საქსტატის ცნობით, 2025 წელს სამუშაო ძალის მონაწილეობის დონე, წინა წელთან შედარებით, 0.3 პროცენტული პუნქტით შემცირდა და 54.5 პროცენტი შეადგინა, ხოლო დასაქმების დონე 0.2 პროცენტული პუნქტით შემცირდა და 46.9 პროცენტი შეადგინა. სამუშაო ძალის მონაწილეობის დონე ქალაქის ტიპის დასახლებებში 0.5 პროცენტული პუნქტით შემცირდა, ხოლო სოფლის ტიპის დასახლებებში უცვლელი დარჩა. დასაქმების დონე ქალაქის ტიპის დასახლებებში 1.2 პროცენტული პუნქტით შემცირდა, ხოლო სოფლის ტიპის დასახლებებში 1.1 პროცენტული პუნქტით გაიზარდა და, შესაბამისად, 47.3 პროცენტსა და 46.3 პროცენტს შეადგენს.ამასთან, უწყების ანგარიშით, 2025 წელს დაქირავებულთა წილი დასაქმებულთა საერთო რაოდენობის 69.3 პროცენტს შეადგენდა, რაც 0.8 პროცენტული პუნქტით მეტია წინა წელთან შედარებით. 2025 წელს უმუშევრობის დონე ქალაქის ტიპის დასახლებებში, წინა წელთან შედარებით, 1.3 პროცენტული პუნქტით გაიზარდა, ხოლო სოფლის ტიპის დასახლებებში 2.1 პროცენტული პუნქტით შემცირდა. წინა წელთან შედარებით, 2025 წელს უმუშევრობის დონე ყველაზე მეტად შემცირდა რაჭა-ლეჩხუმისა და ქვემო სვანეთის, ასევე ქვემო ქართლის და გურიის რეგიონებში, შესაბამისად 3.1, 2.9 და 2.0 პროცენტული პუნქტით.საქსტატის ინფორმაციით, უმუშევრობის დონე ტრადიციულად მაღალია კაცებში, ქალებთან შედარებით. 2025 წელს აღნიშნული მაჩვენებელი ქალებში 0.2 პროცენტული პუნქტით გაიზარდა, ხოლო კაცებში 0.3 პროცენტული პუნქტით შემცირდა.სამუშაო ძალის მონაწილეობის დონე უფრო მაღალია კაცებში, ვიდრე ქალებში. 2025 წელს აღნიშნული მაჩვენებელი ქალებში – 44.2 პროცენტს, ხოლო კაცებში 66.3 პროცენტს შეადგენდა. წინა წელთან შედარებით სამუშაო ძალის მონაწილეობის დონე ქალებში 0.7 პროცენტული პუნქტით შემცირდა, ხოლო კაცებში 0.1 პროცენტული პუნქტით გაიზარდა.ამასთან, 2025 წელს, წინა წელთან შედარებით, დასაქმების დონე ქალებში 0.7 პროცენტული პუნქტით შემცირდა, ხოლო კაცებში 0.2 პროცენტული პუნქტით გაიზარდა.2025 წელს უმუშევრობის დონე ყველაზე მაღალია 15-19 წლის ასაკობრივ ჯგუფში (39.0 პროცენტი), ხოლო ყველაზე დაბალი – 65 წლის და უფროსი ასაკის მოსახლეობაში (3.5 პროცენტი), რის უმთავრეს მიზეზს წარმოადგენს შესაბამის ასაკობრივ ჯგუფში აქტიურობის დაბალი მაჩვენებელი.

