1763118006
ფარმაცევტული კომპანია „ავერსი“ მიმდინარე წლის 14 ნოემბერს 31 წლის იუბილეს აღნიშნავს.
💌 სიყვარული მხოლოდ სიტყვებით არ გამოიხატება - ის იმალება მზრუნველ შეხებაში, გულწრფელ ღიმილში, მთელი გულით შერჩეულ საჩუქარში.
💫 ავერსი კი მუდამ შენს გვერდითაა, რომ სითბო და სიხარული გაუზიარო შენთვის ძვირფას ადამიანს.
❤️ და მაინც, რა არის სიყვარული შენთვის?
პროგრამამ 2022 წლიდან დღემდე 300-მდე ქალ მეწარმეს მხარი დაუჭირა და მათ ცოდნა, ფინანსური რესურსები და ფასდაუდებელი გამოცდილება შესთავაზა.ქალების გაძლიერებით შთაგონებულიKhma Concept-ის ისტორია 5 წლის წინ დაიწყო, თუმცა იდეა უფრო ძველი, მე-20 საუკუნის დასაწყისის მოვლენებით, უფრო კონკრეტულად კი კატო მიქელაძის მოღვაწეობითაა შთაგონებული.„მისი გაზეთის „ხმა ქართველი ქალისა“ მიზანი ქალების გაძლიერება, განათლებაზე ხელმისაწვდომობის გაზრდა და თანასწორობისთვის ბრძოლა იყო“, – ამბობს ხატია მათიკოშვილი – „სწორედ მისმა ისტორიამ მიბიძგა, ჩემი გატაცება და მოდის სიყვარული მექცია საქმედ, რომელიც სხვა ქალებს მისცემდა ინსპირაციას, იქნებოდა მათი ხმა და საუკეთესო საშუალება საკუთარი თავის გამოსახატად“.Khma Concept-ის მთავარი პროდუქტი ტანსაცმელია, მაგრამ არანაკლებ მნიშვნელოვანია გზავნილი ქალებისადმი - ბრენდის ფილოსოფია, რომლითაც იგი მომხმარებლებს საკუთარი შესაძლებლობებისადმი უპირობო რწმენას უცხადებს.„ვფიქრობ, მომხმარებლებს მოსწონთ ჩვენი დამოკიდებულება მათ მიმართ, ის, რომ განსაკუთრებულად ვუდგებით თითოეულ შეკვეთას, მაქსიმალურად ვითვალისწინებთ მათ ინტერესებს და ვაგრძნობინებთ, რომ მხოლოდ პროდუქტს არ იძენენ“, – განმარტავს ის.გამოწვევები და შესაძლებლობები მეწარმეობის გზაზეროგორც ყველა მეწარმისთვის, ხატიასთვისაც გამოწვევები პროცესის განუყოფელი ნაწილია. ლოჯისტიკური თუ ფინანსური სირთულეები, ასევე ბევრი საქმის ერთდროულად შეთავსების აუცილებლობა, მუდმივი თანამგზავრია. თუმცა, როგორც ის აღნიშნავს: „პროცესში იმდენ რამეს სწავლობ, ღირს მცდელობად. თან, როცა პატარა-პატარა შედეგებს ხედავ, ხვდები, რომ იზრდები, ამის გააზრება ძალიან სასიამოვნოა“.მეწარმე ქალთა განვითარების პროგრამაში ხატიას მონაწილეობის მთავარი მოტივაცია მისი შინაარსი და შეთავაზებული ტრენინგები იყო.„ძალიან დიდი ფუფუნებაა მეწარმისთვის, როცა გამოცდილებასა და საუკეთესო პრაქტიკებს გიზიარებენ. თან, ვიცოდი, რომ, ცოდნასთან ერთად, სხვა მეწარმე ქალებსაც გავიცნობდი და ერთმანეთის მხარდაჭერის შესაძლებლობა გვექნებოდა“.პროგრამამ, რომელიც ინტენსიურ ვორკშოპებს და ექსპერტების მხარდაჭერას მოიცავს, ხატიას ბიზნესს ახალი მიმართულება მისცა.„გავეცანი მიმდინარე ტრენდებს სხვადასხვა მიმართულებით: გაყიდვები, კომუნიკაცია, ელექტრონული კომერცია და ა.შ, გადავაფასე ჩემი სამოქმედო გეგმა. ახლა მაქსიმალურად ვცდილობ, მიღებული ცოდნა საქმეში ვთარგმნო“, – გვიზიარებს ხატია.