ივლისში საქართველოს ეკონომიკა 6.5%-ით გაიზარდა

მისივე თქმით, აღნიშნული პოზიტიური ფაქტორების რიგშია აგრეთვე ისიც, რომ კარგად ფუნქციონირებადი მთავრობის ინდექსით საქართველო  მსოფლიოში მოწინავეთა შორისაა (38-ე ადგილი) და უსწრებს არა მარტო თავის სახმელეთო მეზობლებს, არამედ ევროკავშირისა და ნატოს 10 სახელმწიფოს.„ 2025 წლის ივლისში საქართველოს ეკონომიკა ინარჩუნებდა მდგრადი და სტაბილური განვითარების ვექტორს, რითაც უზრუნველყოფილი იქნა მისი ზრდა 6.5 პროცენტით (იანვარ-ივლისში - 8.0 პროცენტით), რომელიც საგრძნობლად (- დაახლოებით 1.7-ჯერ!) აღემატება როგორც რეგიონის, ისე გლობალური მასშტაბით ზრდის შესაბამის ტემპებს. ზრდა უზრუნველყო ეროვნული მეურნეობის დარგებმა, სადაც იქმნება სამამულო პროდუქტის დაახლოებით 85 პროცენტი.2025 წლის საქართველოს ეკონომიკა თავისი მასშტაბით პანდემიანდელ, 2019 წლის დონეს რეალურ განზომილებაში 40.7 პროცენტით აღემატება, რაც გლობალური ეკონომიკის ზრდის ანალოგიურ მაჩვენებელს (+16.3%) 2.5-ჯერ უსწრებს. ბოლო 6 წლის მანძილზე საქართველოს ეკონომიკის მატების საშუალო წლიური მატების ტემპი გლობალური ეკონომიკის ანალოგიურ მაჩვენებელს 2.3-ჯერ აღემატებოდა.ინფლაციამ, 2025 წლის ივლისში, წინა წლის ივლისთან, 4.3 პროცენტი შეადგინა, ამასთან, წინა თვესთან შედარებით ივლისში ფასების საერთო დონე საქართველოში შემცირდა 0.2 პროცენტით, რის გამოც წინა თვესთან შედარებით ივლისი, ისევე როგორც ივნისი, დეფლაციური აღმოჩნდა. შედარებისათვის: 2025  წლის ივლისში, ივნისთან შედარებით, სამომხმარებლო ფასებმა აშშ-ში მოიმატა 0.2 პროცენტით, ხოლო ევროკავშირში - 0.3 პროცენტით. აღსანიშნავია, რომ ლარის გამყარების გამო (2025 წ. ივლისში 2024 წ. ივლისთან - 0.7%-ით), იმპორტული სამომხმარებლო საქონლის მიხედვით ივლისი, ისევე როგორც წინა სამი თვე, დეფლაციური იყო. - ფასების ზრდა ძირითადად განპირობებული იყო ადგილობრივი წარმოშობის ცალკეული სახეობების საქონლისა და მომსახურების  გაძვირებით.305 დასახელების საქონელ-წარმომადგენელიდან, რომელთა მიხედვითაც ხდება ინფლაციის გაანგარიშება, 2025 წლის ივლისში წინა წლის შესაბამის პერიოდთან შედარებით ფასები შემცირდა 110-ზე, უცვლელი დარჩა 15, ხოლო გაიზარდა 180 დასახელების საქონელზე.ივლისში ყოველდღიურად ახლადრეგისტრირებულ საწარმოთა რაოდენობამ 199 ერთეული, ხოლო დღგ-ის გადამხდელ საწარმოთა ბრუნვამ - 16.1 მლრდ. ლარი (+9.2%) შეადგინა.2025 წლის ივლისში საქართველოს საგარეო სავაჭრო ბრუნვამ თითქმის 2.1 მლრდ. აშშ დოლარი შეადგინა, რაც  ფაქტობრივად შეესაბამება 2004 წლის მთელი წლის შესაბამის მაჩვენებელს. ბოლო ორი ათწლეულის მანძილზე საქართველოს ექსპორტის  მატების ტემპი დაახლოებით 1.2-ჯერ უსწრებდა ეკონომიკის ზრდის ტემპს, რაც ცალსახად ადასტურებს საქართველოს წარმატებულ, მზარდ პოზიციონირებას შრომის საერთაშორისო დანაწილებასა და საერთაშორისო ვაჭრობაში.