29 აგვისტო უქმე დღედ გამოცხადდა

ცესკოს აპარატის/იურიდიული დეპარტამენტის უფროსის, გიორგი სანტურიანის განცხადებით, მიღებული სამართლებრივი აქტები პოლიტიკურ გაერთიანებებს კანდიდატების რეგისტრაციის პროცესს მნიშვნელოვნად უმარტივებს.„ცესკომ დღეს მიიღო სამართლებრივი აქტები, რომლებიც მნიშვნელოვნად უმარტივებს პოლიტიკურ გაერთიანებებს კანდიდატების რეგისტრაციის პროცესს. კერძოდ, პოლიტიკურ გაერთიანებებს შესაძლებლობა ექნებათ პარტიული სიები წარადგინონ დისტანციურად, ელექტრონული ფორმით. ამავდროულად, ამგვარი ფორმის გამოყენების შემთხვევაში საკმარისი იქნება დოკუმენტაციის ერთ ეგზემპლარად წარდგენა. ასევე მარტივდება მატერიალური ფორმით დოკუმენტაციის წარდგენის პროცედურაც. ასევე, თუკი პარტიულ სიაში იქ არსებული კანდიდატების რაოდენობა ჩამოსცდება კანონით დადგენილ მინიმუმს იმ მიზეზით, რომ კანდიდატებმა პირადი განცხადების საფუძველზე გაიუქმეს რეგისტრაცია, აღნიშნული არ იქნება სიის რეგისტრაციის გაუქმების სამართლებრივი საფუძველი. შესაბამისად ამგვარ ცვლილებას გარკვეული პრევენციული მნიშვნელობა ექნება იმისთვის, რომ არ გაუქმდეს რეგისტრირებული პოლიტიკური გაერთიანებების პარტიული სია“, - განაცხადა სხდომის დასრულების შემდეგ ცესკოს აპარატის/იურიდიული დეპარტამენტის უფროსმა გიორგი სანტურიანმა.მიღებული დადგენილების თანახმად, თუ კანდიდატი იმავდროულად წარდგენილია ადგილობრივ მაჟორიტარულ საარჩევნო ოლქში, შესაბამის საოლქო საარჩევნო კომისიაში (საქართველოს დედაქალაქის - თბილისის საკრებულოს არჩევნებისას - ცესკოში) წარდგენილ პარტიულ სიას, საქართველოს ორგანული კანონით „საქართველოს საარჩევნო კოდექსი” განსაზღვრულ სხვა დოკუმენტებთან ერთად უნდა ერთოდეს 2 ფოტოსურათი და სააღრიცხვო ბარათი 2 ეგზემპლარად. საქართველოს დედაქალაქის - თბილისის საკრებულოს არჩევნებისას აღნიშნული დოკუმენტების თითო ეგზემპლარი/ასლი გადაეცემა შესაბამის საოლქო საარჩევნო კომისიას.ამასთან, დღესვე ცესკომ მიიღო დადგენილება, რომლის თანახმადაც მუნიციპალიტეტის წარმომადგენლობითი ორგანოს - საკრებულოსა და თვითმმართველი ქალაქის/თვითმმართველი თემის მერის 2025 წლის 4 ოქტომბრის არჩევნებისათვის რეგისტრირებული პარტიის საარჩევნო რეგისტრაცია გაუქმდება ცესკოს თავმჯდომარის განკარგულებით, თუ არცერთ საარჩევნო ოლქში/ადგილობრივ მაჟორიტარულ საარჩევნო ოლქში პარტიამ არ წარადგინა პარტიული სია, მერობის კანდიდატი ანდა საკრებულოს წევრობის მაჟორიტარი კანდიდატი; არცერთ საარჩევნო ოლქში/ადგილობრივ მაჟორიტარულ საარჩევნო ოლქში რეგისტრაციაში არ გატარდა პარტიის მიერ წარდგენილი პარტიული სია, მერობის კანდიდატი ანდა საკრებულოს წევრობის მაჟორიტარი კანდიდატი; გაუქმდა პარტიის მიერ ყველა საარჩევნო ოლქში/ადგილობრივ მაჟორიტარულ საარჩევნო ოლქში წარდგენილი პარტიული სიის, მერობის კანდიდატის ანდა საკრებულოს წევრობის მაჟორიტარი კანდიდატის რეგისტრაცია.ცესკოს ცნობით, ამავე დადგენილებით განისაზღვრა, რომ 4 ოქტომბრის არჩევნებისათვის რეგისტრირებულ პარტიას წარმომადგენლის დანიშვნის უფლება აქვს მხოლოდ ცესკოში, იმ საოლქო და საუბნო საარჩევნო კომისიებში, სადაც რეგისტრაციაში გატარდა მის მიერ წარდგენილი პარტიული სია, მერობის კანდიდატი ანდა საკრებულოს წევრობის მაჟორიტარი კანდიდატი და მათი რეგისტრაცია არ გაუქმებულა.

