მათი შეფასებით, გაზრდილი ავიამიმოსვლა ხელს შეუწყობს საქართველოსა და ჩინეთს შორის ეკონომიკური და ხალხთაშორისი კავშირების გაღრმავებას, ტურიზმის განვითარებასა და ინვესტიციების მოზიდვას.

1793963270

მომხმარებლებზე ზრუნვისა და უსაფრთხო გადაადგილების ხელშეწყობის მიზნით, „თეგეტა მოტორსმა“ ნოემბერში მძღოლებს სხვადასხვა პროდუქტსა და მომსახურებაზე სპეციალური ფასები და აქციები მოუმზადა. შეთავაზებები მოიცავს ფასდაკლებებს კომპანიის პარტნიორი წამყვანი ბრენდების აკუმულატორებზე, ზამთრის საბურავებსა და ანტიფრიზებზე, ასევე ჰაერისა და სალონის ფილტრების სრულიად უფასოდ შეცვლის მომსახურებას. დამატებით, სპეციალური პირობებით სარგებლობა ბათუმში ავტონაწილების შეძენისასაც არის შესაძლებელი.ვაჟა ილურიძე, „თეგეტა მოტორსის“ საცალო გაყიდვების განყოფილების ხელმძღვანელი: „ნოემბერი ავტომობილის ცივი სეზონისთვის მოსამზადებლად ერთ-ერთი საუკეთესო პერიოდია, რადგან ამ დროს ტემპერატურის კლება უკვე შესამჩნევი ხდება. მნიშვნელოვანია, მძღოლებმა დროულად შეამოწმონ და, საჭიროების შემთხვევაში, შეცვალონ ავტომობილის კომპონენტები, რომლებიც არა მხოლოდ მის გამართულ მუშაობას, არამედ საკუთარი, მგზავრებისა და საგზაო მოძრაობის სხვა მონაწილეების უსაფრთხოებას უკავშირდება. „თეგეტა მოტორსი“ საქართველოს ავტოსერვისის ბაზარზე ლიდერის პოზიციას იკავებს. ყოველი მეორე მძღოლი ავტოსერვისთან პირველ ასოციაციად სწორედ მას ასახელებს. ეს ნდობა კი კომპანიისთვის, სიამაყის საფუძველთან ერთად, დიდი პასუხისმგებლობაცაა. ჩვენთვის მნიშვნელოვანია, მომხმარებლებს ხარისხის საიმედო სტანდარტი მუდმივად შევთავაზოთ. ვფიქრობ, სწორედ ეს განაპირობებს, რომ სხვადასხვა საავტომობილო პროდუქტის, მათ შორის, აკუმულატორებისა და ზეთების შეძენისას „თეგეტა მოტორსი“ მძღოლების პირველი არჩევანია. კომპანია მომხმარებლებს უსმენს და ამჯერადაც გადავწყვიტეთ, ზამთრის სეზონზე მათთვის ყველაზე საჭირო და მოთხოვნადი პროდუქტები უფრო ხელმისაწვდომი გაგვეხადა“.ნოემბერში „თეგეტა მოტორსის“ ფილიალებში მძღოლებს აკუმულატორების წამყვანი ბრენდების პროდუქციაზე სპეციალური პირობებით სარგებლობა შეუძლიათ. ENERGIZER-ის ახალი აკუმულატორის შეძენისა და ძველის ჩაბარების შემთხვევაში მომხმარებელი თითოეულ ჩაბარებულ 1 ამპერზე 2-ლარიან ფასდაკლებას მიიღებს. ნოემბერში აკუმულატორის შეძენა 129 ლარიდან იქნება შესაძლებელი.„თეგეტა მოტორსი“ მომხმარებლებს პრემიუმ ბრენდებზე 3-წლიან გარანტიას,  ავტომობილის ტექნიკური პასპორტის მიხედვით აკუმულატორის სწორად შერჩევასა და ელექტრონიკის დაცვით მონტაჟსაც სთავაზობს.განსაკუთრებული შეთავაზებებია ზამთრის საბურავებზე. ავტომობილის ერთადერთი კომპონენტი, რომელსაც გზასთან უშუალო შეხება აქვს, სწორედ საბურავია, ამიტომ მისი სეზონთან შესაბამისობა უსაფრთხო გადაადგილებისთვის გადამწყვეტია. დაბალ ტემპერატურაზე ზაფხულის საბურავი სათანადო მოჭიდებას ვეღარ უზრუნველყოფს მაშინაც კი, როდესაც გზაზე თოვლი არ არის. ცივ პირობებში უსაფრთხოდ გადაადგილებისთვის „თეგეტა მოტორსი“ მძღოლებს Petlas-ის ზამთრის საბურავების შერჩეულ მოდელებზე სპეციალურ ფასებს სთავაზობს: 225/50 R17 ზომის Snowmaster 2 Sport – 189 ლარად, 215/55 R17 – 179 ლარად, 205/55 R16 – 139 ლარად, 195/65 R15 ზომის Snowmaster 2 – 129 ლარად, ხოლო 175/65 R15 – 119 ლარად. აღსანიშნავია, რომ Petlas  გამოირჩევა 50-წლიანი გამოცდილებითა  და საინტერესო ისტორიით. კომპანიამ საბურავების წარმოება 1976 წელს თურქეთის საჰაერო ძალებისთვის დაიწყო.ზამთარში ავტომობილის გამართული მუშაობისთვის არანაკლებ მნიშვნელოვანია გაგრილების სისტემის მდგომარეობა. ხარისხიანი ანტიფრიზი ძრავის გაგრილების სისტემაში სითხის გაყინვისგან დაცვას უზრუნველყოფს და ცივ ამინდში მის ეფექტიან მუშაობას უწყობს ხელს. „თეგეტა მოტორსმა“ კი მძღოლების ხელშეწყობისთვის, ნოემბერში ანტიფრიზებზე 20%-იანი ფასდაკლება მოამზადა.კომპანიის კიდევ ერთი შეთავაზება ჰაერისა და სალონის ფილტრების შეცვლას ეხება – ნოემბერში ორივე მომსახურება უფასოა. ჰაერის ფილტრი ძრავისთვის მიწოდებული ჰაერის გაწმენდას უზრუნველყოფს, ხოლო სალონის ფილტრი ავტომობილში შემომავალი ჰაერის ხარისხზე ზრუნავს. მათი დროული შეცვლა მნიშვნელოვანია როგორც ძრავის გამართული მუშაობისთვის, ისე მგზავრებისთვის კომფორტული გარემოს შესაქმნელად.ნოემბერში სპეციალური შეთავაზება მოქმედებს ბათუმშიც – ქალაქში ავტონაწილების შეძენისას მომხმარებლები 15%-იანი ფასდაკლებით ისარგებლებენ.ნოემბრის შეთავაზებები მძღოლებს შესაძლებლობას აძლევს, ავტომობილი ზამთრისთვის დროულად მოამზადონ, სეზონისთვის საჭირო უმაღლესი ხარისხის პროდუქტები თუ მომსახურება სპეციალური, შეღავათიანი პირობებით მიიღონ და, „თეგეტა მოტორსთან“ ერთად, უსაფრთხოდ მეტი გაიარონ.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1793961540

