Citibank-თან პარტნიორობა მნიშვნელოვნად აძლიერებს ბაზისბანკის შესაძლებლობებს აშშ დოლარში საერთაშორისო ანგარიშსწორების მიმართულებით, აფართოებს საგადახდო არხებს და მომხმარებლებისთვის საერთაშორისო ტრანზაქციების ეფექტიანობისა და მომსახურების ხარისხის გაუმჯობესების დამატებით შესაძლებლობებს ქმნის.საერთაშორისო ქსელის გაფართოება და სტრატეგიული პარტნიორობის გაძლიერება ბაზისბანკის გრძელვადიანი განვითარების ერთ-ერთი მთავარი პრიორიტეტია. გლობალურ ფინანსურ ინსტიტუტებთან თანამშრომლობით ბანკი ქმნის ახალ შესაძლებლობებს საერთაშორისო ბიზნესის, საგარეო ვაჭრობისა და გლობალური ფინანსური მომსახურების მხარდასაჭერად.„Citibank-ში აშშ დოლარის საკორესპონდენტო ანგარიშის გახსნა ბაზისბანკისთვის სტრატეგიული მნიშვნელობისაა. ეს თანამშრომლობა არა მხოლოდ ადასტურებს ჩვენი ბანკის მიმართ საერთაშორისო ნდობას, არამედ პირდაპირ აისახება ჩვენი მომხმარებლების მომსახურების ხარისხზე. ჩვენს კლიენტებს ვთავაზობთ აშშ დოლარში ანგარიშსწორების კიდევ უფრო სწრაფ, უსაფრთხო და მოქნილ შესაძლებლობას. განვაგრძობთ საერთაშორისო ქსელის განვითარებასა და სტრატეგიული პარტნიორული ურთიერთობების გაღრმავებას, რათა ხელი შევუწყოთ ჩვენი მომხმარებლების საქმიანობასა და განვითარებას საერთაშორისო ბაზრებზე.”- ბაზისბანკის ფინანსური დირექტორი, ლია ასლანიკაშვილი.ბაზისბანკ ჯგუფის შესახებ2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით და 700-ზე მეტი ბანკომატით საქართველოს ყველა რეგიონსა და მუნიციპალიტეტში.2026 წლის 9 თვის ფინანსური მონაცემებით, ბაზისბანკ ჯგუფის აქტივები 12.4 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9.4 მლრდ ლარი. ჯგუფის 2026 წლის 9 თვის წმინდა მოგებამ 178.6 მილიონი ლარი შეადგინა.

