ამის შესახებ The New York Times (NYT) იტყობინება არაკომერციული ორგანიზაციის, ამერიკის საავტომობილო ასოციაციის (AAA) მონაცემებზე დაყრდნობით.შაბათ დილის მონაცემებით, აშშ-ში ბენზინის საშუალო ფასი გალონზე (3.785 ლიტრი) 3.41 აშშ დოლარი იყო. „ეს ზრდა ნიშნავს, რომ ბენზინის ფასები ბოლო კვირის განმავლობაში 14%-ით გაიზარდა“, - წერს გაზეთი და ხაზს უსვამს, რომ საწვავის ფასებმა „2024 წლიდან მოყოლებული ყველაზე მაღალ ნიშნულს“ მიაღწია.გამოცემა აღნიშნავს, რომ ბენზინის ფასები, სავარაუდოდ, გააგრძელებს ზრდას, რადგან ბოლოს WTI-ის ნედლი ნავთობის ფასი ბარელზე 90.9 აშშ დოლარს შეადგენდა, რაც ამჟამინდელ დონეს შეესაბამება, აშშ-ში ბენზინი გალონზე დაახლოებით 3.8 აშშ დოლარი ღირდა. უფრო მეტიც, მაშინაც კი, თუ ბენზინის ფასები უახლოეს მომავალში შემცირდება, NYT ხაზს უსვამს, რომ ამჟამინდელი ზრდის ეკონომიკური გავლენა ამერიკელ მომხმარებლებზე ხანგრძლივი იქნება.სავაჭრო მონაცემების თანახმად, ლონდონის ICE ბირჟაზე ბრენტის მარკის ნავთობის 2026 წლის მაისის მიწოდების ფიუჩერსების ფასი 10%-ზე მეტით გაიზარდა და 2023 წლის 29 სექტემბრის შემდეგ პირველად გადააჭარბა ბარელზე 94 დოლარს. WTI მარკის ნავთობის 2026 წლის აპრილის მიწოდების ფიუჩერსები ბარელზე 92.37 დოლარს შეადგენდა (+14.02%).

1772889429

„ინდოელები ძალიან კარგები იყვნენ. ჩვენ ვთხოვეთ მათ, რომ შეეწყვიტათ სანქცირებული რუსული ნავთობის შესყიდვა, ისინი ასეც მოიქცნენ. ისინი აპირებდნენ მის ჩანაცვლებას აშშ-ის ნავთობით, მაგრამ მსოფლიოში ნავთობის დროებითი დეფიციტის შესამცირებლად ჩვენ მივეცით მათ რუსული ნავთობის მიღების ნებართვა. შესაძლოა, რუსულ ნავთობზე სხვა სანქციებიс გავაუქმოთ“, – აღნიშნა ბესენტმა Fox Business-თან ინტერვიუში.აშშ-ის სახაზინო მდივნის განმარტებით, უამრავი ტანკერია სანქციების გამო გაჩერებული და ეს სანქციები თუ მოიხსნება, ნავთობი ბაზარზე გამოვა და გლობალური მიწოდება გაიზრდება.ბესენტმა ჰორმუზის სრუტეში გადაზიდვების უსაფრთხოებაზეც ისაუბრა. როგორც აშშ-ის სახაზინო მდივანმა აღნიშნა, აშშ-ის შეიარაღებული ძალების ცენტრალური სარდლობა აფასებს სიტუაციას და უახლოეს კვირებში გზის გახსნა მოსალოდნელია.

1772880683

„რუსეთი იყო და რჩება როგორც ნავთობის, ასევე გაზის, როგორც მილსადენური გაზის, ასევე თხევადი ბუნებრივი აირის საიმედო მიმწოდებლად. მას ასევე შეუძლია უზრუნველყოს ყველა მიწოდების (კონტრაქტის) უწყვეტობა, რომელზეც ხელი მოაწერა“, - თქვა პესკოვმა.