მცირე და საშუალო ბიზნესი საქართველოს ეკონომიკის ერთ-ერთი მთავარი მამოძრავებელი ძალაა და მისი განვითარება თიბისისთვის სტრატეგიული პრიორიტეტია. ჩემთვის, ამ მიმართულების ხელმძღვანელობა დიდი პატივიცაა და ამავდროულად, პასუხისმგებლობაც.თიბისის მისიაა გავუმარტივოთ ადამიანებს ცხოვრება, ბიზნესებისთვის კი ეს, პირველ რიგში, ყოველდღიური საქმიანობის გამარტივებას ნიშნავს. ჩემი და ჩემი გუნდის მთავარი ამბიციაა, თიბისი იყოს მცირე და საშუალო ბიზნესის პირველი არჩევანი, როგორც დაფინანსების მიღებისას, ისე - ყოველდღიური საქმიანობის მართვის პროცესში. ამისთვის, განსაკუთრებულ ყურადღებას ვუთმობთ არსებული მომსახურების გაუმჯობესებას, ინოვაციური პროდუქტებისა და სერვისების განვითარებას და საბანკო პროცესების მაქსიმალურად გაციფრულებას.რა არის ის ძირითადი გამოწვევები, რაც ბიზნესებს ყოველდღიურ საქმიანობაში აქვთ და ამ საჭიროებებიდან გამომდინარე, რა მხარდაჭერის მექანიზმებს სთავაზობს თიბისი ბიზნესებს?მცირე და საშუალო ბიზნესებისთვის, ერთ-ერთი გამოწვევა ფინანსებზე დროული წვდომა, ადმინისტრაციული პროცესების სირთულე და ბიზნესის ზრდისთვის საჭირო ცოდნასა და რესურსებზე ხელმისაწვდომობის ნაკლებობაა. შესაბამისად, მათთვის ძალიან მნიშვნელოვანია ყოველდღიური პროცესების გამარტივება, დროისა და რესურსების ეფექტიანად გამოყენება და სწრაფად ცვალებად გარემოსთან ადაპტაცია.ჩვენი, როგორც ბანკის როლია, მუდმივად მოვუსმინოთ ბიზნესს, დავინახოთ მათი საჭიროებები და შევთავაზოთ ისეთი ფინანსური და არაფინანსური გადაწყვეტები, რომლებიც მათ ყოველდღიურ საქმიანობას გაუმარტივებს და განვითარების ახალ შესაძლებლობებს შეუქმნის.სწორედ ამიტომ, MSME მიმართულებით, სამი ძირითადი პრიორიტეტი გვაქვს:ყოველდღიური ბანკინგის გამარტივება და გაციფრულება - მუდმივად ვავითარებთ ციფრულ პროდუქტებსა და მომსახურებას, იმისთვის, რომ ბიზნესმა ყოველდღიური ფინანსური ოპერაციები მაქსიმალურად მარტივად, სწრაფად და მისთვის მოსახერხებელ დროს მართოს.დაფინანსების ხელმისაწვდომობა - ჩვენი გუნდის მიზანია, ბიზნესმა საჭირო ფინანსური რესურსი დროულად, მარტივი პროცესით და მის საჭიროებებზე მორგებული პირობებით მიიღოს.ბიზნესთან გრძელვადიანი პარტნიორობის გაძლიერება- გვინდა, უკეთ გვესმოდეს თითოეული ბიზნესის საჭიროებები და მისი განვითარების ეტაპის შესაბამისად შევთავაზოთ მხარდაჭერა - მათ შორის ცოდნის მიღების, ახალი კავშირებისა და განვითარების შესაძლებლობების კუთხით.კონკრეტულ პროდუქტებსა და მომსახურებაზე რომ ვისაუბროთ, რომლებიც თიბისიში, ბოლო ერთი წლის განმავლობაში, ბიზნესების ყოველდღიურობის გამარტივებისთვის შეიქმნა?ბოლო ერთი წლის განმავლობაში, არაერთი მნიშვნელოვანი სიახლე დავნერგეთ. პირველ რიგში, გამოვყოფდი ბიზნესის დაწყების პროცესის გამარტივებას - მომხმარებელს შესაძლებლობა აქვს, თიბისის 16 ფილიალში, საკუთარი ბიზნესი დაარეგისტრიროს, რაც განსაკუთრებით მოსახერხებელია. ერთი ვიზიტით, მას შეუძლია ბიზნესის რეგისტრაციასთან ერთად, საბანკო ანგარიშიც გახსნას და საჭირო მომსახურებაც მიიღოს.ამასთან, ბიზნეს მობაილ და ინტერნეტბანკში დავამატეთ ახალი ფუნქციონალები, მათ შორის - ინვოისების შექმნისა და მართვის შესაძლებლობა. გავამარტივეთ საბანკო და საბუღალტრო სისტემების დაკავშირება, რათა ბიზნესმა ნაკლები დრო დახარჯოს ყოველდღიურ ადმინისტრაციულ პროცესებზე.მეორე მნიშვნელოვანი მიმართულებაა დაფინანსების პროცესის გამარტივება და დაჩქარება. მოქმედ ბიზნესმსესხებლებს წინასწარ დამტკიცებული საკრედიტო ლიმიტების ათვისება ციფრული არხებიდან წამებში შეუძლიათ. ასევე, სრულად გავაციფრულეთ ელექტრონული სატენდერო გარანტიების პროცესი,რის შედეგადაც ბიზნესს სატენდერო გარანტიის მიღება უკვე 30 წუთში შეუძლია.აქტიურად ვავითარებთ საკრედიტო გადაწყვეტილებების ავტომატიზაციას. დღეს, განაცხადების 50%-ზე მეტზე გადაწყვეტილება ავტომატურად მიიღება და ჩვენი მიზანია, ეს მაჩვენებელი კიდევ უფრო გავზარდოთ, რათა მეტმა ბიზნესმა დაფინანსებაზე პასუხი მაქსიმალურად სწრაფად მიიღოს.ყველა ამ სიახლის მიზანი ერთია - ბიზნესმა ნაკლები დრო დახარჯოს საბანკო პროცედურებზე და მეტი დრო დაუთმოს საკუთარი საქმიანობის განვითარებას.