ტურნირზე საქართველოს ნაკრების დებიუტი 2011 წელს შედგა და პირველივე სეზონში ნაჩვენები შედეგი (მე-11 ადგილი) დღემდე საუკეთესოდ რჩება. 2011 წლიდან მოყოლებული, საქართველოს ნაკრებმა ზედიზედ ხუთჯერ ითამაშა ევრობასკეტზე და ბოლოს თანამასპინძლებიც კი ვიყავით.წლევანდელი ევრობასკეტი 27 აგვისტოს დაიწყება და 14 სექტემბერს დასრულდება - კონტინენტის პირველობას რამდენიმე მასპინძელი ქალაქი ეყოლება: ტამპერე (ფინეთი), ლიმასოლი (კვიპროსი), კატოვიცე (პოლონეთი) და რიგა (ლატვია). შესაბამისად, ამ ოთხ ქალაქში გადანაწილდებიან ჯგუფები, პლეი ოფის ეტაპს კი სრულად ლატვიის დედაქალაქი, რიგა უმასპინძლებს.ალექსანდრ ჯიკიჩის გაწვრთნილმა გუნდმა საკვალიფიკაციო ეტაპი მძიმედ დაიწყო, თუმცა მაშინ, როდესაც თამაშები გადამწყვეტ ფაზაში შევიდა და საბოლოოდ უნდა გარკვეულიყო საგზურის ბედი, საქართველოს ნაკრებმა ძალები მოიკრიბა და სწორედ ის კალათბურთი და ხასიათი აჩვენა, რომელმაც მათი ევრობასკეტის ფინალურ ეტაპზე გასვლა განაპირობა.ჩვენი გუნდი საკვალიფიკაციო ჯგუფში სერბეთთან, ფინეთთან და დანიასთან ერთად ასპარეზობდა. ისე გამოვიდა, რომ ჯგუფის ფავორიტმა, სერბეთმა ყველა თამაში მოიგო და ადრევე გაინაღდა ევრობასკეტის საგზური. რადგან ფინეთი ერთ-ერთი თანამასპინძელია, მათთვის საკვალიფიკაციო თამაშები მხოლოდ პირობითი მნიშვნელობის იყო. შესაბამისად, დანიის საკალათბურთო ნაკრები საქართველოს ნაკრების უშუალო კონკურენტი აღმოჩნდა. გასვლით შეხვედრაში ჩვენი გუნდი ფინეთთან თამაშის დროს დამარცხდა, თუმცა, შემდეგ ორ შეხვედრაში მათი დამარცხება ჩვენმა ნაკრებმა მარტივად მოახერხა. შედეგად, ბოლოსწინა ტურში დანიელებთან ფინალის ტოლფასი მატჩი გაიმართა.დიდი დანაკლისის მიუხედავად, (ტრავმის გამო გამოგვაკლდა ნაკრების ლეგიონერი, კამარ ბოლდუინი) ამ დიდი მნიშვნელობის მქონე შეხვედრაში საქართველოს ნაკრებმა დანია 2-ქულიანი უპირატესობით (62-60) დაამარცხა.საკვალიფიკაციო ეტაპის გადამწყვეტ მატჩებში გამორჩეულად კარგი იყო საქართველოს ნაკრების უდავო ლიდერი და კაპიტანი - თორნიკე შენგელია, იქვე უნდა ვახსენოთ ქართული კალათბურთის ლეგენდა - გიორგი შერმადინი. გამოსაყოფია დუდა სანაძის კარგი პერფორმანსი უშუალოდ დანიასთან შეხვედრაში. მართალია, ბოლოს ტრავმის გამო ვეღარ დაგვეხმარა ლეგიონერი შემტევი, კამარ ბოლდუინი, თუმცა მან თავის სადებიუტო მატჩებში თავი კარგად დაგვამახსოვრა და გვაჩვენა, რისი გაკეთება შეუძლია მომავალში. დასაფასებელია თითოეული კალათბურთელის შრომაც - კახა ჯინჭარაძე, ბექა ბურჯანაძე, რატი ანდრონიკაშვილი და სხვები, რომლებიც ეფექტურად ეხმარებოდნენ გუნდს მნიშვნელოვან მომენტებში, როგორც დაცვაში, ისე შეტევაში. ჯიკიჩმა დროთა განმავლობაში აშკარად ახლოს გაიცნო ჩვენი კალათბურთი, კალათბურთელები და მათი ხასიათი - პროგრესი თამაშიდან თამაშამდე თვალსაჩინოა.რაც მთავარია, საკვალიფიკაციო ეტაპისგან განსხვავებით, უშუალოდ ევრობასკეტის ფინალურ ეტაპზე საქართველოს საკალათბურთო ნაკრებს ამერიკული საკალათბურთო ასოციაციის ლეგიონიც დაეხმარება - ორლანდო მეჯიქის ცენტრი, გოგა ბითაძე და სან ანტონიო სპურსის მძიმე ფორვარდი, სანდრო მამუკელაშვილი. გოგასთან და სანდროსთან ერთად საქართველოს ნაკრები კიდევ უფრო ძლიერი და მრავალმხრივი გუნდია - მათი დამატება კიდევ უფრო მეტი როტაციისა და ხშირი ტაქტიკური ცვლილების საშუალებას იძლევა, იზრდება სამწამიანში დომინაციის ალბათობაც, ძლიერდება დაცვა და თითქმის ყველა საჭირო და გადამწყვეტი კომპონენტი უფრო მეტად იხვეწება პერსპექტივაში.ჯერჯერობით ჩვენი ნაკრების ყველა ლიდერი სტაბილურად თამაშობს საკლუბო დონეზე - იღებენ საკუთარ შანსებს, ახერხებენ თავის გამოჩენას. საკუთარ კლუბებში სტაბილური სათამაშო პრაქტიკის გარეშე, რთული და გამორიცხულია, შეინარჩუნო ფორმა, მით უფრო გასათვალისწინებელია, რომ ევრობასკეტი ზაფხულის ბოლოს დაიწყება.რაც შეეხება ევრობასკეტის ფორმატს - კონტინენტის 24 საუკეთესო ნაკრები ოთხ ექვსგუნდიან ჯგუფში განაწილდება. ჯგუფებში საუკეთესო ოთხეულში შესული გუნდები გავლენ მერვედფინალებში, მერე კი დაიწყება კლასიკური პლეი ოფი და ოლიმპიური სისტემით გაგრძელდება ბრძოლა პირველობისთვის.საბოლოო კენჭისყრა 27 მარტს, ჩვენი დროით 16:00 საათზე გაიმართა ქალაქ რიგაში, რომლის შედეგადაც საქართველოს ნაკრები C ჯგუფში მოხვდა. საქართველოს ნაკრების გარდა C ჯგუფში არიან: ტურნირის ერთ-ერთი მასპინძელი - კვიპროსი, საბერძნეთი, ბოსნია, იტალია და ესპანეთი.C ჯგუფის თამაშები ლიმასოლში გაიმართება, თითო ჯგუფიდან კი 1/8 ფინალში 4 ნაკრები გავა, ისღა დაგვრჩენია დაველოდოთ ევრობასკეტის დაწყებას და წარმატებები ვუსურვოთ ჩვენს საკალათბურთო ნაკრებს. საუკეთესო წინ არის.ერთად ვუგულშემატკივროთ ქართველ სპორტსმენებს. საქართველოს ბანკი საქართველოს ეროვნული საკალათბურთო ნაკრების მთავარი მხარდამჭერია.