1792759932

„როგორც წესი, ფინანსურ პროდუქტებში ინვესტირებასთან დაკავშირებული საშუამავლო საქმიანობა მოითხოვს შესაბამისი მარეგულირებელი ორგანოს მიერ გაცემულ საქმიანობის ლიცენზიას. აღნიშნული ნებართვის გარეშე პირის საშუამავლო საქმიანობა შეიძლება წარმოადგენდეს საქართველოს კანონმდებლობით გათვალისწინებულ სისხლის სამართლის დანაშაულს, კერძოდ, უკანონო სამეწარმეო საქმიანობას.აღსანიშნავია, რომ ფინანსურ პროდუქტებს განეკუთვნება არა მხოლოდ ტრადიციული ფინანსური ინსტრუმენტები, როგორებიცაა აქციები, ობლიგაციები და სხვა, მათ შორის, ტოკენიზებული ფორმით არსებული ფასიანი ქაღალდები, არამედ უფრო კომპლექსური ინსტრუმენტებიც ფინანსური დერივატივების სახით, როგორიცაა ფინანსური კონტრაქტები ფასთა შორის სხვაობაზე (CFD) და ბინარული ოფციონები.ფინანსური კონტრაქტი ფასთა შორის სხვაობაზე (CFD) წარმოადგენს ისეთ კონტრაქტს, რომლის საფუძველზე ინვესტორი თანხმდება სამომავლოდ მიიღოს ან გადაიხადოს შესაბამისი საბაზისო აქტივის ან საბაზისო მაჩვენებლის საწყის (CFD პოზიციის გახსნისას დაფიქსირებულ) და სამომავლო (CFD პოზიციის დახურვისას დაფიქსირებულ) ფასებს/დონეებს შორის სხვაობა. CFD-ის საბაზისო აქტივი შეიძლება იყოს, მათ შორის, ფასიანი ქაღალდი, ვალუტა, საქონელი (მაგ., ძვირფასი მეტალი), ვირტუალური აქტივი (მათ შორის „კრიპტო ვალუტა“), ხოლო საბაზისო მაჩვენებელი - საპროცენტო განაკვეთი, გაცვლითი კურსი, ინდექსი და სხვა. ამასთან, კონტრაქტის კომერციული სახელწოდება არ არის გადამწყვეტი ფასთა შორის სხვაობის კონტრაქტად მისი მიჩნევისათვის. მაგალითად, ბოლო პერიოდში გავრცელებული ე. წ. ‘Perpetual futures’/‘perpetual contract’-ები აგრეთვე შეიძლება წარმოადგენდეს მათი მახასიათებლების მიხედვით CFD-ს.რაც შეეხება ბინარულ ოფციონს, იგი ისეთი სახის კონტრაქტია, რომლის მიხედვითაც ინვესტორი ფულად თანხას მიიღებს ან გადაიხდის იმის მიხედვით, დადგება თუ არა კონტრაქტის ვადის ამოწურვის მომენტისთვის ან ვადის ამოწურვამდე საბაზისო აქტივის ფასთან ან საბაზისო მაჩვენებელთან დაკავშირებული რომელიმე წინასწარ განსაზღვრული მოვლენა. ბინარული ოფციონის საბაზისო აქტივი CFD-ის მსგავსად შეიძლება იყოს, მათ შორის, ფასიანი ქაღალდი, ვალუტა, საქონელი (მაგ., ძვირფასი მეტალი), ვირტუალური აქტივი (მათ შორის „კრიპტო ვალუტა“), ხოლო საბაზისო მაჩვენებელი - საპროცენტო განაკვეთი, გაცვლითი კურსი, ინდექსი, ინფლაცია და სხვა. ამ შემთხვევაშიც, კონტრაქტის კომერციული სახელწოდება არ არის გადამწყვეტი ბინარულ ოფციონად მისი მიჩნევისათვის. ამ თვალსაზრისით, უნდა აღინიშნოს, რომ ბოლო პერიოდში გავრცელდა ე.წ. „Prediction Market“-ები, რომლებიც პოტენციურ ინვესტორს კონკრეტული მოვლენის დადგომასთან დაკავშირებით ვაჭრობის შესაძლებლობას (ე. წ. ‘event contract’) სთავაზობენ. პოტენციურმა ინვესტორებმა განსაკუთრებული სიფრთხილე უნდა გამოიჩინონ, როცა შესაბამისი მოვლენა რომელიმე ზემოხსენებულ ფინანსურ აქტივთან ან ფინანსურ მაჩვენებელთან არის დაკავშირებული, ვინაიდან მათთვის ასეთი კონტრაქტების შეთავაზება შესაძლოა საჭიროებდეს შესაბამისი მარეგულირებელი ორგანოს მიერ გაცემულ ლიცენზიას“, - ნათქვამია გავრცელებულ ინფორმაციაში.ეროვნული ბანკი კიდევ ერთხელ აფრთხილებს მოსახლეობას, განსაკუთრებული ყურადღება გამოიჩინონ ისეთ პირებთან კომუნიკაციისას, რომლებიც მათ ზემოხსენებულ ფინანსურ პროდუქტებში ინვესტირებას სთავაზობენ. ამავდროულად, სები მოუწოდებს მოქალაქეებს გადაამოწმონ არიან თუ არა აღნიშნული პირები უფლებამოსილი მარეგულირებელი ორგანოს მიერ ლიცენზირებულნი.საქართველოს ეროვნული ბანკის მიერ ლიცენზირებული საბროკერო, აქტივების მმართველი კომპანიებისა და კომერციული ბანკების ჩამონათვალი ხელმისაწვდომია სების ოფიციალურ ვებგვერდზე: საბროკერო კომპანიები საინვესტიციო ფონდები და აქტივების მმართველი კომპანიები კომერციული ბანკები