1778486647

როგორც პრემიერმა აღნიშნა, ეკონომიკის ზრდა პირდაპირ აისახება საშუალო ხელფასის ზრდაზე, სიღარიბის შემცირებაზე, სახელმწიფო ბიუჯეტის ზრდაზე და შესაბამისი პროგრამების გაფართოებაზე.„გვაქვს ორნიშნა მაჩვენებელი ეკონომიკის ზრდის. პირველი კვარტლის მონაცემებით საშუალოდ ეკონომიკა გაიზარდა 9.1%-ით და ეს ყველაფერი უზრუნველყოფილია კრიზისის ფონზე, რომელიც არის შექმნილი რეგიონში. გვაქვს ახალი, ურთულესი კრიზისი ახლო აღმოსავლეთში, რაც აისახება ჩვენს ქვეყანაზეც, მათ შორის ტურიზმის მიმართულებით. ამ კრიზისის და შესაბამისი გამოწვევების მიუხედავად ჩვენ მოვახერხეთ და შევინარჩუნეთ ზრდის მაღალი ტემპი.ერთ-ერთი მიზეზი, ამას ცალკე ხაზგასმით აღვნიშნავ, არის ის, რომ შარშან ჩვენ წარმატებით დავიწყეთ ბრძოლა კორუფციის წინააღმდეგ, რაც პირდაპირ აისახა ეკონომიკური ზრდის ტენდენციებზე. შარშან ჩვენი ეკონომიკური ზრდა იყო 7.5% და წელს, პირველი კვარტლის მონაცემებით გვაქვს გაუმჯობესებული შედეგები და ამან მოგვცა კონკრეტული ხელშესახები შედეგები სხვადასხვა მიმართულებით. ეკონომიკის ზრდა პირდაპირ აისახება საშუალო ხელფასის ზრდაზე, სიღარიბის შემცირებაზე, სახელმწიფო ბიუჯეტის ზრდასა და შესაბამისი პროგრამების გაფართოებაზე. ჩვენი მთავარი ამოცანაა შევინარჩუნოთ ეკონომიკური ზრდის მაღალი ტემპი, რისთვისაც მთავრობა ძალისხმევას მომავალშიც არ დაიშურებს“, - განაცხადა პრემიერმა.მისივე თქმით, სავალუტო რეზერვებმა მიაღწია რეკორდულ ნიშნულს 6,47 მილიარდ დოლარს.„დადებითი ტენდენციების ფონზე საქართველოს ეროვნულმა ბანკმა დამატებით აპრილის თვეში სავალუტო რეზერვები შეავსო 154,2 მილიონი დოლარით. შესაბამისად, რეზერვებმა მიაღწია რეკორდულ ნიშნულს 6,47 მილიარდ დოლარს. ლარის კურსი ინარჩუნებს სტაბილურობას. ამ ყველაფრისთვის მადლობა უნდა გადავუხადოთ მთლიანად ეკონომიკურ გუნდს, ჩვენი მთავრობის ეკონომიკურ გუნდს, ეროვნულ ბანკს, ეროვნული ბანკის პრეზიდენტს. მომავალშიც აქტიურად ვიმუშავებთ ყველა მიმართულებით იმისათვის, რომ შევინარჩუნოთ ეკონომიკური ზრდის მაღალი ტემპი, ფისკალური კონსოლიდაციის მაღალი მაჩვენებლები, შევავსოთ დამატებით ჩვენი სავალუტო რეზერვები, ამისათვის გაკეთდება მაქსიმუმი“, - განაცხადა პრემიერ-მინისტრმა.

1778239544

როგორც ლაშა აბაშიძე აცხადებს, ორ ქვეყანას შორის ტვირთბრუნვის პოზიტიური დინამიკა ფიქსირდება.„თურქმენეთის რკინიგზა ჩვენი მნიშვნელოვანი პარტნიორია. წელს საკმაოდ კარგი შედეგები გვაქვს - ტვირთბრუნვის დინამიკა მზარდია. ვფიქრობთ, რომ არსებობს პოტენციალი ეს მაჩვენებელი კიდევ უფრო გავაუმჯობესოთ. ვვარაუდობთ, რომ მიმდინარე წელს თურქმენეთთან ტვირთბრუნვის მოცულობა მნიშვნელოვნად გაიზრდება“, - აცხადებს ლაშა აბაშიძე.

