„სულ ცოტა ხნის წინ ტარიფი მოსახლეობას და, მათ შორის, კომერციას გაეზარდა 5 თეთრით. ეს გაეზარდა იმიტომ, რომ ჩვენ ჩვენი შიდა გენერაცია არ ვართ, დამოკიდებული ვართ იმპორტზე და იმპორტის წილი გაიზარდა ზუსტად ჩვენი ელექტროენერგიის მოხმარების წილში. ვის გვინდა ჩვენ აქ ვუთხრათ, მოდით, ჩვენ ქვეყანაში სერიოზული წარმოება გააკეთეთ-თქო, როდესაც ყოველ სამ წელიწადში ერთხელ ელექტროენერგიის ტარიფი გეცვლება და ძირითადად არის მზარდი? ვის გინდა ეს უთხრა, რომ დაგეგმოს საკუთარი ბიზნესი? მე არ მაქვს საუბარი რაღაც ერთ, ორ და სამწლიან პროექტებზე, გრძელვადიან პროექტებზე, გრძელვადიან წარმოებაზე მაქვს საუბარი. არ ვიცი, ვიღაც ქარხანას რომ უთხრა, მოდი, მანქანების ქარხანა გახსენი პირობითად, ან ვინმეს უთხრა, მოდი, სასურსათო მეურნეობა გააკეთე, მაცივრები დადგი, ჟოლოები რომ გაყინო-თქო, პირობითად, ეს ყველაფერი ხომ ელექტროენერგიის ტარიფზეა დამოკიდებული? შენ რომ გათვლა გააკეთო და შენ ქვეყანაში სტაბილური რომ იყოს ელექტროენერგია, საკუთარი გენერაცია უნდა გქონდეს განვითარებული, რომ გარე პირობებზე არ იყო დამოკიდებული და, სულ მცირე, 10 წლით გაყინული უნდა გქონდეს ელექტროენერგიის ტარიფი, რათა მერე ბიზნესს ჰქონდეს საშუალება, საკუთარი ბიზნესი დაგეგმოს“, – განაცხადა მარგებაძემ.როგორც მცირე და საშუალო ჰესების ასოციაციის ხელმძღვანელმა აღნიშნა, დღეს ევროპაში არცერთი ახალი საცხოვრებელი სახლი აღარ შენდება, სადაც გაზი არის შეყვანილი და ყველაფერი ელექტროენერგიაზეა.„მათ შორის, ძალიან მალე დავინახავთ, ჩინური საავტომობილო ბიზნესი როგორ განვითარდება და ელექტრომობილებზე გადავა ძალიან დიდი უმრავლესობა. არ ვიცი, 15%-ს მივაღწევთ ალბათ, ძალიან მალე. სხვათა შორის, იმ გაზსაც, რომელიც ჰორმუზის სრუტით მიაქვთ თუ საიდანაც მიაქვთ, აირად აქცევენ და, საბოლოო ჯამში, აირებული გაზი ისევ ელექტროენერგიაში გარდაიქმნება. ამიტომ, როდესაც ჩვენ ვსაუბრობთ ენერგოდამოუკიდებლობაზე, ის რესურსი, რაც ჩვენ გვაქვს, წყლის, თუნდაც ქარის და თუნდაც მზის, თავისუფლად შეგვიძლია, გარდავქმნათ ისევ გაზში. ჩვენ გაზს ვწვავთ, რომ ელექტროენერგია მივიღოთ, ხომ? ამიტომ, ენერგოდამოუკიდებლობა და ენერგოუსაფრთხოება არის აბსოლუტურად სწორი მიდგომა“, – განაცხადა მარგებაძემ.მისივე თქმით, ჩვენ ასეთი საფრთხეების წინაშე ვდგავართ და ამ საფრთხეების გადაჭრას უნდა რადიკალური მოქმედებები.„ეს რაღაც ლაპარაკი უნდა გადავდოთ გვერდზე და სასწრაფოდ უნდა დავიწყოთ ჩვენი საკუთარი გენერაციების შექმნა“, – განაცხადა მარგებაძემ.