1743517451

დამატებით, რეგისტრაციის შემდეგ თითოეული მოსწავლე მოწვევის კოდს მიიღებს, რომლის მეგობრებთან გაზიარების და მათი აპლიკაციაში შემოერთების შემდეგ, ორივე ბავშვი sCool Card-ის ანგარიშზე 5-5 ლარით დასაჩუქრდება. ყოველ კვირა მოსწავლეებს მაქსიმუმ 10 ბავშვის მოწვევის შესაძლებლობა ექნებათ. დამატებით გაწევრიანების შემთხვევაში მხოლოდ მოწვეული ბავშვები დასაჩუქრდებიან, შემდეგი კვირიდან კი ათვლა თავიდან დაიწყება.BOG sCoolApp - პირველი  და ერთადერთი აპლიკაცია მოსწავლეებისთვის, რომელიც მთლიანად მათ ინტერესებსა და საჭიროებებზეა მორგებული. ბანკის ყველაზე პატარა მომხმარებლები იმ ციფრული არხებით, რომლითაც საკმაოდ აქტიურად სარგებლობენ, ახლა უკვე თავად მართავენ sCool Card ანგარიშებს  და ასრულებენ  სხვადასხვა ტიპის ოპერაციებს , იქნება ეს თანხის მოთხოვნა, ბალანსის შევსება თუ სხვ.sCoolApp მშობლების კომფორტისთვისაა შექმნილი - აპლიკაციით ზრდასრულები მარტივად აჩვევენ ბავშვებს ფინანსური გადაწყვეტილების მიღებას. გარდა ამისა მარტივად აკონტროლებენ ხარჯებს და უამრავ ბენეფიტს აძლევენ ბავშვს. ბავშვი დამოუკიდებელი ცხოვრების პირველ ნაბიჯებს დგამს sCoolApp-ში, ყველაზე ფერადი პერსონაჟებით სავსე "სხვა სამყაროს" თამაშს ეცნობა, გოჭი ყულაბით სწავლობს დაგროვების პრინციპებს და სწორედ sCool Card-ით იღებს  ყველა განსაკუთრებულ ფასდაკლებას თუ ქეშბექს.