1778223235

მისივე განცხადებით, საკვანძო სეგმენტებში სესხებზე არსებული ძლიერი მოთხოვნა აძლევს ჯგუფს შესაძლებლობას, მაქსიმალურად გამოიყენოს ეს ხელსაყრელი საპროცენტო გარემო, რაც ხელს შეუწყობს ჯგუფის წმინდა საპროცენტო შემოსავლის ზრდას.ამავე დროს, მისი თქმით, ვალუტის კურსის შედარებით დაბალი მერყეობა სავალუტო ოპერაციებიდან მიღებული შემოსავლების შემცირებას იწვევს.გაჩეჩილაძის თქმით, საქართველოსა და სომხეთში მაკროეკონომიკური პირობები 2026 წლის დასაწყისში კვლავ ძლიერი იყო, რასაც მხარს უჭერდა მყარი შიდა მოთხოვნა და გარე შემოდინებების მდგრადობა. “ორივე ეკონომიკის სტაბილურობისა და წლის დასაწყისში დაფიქსირებული ძლიერი შედეგების გათვალისწინებით, ჩვენ 2026 წლის რეალური ეკონომიკური ზრდის პროგნოზები გავზარდეთ საქართველოსთვის 7%-მდე, ხოლო სომხეთისთვის 6%-მდე”, - აცხადებს ის.მიუხედავად იმისა, რომ ახლო აღმოსავლეთში კონფლიქტის ესკალაციამ შესაძლოა მოკლევადიან პერსპექტივაზე გავლენა იქონიოს, ძირითადად ენერგეტიკული ბაზრების მერყეობისა და ინფლაციის ზრდის გზით, ორივე ეკონომიკა კვლავაც მყარ მდგომარეობაში რჩება, რასაც ხელს უწყობს მნიშვნელოვანი რეზერვები, გონივრული ფისკალური პოლიტიკა და სანდო მონეტარული მართვა, - აღნიშნავს ჯგუფის CEO და კონფლიქტის დადებით მხარესაც უსვამს ხაზს „ხანგრძლივმა კონფლიქტმა შესაძლოა დამატებითი დადებითი ეფექტიც გამოიწვიოს შუა დერეფნის მიმართულებით, ასევე კაპიტალისა და ტურისტული ნაკადების გადანაწილების კუთხით”.

