ბანკმა ასევე მიიღო მსოფლიოში საუკეთესო AI გადაწყვეტის ჯილდოები შემდეგ კატეგორიებში: საუკეთესო ფინტექ AI (სამომხმარებლო მიმართულებით); საუკეთესო AI ბანკი გადახდებში (კორპორაციული მიმართულებით) და საუკეთესო აპლიკაცია ფინანსური ინკლუზიურობისთვის (სამომხმარებლო მიმართულებით).Global Finance-ის 27-ე ყოველწლიური World’s Best Digital Bank Awards პროგრამის ფარგლებში კი საქართველოს ბანკი, გლობალური და რეგიონული გამარჯვებულის ტიტულთან ერთად, დაჯილდოვდა საუკეთესო ონლაინ პროდუქტების შეთავაზების და დაკრედიტების მიმართულებითაც.ჯამში ბანკმა Global Finance-ის დაჯილდოებების მეორე რაუნდში 11 გლობალური და რეგიონული ჯილდო მიიღო.გამარჯვებულები ექსპერტების შეფასებისა და გამოცემის სარედაქციო გუნდის საბოლოო გადაწყვეტილების საფუძველზე შეირჩნენ. ციფრული ბანკების შეფასებისას ყურადღება ექცევა ციფრული სტრატეგიის ეფექტიანობას, მომხმარებლების მოზიდვასა და ციფრული სერვისების გამოყენების ზრდას, შეთავაზებული პროდუქტების მრავალფეროვნებას, დანერგილი ინიციატივების პრაქტიკულ სარგებელსა და ციფრული არხების ფუნქციურობას. AI მიმართულებით კი ჯილდოები ფინანსურ სექტორში ხელოვნური ინტელექტის გამოყენების გამორჩეულ მაგალითებს წარმოაჩენს.“ხელოვნური ინტელექტის გამოყენებისას ჩვენთვის მთავარი მისი პრაქტიკული ღირებულებაა - როგორ გვეხმარება ის მომხმარებლის საჭიროებების უკეთ გაგებაში, მომსახურების პერსონალიზებასა და უფრო ეფექტიანი პროცესების შექმნაში. Global Finance-ის მიერ საქართველოს ბანკის აღიარება მსოფლიოში საუკეთესო AI ბანკად გვაძლევს დამატებით მოტივაციას, გავაგრძელოთ AI-ის პასუხისმგებლიანი გამოყენება, როგორც ფიზიკური პირების, ისე ბიზნესის მომსახურების გასაუმჯობესებლად. მინდა, მადლობა გადავუხადო ჩვენი გუნდის თითოეულ წევრს, რომელთა დამსახურებაცაა აღნიშნული ჯილდო”, - განაცხადა მიხეილ ნადარეიშვილმა, საქართველოს ბანკის მონაცემთა ანალიტიკის გუნდის ხელმძღვანელმა.“ჩვენთვის ციფრული ბანკინგის განვითარება მხოლოდ ტექნოლოგიური სიახლეების დანერგვას არ ნიშნავს. მთავარი მიზანია, მომხმარებლებს შევთავაზოთ მის საჭიროებებზე მორგებული პროდუქტები და შესაძლებლობები, რომლებიც ყოველდღიურ ცხოვრებაში რეალურ სარგებელს ქმნის. Global Finance-ის ეს აღიარება მომხმარებელზე ორიენტირებული მიდგომის მნიშვნელოვანი შეფასებაა. ჩვენ განვაგრძობთ ციფრული პროდუქტების განვითარებას, რათა საბანკო მომსახურება კიდევ უფრო ხელმისაწვდომი, მოქნილი და პერსონალიზებული გავხადოთ“ - განაცხადა გიორგი ვახტანგიშვილმა, ციფრული საბანკო მომსახურების დეპარტამენტის დირექტორმა.Global Finance 1987 წელს დაარსდა და 193 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.

