ტაშკენტში SOCAR-სა და Uzbekneftegaz-ს შორის ერთობლივი პროექტი დაიწყო

თიბისი დაზღვევა რჩება პირველ ქართულ სადაზღვევო კომპანიად, რომელსაც საერთაშორისო საკრედიტო სააგენტომ Fitch -ი რეიტინგს ანიჭებს. სააგენტოს შეფასებით, კომპანიის შედეგების სტაბილურობა და ბოლო წლების განმავლობაში დინამიკურად მზარდი ფინანსური მაჩვენებლები რეიტინგის მხარდამჭერ ძირითად ფაქტორებს წარმოადგენს.ანგარიშში, ასევე აღნიშნულია, რომ თიბისი დაზღვევის ძლიერი პოზიციების ქონას განაპირობებს დივერსიფიცირებული სადაზღვევო პორტფელი და მხოლოდ „A“ კატეგორიის საერთაშორისო გადამზღვეველებთან თანამშრომლობა.თიბისი დაზღვევა უკვე ცხრა წელია ოპერირებს ქართულ ბაზარზე და ამ პერიოდში მუდმივად ინარჩუნებს ლიდერის პოზიციებს. დაარსების დღიდან კომპანიამ მომხმარებლებს 350 მილიონ ლარზე მეტი აუნაზღაურა.„თიბისი დაზღვევა ყოველთვის იყო ტექნოლოგიებზე დაფუძნებული, ინოვაციური მიდგომების მქონე კომპანია, რომელიც საერთაშორისო სტანდარტებზე დაფუძნებული პრაქტიკით ცდილობს მომხმარებლების ცხოვრების გამარტივებას და მათთვის საუკეთესო გამოცდილების შექმნას,“ - აღნიშნავს გენერალური დირექტორი დავით კიღურაძე.

1765197078

უზბეკეთის ცენტრალური ბანკის მონაცემებით, უზბეკეთის ოქროსა და ვალუტის რეზერვებმა 1 დეკემბრის მდგომარეობით 61.23 მილიარდ დოლარს მიაღწია. ეს 2013 წლის შემდეგ ყველაზე მაღალი მაჩვენებელია.ნოემბერში რეზერვები კიდევ 1.9 მილიარდი დოლარით (+3.2%) გაიზარდა, ხოლო წლის დასაწყისიდან 20 მილიარდი დოლარით (+48.7%).ზრდის მთავარი მამოძრავებელი ძალა კვლავ ოქრო იყო, რომლის ფასიც გლობალურ ბაზრებზე გაიზარდა. ცენტრალური ბანკის მონაცემებით, ფასის ზრდამ უნციაზე 4,013.2 აშშ დოლარიდან 4,159.4 აშშ დოლარამდე (ზრდა 3.6%-ით) რეზერვებს დაახლოებით 1.8 მილიარდი აშშ დოლარი შემატა (სექტემბერში - 4.6 მილიარდი აშშ დოლარი; ოქტომბერში - 2.5 მილიარდი აშშ დოლარი).ოქროს ფიზიკური მოცულობა ზედიზედ მეორე თვეა იზრდება. ნოემბერში ის 310,000 ტროას უნციით (9.64 ტონა) გაიზარდა და 12.23 მილიონ უნციას (380.4 ტონა) მიაღწია. ამის მიუხედავად, წლის დასაწყისიდან ოქროს მარაგი დაახლოებით 2.1 ტონით შემცირდა.ფასის ზრდის ფონზე, ოქროს მარაგის ღირებულება 3 მილიარდი დოლარით გაიზარდა და ყველა დროის მაქსიმუმს 50.86 მილიარდ დოლარს მიაღწია. ამჟამად ოქრო ყველა მარაგის დაახლოებით 83%-ს შეადგენს.ფასიანი ქაღალდების მოცულობა 503.3 მილიონით გაიზარდა და 1.53 მილიარდ დოლარს მიაღწია.