1772793923

ამის შესახებ Reuters-ს ორმა მაღალჩინოსანმა აშშ-ის ოფიციალურმა პირმა განუცხადა.ადრე, წყარომ სააგენტოს განუცხადა, რომ ინდოეთმა აშშ-ის ადმინისტრაციას რუსული ნავთობის იმპორტის დაშვების თხოვნით მიმართა ირანის გარშემო კონფლიქტის გამო.ამასობაში, ინდოეთის ნავთობგადასამუშავებელი ქარხნები უკვე სასწრაფოდ ყიდულობენ მილიონობით ბარელ რუსულ ნავთობს ისრაელსა და აშშ-ს შორის ირანთან კონფლიქტის ფონზე მიწოდების შეფერხების გამო, განუცხადა Reuters-ს სიტუაციასთან დაკავშირებულმა ექვსმა წყარომ.Bloomberg-ის ცნობით, ინდოეთში რუსული ნავთობის მიწოდება აღდგა აშშ-ს, ისრაელსა და ირანს შორის დაძაბულობის ფონზე. გემების მოძრაობის მონაცემები მიუთითებს, რომ ნავთობის ორი ტვირთი, რომელიც თავდაპირველად აღმოსავლეთ აზიისთვის იყო განკუთვნილი, ახლა ინდოეთისკენ მიემართება.ინდურმა ნავთობგადამამუშავებელმა ქარხნებმა ბოლო დროს შეამცირეს რუსული ნავთობის იმპორტი შეერთებული შტატების ზეწოლის გამო. თუმცა, Bloomberg-ის ცნობით, ახლო აღმოსავლეთში სიტუაციის ესკალაცია და ჰორმუზის სრუტის დახურვა დამატებით რისკებს ქმნის ნავთობის სტაბილური მიწოდების უზრუნველსაყოფად.

1772788824

ეს ტანკერები ჯამში დაახლოებით 2.16 მილიონ ბარელ ნავთობს გადაიტანენ. ერთ-ერთი მათგანი, Odune, ოთხშაბათს ინდოეთის აღმოსავლეთ სანაპიროზე მდებარე პარადიპის პორტში შეჩერდა. მეორე, Matari, ხუთშაბათს ვადინარის პორტში უნდა ჩავიდეს. მესამემ, Indri-მ, არაბეთის ზღვაში ყოფნისას სინგაპური მიუთითა დანიშნულების ადგილად (რუსეთის ჩრდილოვანი ფლოტის მრავალი ტანკერი სინგაპურის სრუტეში დაცურავს, მყიდველს ელოდება ან ნავთობს სხვა გემებზე გადააქვს). თუმცა, ამ კვირაში Indri-მ მოულოდნელად ჩრდილოეთისკენ შეუხვია და ინდოეთისკენ მიემართება.მიუხედავად იმისა, რომ ინდოეთის მიერ რუსული ნავთობის შესყიდვებმა გასულ ზაფხულს დღეში 2 მილიონ ბარელს მიაღწია, თებერვალში ის დაახლოებით 1.1 მილიონამდე შემცირდა. ტრეიდერები და ანალიტიკოსები იმპორტის შემდგომ შემცირებას, რამდენიმე თვის განმავლობაში 400,000-600,000 ბარელამდე, ვარაუდობდნენ. თუმცა, ჰორმუზის სრუტეში გადაზიდვების შეწყვეტა გლობალურ ბაზარზე ძალთა ბალანსს ცვლის.საუდის არაბეთი წელს ინდოეთის წამყვანი ნავთობმიმწოდებელი გახდა. ინდოეთმა ასევე დაიწყო სხვა ახლო აღმოსავლეთის მწარმოებლებისგან შესყიდვების გაზრდა მას შემდეგ, რაც აშშ-მა სანქციები დაუწესა „როსნეფტსა“ და „ლუკოილს“, შემდეგ კი ინდოეთთან შეთანხმდა რუსული ნავთობის იმპორტის შეჩერებაზე სავაჭრო შეთანხმების ფარგლებში. სანაცვლოდ, დონალდ ტრამპმა გააუქმა 25%-იანი ტარიფი აშშ-ში მიმავალ ინდურ საქონელზე, რომელიც მან 2025 წლის აგვისტოს ბოლოს დააწესა.ბოლო დღეებში ინდოეთისკენ მიმავალი სამივე ტანკერი ევროკავშირისა და დიდი ბრიტანეთის სანქციების ქვეშაა.