1792076239

ტურის ფარგლებში მომხმარებლებმა Toyota-ს სამი მოდელი გატესტეს - სრულიად ახალი LAND CRUISER 300 MILD HYBRID, HILUX და PRADO.მარიამ მელიაშვილი, Toyota Center Tegeta-ს გენერალური დირექტორი: „ჩვენთვის მნიშვნელოვანია, მომხმარებელთან ურთიერთობა ავტომობილის შერჩევითა და შეძენით არ შემოიფარგლებოდეს. გვსურს, მათ შევთავაზოთ გამოცდილება, რომელიც ავტომობილის უკეთ გაცნობაში, მართვის უნარების განვითარებასა და ახალი შესაძლებლობების აღმოჩენაში დაეხმარება. ოფროუდტური სწორედ ამ მიზანს ემსახურება. Toyota-ს ავტომობილები საიმედოობითა და გამავლობით გამოირჩევა, თუმცა ამ მახასიათებლების სრულად შეფასება მხოლოდ რეალურ, რთულ პირობებშია შესაძლებელი. ამ მიზნით მომხმარებლებს საშუალება მივეცით, სრულიად ახალი LAND CRUISER 300 MILD HYBRID, HILUX და PRADO საოფროუდე ტრასაზე გამოეცადათ და მათი შესაძლებლობები საკუთარი გამოცდილებით შეეფასებინათ. გარდა ამისა, ეს დღე მომხმარებლებთან უშუალო კომუნიკაციის შესაძლებლობაცაა - შეგვიძლია, მოვისმინოთ მათი შთაბეჭდილებები, უკეთ გავიგოთ მათი ინტერესები და ერთად შევქმნათ ახალი გამოცდილება. პირველი ტურის შემდეგ მიღებულმა გამოხმაურებამ ცხადყო, რომ მომხმარებლები ამ ფორმატით დაინტერესებულნი არიან, ამიტომ მეორე ტურიც გავმართეთ და ამ პრაქტიკის გაგრძელებას მომავალშიც ვგეგმავთ“.Toyota Center Tegeta-ს ღონისძიება ორი ნაწილისგან შედგებოდა: ტესტდრაივისა და შეჯიბრებისგან. ორივე აქტივობისთვის სპეციალური საოფროუდე ტრასები მოეწყო. 4X4 ავტომობილების მოყვარულებმა Toyota-ს მოდელების გამავლობა და მართვის შესაძლებლობები უშუალოდ საჭესთან გამოცადეს, შეჯიბრების დროს კი საკუთარი უნარებიც შეაფასეს.Toyota Center Tegeta-ს ოფროუდტური მომხმარებლებთან ურთიერთობის ფორმატია, რომელიც ავტომობილის პრაქტიკულ გაცნობას, მართვის უნარების განვითარებასა და მომხმარებლებთან ცოცხალ კომუნიკაციას აერთიანებს.ღონისძიების პარტნიორები იყვნენ: „ბრიჯსტოუნი“, „პოლარისი“, „თიბისი დაზღვევა“, „თიბისი ლიზინგი“, „ალდაგი“, „ჯიპიაი ჰოლდინგი“, „სოლო“ და „ვისოლი“.Toyota Center Tegeta იაპონური ბრენდის, Toyota-ს ოფიციალური წარმომადგენელია საქართველოში. კომპანია მუდმივად ზრუნავს, მომხმარებლებს განსაკუთრებული გამოცდილება შესთავაზოს და ბრენდთან კიდევ უფრო დააახლოოს. მომხმარებლებს შეუძლიათ როგორც ოფროუდტურზე წარმოდგენილი, ისე Toyota-ს სხვა მოდელების ნახვა, დეტალების გაცნობა და ტესტდრაივის დაჯავშნა Toyota Center Tegeta-ს შოურუმში, მისამართზე: თბილისი, უნივერსიტეტის ქუჩა №6.„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

1792068660

ავტომობილის მართვისას სხვისი მანქანის, ქონების ან ჯანმრთელობის შემთხვევით დაზიანებას შესაძლოა მნიშვნელოვანი ფინანსური ზარალი მოჰყვეს. ავტოპასუხისმგებლობის დაზღვევა მძღოლს სწორედ ასეთი მოულოდნელი ხარჯებისგან იცავს - მესამე პირისთვის მიყენებულ ზიანს მძღოლის ნაცვლად სადაზღვევო კომპანია დაფარავს.ავტოპასუხისმგებლობის დაზღვევის სპეციალური პირობით სარგებლობა უკვე ხელმისაწვდომია და მისი გააქტიურება Gulf Club-ის მობილური აპლიკაციიდან არის შესაძლებელი.