1792753745

გამარჯვებულები კვლევის კომპლექსური პროცესის საფუძველზე შეირჩნენ, რომელიც მოიცავდა კომპანიების მიერ წარდგენილი განაცხადების შეფასებას, ბაზრის კვლევას, ბაზრის მონაწილეებთან ინტერვიუებსა და დამოუკიდებელ ანალიზს.გალტ & თაგარტის საბროკერო მომსახურება მომხმარებლებს საერთაშორისო, რეგიონულ და ადგილობრივ ბაზრებზე არსებულ მრავალფეროვან საინვესტიციო ინსტრუმენტებზე წვდომას სთავაზობს. მომსახურება აერთიანებს გლობალურ ბაზრებზე ინვესტირების შესაძლებლობას, ადგილობრივ და რეგიონულ ფინანსურ ინსტრუმენტებს, პერსონალიზებულ მომსახურებასა და ინვესტირების მოქნილ გზებს.კომპანიის მომხმარებლებს შესაძლებლობა აქვთ, 50-ზე მეტ საერთაშორისო ბაზარზე 60 000-ზე მეტ ფინანსურ ინსტრუმენტზე მიიღონ წვდომა და საკუთარი საინვესტიციო მიზნების შესაბამისად დივერსიფიცირებული პორტფელი შექმნან. ამასთან, გალტ & თაგარტი მომხმარებლებს სთავაზობს ადგილობრივ და რეგიონულ ბაზრებზე ინვესტირების შესაძლებლობას, მათ შორის, ადგილობრივ ობლიგაციებსა და სხვა ფინანსურ ინსტრუმენტებზე წვდომას.„ჩვენთვის მნიშვნელოვანია, ინვესტორებს მივცეთ შესაძლებლობა, ერთი პლატფორმის მეშვეობით ისარგებლონ როგორც საერთაშორისო ბაზრებზე არსებული მრავალფეროვანი საინვესტიციო ინსტრუმენტებით, ისე ადგილობრივი და რეგიონული ბაზრების შესაძლებლობებით. Euromoney Markets Awards-ის ფარგლებში მიღებული აღიარება ჩვენი გუნდის პროფესიონალიზმისა და მომხმარებლებისთვის ხარისხიანი საბროკერო მომსახურების შეთავაზების მნიშვნელობას უსვამს ხაზს. ჩვენ კვლავ გავაგრძელებთ საინვესტიციო შესაძლებლობების გაფართოებას და ისეთი გარემოს შექმნას, რომელიც მომხმარებლებს საკუთარი ფინანსური მიზნების მიღწევაში დაეხმარება“, განაცხადა გიორგი კუპრაშვილმა, გალტ & თაგარტის გენერალურმა დირექტორმა.გალტ & თაგარტის საბროკერო მომსახურების შესახებ გაიგეთ მეტი: https://galtandtaggart.com/ka/brokerage