1772714383

„ნავთობი და გაზი არის გადამწყვეტი, ჰორმუზის სრუტე არის გადამწყვეტი და გადამწყვეტი არის არა მარტო რეგიონისთვის, არამედ ეს არის დიდი დაპირისპირება, გეოპოლიტიკური დაპირისპირება ჰეგემონებსა და ჰეგემონებთან მებრძოლ ჯგუფებს შორის. ერთ ჯგუფში არის მოქმედი ჰეგემონი, აშშ, მისი რეგიონული გეოპოლიტიკური პარტნიორი ისრაელი და, მეორე მხრივ, არიან ქვეყნები, რომლებიც ამ ჰეგემონობას ეწინააღმდეგებიან. ორივე ჯგუფისთვის აქ მიმდინარე პროცესებს აქვს კრიტიკული მნიშვნელობა. ეს პროცესები რა მიმართულებით წარიმართება, მათ მიადგებათ კრიტიკული რეპუტაციული ზიანი. რატომ? იმიტომ, რომ ჰეგემონი და მისი გეოპოლიტიკური საყრდენი, ამ შემთხვევაში ისრაელი, რეპუტაციულად ძალიან ბევრს დაკარგავს, თუ ირანმა და მის უკან მდგომმა ჯგუფებმა შეძლეს ამერიკული ბაზების განდევნა სპარსეთის ყურიდან, რაც, როგორც ჩანს, არის მათი ამოცანა. რეპუტაციული ზიანი მიადგება ასევე იმ მხრივაც, რომ გალფის ქვეყნები, რომლებიც მთლიანად არიან დამოკიდებული ამერიკის უსაფრთხოების ქოლგაზე, თუ ეს უსაფრთხოების ქოლგა მათ ვერ დაიცავს, ეს კიდევ დამატებით რეპუტაციული ზიანი იქნება ამერიკისთვის და მისი რეგიონული პარტნიორისთვის.ჩემს წარმოდგენაში მეორე ჯგუფი არის რუსეთი და ჩინეთი, აგრეთვე ინდოეთი. ეს ის ქვეყნებია, რომლებსაც ირანთან და სპარსეთის ყურის ქვეყნებთან გარკვეული კრიტიკული მნიშვნელობის დამოკიდებულებები აქვთ. ეს დამოკიდებულება, მათ შორის, იჭრება ენერგეტიკულ სფეროშიც. რუსეთს აქვს 25-წლიანი სტრატეგიული შეთანხმება დადებული ირანთან. მათ შორის, განსაკუთრებული ფრაგმენტი, შემადგენელი ამ სტრატეგიული შეთანხმების არის სამხედრო კომპონენტი. არის ასევე ენერგეტიკული და სატრანსპორტო დერეფნების განვითარების კუთხით კომპონენტი. ასევე, ჩინეთს აქვს სტრატეგიული სპარტნიორობის შეთანხმება ირანთან 40-მილიარდიანი, ასევე ენერგეტიკის კუთხით და ასევე სამხედრო მდგენელით. როგორც ამერიკისთვის და მისი რეგიონული პარტნიორისთვის, ისე ამ ჯგუფისთვის, ირანი არის კრიტიკული მნიშვნელობის საყრდენი ამ რეგიონში. იმიტომ, რომ ირანი არის ევრაზიული კავშირის წევრი, ირანი არის შანხაის უსაფრთხოების ორგანიზაციის წევრი და ირანი არის ბრიქსის წევრი. ამიტომ, ეს ჯგუფი თუ იცავს გლობალურ ინტერესებს, ამერიკის ამ შემთხვევაში და ისრაელის, როგორც უსაფრთხოების, ისე ენერგეტიკის კუთხით, მეორე ჯგუფი იცავს თავის წევრ ქვეყანას, რომელთანაც აქვს სტრატეგიული თანამშრომლობა”, – განაცხადა ჯერვალიძემ.გადაცემის წამყვანის შეკითხვაზე, რაში გამოიხატება დაცვა, როცა, ძირითადად, ეს ქვეყნები მხოლოდ შეშფოთების გამოხატვით შემოიფარგლნენ, ლიანა ჯერვალიძემ განაცხადა, რომ პუტინი და სი ძინპინი მყვირალა პოლიტიკოსები არ არიან.