მონაწილეებისთვის ერთ-ერთი ყველაზე შთამბეჭდავი ნაწილი ხელოვნური ინტელექტის (AI) სწორად გამოყენების ტექნიკების შესწავლა აღმოჩნდა. ხატია აღნიშნავს, რომ პროგრამის მეშვეობით გაიგო, თუ რამდენი ხელსაწყო არსებობს, რაც მეწარმეს საქმეს ყოველდღიურად უმსუბუქებს”.საინტერესოა Khma Concept-ის სამომავლო გეგმებიც: „ჩვენი მიზანია, ვიყოთ მომხმარებლებზე კიდევ უფრო მეტად ორიენტირებული, ხელმისაწვდომები და რაც მთავარია - უახლოეს 2 წელში შოურუმი გავხსნათ“.საქართველოს ბანკი, როგორც ქვეყნის წამყვანი ფინანსური ინსტიტუტი, აქტიურად უწყობს ხელს განათლების ხელმისაწვდომობას. აღსანიშნავია, რომ მეწარმე ქალთა განვითარების პროგრამა პლატფორმა ბიზნეს 360°-ის მნიშვნელოვან ნაწილია. ბიზნეს 360° აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.
1763124540
„თეგეტა მოტორსი“ მომხმარებლის უსაფრთხოებაზე ზრუნავს და მათ ავტომობილის ფლობის გამარტივების მიზნით, 22 ნოემბრის ჩათვლით აკუმულატორებზე 15%-იან ფასდაკლებას სთავაზობს. შეთავაზების ფარგლებში, შესაძლებელია თანხის განაწილებით სარგებლობა.ვახტანგ ღულაძე, „თეგეტა მოტორსის“ პროდუქტების მთავარი ოფიცერი: „თეგეტა მოტორსის“ მიზანია, მომხმარებლის უსაფრთხოებასა და კომფორტზე იზრუნოს. პრევენცია ყოველთვის უფრო ეფექტურია, ვიდრე გადაუდებელი შეკეთება. აკუმულატორი ავტომობილის მნიშვნელოვანი ნაწილია, რომელიც დიდ როლს ასრულებს ელექტრონული სისტემების მუშაობაში. ის ავტომობილში ენერგიის პირველი წყაროა და აწვდის ყველა მოწყობილობას, რომელიც ელექტროენერგიას მოითხოვს. როდესაც ტემპერატურა მკვეთრად იკლებს, ძალიან ხშირია აკუმულატორთან დაკავშირებული პრობლემები. დაბალი ტემპერატურის გამო, შესაძლოა, აკუმულატორი მწყობრიდან გამოვიდეს, განსაკუთრებით იმ შემთხვევაში, თუ მისი რესურსი უკვე დაბალია. სწორედ ამიტომ მნიშვნელოვანია მისი პერიოდული შემოწმება და საჭიროების შემთხვევაში ახლით ჩანაცვლება, რათა ზამთრის ცივ ამინდში ავტომობილს პრობლემა არ შეექმნას“.ყველა აკუმულატორს ექსპლუატაციის განსხვავებული ვადა აქვს, თუმცა მათი მუშაობის დიაპაზონი, ხარისხის მიხედვით, 3-იდან 7 წლამდე მერყეობს. რესურსის ამოწურვის შემდეგ ის უბრალოდ წყვეტს მუშაობას. პრობლემების შემთხვევაში აკუმულატორი ნიშნების სახით აუცილებლად მოგვცემს გაფრთხილებებს. აკუმულატორი პასუხისმგებელია ძრავის გაშვების სისტემაზე. აკუმულატორის რესურსის ამოწურვაზე რამდენიმე დეტალი მიგვანიშნებს: თუ ავტომობილი რამდენიმე მცდელობის შემდეგ იქოქება, ეს შეიძლება იმის ნიშანი იყოს, რომ აკუმულატორი დასუსტებულია და დროა, შეიცვალოს ელექტროსისტემების შეფერხება - განათების ინტენსივობის კლება, ან მულტიმედიასისტემის უცაბედი გათიშვა შესაძლოა მიუთითებდეს, რომ აკუმულატორი ვერ ახერხებს საჭირო რაოდენობით ელექტროენერგიის მიწოდებას თუ ავტომობილის პანელზე აკუმულატორის ინდიკატორი აინთო, ეს ნიშნავს იმას, რომ მისი მდგომარეობა შესამოწმებელია აკუმულატორის სასურველი მოდელის შერჩევაში ავტომფლობელებს „თეგეტა მოტორსის“ მაღალკვალიფიციური პერსონალი ეხმარება. სერვისცენტრებში მოქმედებს „უსასრულო