1743516000

აპრილი წიგნის მოყვარულების გახარებით იწყება. საქართველოში ერთ-ერთი პირველი გამომცემლობის, დიოგენეს ფიზიკურ მაღაზიებში მიმდინარე, 1+1 აქციით წიგნების განაწილებით ყიდვისას, ისინი დამატებით 10%-იანი ფასდაკლებით ისარგებლებენ.წიგნის მოყვარულთათვის განსაკუთრებული შეთავაზებების მომზადებას თიბისი განაწილება წიგნის საერთაშორისო ფესტივალისთვისაც გეგმავს, ამიტომ, უახლოეს მომავალში, კვლავ გექნებათ შესაძლებლობა, იყიდოთ თქვენთვის სასურველი წიგნები და თანხა არა მაშინვე, არამედ ეტაპობრივად, 4 თვის განმავლობაში, გადაიხადოთ. რაც მთავარია, ეფექტური 0%-ით, გაძვირების გარეშე.  ასევე ფესტივალში მონაწილე ნებისმიერ ობიექტში შესაძლებელი იქნება ტრანზაქციების განაწილებაც, რაც იმას ნიშნავს, რომ შეძენილი წიგნების საფასურს, უკან დაიბრუნებთ და სასურველ პერიოდზე გაანაწილებთ. 

1743512372

„თბილისის სატრანსპორტო კომპანია“ მეტროსადგურების საპროექტო-სახარჯთაღრიცხვო დოკუმენტაციის შედგენის და მშენებლობის შესყიდვის თაობაზე ე.წ. Design-Build მეთოდით ბაზრის კვლევას ატარებს.დოკუმენტებიდან ირკვევა, რომ ჯამში 4 სადგურის დაპროექტება უნდა განხორციელდეს, აქედან გათვალისწინებულია 2 ახალი, 2 არსებული მეტროსადგურების - ვარკეთილისა და გლდანის მიმართულებით - პროექტირება.ამასთან, ტექნიკური დავალების თანახმად, ერთი მეტროსადგური დაემატება გლდანის, მეორე კი ვარკეთილის მიმართულებით. აღსანიშნავია ისიც, რომ მეტროს ხაზის დაგრძელების სავარაუდო ჯამური სიგრძე 5.2 კმ იქნება, მათ შორის გლდანის მიმართულებით 2.2 კმ, ხოლო ვარკეთილის მიმართულებით 3 კმ.პროექტის განხორციელების საორიენტაციო ვადა ხუთ წელს შეადგენს, სამუშაოები რამდენიმე ეტაპად უნდა განხორციელდეს.ამასთან, რაც შეეხება ფინანსურ ნაწილს, პროექტისთვის 2025 წელს ბიუჯეტი გათვალისწინებული არ არის, 2026 და 2027 წელს კი იგეგმება 15-15 ანუ ჯამში, 30 მლნ აშშ დოლარის დახარჯვა.www.bpn.ge

