მისივე თქმით, აღნიშნული მნიშვნელოვანი შეთანხმებით, აზერბაიჯანულ მხარესთან ერთად, უზრუნველყოფილი იქნება მილსადენის ეფექტიანი ფუნქციონირება.„ელექტროენერგიის მიმართულებით, გაფორმდა ძალიან მნიშვნელოვანი შეთანხმება როგორც იმპორტის, ასევე ტრანზიტის კუთხით. ასევე, მნიშვნელოვანი შეთანხმება გაფორმდა, რომელიც უკავშრიდება ბაქო-თბილისი-სუფსის მილსადენს.ეს მილსადენი, რეალურად, გაჩერებული იყო ბოლო 3 წლის განმავლობაში, არ ოპერირებდა, რის გამოც ქვეყანა ვერ იღებდა პოტენციურ შემოსავალს. ახალი შეთანხმების საფუძველზე, აზერბაიჯანულ მხარესთან ერთად, ჩვენ უზრუნველვყოფთ ამ მილსადენის ამოქმედებას. ბუნებრივია, მილსადენი არის ჩვენი საკუთრება, რჩება, რა თქმა უნდა, საქართველოს საკუთრებაში, თუმცა უზრუნველყოფილი იქნება, აზერბაიჯანულ მხარესთან თანამშრომლობით ამ მილსადენის სათანადო ოპერირება, რის საფუძველზეც ქვეყანა, ყოველწლიურად, ათეულობით მილიონის შემოსავალს მიიღებს. ამ სამი წლის განმავლობაში, შემოსავალი უტოლდებოდა ნულს, გაჩერებული იყო მილსადენი და ამ ახალი, ძალიან მნიშვნელოვანი შეთანხმებით, აზერბაიჯანულ მხარესთან ერთად, უზრუნველყოფილი იქნება ამ მილსადენის ეფექტიანი ფუნქციონირება,“- აღნიშნა პრემიერმა.

1779111854

მარიამ ქვრივიშვილი დელეგაციასთან ერთად აზერბაიჯანში საქართველოს პრემიერ-მინისტრის, ირაკლი კობახიძის ვიზიტის ფარგლებში იმყოფებოდა.უწყების ცნობით, ენერგეტიკულ სექტორში შეთანხმების ყოვლისმომცველი პაკეტი ორი ქვეყნის მთავრობებს შორის წარმატებით დასრულებული რამდენიმეთვიანი მოლაპარაკებების შედეგია, რაც ძალიან მნიშვნელოვანია საქართველოს ენერგეტიკული უსაფრთხოების გაძლიერებისა და რეგიონული ენერგეტიკული დერეფნის განვითარებისთვის.აღსანიშნავია, რომ აზერბაიჯანიდან დამატებითი გაზის ყიდვა-გაყიდვის ხელშეკრულებას, რომელიც 2003 წელს არის გაფორმებული, ვადა ამოეწურა, შესაბამისად, ახალი ხელშეკრულების გაფორმებას და 20 წლის ვადით გაგრძელებას განსაკუთრებული მნიშვნელობა აქვს სტრატეგიული თანამშრომლობისთვის სამხრეთკავკასიური მილსადენის პროექტის ფარგლებში.ბაქოში ვიზიტის ფარგლებში აგრეთვე ხელი მოეწერა ახალ შეთანხმებას ბაქო-სუფსის ნავთობსადენის ქართულ სექციასთან დაკავშირებით საოპერაციო ხელშეკრულების გაფორმების თაობაზე, რაც უზრუნველყოფს ცენტრალური აზიიდან საქართველოს გავლით ევროპაში ნავთობის ტრანზიტის განახლებას და მნიშვნელოვნად გაზრდის ჩვენი ქვეყნის ბიუჯეტის შემოსავლებს.განსაკუთრებით ხაზგასასმელია, რომ გაფორმდა ორმხრივი საკოორდინაციო საბჭოს პროტოკოლი, რომლითაც ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევა. ასევე, ძალიან მნიშვნელოვანია, რომ მხარეებს შორის მიღწეული გადაწყვეტილებით, 6-წლიანი პაუზის შემდეგ თბილისსა და ბაქოს შორის ყოველდღიური სამგზავრო სარკინიგზო მიმოსვლა მიმდინარე წლის 26 მაისს აღდგება.საქართველოსა და აზერბაიჯანს შორის ენერგეტიკულ სექტორში გაფორმებული ყოვლისმომცველი პაკეტი ისტორიული მნიშვნელობის შეთანხმებაა, რომელიც კიდევ უფროგააღრმავებს ქვეყნებს შორის ეკონომიკურ კავშირებს და გააძლიერებს საქართველოს ენერგეტიკულ უსაფრთხოებას.ენერგეტიკისა და ტრანსპორტის სექტორებში აზერბაიჯანთან სტრატეგიულ შეთანხმებებს მარიამ ქვრივიშვილთან ერთად ხელი მოაწერეს აზერბაიჯანის რესპუბლიკის ეკონომიკის მინისტრმა მიქაილ ჯაბაროვმა, ენერგეტიკის მინისტრმა ფარვიზ შაჰბაზოვმა და ციფრული განვითარებისა და ტრანსპორტის მინისტრმა რაშად ნაბიევმა.მარიამ ქვრივიშვილთან ერთად ბაქოში იმყოფებოდნენ მინისტრის მოადგილე თამარ იოსელიანი, ასევე, საქართველოს ნავთობისა და გაზის კორპორაციის, საქართველოს სახელმწიფო ელექტროსისტემისა და ესკოს ხელმძღვანელები.