გარანტია“. „თეგეტა მოტორსში“ პრემიუმ და ეკონომკლასის აკუმულატორების ფართო არჩევანია წარმოდგენილი, რომლებიც გამძლეობითა და გარანტიით გამოირჩევა. მათ შორის:Varta - გერმანული ბრენდი, რომელიც ცნობილია თავისი მაღალი ხარისხით, თანამედროვე სტანდარტებითა და საიმედოობით. ევროპაში წარმოებულ ყოველ მეხუთე ახალ ავტომობილზე სწორედ Varta-ს აკუმულატორია დამონტაჟებული. „თეგეტა მოტორსში“ ამ ბრენდის პროდუქციის დიდი არჩევანია როგორც ელექტრული, ისე ჰიბრიდული და სტარტ-სტოპ სისტემის ავტომობილებისთვის.Energizer - ამერიკული ბრენდი, რომელიც უახლესი ტექნოლოგიური ინოვაციების გათვალისწინებით იწარმოება და გახანგრძლივებული საექსპლუატაციო პერიოდით გამოირჩევა.Exide - ამერიკული ბრენდი, გლობალური ლიდერი აკუმულატორების წარმოებაში, რომელიც ცნობილია თავისი ეკომეგობრული პროდუქციით.გარდა აკუმულატორებზე მიმდინარე ფასდაკლებისა, „თეგეტა მოტორსის“ ფილიალებში საბურავების შეძენისას მომხმარებელი გაორმაგებულ ქეშბექს მიიღებს.--„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.
1763124180
„ბოლო წლების განმავლობაში, მნიშვნელოვნად გაზრდილი სატრანსპორტო საშუალებების რაოდენობისა და მზარდი მობილობის ფონზე, საგზაო უსაფრთხოება კვლავ გამოწვევად რჩება და მიუხედავად მიღწეული პროგრესისა, საქართველოში ყოველწლიურად საგზაო-სატრანსპორტო შემთხვევების შედეგად ასობით ადამიანი იღუპება, ან იღებს ჯანმრთელობის მძიმე დაზიანებას.შესაბამისად, საგზაო-სატრანსპორტო შემთხვევები და მასთან დაკავშირებული სიკვდილიანობის მაჩვენებელი სახელმწიფოს ავალდებულებს გადადგას ეფექტიანი ნაბიჯები საგზაო უსაფრთხოების წესების გამკაცრების მიმართულებით. საგზაო-სატრანსპორტო შემთხვევების გამომწვევი მიზეზების ანალიზის შედეგად დასტურდება, რომ საზოგადოებრივი უსაფრთხოების მაქსიმალურად უზრუნველყოფის მიზნით, აუცილებელია, მნიშვნელოვნად გადაიხედოს და გამკაცრდეს დღეისათვის არსებული სანქციები.შესაბამისად, საქართველოს შინაგან საქმეთა სამინისტროს მიერ მომზადდა საკანონმდებლო ცვლილებათა პაკეტი, რომლის თანახმადაც: 100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის.ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 20 ქულით; 50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის; 50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის, ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 10 ქულით; 50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის; დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე. დამატებით პასუხისმგებლობა დგინდება „BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით. ასევე, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით.ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება დაექვემდებარება სპეციალურ დაცულ სადგომზე გადაყვანას. აღნიშნული საკანონმდებლო ცვლილებათა პაკეტი საქართველოს პარლამენტს უკვე წარედგინა', - ნათქვამია შსს-ს ინფორმაციაში.