1756135397

„ედელინგი“ თხილისა და კაკლოვანი პროდუქტების გადამამუშავებელი საწარმოა, რომელიც 2017 წელს დაარსდა. კომპანია ნედლეულს ადგილობრივი ფერმერებისგან იღებს, ამუშავებს და ექსპორტზე გააქვს. გასულ სეზონზე „ედელინგმა” 780 ტონა თხილი გადაამუშავა.წარმოების გასავითარებლად, საქართველოს ბანკმა 3 მილიონი ევროს მოცულობის ფინანსური ინვესტიცია განახორციელა.„საქართველოს ბანკისთვის რეგიონების განვითარება უცვლელი პრიორიტეტია. სწორედ ამიტომ, ჩვენს პარტნიორ ბიზნესებთან აქტიურად ვმუშაობთ, რათა რეგიონებში მასშტაბური პროექტები განხორციელდეს და კიდევ უფრო მეტად გაძლიერდნენ. კომპანია ედელინგი ქართულ-გერმანული საწარმოა და ევროპის ბაზარზე წარმატებით ოპერირებს. აღნიშნული დაფინანსებით კომპანიამ წარმოება გააძლიერა, სამომავლოდ კი უფრო მეტად გაფართოებას გეგმავს. გვინდა წარმატებები ვუსურვოთ გუნდს. ჩვენ კი ვაგრძელებთ რეგიონებში არაერთი საინტერესო პროექტის განხორციელებას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.