„ისინი არ არიან ცნობილი მკაფიო განცხადებებით და ყველა ნაბიჯზე რეაგირებით. საგარეო საქმეთა მინისტრმა ლავროვმა და ჩინეთის საგარეო მინისტრმა გააკეთეს განცხადება; ასევე პრეზიდენტმა პუტინმა და სი ძინპინმა გააკეთეს განცხადებები, რომ ეს ომი უნდა შეწყდეს და დაპირისპირება უნდა შეწყდეს, მაგრამ ყოველდღიური განცხადებები და მკვეთრი განცხადებები მათი მხრიდან, ზოგადად, არ არის პრაქტიკა“, – განაცხადა ჯერვალიძემ.კითხვაზე, როგორ აისახა სამხედრო ოპერაციის შედეგები გლობალურ ეკონომიკაზე და როგორ გამოიხატება ეს ნეგატიური ეფექტები, ლიანა ჯერვალიძემ განაცხადა, რომ ჯერჯერობით არის მოლოდინები, რომ ნავთობის ბაზარზე იქნება დეფიციტი, გაზის ბაზარზე კი უკვე არის შექმნილი დეფიციტი და გაზის ფასი უკვე გაიზარდა.„განსხვავებით ნავთობისგან, გაზის რეზერვები შექმნილი ყველას არა აქვს. იმიტომ, რომ გაზსაცავს სპეციალური მოწყობა სჭირდება და ყველას არ აქვს იმხელა გაზსაცავები. მით უმეტეს, ევროპაში, ვინაიდან ზამთრის ბოლოა, გაზსაცავები, რაც იყო, არის უკვე დაცარიელებული, რადგან ზამთრის პერიოდში, დაბალი ტემპერატურების დროს, გაზი გამოიყენეს და ახლა, გაზაფხულზე უნდა დაიწყოს გაზსაცავების შევსება, რაც იმას ნიშნავს, რომ მაღალი ფასის პირობებში გაზსაცავების შევსება დაჯდება კატასტროფულად ძვირი. ამიტომ, როგორც მსოფლიოსთვის, ჩინეთისთვის, ინდოეთისთვის, ევროკავშირისთვის, ამ მსხვილი მომხმარებლებისთვის, ჰორმუზის სრუტის ჩაკეტვა არის კრიტიკული, მაგრამ, მეორე მხრივ, ეს ამერიკას არანაირად არ შეეხება. და ისრაელს არ ეხება არანაირად”, – განაცხადა ჯერვალიძემ.მისივე თქმით, ახლა, შეიძლება, ევროკავშირი მიუბრუნდეს რუსულ ნავთობს და შეიძლება, ისევ მიუბრუნდეს იმ გაზსადენს, რომელიც ერთი ზოლიღა არის დარჩენილი.„იმიტომ, რომ თუ გაგრძელდა კონფლიქტი და თუ გაზი ვერ მიიღეს, მათ მეტი გამოსავალი არ ექნებათ. ერთი ნაწილი, ალბათ თხევადი გაზი, ძვირი, უნდა წამოვიდეს ისევ ამერიკიდან, მეორე ნაწილი კი უნდა წამოვიდეს ისევ რუსეთისგან. ეს არის ასეთი პროცესების თანმდევი“, – განაცხადა ჯერვალიძემ.ამასთან, ჯერვალიძემ აღნიშნა, რომ ჰორმუზის სრუტის ჩაკეტვა გალფის არცერთ ქვეყანას არ აწყობს და არც ირანს არ აწყობს, თუმცა ის იძულებულია, ჩაკეტოს, რადგან კუთხეშია მიყენებული.„განა ირანს აწყობს ეს, მაგრამ იძულებულია, რადგან კუთხეში არის მიყენებული. ირანის ტრაგედია არის მისი სიმდიდრე და მისი გეოპოლიტიკური მდებარეობა. ეს არის მისი და მისი ხალხის ტრაგედია, რაც გრძელდება მას შემდეგ, რაც ნავთობი აღმოაჩინეს ირანში 1908 წელს“, – განაცხადა ჯერვალიძემ.ცნობისთვის, ახლო აღმოსავლეთში ვითარება მკვეთრად გამწვავდა - ისრაელსა და ირანს შორის სამხედრო დაპირისპირებაში, ჩართულია აშშ-იც. პარალელურად აქტიურია ირანის მხარდამჭერი ჯგუფები რეგიონში, რაც კონფლიქტს ფართომასშტაბიან რეგიონულ კრიზისად აქცევს. უსაფრთხოების რისკების გამო ახლო აღმოსავლეთის რამდენიმე ქვეყანაში საჰაერო სივრცე დროებით დახურულია, მრავალი საერთაშორისო რეისი გაუქმდა ან შეიცვალა მარშრუტი .1tv.ge 