1743507224

ენერგეტიკის სასწავლო ცენტრის საბჭოს წევრმა, ელეონორა ლაგვილავამ  შეხვედრის მონაწილეებს მიაწოდა ინფორმაცია გაეროს ბავშვთა ფონდის (UNICEF)-ის მხარდაჭერით მიმდინარე პროექტის შესახებ. მან ყურადღება გაამახვილა მოსწავლე-ახალგაზრდობის ცნობიერების დონის ამაღლების აუცილებლობაზე. პროექტის ექსპერტმა, თემურ თორდინავამ შეხვედრის მონაწილეებს გააცნო პროექტის ფარგლებში დაგეგმილი ღონისძიებები.პროექტის -  „წყალი, გარემო და ჯანმრთელობა მოზარდების უსაფრთხო მომავლისათვის“ მიზანია  საქართველოს სხვადასხვა რეგიონის სკოლების მოსწავლეების ცნობიერების დონის ამაღლება სასმელი წყლის, გარემოს, შიდა ჰაერის დაბინძურებისა და კატასტროფების რისკის შემცირების საკითხებზე. პროექტის ფარგლებში ყურადღება გამახვილდება გარემოს დაცვის საკითხებში ახალგაზრდების ჩართულობის ზრდის მექანიზმების განვითარების ხელშეწყობაზე, ამასთანავე მონაწილეებს მიეწოდებათ სიღრმისეული ინფორმაცია წყლის რესურსების რაციონალურად გამოყენებისა და დაცვის აუცილებლობის შესახებ. პროექტში ჩართული იქნება ბათუმის, რუსთავის, ქუთაისისა და ფოთის ორმოცი სკოლის 650 მოსწავლე, ასევე ქუთაისისა და ბათუმის სახელმწიფო უნივერსიტეტების 50 სტუდენტი. პროექტის ფარგლებში მოსწავლე-ახალგაზრდებს ჩაუტარდებათ ტრენინგები და საჯარო ლექციები. ასევე, დაგეგმილია საინფორმაციო შეხვედრები მუნიციპალური ხელისუფლებისა და საბავშვო ბაღების წარმომადგენლებთან. პროექტის ხანგრძლივობაა 8 თვე.

1743505859

ამასთან, გამომცემლობამ საქართველოს ბანკის პრემიუმ მიმართულებას საუკეთესო ციფრული გადაწყვეტებისთვის მეორე ჯილდოც გადასცა.Euromoney-ს ჟიურის შეფასებით, საქართველოს ბანკის მიერ პრემიუმ მომხმარებლებისთვის შექმნილი ციფრული საბანკო პროდუქტები და სერვისები სრულად ერგება მათ სურვილებსა და საჭიროებებს, რომლებიც ტექნოლოგიური განვითარების პარალელურად, მუდმივად იცვლება.საქართველოს ბანკის პრემიუმ მიმართულება შესაძლებლობას აძლევს მომხმარებლებს, ისარგებლონ პირადი ბანკირის, კონსიერჟის, პირადი ბროკერის სერვისებით. მობილბანკის, ინტერნეტ ბანკინგის თუ იმეილ საბანკო სერვისების მეშვეობით განახორციელონ ტრანზაქციები როგორც ქვეყნის შიგნით, ასევე, საზღვარგარეთ, მართონ საკუთარი ფინანსური აქტივები, ქასთოდი პროფილები და ჰქონდეთ პირდაპირი კავშირი პირად ბანკირთან.„მოხარული ვარ, რომ უკვე ორი წელია საქართველოს ბაზრის ერთპიროვნული ლიდერები ვართ პრემიალური საბანკო მომსახურების კუთხით High-Net-Worth მომხმარებლებისთვის. განსაკუთრებულ სირთულეს წარმოადგენს არა მხოლოდ ამ წოდების მიღება, არამედ შემდგომ მისი შენარჩუნება წლების მანძილზე. ბედნიერი ვარ, რომ ჩვენმა გუნდმა ამ ამოცანასაც თავი გაართვა, რაც ხაზს უსვამს, რომ ჩვენ არ ვჩერდებით, მიღწეულით არ ვკმაყოფილდებით და მუდმივად ვამატებთ და ვაუმჯობესებთ ჩვენს მაქსიმალურად მომხმარებელზე ორიენტირებულ შეთავაზებას. Euromoney-ისგან, როგორც დამოუკიდებელი მხარისგან, მიღებული აღიარება კიდევ ერთხელ უსვამს ხაზს, თუ რაოდენ უპირატესია საქართველოს ბანკის მომსახურება ადგილობრივ ბაზარზე“, - აღნიშნავს თეონა ბერია, დაგროვილი ქონების მართვის მიმართულების ხელმძღვანელი.უკვე 20 წელზე მეტია, Euromoney-ს ჟიური ყოველწლიურად საუკეთესო პრემიუმ საბანკო სერვისებისა და მომსახურების მიმწოდებელ ფინანსურ ინსტიტუტებს აფასებს მთელი მსოფლიოდან. მკვლევრები და გამომცემლობის რედაქციის წევრები კი ქვეყნის მასშტაბით საუკეთესო შედეგის მქონე ფინანსურ ინსტიტუტებს ასახელებენ.თითქმის 20 წელია, საქართველოს ბანკის დაგროვილი ქონების მართვის მიმართულება ყოველდღიურად ზრუნავს საკუთარი მომხმარებლებისთვის ინოვაციური, მათ სურვილებსა და საჭიროებებზე მორგებული პროდუქტებისა თუ სერვისების შექმნაზე.

1743503574