1763118444
💌 სიყვარული მხოლოდ სიტყვებით არ გამოიხატება - ის იმალება მზრუნველ შეხებაში, გულწრფელ ღიმილში, მთელი გულით შერჩეულ საჩუქარში. 💫 ავერსი კი მუდამ შენს გვერდითაა, რომ სითბო და სიხარული გაუზიარო შენთვის ძვირფას ადამიანს.❤️ და მაინც, რა არის სიყვარული შენთვის? სიყვარულითავერსი🕊
1763118006
4 მატჩში მოპოვებული 3 ქულით, საქართველო ჯგუფში მე-3 ადგილს იკავებს. საშინაო არენაზე, ვილი სანიოლის გუნდმა ბულგარეთი უშანსოდ დაამარცხა (3:0), თუმცა თურქეთთან (2:3, 1:4) და ესპანეთთან (0:2) დამარცხდა და ჯგუფიდან პლეი-ოფში გადასვლის მხოლოდ თეორიული შანსი შეინარჩუნა.2026 წლის მუნდიალზე მოსახვედრად, საქართველომ ორივე მატჩში უნდა გაიმარჯვოს, თუმცა ამავე დროს, თურქეთმა 0 ქულა უნდა დააგროვოს. საინტერესოა, როგორ მოახერხებს დროებითი ჩავარდნის შემდეგ ძალების მობილიზებას ჩვენი გუნდი, რამდენად იმედიანად დავასრულებთ შესარჩევ ციკლს და ექნებათ თუ არა ახალწვეულებს თავის გამოჩენის საშუალება.15 ნოემბერს, 21:00-ზე, საქართველო “დინამო არენაზე” ესპანეთს, იგივე “ფურია როხას” დაუპირისპირდება. ბოლო წლების გათვალისწინებით, ლუის დე ლა ფუენტეს ნაკრებთან პაექრობა ჩვენთვის სიახლე არ გახლავთ - მის შესაძლებლობებსა და პოტენციალს ძალიან კარგად ვიცნობთ. ესპანეთს მიმდინარე შესარჩევში 4 მატჩი აქვს გამართული, სადაც არამარტო 4-ვე მატჩში გაიმარჯვა, არამედ გოლიც არ გაუშვია (ბურთების შეფარდება: 15-0).მეტოქის სიძლიერის მიუხედავად, ფეხბურთელები, რომლებიც სანიოლის განაცხადში მოხვდნენ, ნოემბრის მატჩებისთვის სრული კონცენტრაციით ემზადებიან. ოთარ კიტეიშვილის შეფასებით, ეს იქნება გამოცდა: ფეხბურთელებმა საკუთარ თავს უნდა დაუმტკიცონ, რომ გუნდური სულისკვეთება კვლავ შენარჩუნებული აქვს ნაკრებს და რომ ბოლოდროინდელი ჩავარდნა მხოლოდ დროებითი მოვლენაა.სამწუხაროდ, ტრავმების გამო, ნაკრებს გიორგი მიქაუტაძე და ოთარ კაკაბაძე გამოაკლდნენ. ასევე ხანგრძლივი მკურნალობისა და აღდგენის პროცესში იმყოფება გიორგი ჩაკვეტაძე. დისკვალიფიკაციის გამო, ესპანეთთან ვერ ითამაშებს გიორგი ქოჩორაშვილიც და შესაბამისად, ჩაკვეტაძე-ქოჩორაშვილი-კიტეიშვილის ტრიოში 2 ფეხბურთელის არყოფნა ჩვენს შუა ხაზს მნიშვნელოვნად დაასუსტებს. აღსანიშნავია ისიც, რომ სანიოლს ნახევარდაცვის ხაზში გაბრიელ სიგუა და ნიკა გაგნიძეც გამოაკლდა. ამ ყველაფრის გათვალისწინებით, სანიოლი რთული ამოცანის წინაშე დგას.