1778157217

მისი თქმით, ქვეყნის ეკონომიკა სტაბილურად იზრდება, თუმცა რეგიონში არსებული ვითარების ფონზე იმპორტირებულ ინფლაციასთან დაკავშირებული გამოწვევები კვლავ რჩება. ვლადიმერ პაპავა აცხადებს, რომ სებ-ი განაგრძობს გონივრული მონეტარული პოლიტიკის გატარებას და რომ დღეს მიღებული გადაწყვეტილების მიზანი ინფლაციური მოლოდინების სტაბილიზაცია და ნორმალიზებაა, რათა სამომავლოდ ინფლაციაზე დამატებითი ზეწოლა თავიდან იქნეს აცილებული.„იმისათვის, რომ ინფლაცია არ გაიზარდოს, რა უნდა გააკეთოს ქვეყნის ცენტრალურმა ბანკმა, ჩვენს შემთხვევაში საქართველოს ეროვნულმა ბანკმა? თუ არ არსებობს ნავთობპროდუქტების მიწოდების გაზრდის შესაძლებლობა, მან უნდა მოთოკოს მოთხოვნა. მოთხოვნის მოთოკვის მიზნით მან მონეტარული პოლიტიკის განაკვეთი 8%-დან 8.25%-მდე გაზარდა. ანუ მონეტარული პოლიტიკის განაკვეთი იზრდება 0.25%-ით. ეს სავსებით მისაღებია, იმის გათვალისწინებით, რომ ეროვნული ბანკის ხელთ არსებული ინსტრუმენტების ბაზაზე ინფლაცია ქვეყანაში არ გახდეს უფრო მაღალი, ვიდრე ამ ეტაპზე არის. აქ გასათვალისწინებელია, რომ მარტში დაფიქსირდა საკმაოდ მაღალი ეკონომიკური აქტიურობა. მარტში წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 10.7% შეადგინა, ხოლო I კვარტალის საშუალო რეალური ზრდა 9.1%-ით განისაზღვრა. რაზე მეტყველებს ეს ყველაფერი? რომ ქვეყნის ეკონომიკაში კრიზისული ვითარება შეიქმნას, უბრალოდ არ არსებობს. პრობლემაა იმპორტირებულ ინფლაციასთან დაკავშირებით. სწორედ იმპორტირებული ინფლაციის მეტ-ნაკლებად რეგულირების თვალსაზრისით მოხდა მონეტარული პოლიტიკის განაკვეთის ზრდა“, - აღნიშნა ვლადიმერ პაპავამ.ვლადიმერ პაპავას შეფასებით, თუ ახლო აღმოსავლეთში კონფლიქტი მაისში დასრულდება და ჰორმუზის სრუტე გაიხსნება, საქართველოს ეროვნულ ბანკს 17 ივნისის სხდომაზე მონეტარული პოლიტიკის შერბილების მეტი შესაძლებლობა ექნება, თუმცა პროცესის გაჭიანურების შემთხვევაში ასეთი გადაწყვეტილება ნაკლებად მოსალოდნელია. მისივე შეფასებით, ირანის გარშემო შექმნილმა რთულმა გეოპოლიტიკურმა ვითარებამ, მათ შორის ჰორმუზის სრუტის ბლოკირებამ, ნავთობის გლობალური მიწოდების დაახლოებით 20%-იანი შემცირება