1792064407

Euromoney Foreign Exchange Awards სავალუტო ბაზრის ერთ-ერთი მნიშვნელოვანი საერთაშორისო დაჯილდოებაა, რომელიც მსოფლიოს სხვადასხვა ქვეყნისა და რეგიონის წამყვან ფინანსურ ინსტიტუტებს აფასებს. ჯილდოს ფარგლებში ყურადღება ექცევა ბანკების ფინანსურ შედეგებს, ინოვაციებს, კლიენტებისთვის შექმნილ ღირებულებასა და ბაზარზე გავლენას.Euromoney-ის შეფასებით, 2025 წელს თიბისიმ კიდევ უფრო გააძლიერა სავალუტო მომსახურება და ციფრული შესაძლებლობები, მათ შორის, მომხმარებლის საჭიროებებზე მორგებული სავალუტო ოპერაციების მიმართულებით. გასულ წელს საქართველოში განხორციელებული სავალუტო ოპერაციების დაახლოებით 42% თიბისიზე მოდიოდა.საერთაშორისო პარტნიორებთან თანამშრომლობის ფარგლებში, Bloomberg-ის პლატფორმის საშუალებით განხორციელებული სავალუტო ოპერაციების მოცულობამ 2025 წელს 5.6 მილიარდი დოლარი შეადგინა. ამასთან, ბანკის სავალუტო მიმართულებიდან მიღებული შემოსავლების 80%-ზე მეტი მომხმარებლების მიერ განხორციელებულ ოპერაციებზე მოდიოდა.Euromoney-ის მიერ თიბისის საქართველოს საუკეთესო სავალუტო ბანკად დასახელება მნიშვნელოვანი საერთაშორისო აღიარებაა. სავალუტო ბაზარი გლობალური ფინანსური სისტემის ერთ-ერთი ყველაზე კონკურენტული მიმართულებაა, სადაც წარმატებას განსაზღვრავს როგორც ბაზრის მასშტაბი, ისე მომსახურების ხარისხი, ტექნოლოგიური შესაძლებლობები და საერთაშორისო ბაზრებთან დაკავშირების უნარი. ამ მიმართულებაში ქვეყნის საუკეთესო ბანკად დასახელება ადასტურებს, რომ თიბისის სავალუტო მომსახურება და შესაძლებლობები საერთაშორისო, ავტორიტეტული ფინანსური გამოცემის შეფასებითაც საუკეთესოა.

1792059180

როგორც მან „ბიზნესპარტნიორს“ განუცხადა, სასურველია, მწარმოებლები მხოლოდ რუსეთის ბაზარზე არ იყვნენ დამოკიდებული და სტაბილურ, დაბალანსებულ ბაზრებზე იყვნენ ორიენტირებული.„ძალიან სამწუხაროა, რაც მოხდა. იმედი გვაქვს, რომ ეს გაუგებრობაა და მოკლე დროში აღმოიფხვრება. სასურველია, მხოლოდ ერთ - რუსეთის ბაზარზე არ იყო დამოკიდებული, თუმცა კომპანიებს ვერ გავამტყუნებთ, რადგან იქ გადიან, სადაც ღვინის გაყიდვის შესაძლებლობა აქვთ. თუ კომპანია გაქვს, რა თქმა უნდა, სჯობს, სტაბილურ ბაზარზე იყო ორიენტირებული, სადაც მსგავსი სიურპრიზები არ დაგხვდება“, - განაცხადა ზვიად გონაძემ.მისი თქმით, „გონაძეების მეღვინეობის“ მიერ წარმოებული ღვინო რუსეთში პირდაპირ არ გადის, თუმცა არაპირდაპირი გზით რუსულ ბაზარზე მაინც ხვდება.„ჩვენ რუსეთში პროდუქციის ექსპორტის ლიცენზია არ გვაქვს, თუმცა სხვადასხვა კომპანია ხშირად ყიდულობს ჩვენს პროდუქციას და რუსეთთან თანამშრომლობს. შეიძლება ითქვას, რომ არაპირდაპირი გზით ჩვენც გარკვეულწილად ვთანამშრომლობთ“, - განაცხადა ზვიად გონაძემ.ცნობისთვის, რუსეთმა ზოგიერთი ქართული კომპანიის პროდუქციის იმპორტზე დროებითი შეზღუდვა დააწესა. აკრძალვა შეეხება შემდეგ კომპანიებს: „თელიანი ველი“; „თბილღვინო“; „ძმები ასკანელები“; „ვაინმენი“; „ქართული ლუდის კომპანია“; „კოკა-კოლა“; „ნაბეღლავი“.BP.GE