თიბისი ბიზნესების N1 მხარდამჭერი ბანკია. რომელ მთავარ, ბოლო პერიოდის შედეგებსა და მიღწევებს გამოყოფდით?2026 წელი ჩვენთვის მნიშვნელოვანი მიღწევებით გამოირჩევა. განსაკუთრებით გვეამაყება, რომ მცირე და საშუალო ბიზნესის მიმართულებით ბაზრის ლიდერები ვართ.დღეს თიბისი 100 000-მდე ბიზნესს ემსახურება. მხოლოდ მიმდინარე წელს, 6 000-მდე ახალი ბიზნესი დავაფინანსეთ, საიდანაც 1 000 აგრობიზნესია. ჯამურად, ერთი წლის განმავლობაში, 1 მილიარდი ლარის მოცულობის დაფინანსება გავეცით.ჩვენთვის წარმატება მხოლოდ დაფინანსების მოცულობით არ იზომება. მნიშვნელოვანია ისიც, რამდენად მარტივად და კომფორტულად სარგებლობს ბიზნესი ჩვენი მომსახურებით. დღეს, ბიზნესმომხმარებლების ტრანზაქციების 90%-მდე ციფრულად ხორციელდება. ამასთან, აქტიურად ვმუშაობთ მეწარმეების ცოდნისა და შესაძლებლობების გაძლიერებაზე. მხოლოდ წელს, 50-მდე საგანმანათლებლო შეხვედრა ჩავატარეთ, რომლებშიც 5 000-ზე მეტი მეწარმე მონაწილეობდა, მათ შორის საქართველოს სხვადასხვა რეგიონიდან.ბიზნესდაჯილდოებაზეც მინდა გკითხოთ. წელს, პროექტი 10 წლის იუბილეს აღნიშნავს. რა სიახლეებს უნდა ველოდოთ საიუბილეო, მეათე სეზონზე და რით იქნება წელს პროექტი განსაკუთრებული?დიახ, წელს ბიზნესდაჯილდოება უკვე მეათე საიუბილეო სეზონს აღნიშნავს. ეს პროექტი ჩვენთვის განსაკუთრებით მნიშვნელოვანია, რადგან მისი მთავარი მიზანია წარმატებული ბიზნესების წარმოჩენა, მეწარმეობის პოპულარიზაცია და ძლიერი ბიზნესსაზოგადოების განვითარება.ათი წლის განმავლობაში, პროექტში 4 500-ზე მეტმა ბიზნესმა მიიღო მონაწილეობა. წლის ბოლომდე, ბიზნესდაჯილდოება 2026-ზე რეგისტრაციას გამოვაცხადებთ და საიუბილეო სეზონთან დაკავშირებით, მონაწილეებს არაერთ სიახლეს შევთავაზებთ.ჩვენი მთავარი სურვილია, ბიზნესდაჯილდოება კიდევ უფრო მეტი მეწარმისთვის გახდეს საკუთარი წარმატების გაზიარების, ახალი კავშირების დამყარებისა და განვითარების შესაძლებლობა.ტექნოლოგიები და ხელოვნური ინტელექტი სულ უფრო მნიშვნელოვან როლს თამაშობს ფინანსურ სექტორში. როგორ ხედავთ მათ გამოყენებას მცირე და საშუალო ბიზნესის მომსახურებაში?ტექნოლოგიები და ხელოვნური ინტელექტი მნიშვნელოვნად ცვლის ბიზნესის მომსახურების მოდელს. ჩვენთვის მთავარი შესაძლებლობა მონაცემების უკეთ გამოყენებაში, პროცესების ავტომატიზაციასა და მომსახურების პერსონალიზაციაშია, რათა უკეთ გავიგოთ თითოეული ბიზნესის საჭიროებები და უფრო სწრაფად შევთავაზოთ მასზე მორგებული გადაწყვეტები.გვინდა, ჩვენმა ბიზნესბანკირებმა ნაკლები დრო დახარჯონ რუტინულ ოპერაციებზე და მეტი დრო დაუთმონ მომხმარებლებთან ურთიერთობასა და მათთვის ღირებული გადაწყვეტილებების მოძიებას.ამასთან, წელს საერთაშორისო ფინანსურმა გამოცემამ Global Finance-მა თიბისის MSME მიმართულება ცენტრალურ და აღმოსავლეთ ევროპაში საუკეთესო ფინანსური ინოვაციისთვის დააჯილდოვა მინი და მიკრო სესხების გაცემის პროცესში ხელოვნური ინტელექტის გამოყენებისთვის, რაც საკრედიტო პროცესების ავტომატიზაციასა და დაფინანსების მიღების დაჩქარებას უწყობს ხელს.და ბოლოს, როგორ ხედავთ SME ბანკინგის განვითარებას მომდევნო წლებში და რა არის თქვენი მთავარი სტრატეგიული ამბიცია თიბისის SME მიმართულებისთვის?ფიქრობ, მომდევნო წლებში ბანკი კიდევ უფრო მეტად გახდება ბიზნესის ყოველდღიური საქმიანობის განუყოფელი ნაწილი. ჩვენი მთავარი ამბიციაა, თიბისი იყოს მცირე და საშუალო ბიზნესის პირველი არჩევანი- ბანკი, რომელსაც მეწარმე არა მხოლოდ დაფინანსებისთვის მიმართავს, არამედ მისი საშუალებით ყოველდღიურად მართავს საკუთარ ბიზნესს.მომდევნო წლებშიც, განსაკუთრებულ ყურადღებას დავუთმობთ ციფრული მომსახურების განვითარებას, რათა მეწარმეს ერთ სივრცეში შეეძლოს ფინანსების მართვა, გადახდების განხორციელება და მისთვის საჭირო მომსახურების მიღება.ამასთან, თანამედროვე ტექნოლოგიებისა და ხელოვნური ინტელექტის გამოყენებით, გვინდა, თითოეულ ბიზნესს შევთავაზოთ მის საჭიროებებსა და განვითარების ეტაპზე მორგებული გადაწყვეტილებები. გავაგრძელებთ ბიზნესეკოსისტემის განვითარებასაც, რათა მეწარმეებს ცოდნის მიღების, პარტნიორების მოძიებისა და ახალ ბაზარზე გასვლის მეტი შესაძლებლობა ჰქონდეთ.ჩვენი ამბიციაა, თიბისი იყოს არა მხოლოდ ფინანსური მომსახურების მიმწოდებელი კომპანია, არამედ ბიზნესის მთავარი ფინანსური პარტნიორი, მისი განვითარების ყველა ეტაპზე