და ენერგორესურსებზე ფასების მკვეთრი ზრდა გამოიწვია, რაც ჯაჭვური ეფექტით მსოფლიო ეკონომიკაში ინფლაციური წნეხის გაძლიერებას იწვევს. „სწორედ ამიტომ არის მნიშვნელოვანი, რომ ინფლაციამ ბოლო პერიოდში დაფიქსირებულ დონეს არ გადააჭარბოს. არსებული ვითარება ქვეყნისთვის არახელსაყრელია, რადგან აპრილში მთლიანი ინფლაცია მიზნობრივი 3%-იანი მაჩვენებლიდან გადაიხარა, თუმცა საბაზო ინფლაცია კვლავ მიზნობრივ დონესთან ახლოს რჩება და 3.2%-ს შეადგენს“, - აღნიშნა ვლადიმერ პაპავამ.

1778067053

აფბას შეფასებით ეროვნული ბანკი ინფლაციური პროცესების საპასუხოდ სწრაფად და დროულად რეაგირებს. გეოპოლიტიკური გაურკვევლობისა და საერთაშორისო ბაზრებზე ენერგომატარებლებზე მკვეთრად გაზრდილი ფასების ფონზე, მონეტარული პოლიტიკის გამკაცრება წარმოადგენს ეფექტურ და მიზნობრივ ნაბიჯს, რომელიც მიმართულია ინფლაციური რისკების შეკავებისკენ.აფბას შეფასებითვე, რომ აპრილში დაფიქსირებული 5.9%-იანი ინფლაცია და გაძლიერებული საგარეო შოკები ქმნიდა ობიექტურ წინაპირობას მონეტარული პოლიტიკის გამკაცრებისთვის. ამასთან, ხაზგასასმელია, რომ მიმდინარე ეტაპზე ფასების ზრდა ძირითადად განპირობებულია საგარეო, ეგზოგენური ფაქტორებით და არა შიდა მოთხოვნის ჭარბი ზრდით. კერძოდ, ახლო აღმოსავლეთში მიმდინარე პროცესებმა საერთაშორისო ბაზრებზე ენერგორესურსების მნიშვნელოვანი გაძვირება გამოიწვია, რაც პირდაპირ აისახება იმპორტირებული პროდუქციის თვითღირებულებაზე. აღნიშნულ წნეხს ამძაფრებს შიდა ფაქტორებიც, მათ შორის ელექტროენერგიის ტარიფებისა და საწვავის ფასების ზრდა, რაც ზრდის წარმოების ხარჯებს და საბოლოოდ აისახება სამომხმარებლო ფასებზე. აფბას შეფასებით, მიუხედავად იმისა, რომ ინფლაციის ძირითადი წყარო საგარეო ფაქტორებია, მონეტარული პოლიტიკის გამკაცრება მნიშვნელოვან როლს ასრულებს ინფლაციური მოლოდინების მართვაში.ორგანიზაციის განცხადებით, გლობალური გაურკვევლობის პირობებში, საქართველოს ეროვნული ბანკის მიერ არჩეული „ფრთხილი, თუმცა მკაცრი“ მონეტარული პოლიტიკა წარმოადგენს აუცილებელ ინსტრუმენტს როგორც ფასების სტაბილურობის უზრუნველსაყოფად, ისე გრძელვადიანი მაკროეკონომიკური სტაბილურობის შესანარჩუნებლად.

