. მონაწილეებმა ხაზი გაუსვეს საერთო ტექნიკური სტანდარტების, ღია API-ების, ციფრული იდენტობისა და მარეგულირებელი მიდგომების განვითარების მნიშვნელობას.თბილისის ფინანსური სამიტის ფარგლებში გამართულმა დისკუსიებმა კიდევ ერთხელ წარმოაჩინა, რომ ფინანსური სექტორის განვითარება ტექნოლოგიურ ინოვაციებთან ერთად მოითხოვს მარეგულირებლებს, ფინანსურ ინსტიტუტებს, ტექნოლოგიურ კომპანიებსა და საერთაშორისო პარტნიორებს შორის მჭიდრო თანამშრომლობას.საქართველოს ეროვნული ბანკისთვის ღია ფინანსები, ხელოვნური ინტელექტი და საზედამხედველო ტექნოლოგიები ფინანსური ეკოსისტემის განვითარებისა და ეფექტიანი ზედამხედველობის მნიშვნელოვანი პრიორიტეტია.

1793622556

პროგრამის ფარგლებში, ბანკი დაინტერესებულ პირებს შესაძლებლობას აძლევს, 20-მდე პარტნიორ პროფესიულ აკადემიაში 100%-იანი დაფინანსებით დაეუფლონ მათთვის საინტერესო პროფესიას და მიიღონ პრაქტიკული ცოდნა სხვადასხვა მიმართულებით. პროგრამაზე განაცხადების მიღება დაიწყო. დეტალური ინფორმაციისთვის ეწვიეთ ვებგვერდს.რა მიმართულებებს მოიცავს სასტიპენდიო პროგრამა?სასტიპენდიო პროგრამა სხვადასხვა სფეროს აერთიანებს, მათ შორისაა: ტექნოლოგიები: მონაცემთა ინჟინერია, Data Analytics & BI Development (SQL & Power BI), Python, AI აგენტები და ავტომატიზაცია, კიბერუსაფრთხოება; დიზაინი: გრაფიკული და 3D დიზაინი, AI + გრაფიკული დიზაინი, არქიტექტურის დიზაინი; მარკეტინგი: კონტენტ მარკეტინგი, MarTech, UX/UI ქოფირაითინგი; ფინანსები და ბიზნესი: ფინანსური ანალიზი, ბუღალტრული აღრიცხვა, ადამიანური რესურსების მართვა; კულინარია: მზარეულისა და კონდიტერის პროფესიები. რომელ აკადემიებშია შესაძლებელი სწავლა?საქართველოს ბანკი პროფესიული განათლების მიმართულებით 20-მდე პარტნიორ აკადემიასა და სასწავლებელთან თანამშრომლობს. მათ შორისაა: აგრარული უნივერსიტეტის კულინარიის აკადემია, Tbilisi School of Communication, Academy of Digital Industry, Smart Academy, IT Academy STEP, Headvice, BDO Academy, ScaleUp, სქილვილი, AgileSchool, Smart Fish Academy, Edutech Academy, Craft – კრაფტ მეწარმეობის აკადემია, ნეომაინდ აკადემია, Sky21, რე ედუქეითი, ელექტრონული აკადემია, დიზაინის ინსტიტუტი და ღვინისა და გასტრონომიის აკადემია.აკადემიების შესახებ დეტალური ინფორმაციის მისაღებად ეწვიეთ ვებგვერდს.ვის შეუძლია სასტიპენდიო პროგრამაში მონაწილეობა?სასტიპენდიო პროგრამაში მონაწილეობის მიღება საქართველოს ნებისმიერ მოქალაქეს შეუძლია, რომელსაც ახალი პროფესიის დაუფლება, ან საკუთარი ცოდნისა და უნარების განვითარება სურს. სტიპენდიატები წინასწარ განსაზღვრული კრიტერიუმების საფუძველზე შეირჩევიან.როგორ უნდა შეავსო განაცხადი?სასტიპენდიო პროგრამაში მონაწილეობის მისაღებად დაინტერესებულმა პირებმა უნდა შეავსონ ელექტრონული განაცხადის ფორმა და წარადგინონ სამოტივაციო წერილი ვებგვერდზე. განაცხადების პირველადი გადარჩევის შემდეგ შერჩეული კანდიდატები შესაბამისი აკადემიისგან გასაუბრებაზე მიიღებენ მოწვევას. საჭიროების შემთხვევაში, შერჩევის პროცესი დამატებით ტესტირებას, ან პროფესიული უნარების შემოწმებასაც ითვალისწინებს.განაცხადების მიღება 24 ნოემბრის ჩათვლით გაგრძელდება.პარტნიორი აკადემიების, სასწავლო კურსების, შერჩევის კრიტერიუმებისა და განაცხადის შევსების შესახებ დეტალური ინფორმაციის მისაღებად ეწვიეთ ვებგვერდს.აღმოაჩინე საქართველოს ბანკის მიერ შექმნილი განათლების შესაძლებლობები ვებგვერდზე.საქართველოს ბანკი - განათლების მთავარი მხარდამჭერი.

