შეხვედრაზე საქართველოსა და IFAD-ს შორის მრავალწლიანი თანამშრომლობის შემდგომი განვითარების და სამომავლო პარტნიორობის ძირითადი მიმართულებები განიხილეს. განსაკუთრებული ყურადღება დაეთმო მდგრადი საძოვრების მართვას, კლიმატის ცვლილებასთან ადაპტაციას, მეცხოველეობის განვითარებასა და სოფლად მცხოვრები მოსახლეობის ეკონომიკური შესაძლებლობების გაძლიერებას.„საქართველოსთვის, სოფლის მეურნეობის განვითარების საერთაშორისო ფონდთან თითქმის სამი ათწლეულის განმავლობაში არსებული პარტნიორობა განსაკუთრებით მნიშვნელოვანია. ჩვენი თანამშრომლობა ხელს უწყობს სოფლის ეკონომიკის გაძლიერებას, ფერმერებისთვის ახალი შესაძლებლობების შექმნასა და კლიმატის ცვლილების მიმართ სოფლის მეურნეობის მდგრადობის ამაღლებას. ამასთან, მნიშვნელოვანია საძოვრების მდგრადი მართვის მიმართულებით თანამშრომლობის გაგრძელება”, - განაცხადა დავით სონღულაშვილმა.საქართველოსა და IFAD-ს შორის თანამშრომლობა 1997 წელს დაიწყო. ამ პერიოდში IFAD-მა საქართველოში სოფლის განვითარებისთვის დაახლოებით 70 მილიონი აშშ დოლარის ინვესტიცია განახორციელა. თანამშრომლობა მოიცავს სოფლის მეურნეობის დაფინანსებაზე ხელმისაწვდომობის გაუმჯობესების, ინფრასტრუქტურის განვითარების, ბაზრებზე წვდომის, ღირებულებათა ჯაჭვების გაძლიერების, მიწის რეგისტრაციისა და კლიმატგონივრული სოფლის მეურნეობის მიმართულებებს.შეხვედრას გარემოს დაცვისა და სოფლის მეურნეობის მინისტრის მოადგილე ლაშა დოლიძე და საქართველოს ელჩი იტალიის რესპუბლიკაში თამუნა ლილუაშვილი ესწრებოდნენ.
1791963200
ღონისძიების მიზანი საერთაშორისო აუდიტორიისთვის ქართული ხორბლის ისტორიის, უნიკალური გენეტიკური მრავალფეროვნებისა და მასთან დაკავშირებული ტრადიციების გაცნობა, აგრეთვე ტრადიციული ცოდნისა და თანამედროვე სამეცნიერო მიდგომების მნიშვნელობაზე ყურადღების გამახვილება იყო.ღონისძიების მონაწილეებს სიტყვით მიმართეს გარემოს დაცვისა და სოფლის მეურნეობის მინისტრმა დავით სონღულაშვილმა, საქართველოს პარლამენტის თავმჯდომარის მოადგილემ ნინო წილოსანმა, FAO-ს გენერალური დირექტორის მოადგილემ მაურიციო მარტინამ, კულტურულ ფასეულობათა დაცვისა და რესტავრაციის საერთაშორისო კვლევითი ცენტრის (ICCROM) გენერალურმა დირექტორმა არუნა ფრანჩესკა მარია გუჯრალიმ, საქართველოს კულტურის მინისტრის მოადგილემ ნათია შამათავამ და საქართველოს საგანგებო და სრულუფლებიანმა ელჩმა იტალიის რესპუბლიკაში, FAO-სთან საქართველოს მუდმივმა წარმომადგენელმა თამუნა ლილუაშვილმა.„რომში, გაეროს სურსათისა და სოფლის მეურნეობის ორგანიზაციის სათაvო ოფისში, გაიმართა ღონისძიება - „ქართული ხორბალი: ტრადიცია მომავლისთვის“. ღონისძიებაში მონაწილეობდნენ მაღალი რანგის სტუმრები და გვქონდა შესაძლებლობა მათთვის გაგვეცნო ქართული ხორბლის 8000 წლიანი ისტორია და ქართული პურის ცხობის უძველესი ტრადიცია, რომელიც იუნესკოს მიერ კულტურული მემკვიდრეობის სტატუსით არის აღიარებული“, - განაცხადა დავით სონღულაშვილმა.