1777464251

როგორც ნაცვლიშვილმა აღნიშნა, როდესაც საუბარია ხოლმე იმაზე, რომ ეკონომიკა იზრდება და მზარდი ეკონომიკა ითხოვს მეტ ენერგეტიკას, ცხადია, ენერგეტიკის გარეშე ეკონომიკა ვერ ფუნქციონირებს, მაგრამ ისიც უნდა ვიცოდეთ, რა დარგები ვითარდება.„სახელმწიფოს აქვს რამე სტრატეგია, სადაც მე, როგორც მოქალაქეს, მექნება წარმოდგენა, რა დარგებს ავითარებს? ავითარებს, მაგალითად, ე.წ მაინინგს, დატა ცენტრებს და ასე შემდეგ, რომლის კაპიტალიზაციის მაჩვენებელი ძალიან მაღალია, შეიძლება, მაგრამ დასაქმების მაჩვენებელია ძალიან დაბალი, რომელიც თავისუფალ ეკონომიკურ ზონებშია და რომელსაც არანაირი ეკონომიკური სარგებელი რიგითი მოქალაქისთვის საქართველოში არ აქვს; ცდილობს, განავითაროს ეს სექტორი თუ ცდილობს განავითაროს, მაგალითად, დამამუშავებელი მრეწველობა, სადაც მაღალი დამატებითი ღირებულება იქმნება, ადამიანები საქმდებიან, კომპეტენციის საჭიროება ჩნდება და ასე შემდეგ“, – განაცხადა ნაცვლიშვილმა.ბექა ნაცვლიშვილმა ასევე განაცხადა, რომ საქართველოს აქვს დიდი პოტენციალი ქარის და მზის ენერგიის, თუმცა ამ მიმართულებით განვითარება არ მომხდარა.„განვავითარეთ ჩვენ ქარის ან მზის ენერგია, წინ წავიწიეთ? არა. ჩვენ გვინდა, აუცილებლად მივიდეთ სადღაც, რაღაც ჩავაბეტონოთ და ა.შ. ჩვენ გენერაცია როდის გჭირდება ხოლმე, როდის არის დეფიციტი? ეს არის ზამთრის პერიოდი, შემოდგომა-ზამთრის, შემოდგომა-ზამთრის პერიოდში კი სწორედ ქარი არის ყველაზე საინტერესო ჩვენთვის, გამომდინარე იქიდან, რომ ვარდნა, ანუ ფრუქტაცია ქარს ბევრად უფრო დაბალი აქვს, ვიდრე ამ შემთხვევაში წყალს. მოკლედ, ძალიან ბევრი ფაქტორია, რომელიც ჩვენ უნდა გავითვალისწინოთ და, უბრალოდ, რომ ჩვენ გვინდა, 2030 წელს ენერგოდამოუკიდებელი გავხდეთ, ასე მარტივი არ არის, ბევრი რაღაც არის“, – განაცხადა ნაცვლიშვილმა.