1793622179

სამეთვალყურეო საბჭო კორპორაციის წესდების თანახმად 3 წევრისგან შედგება. ის ახორციელებს კონტროლს კორპორაციის საქმიანობაზე და მონაწილეობას იღებს მნიშვნელოვანი საკითხების მომზადებისა და გადაწყვეტის პროცესში.გეკა გელაძეს საჯარო სექტორში მუშაობის მრავალწლიანი გამოცდილება აქვს. სხვადასხვა პერიოდში მას ეკავა საქართველოს შინაგან საქმეთა მინისტრისა და სახელმწიფო უსაფრთხოების სამსახურის უფროსის თანამდებობები. საქართველოს ნავთობისა და გაზის კორპორაციის სამეთვალყურეო საბჭოს წევრად დანიშვნამდე იგი შინაგან საქმეთა მინისტრის მოადგილის პოზიციას იკავებდა.

1793620553

მოკვლევა ჩატარებულია მხოლოდ ღია წყაროებზე დაყრდნობით და გამჭვირვალობის უმაღლესი სტანდარტების შესაბამისად.სექტემბერში გამოქვეყნდა „ბანკები და ფინანსების“ ჟურნალისტური მოკვლევა, რომელიც ბრიტანულ-ქართული აკადემიისა მინორიტარი აქციონერისა და ყოფილი დირექტორის ნათია ჯანაშიას და მისი ქმრის აქამდე გაუცხადებელ ქონებას ეხებოდა. საუბარია, თბილისში, ლისის ტბის მიმდებარედ, ე.წ. მილიონერების ახალ უბანში, მაგნოლიას ქუჩაზე მდებარე გრანდიოზულ სასახლეს, რომლის ფართობიც 3820 კვადრატულ მეტრს შეადგენს. სასახლე ცოლ-ქმრის საკუთრებაშია და გაფორმებულია დავით ცეცხლაძეზე. მოკვლევის შედეგად დადგინდა, რომ ეს სასახლე ცოლ-ქმარს ღიად არსად აქვთ დადეკლარირებული. გამოცდილი რეალტორებისა და უძრავი ქონების სპეციალიზებული პლატფორმების თანამშრომლების ჩაღრმავებული ინტერვიუირების საფუძველზე დადგინდა ასევე ჯანაშიას მაგნოლიას გრანდიოზული სასახლის დაახლოებითი სალიკვიდაციო ღირებულებაც, რომელმაც 20 000 000 (ოცი მილიონი) ლარი შეადგინა.ნათია ჯანაშიას ქმრის სახელზე რეგისტრირებულმა მაგნოლიას გრანდიოზული სასახლის აღმოჩენამ მოკვლევის ახალ ეტაპზე გადაგვიყვანა. კონკრეტული საძიებო სისტემების საშუალებით მივაგენით ლისის ტბის სასახლესთან შედარებით მომცრო ვილას, რომელიც ნათია ჯანაშიას მაგნოლიას გრანდიოზულ სასახლეს ღირებულებითაც ჩამოუვარდება, მაგრამ მისი ღირებულება ასევე რამდენიმე მილიონია.ნათია ჯანაშიას მრავალრიცხოვან ინტერვიუში, მის მიერ კონტროლირებად გამოცემებში ეს ექსკლუზიური ვილა არსად აქვს ნახსენები და შესაბამისად, გაცხადებული აქტივად არ არის წარმოდგენილი. ვილა ცოლ-ქმარს გასაიდუმლოებული აქვს და უახლოესი გარემოცვაც კი არ არის ინფორმირებული ამ აქტივის შესახებ. ვილა არ ფიგურირებს ჯანაშია-ცეცხლაძის უძრავი ქონების ჩამონათვალშიც.ექსკლუზიური ვილა „კაჭრეთის ამბასადორის“ სივრცეშია განლაგებული, რაც ამ უძრავ ქონებას  ღირებულებას ექსპონენციალურად მატებს. მით უმეტეს, თუ გავითვალისწინებთ სულ ახლახანს გაცხადებულ ფაქტს „ამბასადორის“ ტერიტორიაზე უნიკალური ინფრასტრუქტურული პროექტის - საავიაციო სოფლის, სარეკრეაციო და ტურისტულ სივრცეებისა და აეროდრომის მშენებლობის შესახებ. პროექტის ღირებულება 15 მილიონი დოლარია.ბანკები და ფინანსების მკვლევრების მიერ მოკვლეულია ვილის მეპატრონე და დადგენილია ექსკლუზიური ვილის სავარაუდო ღირებულება.ექსკლუზიური ვილა „ამბასადორი კაჭრეთის“ საუკეთესო ლოკაციაზე 1 677 კვადრატულ მეტრის მიწის ფართობზეა განთავსებული. საკუთრივ ნაგებობის ფართი 297,6 კვადრატული მეტრია.ვილა „ბრიტანულ - ქართული აკადემიის“ მინორიტარი აქციონერის, ნათია ჯანაშიას ოჯახის საკუთრებაა. ოჯახმა იგი 2020 წლის ივლისში შეიძინა, მას შემდეგ, რაც „ბრიტანულ-ქართული აკადემიის“ 70% მიყიდა ინვესტორს, ‘საქართველოს განათლების ჯგუფს“ და 30 მილიონი ლარი მიიღო წილის საფასურად.  როგორც „მაგნოლიას გრანდიოზული სასახლის შემთხვევაში“, აქაც აღნიშნული უძრავი ქონების ოფიციალური მფლობელი ნათია ჯანაშიას ქმარი, დავით ცეცხლაძეა.ვილა ექსკლუზიური ხასიათისაა, რამდენადაც განთავსებულია, ვილათა უმრავლესობისგან განსხვავებით, მიწის გაცილებით დიდ ნაკვეთზე. მისი ექსკლუზიურობა, დამატებით, იქედანაც გამომდინარეობს, რომ იგი კომპლექსის ცენტრალური რეკრეაციული სივრცეების (ამბასადორის დიდი აუზები, სასადილო და საბანკეტო დარბაზები, ჩოგბურთის კორტები, გოლფის მოედანი და სხვ) უშუალო სიახლოვეს მდებარეობს.