1791967648

პროექტის ჯამური საინვესტიციო ღირებულება 11.5 მლნ. ლარს შეადგენს, საქართველოს ბანკის დაფინანსება კი 7 მლნ. ლარია.ახალი კამპუსი ბაგრატიონის ქუჩა #117-ში მდებარეობს. სასწავლო სივრცე 596 მოსწავლეზეა გათვლილი. ის თანამედროვე საგანმანათლებლო ინფრასტრუქტურითა და ტექნოლოგიებით არის აღჭურვილი და აერთიანებს სპეციალიზებულ ლაბორატორიებსა და ტექნოლოგიურ სივრცეებს, რომლებიც მოსწავლეებს თეორიული ცოდნის პრაქტიკაში გამოყენებისა და კვლევითი და ანალიტიკური უნარების განვითარების შესაძლებლობას აძლევს.კამპუსში ასევე განთავსებულია 150 მოსწავლეზე გათვლილი საერთო საცხოვრებელი,  რომელიც მოსწავლეების განთავსებასთან ერთად სხვადასხვა საგანმანათლებლო, შემეცნებითი, კულტურული და ახალგაზრდული ღონისძიების, მათ შორის სეზონური სკოლებისა და ბანაკების, მასპინძლობას შეძლებს.„ბათუმის ახალი კამპუსის გახსნა ჩვენთვის მნიშვნელოვანი ნაბიჯია. თანამედროვე ინფრასტრუქტურა, ტექნოლოგიებით აღჭურვილი სასწავლო სივრცეები და საერთო საცხოვრებელი შესაძლებლობას გვაძლევს, მოსწავლეებს კიდევ უფრო მრავალფეროვანი საგანმანათლებლო გარემო შევთავაზოთ. საქართველოს ბანკთან 2007 წლიდან ვთანამშრომლობთ და წლების განმავლობაში ერთობლივად არაერთი პროექტი განვახორციელეთ. მოხარული ვართ, რომ ახალი კამპუსის პროექტის განხორციელებაშიც ჩვენი პარტნიორია.საგანმანათლებლო მიმართულების განვითარების შემდეგ ეტაპს თბილისში ახალი კამპუსის პროექტი წარმოადგენს. ჩვენი მიზანია შევქმნათ გარემო, რომელიც ახალგაზრდებისთვის ახალი შესაძლებლობების მიღებას შეუწყობს ხელს“,  - განაცხადა „ვითი ჯგუფის“ დირექტორმა, ლევან გოგიამ.„განათლების სფეროში თანამედროვე ინფრასტრუქტურის განვითარება ჩვენთვის პრიორიტეტული მიმართულებაა.  მოხარული ვართ, რომ „ვითი ჯგუფთან“ მრავალწლიანი თანამშრომლობის ფარგლებში ბათუმში ახალი კამპუსის პროექტშიც ვმონაწილეობთ. გვჯერა, რომ ახალი კამპუსი მოსწავლეებს თანამედროვე სასწავლო გარემოს შეუქმნის და განათლების მიმართულებით კომპანიის განვითარების შესაძლებლობებს კიდევ უფრო გაზრდის. მინდა წარმატებები ვუსურვო მათ. ჩვენ კი აქტიურად ვაგრძელებთ ჩვენი პარტნიორი ბიზნესების მხარდაჭერას და მსგავსი მნიშვნელოვანი პროექტების განხორციელებას“, - განაცხადა საქართველოს ბანკის კორპორაციული გაყიდვების დეპარტამენტის დირექტორის მოადგილემ გიორგი წეროძემ.