ექსპორტის მთლიან მოცულობაში რეექსპორტის წილმა 2025 წლის ივლისში 55.9 პროცენტი შეადგინა. რეექსპორტის აბსოლუტური მოცულობა მხოლოდ ბოლო 4 წელიწადში 3.2-ჯერ გაიზარდა, რაც ადასტურებს საქართველოს სატრანსპორტო-საკომუნიკაციო სუბრეგიონული ჰაბის როლისა და მნიშვნელობის ზრდას.ეკონომიკის ზრდაში აქტიურ როლს ასრულებს ტურისტული სექტორიც, სადაც შემოსავლები რეკორდულად გაიზარდა. ამასთან, პანდემიამდელ დონეს აღნიშნულმა მაჩვენებელმა 36 პროცენტით გადააჭარბა, რაც ანალოგიური გლობალურ მაჩვენებელს (+8.6%) 4.2-ჯერ უსწრებს. ამასთან, თუ 2024 წელს ხარჯების მიხედვით შემოსული ტურისტების მიერ საქართველოში გაწეული ხარჯების მოცულობა საქართველოს მოქალაქეთა უცხოეთში გაწეულ ხარჯებს 5.8-ჯერ აღემატებოდა, მიმდინარე წელს აღნიშნული სხვაობა უკვე თითქმის 6.2-ჯერადი გახდა.პოზიტიური ტენდენციები ეკონომიკაში ადეკვატურად აისახება სახელმწიფო ბიუჯეტის შემოსავლებშიც. – 2025 წლის ივლისში, პირველად დამოუკიდებელი საქართველოს ისტორიაში, ერთი თვის საბიუჯეტო შემოსავლებმაც და ხარჯებმაც გადააჭარბეს 2-მილიარდიან ზღვარს.2025 წლის ივლისში უცხოეთიდან საქართველოში განხორციელებულმა ტრანზაქციებმა 337.0 მლნ. აშშ დოლარი (+13.0%), ხოლო წმინდა ტრანზაქციებმა - 299.7 მლნ. აშშ დოლარი (+13.2%) შეადგინა. ტრანზაქციების ასეთი მოცულობა საუკეთესოა ბოლო 25 თვის მიხედვით (2023 წლის ივნისის შემდეგ). აღნიშნული ზრდა მთლიანად რუსეთის გარდა დანარჩენი მსოფლიოდან ტრანზაქციების საგრძნობი, ორნიშნა ზრდის (+15.5%) დამსახურებაა. რუსეთის ფედერაციიდან ფულადი ტრანზაქციები განაგრძობდნენ, როგორც შეფარდებით, ისე აბსოლუტურ კლებას. 2025 წლის ივლისში მათი წილი საქართველოში შემოსულ ფულად ტრანზაქციებში შეადგენდა მხოლოდ 13.4 პროცენტს, ხოლო წმინდა ტრანზაქციებში - 13.8 პროცენტს, რაც წინა წლის შესაბამის პერიოდთან შედარებით შემცირებული იყო 1.9 პუნქტით და 2.0 პუნქტით. ამასთან, აღსანიშნავია, რომ მიმდინარე წლის განვლილ პერიოდში აბსოლუტური მოცულობით რუსეთიდან შემცირებულ ტრანზაქციებს თითქმის ორჯერ აღემატებოდა დანარჩენი მსოფლიოდან განხორციელებული ტრანზაქციების ნამატი.პოზიტიური ტენდენციების ფარვატერში ეწერება ეროვნული ვალუტის კურსის სტაბილურობა და  საქართველოს ეროვნული ბანკის სავალუტო რეზერვების სწრაფი ზრდა,  რომელმაც  2025 წლის ივლისში გადააჭარბა 5.0 მლრდ. აშშ დოლარს და ყველა ფაქტორით დასტურდება, რომ მიმდინარე წელი რეზერვების შევსების მხრივ რეკორდული იქნება. ვალუტის სტაბილურობა და ეროვნული ბანკის საერთაშორისო რეზერვების სწრაფი შევსება არა მარტო უზრუნველყოფს ქვეყნის საერთაშორისო ვალდებულებების უპრობლემოდ  მომსახურებას, არამედ საფუძველს აძლევს ავტორიტეტულ საერთაშორისო რეიტინგულ კომპანიებს ქვეყნის საკრედიტო რეიტინგს პოზიტიური შეფასებები მისცეს. ამავე კონტექსტში შესაფასებელია სახელმწიფო ვალის შემცირებაც, რომელიც არ აღემატება მშპ-ის 36%-ს. ყოველივე ამან საშუალება მისცა საერთაშორისო სავალუტო ფონდს თავისივე წინანდელი პროგნოზი საქართველოს ეკონომიკის 2025 წლის ზრდაზე.