ღონისძიების ფარგლებში გაიმართა პრეზენტაციები ქართული ხორბლის კულტურის, ტრადიციებისა და რიტუალების, ქვეყნის გენეტიკური რესურსების, სელექციისა და მდგრადი სოფლის მეურნეობის შესახებ. საუბარი შეეხო ასევე კლიმატის ცვლილების პირობებში ხორბლის წარმოების ადაპტაციასა და თანამედროვე აგროტექნოლოგიების გამოყენების შესაძლებლობებს. მონაწილეებს შესაძლებლობა ჰქონდათ, ქართული ხორბლის სხვადასხვა ჯიშისგან გამომცხვარი პური დაეგემოვნებინათ და გასცნობოდნენ იშვიათი ქართული ვაზის ჯიშებისგან დაყენებულ ღვინოებს.საქართველო ხორბლის წარმოშობისა და გენეტიკური მრავალფეროვნების ერთ-ერთი უძველესი კერაა მსოფლიოში. ქვეყანაში ხორბლის 14 სახეობაა გავრცელებული, მათ შორის 5 ენდემური სახეობა. ქართული ხორბლის კულტურასთან დაკავშირებული ტრადიციები და რიტუალები 2025 წელს იუნესკოს (UNESCO) კაცობრიობის არამატერიალური კულტურული მემკვიდრეობის წარმომადგენლობით ნუსხაში შევიდა.
1791896013
სარეაბილიტაციო სამუშაოების დასრულების შედეგად, 50 ჰექტარ სასოფლო-სამეურნეო დანიშნულების მიწის ფართობზე მნიშვნელოვნად გაუმჯობესდება სარწყავი წყლის მიწოდება.სამელიორაციო ინფრასტრუქტურის მოწესრიგება ადგილობრივ ფერმერებს საშუალებას მისცემს, ეფექტიანად მართონ წყლის რესურსები და გაზარდონ სასოფლო-სამეურნეო კულტურების მოსავლიანობა.
1791884601
შეხვედრაზე მხარეებმა საქართველოს დაცული ტერიტორიების სისტემის განვითარების, ბიომრავალფეროვნების კონსერვაციის, ველური ბუნების სახეობათა აღდგენისა და საერთაშორისო თანამშრომლობის გაძლიერების საკითხებზე ისაუბრეს. განსაკუთრებული ყურადღება დაეთმო დაცული ტერიტორიების მართვის ხარისხის გაუმჯობესებასა და საქართველოს გამოცდილების საერთაშორისო დონეზე გაზიარებას.აღსანიშნავია, რომ მიმდინარე დღეებში ლაგოდეხი IUCN-ის დაცული ტერიტორიების მსოფლიო კომისიის საზედამხედველო კომიტეტის სხდომას უმასპინძლებს. ღონისძიებაში მონაწილეობას 30-მდე საერთაშორისო ექსპერტი და კომისიის წევრიმიიღებს. შეხვედრებზე განიხილავენ კომისიის სტრატეგიულ პრიორიტეტებს, დაცული და კონსერვირებული ტერიტორიების მსოფლიოკონგრესის 2027 წლის ღონისძიებისთვის მზადების პროცესსა და სამომავლო გეგმებს.ვიზიტი მნიშვნელოვანია საქართველოს დაცული ტერიტორიების სისტემის საერთაშორისო დონეზე წარმოჩენისთვის, საერთაშორისო პარტნიორებთან თანამშრომლობის გაღრმავებისა და დაცული ტერიტორიების მართვის საუკეთესო პრაქტიკის გაზიარებისთვის.ლაგოდეხის დაცული ტერიტორიები, რომელიც 1912 წელს დაარსდა, ევროპის დიპლომის კანდიდატია და IUCN-ის მწვანე ნუსხაში ჩართვის პროცესში მონაწილეობს.