1777464206

თუნდაც 5,3%-ზე რომ დავთვალოთ და შემდგომი წლების განმავლობაში, საშუალოდ, 5%-იანი ზრდა რომ ავიღოთ, ჩვენ ვლაპარაკობთ საკუთარი მოხმარების 50%-ით გაზრდაზე და როდესაც ვსაუბრობთ ასეთი ტიპის მზარდ ტენდენციაზე, ცხადია, საჭიროება არის საკუთარი წარმოების განვითარების. როგორ შეიძლება, საკუთარი წარმოების განვითარება მოხდეს? ჩემი განსაკუთრებული პატივისცემა ქარსაც და მზესაც ამ კუთხით, მაგრამ მივდივართ წყალთან და ჰიდრო ნაწილთან. ჩვენ თუ არ წავედით დიდი ჰესების მშენებლობის მიმართულებით, უბრალოდ არ ვიცი, რომელ წელს არა, რომელ საუკუნეში გვექნება ენერგოდამოუკიდებლობის და თვითკმარობის პერსპექტივა, მე ამას ვერ გეტყვით, მაგრამ იმ შემთხვევაში, თუ წავედით დიდი ჰესების მშენებლობის მიმართულებით და ვსაუბრობთ „ნამახვანზე“, „ნენსკრაზე“, „ხუდონზე“, ჩვენ შეგვიძლია ვთქვათ, რომ, პრაქტიკულად, ეს უზრუნველყოფს თვითკმარობის ნაწილს. როცა ჩვენ ვიქნებით სრულიად მზად ამ ნაწილისთვის 2036 წლისთვის, ამავდროულად, ეს მაგალითად, გულისხმობს იმას, რომ ქვეყნიდან 50 მილიონის გადინება შევამციროთ“, – განაცხადა აბაშიშვილმა.მისი თქმით, როდესაც ვსაუბრობთ ეკონომიკურ ზრდაზე და ეკონომიკურ ეფექტებზე, არ უნდა დაგვავიწყდეს, რომ დიდი ჰესების მშენებლობას აქვს უდიდესი ფინანსური პოტენციალი, გარდა ელექტროენერგიის უზრუნველყოფისა.„ლაპარაკია, დაახლოებით, 8 მილიარდზე მეტ ინვესტიციაზე იმისთვის, რომ, ჯამში, ეს ენერგეტიკული სექტორი იმ კონდიციამდე მივიყვანოთ, რა კონდიციამდეც გვინდა. ამ 3 ჰესის შემთხვევაში ლაპარაკია 4 მილიარდის ინვესტიციაზე. პირდაპირი გავლენა ჯამური მშპ-ის ზრდაზე, დადგმული გენერაციის ჩათვლით, გვაქვს, დაახლოებით, 11 მილიარდი, საბაზისო სცენარში – 9,1 მილიარდი. ანუ, წარმოიდგინეთ, რა ციფრებზე ვსაუბრობთ და რა სიკეთეს მივიღებთ ამ ნაწილიდან, ასე რომ შევხედოთ და ფინანსურ ჭრილში გადმოვიტანოთ ეს ყველაფერი“, – განაცხადა აბაშიშვილმა.ამასთან, აბაშიშვილმა აღნიშნა, რომ ეს ნიშნავს უამრავ სამუშაო ადგილს და ეროვნული ვალუტის კურსის სიმყარეს.

1777464063

* კომპანიის მიერ გამოკითხული ანალიტიკოსები 2.67 მილიარდი დოლარის მოგებას ვარაუდობდნენ.* გასული წლის იანვარ-მარტში BP-ის მოგებამ 1.38 მილიარდი დოლარი შეადგინა.* ბრიტანული კომპანია ვარაუდობს, რომ ნავთობისა და გაზის წარმოება 2026 წელს ახლო აღმოსავლეთის კონფლიქტის გამო შემცირდება.

1777365720

მეთოდოლოგიის თანახმად, თუ ნავთობის საშუალო საბაზრო ფასი ტონაზე 115-125 დოლარის დიაპაზონში გაიზრდება, ექსპორტის გადასახადის განაკვეთი ტონაზე 130 დოლარი იქნება.სააგენტოს ვებსაიტის ცნობით, 20 მარტიდან 20 აპრილამდე მონიტორინგის პერიოდში გლობალურ ბაზრებზე KEBCO-სა და Brent-ის ნედლი ნავთობის ფასების საშუალო არითმეტიკული მნიშვნელობა ბარელზე 122 დოლარი იყო.მსუბუქი ნავთობპროდუქტების გადასახადი განისაზღვრება მიმდინარე თვის ნედლი ნავთობის გადასახადის განაკვეთის საფუძველზე, 1 კორექტირების კოეფიციენტით.