1793958059

ამასთან, ბიზნესანაბრის ციფრულად გააქტიურების შემთხვევაში, მომხმარებლები გაუმჯობესებული პირობით ისარგებლებენ. კერძოდ - წლიური ნომინალური განაკვეთი იქნება - 3% ლარში (რაც სტანდარტულ განაკვეთზე 1%-ით მეტია), წლიური ეფექტური განაკვეთი კი, 2.58%-მდე.სიახლე ბიზნესების წარმომადგენლებს შესაძლებლობას აძლევს, მიმდინარე ანგარიშზე არსებული უმოქმედო თანხა შემნახველ ანაბარზე განათავსონ და მიიღონ მეტი სარგებელი.შემნახველი ანაბარი უვადოა და მასზე სასურველი რაოდენობის თანხის განთავსება ან გამოტანა ნებისმიერ დროსაა შესაძლებელი. დარიცხული სარგებელი ყოველ დღეზე იანგარიშება და თვის ბოლოს ერიცხება - შესაბამისად, ბიზნესი სარგებელს იმ დღეებისთვის მიიღებს, რამდენი დღეც თანხა ანაბარზე იქნება განთავსებული.ინიციატივის მიზანს ბიზნესების წარმომადგენლებში ციფრულ არხებზე გადასვლის წახალისება და მათთვის, თავისუფალი სახსრების ეფექტიანად მართვის ხელშეწყობა წარმოადგენს.დეტალური ინფორმაციისთვის, ეწვიეთ ბმულს: https://tbcbank.ge/ka/business/deposits/savings-deposit

1793955600

ჯილდო თიბისის ინოვაციურ მიდგომას აღიარებს, რომლის მთავარი მიზანი მომხმარებლის საჭიროებებზე მორგებული, თანამედროვე და პერსონალიზებული საბანკო გამოცდილების შექმნაა. ეს მიდგომა გულისხმობს არა მხოლოდ ახალი პროდუქტებისა და ციფრული სერვისების განვითარებას, არამედ ისეთი შესაძლებლობების შეთავაზებას, რომლებიც მომხმარებლებს ფინანსების მართვას, ინვესტირებასა და მოგზაურობას უმარტივებს.ამ მიდგომის ერთ-ერთი მაგალითია Turkish Airlines-თან და Visa-სთან პარტნიორობით შექმნილი Miles&Smiles სამოგზაურო ბარათი. ის მომხმარებლებს მილების დაგროვებისა და განსაკუთრებული სამოგზაურო უპირატესობებით სარგებლობის შესაძლებლობას აძლევს. მობაილბანკში ინტეგრირებული სპეციალური სივრცე კი მოგზაურობასთან დაკავშირებულ შეთავაზებებსა და სერვისებზე წვდომას ამარტივებს.თიბისი ინოვაციებს საინვესტიციო მიმართულებითაც ავითარებს. განახლებული TBC Capital Trader მომხმარებლებს საერთაშორისო ფინანსურ ბაზრებსა და მრავალფეროვან საინვესტიციო ინსტრუმენტებზე წვდომას სთავაზობს, რაც მათ საინვესტიციო შესაძლებლობების უფრო ფართო არჩევანს აძლევს."თიბისი კონცეპტისა და თიბისი Wealth Management-ის განვითარების ერთ-ერთი მთავარიპრიორიტეტია ინოვაციურობა, რაც ჩვენიმომხმარებლებისთვის ითარგმნება უფრო მარტივდა კომფორტულ საბანკო მომსახურებაში დამათზე მორგებულ პროდუქტებსა თუშეთავაზებებში" , - გიორგი დარჩიაშვილი, თიბისის მაღალშემოსავლიანი სეგმენტისდა დაგროვილი კაპიტალის მართვისდირექტორითიბისი კონცეპტი და თიბისი Wealth Management-ი აგრძელებენ ინოვაციური პროდუქტებისა და სერვისების განვითარებას, რათა მომხმარებლებს შესთავაზონ არა მხოლოდ საბანკო მომსახურება, არამედ მათი ცხოვრების სტილსა და ფინანსურ მიზნებზე მორგებული, გამორჩეული გამოცდილება.