1772700000

OPEC-ის მეორე უმსხვილეს ექსპორტიორს (4.5 მილიონი ბარელი დღეში), ქურთისტანიდან ექსპორტი შეუჩერდა, სადაც უცხოურმა კომპანიებმა უსაფრთხოების მიზნით ნავთობის საბადოებზე ოპერაციები შეაჩერეს. მანამდე ჩინეთი და ინდოეთი ერაყული ნავთობის თითქმის ორ მესამედს ყიდულობდნენ.ამასობაში, ირანის ელიტარულმა IRGC-მა, ჰორმუზის სრუტეზე სრული კონტროლისა და 10-ზე მეტი ნავთობტანკერის განადგურების შესახებ. 

1772631451

- ბატონო ვიტიელო, გასულ კვირას ევროკომისიამ დაამტკიცა SOCAR-ის მიერ Italiana Petroli-ს 99.82%-იანი წილის შეძენა. ნიშნავს თუ არა ეს აქტივების გაერთიანებას, როგორც დაგეგმილია, დამატებითი სამართლებრივი ან ადმინისტრაციული დაბრკოლებების გარეშე? თუ კვლავ არსებობს გარემოებები, რომლებმაც შეიძლება შეცვალონ შეთანხმების დასრულების ვადები?- ევროკომისიისგან დამტკიცების მიღება გადამწყვეტი და უაღრესად მნიშვნელოვანი ნაბიჯია. ტრადიციულად, მას შემდეგ, რაც ტრანზაქცია წარმატებით გაივლის ევროპის ანტიმონოპოლიური ორგანოების აუდიტს, დასრულების გზა ნათელი ხდება და მითითებული ვადები - ამ შემთხვევაში, 2026 წლის პირველი კვარტალის ბოლომდე - სრულიად მიღწევადი ჩანს.რა თქმა უნდა, როგორც ამ მასშტაბის ნებისმიერი ტრანზაქციის შემთხვევაში, კვლავ რჩება გადასაჭრელი რიგი ტექნიკური და ფორმალური საკითხები, რომლებიც შეიძლება დაკავშირებული იყოს ეროვნული დამტკიცებების მიღებასთან ან კორპორაციული მმართველობისა და წარმოების ინტეგრაციის ნიუანსებთან. თუმცა, ამჟამად არ არსებობს სისტემური დაბრკოლებების ან პოლიტიკური ან მარეგულირებელი მიზეზებით გამოწვეული შეფერხებების ნიშნები. ამიტომ, ტრანზაქციის შეთანხმებულ ვადებში დახურვა რეალისტური ჩანს, თუმცა ტრანზაქციის მასშტაბი აუცილებლად მოითხოვს გარკვეულ სიფრთხილეს.- რა მოლოდინები აქვს WEC Italy-ს იტალიის ნავთობგადასამუშავებელი სიმძლავრეებისა და ლოგისტიკური ინფრასტრუქტურის მოდერნიზაციაში აზერბაიჯანული ინვესტიციების მასშტაბებთან დაკავშირებით? შეიძლება თუ არა ეს პროექტი გახდეს იტალიის ნავთობგადასამუშავებელი სექტორის განახლებისა და მისი კონკურენტუნარიანობის გაძლიერების კატალიზატორი?- ტრანზაქციის სავარაუდო ღირებულება, რომელიც 2.5 მილიარდი ევროდან 3 მილიარდ ევრომდე მერყეობს, ხაზს უსვამს ამ აქტივის მაღალ სტრატეგიულ სტატუსს. სახელმწიფო სისტემისთვის მთავარი განსახილველი საკითხი არ არის საწყისი ფინანსური მაჩვენებელი, არამედ ინვესტორის შესაძლებლობა, განახორციელოს მყარი სამრეწველო გეგმა საშუალო და გრძელვადიანი პერიოდისთვის.თუ SOCAR-ის მონაწილეობა, როგორც მოსალოდნელია, გულისხმობს კაპიტალურ ინვესტიციებს ნავთობგადასამუშავებელი სიმძლავრეების განახლებაში, ტექნოლოგიური პროცესების ოპტიმიზაციასა და საწყობისა და ლოგისტიკური ინფრასტრუქტურის განვითარებაში, ამ შეთანხმებას შეუძლია სტიმულირება მოახდინოს იტალიაში ნავთობგადასამუშავებელი სეგმენტის აღორძინებაში.