რაც შეეხება, ვილის საბაზრო ფასს, - რამდენადაც საუბარი გვაქვს 1677 კვ.მეტრის მიწის ფართობზე, ანუ კომპლექსში განთავსებული ვილების უმრავლესობისგან განსხვავებით, გაცილებით დიდ ფართობზე, ეს მის საბაზრო ღირებულებას უდავოდ ზრდის.ზოგადად, კაჭრეთის ვილებში კვადრატულის ფასი – $3500-დან იწყება. მისი შემდგომი ზრდა, როგორც აღინიშნა, დამოკიდებულია კომპლექსის ლანდშაფტში საკუთრივ ვილის ლოკაციაზე, მიწის ნაკვეთის სიდიდეზე და როგორც ეზო-მიდამოს, ისე ნაგებობის მოპირკეთებისა და კეთილმოწყობის ხარისხზე.ამ ფაქტორების გათვალისწინებით, ნათია ჯანაშიას ვილის შემთხვევაში, მისი საბაზრო ფასი კვადრატულთან მიმართებით $ 4 000-ს სცდება და  შესაბამისად, მთლიანი ღირებულება 5 მილიონ ლარს აჭარბებს. ექსკლუზიური ვილის ღირებულებაში შესულია აგრეთვე მიწის ღირებულებაც.ზოგადად, „ამბასადორი კაჭრეთის“ კომპლექსი ერთ-ერთი ყველაზე ძვირადღირებული საცხოვრებელი და რეკრეაციული სივრცეა საქართველოში. რეალტორები მას ერთ-ერთ საუკეთესო ლოკაციად მიიჩნევენ, სადაც უძრავ ქონებაში დაბანდება უპირობოდ სარფიანი გადაწყვეტილებაა.საპროექტო ნახაზებიდან ჩანს, რომ ნათია ჯანაშიას და მის ქმარს ვილის ფართობთან დაკავშირებით პრობლემები შეექმნათ და არქიტექტორებს მისი გადიდება დაუკვეთეს.შესაბამისად, განაშენიანების ფართობი და საცხოვრებელი ფართი გაიზარდა ავტოფარეხისა და  საზაფხულო ფართის ხარჯზე.მიწის (უძრავი ქონების) საკადასტრო კოდი N 51.20.63.000.530„ამბასადორი კაჭრეთის“ კომპლექსი მდებარეობს კახეთში, თბილისიდან დაახლოებით 80  კილომეტრში (1-1.5 საათის სავალზე) და მასშტაბური, 4-ვარსკვლავიანი იშვიათი საკურორტო სივრცეა, სადაც მოწყობილია საერთაშორისო სტანდარტების პროფესიონალური გოლფის მოედანი. იქვე ფუნქციობს გოლფის აკადემია. კომპლექსში განთავსებულია ჩოგბურთის კორტები,კალათბურთისა და ფეხბურთის მოედნები, ბოულინგის ცენტრი. ბილიარდი და მაგიდის ჩოგბურთი. ტირი (მშვილდოსნობა / სროლა). დამსვენებლებს და მაცხოვრებლებს შეუძლიათ ცხენით ჯირითიც.კომპლექსის მშვენებაა ღია და დახურული აუზები, მათ შორის ოლიმპიური ზომის აუზი და სპა, ბარები და საბავშვო ზონები.კომპლექსი მოიცავს რამდენიმე კორპუსს (ისტორიულ/ძველ და ახალ თანამედროვე ფრთას)  და ვილებს, რომლებსაც მესაკუთრეები იყენებენ, როგორც საცხოვრებლად, ისე იჯარის წესით გაქირავებისთვის და შემოსავლის გენერირებისთვის.შეგახსენებთ, ნათია ჯანაშია „ბრიტანულ-ქართული აკადემიის“ მინორიტარი აქციონერია და წილის 30%-ს ფლობს. მან  2019 წელს „აკადემიის“ 70% გაყიდა „საქართველოს განათლების ჯგუფზე“.  ამ გარიგების ღირებულება 29,3 მილიონი ლარი იყო. ეს თანხა, გარიგების გაფორმებისთანავე, ორ თანაბარ ნაწილად, საბანკო ანგარიშებზე აესახათ ნათია ჯანაშიასა და დავით ცეცხლაძეს.ინვესტორის გადაწყვეტილებით, მომდევნო 5 წელი, ნათია ჯანაშია და დავით ცეცხლაძეს კვლავ თავად უძღვებოდნენ აკადემიის მენეჯმენტს. ამაში, ისინი ჯამურად, წლიური ხელფასის სახით, 1 მილიონ ლარს იღებდნენ. შესაბამისად, ცოლ-ქმარმა 5 წელიწადში 5 მილიონი ლარი მიიღო ჯამაგირად.2024 წელს, ხელშეკრულების ვადის ამოწურვის შემდეგ, ინვესტორმა ნათია ჯანაშიას და დავით ცეცხლაძეს აღარ გაუგრძელა მენეჯმენტ-კონტრაქტი, რის ფონზეც ნათია ჯანაშიამ ქმართან ერთად ინვესტორის წინააღმდეგ დავა წამოიწყეს.ინვესტორის მიერ „აკადემიაში“ ჩატარებული საერთაშორისო აუდიტის თანახმად, რომელიც დიდი ოთხეულის წევრმა აუდიტორულმა კომპანიამ განახორციელა, გამოირკვა, რომ ნათია ჯანაშიას და დავით ცეცხლაძის მენეჯმენტის პერიოდში დაფიქსირებულია „აკადემიის“ კუთვნილი განსაკუთრებით დიდი ოდენობის სახსრების გაფლანგვა/მიტაცების  შესაძლო ფაქტი. გაფლანგვა/მიტაცების მოცულობა 4 მილიონ აშშ დოლარს აჭარბებს. აღნიშნულ ფაქტთან დაკავშირებით, ფინანსთა სამინისტროს საგამოძიებო სამსახურში საქმე #092060925001 არის აღძრული და გამოძიება მიმდინარეობს.„ბანკები და ფინანსები“ აგრძელებს დაფარული და გასაიდუმლოებული აქტივების მოძიებას საქართველოში და მის ფარგლებს გარეთ და დაინტერესებულ საზოგადოებას გამჭვირვალედ და ღია წყაროებზე დაყრდნობით მიაწოდებს დეტალურ ინფორმაციას.