1778062777

აპრილში ინფლაციის დონემ 5.9%-ს მიაღწია, რაც მისი შეფასებით, ძირითადად გეოპოლიტიკური კრიზისის შედეგად ნავთობის ფასების ზრდამ და მიწოდების ჯაჭვების დაზიანებამ გამოიწვია.„მასშტაბურმა საომარმა მოქმედებებმა ახლო აღმოსავლეთში, რასაც საერთაშორისო ვაჭრობის ერთ-ერთი ძირითადი არტერიის – ორმუზის სრუტის ჩაკეტვა მოჰყვა, მიწოდების გლობალური შოკი წარმოქმნა. ენერგორესურსების მკვეთრი გაძვირება და მიწოდების ჯაჭვების შემდგომი რღვევის რისკი უკვე აისახა მსოფლიო ფასებზე და მნიშვნელოვანი გავლენა მოახდინა ფასების დინამიკაზე საქართველოშიც“ – აღნიშნა კაკულიამ.მერაბ კაკულია მიიჩნევს, რომ ამ ფონზე დამაიმედებელია ის გარემოება, რომ ხისტი ფასების ინდიკატორები (საბაზო ინფლაცია, მომსახურების ინფლაცია), რომლებიც იმის დასადგენად გამოიყენება, თუ რამდენად ნელა, ან ინერტულად რეაგირებენ ფასები მოთხოვნის, ან მიწოდების შოკებზე, გარკვეული ზრდის მიუხედავად, ინფლაციის მიზნობრივ მაჩვენებელთან ახლოსაა.„ამიტომ, შეიძლება ვივარაუდოთ, რომ დღეის მდგომარეობით, საქმე გვაქვს დროებით შოკთან და არა – სტრუქტურულ ინფლაციასთან, რომელიც ხანგრძლივად ნარჩუნდება. ხისტი ფასების მიზნობრივ მაჩვენებელთან სიახლოვე მიუთითებს, რომ ინფლაციური მოლოდინები შედარებით სტაბილურია და მეორე რიგის ეფექტები (მაგ, ხელფასი-ფასების სპირალი) ჯერჯერობით სუსტია. ასეთ ვითარებაში მონეტარული პოლიტიკის ზომიერი გამკაცრება, სხვა მაკროეკონომიკური ინდიკატორების (მაგ. რეალური მშპ-ის ზრდის მაღალი ტემპის) გათვალისწინებით, არგუმენტირებულ გადაწყვეტილებად შეიძლება ჩაითვალოს“, – აღნიშნავს მერაბ კაკულია.