1765195924

პროექტი ტაშკენტში ახალი ენერგეტიკული ინიციატივების დაწყებისადმი მიძღვნილ ცერემონიაზე წარადგინეს, რომელსაც უზბეკეთის პრეზიდენტი, შავკატ მირზიიოევი დაესწრო. ტელეკონფერენციის სახით გამართულ ღონისძიებაზე წარმოდგენილი იყო პროექტები, რომლებსაც უზბეკეთი აზერბაიჯანთან, თურქეთთან, არაბთა გაერთიანებულ საამიროებთან, საუდის არაბეთთან და ჩინეთთან ერთად ახორციელებს.ცერემონიაზე სიტყვით გამოსვლისას, აზერბაიჯანის ენერგეტიკის მინისტრმა, პარვიზ შაჰბაზოვმა აღნიშნა, რომ ორი ქვეყნის ლიდერების პოლიტიკურმა ნებამ ორმხრივი ურთიერთობები სტრატეგიული ალიანსის დონეზე აამაღლა. მან ხაზგასმით აღნიშნა, რომ სახელმწიფოს მეთაურებს შორის პირადმა ნდობამ მნიშვნელოვანი როლი ითამაშა თანამშრომლობის განმტკიცებაში.შაჰბაზოვმა დასძინა, რომ აზერბაიჯანის ცენტრალური აზიის სახელმწიფოების მეთაურების საკონსულტაციო შეხვედრაში სრულუფლებიანი მონაწილის სტატუსით გაწევრიანება, ასევე ზანგეზურის დერეფნის გახსნა, რაც ზრდის შუა დერეფნის მნიშვნელობას, ახალ თავს ხსნის ბაქოსა და ტაშკენტს შორის ურთიერთობებში.მინისტრის თქმით, ენერგეტიკულ პარტნიორობას განსაკუთრებული ადგილი უჭირავს მიმდინარე რეგიონულ რეალობებში. მან ხაზგასმით აღნიშნა, რომ SOCAR-ისა და Uzbekneftegaz-ის მიერ უსტიურტის რეგიონში ერთობლივი გეოლოგიური საძიებო სამუშაოების დაწყება ადასტურებს თანამშრომლობის სტრატეგიულ მნიშვნელობას, ხელს უწყობს ტექნოლოგიების გაცვლას, აძლიერებს რეგიონულ ენერგეტიკულ ინტეგრაციას და ქმნის ახალ შესაძლებლობებს ენერგომომარაგების სფეროში.შაჰბაზოვმა ასევე აღნიშნა ტრანსკასპიური ენერგეტიკული დერეფნის პროექტის მნიშვნელობა, რომელიც პირველად დააკავშირებს აზერბაიჯანის, უზბეკეთისა და ყაზახეთის ენერგეტიკულ სისტემებს და საბოლოოდ გახდება პლატფორმა აზიასა და ევროპას შორის შუა დერეფნის გასწვრივ განახლებადი ენერგიის გადაცემისთვის.როგორც სამინისტროში აღნიშნეს, 2025 წლის 24 ივლისს, SOCAR-მა, უზბეკეთნეფტეგაზმა და უზბეკეთის მთავრობამ ხელი მოაწერეს წარმოების განაწილების ხელშეკრულებას ქვეყანაში არსებულ რიგ საინვესტიციო ბლოკებში კვლევის, განვითარებისა და წარმოების შესახებ.

1765195600

აზერბაიჯანულ მედიაში გავრცელებული ინფორმაციის თაობაზე, თითქოს აზერბაიჯანიდან სომხეთში სარკინიგზო ტრანსპორტით საწვავის მიწოდების შეფერხებას სატარიფო ბარიერები ქმნის ეკონომიკისა და მდგრადი განვითარების სამინისტრო პასუხობს.„მიმდინარე წლის 5 დეკემბერს საქართველოს მთავრობამ პარტნიორი ქვეყნებისგან მიიღო თხოვნა აზერბაიჯანიდან სომხეთში საწვავის ერთჯერადი ტრანზიტის განხორციელებაზე საქართველოს ტერიტორიის გავლით.საქართველოს პრემიერ-მინისტრის ირაკლი კობახიძის გადაწყვეტილებით, საქართველოს რკინიგზას დაუყოვნებლივ დაევალა აღნიშნული ტვირთის სარკინიგზო გადაზიდვა ერთჯერადად სრულიად უსასყიდლოდ განახორციელოს. აღნიშნული გადაწყვეტილება ეცნობათ ოფიციალურ მხარეებს. საქართველო იყო და არის სომხეთისა და აზერბაიჯანის სტრატეგიული და სანდო პარტნიორი ქვეყანა. ჩვენ ყოველთვის ვიყავით და ვართ რეგიონში მშვიდობისა და თანამშრომლობის მხარდამჭერი” - განმარტავენ ეკონომიკისა და მდგრადი განვითარების სამინისტროში.ცნობისთვის, გუშინ აზერბაიჯანულმა მედიამ გაავრცელა ინფორმაცია, რომ საქართველო აზერბაიჯანული ნავთობის სომხეთში გატარებაზე საკმაოდ სოლიდურ თანხას ითხოვდა. როგორც Minival.az-ი წერდა, „ქართულმა მხარემ 111 კილომეტრიანი მონაკვეთისთვის ტონაზე 92 დოლარის ტარიფი შესთავაზა, რაც კილომეტრზე ტონაზე 0,82 დოლარს შეადგენს! ერთი შეხედვით, ეს შეიძლება სტანდარტულ ტარიფად მოგეჩვენოთ, მაგრამ შედარება საპირისპიროს აჩვენებს.