1793951267

ნიკა ყოჩიაშვილი, „ვოლვო ქარ საქართველოს“ გენერალური დირექტორი: „ეს შეთავაზება უპრეცედენტოა - ასეთი ფასი „ვოლვო ქარ საქართველოში“ აქამდე არასოდეს გვქონია. გასულ წელს XC90 170 000 ლარი ღირდა, XC60 კი - 130 000 ლარი, ანუ ფასდაკლება დაახლოებით 15%-ია. აქცია ჩვენს ორ ფლაგმან მოდელზე გამოვაცხადეთ, რომლებიც გაყიდვებში პირველ და მეორე ადგილებს იკავებს. მაქსიმალურად ვეცადეთ, საუკეთესო ფასი დაგვედგინა და ამავდროულად მომხმარებლისთვის ისეთი კომპლექტაციები შეგვეთავაზებინა, რომლებიც კომფორტთან ასოცირდება - მაგალითად, სავარძლების გათბობა და პანორამული ჭერი. გვინდოდა, ამ შეთავაზების ფარგლებში პრემიუმ ავტომობილი უფრო ხელმისაწვდომი გაგვეხადა. ამასთანავე, აქციას დამატებითი პირობები არ აქვს - მომხმარებელს შეუძლია, უბრალოდ მოვიდეს და ავტომობილი ახალ ფასად შეიძინოს“.XC60 საშუალო ზომის SUV-ია, XC90 კი - შვიდადგილიანი დიდი SUV, რომელიც უპირველესად დიდ ოჯახებზეა გათვლილი. ორივე მოდელი B5 ძრავით, მსუბუქი ჰიბრიდის (Mild Hybrid) ტექნოლოგიით არის აღჭურვილი.ავტომობილის შეძენა ლიზინგის  მეშვეობითაც შესაძლებელია. „ვისაც არ სურს თანხის ერთიანად დაფარვა, შეუძლია, ლიზინგის საშუალებით ყოველთვიურად გადაანაწილოს, თვეში 2 300 ლარიდან“, - განმარტავს ნიკა ყოჩიაშვილი.შეთავაზებაზე „ტრეიდ-ინიც“ ვრცელდება - მომხმარებელს შეუძლია, საკუთარი ძველი ავტომობილი „ვოლვო ქარ საქართველოში“ მიიყვანოს, კომპანიას შეაფასებინოს და ღირებულების შესაბამისი თანხა ახალი Volvo-ს შესაძენად გამოიყენოს.ავტომობილებზე მოქმედებს 3-წლიანი ან 100 000 კილომეტრის გარანტია, რომლის გახანგრძლივებაც მომხმარებელთან ინდივიდუალური შეთანხმებით არის შესაძლებელი.სპეციალური შეთავაზების პარალელურად, „ვოლვო ქარ საქართველო“ სააქციო მოდელების კონკრეტულ კომპლექტაციებზე მომხმარებელს Volvo 365-ს სთავაზობს. ეს უნიკალური პროდუქტი ახალი Volvo-ს მფლობელს შეძენიდან ერთი წლის განმავლობაში ფლობასთან დაკავშირებული ძირითადი ხარჯებისგან ათავისუფლებს.თამარ ზოზიაშვილი, „ვოლვო ქარ საქართველოს“ კომერციული დირექტორი: „Volvo 365 ჩვენი მომხმარებლების საჭიროებების ანალიზის საფუძველზე შევქმენით. ვხედავდით, რომ ავტომობილის შეძენისას მნიშვნელოვანი გამოწვევა მხოლოდ მისი არჩევა არ არის - ყოველდღიურ ფლობასთან დაკავშირებული ხარჯებიც არანაკლებ გასათვალისწინებელია. სწორედ ამიტომ შევთავაზეთ ბაზარს პროდუქტი, რომელიც პირველი წლის განმავლობაში მომხმარებელს ათავისუფლებს ისეთ მნიშვნელოვან ხარჯებზე ფიქრისგან, როგორებიცაა რეგულარული ტექნიკური მომსახურება, სეზონური საბურავები, საწვავი და დაზღვევა“.პროდუქტის სახელწოდება „360+5“ იდეას ეფუძნება: 360 მომხმარებელზე სრულფასოვან ზრუნვას გამოხატავს, 5 - ძირითად ბენეფიტებს, რომლებითაც მძღოლები ისარგებლებენ, 365 კი სიმბოლურად წლის თითოეულ დღეს აღნიშნავს.შეთავაზება მოიცავს ორ რეგულარულ ტექნიკურ მომსახურებას - 10 000 და 20 000 კილომეტრზე, რაც ავტომობილის მოვლას შვედი მწარმოებლის სტანდარტების შესაბამისად უზრუნველყოფს. მყიდველები ასევე მიიღებენ სეზონური საბურავების კომპლექტს, რომელიც ნებისმიერი ამინდის პირობებში მართვის უსაფრთხოებასა და საიმედოობას უზრუნველყოფს. Volvo 365-ის ნაწილია 1 500-ლიტრიანი საწვავის პაკეტი და ერთწლიანი დაზღვევა, რომელიც ავტომობილის მფლობელს გაუთვალისწინებელი ფინანსური ხარჯებისგან იცავს.XC60-სა და XC90-ზე უპრეცედენტო ფასები ნოემბრის ბოლომდე მოქმედებს და სააქციო ავტომობილების შეზღუდულ რაოდენობაზე ვრცელდება. ახალი ავტომობილის შეძენის მსურველებს მოდელების მახასიათებლების ადგილზე გაცნობა „ვოლვო ქარ საქართველოს“ შოურუმში, უნივერსიტეტის ქუჩა N6-ში შეუძლიათ.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ვოლვო ქარ საქართველო“ შვედურ ბრენდს საქართველოში 2019 წლიდან წარმოადგენს. კომპანია პრემიუმ კლასის ავტომობილების ოფიციალური იმპორტიორია. „ვოლვო ქარ საქართველო“ მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე ელექტრული ავტომობილები და შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, ვებგვერდზე ავტომობილი 360-გრადუსიანი სისტემით, დისტანციურად შეაფასოს და კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც „ვოლვო ქარ საქართველო“ უზრუნველყოფს.