1792748051

როგორც მან „ბიზნესპარტნიორის“ ეთერში განაცხადა, ეს საპილოტე პროექტია, რომელზეც გადაწყვეტილება კონსენსუსის საფუძველზე მიიღება.„პარლამენტმა უფლებამოსილება მოგვცა, რომ გამოვუშვათ და ვიმუშაოთ ციფრულ ლარზე. კარგია, რომ ასეთი მანდატი შეგვექმნა. ვხედავთ, რომ მსოფლიოში არაერთი ცენტრალური ბანკი, მათ შორის ევროკავშირის ცენტრალური ბანკი, ამ პროექტზე მუშაობს. ჩვენ საშუალება გვექნება, გავტესტოთ ეს ტექნიკური გადაწყვეტილებები და ვნახოთ, როგორ შეიძლება მუშაობდეს ეს ჩვენს ეკონომიკაში, როგორ მოერგება ადგილობრივ ბაზარსა და მონეტარული პოლიტიკის სხვა ინსტრუმენტებს, რა რისკები და გამოწვევები ახლავს და ა.შ.თუ მსოფლიოში გამოიკვეთა, რომ პერსპექტიული პროექტია, ჩვენც მზად უნდა ვიყოთ, რომ მომავალში ეს პროექტები განვახორციელოთ. მიმდინარე პერიოდში ეს იქნება ტექნიკური სამუშაო დახურულ სივრცეში, რათა ზოგადად დავაკვირდეთ, თუ როგორ მუშაობს ეს ტექნოლოგია.არაერთი ინფორმაცია გავრცელდა, ხომ არ იგეგმება მისი დანერგვა მიმდინარე პერიოდში ან ხომ არ შეუქმნის საფრთხეს ფულის გადახდებს. ცხადია, ამას არანაირი კავშირი არ აქვს დანერგვასთან - ეს უბრალოდ საპილოტე პროგრამაა. მომავალში, თუ ოდესმე მისი დანერგვა გადაწყდა, ასეთი გადაწყვეტილება ფართო კონსენსუსის საფუძველზე იქნება მიღებული და არსებული საგადახდო სივრცის პარალელურად მოხდება“, - განაცხადა დავით უტიაშვილმა.როგორც მან განმარტა, საბოლოო გადაწყვეტილების მიღებამდე სარგებელი და შესაძლო რისკები უნდა შეისწავლონ.„ჩვენი თვითმიზანი არ არის, რომ ციფრული ლარი კონკრეტულ დროში ავამოქმედოთ. პირველ რიგში, გვინდა დავაკვირდეთ, როგორ მუშაობს ტექნოლოგიები, შევიძინოთ ეს გამოცდილება და ამ ტექნოლოგიების პარალელურად ვნახოთ, როგორ მუშაობს მონეტარული პოლიტიკა და ფულის მიწოდება; კონფიდენციალურობის კუთხით რამდენად შეგვიძლია მომხმარებლების წუხილებს ვუპასუხოთ, რამდენად იქნება ამაზე საზოგადოების კონსენსუსი და ა.შ.დრო გვჭირდება. პარლამენტმა ამის მანდატი მოგვცა, რომ საპილოტე პროექტები განვახორციელოთ. საბოლოოდ, დასკვნა საჯარო იქნება- გვჭირდება თუ არა, რამდენად და როდის გვჭირდება მისი დანერგვა“, - განაცხადა დავით უტიაშვილმა.მისი შეფასებით, ციფრული ფული საგადახდო სერვისების კუთხით ბევრად უფრო ეფექტიანი, იაფი და სწრაფი იქნება.„ტექნოლოგიური გადაწყვეტა უკეთესია, თორემ საშუალო მომხმარებელმა შეიძლება პირდაპირ ვერც აღიქვას ტექნოლოგიური სხვაობა. მას კვლავ შეიძლება ჰქონდეს იგივე ბარათი ან აპლიკაცია ტელეფონში, უბრალოდ, ტრანზაქცია უფრო იაფად და სწრაფად განხორციელდება.ასევე, ეს შექმნის ეფექტიან საშუალებას, რომ ფინანსური სექტორი უფრო სანდო გახდეს. ტექნოლოგიურად ეს ბევრად უკეთესი გადაწყვეტაა. ვხედავთ, რომ ასეთი ციფრული ვალუტები კერძო სექტორში უკვე ვითარდება. ჩვენი მომხმარებლებიც იყენებენ მათ ადგილობრივ ბაზარზე სავაჭრო ტრანზაქციებისა და საბიუჯეტო გადარიცხვებისას. შეიქმნება ცენტრალური ბანკის მიერ გამოშვებული მსგავსი ალტერნატივაც, რომელიც შეიძლება უფრო სტაბილურად აღიქმებოდეს“, - განაცხადა დავით უტიაშვილმა.როგორც მან აღნიშნა, ცენტრალური ბანკის მიერ გამოშვებული ასეთი ციფრული ვალუტა ადგილობრივ ბაზარზე ქვეყნის უსაფრთხოებასა და სანდოობას უზრუნველყოფს.„ასევე, ზოგადად, ფინანსური სექტორის სტაბილურობისთვის ეს ძალიან მნიშვნელოვანია. თუ ეროვნული ბანკი ამ ფულს გამოუშვებს, მონეტარული პოლიტიკისა და სხვა მიმართულებებით ბევრად მეტი ბერკეტი გვექნება ფასების კონტროლისთვის. კერძო გადაწყვეტები ამ კუთხით შესაძლოა ცენტრალური ბანკებისთვისაც მოუქნელი იყოს. მაკროეკონომიკური თვალსაზრისით, ცენტრალური ბანკის მიერ გამოშვებული ფულის შემთხვევაში ამ სარგებელსაც ვხედავთ“, - განაცხადა დავით უტიაშვილმა.ცნობისთვის, საქართველოს პარლამენტმა გასულ კვირას ახალი საკანონმდებლო პაკეტი დაამტკიცა, რომელიც რამდენიმე ძირითად მიმართულებას მოიცავს, მათ შორის, ერთ-ერთი ცვლილებით იქმნება სამართლებრივი საფუძველი, რომლის მიხედვით, ეროვნულ ბანკს ევროკავშირის წევრი და მსოფლიოს სხვა წამყვანი ქვეყნების მსგავსად, ციფრული ლარის მიმართულებით სხვადასხვა საპილოტე პროექტის განხორციელების შესაძლებლობა ექნება.bp.ge