1756129980

ერთ დროს ფართოდ განხილვადი, ახლა კი ნაკლებად აქტუალური ამბავია - 2019 წელს გადაღებული ცნობილი ფოტო გავიხსენოთ, სადაც დრაფტის პირველ პიკს, ზაიონ უილიამსონს, თავს უამრავი ჟურნალისტი ახვევია, გოგა ბითაძეს კი ყველა აიგნორებს.ამ ფოტომ ძალიან დიდი რეზონანსი გამოიწვია და სოციალური ქსელები მოიცვა. მეტიც, შემდგარმა ვარსკვლავებმა - დუეინ უეიდმა და დრეიმონდ გრინმა, გოგას მიმართ გამამხნევებელი სიტყვები არ დაიშურეს: “გამოიყენე, როგორც საწვავი”, - ასეთი კომენტარი გააკეთა უეიდმა. გრინმა კი აღნიშნა, ეს ფოტო ბითაძემ ჩარჩოში უნდა ჩასვას და მას ყოველდღე შეხედოსო.დრეიმონდ გრინს გოგა არ დაეთანხმა, რამაც კალათბურთისადმი მისი მიდგომა და დამოკიდებულება სხვა კუთხით დაგვანახა. მანამდე, 2019 წლის “ევროლიგის ამომავალ ვარსკვლავად” დაასახელეს და რამდენიმეწლიანი ევროპული კარიერის შემდეგ, პირდაპირ NBA-ში მოხვდა - აბსოლუტურად განსხვავებულ, ვარსკვლავებით სავსე გარემოში, სადაც მას არავინ იცნობდა. რთული მისია ჰქონდა შესასრულებელი: მისი ფეხის კვალი პარკეტს უნდა დასტყობოდა, ნატყორცნს ქულები, დაფარებებს - გამარჯვებები, შრომას კი აღიარება უნდა მოეტანა.თვითდამკვიდრების იმდენად მძლავრი, ჯანსაღი ამბიცია ჰქონდა, რომ ზაიონთან ფოტო საწვავად აღარ გამოდგებოდა - ისედაც მოტივაციით იყო სავსე. ფოტოს გავრცელებიდან მალევე, კომენტარი გააკეთა: ვიცი, რომ ზაიონი ძალიან მაგარი კალათბურთელია და მომხდარი საერთოდ არ მაწუხებსო. ამ თავმდაბლურ სიტყვებში, ქვეტექსტად, მიზანზე ორიენტირებულობა იკითხებოდა.“ინდიანაში” ყოფნისას, მე-18 პიკად არჩეულ გოგას, ნიჭისა და უნარების გამოსავლენად სათანადო დრო და ნდობა არ მისცემია. 3 სეზონის განმავლობაში მისი საშუალო სათამაშო დრო 15 წუთზე მაღლა არასდროს ასულა და ბოლო სეზონში, 57 მატჩში, მოედანზე მხოლოდ 21-ჯერ ვიხილეთ.შემდეგ, გამოჩნდა "ორლანდო მეჯიქი" - პირველ წელს, მოედანზე 62-ჯერ გავიდა (33 შემთხვევაში, სტარტერი იყო), 2024/25 წლების სეზონში კი - 70-ჯერ (42-ჯერ იყო სასტარტო ხუთეულში). თვალსაჩინო პროგრესის ფონზე, გაჩნდა იმის რეალური საფუძველი, რომ გოგამ კიდევ უფრო მაღალ საფეხურებზე აინაცვლოს.გოგა მიზანმიმართული მებრძოლია. არ ნებდება და აღიარების გამომუშავების სტადიაზე იმყოფება. არის ტრადიციული ცენტრის ტიპის კალათბურთელი, შესანიშნავია ფარქვეშ, თუმცა იცის, რომ სროლა მისთვის ჯერ კიდევ დასახვეწი კომპონენტია: "მთავარია, საკუთარი შესაძლებლობების ვირწმუნო და მუშაობა გავაგრძელო", - თქვა მან.არ ჩერდება და ესაა მისი საწვავი, მისი ჩარჩოში ჩამოკიდებული ფოტო. არის 26 წლის და წინ ძალიან ბევრი გამოცდა ელოდება, რომელიც ყველაფერს გასცემს პასუხს. სულ მალე, საქართველოს ნაკრებთან ერთად, ევრობასკეტზე ითამაშებს - ტურნირზე, სადაც 25 საუკეთესო ვარსკვლავს შორის, FIBA-მ ის სანდრო მამუკელაშვილთან ერთად გამოარჩია. ჩვენ ის დაგვრჩენია, თამაშებს დაველოდოთ და ნაკრებს გულმხურვალედ ვუქომაგოთ, გოგა კი თავის სათქმელს აუცილებლად იტყვის.არ გაჩერდე,Go Goga. Go.საქართველოს ბანკი - საქართველოს ეროვნული საკალათბურთო ნაკრების მთავარი სპონსორი.