ევროპის ნავთობგადასამუშავებელი ინდუსტრია ამჟამად რთულ პერიოდს გადის, რომელიც ხასიათდება მარჟების შემცირებით და გარემოსდაცვითი რეგულაციების გამკაცრებით. ამ გარემოში, კაპიტალზე წვდომას და მკაფიო სამრეწველო ხედვას შეუძლია გაზარდოს კომპანიების კონკურენტუნარიანობა, მათი მდგრადობა და ინტეგრაცია ევროპულ ენერგეტიკულ ღირებულებათა ჯაჭვებში. იმ პირობით, რომ განხორციელდება თანმიმდევრული სტრატეგია, რომელიც ღრმად იქნება ფესვგადგმული იტალიურ ბაზარზე და მოიცავს ადგილობრივ საზოგადოებასთან კონსტრუქციულ ჩართულობას, ოპერაციას შეიძლება ჰქონდეს ძლიერი კატალიზური ეფექტი.- Italiana Petroli მართავს ბენზინგასამართი სადგურების უდიდეს ქსელს იტალიაში. როგორ შეიძლება SOCAR-ის, როგორც ვერტიკალურად ინტეგრირებული ენერგეტიკული კომპანიის, გამოჩენამ გავლენა მოახდინოს საცალო საწვავის ბაზარზე სტრუქტურასა და კონკურენციაზე? შეიძლება თუ არა ამან გავლენა მოახდინოს საბოლოო მომხმარებლებისთვის ფასებსა და მომსახურების ხარისხზე?- 4500-ზე მეტი ავტოგასამართი სადგურის ქსელი Italiana Petroli-სთვის მთავარი აქტივი და მთელი ქვეყნის სიამაყის წყაროა. ვერტიკალურად ინტეგრირებული ოპერატორის, როგორიცაა SOCAR, მონაწილეობას შეუძლია დადებითად იმოქმედოს მთელი მიწოდების ჯაჭვის ეფექტურობაზე, შესყიდვიდან დისტრიბუციამდე. ეს შექმნის მასშტაბის ეკონომიას და ხელს შეუწყობს ლოგისტიკური პროცესების გამარტივებას.საწვავის ხარჯებთან დაკავშირებით მნიშვნელოვანია განვმარტოთ: ფასებს დიდწილად განსაზღვრავს ნავთობპროდუქტების საერთაშორისო ფასები, ასევე საგადასახადო ტვირთი, რომელიც იტალიაში მნიშვნელოვნად მაღალია, ვიდრე ბევრ სხვა ქვეყანაში. ამიტომ, არ უნდა ველოდოთ ფასების პოლიტიკაში სტრუქტურულ ცვლილებებს მხოლოდ საკუთრების ცვლილების გამო.ტრანზაქციის გავლენა, სავარაუდოდ, ხარისხობრივი იქნება - ქსელის განვითარებაში კაპიტალური ინვესტიციების, მომსახურების დიგიტალიზაციის, პროდუქციის ასორტიმენტის დივერსიფიკაციისა და მრავალენერგეტიკული გადაწყვეტილებების თანდათანობითი დანერგვის გზით. ეს მოიცავს ალტერნატიული საწვავის ინფრასტრუქტურის განვითარებას და ელექტრომობილობის მხარდაჭერას.ამ კონტექსტში, კონკურენცია შეიძლება გაძლიერდეს ინოვაციური განვითარებისა და მომხმარებელთა მომსახურების ხარისხის სფეროებში. მრავალმხრივ თანამშრომლობას ყოველთვის დადებითი გავლენა აქვს კონკურენტულ გარემოზე და, საბოლოო ჯამში, მომხმარებლებისთვის სასარგებლოა.- 2026 წლის იანვრიდან, ტრანსადრიატიკული მილსადენი (TAP) ბაზრის მონაწილეებს ყოველწლიურად 1.2 მილიარდი კუბური მეტრის დამატებითი სატრანსპორტო სიმძლავრის ხელმისაწვდომობას სთავაზობდა. ჩნდება კითხვა: რამდენად სწრაფად დაიწყო იტალიამ ამ რესურსების კონტრაქტირება? გარდა ამისა, ჯერ კიდევ გასარკვევია, საკმარისია თუ არა ეს გაფართოება მიწოდების დივერსიფიკაციის სტრატეგიის წარმატებით განსახორციელებლად და იმპორტირებული გაზის სხვა წყაროების თანდათანობით ჩანაცვლებისთვის.