1792745087

ვალუტის გადამცვლელ პუნქტს შპს „პაგაა“-ს (ს/ნ 402095987) დაეკისრა ფულადი ჯარიმა ჯამში 22,000 (ოცდაორი ათასი) ლარის ოდენობით.ვალუტის გადამცვლელ პუნქტს შპს „მონეტო ჩეინჯს“ (საიდენტიფიკაციო ნომერი: 406314885) დაეკისრა ჯარიმა ჯამში 98,000 (ოთხმოცდათვრამეტი ათასი) ლარის ოდენობით.ვალუტის გადამცვლელ პუნქტს შპს „მონეტა“-ს (საიდენტიფიკაციო ნომერი: 439417819) დაეკისრა ფულადი ჯარიმა ჯამში 168,000 (ას სამოცდარვა ათასი) ლარის ოდენობით.ვალუტის გადამცვლელ პუნქტს შპს „თეთრს“ (საიდენტიფიკაციო ნომერი: 426115054) დაეკისრა ფულადი ჯარიმა ჯამში 49 000 (ორმოცდაცხრა ათასი) ლარის ოდენობით.ვალუტის გადამცვლელ პუნქტს ი.მ. „ტარიელ ლობჟანიძეს“ (ს/ნ 01011047574) დაეკისრა ფულადი ჯარიმა ჯამში 35,000 (ოცდათხუთმეტი ათასი) ლარის ოდენობით.ვალუტის გადამცვლელ პუნქტს ინდივიდუალურ მეწარმეს „მამუკა მარიამიძე“-ს (საიდენტიფიკაციო ნომერი: 01012026445) დაეკისრა ფულადი ჯარიმა ჯამში 21,000 (ოცდა ერთი ათასი) ლარის ოდენობით.ვალუტის გადამცვლელი პუნქტის შპს „პაგაა“-ს (ს/ნ 402095987) მიმართ ფულადი ჯარიმის დაკისრება | ვალუტის გადამცვლელი პუნქტის შემოწმების თაობაზე საქართველოს ეროვნული ბანკის სამართლებრივი აქტით განსაზღვრული შემოწმების დაწყების თარიღისათვის, საქართველოს ფინანსური მონიტორინგის სამსახურის უფროსის 2020 წლის 05 ივნისის №1 ბრძანებით დამტკიცებული „ანგარიშვალდებული პირის მიერ გარიგების თაობაზე ინფორმაციის აღრიცხვის, შენახვისა და საქართველოს ფინანსური მონიტორინგის სამსახურისთვის წარდგენის წესის“ მე-6 მუხლის მე-4 პუნქტით გათვალისწინებული ანგარიშგების ფინანსური მონიტორინგის სამსახურისათვის წარუდგენლობის 11 (თერთმეტი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე–3 მუხლის მე-3 პუნქტის „ლ“ ქვეპუნქტის შესაბამისად ითვალისწინებს დაჯარიმებას 2,000 (ორი ათასი) ლარის ოდენობით, დარღვევის თითოეულ ფაქტზე. სულ 22,000 (ოცდაორი ათასი) ლარი.ვალუტის გადამცვლელი პუნქტის შპს „მონეტო ჩეინჯი“-ს (საიდენტიფიკაციო ნომერი: 406314885) მიმართ ფულადი ჯარიმის დაკისრება |შემოწმების შედეგად გამოვლინდა, ვალუტის გადამცვლელი პუნქტის მიერ კლიენტის და ოპერაციების (გარიგების) შესახებ ინფორმაციის სპეციალური პროგრამული (ელექტრონული) სისტემის საშუალებით აღურიცხაობის 14 (თოთხმეტი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე-3 მუხლის მე-2 პუნქტის „კ“ ქვეპუნქტის შესაბამისად, ითვალისწინებს დაჯარიმებას 7,000 (შვიდი ათასი) ლარის ოდენობით დარღვევის თითოეულ ფაქტზე, სულ 98,000 (ოთხმოცდათვრამეტი ათასი) ლარი.