გაეუმჯობესებინა 1.2-ჯერ  - 7.2% პროცენტამდე, რაც გლობალური ეკონომიკის ანალოგიურ მაჩვენებელს 2.3-ჯერ აღემატება.აღნიშნული პოზიტიური ფაქტორების რიგშია აგრეთვე ისიც, რომ კარგად ფუნქციონირებადი მთავრობის ინდექსით საქართველო  მსოფლიოში მოწინავეთა შორისაა (38-ე ადგილი) და უსწრებს არა მარტო თავის სახმელეთო მეზობლებს, არამედ ევროკავშირისა და ნატოს 10 სახელმწიფოს.საქართველოს ეკონომიკა, მასში დაგროვილი პოზიტიური კუმულატიური მუხტისა და განვითარების პოტენციალის გათვალისწინებით, აბსოლუტურად რეალისტურს ხდის ასეთივე პოზიტიური ტრენდის შენარჩუნებას მომავალშიც, საშუალოვადიან პერიოდში. კერძოდ, ავტორიტეტული საერთაშორისო ორგანიზაციების ყველაზე კონსერვატორული პროგნოზითაც კი 2030 წლამდე საშუალო წლიური მატების ტემპი საქართველოს  ეკონომიკას დაახლოებით 1.8-ჯერ უფრო მაღალი ექნება გლობალურ ეკონომიკასთან შედარებით (5.0% vs. 2.8%). აღნიშნული გარემოება ქმნის ობიექტურ საფუძველს არა მარტო საქართველოს მოსახლეობის კეთილდღეობის არსებითი ზრდის უზრუნველსაყოფად, არამედ  ჩვენი ქვეყნის გლობალურ ეკონომიკაში უფრო წონად და ანგარიშგასაწევ სუბიექტად წარმოსაჩენად“, - წერს არჩვაძე.

1756467056

დიდი თავგადასავლები ყოველთვის ერთი პატარა ნაბიჯით იწყება; ნაბიჯით, რომელსაც სჭირდება სითამამე, რწმენა და ის ძალა, რომელიც გვერდში მყოფი ადამიანებისგან მოდის.ახალგაზრდა მუსიკოსებისთვის სცენაზე პირველი გასვლა ის მომენტია, როცა ყველაზე მნიშვნელოვანია - ვინ არის შენს გვერდით. სწორედ, ეს ადამიანები ქმნიან ძლიერ საყრდენს შენთვის და შენი მომავლისთვის.დასაწყისი ახლოსაა. მთავარია, გჯეროდეს საკუთარი შესაძლებლობების, ოცნებების, იმ გზის, რომელიც წინ გელოდება და ყოველთვის იცოდე - ვინ დგას შენ გვერდით.თიბისიში სჯერათ, რომ საკუთარი თავის რწმენა ადამიანს შეუძლებელს შეაძლებინებს. ამ გზაზე ხშირად გვჭირდება ადამიანები, ვინც საკუთარ ძალებში დაგვარწმუნებს. ზოგჯერ, სულაც ერთი გამამხნევებელი მზერა ან ხმამაღლა ნათქვამი სიტყვაა საჭირო, რომ საკუთარ თავში აღმოაჩინო ის ძალა, რომელიც თავდაჯერებულობას შეგმატებს და მტკიცე ნაბიჯების გადადგმაში დაგეხმარება. როცა შენი სჯერათ - ოჯახის წევრებს, მეგობრებს, გულშემატკივრებს და ზოგჯერ კი, სრულიად უცხო ადამიანებს - ეს გაძლევს რწმენას, რომ ყველაფერი გამოგივა -  მთავარია გჯეროდეს!ვიდეო იხილეთ ბმულზე.