1791888806

შეხვედრის ფარგლებში სტუდენტებმა თიბისისა და სტაჟირების პროგრამის შესახებ დაწვრილებითი ინფორმაცია მიიღეს, გაეცნენ კომპანიის მიდგომებს ახალგაზრდების განვითარებისა და პროფესიული ზრდის მიმართულებით და გაიგეს, რა შესაძლებლობებს სთავაზობს პროგრამა მათ, ვისაც კარიერის დაწყება თიბისიში სურს.ღონისძიების ერთ-ერთი მთავარი ნაწილი პანელური დისკუსია იყო, რომლის ფარგლებშიც სტუდენტებს პროგრამის მონაწილე სტაჟიორებისა და მენტორების გამოცდილების გაზიარების შესაძლებლობა ჰქონდათ. მონაწილეებმა ისაუბრეს პროგრამის ყოველდღიურობაზე, სამუშაო პროცესსა და იმ გამოცდილებაზე, რომელსაც თიბისიში პროფესიული განვითარების პირველ ეტაპზე იღებენ. სტუდენტებმა მათთვის საინტერესო კითხვები დასვეს და პასუხები უშუალოდ იმ ადამიანებისგან მიიღეს, რომლებიც პროგრამის შიდა პროცესებს ყველაზე კარგად იცნობენ.შეხვედრის განმავლობაში, სტუდენტებს შესაძლებლობა ჰქონდათ პირადად გასაუბრებოდნენ სტაჟირების პროგრამაში წარმოდგენილი ყველა მიმართულების წარმომადგენელს, მიეღოთ ინფორმაცია კონკრეტული სფეროების შესახებ და უშუალოდ გაეგოთ, როგორია მუშაობა თიბისის სხვადასხვა გუნდში. ახალგაზრდები ასევე შეხვდნენ ადამიანური რესურსების მიმართულების წარმომადგენლებს, რომლებმაც შერჩევის პროცესთან დაკავშირებით პრაქტიკული რჩევები გაუზიარეს.თიბისისთვის ახალგაზრდების მხარდაჭერა მათი პოტენციალის აღმოჩენისა და ახალი შესაძლებლობების შექმნის ხელშეწყობას ნიშნავს. სტაჟირების პროგრამით თიბისი ახალგაზრდებს აძლევს შესაძლებლობას, ცოდნა პრაქტიკაში გამოიყენონ, გამოცადონ საკუთარი ძალები, ისწავლონ პროფესიონალებისგან და პირველი მნიშვნელოვანი ნაბიჯები გადადგან კარიერულ გზაზე.თიბისის სტაჟირების პროგრამაზე განაცხადების მიღების ბოლო ვადაა 14 ოქტომბერი. გაეცანი მიმართულებებს, აირჩიე შენთვის საინტერესო სფერო და დღესვე დარეგისტრირდი თიბისის სტაჟირების პროგრამაზე.მთავარია გჯეროდეს საკუთარი შესაძლებლობების, გაბედო და სცადო.