ვალუტის გადამცვლელი პუნქტის შპს „მონეტა“-ს (საიდენტიფიკაციო ნომერი: 439417819) მიმართ ფულადი ჯარიმის დაკისრება |შემოწმების შედეგად გამოვლინდა, ვალუტის გადამცვლელი პუნქტის მიერ კლიენტის და ოპერაციების (გარიგების) შესახებ ინფორმაციის სპეციალური პროგრამული (ელექტრონული) სისტემის საშუალებით აღურიცხაობის 24 (ოცდაოთხი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე-3 მუხლის მე-2 პუნქტის „კ“ ქვეპუნქტის შესაბამისად, ითვალისწინებს დაჯარიმებას 7,000 (შვიდი ათასი) ლარის ოდენობით დარღვევის თითოეულ ფაქტზე, სულ 168,000 (ას სამოცდარვა ათასი) ლარი.ვალუტის გადამცვლელი პუნქტის შპს „თეთრი“-ს (საიდენტიფიკაციო ნომერი: 426115054) მიმართ ფულადი ჯარიმის დაკისრება |შემოწმების შედეგად გამოვლინდა, ვალუტის გადამცვლელი პუნქტის მიერ კლიენტის და ოპერაციების (გარიგების) შესახებ ინფორმაციის სპეციალური პროგრამული (ელექტრონული) სისტემის საშუალებით აღურიცხაობის 7 (შვიდი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე-3 მუხლის მე-2 პუნქტის „კ“ ქვეპუნქტის შესაბამისად, ითვალისწინებს დაჯარიმებას 7,000 (შვიდი ათასი) ლარის ოდენობით დარღვევის თითოეულ ფაქტზე, სულ 49,000 (ორმოცდაცხრა ათასი) ლარი.ვალუტის გადამცვლელი პუნქტის ი.მ. „ტარიელ ლობჟანიძის“ (ს/ნ 01011047574) მიმართ ფულადი ჯარიმის დაკისრება |შემოწმების შედეგად გამოვლინდა, ვალუტის გადამცვლელი პუნქტის მიერ კლიენტის და ოპერაციების (გარიგების) შესახებ ინფორმაციის სპეციალური პროგრამული (ელექტრონული) სისტემის საშუალებით აღურიცხაობის 5 (ხუთი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე–3 მუხლის მე-2 პუნქტის „კ“ ქვეპუნქტის შესაბამისად, ითვალისწინებს დაჯარიმებას 7,000 (შვიდი ათასი) ლარის ოდენობით დარღვევის თითოეულ ფაქტზე, სულ 35,000 (ოცდათხუთმეტი ათასი) ლარი.ვალუტის გადამცვლელი პუნქტის ინდივიდუალური მეწარმის „მამუკა მარიამიძის“ (საიდენტიფიკაციო ნომერი: 01012026445) მიმართ ფულადი ჯარიმის დაკისრება |შემოწმების შედეგად გამოვლინდა, ვალუტის გადამცვლელი პუნქტის მიერ კლიენტის და ოპერაციების (გარიგების) შესახებ ინფორმაციის სპეციალური პროგრამული (ელექტრონული) სისტემის საშუალებით აღურიცხაობის 3 (სამი) ფაქტი, რაც საქართველოს ეროვნული ბანკის პრეზიდენტის 2020 წლის 5 თებერვლის №17/04 ბრძანებით დამტკიცებული „ვალუტის გადამცვლელი პუნქტებისა და მათი ადმინისტრატორების მიმართ ფულადი ჯარიმების ოდენობის განსაზღვრის, დაკისრებისა და აღსრულების წესის“ მე-3 მუხლის მე-2 პუნქტის „კ“ ქვეპუნქტის შესაბამისად, ითვალისწინებს დაჯარიმებას 7,000 (შვიდი ათასი) ლარის ოდენობით დარღვევის თითოეულ ფაქტზე, სულ 21,000 (ოცდაერთი ათასი) ლარი.