1793884140

აქციის ფარგლებში Boxette-ის მეშვეობით გამოგზავნილი ამანათის 1 კგ-ის ღირებულება 7.50 დოლარის ნაცვლად 6.50 დოლარი იქნება. შეთავაზებით სარგებლობა მომხმარებლებს 31 დეკემბრის ჩათვლით შეეძლებათ.ამანათების გაგზავნა შესაძლებელია ბოქსეტის შემდეგ მისამართებზე, ნიუ-იორკში, ბრუკლინში: 2609 E 14th St, Brooklyn, NY 11235 1923 McDonald Ave, Brooklyn, NY 11223 3065 Brighton 2nd St, Brooklyn, NY 11235 ინფორმაციისთვის, აღნიშნული მისამართები Postman Joe-ს ლოკაციებზეა განთავსებული, რაც მომხმარებლებს ფილიალების მარტივად მოძებნაში დაეხმარება.შეთავაზების შესახებ დეტალური ინფორმაციის მისაღებად ეწვიეთ Boxette-ის ვებგვერდს.

1793883900

ნინო პატარაია, Europcar Georgia-ს საოპერაციო დირექტორი: „ეს არის აღიარება საერთაშორისო მომხმარებლებისგან, რაც ჩვენთვის ძალიან მნიშვნელოვანია. როცა რაღაცას ვქმნით, გვინდა, რომ მომხმარებლის შეფასებაც საუკეთესო იყოს, და ეს ჯილდო სწორედ ამას ადასტურებს. გამარჯვებასთან ერთად, გაცილებით იზრდება პასუხისმგებლობა, რადგან შემდეგი წელი წინაზე უკეთესი უნდა იყოს. ყველაზე მნიშვნელოვანი კი ის არის, რომ შრომა, რომელსაც Europcar Georgia-ს თითოეული თანამშრომელი განვითარებასა და წინსვლაში ვდებთ, ფასდება.მომსახურების მაღალ ხარისხს კომპანია, პირველ რიგში, გუნდის განვითარებით ინარჩუნებს. თანამშრომლებისთვის ხშირად იმართება ტრენინგები მომსახურების კვალიფიკაციის ამაღლების მიზნით. მთელი წლის განმავლობაში იმდენ მომხმარებელთან გვაქვს ურთიერთობა, რომ ეს თავისთავად დიდ გამოცდილებას გვძენს. მაქსიმალურად ვცდილობთ, თითოეული თანამშრომელი თავისი ცოდნით მომხმარებელს საერთაშორისო სტანდარტის შესაბამის მომსახურებას სთავაზობდეს და ჰქონდეს მოტივაცია, რომ ყოველდღე იმაზე უკეთესი იყოს, ვიდრე გუშინ“.World Luxury Travel Awards-ის ამ ნომინაციაში გამარჯვებულს მომხმარებლები ასახელებენ. შეფასებისას ჯამდება მოკლევადიანი და გრძელვადიანი ჯავშნების მომხმარებლების აზრი, გამარჯვებული კი ქულების მიხედვით ვლინდება. საუკეთესო შეირჩევა ქვეყნების მიხედვით და გამოკითხვაში თითქმის ყველა საერთაშორისო ბრენდი მონაწილეობს.„რამდენიმე ძირითადი კრიტერიუმია: პერსონალის მომსახურება, ანუ სერვისის დონე, ავტომობილის მდგომარეობა და დროის დაზოგვა ავტომობილის აყვანისას და ჩაბარებისას“, - განმარტავს ნინო პატარაია.გასულ წელს Europcar Georgia-მ მომსახურების პროცესი დახვეწა. კომპანიამ დანერგა ონლაინპლატფორმა, რომელიც მომხმარებლის ონლაინჯავშანს სწრაფი რეაგირების გუნდთან აკავშირებს. შედეგად, ავტომობილის გაცემა-დაბრუნების მომსახურებისთვის საჭირო დრო შემცირდა.განახლდა ავტოპარკიც - Europcar Georgia-ს პორტფელს დაემატა ის მოდელები, რომლებზედაც მომხმარებლების მხრიდან ყველაზე დიდი მოთხოვნა იყო, მათ შორის ჰიბრიდული ავტომობილები.გარდა ამისა, მართალია, World Luxury Travel Awards ავტოგაქირავების მომსახურებას აფასებს, თუმცა Europcar Georgia-ს საქმიანობის დაახლოებით 80–85%-ს კორპორაციული მიმართულება, საოპერაციო ლიზინგი/ფლიტ მენეჯმენტი შეადგენს. ამ სეგმენტში კომპანია ელექტრომობილებითაც არის წარმოდგენილი და გარემოზე ზრუნვას ერთ-ერთ პრიორიტეტად მიიჩნევს.რაც შეეხება კონკურსს, World Luxury Travel Awards, რომელსაც „ტურიზმის ოსკარს“ უწოდებენ, წელიწადში ერთხელ იმართება და ტურისტული ინდუსტრიის სხვადასხვა სექტორს მოიცავს, მათ შორის, სასტუმროებს, რესტორნებს, ავიაკომპანიებსა და სატრანსპორტო სერვისის მიმწოდებლებს. დაჯილდოების ფარგლებში, გამარჯვებულები 100-ზე მეტ კატეგორიაში ვლინდებიან.Europcar ავტოგაქირავების ერთ-ერთი უძველესი საერთაშორისო ბრენდია, რომელიც მსოფლიოს 160-ზე მეტ ქვეყანაში ოპერირებს. საქართველოში კი მისი ექსკლუზიური წარმომადგენელი „თეგეტა ჰოლდინგია“.ამჟამად Europcar Georgia საქართველოში, 3 ქალაქში, 4 ფილიალით არის წარმოდგენილი - თბილისში, ქუთაისსა და ბათუმში. ეს ის ქალაქებია, სადაც საერთაშორისო ფრენები სრულდება. გარდა ამისა, ოპერირებს სომხეთსა და უზბეკეთშიც. მომსახურების ხარისხის მუდმივ გაუმჯობესებასთან ერთად, სამომავლოდ კომპანია ავტოპარკის, მასშტაბისა და გეოგრაფიული არეალის კიდევ უფრო გაფართოებას გეგმავს.--Europcar Georgia „თეგეტა ჰოლდინგში“ შემავალი კომპანიაა, რომელიც საერთაშორისო ბრენდის ექსკლუზიური წარმომადგენელია საქართველოში. კომპანიის ბიზნესპროფილია ავტომობილების გაქირავება როგორც დღიურად, ისე საოპერაციო ლიზინგით გრძელვადიანი საჭიროებისთვის და ასევე სატრანსპორტო მომსახურება. საქართველოში პირველად Europcar თავის მომხმარებელს Auto Subscription-ის სერვისსაც სთავაზობს.