1793609291

ცესკოს ინფორმაციით, ხარისხის სისტემის შეფასების მიზნით აუდიტი ორ ეტაპად განხორციელდა. შპს „მენეჯმენტის სისტემები“-ს აუდიტორის მიერ 2026 წლის 24 ივლისს განხორციელდა შიდა აუდიტი, ხოლო 2026 წლის 2 სექტემბერს, საერთაშორისო აუდიტორის (LL-C (Certification) Czech Republic a.s.) მიერ დისტანციურად განხორციელდა საკონტროლო აუდიტი. ცესკომ წარმატებით გაიარა ორივე სახის აუდიტი და შეინარჩუნა საერთაშორისო ISO 9001:2015 სერტიფიკატი.„საერთაშორისო აუდიტორის შეფასებით, საქართველოს საარჩევნო ადმინისტრაციის ხარისხის მართვის სისტემის (QMS) დადებით მხარეებსა და უპირატესობებს შორის ხაზგასმით აღსანიშნავია ადმინისტრაციის შესაძლებლობა, გაუმკლავდეს რთულ და ცვალებად გარემოს: „პოლიტიკური რყევების, დეზინფორმაციის გავრცელების მცდელობისა და საინფორმაციო ზეწოლის მიუხედავად, საარჩევნო ადმინისტრაცია ეფექტიანად ასრულებს ქართველი ხალხის წინაშე აღებულ საკონსტიტუციო ვალდებულებებს“.აუდიტის ფარგლებში დოკუმენტირებული მენეჯმენტის სისტემის შესაბამისობა შეფასდა მაღალი პროფესიული სტანდარტებით. დადასტურდა, რომ ორგანიზაციის მენეჯმენტის სისტემას შეუძლია დააკმაყოფილოს შესაბამისი სტანდარტების მოთხოვნები და მიაღწიოს აკრედიტებული სერტიფიცირებისთვის მოსალოდნელ შედეგებს, როგორც ეს მითითებულია ISO-IAF-ის კომუნიკეში, აკრედიტებული სერტიფიცირების შესახებ.აუდიტორის შეფასებით, ორგანიზაცია აკმაყოფილებს და სათანადოდ ახორციელებს მენეჯმენტის სისტემის მოთხოვნებს და შეუძლია უზრუნველყოს მომსახურების უწყვეტი მიწოდება მომხმარებლის მოთხოვნებთან, შესაბამის კანონებთან და რეგულაციებთან შესაბამისობაში, მომხმარებლის კმაყოფილების ამაღლების მიზნით. აღნიშნული დასკვნა გაკეთებულია სტანდარტის ცალკეული მოთხოვნების შესრულების დონის შეფასების საფუძველზე, რაც დასტურდება ანგარიშის შესაბამისობის მატრიცით. აუდიტის მიზნები წარმატებით არის მიღწეული.აუდიტის შედეგად კიდევ ერთხელ დადასტურდა, რომ ცესკოს საქმიანობის ძირითადი მიმართულებები - სტრატეგიული მიზნები და ამოცანები, მიმდინარე აქტივობები და პროექტები, შეთავაზებული სერვისები, საქმიანობის მონიტორინგი და ანგარიშგების მექანიზმები შეესაბამება ხარისხის მენეჯმენტის მიერ მოთხოვნილ ყველა სტანდარტს. ეს კი ადასტურებს, რომ ხარისხის მართვა საარჩევნო ადმინისტრაციის ყოველდღიური საქმიანობისა და ინსტიტუციური განვითარების მნიშვნელოვანი ნაწილია.ISO-ს სტანდარტი წარმოადგენს ხარისხის მართვის ერთ-ერთ ყველაზე აღიარებულ საერთაშორისო ჩარჩოს. იგი ორგანიზაციებს საქმიანობის სისტემატური გაუმჯობესების, პროცესების ეფექტიანად მართვის, გამჭვირვალობისა და მომხმარებელზე ორიენტირებული მომსახურების უზრუნველყოფაში ეხმარება.აღსანიშნავია, რომ ცესკოსთვის ხარისხის მართვის საერთაშორისო სტანდარტის შენარჩუნება ნიშნავს არამხოლოდ ეფექტიანი შიდა მენეჯმენტის დემონსტრირებას, არამედ საზოგადოების წინაშე ანგარიშვალდებულებისა და გამჭვირვალობის მაღალი დონის უზრუნველყოფას. ეს კიდევ ერთი დასტურია იმისა, რომ საარჩევნო ადმინისტრაცია მოქმედებს საერთაშორისო პრინციპების გათვალისწინებით და საუკეთესო პრაქტიკაზე დაყრდნობით.ცესკომ ISO სერტიფიკატი პირველად 2019 წელს მიიღო, რითაც დადასტურდა, რომ ცესკოს ხარისხის მართვის სისტემა და ბიზნესპროცესები სრულად შეესაბამებოდა საერთაშორისო სტანდარტის - ISO 9001:2015 მოთხოვნებს. ამასთან, საქართველოს ცენტრალური საარჩევნო კომისია პირველი საარჩევნო ადმინისტრაცია იყო აღმოსავლეთ პარტნიორობის ქვეყნებს შორის, რომელმაც აღნიშნული სერტიფიკატი მიიღო.საერთაშორისო სტანდარტის მოთხოვნებთან შესაბამისობის მორიგი დადასტურება ცესკოსთვის ხარისხის მართვის უწყვეტი პროცესის, ინსტიტუციური განვითარებისა და საქმიანობის მუდმივი გაუმჯობესების კიდევ ერთი მნიშვნელოვანი ეტაპია“, - ნათქვამია გავრცელებულ ინფორმაციაში.