1791884480

ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი: „UD Trucks-ის საქართველოში შემოსვლა ჩვენთვის მხოლოდ ახალი ბრენდის პორტფელში დამატებას არ ნიშნავს. მნიშვნელოვანი იყო, რომ მომხმარებლებისთვის რეალური ბიზნესამოცანების მიხედვით განსხვავებული სატრანსპორტო გადაწყვეტების არჩევის კიდევ უფრო მეტი შესაძლებლობა მიგვეცა, მათ შორის საშუალო სეგმენტში. UD Trucks Quester მძიმე სამუშაო პირობებისთვისაა შექმნილი და გათვლილია ყოველდღიურად ინტენსიურ ექსპლუატაციაზე. მოდელი უზრუნველყოფს მაღალ ტვირთამწეობას, საწვავის ეფექტიან მოხმარებას, ექსპლუატაციის უწყვეტობასა და უსაფრთხოების მხარდამჭერ თანამედროვე ფუნქციებზე წვდომას. იაპონური ბრენდი იმ ბიზნესებისთვის იქნება განსაკუთრებით საინტერესო, რომლებიც სატვირთო ავტოპარკის გამძლეობისა და ყოველდღიურ ოპერაციებზე მორგების საკითხებს დიდ მნიშვნელობას ანიჭებენ“.ამ ეტაპზე იაპონური ბრენდი საქართველოში ორი მოდელით იქნება წარმოდგენილი - მძიმე ტვირთამწეობის Quester  და საშუალო ტვირთამწეობის Croner. სხვადასხვა კონფიგურაციის სატვირთო ავტომობილები ბიზნესის კონკრეტულ საჭიროებებს მოერგება: დაწყებული სამშენებლო და მძიმე ტვირთამწეობის ოპერაციებით, დასრულებული ურბანული და რეგიონული დისტრიბუციით.ამასთანავე, Quester-ის კაბინა მძღოლის კომფორტზეა მორგებული და ხანგრძლივი სამუშაოების შესრულებისას მისი დაღლილობის შემცირებას უწყობს ხელს. Quester-ის კონცეფცია იმ ბიზნესების საჭიროებებს პასუხობს, რომლებსაც რთულ სამუშაო პირობებში საიმედო და გამძლე სატვირთო ავტომობილი სჭირდებათ, მათ შორის საგზაო-სამშენებლო და საკარიერო ოპერაციებისთვის.UD Trucks Croner მრავალფუნქციური საშუალო ტვირთამწეობის ავტომობილია, რომელიც სხვადასხვა ბიზნესის საჭიროებაზე მორგების შესაძლებლობას იძლევა. მოდელი ხელმისაწვდომია საერთო მასის სამი დიაპაზონითა და თვლების სხვადასხვა კონფიგურაციით. Croner-ის კონცეფციაში ასევე გათვალისწინებულია მძღოლის კომფორტი და მართვის სიმარტივე, რაც განსაკუთრებით მნიშვნელოვანია ყოველდღიურ და ინტენსიურ სატრანსპორტო ოპერაციებში. დამატებით, მომხმარებელს შეუძლია ავტომობილის ძრავისა და ამძრავის სისტემის, PTO-სა და კონკრეტულ სამუშაოზე მორგებული სხვა კომპონენტების არჩევა, რაც Croner-ს ურბანული და რეგიონული დისტრიბუციის, მუნიციპალური მომსახურების, საევაკუაციო და სპეციალიზებული ოპერაციებისთვის მოქნილ გადაწყვეტად აქცევს.მაჯდა როჩდი, UD Trucks - ახლო აღმოსავლეთი, აღმოსავლეთი და ჩრდილოეთი აფრიკა, მარკეტინგისა და კომუნიკაციების დირექტორი: „კავკასიის რეგიონს მნიშვნელოვანი პოზიცია უკავია ევროპისა და აზიის დამაკავშირებელ სატრანსპორტო დერეფანში, სადაც სხვადასხვა ბიზნესსაჭიროებაზე მორგებულ საგზაო ტრანსპორტზე, ლოგისტიკურ, სამშენებლო და სადისტრიბუციო გადაწყვეტებზე მოთხოვნა სულ უფრო იზრდება. „თეგეტასთან“ პარტნიორობით კი რეგიონში UD Trucks-ის პოზიციებს გავაძლიერებთ და მომხმარებლებს ამ სფეროში მრავალწლიანი გამოცდილების მქონე იაპონური ბრენდის პროდუქციაზე წვდომას მივცემთ. ამ გამოცდილების „თეგეტას“ ადგილობრივ ექსპერტიზასთან, მომხმარებლებთან ხანგრძლივ ურთიერთობებსა და მომსახურების შესაძლებლობებთან გაერთიანებით რეგიონში ბრენდის მდგრადი განვითარებისთვის მყარ საფუძველს ვქმნით. UD Trucks ბაზარზე საიმედო, ეფექტიანი და პრაქტიკული სატრანსპორტო გადაწყვეტებით შემოდის. ჩვენი მიზანია, მომხმარებლებს არა მხოლოდ მაღალი ხარისხის კომერციული სატრანსპორტო საშუალებები, არამედ მათი ბიზნესის საჭიროებებზე მორგებული, გრძელვადიანი მხარდაჭერა შევთავაზოთ“.UD Trucks 1935 წელს დაარსდა და დღეს იაპონიაში კომერციული ავტომობილების ერთ-ერთი ყველაზე ცნობადი მწარმოებელია. მისი პროდუქცია მსოფლიოს 60-ზე მეტ ბაზარზეა ხელმისაწვდომი და ლოგისტიკის, დისტრიბუციის, მშენებლობისა და მუნიციპალური მომსახურების მიმართულებებში აქტიურად გამოიყენება. UD არის აბრევიატურა Ultimate Dependability-ისა, რაც „უმაღლეს საიმედოობას“ ნიშნავს და ასახავს ბრენდის მისიას – მომხმარებლებს შესთავაზოს საიმედო სატვირთო ავტომობილები მათი ყოველდღიური ოპერაციების მხარდასაჭერად.პორტფელში UD Trucks-ის დამატებით „თეგეტა ჰოლდინგი“ კორპორაციულ მომხმარებლებს სატვირთო და კომერციული ტრანსპორტის მიმართულებით კიდევ უფრო ფართო არჩევანს სთავაზობს. ავტოინდუსტრიაში 30-წლიანი გამოცდილებითა და საერთაშორისო ბრენდებთან პარტნიორობის მდიდარი ისტორიით „თეგეტა“ ბიზნესისთვის მათ საჭიროებებზე მორგებული სატრანსპორტო გადაწყვეტების ხელმისაწვდომობის ზრდას განაგრძობს.„თეგეტა ჰოლდინგში“ შემავალი კომპანია Tegeta Truck & Bus ქართულ ბაზარზე 2006 წლიდან ოპერირებს. ის გერმანული უმსხვილესი ბრენდის MAN TRUCK & BUS-ის ოფიციალური იმპორტიორია საქართველოში. კომპანია მომხმარებელს სთავაზობს  სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის ფართო სპექტრს.