- TAP მილსადენის სიმძლავრის ყოველწლიურად 1.2 მილიარდი კუბური მეტრით გაზრდა იტალიის ენერგორესურსების დივერსიფიკაციის სტრატეგიის განხორციელების ლოგიკური ნაბიჯია. ამავდროულად, ამ დამატებითი მოცულობების გამოყენების რეალური მაჩვენებელი პირდაპირ იქნება დამოკიდებული ბაზრის პირობებზე, კერძოდ, შიდა მოხმარებაზე, შენახვის სიმძლავრეზე, თხევადი ბუნებრივი აირის მიწოდებასა და ალტერნატიულ მომწოდებლებს შორის ფასების სხვაობაზე.ბოლო რამდენიმე წლის განმავლობაში, იტალიამ აჩვენა გაზის მოხმარების ნაწილობრივი შემცირება კრიზისამდელ პიკებთან შედარებით, რაც გარდაუვალად მოქმედებს ახალი სიმძლავრეების ინტეგრაციის სიჩქარეზე. უნდა აღინიშნოს, რომ 1.2 მილიარდი კუბური მეტრის მოცულობა არ არის ენერგეტიკული უსაფრთხოების ერთადერთი გასაღები, მაგრამ ის ეფექტურად ავსებს ენერგომომარაგების საერთო ნაზავს, რომელიც მოიცავს მილსადენების იმპორტს, თხევად ბუნებრივ აირს, განახლებად ენერგიას და გაუმჯობესებულ ენერგოეფექტურობას. სისტემის მდგრადობა სწორედ მარშრუტებისა და ენერგორესურსების ცვალებადობის გზით მიიღწევა.- აზერბაიჯანმა ამჟამად იტალიაში გაზის ერთ-ერთი წამყვანი ექსპორტიორის სახელი დაიმკვიდრა. წლიური მოთხოვნილება 67-68 მილიარდ კუბურ მეტრს შორის მერყეობს. რა მნიშვნელობა აქვს აზერბაიჯანულ საწვავს იტალიის ენერგეტიკული სტაბილურობის შესანარჩუნებლად? განიხილავთ თუ არა თანამშრომლობის გაღრმავების შესაძლებლობებს, როგორც ექსპორტის მოცულობის გაზრდის, ასევე ენერგეტიკული გარდამავალი პერიოდისა და მწვანე ტექნოლოგიების დანერგვის სფეროში?- ბაქო, უდავოდ, ახლა რომის ერთ-ერთი პრიორიტეტული მიმწოდებელია და აზერბაიჯანიდან გაზი ჩვენი სტრატეგიის ფუნდამენტურ ელემენტად იქცა ენერგორესურსების დივერსიფიკაციის მიმართულებით. ამჟამინდელ სიტუაციაში, როდესაც ევროპის ენერგეტიკული უსაფრთხოების საკითხები კვლავ წამოიჭრა პოლიტიკური დღის წესრიგის წინა პლანზე, სამხრეთის გაზის დერეფნის ფუნქციონირებამ მნიშვნელოვნად გაზარდა იტალიური სისტემის საიმედოობა, აღმოფხვრა დამოკიდებულება კონკრეტულ იმპორტის მარშრუტებზე.გრძელვადიან პერსპექტივაში, არსებობს თანამშრომლობის შემდგომი გაძლიერების პოტენციალი, რომელიც მოიცავს როგორც მიწოდების ჯაჭვებს (მათ შორის წარმოების რესურსებსა და ინფრასტრუქტურულ შესაძლებლობებს), ასევე ენერგეტიკულ გარდამავალ პერიოდს, ასევე გამოცდილების გაცვლას და ბიზნეს პროექტების განხორციელებას. იტალიასა და აზერბაიჯანს შორის ენერგეტიკულ დიალოგს გაფართოების ყველა პოტენციალი აქვს, რაც მოიცავს დეკარბონიზაციასთან, გაზის ინდუსტრიაში ემისიების შემცირებასთან და ახალი ენერგიის წყაროების (წყალბადი, ბიომეთანი, სინთეზური საწვავი, ამიაკი ) დაკავშირებულ მოწინავე ტექნოლოგიებსა და ინიციატივებს.ამ კონტექსტში, ორმხრივი ურთიერთობები სცილდება წმინდა კომერციულ ფორმატს და ხდება გლობალური პარტნიორობის ნაწილი, რომელიც აერთიანებს უსაფრთხოების, ინვესტიციებისა და ენერგეტიკული სექტორის ტრანსფორმაციის ასპექტებს. ხმელთაშუა ზღვის რეგიონი ისტორიულად დიალოგის ბუნებრივ ხიდად იქცა და სულ უფრო რთულ გლობალურ გარემოში ამ კავშირების საიმედოობის განმტკიცება კრიტიკულად მნიშვნელოვანი ხდება.