1793608285

შეხვედრაზე ყურადღება გამახვილდა საქართველოსა და ჩინეთს შორის ფინანსური თანამშრომლობის გაღრმავებაზე, ქართულ კომერციულ ბანკებსა და ჩინეთის ერთ-ერთ უმსხვილეს საბანკო ინსტიტუტს შორის კავშირების განვითარებასა და ტრანსსასაზღვრო საბანკო მომსახურების შესაძლებლობებზე.ჩინური მხარის საქართველოში ვიზიტის ფარგლებში გაიმართა ორმხრივი შეხვედრები ქართულ კომერციულ ბანკებთან, რომელთა მიზანი სამომავლო თანამშრომლობის კონკრეტული მიმართულებების განხილვა იყო.შეხვედრის ფარგლებში ხელი მოეწერა შეთანხმებას Bank of China-სთან, რომელიც ჩინეთის ბანკთაშორის ობლიგაციების ბაზარზე (CIBM) ინვესტორებთან დაკავშირებულ გენერალურ ხელშეკრულებას წარმოადგენს. აღნიშნული შეთანხმება ხელს შეუწყობს ჩინეთის ფინანსურ ბაზარზე საინვესტიციო შესაძლებლობების გაფართოებასა და ფინანსური რისკების მართვის გაუმჯობესებას. შეთანხმების საფუძველზე Bank of China საქართველოს ეროვნულ ბანკს CIBM ბაზარზე ოპერაციების განხორციელებისთვის საჭირო ძირითად მომსახურებას გაუწევს, რაც ეროვნულ ბანკს ჩინეთის ობლიგაციების ბაზარზე საინვესტიციო საქმიანობის განხორციელების შესაძლებლობას გაუფართოებს. ამასთანავე, მხარეებმა ხელი მოაწერეს დერივატივების ჩარჩო ხელშეკრულებას (ISDA - International Swaps and Derivatives Association), რომელიც საქართველოს ეროვნულ ბანკს სავალუტო და საპროცენტო განაკვეთის დერივატივებზე წვდომას გაუფართოებს. აღნიშნული ფინანსური ინსტრუმენტები ხელს შეუწყობს სების საერთაშორისო რეზერვებში არსებული სავალუტო და საპროცენტო რისკების უფრო ეფექტიან მართვას.ISDA ხელშეკრულება ასევე გააძლიერებს CIBM ბაზარზე ინვესტირებასთან დაკავშირებულ შესაძლებლობებს და უზრუნველყოფს სების საერთაშორისო რეზერვების ჩინური იუანის საინვესტიციო პორტფელის მართვის მეტ მოქნილობას.„საქართველოსა და ჩინეთს შორის მზარდი სავაჭრო-ეკონომიკური ურთიერთობების ფონზე განსაკუთრებით მნიშვნელოვანია, რომ ამ პროცესს ფინანსური კავშირების გაძლიერება და თანამედროვე საბანკო მომსახურების განვითარება ახლდეს თან. Bank of China-სთან თანამშრომლობის გაღრმავება ქართულ კომერციულ ბანკებს ახალ შესაძლებლობებს გაუხსნის საერთაშორისო საბანკო ქსელთან ურთიერთობის, ტრანსსასაზღვრო გადახდების და ანგარიშსწორების მიმართულებით. ჩვენი მიზანია, ხელი შევუწყოთ ქართულ და ჩინურ ფინანსურ ინსტიტუტებს შორის პირდაპირი თანამშრომლობის განვითარებას და ზოგადად საქართველოს ფინანსური სექტორის საერთაშორისო კავშირების გაფართოებას“, - განაცხადა ნათია თურნავამ.იან ჯუნის განცხადებით, Bank of China დაინტერესებულია საერთაშორისო ფინანსური კავშირების გაძლიერებით და მზად არის, ქართულ ფინანსურ სექტორთან თანამშრომლობის შესაძლებლობები განიხილოს.„საქართველოსა და ჩინეთს შორის ეკონომიკური ურთიერთობების განვითარება ფინანსური თანამშრომლობის გაღრმავებისთვის მნიშვნელოვან საფუძველს ქმნის. ქართულ კომერციულ ბანკებთან პირდაპირი დიალოგი საშუალებას გვაძლევს, უკეთ გავეცნოთ მათი საქმიანობის სპეციფიკას, განვიხილოთ არსებული საჭიროებები და გამოვავლინოთ თანამშრომლობის პერსპექტიული მიმართულებები. ვიმედოვნებთ, რომ მსგავსი შეხვედრები ხელს შეუწყობს ჩვენს შორის საქმიანი კავშირების განვითარებას და ფინანსური მომსახურების სფეროში ახალი შესაძლებლობების შექმნას“, - აღნიშნა იან ჯუნმა.Bank of China ჩინეთის ერთ-ერთი უმსხვილესი საბანკო ინსტიტუტია და საერთაშორისო მასშტაბით ფართო ქსელით ოპერირებს. ბანკი 2025 წლის ბოლოს მონაცემებით, ჩინეთის კონტინენტური ნაწილის მიღმა 64 ქვეყანაში და რეგიონში იყო წარმოდგენილი, რაც მას საერთაშორისო ვაჭრობის, ტრანსსასაზღვრო ანგარიშსწორებისა და ფინანსური მომსახურების ერთ-ერთ მნიშვნელოვან პარტნიორად აქცევს.„თბილისის ფინანსური სამიტის“ ფარგლებში გამართული შეხვედრები ამ თანამშრომლობის გაგრძელებაა და მიზნად ისახავს საქართველოსა და ჩინეთის ფინანსურ სექტორებს შორის საქმიანი ურთიერთობების გაღრმავებას, ქართული კომერციული ბანკებისთვის ახალი პარტნიორული შესაძლებლობების შექმნასა და საერთაშორისო ფინანსური კავშირების გაფართოებას.