1791873060

ფინანსური ინსტიტუტი საქართველოში მცირე და საშუალო ბიზნესისთვის საუკეთესო ბანკად დასახელდა.Global Finance-ის ყოველწლიური SME Bank Awards მცირე და საშუალო ბიზნესის მომსახურე ფინანსურ ინსტიტუტებს მსოფლიოს მასშტაბით აჯილდოებს. 2027 წლის დაჯილდოების პროგრამამ 80-ზე მეტ ქვეყანასა და 9 რეგიონში მოქმედი ბანკები გამოავლინა.Global Finance-ის შეფასებისას ისეთ კრიტერიუმებს ითვალისწინებდა, როგორებიცაა მცირე და საშუალო ბიზნესის საჭიროებების ცოდნა, პროდუქტებისა და სერვისების მრავალფეროვნება და შესაბამისობა, ინოვაცია, მომხმარებლის გამოცდილება, ასევე განხორციელებული ინიციატივებისა და მიღწეული შედეგების ხარისხი.„მცირე და საშუალო ბიზნესისთვის საუკეთესო ბანკად დასახელება ჩვენთვის განსაკუთრებით საამაყოა, რადგან ეს აღიარება იმ მიდგომას ასახავს, რომლითაც 124 ათასზე მეტ აქტიურ მცირე და საშუალო ბიზნეს ვემსახურებით. ჩვენი მიზანია, მეწარმეებს არა მხოლოდ ფინანსურ პროდუქტებზე, არამედ ბიზნესის მართვისა და ზრდისთვის საჭირო სრულ ციფრულ ეკოსისტემაზე ჰქონდეთ წვდომა.დღეს, საქართველოს ბანკში მეწარმეს შეუძლია დაფინანსების მისაღებად განაცხადი სრულად ციფრულად შეავსოს და ფინანსური რესურსი რამდენიმე წუთში მიიღოს. ციფრული სატენდერო გარანტიის მიღებაც უკვე 1 საათშია შესაძლებელი. ამასთან, ბაზარზე უნიკალური პლატფორმა, ბიზნეს მენეჯერი მეწარმეებს შესაძლებლობას აძლევს, დისტანციურად მართონ გადახდები, მიწვდნენ ახალ მომხმარებლებს და დაიწყონ საბანკო სერვისების ინტეგრაცია, ხოლო Business 360-ისა და სხვა ინიციატივების საშუალებით მათ ბიზნესის განვითარებისთვის საჭირო ცოდნასა და შესაძლებლობებზე ვაძლევთ წვდომას. მადლობა ჩვენს გუნდს ამ შედეგებისთვის. ჩვენ ვაგრძელებთ ისეთი სერვისების შექმნას, რომლებიც მეწარმეებს დროს უზოგავს და ბიზნესის ზრდაში ეხმარება“, - აცხადებს  საქართველოს ბანკის მცირე და საშუალო ბიზნესის მიმართულების ხელმძღვანელი თორნიკე კუპრაშვილი.საქართველოს ბანკის ბიზნესპროდუქტებისა და ინიციატივების შესახებ ეწვიეთ ბმულს. https://bankofgeorgia.ge/ka/business