1756466084

შემოდგომის სეზონითვის ეს შეთავაზება ყველასთვის მნიშვნელოვანია მიუხდავად იმისა, მიდის თუ არა თქვენი შვილი ბაღში. გარდერობის განახლება ახალი სეზონისთვის ხომ აუცილებელია, თან როდესაც ბავშვები ასე სწრაფად იზრდებიან. სწორედ ამიტომ არ უნდა გამოტოვოთ 30%+30% შეთავაზება Carter's-ისგან.Carter's დედების რჩეული ამერიკული ბრენდია, რომელიც საქართველოში უკვე 8 მაღაზიით არის წარმოდგენილი. ფილიალებში 0-14 წლამდე ასაკის ბავშვების ხარიხიანი ტანსაცმელია წარმოდგენილი. ადგილზე არსებული მრავალფეროვანი ასორტიმენტიდან სხვადასხვა სეზონის პროდუქციის შერჩევას შეძლებთ. ფილიალების მისამართებია: გალერია თბილისი სითი მოლი საბურთალო სითი მოლი გლდანი ვაკის პარკი,მიშველაძის 5 გლდანი მოლი თბილისი მოლი ისთ ფოინთი გრანდ მოლი ბათუმი 1865 წელს დაარსებული Carter's დღეს ერთ-ერთი ყველაზე ცნობილი და დიდი ბრენდია ბავშვთა ტანსაცმლის ინდუსტრიაში. ის ცნობილია მაღალი ხარისხის ქსოვილებით, კომფორტულობით როგორც დედისთვის, ისე ბავშვისთვის, ფერადი და მხიარული პრინტებით. ბრენდი განსაკუთრებულ აქცენტს ხარისხისა და ფასის იდეალურ კომბინაციაზე აკეთებს, რაც მისი მთავარი ნიშაა.მიმდინარე შეთავაზების ფარგლებში კი ხარიხიანი და მოდური საბავშვო ტანსაცმელი კიდევ უფრო ხელმისაწვდომი ხდება. Carter's-ში ორჯერ მეტი ბედნიერება გელოდებათ.

1756465849

აღსანიშნავია, რომ Global Finance საუკეთესო ციფრულ ბანკებს არაერთი წელია, აფასებს და მისი მიზანი მსოფლიოს მასშტაბით წამყვანი ფინანსური ინსტიტუტების ინოვაციური და ეფექტური ციფრული გამოცდილების წარმოჩენაა. წლევანდელი შედეგებით, საქართველოს ბანკმა ჯამში 34 ჯილდო მოიპოვა, რომელთაგან 16 ბიზნესის სეგმენტზე მოდის.გამარჯვებულები რეგიონისა და ცალკეული ქვეყნების მასშტაბით სხვადასხვა კრიტერიუმით შეაფასეს, მათ შორის განიხილეს ციფრული სტრატეგიის სიძლიერე, ბიზნესმომხმარებლებისთვის შეთავაზებული პროდუქტებისა და სერვისების ეფექტურობა, ციფრული ტრანსფორმაციის მასშტაბურობა, ტექნოლოგიური ინოვაციები და სხვა. მონაწილეები Infosys-ის მსოფლიო დონის ჟიურიმ შეაფასა, ხოლო საბოლოო სია Global Finance-ის რედაქციამ გამოავლინა.საქართველოს ბანკმა ბიზნესის მიმართულებით გამარჯვება შემდეგ კატეგორიებში მოიპოვა:ცენტრალური და აღმოსავლეთ ევროპის რეგიონი: საუკეთესო სრულად ციფრული ბანკი ბიზნესისთვის ცენტრალურ და აღმოსავლეთ ევროპაში; საუკეთესო ბანკი ბიზნესისთვის ინტეგრიგებული ფინანსების მიმართულებით ცენტრალურ და აღმოსავლეთ ევროპაში; საუკეთესო ციფრული გადახდების სტრატეგია