1792738053

მათივე ცნობით, 2026 წელს განხორციელებული ორი პროექტის ჯამური ღირებულება 3,4 მილიონი ლარია. სამუშაოები სამელიორაციო ინფრასტრუქტურის გაუმჯობესებასა და საირიგაციო მომსახურების ხარისხის ამაღლებას ემსახურება."მუნიციპალიტეტში სხვა სამელიორაციო პროექტებიც მიმდინარეობს. დალის მთის წყალსაცავზე წყალგამშვები და წყალსაგდები კოშკების რეაბილიტაცია ხორციელდება. პროექტი, რომლის ღირებულება 3 958 915 ლარია, კაშხლის დაზიანებული უბნის მოპირკეთებასა და კოშკებზე ელექტრომექანიკური მოწყობილობების დამონტაჟებასითვალისწინებს.სამუშაოები ინფრასტრუქტურის გამართულ მუშაობას უზრუნველყოფს. სოფელ ფიროსმანში ასევე დაიწყო მექანიკური მორწყვის სისტემების გამანაწილებელი ქსელის რეაბილიტაციის პირველი ეტაპი. პროექტის საორიენტაციო ღირებულება 4,4 მილიონ ლარს აღემატება. სამუშაოების დასრულების შედეგად, სარწყავი წყლისმიწოდება 425 ჰექტარ სასოფლო-სამეურნეო მიწის ფართობზე გაუმჯობესდება. კაპიტალური პროექტების პარალელურად, მუნიციპალიტეტში საექსპლუატაციო სამუშაოებიც მიმდინარეობს. უკვე გაიწმინდა სამელიორაციო არხები და მილსადენები, მოწესრიგდა სხვადასხვა ტიპის ჰიდროტექნიკური ნაგებობები.„საქართველოს მელიორაცია“ ქვეყნის მასშტაბით ეტაპობრივად ახორციელებს სამელიორაციო ინფრასტრუქტურის სარეაბილიტაციო და საექსპლუატაციო სამუშაოებს, რათა ფერმერები სამელიორაციო მომსახურებით უზრუნველყოს",-აღნიშნულია ინფორმაციაში. 

1792672393

პრაიმ ანაბარი თიბისი კონცეპტისა და Welth menegment-ის მომხმარებლებს დანაზოგის მოქნილი პირობებით შენახვის, თანხის ნებისმიერ დროს შეტანა/გატანისა და ამავდროულად, სარგებლის ყოველთვიურად მიღების შესაძლებლობას აძლევს.ანაბრის გახსნა მომხმარებლებს ნებისმიერი თანხით, როგორც ლარში, ისე დოლარში შეუძლიათ, წინასწარ განსაზღვრული შენახვის ვადის გარეშე. სარგებელი კი, ყოველთვიურად ერიცხება, რომლის ოდენობაც შესაბამისი თვის განმავლობაში ანაბრის ანგარიშზე დაფიქსირებული მინიმალური ნაშთის მიხედვით განისაზღვრება.ანაბრის საპროცენტო განაკვეთი საჯარო ფინანსურ ინდექსებს ეფუძნება და წინასწარ განსაზღვრული ფორმულით გამოითვლება. ლარში განთავსებულ ანაბარზე წლიური საპროცენტო განაკვეთი საქართველოს ეროვნული ბანკის მიერ განსაზღვრულ რეფინანსირების განაკვეთს მინუს 0.5 %-ია. დოლარში განთავსებულ ანაბარზე კი წლიური საპროცენტო განაკვეთი განისაზღვრება სენტ-ლუისის ფედერალური სარეზერვო ბანკის (Federal Reserve Bank of St. Louis) მიერ გამოქვეყნებული Federal Funds Target Range — Lower Limit-ის მაჩვენებელს მინუს 2.5 %. წლიური საპროცენტო განაკვეთის მაქსიმალური ზღვარი 6%-ია.ანაბრის შესახებ დეტალური ინფორმაციის მისაღებად ეწვიეთ ბმულს.

1792668578

საქსტატის ცნობით, შემოსავლის უდიდეს ნაწილს – 67.0 პროცენტს საერთაშორისო საფოსტო-საკურიერო მომსახურებიდან მიღებული შემოსავლები შეადგენდა, ხოლო 33.0 პროცენტს – ადგილობრივი მომსახურებიდან მიღებული შემოსავლები.საფოსტო და საკურიერო საქმიანობით დაკავებული საწარმოების შემოსავლების 76.8 პროცენტი ამანათების მიწოდებიდან არის მიღებული, რომლის 70.3 პროცენტი საერთაშორისო გზავნილებზე მოდიოდა, 29.7 პროცენტი კი – ადგილობრივ გზავნილებზე.ამასთან, უწყების ანგარიშით, საფოსტო და საკურიერო საქმიანობით დაკავებული საწარმოების შემოსავლების 17.3 პროცენტი წერილობით კორესპოდენციებზე მოდიოდა, რომლის 57.8 პროცენტი საერთაშორისო იყო, ხოლო 42.2 პროცენტი – ადგილობრივი.საფოსტო და საკურიერო მომსახურებით დაკავებულმა საწარმოებმა 2025 წლის განმავლობაში გააგზავნეს 16.4 მილიონი ამანათი და 7.0 მილიონი წერილობითი კორესპონდენცია.2025 წელს საფოსტო და საკურიერო საქმიანობით დაკავებულ საწარმოებში დასაქმებულთა საშუალო წლიური რაოდენობა შეადგენდა 4.6 ათასს და მათ შორის 1.8 ათასი იყო კურიერი და ფოსტალიონი.