1791875372
სააგენტოს ცნობით, 8-კაციანი ჯგუფის შემადგენლობაში იყვნენ კომერციული სექტორის, მედიის და „PeoplePR” -ის წარმომადგენლები. სტუმრები ქართლისა და კახეთის რეგიონებში იმყოფებოდნენ, სადაც ღვინის საწარმოები დაათვალიერეს, ქართული ღვინის დაყენების ტექნოლოგიას გაეცნენ, ადგილზე დააგემოვნეს როგორც კლასიკური წესით, ასევე ტრადიციული მეთოდით დამზადებულ ქართული ღვინოები."ტურის ფარგლებში, თბილისში ქართული ღვინის სემინარი გაიმართა, სადაც ქართველმა ღვინის მწარმოებლებმა პოლონელი პროფესიონალებისგან მიიღეს რეკომენდაციები პოლონეთის ბაზარზე ღვინის შეტანისა და ეფექტური რეალიზაციის შესაძლებლობებზე. პოლონეთი ქართული ღვინის ერთ-ერთ სტრატეგიულ ბაზარს წარმოადგენს, რომელმაც ქართული ღვინის ექსპორტიორი ქვეყნების ხუთეულში სტაბილურად დაიმკვიდრა ადგილი. აღნიშნულ ქვეყანაში ქართული ღვინო ხელმისაწვდომია როგორც HoReCa სექტორში, ისე ქსელურ მარკეტებსა და ღვინის მაღაზიებში.პოლონეთის ბაზარზე ქართულ ღვინის ცნობადობისა და საექსპორტო პოტენციალის მაქსიმალური გაზრდის ხელშეწყობის მიზნით, ღვინის ეროვნული სააგენტო მარკეტინგულ კომპანიასთან „People PR” თანამშრომლობს. სააგენტოს ფინანსური უზრუნველყოფით, 2026 წელს, ქართული ღვინის დეგუსტაცია-სემინარები პოლონეთში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის იმართება; ხორციელდება მიზნობრივი სარეკლამო და მედია კამპანიები, ასევე საქართველოში ეწყობა ღვინის პროფესიონალების ტურები",-აღნიშნულია ინფორმაციაში.
1791798269
უწყების ინფორმაციით, მიმოიხილეს მხარეთა შორის მრავალწლიანი თანამშრომლობის საკითხები, აგრეთვე მსოფლიო ბანკის დაფინანსებით ქვეყანაში მიმდინარე პროექტები.საუბარი შეეხო ენერგეტიკის, საგზაო და სარკინიგზო ინფრასტრუქტურის და ადამიანური კაპიტალის განვითარების მიმართულებით მიმდინარე პროექტებს და სამომავლო თანამშრომლობის გეგმებს, მათ შორის, ანაკლიის პორტის, მასთან დაკავშირებული ინფრასტრუქტურის და წყლის სექტორის მიმართულებით.ფინანსთა მინისტრმა მსოფლიო ბანკის აღმასრულებელ დირექტორს გააცნო ქვეყნის მაკროეკონომიკური პარამეტრები და საშუალოვადიანი პროგნოზები.ხაზი გაესვა რეგიონში არსებული ვითარების ფონზე, ეკონომიკური ზრდისა და სტაბილური ფისკალური/მონეტარული პოლიტიკის შედეგად, ქვეყნის მიერ ბოლო წლებში მიღწეულ პროგრესს.შეხვედრას დაესწრო ფინანსთა მინისტრის მოადგილე ეკატერინე გუნცაძე.საერთაშორისო სავალუტო ფონდისა და მსოფლიო ბანკის წლიური შეხვედრები 12-18 ოქტომბერს, ტაილანდის დედაქალაქ ბანგკოკში იმართება.