ბიზნესის მიმართულებით, ცენტრალურ და აღმოსავლეთ ევროპაში; საუკეთესო სავაჭრო დაფინანსების სერვისები ბიზნესისთვის ცენტრალურ და აღმოსავლეთ ევროპაში; საუკეთესო ღია ბანკინგის API-ები ბიზნესისთვის ცენტრალურ და აღმოსავლეთ ევროპაში; საუკეთესო ბანკი ტრანსფორმაცის მიმართულებით ბიზნესისთვის ცენტრალურ და აღმოსავლეთ ევროპაში. საქართველო: საუკეთესო ციფრული ბანკი ბიზნესისთვის საქართველოში; საუკეთესო სრულად ციფრული ბანკი ბიზნესისთვის საქართველოში; საუკეთესო ბანკი ინტეგრიგებული ფინანსების მიმართულებით ბიზნესისთვის საქართველოში; საუკეთესო ციფრული გადახდების სტრატეგია ბიზნესისთვის საქართველოში; სავაჭრო დაფინანსების საუკეთესო სერვისები ბიზნესისთვის საქართველოში; საუკეთესო ინტეგრირებული კორპორატიული საბანკო პროგრამა საქართველოში; ყველაზე ინოვაციური ციფრული ბანკი ბიზნესისთვის საქართველოში; საუკეთესო ღია ბანკინგის API-ები ბიზნესისთვის საქართველოში; საუკეთესო საბანკო მომსახურება მცირე და საშუალო ბიზნესისთვის / საუკეთესო მცირე და საშუალო ბიზნესის პლატფორმა საქართველოში; საუკეთესო ბანკი ტრანსფორმაციის მიმართულებით ბიზნესისთვის საქართველოში.

1756465450

იტალიის ელჩი საქართველოში მასიმილიანო დ’ანტუონო თბილისში A.C. Milan-ის პირველი მასშტაბური საფეხბურთო ბანაკის, Milan Junior Camp-ის დაწყებას ეხმაურება. როგორც ელჩი აღნიშნავს, რამდენიმედღიანი ღონისძიება იტალიური სპორტის დღის ფარგლებში გაიმართება.„სპორტი ჩვენთვის - მიზანსწრაფული სპორტსმენებისა თუ გულმხურვალე ქომაგებისთვის - იტალიის იდენტობის განუყოფელ ნაწილს წარმოადგენს: ჩვენი ჩემპიონები გვეამაყება და ის ემოციები გვაერთიანებს, რომლებსაც სპორტი გვჩუქნის.სპორტი ადამიანური, დიპლომატიური და ეკონომიკური ურთიერთობების ინსტრუმენტიცაა. სწორედ ამ სულისკვეთებით, ჩვენ წვლილი შევიტანეთ საქართველოში „მილანის“ პირველი ახალგაზრდული საფეხბურთო ბანაკის ორგანიზებაში. ეს ბანაკი AC Milan-თან და Sports Corporation LLC-სთან თანამშრომლობით, იტალიური სპორტის დღის ფარგლებში გაიმართება, რომელსაც წელს უკვე მეორედ, 8-14 სექტემბერს აღვნიშნავთ. „მილანის“ ახალგაზრდული ბანაკი თბილისში პირველად ჩატარდება და პატარა ქართველი ფეხბურთელების წვრთნებს „მილანის“ წარმატებული წითელ-შავი საფეხბურთო კლუბის წარმომადგენლები უხელმძღვანელებენ,“ — აცხადებს მასიმილიანო დ’ანტუონობანაკის ერთ-ერთი თანაორგანიზატორი სწორედ იტალიის საელჩოა. Milan Junior Camp-ის ფარგლებში, იტალიელი მწვრთნელები ქართველი ბავშვებისთვის ერთი კვირის განმავლობაში ვარჯიშებს საბურთალოს რაიონში, ნუცუბიძის პლატოზე არსებულ საფეხბურთო ცენტრში ჩაატარებენ.