1793361191

მეთორმეტე ეპიზოდი - 29 ოქტომბერი29 ოქტომბერს, თბილისის საქალაქო სასამართლოში, მოსამართლე ქეთევან კურცხალიამ განაახლა „ბრიტანულ-ქართულ აკადემიასთან დაკავშირებით მიმდინარე საქმის მთავარი სხდომა. ამით გაგრძელდა გარიცხვის/მემორანდუმიდან გასვლის და ზიანის ანაზღაურების გაერთიანებული საქმე.მხარეები, სასამართლოს წინაშე კვლავ ახსნა-განმარტებებით წარსდგნენ ორ საქმესთან მიმართებით. ერთი “ბრიტანულ-ქართული აკადემიის” იურისტის, მადონა ღიბრაძისთვის ნათია ჯანაშიას მიერ კომპენსაციის არამართლზომიერად გაცემის და ამით “აკადემიისთვის” ზიანის მიყენების და მეორე -კვლავ ზიანის ანაზღაურების /მიუღებელი შემოსავლის/ მოთხოვნის კონტექსტში, ოღონდ ამჯერად ნათია ჯანაშია აყენებს 6 მილიონ აშშ დოლარზე მეტის მოთხოვნას “განათლების ჯგუფის” მიმართ, მემორანდუმით გათვალისწინებული ორი ახალი კამპუსის არაშენების და ამით სკოლის ვერგაფართოების გამო მიუღებელი შემოსავლის ასანაზღაურებლად.როგორც “განათლების ჯგუფის” ადვოკატებმა ახსნეს და განმარტეს, “აკადემიის” იურისტი, ყოფილი მოსამართლე და ყოფილი პროკურორი, მადონა ღიბრაძე, რომელიც “აკადემიაში” წარმატებული და უსაყვედური მუშაობის 10 წლიან სამუშაო სტაჟს ითვლიდა, დირექტორმა ნათია ჯანაშიამ მას შემდეგ გაათავისუფლა, რაც მისგან ვერ მიიღო თანხმობა, გაეწია იურიდიული კონსულტანცია და დახმარება მისთვის, როგორც შპს “ბრიტანულ-ქართული აკადემიის” მინორიტარი პარტნიორისთვის, რომელიც დაპირისპირებაში იყო მაჟორიტარ პარტნიორთან.იურისტებმა განმარტეს, რომ ღიბრაძის პოზიცია ეყრდნობოდა შემდეგს: როგორც “აკადემიის” იურისტი, ის რჩებოდა პოზიციაზე და განაგრძობდა “აკადემიის”, როგორც კომპანიის იურიდიულ მომსახურებას და ამის პარალელურად, იგი ვერც პროფესიული ეთიკიდან გამომდინარე და ვერც რაიმე სხვა თვალსაზრისით, ვერც ერთი დაპირისპირებული პარტნიორის მხარეს ვერ დადგებოდა და ვერ გასწევდა კონსულტაციას, როგორც იურისტი.ამ პოზიციას მოჰყვა მისი გათავისუფლება ორივე (“ბრიტანულ - ქართული აკადემია” და “საერთაშორისო სკოლა”) კომპანიიდან მისი გათავისუფლება. ღიბრაძემ შრომითი უფლებების დარღვევის გამო იჩივლა, რასაც სასამართლო გადაწყვეტილების გარეშე, მოჰყვა ნათია ჯანაშიას, როგორც კომპანიების დირექტორის მიერ მისთვის ასევე ორივე კომპანიიდან, კომპენსაციის სახით, 1 წლის ხელფასის გადახდა. - სწორედ ამ თანხას, საუბარია 40 000 ლარამდე რესურსზე, ედავება “განათლების ჯგუფი” ნათია ჯანაშიას, რამდენადაც მიიჩნევს, რომ უკანონოდ გათავისუფლებული იურისტისთვის კომპენსაციის გადახდით სკოლებს ფინანსური ზიანი მიადგა.საპასუხო ახსნა-განმარტებით, ნათია ჯანაშიას ადვოკატებმა განმარტეს, რომ ყველაფერს რომ თავი დაანებონ, მოთხოვნა არ უნდა ჩაითვალოს რელევანტურად, რამდენადაც სასამართლოს არ დაუდგენია მადონა ღიბრაძის გათავისუფლების კანონიერება-უკანონობის ფაქტი (სასამართლო განხილვამდე საქმე აღარ მივიდა), ამდენად, გაუგებარია დაყენებული მოთხოვნის საფუძველი. მათ მიერ კიდევ ერთი რაკურსით დაისვა კითხვა პროცესუალური მოწინააღმდეგეების მიმართ - თუკი უკანონოდ გასცა ნათია ჯანაშიამ კომპენსაციები, რატომ არ დაბრუნდა ის სკოლების ბიუჯეტში თავად მადონა ღიბრაძის მიერ, რომელიც ნათია ჯანაშიას შემდგომმა მენეჯმენტმა კვლავ დააბრუნა სამსახურში იგივე პოზიციაზე.