ფეხბურთელები, რომლებიც სანიოლმა შეკრებაზე იხმო:მეკარეები: გიორგი მამარდაშვილი (ლივერპული, ინგლისი), ლუკა გუგეშაშვილი (პაოკი, საბერძნეთი), დავით კერესელიძე (დილა, გორი).მცველები: გურამ კაშია (სლოვანი, სლოვაკეთი), ლუკა ლოჩოშვილი (ნიურნბერგი, გერმანია) გიორგი გოჩოლეიშვილი (ჰამბურგი, გერმანია), საბა გოგლიჩიძე (უდინეზე, იტალია), ალექსანდრე ნარიმანიძე (ჟილინა, სლოვაკეთი).ნახევარმცველები/თავდამსხმელები: ოთარ კიტეიშვილი (შტურმი, ავსტრია), გიორგი ქოჩორაშვილი (სპორტინგი, პორტუგალია), ანზორ მექვაბიშვილი (კრაიოვა, რუმინეთი), ნიკა გაგნიძე (კოლოსი, უკრაინა), ვლადიმერ მამუჩაშვილი (ტორპედო ქუთაისი, საქართველო), გაბრიელ სიგუა (ლოზანა სპორტი, შვეიცარია), ნოდარ ლომინაძე (ეშტორილი, პორტუგალია), გიორგი წიტაიშვილი (მეცი, საფრანგეთი), შოთა ნონიკაშვილი (ჩერკასი, უკრაინა), ზურიკო დავითაშვილი (სენტ ეტიენი, საფრანგეთი), გიორგი აბუაშვილი (მეცი, საფრანგეთი), იური ტაბატაძე (კადისი, ესპანეთი), ხვიჩა კვარაცხელია (პსჟ, საფრანგეთი), ბუდუ ზივზივაძე (ჰაიდენჰაიმი, გერმანია), გიორგი კვერნაძე (ფროზინონე, იტალია), გიორგი გულიაშვილი (სარაევო, ბოსნია-ჰერცეგოვინა), გიორგი ქვილითაია (არისი, კვიპროსი).
1763117792
ფინალისტებს შორის წელს თბილისის 70-ე საჯარო სკოლის ისტორიის პედაგოგი, შალვა მინდაძეა. მასწავლებლობამდე ისტორიის კვლევით და ახალგაზრდულ პროექტებში მონაწილეობდა. 2017 წელს “ისტორიის პლატფორმა” შექმნა - სივრცე, სადაც მოხალისეობრივად აზიარებდა ცოდნას. სწორედ ამ პლატფორმამ დაანახა, რამდენად მნიშვნელოვანია საჯარო და ხელმისაწვდომი განათლება და სურვილი გაუჩნდა, ისტორიის სიყვარული კიდევ უფრო მეტ ადამიანამდე მიეტანა:“ყველაზე დიდი გავლენის მოხდენა შეიძლება მაშინ, როცა ბავშვებთან ერთად ქმნი ცოდნას და არა მხოლოდ გადასცემ. ისტორია ბავშვობიდანვე მიყვარდა, პატარაობაში ხელით ვაკეთებდი ყველა ეპოქის იარაღს და ვოცნებობდი, რომ ოდესმე ეს ინტერესები ბავშვებამდე მიმეტანა”.შალვა გვიყვება, რომ ბევრი სირთულის გადალახვა მოუწია. 2 წელი ქალაქ მარნეულში არაქართულენოვან მოსწავლეებს ასწავლიდა. ხშირად აწყდებოდა სისტემურ პრობლემებსა და ზოგჯერ მოტივაციის კრიზისსაც. თუმცა, სწორედ ეს სირთულეები იქცა განვითარების ბიძგად და საჭირო გამოცდილებად:“ჩემი მთავარი პრინციპია, მოსწავლე იყოს პროცესის ცენტრში და არა გვერდით მდგომი. მე არა მხოლოდ ცოდნის გადამცემი, არამედ გზამკვლევი ვარ. ყოველთვის ვცდილობ, საგნის თემა მოსწავლის ინდივიდუალურ ინტერესებს დავუკავშირო. ვაძლევ თავისუფლებას, აირჩიოს, როგორი ფორმით მოამზადებს დავალებას. იქნება ეს პროექტის წარდგენა, პრეზენტაცია, ვიდეო, ესსე თუ ნახატი. ასე სწავლა ხდება სასიამოვნო პროცესი და არა ვალდებულება”.