1791792495
მათივე ცნობით, დელეგაციას კოტ-დივუარში მოქმედი ბუნების დაცვის ფონდის N’Zi Wildlife Conservation Foundation (NWCF) პრეზიდენტი ლუის ნკი დიაკიტე ხელმძღვანელობდა."შეხვედრაზე მხარეებმა ბუნებრივი რესურსების მდგრადი მართვისა და გარემოს დაცვის მიმართულებით თანამშრომლობის შესაძლებლობები განიხილეს. ნინო თანდილაშვილის განცხადებით, გარემოს დაცვისა და ბუნებრივი რესურსების მდგრადი მართვის სფეროში საერთაშორისო თანამშრომლობა და გამოცდილებისგაზიარება თანამედროვე გამოწვევებთან ეფექტიანი გამკლავების მნიშვნელოვანი წინაპირობაა.მინისტრის პირველმა მოადგილემ დელეგაციის წევრებს ინფორმაცია მიაწოდა საქართველოს დაცული ტერიტორიების მართვისა და განვითარების, მათი მონიტორინგის თანამედროვე სისტემების, ასევე ტყის მდგრადი მართვისა და ტყის რეფორმის მიმართულებით განხორციელებული და დაგეგმილი ღონისძიებების შესახებ. საუბარი შეეხო ბრაკონიერობისა და ტყის უკანონო ექსპლუატაციის წინააღმდეგ ბრძოლის მექანიზმების, წიაღისეული რესურსების უკანონო მოპოვების პრევენციისა და მონიტორინგის, ბუნებრივი რესურსების მართვაში თანამედროვე ტექნოლოგიების, მათ შორის მონიტორინგისა და ადრეული შეტყობინების სისტემების გამოყენების მიმართულებით თანამშრომლობის და გამოცდილების გაზიარების საკითხებს.აღსანიშნავია, რომ N’Zi Wildlife Conservation Foundation (NWCF) - კოტ-დივუარში მოქმედი ბუნების დაცვის ფონდია, რომლის მთავარ საქმიანობას ბიომრავალფეროვნებისა და ველური ბუნების დაცვა, ბუნებრივი ტერიტორიების მონიტორინგი, უკანონო საქმიანობის პრევენცია და ადგილობრივი თემების ჩართულობით მდგრადი გარემოსდაცვითი პროექტების განხორციელება წარმოადგენს.ფონდი დაახლოებით 41 000 ჰექტარის ნზის ბუნებრივ ნაკრძალს მართავს. შეხვედრას კოტ-დივუარის რესპუბლიკის საგარეო საქმეთა სამინისტროს საგარეო ურთიერთობების წარმომადგენელი ანაბელ ბროუ, კოტ-დივუარის რესპუბლიკის საპატიო კონსული საქართველოში კახაბერ საბანაძე, კოტ-დივუარის სავაჭრო- სამრეწველო პალატის წარმომადგენლობის ხელმძღვანელი საქართველოში მაია მუხიაშვილი და სამინისტროს შესაბამისი უწყების და სამსახურების ხელმძღვანელი პირები ესწრებოდნენ",-აღნიშნულია ინფორმაციაში.
1791541133
მებაჟე ოფიცრების მიერ, საქართველოს მოქალაქის მართვის ქვეშ არსებული სატვირთო ავტომანქანის დეტალური დათვალიერების შედეგად, მალულად განთავსებული - 9 038 გრამი ვერცხლის საიუველირო ნაკეთობები გამოვლინდა. არადეკლარირებული საქონლის საერთო საბაჟო ღირებულებამ 38 289 ლარი შეადგინა.კანონდამრღვევი მოქალაქის მიმართ საქმის მასალები ფინანსთა სამინისტროს საგამოძიებო სამსახურს გადაეცა.