რაც შეეხება კიდევ ერთ საქმეს, რომელიც ნათია ჯანაშიას მიერ 6 მილიონ აშშ დოლარზე მეტის მოთხოვნის დაყენებას ეხება, “განათლების ჯგუფის” მიმართ, ნათია ჯანაშიას ადვოკატებმა განმარტეს, რომ მათი მოთხოვნა უნდა დაკმაყოფილდეს, რამდენადაც ესაა სწორედ ის თანხა, რასაც ნათია ჯანაშია მიიღებდა, როგორც პარტნიორი, მემორანდუმით გათვალისწინებული ორი ახალი კამპუსი რომ აშენებულიყო, ექსპლუატაციაში შესულიყო, ამით სკოლები გაფართოებულიყო და შემოსავალი გაზრდილიყო.საპასუხო ახსნა-განმარტებაში “განათლების ჯგუფის” იურისტებმა წარმოადგინეს პოზიცია, რომელიც გულისხმობდა შემდეგს - გაუგებარი და უსაფუძვლოა ნათია ჯანაშიას პოზიცია და მის მიერ დაყენებული მოთხოვნა, რამდენადაც ხსენებული კამპუსები უნდა აგებულიყო სწორედ ნათია ჯანაშიას და დავით ცეცხლაძის, როგორც კომპანიის უმაღლესი მენეჯმენტის ხელმძღვანელობით და მათ საამისოდ რეალური ნაბიჯები, მათ შორის, ისეთი ელემენტარული და აუცილებელიც კი, როგორიცაა მუნიციპალიტეტისადმი მშენებლობის ნებართვაზე განცხადებით მიმართვა, არ გადაუდგამთ.აღნიშნული საქმის კონტესტში, ახსნა-განმარტებების ფორმატში, კვლავ გაიჟღერა ოქროყანის მიწის კაპიტალში შეტანის საკითხმა, რომელიც, პრინციპში ერთ-ერთ მთავარ არგუმენტად იქცა მხარეთა შორის უთანხმოების ოფიციალურად  წარმოშობისას.შეგახსენებთ, ნათია ჯანაშიას მხარე მიიჩნევს, რომ “განათლების ჯგუფს” 3 მილიონ 200 ათას დოლარად შეფასებული მიწა კაპიტალში ნულოვანი ღირებულებით უნდა შეეტანა, რადგან საქმეში არსებულ “ექსელის” ფაილში (2019 წლით დათარიღებულ, მრავალთაგან ერთ-ერთ სამუშაო ფაილში), ერთ-ერთ “შიტზე” - მას გვერდით 0 უწერია.“განათლების ჯგუფი” კი მიიჩნევს, რომ მსგავსი მსჯელობა აბსურდია და მათ მიერ აღნიშნული მიწის კაპიტალში შეტანისას ნათია ჯანაშიას მხარეს ასევე, წილობრივი მოცემულობის შესაბამისად, უნდა შეეტანა მიწის ღირებულების 30 %.საამისო მტკიცებულებად “განათლების ჯგუფს” წარმოდგენილი აქვს მიმოწერათა ციკლი, სადაც დავით ცეცხლაძე და ნათია ჯანაშია, სხვადასხვა დროს, ითხოვენ ამ შესატანი თანხის განწილვადებას სამ წელზე.“განათლების ჯგუფის” იურისტები, თუნდაც მხოლოდ ამ ფაქტიდან გამომდინარე, თვლიან, რომ ნათია ჯანაშიასა დადავით ცეცხლაძისთვის იმთავითვე ნათელი და მისაღები იყო კაპიტალის ზრდისას, როგორც ფულადი სახით, ისე უძრავი ქონების შეტანის დროს, პროპორცია 70/30 -ზე, როგორც ეს მემორანდუმით იყო განსაზღვრული და თვლიან, რომ საკითხის სხვაგვარად დაყენება, თითქოს “განათლების ჯგუფი” ვალდებულია მიწა კაპიტალში ნულოვანი ღირებულებით შეიტანოს, შიაარსობრივი აბსურდია და დაპირისპირების გაღრმავებასა და გაჭიანურებას ემსახურება.რაც შეეხება საკუთრივ, არაშენებული კამპუსების გამო მიუღებელი შემოსავლის მოთხოვნას, “განათლების ჯგუფის” იურისტებმა განმარტეს, რომ მათი აზრით ეს სარჩელი მხოლოდ და მხოლოდ იმ მიზანს ემსახურება, რომ თავის დროზე, სარჩელის უზრუნველყოფის მიზნით, დაყადაღებულიყო აღნიშნული ძვირადღირებული უძრავი ქონება და ამით მხარეს შექმნოდა დამატებითი დაბრკოლებები.ამით, გაერთიანებული საქმის ოთხივე ეპიზოდზე, ახსნა-განმარტებების ეტაპი დასრულდა და მთავარი სხდომა მხარეთა შორის კითხვა-პასუხის ეტაპიდან გაგრძელდება.