1777365360

„სოკარი“ ამ გლობალური გარდაქმნის აქტიური მონაწილეა და უწყვეტად ავითარებს მდგრადი განვითარების პრინციპებზე დაფუძნებულ ინფრასტრუქტურასა და ინოვაციურ პროექტებს.გარემოზე ზრუნვა კომპანიის CSR სტრატეგიის ერთ-ერთი უმნიშვნელოვანესი მიმართულებაა და სწორედ ამიტომ სოკარი აქტიურად უწყობს ხელს ეკოლოგიურად სუფთა ტრანსპორტის პოპულარიზაციასა და ქვეყნის ენერგეტიკული ტრანსფორმაციის პროცესის გაძლიერებას. ამ მიმართულებით, კომპანია თანმიმდევრულად აფართოებს ინფრასტრუქტურას საქართველოს მასშტაბით.უკვე განხორციელდა არაერთი მნიშვნელოვანი პროექტი, მათ შორის: განთავსდა 21 ელექტრო დამტენი 16 ავტოგასამართ სადგურზე დამონტაჟდა მზის პანელები 6 ავტოგასამართ სადგურზე გაიხსნა პირველი სრულად ელექტრო დამტენი სადგური ამიერ კავკასიაში  ბელიაშვილის N66-ში მდებარე ახალ ელექტრო დამტენ სადგურზე განთავსებულია ოთხი თანამედროვე დამტენი მოწყობილობა, რაც ერთდროულად ექვსი ელექტრომობილის დატენვის შესაძლებლობას იძლევა. მნიშვნელოვანია ისიც, რომ სადგური აღჭურვილია მზის პანელებით და ნაწილობრივ მზის ენერგიაზე მუშაობს, რაც ქმნის მდგრადი ინფრასტრუქტურის ახალ სტანდარტს ჩვენს ქვეყანაში.აღსანიშნავია, რომ დამუხტვის პროცესში მომხმარებლებს შეუძლიათ ისარგებლონ WAY MART-ის სივრცით, სადაც უამრავი ექსკლუზიური და მრავალფეროვანი პროდუქციაა წარმოდგენილი. სივრცეს დამატებით კომფორტს სძენს ტერასა, რომელიც მომხმარებლებს სასიამოვნო გარემოში დასვენების შესაძლებლობას აძლევს.აღნიშნული ინიციატივები წარმოადგენს არა მხოლოდ ტექნოლოგიურ განვითარებას, არამედ კომპანიის სტრატეგიული ხედვის პრაქტიკულ განხორციელებას, რომლის მიზანია რეგიონის მასშტაბით ინოვაციური და მდგრადი ინფრასტრუქტურის ფორმირება.

1777294264

მთავრობის მეთაურის თქმით, ქვეყნისთვის სტრატეგიულად მნიშვნელოვანია ამ პროექტების განხორციელება."ქვეყნისთვის სტრატეგიულად მნიშვნელოვანია ამ პროექტების განხორციელება. აქტიურად ვმუშაობთ, კონკრეტული ჰესების მიმართულებით ვართ ძალიან წინ წაწეულები. რა იქნება დაფინანსების წყარო, სად იქნება ჩადებული ინვესტორების რესურსები, როდესაც ჩვენ შევკრავთ კონკრეტულ პროექტებს, ყველაფერს გავუზიარებთ საზოგადოებას“, - განაცხადა პრემიერმა.

1776943701

SOCAR-მა განაცხადა, რომ 2025 წელს SOCAR Trading-სა და Pakistan LNG-ს შორის ხელმოწერილი ჩარჩო ხელშეკრულება პაკისტანელ მყიდველს საშუალებას აძლევს, პირდაპირ შეიძინოს თხევადი ბუნებრივი აირის ტვირთები დაჩქარებული პროცესით.„SOCAR მზადაა, პაკისტანს თხევადი ბუნებრივი აირი მიაწოდოს, როგორც კი PLL შესაბამის მოთხოვნას წარადგენს“, - განაცხადეს კომპანიაში Reuters-ის კითხვებზე პასუხის გაცემისას.SOCAR-მა არ დააკონკრეტა, უკვე გაკეთებული იყო თუ არა ასეთი მოთხოვნა, როდის შეიძლება მოხდეს პირველი მიწოდება.პაკისტანი, რომელიც ენერგეტიკული საჭიროებების დასაკმაყოფილებლად დიდად არის დამოკიდებული გაზზე, კვლავ დაუცველია შიდა წარმოების შემცირებისა და გლობალური თხევადი ბუნებრივი აირის ფასების რყევების მიმართ, ირანთან ომთან დაკავშირებული მიწოდების შეფერხებების ფონზე.