1779110177

ამის შესახებ სლოვაკეთის ვიცე-პრემიერმა და გარემოს დაცვის მინისტრმა, ტომაშ ტარაბამ განაცხადა.„სლოვაკეთი ენერგომომარაგებების დივერსიფიკაციას ცდილობს და აზერბაიჯანი ჩვენთვის ძალიან საიმედო პარტნიორია. ერთადერთი კითხვაა, თუ როგორ მივაწოდოთ ენერგორესურსები ცენტრალურ ევროპას.საქმე იმაში არ არის, გვსურს თუ არა თქვენი ენერგორესურსების მიღება, არამედ იმაზე, თუ როგორ მივაწოდოთ ისინი ცენტრალურ ევროპას. ამჟამად განვიხილავთ, რომელი მილსადენების გამოყენება და რა რაოდენობით შეიძლება“, - თქვა მან.

1779099084

„მე მისთვის [აზერბაიჯანის პრეზიდენტისთვის] არც კი დამჭირვებია თხოვნა და ვიცოდი, რომ ის ევროპარლამენტთან თანამშრომლობას შეწყვეტდა. რადგან, მოგეხსენებათ, ევროპარლამენტის წარმომადგენლები ხშირად ამპარტავნულად იქცევიან, ლექციებს უკითხავენ მათ, ვინც მათზე უფრო წარმატებულები არიან“, - თქვა მან.ვუჩიჩმა ასევე განიხილა სერბეთსა და აზერბაიჯანს შორის მომავალი თანამშრომლობის ახალი ასპექტები და ხაზი გაუსვა ორი ქვეყნის ბიზნეს საზოგადოებებს შორის პირდაპირი კავშირების გაძლიერების, ორმხრივი ინვესტიციების სტიმულირებისა და კონკრეტულ პროექტებზე თანამშრომლობის გაფართოების მნიშვნელობას.

1779098785

კომპანიას დაევალა სანქციის სახით დაკისრებული 75 000 ლარის სახელმწიფო ბიუჯეტში გადახდა.დაჯარიმების საფუძველია სს „თელასის“ მიერ მაღალი ძაბვის საკაბელო ელექტროგადამცემი ხაზისა და სატრანსფორმატორო ქვესადგურის მოწყობისას უსაფრთხოებისა და ექსპლუატაციის ნორმების დარღვევა.კომისიის გადაწყვეტილებით, სს „თელასს“ დაფიქსირებული პრობლემის აღმოსაფხვრელად ვადა განესაზღვრა.

1778755967

ISAB იტალიისთვის სტრატეგიულ აქტივად ითვლება, რადგან ის უზრუნველყოფს სახელმწიფოს ნავთობგადამამუშავებელი სიმძლავრის 20%-ზე მეტს. G.O.I. Energy-მ ნავთობგადამამუშავებელი ქარხნა რუსული Lukoil-ისგან 2023 წლის მაისში შეიძინა.„ამ ტრანზაქციის შედეგად, სასიცოცხლოდ მნიშვნელოვანი ეროვნული მნიშვნელობის აქტივი იტალიის კონტროლს უბრუნდება“, - ნათქვამია Ludoil-ის განცხადებაში, რომელიც, სხვა საკითხებთან ერთად, რომის ფიუმიჩინოს აეროპორტს ავიაციის საწვავს ამარაგებს.ISAB იტალიაში ფლობს დიდ ნავთობქიმიურ კომპლექსს, რომელიც მოიცავს ნავთობგადამამუშავებელ ქარხნას, გაზიფიკაციის ქარხანას და ელექტროსადგურს.