1772628446

ამის შესახებ ინფორმაციას კომპანია KazTransOil-ი (KTO) ავრცელებს.„2026 წლის თებერვალში, BTC მილსადენისა და აქტაუს საზღვაო პორტის მეშვეობით 115 000 ტონა ყაზახური ნავთობი გაიგზავნა“, - ნათქვამია კომპანიის განცხადებაში.2026 წლის იანვარში, BTC მილსადენის მეშვეობით ყაზახეთიდან 106 000 ტონა ნავთობი გაიგზავნა. ეს თებერვლის გადაზიდვებთან შედარებით 8.5%-იან ზრდას წარმოადგენს.2025 წლის ბოლოსთვის ყაზახეთმა ბაქო-თბილისი-ჯეიჰანის მილსადენით 1.2 მილიონი ტონა ნავთობი გაიტანა.ყაზახური ნავთობის ტრანზიტი BTC მილსადენით 2026 წელს 1.6 მილიონ ტონამდეა დაგეგმილი.

1772613518

მარიამ ქვრივიშვილმა მინისტერიალის მონაწილეებს საქართველოს ენერგეტიკული სექტორის განვითარების შესაძლებლობები და ამ მიზნით მიმდინარე და დაგეგმილი პროექტები გააცნო.  მინისტრის ინფორმაციით, საქართველოს მთავრობის მიერ გაწეული სამუშაოების შედეგად დადგმული გენერაციის სიმძლავრე 2,5-ჯერ გაიზრდება და დაახლოებით 11500 მეგავატს მიაღწევს. ამასთან, მნიშვნელოვნად გაიზრდება ელექტროენერგიის ექსპორტისა და ტრანზიტის პოტენციალი, ხოლო იმპორტი ნულამდე შემცირდება. როგორც მარიამ ქვრივიშვილმა აღნიშნა, ეს ტრანსფორმაცია შესაძლებელია ახალი გენერაციის ობიექტების, ასევე გადამცემ ინფრასტრუქტურაში განხორციელებული მსხვილი ინვესტიციების მეშვეობით, მათ შორის ახალი ტრანსსასაზღვრო კავშირებით. „მსურს, ხაზი გავუსვა ორ რეგიონულ ფლაგმანურ პროექტს: შავი ზღვის წყალქვეშა კაბელი დააკავშირებს საქართველოსა და რუმინეთს 1300 მეგავატიანი წყალქვეშა გადამცემი ხაზით, რაც ევროპაში სუფთა ელექტროენერგიის ექსპორტს გახდის შესაძლებელს. პარალელურად, აზერბაიჯანთან, რუმინეთსა და უნგრეთთან ერთად, ჩვენ ვავითარებთ მწვანე ენერგიის დერეფანს, რომელიც მოიცავს ფართომასშტაბიან ელექტროენერგიის ინტერკონექტორს და მწვანე წყალბადის კომპონენტს. ეს პროექტები არ არის მხოლოდ ინფრასტრუქტურა და წარმოადგენს დივერსიფიკაციის, დეკარბონიზაციისა და გრძელვადიანი მდგრადობისადმი ჩვენს საერთო ერთგულებას“, - აღნიშნა ეკონომიკის მინისტრმა. ამასთან, სიტყვით გამოსვლისას მარიამ ქვრივიშვილმა ხაზგასმით აღნიშნა, რომ განახლებადი ენერგია საქართველოს სტრატეგიის ქვაკუთხედია, მომდევნო ათწლეულის განმავლობაში საქართველოში იგეგმება 6700 მეგავატზე მეტი განახლებადი სიმძლავრის დამატება, რაც მოიცავს ჰიდრო, ქარისა და მზის ენერგიას. მინისტრის შეფასებით, სტრატეგიული ჰიდროენერგეტიკული პროექტები გადამწყვეტ როლს შეასრულებს არა მხოლოდ მოთხოვნის დაკმაყოფილებაში, არამედ სისტემის სტაბილურობის უზრუნველყოფასა და ცვალებადი განახლებადი ენერგიების ინტეგრაციაში. „ჩვენ ასევე ვატარებთ მნიშვნელოვან რეფორმებს საინვესტიციო გარემოს გასაუმჯობესებლად. პარალელურად, აქტიურად ვნერგავთ ინოვაციებს. აზიის განვითარების ბანკის მხარდაჭერით, წინ მივიწევთ ენერგიის შენახვის ტექნოლოგიებისა და წყალბადის გადაწყვეტების მიმართულებით, ასევე ვახდენთ ჭკვიანი და ციფრული ტექნოლოგიების ინტეგრირებას ჩვენს ენერგოსისტემაში. სამხრეთის გაზის დერეფნის პროექტის წარმატება კიდევ ერთხელ უსვამს ხაზს სახელმწიფოების ერთობლივი ძალისხმევის როლს მსგავსი მნიშვნელობის საერთაშორისო პროექტების განვითარებისას“, - განაცხადა მარიამ ქვრივიშვილმა. მინისტერიალში მონაწილეობა მიიღეს საქართველოს დელეგაციის წევრებმა - ეკონომიკისა და მდგრადი განვითარების მინისტრის მოადგილეებმა გენადი არველაძემ და თამარ იოსელიანმა, ასევე საქართველოს ელჩმა აზერბაიჯანის რესპუბლიკაში ზურაბ პატარაძემ.

1772535170