1778059610

მისი თქმით, ცენტრალური ბანკები შედარებით მკაცრი მონეტარული პოლიტიკიდან გამოსვლას გლობალური შოკების გამო, რაც გეოპოლიტიკური სიტუაციიდან გამომდინარეობს, ჯერ კიდევ ვერ ახერხებენ."საქართველოს ეროვნული ბანკის მიერ მონეტარული პოლიტიკის გამკაცრება, მზარდი ინფლაციისა და არსებული გეოპოლიტიკური არასტაბილურობის ფონზე, მართებული ნაბიჯია. ეროვნული ბანკი პრევენციის რეჟიმშიც უნდა მუშაობდეს და დღევანდელი გადაწყვეტილება, 0.25 პროცენტული პუნქტით, 8.25%-მდე განაკვეთის გაზრდა, სწორედ პრევენციულად მუშაობის ერთ-ერთი გამოხატულებაა. ზოგადად, რომ გადავხედოთ ცენტრალური ბანკების მიერ ბოლო პერიოდში გატარებულ მონეტარული პოლიტიკის პრაქტიკას, დავინახავთ, რომ სხვადასხვა ქვეყნების ცენტრალური ბანკები მკაცრი მონეტარული პოლიტიკის პრაქტიკიდან გამოსვლას ვერ რისკავენ, რადგან მსოფლიოში გეოპოლიტიკური მოვლენები სწრაფად იცვლება.მაგალითად, ევროპის ცენტრალურმა ბანკმა (ECB) რეფინანსირების განაკვეთი უცვლელად დატოვა. ჩვენს მეზობელ აზერბაიჯანში იგივე გადაწყვეტილება მიიღეს და ქვეყნის ცენტრალურმა ბანკმა მონეტარული პოლიტიკის განაკვეთი უცვლელად, 6.5%-ზე შეინარჩუნა. თურქეთმა, სადაც უკვე წლებია ორნიშნა განაკვეთია, უცვლელად 37%-ზე დატოვა. უცვლელად დატოვების გადაწყვეტილება მიიღო ინგლისმა, იაპონიამ და ა.შ.ასე რომ, საქართველოში აპრილში დაფიქსირებული გაზრდილი, 5.9%-იანი ინფლაციის და ეგზოგენური ფაქტორების გათვალისწინებით, მონეტარული პოლიტიკის შემცირების მოლოდინი საქართველოში ნაკლებად თუ ვინმეს ექნებოდა", - აღნიშნა აფბას ანალიტიკოსმა, ბაჩანა ჯინჭარაძემ.შეგახსსენებთ, რომ საქართველოს ეროვნული ბანკის მონეტარული პოლიტიკის კომიტეტმა 2026 წლის 6 მაისის სხდომაზე მონეტარული პოლიტიკის განაკვეთი 0.25 პროცენტული პუნქტით გაზარდა. მონეტარული პოლიტიკის განაკვეთი 8.25 პროცენტს შეადგენს.

1778059425

სებ-ის პრეზიდენტის ნათია თურნავას განცხადებით, განსაკუთრებული ინფლაციური წნეხი მომდინარეობს მსოფლიო ნავთობისა და ნავთობპროდუქტების ბაზრიდან.„თუ დავაკვირდებით აპრილის თვის ინფლაციის მაჩვენებელს საქართველოში, აქაც დიდწილად სწორედ გარე ბაზრებიდან - ნავთობისა და ნავთობპროდუქტების ფასებიდან მომდინარე ეფექტები იყო, რომელმაც ძალიან დიდი კონტრიბუცია შეიტანა ინფლაციაში. აქედან გამომდინარე, ჩვენც ვკონცენტრირდებით იმაზე, რომ უკეთ ვმართოთ ინფლაციური მოლოდინები“, - აღნიშნა სებ-ის პრეზიდენტმა.მისივე თქმით, ეს მოლოდინები და რისკები ნათელია მთელი მსოფლიოსთვის და მათ შორის საქართველოსთვის, რომელიც ნავთობისა და ნავთობპროდუქტების იმპორტიორი ქვეყანაა. როგორც ნათია თურნავამ აღნიშნა, ასევე არავინ იცის, თუ რამდენ ხანს გაგრძელდება ახლო აღმოსავლეთში მიმდინარე კონფლიქტი და როგორი იქნება შემდგომი ფასების მერყეობა გარე ბაზრებზე.„აქედან გამომდინარე მივიღეთ გადაწყვეტილება, რომ თუნდაც მცირე ბიჯით გაგვეზარდა რეფინანსირების განაკვეთი, რაც ატარებს მკვეთრად გამოხატულ პრევენციულ ხასიათს.ეს არის ინფლაციური წნეხის, ინფლაციური რისკების ჩვენზე გადმოცემის პრევენცია. სწორედ ამიტომ კონცენტრირებული ვართ ინფლაციური მოლოდინების სტაბილიზაციასა და ნორმალიზებაზე, რათა შემდგომშიც არ ვიხილოთ ამ კუთხით მზარდი ზეწოლა და დავაზღვიოთ სტაბილური ფასების დონე. ასევე დავაზღვიოთ, რომ პირველი შესაძლებლობისთანავე ჩვენი ინფლაციის მაჩვენებელი ეტაპობრივად დაუბრუნდეს მიზნობრივ 3%-ს, როგორც ეს იყო ნავარაუდევი ახლო აღმოსავლეთში შეიარაღებული კონფლიქტისა და ნავთობის ფასების ზრდის დაწყებამდე“, - აღნიშნა სებ-ის პრეზიდენტმა.