ისტორიის სწავლა მხოლოდ თარიღების და სახელების დამახსოვრება არ არის. შალვაც ყოველთვის ცდილობს, მოსწავლეებს საგნის მნიშვნელობა დაანახოს:“ისტორია ბავშვებს ასწავლის კრიტიკულ აზროვნებას, არჩევანის მნიშვნელობასა და პასუხისმგებლობას. ჩვენი გაკვეთილები მხოლოდ წიგნებითა და ტექსტებით არ შემოიფარგლება. ვიყენებ დისკუსიებს, დებატებს, ისტორიულ სიმულაციებს, პროექტებს, ონლაინ რესურსებსა და თამაშით სწავლების მეთოდს. ბავშვებმა უნდა დაინახონ, რომ ისტორია ცოცხალია და უშუალოდ უკავშირდება ყოველდღიურობას. მართალია, იგი არაზუსტი მეცნიერებაა, მაგრამ ყოველთვის ზუსტ პასუხებამდე მივყავართ”.როგორც შალვა ამბობს, კონკურსში მონაწილეობა კოლეგებმა გადააწყვეტინეს. ფინალისტობა მისთვის არა მხოლოდ პირადი მიღწევა, არამედ გზავნილია, რომ მასწავლებლის შრომა შეიძლება აღიარებული და დაფასებული იყოს:“ასეთი პროექტებით მასწავლებლის პროფესია საზოგადოებისთვის უფრო ხილვადი ხდება, პედაგოგების ახალ თაობას კი მოტივაცია ემატება. გრძნობენ, რამდენად მნიშვნელოვნები არიან საერთო კეთილდღეობისთვის. მასწავლებლობა მხოლოდ პროფესია არ არის - ეს არის პასუხისმგებლობა ყველა იმ ბავშვის წინაშე, რომელსაც მისცემ რწმენას, რომ სამყაროს შეცვლა შეუძლია“.ინფორმაციისთვის, ამ კონკურსის ისტორია საქართველოში 2017 წლის 13 მაისიდან იწყება. ინიციატივა გლობალურ კამპანიას, The Global Teacher Prize-ს ეკუთვნის, რომლის მიზანიც მასწავლებლების პროფესიის პოპულარიზაციაა. პროექტის მხარდამჭერები არიან: მთავარი მხარდამჭერი- საქართველოს ბანკი, გენერალური სპონსორი - გუდავაძე-პატარკაციშვილის ფონდი.ნახე, რა შესაძლებლობებს ქმნის საქართველოს ბანკი: ganatleba.bog.ge
1763112515
საქართველოს ტექნიკური უნივერსიტეტი ბიზნესმენ თემურ ჭყონიას განცხადებას...
1762165452
სენსაციური პროგნოზი: "საქართველოს შავის ზღვის შელფურ ზონაში დაახლოებით...
1762169206
„საირმეს რეკრეაციული ფერმა“ – 1 წელში ინვესტირებული 900 000 ლარი და სა...
1762519560
Emaar-თან საბოლოო შეთანხმება გასაჯაროვდეს - ირაკლი გოგავა პროექტის რის...
1762111807
E-Commerce Day 2025 – „თეგეტა ჰოლდინგი“ მომავლის ტექნოლოგიების მხარდამ...
1762344660