1793351751

მეხუზლას შეფასებით, კერძო სექტორს წელს ხარისხიანი ყურძნის მოძიებასთან დაკავშირებით გასამართლებელი მიზეზი ნაკლებად ექნება.მისი თქმით,  2026 წლის მოსავლისგან მაღალი ხარისხის, ზოგიერთ შემთხვევაში კი გამორჩეული ღვინის მიღების შესაძლებლობა არსებობს.„ღვინისთვის კერძო სექტორი ყოველთვის ცდილობს, საუკეთესო ყურძენი ჩაიბაროს. ვფიქრობ, წელს კერძო სექტორს არ ექნება გასამართლებელი საბუთი, რომ ვერ ვნახეთ ხარისხიანი ყურძენი და ვერ ვამზადებთ ხარისხიან ღვინოს. პირიქით, ვფიქრობ, დაგვიანებული რთველისა და შედარებით გრილი, წვიმიანი ზაფხულის მიუხედავად, მათ, ვინც ყურძენი სწორად მოიყვანა და შემოდგომამდე ხარისხი შეინარჩუნა, ძალიან კარგი შედეგი ექნებათ. ზოგიერთ ადგილას შესაძლოა 2026 წლის მოსავლისგან განსაკუთრებული ღვინოებიც კი მივიღოთ", - აღნიშნა ლევან მეხუზლამ "ღამის ბიზნესპარტნიორის" ეთერში. 

1793348842

რომელ უნივერსიტეტებში შეგიძლია მოიპოვოსაქართველოს ბანკის სტიპენდია?საქართველოს ბანკის სასტიპენდიო პროგრამის პარტნიორი უნივერსიტეტები არიან: თბილისის სახელმწიფო უნივერსიტეტი (თსუ) ილიას სახელმწიფო უნივერსიტეტი თავისუფალი უნივერსიტეტი აგრარული უნივერსიტეტი თბილისის სახელმწიფო სამხატვრო აკადემია ქართულ-ამერიკული უნივერსიტეტი (GAU) საქართველოს ტექნიკური უნივერსიტეტი (სტუ) თბილისის სახელმწიფო სამედიცინო უნივერსიტეტი საქართველოს ეროვნული უნივერსიტეტი (SEU) სოხუმის სახელმწიფო უნივერსიტეტი თელავის სახელმწიფო უნივერსიტეტი ბათუმის სახელმწიფო საზღვაო აკადემია ბათუმის შოთა რუსთაველის უნივერსიტეტი ქუთაისის საერთაშორისო უნივერსიტეტი (KIU) საქართველოს საერთაშორისო უნივერსიტეტი (GIU) ზუგდიდის სახელმწიფო სასწავლო უნივერსიტეტი სპორტის უნივერსიტეტი თეატრისა და კინოს უნივერსიტეტი კონსერვატორია სამცხე-ჯავახეთის სახელმწიფო უნივერსიტეტი საქართველოს უნივერსიტეტი პეტრე შოთაძის სახელობის თბილისის სამედიცინო აკადემია ბათუმის სახელმწიფო საზღვაო აკადემიის ფილიალი ფოთში პარტნიორი უნივერსიტეტების შესახებდეტალური ინფორმაცია ხელმისაწვდომიავებგვერდზე.ვის შეუძლია პროგრამაში მონაწილეობა?პროგრამაში მონაწილეობა შეუძლიათ როგორც პირველკურსელებს, ისე საბაკალავრო საფეხურის სხვა კურსების სტუდენტებს.სტიპენდიატების შერჩევისას უნივერსიტეტები აკადემიურ მოსწრებას (GPA), სამოტივაციო წერილსა და ლიდერობის პოტენციალს აფასებენ. შერჩევის პირველ ეტაპზე განიხილება განაცხადები, შემდეგ კი შერჩეულ კანდიდატებთან გასაუბრება იმართება. ამასთან, თითოეული უნივერსიტეტი სტიპენდიის მოპოვების დამატებით კრიტერიუმებს ინდივიდუალურად განსაზღვრავს.საქართველოს ბანკის სასტიპენდიო პროგრამაში მონაწილეობის მისაღებად სტუდენტებმა უნდა შეავსონ განაცხადი ვებგვერდზე.საქართველოს ბანკის საგანმანათლებლოპროგრამების შესახებ დეტალურიინფორმაციის მისაღებად ეწვიეთ ვებგვერდს.შესაძლებლობები ღიაა, რომ განათლების გზაზე არ გაჩერდე.

1793348400