1793867460

გასული წლების მსგავსად, BARTA-ს კონკურსში მონაწილეობა შეუძლიათ პირველი კატეგორიის კომპანიებსა და ჯგუფებს, ასევე საზოგადოებრივი დაინტერესების პირის სტატუსის მქონე ყველა კომპანიას. საფონდო ბირჟის ლისტინგში შემავალი კომპანიები შეფასების პროცესში ავტომატურად ჩაერთვებიან, იმ პირობით, რომ აკმაყოფილებენ შესაბამის კრიტერიუმებს, მათ შორის, აქვთ აუდიტის უპირობო დასკვნა. სხვა საზოგადოებრივი დაინტერესების პირებს, მათ შორის, სავაჭროდ დაშვებულ კომპანიებს, კონკურსში მონაწილეობის მისაღებად თვითწარდგენა მოეთხოვებათ.BARTA-ს კონკურსის ფარგლებში კომპანიების წლიური ანგარიშები ოთხ ძირითად კატეგორიაში შეფასდება - მსხვილი ფინანსური კომპანიები, მსხვილი არაფინანსური კომპანიები, მცირე და საშუალო ფინანსური კომპანიები და მცირე და საშუალო არაფინანსური კომპანიები.სიახლეა, რომ წელს მცირე და საშუალო კომპანიების კატეგორია ფინანსურ და არაფინანსურ მიმართულებებად გაიმიჯნა, რაც თითოეულ კატეგორიაში ცალკეული გამარჯვებულის გამოვლენის შესაძლებლობას იძლევა. ამასთან, კონკურსის ფარგლებში მონაწილე საწარმოებს შორის გამოვლინდება საუკეთესო მდგრადობის ანგარიშგების მქონე კომპანიაც.წელს BARTA-ს კონკურსს ახალი ნომინაცია - „სახელმწიფო საწარმოების გამჭვირვალობისა და ანგარიშგების ჯილდო" ემატება. ნომინაციის ფარგლებში გამოვლინდება სახელმწიფო საწარმო, რომელიც ანგარიშგებისა და კორპორაციული მართვის მაღალი სტანდარტებით გამოირჩევა.ასევე, კონკურსის ფარგლებში სპეციალური ნომინაცია „ჟიურის რჩეული" დაწესდება. გამარჯვებულს ჟიური საკუთარი გადაწყვეტილებით შეარჩევს, რაც მას შესაძლებლობას მისცემს, განსაკუთრებული აღიარება მიანიჭოს კომპანიას, რომელმაც 2026 წელს გამოავლინა მნიშვნელოვანი შედეგები, დანერგა ინოვაციები, მიაღწია არსებით პროგრესს ან გამორჩეული ერთგულება აჩვენა გამჭვირვალობის მაღალი სტანდარტების მიმართ.BARTA-ს კონკურსის ფარგლებში ასევე გამოვლინდება საუკეთესო დებიუტანტი კომპანია. ნომინაცია მიზნად ისახავს იმ კომპანიის აღიარებასა და დაჯილდოებას, რომელიც კონკურსში პირველად მონაწილეობს და უკვე პირველივე წელს ანგარიშგების მაღალი ხარისხითა და გამჭვირვალობის სტანდარტებით გამოირჩევა.BARTA არსებობის შვიდწლიანი ისტორიით, საქართველოში კორპორაციული სფეროს მნიშვნელოვანი ნაწილია. კონკურსი ევროკავშირის და მსოფლიო ბანკის ფინანსური ჩართულობისა და ანგარიშვალდებულების ერთობლივი პროექტის ფარგლებში დაარსდა, რომლის მიზანი ქართული კომპანიების ანგარიშგებისა და გამჭვირვალობის ხარისხის ამაღლებაა. BARTA წელსაც, საქართველოს ეროვნული ბანკის, საქართველოს დაზღვევის სახელმწიფო ზედამხედველობის სამსახურის, ბუღალტრული აღრიცხვის, ანგარიშგებისა და აუდიტის ზედამხედველობის სამსახურისა და ბუღალტრული რეფორმის ბენეფიციართა ფონდის, ასევე, მსოფლიო ბანკისა და საქართველოს ბიზნეს ასოციაციის მხარდაჭერით იმართება.BARTA-2026 მხარდაჭერილია მსოფლიო ბანკის ბუღალტრული აღრიცხვის, აუდიტისა და მდგრადობის ანგარიშგების (EAASURE) რეგიონალური პროგრამის მიერ, რომელსაც ფინანსური და მდგრადობის ანგარიშგების რეფორმების ცენტრი (CFRR) ახორციელებს.ინფორმაცია BARTA-ს შესახებ