1791452722
მათივე ცნობით, აღნიშნულ ტერიტორიაზე ფრინველების ბინადრობისა და გამრავლებისთვის შესაბამისი ბუნებრივი გარემოა.“ღონისძიების მიზანია გნოლისა და კაკბის პოპულაციების გამრავლება, მათი ბუნებრივ გარემოში გავრცელება და ველური ფაუნის მრავალფეროვნების ხელშეწყობა. კაკბები და გნოლები გორის მუნიციპალიტეტს საჩუქრად საქველმოქმედო ფონდმა „ქართუმ“ გადასცა. ბიძინა ივანიშვილი და მისი ოჯახი უკვე წლებია უნიკალური ფრინველების გამრავლებასა და შემდგომ მათ ველურ ბუნებაში გაშვებას აფინანსებენ, მათ შორისაა “წითელ წიგნში” შეტანილი კოლხური ხოხობი, რომელიც გადაშენების საფრთხის წინაშე იდგა. ბიძინა ივანიშვილის ოჯახის ინიციატივითა და დაფინანსებით, საქართველოს ველურ ბუნებაში უკვე რამდენიმე ათასი ხოხობი, კაკაბი და გნოლი გავრცელდა”,-აღნიშნულია ინფორმაციაში.
1791449515
AI წიგნიერების სასკოლო პროექტი საპილოტე პროგრამიდან ფართო დანერგვის ეტაპზე გადადის. პროექტის მიზანია, მოსწავლეებმა სკოლიდანვე ისწავლონ ხელოვნური ინტელექტის სწორად, ეფექტურად და უსაფრთხოდ გამოყენება სწავლისთვის, შემოქმედებისთვის და მომავალი საქმიანობისთვის.„თიბისისთვის ახალი თაობის განათლების მხარდაჭერა გრძელვადიანი სტრატეგიული ხედვის ნაწილია. იმისათვის, რომ თანამედროვე გლობალურ გარემოში ახალი თაობა უფრო კონკურენტუნარიანი იყოს ტექნოლოგიური ცოდნა და უნარები შეუცვლელი ინსტრუმენტია. სწორედ ამ მიზნით, ჩვენს პარტნიორებთან ერთად, საქართველოში ერთ-ერთი ყველაზე დიდი ტექნოლოგიური განათლების ეკოსისტემა შევქმენით, რომლის მნიშვნელოვანი მიმართულებაა AI წიგნიერების განვითარება.ბოლო ერთ წელიწადში GAIA-სთან პარტნიორობით 2500-ზე მეტ ახალგაზრდას მივეცით წვდომა თანამედროვე AI განათლებაზე. ეს მხოლოდ დასაწყისია. AI წიგნიერების ეროვნული პროექტის ფარგლებში, ახალგაზრდები, ადრეული ასაკიდანვე სწავლობენ ხელოვნური ინტელექტის სწორად, ეფექტიანად და პასუხისმგებლიანად გამოყენებას. ასევე, საქართველოს მასშტაბით, ათასობით მოსწავლე და მასწავლებელი მიიღებს ტექნოლოგიურ განათლებას, რომელიც გვჯერა რომ დასაქმების შესაძლებლობად გადაიქცევა“ - ალექსანდრე მაყაშვილი, თიბისის სტრატეგიული პროექტების მენეჯერი.2026 წლის პირველ ნახევარში პროგრამის საპილოტე ვერსია, 200-მდე მოსწავლის მონაწილეობით, საქართველოს 4 რეგიონის 12 სკოლაში ჩატარდა. მიღებული უკუკავშირის საფუძველზე განახლდა სასწავლო პროგრამა, გაკვეთილების მასალები და მასწავლებლების მომზადების მოდელი. 