1778751067

როგორც ცენტრის დირექტორის მოადგილე, ტექნიკის მეცნიერებათა დოქტორი, პროფესორი ნუგზარ ბერიძე აღნიშნავს, კურსი პასუხობს ენერგეტიკის დარგის თანამედროვე გამოწვევებს, ხელს უწყობს შრომის ბაზრის მოთხოვნებთან შესაბამისი სპეციალისტების მომზადება-გადამზადებას და წარმოადგენს მნიშვნელოვან კომპონენტს ელექტროენერგეტიკის სფეროში პროფესიული განათლების მიმართულებით.მისივე თქმით, ქვეყანაში მიმდინარე ახალი ჰიდროელექტროსადგურების, ქარისა და მზის ელექტროსადგურების პროექტების განხორციელება, არსებული ენერგოობიექტების რეაბილიტაცია და მოდერნიზაცია, მოითხოვს კადრებს, რომლებიც ერკვევიან თანამედროვე ტექნოლოგიებში, ავტომატიზაციისა და დისპეტჩერიზაციის სისტემებში.„ელექტროენერგია წარმოადგენს ეკონომიკის განვითარებისა და მოსახლეობის ცხოვრების ხარისხის უზრუნველყოფის ერთ-ერთ უმნიშვნელოვანეს საფუძველს. ენერგოსისტემების უწყვეტი და საიმედო ფუნქციონირება პირდაპირ არის დამოკიდებული ელექტროსადგურების ეფექტურ ოპერირებაზე, მართვასა და ტექნიკურ გამართულობაზე.ენერგეტიკის სექტორში მიმდინარე ტექნოლოგიური პროგრესი, განახლებადი ენერგიის წყაროების მზარდი ინტეგრაცია, ელექტროსადგურების ავტომატიზაციისა და ციფრული მართვის სისტემების დანერგვა მოითხოვს მაღალკვალიფიციურ კადრებს, რომლებიც ფლობენ როგორც თეორიულ ცოდნას, ისე პრაქტიკულ უნარებს ელექტროსადგურების ოპერირების მიმართულებით. ამასთან, ელექტროსადგურების ოპერირებისას განსაკუთრებული მნიშვნელობა ენიჭება ენერგოეფექტურობას, გარემოს დაცვასა და ავარიული სიტუაციების პრევენციას. ელექტროსადგურების ოპერატიული პერსონალისათვის აუცილებელია პროფესიული პასუხისმგებლობის, ტექნიკური აზროვნებისა და პრობლემების ანალიზის უნარების ჩამოყალიბება, რაც აუცილებელია თანამედროვე ენერგეტიკული სისტემის და ლიბერალური ელექტროენერგეტიკული ბაზრის ფარგლებში სხვადასხვა ტიპის ელექტროსადგურების ეფექტური ოპერირებისათვის”, - აღნიშნავს ნუგზარ ბერიძე.ენერგეტიკის სასწავლო ცენტრში მიმდინარე ელექტროსადგურების ოპერირების საფუძვლების შესახებ კურსის ტრენერებად მიწვეულნი არიან აკადემიური წრეების, ენერგეტიკული კომპანიებისა და მარეგულირებელი კომისიის მაღალი რანგის სპეციალისტები. კურსის პირველი ნაკადის ტრენინგები მიმდინარე წლის 21 აპრილს დაიწყო და 16 ივნისამდე გაგრძელდება.კურსის დასრულების შემდგომ მსმენელებს სერტიფიკატები გადაეცემათ.