მონაწილეები ასაკობრივ ჯგუფებად დაიყოფიან (ჯამში, 3 ჯგუფი) და მათ ერთი კვირის განმავლობაში, AC Milan-ის ოფიციალური პროგრამით, საათნახევრიანი ინტენსიური ვარჯიშები ჩაუტარდებათ.Milan Junior Camp-ში მონაწილეობა შეუძლიათ 6-დან 15 წლამდე ასაკის ბავშვებს. პროექტი უნიკალურ შესაძლებლობას სთავაზობს პატარა ფეხბურთელებს, ისწავლონ ფეხბურთი უმაღლესი სტანდარტებით, რომლებიც ითვალისწინებს გუნდურ მუშაობას, პიროვნულ ზრდასა და გართობას.  ისინი  ბანაკებში, ს.კ „მილანის“ მაღალკვალიფიციური მენეჯერებისა და ადგილობრივი მწვრთნელების მეთვალყურეობით,  სრულიად უსაფრთხოდ ითამაშებენ ფეხბურთს.„მილანის“ ბანაკები მსოფლიოს სხვადასხვა წერტილში, რამდენიმე შერჩეულ ადგილას ტარდება. ისინი ყველა მონაწილეს სთავაზობენ  უნიკალური გამოცდილების გაზიარების შესაძლებლობას, რაც ახალი მეგობრების შეძენასა და  სასიამოვნო დროის გატარებას გულისხმობს.

1756465217

როგორც იცით, ევრობასკეტზე საქართველო მეექვსედ ასპარეზობს. ისტორიამ აჩვენა, რომ ჯგუფურ ეტაპზე გასამართ პირველ მატჩს ძალიან კარგად ვთამაშობთ: 2011-დან დღემდე, 6 მატჩში, მე-4 გამარჯვება მოვიპოვეთ. ესპანეთი უმაღლესი საკალათბურთო ეშელონის წარმომადგენელია და სერჯიო სკარიოლოს გუნდთან ფავორიტად ნამდვილად არ ვიყავით შერაცხულნი, თუმცა როგორც გაირკვა, სულ ტყუილად.ჩვენი ნაკრების მთავარმა მწვრთნელმა, ალეკსანდარ ჯიკიჩმა, ასეთი ხუთეული გამოიყვანა: კამარ ბოლდუინი, დუდა სანაძე, გოგა ბითაძე, სანდრო მამუკელაშვილი და თორნიკე შენგელია (C). აღსანიშნავი ფაქტია, რომ სხვადასხვა მიზეზიდან გამომდინარე, ამ ხუთეულს, ზაფხულში გამართულ არცერთ ამხანაგურ მატჩში არ უთამაშია ერთად.დასაწყისიდანვე, საქართველოს ნაკრებმა სადავეები ხელთ იპყრო და წინ 10 ქულითაც გაიჭრა, თუმცა ესპანელებმა მობილიზება მალე მოახერხეს და პირველი მეოთხედი მცირე სხვაობით დავასრულეთ (20:17).მეორე მეოთხედის დასაწყისში, სულ რაღაც წუთნახევარში, მეტოქეს 3 ჯარიმა გამოვტყუეთ, რამაც მნიშვნელოვანი უპირატესობა მოგვცა. ამის მიუხედავად, თამაში გარდამავალი უპირატესობით წარიმართა და მეტიც, მეორე მეოთხედის მიწურულს, ესპანეთი 1 ქულით დაწინაურდა, თუმცა ამას 5-ბურთიანი გაქცევით ვუპასუხეთ. გამოსაყოფია თორნიკე შენგელიას შესანიშნავი 3-ქულიანი კუთხიდან, რომელიც მისთვის პირველი ქულა იყო თამაშიდან.მატჩის საწყისი ნახევარი ანგარიშით 37:35 დასრულდა. ამ დროისთვის, ქულები მხოლოდ სასტარტო ხუთეულის წევრების ანგარიშზე იყო - ანდრონიკაშვილის, ბურჯანაძის, ჯინჭარაძის, ოჩხიკიძისა და შერმადინის გვარების გასწვრივ 0 ქულა ეწერა.