1793867287

კომპანიამ, რომელიც თავდაპირველად მხოლოდ ერთი ბრენდის იმპორტით იყო დაკავებული, განვითარების მასშტაბური გზა გაიარა და დღეს ბაზარზე წარმოდგენილია როგორც პროდუქციის ადგილობრივი მწარმოებელი, დისტრიბუტორი და ტექნიკური სერვისების პროვაიდერი.დღეისათვის კომპანია საკუთარი ბრენდით „ზომა“ აწარმოებს 121 დასახელების სარეცხ, სადეზინფექციო და კოსმეტიკურ საშუალებას, ასევე 36 სახეობის ქაღალდის ჰიგიენურ პროდუქციას. საწარმოო პროცესში გამოიყენება მაღალი ხარისხის ევროპული, თურქული და ჩინური ნედლეული, ხოლო ბოთლების წარმოებაზე შვილობილი კომპანია „პოლიქენი“ ზრუნავს. „კლინტექის“ განვითარებაში მნიშვნელოვანი როლი ითამაშა საერთაშორისო პარტნიორებთან (Diversey, Bayer, Mercator, BASF, SaniPack, Ermop) თანამშრომლობის გამოცდილებამ და სააგენტოს „აწარმოე საქართველოში“ მხარდაჭერამ, რამაც ინვესტიციების ეფექტიანად განხორციელების შესაძლებლობა უზრუნველყო.კომპანიის საქმიანობის საკვანძო რგოლია საკუთარი საწარმოო-კვლევითი ლაბორატორია, სადაც კვალიფიციური ქიმიკოსები და გაყიდვების გუნდი მჭიდრო თანამშრომლობით ქმნიან ახალ ფორმულებსა და სურნელებს. პროდუქციის წარმოებასთან ერთად, „კლინტექი“ მომხმარებლებს სთავაზობს ტრენინგ-ცენტრის მომსახურებას (HACCP-ისა და სანიტარიული ნორმების სწავლება), ტექნიკურ მხარდაჭერასა და გამართულ ლოგისტიკურ ქსელს თბილისში, კახეთში, ქუთაისსა და ბათუმში.აღსანიშნავია „კლინტექი“ ინარჩუნებს საშუალოდ 20%-იან წლიურ ზრდას და პროდუქცია აქტიურად გააქვს სომხეთსა და აზერბაიჯანში. 2027 წლის თებერვლამდე კომპანია გეგმავს სარეცხი საშუალებებისა და ქაღალდის პროდუქციის საწარმოო სიმძლავრეების გაორმაგებას, რაც საშუალებას მისცემს, ადგილობრივი „ზომას“ ბრენდით ჩაანაცვლოს იმპორტირებული პროდუქცია ქართული რითეილის თაროებზე, გაზარდოს საექსპორტო პოტენციალი და გავიდეს მეზობელი ქვეყნების საცალო ბაზრებზე.„მივესალმებით კომპანია „კლინტექის“ გაწევრიანებას საქართველოს ბიზნეს ასოციაციაში. განსაკუთრებით დასაფასებელია კომპანიის ტრანსფორმაციის გზა იმპორტიორობიდან ადგილობრივ მწარმოებლობამდე, რაც პირდაპირ პასუხობს ჩვენი ქვეყნის ეკონომიკურ გამოწვევებსა და იმპორტჩანაცვლების სტრატეგიას. „კლინტექის“ მიერ მაღალი საერთაშორისო სტანდარტების დანერგვა, საკუთარი კვლევითი ლაბორატორიისა და საწარმოო სიმძლავრეების განვითარება თვალსაჩინო მაგალითია იმისა, თუ როგორ შეიძლება ქართულმა ბიზნესმა დაიკავოს წამყვანი პოზიციები ადგილობრივ ბაზარზე და წარმატებით გავიდეს ექსპორტზე. დარწმუნებულნი ვართ, ჩვენი თანამშრომლობა იქნება ნაყოფიერი და ხელს შეუწყობს როგორც კომპანიის სამომავლო გაფართოებას, ისე ზოგადად სექტორულ განვითარებას“, - განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1793865466