1778057444

ეროვნული ბანკის ცნობით, ახლო აღმოსავლეთში გამწვავებული გეოპოლიტიკური ვითარებისა და ჰორმუზის სრუტის გავლით ტრანსპორტირების მნიშვნელოვანი შეფერხებების გახანგრძლივებამ გლობალურად ინფლაციის მორიგი მიწოდების შოკი წარმოქმნა. საერთაშორისო ბაზრებზე ნედლეული ენერგორესურსების ფასების მკვეთრი ზრდა გლობალურად ინფლაციის ზრდაში უკვე აისახა. ამავდროულად, გეოპოლიტიკური მდგომარეობა საერთაშორისო ტრანსპორტირებას აფერხებს და მიწოდების ჯაჭვების რღვევის რისკებს აძლიერებს. ეს კი, თავის მხრივ, წარმოების ხარჯებს აძვირებს, რაც დამატებითი ინფლაციის წყარო შესაძლოა გახდეს. ზემოაღნიშნული ნავთობის ფასების გაძვირების პირდაპირი ეფექტი საქართველოს ბაზარზეც საწვავის ფასებში უკვე აისახა.აღნიშნული მიწოდების შოკების პირდაპირი და არაპირდაპირი ეფექტების ერთობლიობის შედეგად, აპრილში, მთლიანი ინფლაცია მიზნობრივი 3-პროცენტიანი დონიდან გადაიხარა და 5.9 პროცენტი შეადგინა. ამავდროულად, შედარებით ხისტი ფასების ინდიკატორები, რომლებიც უკეთ ასახავს გრძელვადიან ინფლაციურ პროცესებსა და ინფლაციურ მოლოდინებს, ბოლო პერიოდში დაჩქარდა, რამაც მეორე რაუნდის რისკები უფრო საყურადღებო გახადა. თუმცა დაჩქარების მიუხედავად, ინდიკატორები კვლავ მიზნობრივ მაჩვენებელთან ახლოს არის. კერძოდ, საბაზო ინფლაციამ (სურსათის, ენერგომატარებლებისა და თამბაქოს გამორიცხვით) აპრილში 3.2 პროცენტი, ხოლო მომსახურების ინფლაციამ 3.7 პროცენტი შეადგინა.მიუხედავად მწვავე გეოპოლიტიკური შოკებისა, საქართველოს ეკონომიკა ინარჩუნებს მდგრადობას და ეკონომიკური ზრდა კვლავ მაღალ დონეზე რჩება. წინასწარი მონაცემებით, 2026 წლის მარტში ეკონომიკური აქტივობის ზრდამ 10.7 პროცენტი, ხოლო პირველ კვარტალში 9.1 პროცენტი შეადგინა. ამასთანავე, ეკონომიკური ზრდის მნიშვნელოვანი მამოძრავებელი კვლავ მაღალპროდუქტიული სექტორებია, რაც მოთხოვნის მხრიდან მომდინარე ინფლაციურ წნეხს ნაწილობრივ აბალანსებს.სებ-ის განახლებული ცენტრალური სცენარი მოიაზრებს ახლო აღმოსავლეთში მიმდინარე ომის მეორე კვარტალში დასრულებას. თუმცა აღნიშნული დაშვება პირობითია და მაღალი გაურკვევლობით ხასიათდება. ამასთან, იმ შემთხვევაშიც კი, თუ გეოპოლიტიკური ვითარების დეესკალაცია აღნიშნულ პერიოდში მართლაც განხორციელდა, გლობალური მიწოდების სიმძლავრეების აღდგენის ხანგრძლივობა დამატებით გაურკვევლობასთან არის დაკავშირებული. შესაბამისად, ინფლაციაზე ზრდის მიმართულებით მოქმედი რისკები უფრო მეტად გამოკვეთილია. თუმცა, ასევე, ნარჩუნდება ცენტრალურ სცენართან შედარებით გეოპოლიტიკურის ვითარების უფრო სწრაფად დეესკალაციის შესაძლებლობაც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. მაღალინფლაციური სცენარი მოიაზრებს, გეოპოლიტიკური ვითარების უფრო მეტად გახანგრძლივებასა და გამწვავებას. ამის ფონზე, საერთაშორისო ბაზარზე სასაქონლო ფასები უფრო მეტად გაიზრდება და მიწოდების ჯაჭვების რღვევა ფართომაშტაბიანი გახდება. შედეგად საქართველოშიც მიწოდების მხრიდან მომდინარე ინფლაციური შოკი გაძლიერდება, რაც მეორე რიგის ეფექტებს გაამწვავებს და საბოლოოდ ინფლაცია ცენტრალურად სცენართან შედარებით მაღალი იქნება.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ახლო აღმოსავლეთში მიმდინარე მწვავე გეოპოლიტიკური ვითარების სწრაფი დეესკალაციის პირობებში, საერთაშორისო სასაქონლო ბაზრებზე ფასებზე წნეხი შერბილდება. ამასთანავე, გლობალური მიწოდების ჯაჭვებში არსებული შეფერხებების რისკები მნიშვნელოვნად შემცირდება, რაც საერთაშორისო ტრანსპორტირების ხარჯების კლებაში აისახება და, საბოლოოდ, გლობალურ ინფლაციურ წნეხს შეარბილებს.მიმდინარე მაკროეკონომიკური ანალიზისა და არსებული რისკების განხილვის შედეგად, მპკ-მ ოპტიმალურად მიიჩნია პოლიტიკის განაკვეთის 0.25 პპ-ით 8.25 პროცენტამდე ზრდა. აღნიშნული გადაწყვეტილება მიმართულია ინფლაციური მოლოდინების მიზნობრივ მაჩვენებელთან სტაბილურად შენარჩუნებისკენ. მონეტარული პოლიტიკის ზომიერი გამკაცრება, თავის მხრივ, ამცირებს მეორე რიგის ეფექტების რისკებს და მიზნად ისახავს, რომ, მიწოდების მხრიდან მოქმედი შოკის ამოწურვის შემდგომ, ინფლაცია მიზნობრივ სამპროცენტიან დონეს სწრაფად დაუბრუნდეს. სებ აქტიურად განაგრძობს დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები კიდევ უფრო გახანგრძლივდება და/ან მათი მასშტაბი მეორე რაუნდის ეფექტების რისკებს გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს. ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას.მონეტარული პოლიტიკის კომიტეტის შემდეგი სხდომა 2026 წლის 17 ივნისს ჩატარდება.ინფორმაციას ეროვნული ბანკი ავრცელებს.

1778055450