1791814163

კვლევის თანახმად, ქვეყანაში ბიზნესკლიმატის მაჩვენებელი 2019 წლის შემდეგ ისტორიულ მაქსიმუმზეა და 48.4 ქულას შეადგენს. პოზიტიური დინამიკა ფიქსირდება დასაქმების, ანაზღაურებისა და საინვესტიციო გეგმების მიმართულებითაც, თუმცა სექტორის წინაშე კვლავ რჩება სამუშაო ძალისა და კვალიფიციური კადრების დეფიციტი.აღნიშნულ შედეგებსა და ბიზნესგარემოს მიმდინარე ტენდენციებს საქართველოს ბიზნესასოციაციის პრეზიდენტი სოსო ფხაკაძე აფასებს.„BAG ინდექსის მესამე კვარტალის შედეგები ნათლად აჩვენებს საქართველოს ბიზნესსექტორში არსებულ პოზიტიურ დინამიკასა და ოპტიმიზმს. განსაკუთრებით მისასალმებელია, რომ ბიზნესკლიმატის მაჩვენებელმა, BAG ინდექსის წარმოების დაწყების დღიდან, ანუ 2019 წლის მეოთხე კვარტალის შემდეგ ისტორიულ მაქსიმუმს, 48.4 ქულას მიაღწია. ამ კუთხით გამორჩეული ზრდა და პოზიტიური განწყობები მშენებლობისა და მომსახურების სექტორებში დაფიქსირდა“, - აცხადებს სოსო ფხაკაძე.აღსანიშნავია, რომ პოზიტიური ტენდენცია ნარჩუნდება დასაქმებისა და ანაზღაურების მიმართულებითაც. კერძოდ, დასაქმების ბარომეტრი 32.9 ქულამდე გაუმჯობესდა, ხოლო გამოკითხულ კომპანიათა 30% მეოთხე კვარტალში ხელფასების ზრდას გეგმავს. გარდა ამისა, წინა კვარტალთან შედარებით 7 პროცენტული პუნქტით შემცირდა იმ კომპანიების წილი, რომლებიც ბიზნესსაქმიანობისთვის ხელის შემშლელ ფაქტორებზე მიუთითებენ.კვლავ მაღალ დონეზე რჩება კერძო სექტორის საინვესტიციო აქტივობაც. კომპანიების 68% 2026 წელს ინვესტიციების გაზრდას გეგმავს, რაც ძირითადად აღჭურვილობისა და ციფრული ტექნოლოგიების განვითარებას მოხმარდება.„აღნიშნული შედეგი ნათლად აჩვენებს, რომ ქართული ბიზნესი არათუ ინარჩუნებს სტაბილურობას, არამედ განვითარების ახალ ეტაპზე გადადის. ბუნებრივია, ბიზნესკლიმატის ასეთი მაღალი მაჩვენებელი მნიშვნელოვან საფუძველს ქმნის ქვეყნის ეკონომიკის შემდგომი ზრდისთვის, ახალი სამუშაო ადგილების შექმნისა და მოსახლეობის კეთილდღეობის ამაღლებისთვის.რა თქმა უნდა, ამ პოზიტიურ ფონზე არსებობს გამოწვევებიც. BAG ინდექსის ამა წლის მესამე კვარტალის კვლევის ფარგლებში, ჩატარებული გამოკითხვა ამჯერადაც ადასტურებს, რომ სამუშაო ძალისა და კვალიფიციური კადრების დეფიციტი, განსაკუთრებით მშენებლობის სექტორში, სერიოზულ გამოწვევად რჩება. თუმცა, კერძოდ სექტორის ასეთი პოზიტიური განწყობები და მზარდი ინვესტიციები იძლევა იმის რესურსს, რომ კერძო სექტორმა და სახელმწიფომ ერთობლივი ძალებით შეძლონ დაბრკოლებების გადალახვა ჩვენი ქვეყნის ბიზნესგარემოს კიდევ უფრო გასაუმჯობესებლად“, - განაცხადა საქართველოს ბიზნესასოციაციის პრეზიდენტმა.

1791813646