მეორე ტაიმი იმავე შემადგენლობით დავიწყეთ და მეტოქეს 5:0 გაქცევა მოვუწყვეთ. ვიხილეთ ბოლდუინის საოცარი, შორეული 3-ქულიანი, რომელსაც მისივე ასისტით, კაპიტანმა 2 ქულა დაუმატა და გულშემატკივარს იმედი კიდევ უფრო მეტად გაუმყარდა. ესპანელებმა შეცდომებს უმატეს, რითაც ვისარგებლეთ და სხვაობა გავზარდეთ - მესამე მეოთხედი 8 ქულით, ანგარიშით 57:49 მოვიგეთ და ევროპის მოქმედ ჩემპიონს სულ რაღაც 14 ქულა ჩავაგდებინეთ.მეოთხე, დასკვნით მეოთხედში ემოციებმა პიკს მიაღწია. ძალიან რთული გამოდგა სასტარტო წუთები, როდესაც ესპანელებმა ბლიცკრიგი მოგვიწყვეს და ანგარიში 5 ქულამდე შეამცირეს, რასაც ჯიკიჩმა დროული ტაიმაუტით უპასუხა - მისმა ჩარევამ ბევრი რამ შეცვალა, თუმცა მატჩის დამთავრებამდე 7 წუთით ადრე, მოულოდნელად, გოგა ბითაძემ მე-4 პერსონალური ჯარიმა მიიღო. დავიძაბეთ, ვინერვიულეთ, მაგრამ რა ვიცოდით, რომ გოგასთვის მატჩი ახლა იწყებოდა.ბითაძემ ჯერ სანაძესთან ერთად გაითამაშა სწრაფი კომბინაცია და კუთხიდან უზომოდ დიდი მნიშვნელობის 3-ქულიანი ჩააგდო, შემდეგ კი ბოლდუინის დაკიდებულ მშვენიერი ალეუპს გამოეხმაურა და 5 ქულა უმოკლეს დროში მიითვალა. შედეგად, 12 ქულით წინ გავედით (72:60) და მატჩის დასრულებამდე 4 წუთი რჩებოდა. კალათბურთში ყველაფერი შეიძლება მოხდეს, თუმცა მოედანზე შექმნილი აურა ყველაფრის მთქმელი იყო: ესპანელები ჩქარობდნენ, ტემპს თავს ვერ გვახვევდნენ, უშვებდნენ ძალიან ბევრ შეცდომას და ინიციატივის საკუთარ თავზე აღებას ვერავინ ახერხებდა.საბოლოოდ, საოცარ მატჩში გავიმარჯვეთ. ჩვენმა საკალათბურთო ნაკრებმა მოქმედი ჩემპიონი 14 ქულით (82:69) დაამარცხა და ყველა სკეპტიკოსის ეჭვი გაფანტა. ფანტასტიკური იყო სანდრო მამუკელაშვილი, რომელიც 19 ქულით, 7 მოხსნითა და 6 ასისტით მატჩის საუკეთესო მოთამაშე გახდა. ასევე აუცილებლად უნდა აღვნიშნოთ დასკვნით მეოთხედში გოგა ბითაძის შესანიშნავი პერფორმანსი, რომელმაც მატჩის საბოლოო შედეგზე დიდი მნიშვნელობა იქონია.30 აგვისტოს, 16:00-ზე, იტალიის ნაკრებთან მატჩი გველოდება. იტალია დღემდე არასოდეს დაგვიმარცხებია, თუმცა არც ესპანეთთან ვიყავით ფავორიტი. ხომ გავიმარჯვეთ?როგორც FIBA-ს ოფიციალური გვერდი წერს, ჯერ მხოლოდ 1 მატჩი გაიმართა, თუმცა საქართველომ უკვე მერვედფინალის კარზე დააკაკუნა.არ გაჩერდე, საქართველო.ერთად ვუგულშემატკივროთ ქართველ სპორტსმენებს. საქართველოს ბანკი საქართველოს ეროვნული საკალათბურთო ნაკრების მთავარი სპონსორია. 

1756460160