1765194273

1. რა თანხაა საჭირო საქმის დასაწყებად?ჯადოსნური ფორმულა არ არსებობს, თუმცა, ინვესტიციის რაოდენობის განსაზღვრისას, უნდა გაითვალისწინო შემდეგი ხარჯები: ტექნიკა, ინვენტარი, რემონტი, მარკეტინგული და პირველი რამდენიმე თვის საოპერაციო ხარჯები. ბიზნესი პირველ 3–6 თვეს იშვიათად მუშაობს სრული დატვირთვით, ამიტომ ეს ფაქტორი აუცილებლად გასათვალისწინებელია.2. როდის ამოვიღებ ჩადებულ ფულს? ეს კითხვა ყოველთვის ლეგიტიმურია. თუ არ იცი, როდის ამოიღებ ფულს, შეიძლება საერთოდ ვერ ამოიღო. დავუშვათ, 20 000-ლარიანი დანაზოგით პოპულარული ყავის „დრაივი“ გახსენი. ცოტა ხანში კი ასეთი  შედეგი გაქვს - შემოსავალი 7 000 ლარი, ხარჯები (ქირა, პროდუქტი, კომუნალურები, თანამშრომელი) - 5 000 ლარი. გამოდის, რომ შენი წმინდა მოგება 2 000 ლარია. ინვესტიციის ამოსაღებად კი ეს მარტივი ფორმულა გამოგადგება: ინვესტიცია თვიურ წმინდა მოგებაზე უნდა გაყო. შენს შემთხვევაში - 20 000/2000 =10 თვე. გამოდის, რომ ჩადებულ თანხას 10 თვეში ამოიღებ, რეალური მოგება კი, ამის შემდეგ დაიწყება.3. როგორ განვსაზღვრო პროდუქტის ან მომსახურების ფასი?ჯერ, ზუსტად უნდა დაითვალო, რა გიჯდება შენი პროდუქტის ან მომსახურების შექმნა. ამაში შედის მასალა, დრო, შრომა, მიწოდება, კომუნალურები, მარკეტინგული ხარჯები. ეს თანხა იქნება ის მინიმუმი, რომლის ქვემოთაც უბრალოდ ვერ ჩამოხვალ. შემდეგ კი აუცილებლად ნახე, რა ღირს მსგავსი პროდუქტი ბაზარზე. კონკურენტების ფასი მოგცემს წარმოდგენას, თუ რა თანხის გადასახდელად არის მზად მომხმარებელი. ბოლოს კი, დაფიქრდი: რა ღირებულებას აძლევს შენი პროდუქტი მომხმარებელს. თუ უკეთეს შედეგს ან უფრო სწრაფ მომსახურებას აძლევ, შეგიძლია უფრო მაღალი ფასი დააწესო.თუ კარგი იდეაც გაქვს, ბიზნესგეგმაც დაწერე და ბანკის მხარდაჭერის ეტაპამდე მიხვედი, აუცილებლად დაგაინტერესებს:4. რას აქცევს ინვესტორი/ბანკი ყველაზე დიდ ყურადღებას?ინვესტორი და ბანკი ყველაზე დიდ ყურადღებას აქცევს იმას, რამდენად სიცოცხლისუნარიანი, რეალისტურად დაგეგმილი და მართვადი არის შენი ბიზნესი. ფინანსური პროგნოზები უნდა იყოს ზუსტი და არგუმენტირებული, ხოლო ბიზნესმოდელი კი გასაგები და შემოსავლიანი. ამას შემდგომ ემატება გუნდის კომპეტენციაც. მარტივად: მათ სურთ დაინახონ, რომ შენი იდეა ნამდვილად იმუშავებს, შეძლებ ვალდებულებების შესრულებას და პროექტი გრძელვადიანად მომგებიანი იქნება.5.Word-ის დოკუმენტი ჯობია თუ პრეზენტაცია (Pitch Deck)?დამწყები ბიზნესისთვის Pitch Deck თითქმის ყოველთვის უფრო ეფექტიანია, რადგან დროის მცირე მონაკვეთში გსურს ინვესტორის დარწმუნება. Word-ის დოკუმენტი საჭიროა მხოლოდ როგორც დამატებითი მასალა, სადაც სრულად ახსნი ტექნიკურ დეტალებს.როგორც ხედავ, მარტო არ ხარ და მსგავსი და კიდევ უამრავი კითხვა ბევრ დამწყები ბიზნესის წარმომადგენელს უტრიალებს თავში. თუ ყურადღებით იქნები, ქალაქში მალე სხვა კითხვებზე პასუხებსაც ნახავ.და, გახსოვდეს - თუ იცი, ვის დაუსვა კითხვები, სწორ პასუხებსაც აუცილებლად მიიღებ.