1792661068

თიბისის Visa ბარათის მფლობელებს უკვე შესაძლებლობა აქვთ, სხვა ქვეყნის Visa ბარათზე თანხა მომენტალურად, მხოლოდ მიმღების უცხოური მობილურის ნომრის მითითებით გადარიცხონ.Visa+ სერვისით სარგებლობისთვის, მიმღებმა ბარათი და მობილურის ნომერი Visa+ სერვისს უნდა დაუკავშიროს. შედეგად, თანხის მიღებას საბანკო ანგარიშის დეტალების გაზიარება აღარ სჭირდება - საკმარისია მხოლოდ დარეგისტრირებული ნომერი.ახალი ფუნქციონალი უკვე ხელმისაწვდომია თიბისის მობაილბანკში. მომხმარებლებს თანხის გადარიცხვა შეუძლიათ აშშ დოლარში, ევროსა და ფუნტ სტერლინგში, სადებეტო ბარათიდან ან მიმდინარე ანგარიშიდან.ერთი ტრანზაქციის მაქსიმალური ლიმიტი, შესაბამის ვალუტაში, 1,000 ერთეულია. გადარიცხვა სრულდება მომენტალურად, თანხის მიმღების ანგარიშზე ასახვის დრო კი მიმღებ ბანკზეა დამოკიდებული.ბარათის მონაცემების გაზიარების საჭიროების შემცირებით, Visa+ ქმნის თანხის გადარიცხვის უფრო მარტივ და მოსახერხებელ გამოცდილებას: მომხმარებლებს შეუძლიათ გამოიყენონ ისეთი იდენტიფიკატორი, რომელიც უკვე მათი ყოველდღიური ცხოვრების ნაწილია - მობილურის ნომერი.Visa+ სერვისის დანერგვა კიდევ ერთხელ ადასტურებს, რომ თიბისი ქმნის და ავითარებს ისეთ პროდუქტებსა და სერვისებს, რომლებიც მომხმარებლებს რეალურად უმარტივებს ყოველდღიურობას. ამასთან, კარგი მაგალითია იმის, თუ როგორ შეუძლიათ Visa-სა და ფინანსურ ინსტიტუტებს გლობალური გადახდის შესაძლებლობების ლოკალურ ბაზრებზე მორგება და ისეთი პრაქტიკული გადაწყვეტილებების შექმნა, რომლებიც მომხმარებელთა მუდმივად ცვალებად საჭიროებებს პასუხობს.Visa+ სერვისით სარგებლობისა და გადარიცხვის დეტალური პირობების შესახებ მეტი ინფორმაციის მისაღებად ეწვიეთ ბმულს.

1792658283

მიკრომეწარმეობის მხარდაჭერის პროგრამა განკუთვნილია მათთვის, ვინც საკუთარი საქმიანობის წამოწყებას ან უკვე არსებულის გაფართოებას და განვითარებას გეგმავს. პროგრამაში მონაწილეობისას, ქონების უზრუნველყოფა საჭირო არ არის. სესხის ძირი თანხის 80%-ს სახელმწიფო გარანტია უზრუნველყოფს.იმ შემთხვევაში, თუ მეწარმე სესხს თიბისიში აიღებს, 6 თვის განმავლობაში, დამატებითი უპირატესობებით შეძლებს სარგებლობას:• უფასო ბიზნესნაკრები;• თიბისის ტერმინალით სარგებლობისას, 0%-იანი საკომისიო გადასახადიამასთანავე, პროგრამაში მონაწილეობისას, მეწარმეები, თიბისი ბიზნესის გუნდის მხარდაჭერით, შეძლებენ, სწორად დაგეგმონ და მართონ დაფინანსების მიღების მთლიანი პროცესი - წინასწარი კონსულტაციით გაიგონ, აკმაყოფილებენ თუ არა პროგრამის პირობებს, განსაზღვრონ დაფინანსების ოპტიმალური მოცულობა, მოამზადონ საჭირო დოკუმენტაცია და სწრაფად და მარტივად მართონ დაფინანსების თითოეული ეტაპი.პროგრამისა და მასში მონაწილეობის შესახებ დეტალური ინფორმაციის ნახვა შესაძლებელია ბმულზე: მიკრომეწარმეობის მხარდაჭერის სახელმწიფო პროგრამა

1792650989