1776778355

მათი ინფორმაციით, ყაზახურმა მხარემ ამის შესახებ წერილობითი შეტყობინება მიიღო რუსული სატრანსპორტო მონოპოლისტი „ტრანსნეფტისგან“.„დრუჟბას“ მილსადენის გავლით ნავთობის მიწოდება ყაზახეთს საშუალებას აძლევს, თავი აარიდოს რუსეთის პორტების გავლით ექსპორტს, სადაც დასავლურმა სანქციებმა გაყიდვები შეამცირა და ტერმინალის ინფრასტრუქტურა დრონებით თავდასხმების სამიზნეა.ყაზახური ნავთობი ტრანსპორტირდება უზენ-ატირაუ-სამარას მთავარი მილსადენით, შემდეგ კი „ტრანსნეფტის“ სისტემის მეშვეობით ადამოვა ზასტავას მიწოდების პუნქტამდე, სადაც ის გერმანიაში, შვედტის ნავთობგადამამუშავებელ ქარხანაში მიეწოდება. ნედლი ნავთობი ყარაჩაგანაკის, კაშაგანის და თენგიზის საბადოებიდან KEBCO-ს (ყაზახეთის საექსპორტო ნაზავი ნედლი ნავთობი) ბრენდის ქვეშ მოდის.ყაზახეთისა და რუსეთის ენერგეტიკის სამინისტროების პრესსამსახურებმა, ასევე ყაზახურმა კომპანიებმა „ყაზტრანსოილმა“ და „ყაზმუნაიგაზმა“ „როიტერი“-ს კომენტარის თხოვნას დაუყოვნებლივ არ უპასუხეს.დრუჟბას მილსადენით შესაძლებელია ნავთობის ტრანსპორტირება რუსეთიდან და ყაზახეთიდან ევროპის ქვეყნებში: პოლონეთსა და გერმანიაში ჩრდილოეთის განშტოებით ბელორუსის გავლით და უნგრეთში, სლოვაკეთსა და ჩეხეთში სამხრეთის განშტოებით უკრაინის გავლით.მოსკოვის წინააღმდეგ სანქციების ფარგლებში, ევროკავშირმა სრულად აკრძალა რუსული ნავთობის მიწოდება დრუჟბას მილსადენის ჩრდილოეთის განშტოებით. ამიტომ, 2023 წლის თებერვლიდან ყაზახეთიდან ნედლი ნავთობი გერმანიაში ექსპორტირდება.2025 წლის თებერვალში ყაზახეთი და უნგრეთი შეთანხმდნენ დრუჟბას მილსადენის მეშვეობით ნავთობის სატესტო მიწოდებაზე. წლის მეორე ნახევარში ყაზახეთმა ხორვატიის გავლით უნგრეთში პირველი 85,000 ტონა ნავთობი გაიტანა.2026 წლის პირველ კვარტალში დრუჟბას მილსადენის მეშვეობით გერმანიაში ყაზახეთის ნავთობის ექსპორტი გაორმაგდა და 730,000 ტონას მიაღწია.ყაზახეთი გეგმავს გერმანიაში ნავთობის ექსპორტის 2026 წელს 2,5 მილიონ ტონამდე გაზრდას 2025 წლის 2,146 მილიონი ტონიდან.

1776774552

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ, სხვადასხვა უნივერსიტეტის სტუდენტებისთვის სემეკის საქმიანობისა და რეგულირების საკითხების შესახებ საჯარო ლექცია წაიკითხა. სემეკის თავმჯდომარემ საჯარო ლექციის ფორმატში სტუდენტებს მიაწოდა ინფორმაცია ელექტროენერგიის, ბუნებრივი გაზის, წყალმომარაგებისა და მელიორაციის სექტორების რეგულირების მნიშვნელობაზე, სატარიფო პოლიტიკასა და განახლებადი ენერგიების ხელშეწყობაზე. მან ყურადღება გაამახვილა დამოუკიდებელი მარეგულირებელი კომისიის ფუნქციებსა და როლზე.„სემეკის მიზანია დავაინტერესოთ სკოლის მოსწავლეები, სტუდენტები ენერგეტიკის სექტორით, მივაწოდოთ მათ მეტი ინფორმაცია დარგის შესახებ. ენერგეტიკა წარმოადგენს ქვეყნის ეკონომიკის უმნიშვნელოვანეს მიმართულებას, ამიტომ აუცილებელია რომ მეტმა ახალგაზრდამ იცოდეს რამდენად მნიშვნელოვანია ენერგეტიკის სექტორის განვითარება. დღეს, საჯარო ლექციის ფორმატში სტუდენტების მხრიდან დაისვა კითხვები ენერგოუსაფრთხოების შესახებ. აღინიშნა, რომ აუცილებელია გენერაციის წყაროების განვითარება, რათა საქართველომ მიაღწიოს დასახულ მიზანს და გახდეს ელექტროენერგიით თვითკმარი ქვეყანა“, - განაცხადა დავით ნარმანიამ.საჯარო ლექციის შემდეგ, სტუდენტებმა დააათვალიერეს სემეკში დამონტაჟებული მზის ელექტროსადგური და გაეცნენ სადგურის მუშაობის სპეციფიკას.

1776772394