1765193382

Helio AI ქართული სტარტაპია, რომელიც კომპანიებს ადამიანური რესურსის შერჩევის პროცესების ავტომატიზაციაში ეხმარება.Helio AI Recruiting Agent-ი რეკრუტერების ასისტენტია, რომელსაც იუზერის ბრძანებით ვაკანსიების შექმნა და სხვადასხვა არხებში განთავსება შეუძლია. აპლიკანტების ერთ სივრცეში მიღება და ავტომატური გადარჩევა, მათთან კომუნიკაცია, სრული შერჩევის პროცესის რეპორტინგი და ახლა უკვე ონბორდინგი - ერთი სივრციდან არის შესაძლებელი. პლატფორმა 2 წლისაა და მას უკვე 7 ქვეყნიდან  400-ზე მეტი ბრენდი იყენებს.$1-მილიონიანი ინვესტიცია  სტარტაპმა Seed Round-ში საერთაშორისო ფონდებისგან, SABAH.fund-ის ხელმძღვანელობით, DOMiNO Ventures, Axiom, Tetrad VC-ის და ანგელოზი ინვესტორის, Bas Godska-ს მონაწილეობით მიიღო.ინვესტიცია გლობალურ ბაზრებზე კომპანიის აქტიურ ზრდას და მსოფლიოს მასშტაბით რეკრუტინგის პროცესების სრულიად გარდაქმნას მოხმარდება.აღსანიშნავია, რომ 1 წლის წინ ჰელიოს Pre-Seed რაუნდში მონაწილეობდნენ ანგელოზი ინვესტორი, თეიმურაზ ჯაში, საქართველოს ანგელოზი ინვესტორების ქსელი - აქსელი და 500 Global in Eurasia, რომელთა მხარდაჭერაც გადამწყვეტი აღმოჩნდა ჰელიოს მიერ ტექნოლოგიის განვითარებასა და ზრდაში.500 Global in Eurasia 500 Global-ის აქსელერაციის პროგრამაა, რომელიც საქართველოს ბანკთან და საქართველოს ინოვაციების და ტექნოლოგიების სააგენტოსთან (GITA) თანამშრომლობით ხორციელდება.ინიციატივის ფარგლებში, შერჩეული მონაწილეები 12-კვირიან აქსელერაციის პროგრამას გადიან რომელსაც მსოფლიო დონის ექსპერტები უძღვებიან. მონაწილეები იღებენ როგორც თეორიულ ცოდნას, ასევე პრაქტიკულ გამოცდილებას, ამასთანავე, ამყარებენ ახალ კავშირებს, რაც მათ სწრაფ ზრდასა და განვითარებაში ეხმარება.500 Global არის გლობალური ვენჩურული საინვესტიციო კომპანია, რომელიც, 2.4 მილიარდიან აქტივებს მართავს. იგი ინვესტიციას ახორციელებს სტარტაპებში, რომლებიც ქმნიან სწრაფად მზარდ ტექნოლოგიურ კომპანიებს. 500 Global მჭიდროდ თანამშრომლობს ეკოსისტემის მთავარ მონაწილეებთან და კონსულტაციას უწევს მთავრობებს, შექმნან ისეთი სამეწარმეო ეკოსისტემა, რომელშიც სტარტაპებს ექნებათ სწრაფი განვითარების შესაძლებლობა. დღემდე 500 Global-მა მხარი დაუჭირა 5000-ზე მეტ დამფუძნებელს და 2 900-ზე მეტ კომპანიას, 80+ ქვეყნიდან. მისი პორტფოლიო მოიცავს 35-ზე მეტ კომპანიას, რომელთა ღირებულება 1 მილიარდ დოლარზე მეტია და 160+ კომპანიას, რომელთა ღირებულება 100 მილიონ დოლარს აღემატება (მათ შორის არის კერძო, საჯარო და “exited” კომპანიები). 500 Global-ის გუნდი 25 ქვეყნიდან, 150+ წევრს აერთიანებს, რომლებსაც წამყვან ტექნოლოგიურ კომპანიებში მუშაობის გამოცდილება აქვთ.

1765187851