1778681063

„თქვენ ახსენეთ „ლუკოილი“ და „როსნეფტი“ და მიზანი (ეს არ იმალება) არის ამ კომპანიების საერთაშორისო ბიზნესიდან ამოღება. ცდილობენ „ლუკოილის“ და „როსნეფტის“ გაყვანას გლობალური ბაზრებიდან, მათ შორის აფრიკიდან. იქ ბევრი აქტივი იყო, განსაკუთრებით „ლუკოილის“, მაგრამ ასევე „როსნეფტის“, მათ შორის ჩრდილოეთ აფრიკაში. ბალკანეთის ნახევარკუნძულზე კი, სადაც ჩვენი კომპანიებიც ოპერირებდნენ, კარგი ბიზნესი გვქონდა.მსოფლიოს სხვა ნაწილების გათვალისწინებით, მე ვახსენე ვენესუელა, რომელთანაც „როსნეფტი“ თანამშრომლობდა. ახლა ამერიკელებს სურთ ამ თანამშრომლობის ხელში ჩაგდება. ნაკლებად სავარაუდოა, რომ ეს თანასწორი პარტნიორობა იყოს“, - დასძინა რუსმა მინისტრმა.როგორც ლავროვმა საუბრისას ხაზი გაუსვა, შეერთებულმა შტატებმა მიიღო დოქტრინული დოკუმენტების სერია, რომელთაგან ერთ-ერთის მეშვეობით აცხადებს შეერთებული შტატების მიერ გლობალურ ენერგეტიკულ ბაზრებზე დომინირების აუცილებლობას.„ვენესუელა - ახლა არავის ახსოვს, რომ, როგორც აღმოჩნდა, შეერთებული შტატების მიერ ჩატარებული ოპერაცია მიზნად ისახავდა ნარკოტიკებით ვაჭრობის ქსელის განადგურებას, რომელსაც, სავარაუდოდ, პრეზიდენტი ნიკოლას მადურო მართავდა. ახლა ყველა ღიად ამბობს, რომ ვენესუელა თანამშრომლობს შეერთებულ შტატებთან და რომ მისი ეროვნული ნავთობკომპანია მომავალ ოპერაციებს შეერთებულ შტატებთან კოორდინაციით აწყობს“, - განაცხადა რუსეთის საგარეო საქმეთა მინისტრმა.

1778664404

„ყაზტრანსოილის“ ცნობით, აპრილში „დრუჟბას“ მილსადენის მეშვეობით გერმანიაში ყაზახეთის ნავთობის ექსპორტმა 290 000 ტონა შეადგინა.გასულ თვეში გერმანიაში ყოველდღიური მიწოდება 43%-ით გაიზარდა მარტში მაჩვენებელ 210 000 ტონასთან შედარებით.ყაზახეთის მწარმოებლებმა აპრილში გერმანიაში ექსპორტი გაზარდეს, სანამ ამ მარშრუტით ნედლი ნავთობის გადაზიდვები შეჩერდებოდა მიმდინარე წლის 1 მაისს. 2026 წლის პირველ ოთხ თვეში გერმანიაში სულ 1,020 მილიონი ტონა ყაზახური ნავთობი იქნა მიწოდებული, გასული წლის ანალოგიურ პერიოდში კი ეს მაჩვენებელი 0,537 მილიონი ტონა იყო.

1778663640

„მსგავსი მასშტაბური პროექტების განხორციელება განსაკუთრებით მნიშვნელოვანია ისეთი რეგიონებისთვის, როგორიც შიდა ქართლია. დონორი ორგანიზაციების მხარდაჭერით მიმდინარე სამუშაოები მნიშვნელოვნად შეუწყობს ხელს აგროსექტორის განვითარებას. ტაშისკარის სარწყავი სისტემის რეაბილიტაციის შედეგად გაიზრდება სარწყავი ფართობები და გაუმჯობესდება წყლის მიწოდების ხარისხი“, - აღნიშნა გიგლა თამაზაშვილმა.ტაშისკარის სარწყავი სისტემა ხაშურისა და ქარელის მუნიციპალიტეტებში დაახლეობით 7000 ჰექტარ სასოფლო-სამეურნეო მიწას ემსახურება.პროექტის ფარგლებში დაგეგმილია საირიგაციო და სადრენაჟე სისტემების სრული რეაბილიტაცია, მაგისტრალური არხის გამტარუნარიანობის გაზრდა, თამარაშენის არხის განახლება და 3120 ჰექტარზე გამანაწილებელი ქსელის მოდერნიზაცია. ასევე მოეწყობა თანამედროვე ნატანდამჭერი გისოსები, წყალმიმღები აუზები ფერმერების სატუმბი სისტემებისთვის, არხის გამშვებები აღიჭურვება SCADA სისტემით და დამონტაჟდება 84 წყალმზომი სადგური.პროექტი ხორციელდება მსოფლიო ბანკთან პარტნიორობით, საქართველოს მდგრადი სოფლის მეურნეობის, ირიგაციის და მიწის პროექტის (GRAIL) ფარგლებში. მისი დასრულების შემდეგ მნიშვნელოვნად გაუმჯობესდება მიწების სამელიორაციო მდგომარეობა და მცირე ფერმერებს მიეცემათ შესაძლებლობა, უფრო მაღალი მოსავლიანობის მქონე კულტურები აწარმოონ.

1778499426