2026-2027 სასწავლო წლიდან კი ხელოვნური ინტელექტი სასკოლო პროგრამის ნაწილი ოფიციალურად გახდა და საჯარო სკოლებისთვის არჩევითი და კლასგარეშე საგნის ფორმატებით არის ხელმისაწვდომი.2026-2027 სასწავლო წლის საორიენტაციო გეგმა პროგრამის გაფართოება 4 სხვადასხვა რეგიონის 30-მდე სკოლის 500-მდე მოსწავლის ჩართულობას ისახავს მიზნად. პარალელურად, მასწავლებლების მომზადების პროგრამაში დაგეგმილია 80-ზე მეტი პედაგოგის მიღება და გადამზადება. გრძელვადიანი მიზანია, AI წიგნიერების სწავლება ეტაპობრივად გახდეს ხელმისაწვდომი მთელი საქართველოს მასშტაბით და სულ უფრო მეტ სკოლას ჰქონდეს შესაძლებლობა, პროგრამა დამოუკიდებლად, საკუთარ მომზადებულ მასწავლებლებთან ერთად განახორციელოს.“AI წიგნიერება ქვეყნის მომავალი კონკურენტუნარიანობის საკითხია. მოსწავლეებს უნდა შეეძლოთ AI-ის გამოყენება სწავლისთვის, მუშაობისთვის და პრობლემების გადასაჭრელად, რადგან ეს უნარი შრომის ბაზარზე სულ უფრო მნიშვნელოვანი ხდება. ამ ცოდნის სკოლიდანვე განვითარება ქმნის უფრო ძლიერ AI ტალანტების ბაზას და მომავალში უფრო პროდუქტიულ პროფესიონალებს”, - გიგი გიორგაძე, საქართველოს ხელოვნური ინტელექტის ასოციაციის დირექტორი.პროექტზე GAIA საქართველოს განათლების, მეცნიერებისა და ახალგაზრდობის სამინისტროსთან ერთად მუშაობს. შეიქმნა AI წიგნიერების კონსორციუმი, რომელიც პროექტის მასშტაბირებისა და გრძელვადიანი განვითარების მხარდამჭერ კერძო სექტორის პარტნიორებს და დონორებს გააერთიანებს. კონსორციუმის პირველი წევრები თიბისი, მასტერქარდი, თეგეტა და სელფი გახდნენ. პროექტის ტექნოლოგიური პარტნიორი კი Google-ია, რომელიც მოსწავლეებს თავის წამყვან მოდელებზე წვდომას მისცემს.თიბისისთვის განათლება ადამიანების განვითარებასა, ცხოვრების გამარტივებას და ქვეყნის ტექნოლოგიურ მომავალზე ზრუნვას ნიშნავს. სწორედ ამიტომ, ბრენდმა შექმნა საგანმანათლებლო ეკოსისტემა - თიბისი ტექსკოლა, თიბისი კამპუსი და თიბისი IT აკადემია, პარტნიორებთან ერთად ხელს უწყობს ახალ მიმართულებებს და ამ გზით ხარისხიან განათლებას და თანამედროვე ტექნოლოგიურ ცოდნას ყველასთვის ხელმისაწვდომი ხდის.
1791367859
ნათია ჯანაშიას სასახლე ჯერ გაუყიდია - ვინ გადაუხდის 20 მილიონზე მეტს?
1791892773
ნაკლები ხარჯი თითო კილომეტრზე - „თეგეტამ“ Bridgestone-ის ფასი კილომეტრ...
1791534600
ნათია ჯანაშია, აქამდე გამოუმჟღავნებელი ქონების შეფასების ფონზე, საქართ...
1790932109
„თეგეტა“ და „გალფი“ ერთიან საავტომობილო ეკოსისტემას ქმნიან - კომპანიებ...
1791465660
TORCAL-ის პრემიერა - „ბენტლიმ“ პირველი, უნიკალური ელექტრომობილი წარადგ...
1790858940