1756128159

"დღეს გამოქვეყნდა ივლისის თვის დაზუსტებული მონაცემები. ივლისში სებ-მა ინტერვენციების შედეგად, საერთაშორისო სავალუტო რეზერვები 416. 9 მლნ აშშ დოლარით შეავსო, ხოლო წლის დასაწყისიდან სავალუტო რეზერვები ანუ მისი ნეტო მაჩვენებელი სარეკორდოდ 1.3 მლრდ აშშ დოლარით არის გაზრდილი და მეტია 2023 წლის პირველ ექვს თვეში რეკორდული რაოდენობის, $1.08 მილიარდი შესყიდვასთან შედარებით. რეზერვების მთლიანმა მოცულობამ უკვე გადააჭარბა 5 მლრდ აშშ დოლარს. ეს მონაცემები იმითაც არის აღსანიშნავი, რომ გასული წლის ოქტომბრის ბოლოს სავალუტო რეზერვები $630 მილიონით შემცირდა, რაც დიდწილად ოქტომბერში წინასაარჩევნოდ და არჩევნების შედეგების არაღიარების მოტივით ოპოზიციის და არასამთავრობოების მიერ დაწყებული საპროტესტო გამოსვლების შედეგი იყო, და ბაზარზე სავალუტო აჟიოტაჟის ჩასაცხრობად იყო გამოყენებული. თუ მხედველობაში მივიღებთ, რომ სწორედ ოპოზიციის მიერ მხარდაჭერილი პოლიტიკური რყევების შედეგად 2024 წლის ნოემბრის დასაწყისში რეზერვები $4.08 მილიარდამდე იყო შემცირებული, ზრდა მართლა თვალსაჩინოა და უკვე გადააჭარბა 2023 წლის ნოემბრის მაჩვენებელს, როდესაც რეზერვების დონე $5.11 მილიარდი იყო.რაც შეეხება სამომავლო პროგნოზებს, სექტემბერ-ოქტომბერში საერთაშირისო ტურიზმის პიკს და მთლიანად მომსახურების ექსპორტის მზარდ დინამიკას, უკვე ოქტომბრისათვის სავალუტო რეზერვები თავისუფლად გადააჭარბებს 5.3 მლრდ აშშ დოლარს, რაც დღემდე მაქსიმუმად ითვლება და ახალ ისტორიულ მაქსიმუმზე ავა. ობიექტურობისათვის უნდა აღინიშნოს, რომ ეროვნული ბანკის და პირადად მისი პრეზიდენტის ქალბატონ ნათია თურნავას დიდი დამსახურებაა, რომ რეზერვების წმინდა ნამატთან ერთად, უპრობლემოდ ხდება ქვეყნის საერთაშორისო ვალდებულებების მომსახურება, რეზერვების ზრდასთან ერთად. ამის დადასტურებაა საერთაშორისო სავალუტო ფონდის და წამყვანი საერთაშორისო სარეიტინგო სააგენტო “სტანდარდ ენდ ფურსის” (S&P Global) მიერ ეკონომიკის მდგრადობის და ქვეყნის სუვერენული რეიტინგის პოზიტიური შეფასებები. სამწუხაროდ, საერთაშორისო სავალუტო რეზერვების ზრდის მაღალი დინამიკა აჩვენებს თუ რამდენად ტენდენციური და რეალობასთან მკვეთრად აცდენილია ცალკეულ, ოპოზიციურად განწყობილ ექსპერტთა შეფასებები. ამ წლის დასაწყისში, არა თუ ასეთ ზრდას 3 მილიარდ აშშ დოლარამდე შემცირებას, რომ პროგნოზირებდენ!", - წერს ცუცქირიძე.

1756127743

სამი დღის განმავლობაში, ფესტივალი უმასპინძლებს ინდუსტრიის წამყვანი პროფესიონალებისა და საინტერესო ადამიანების გამოსვლებს, ვორქშოფებსა და პანელურ განხილვებს. მათ შორის, შემოქმედებითი გუნდების სწორ მუშაობაზე ორიენტირებული კომპანიის - Let’s Lightbubl-ის დამფუძნებელი Tim Leake იქნება. ეს არის შესაძლებლობა, სფეროთი დაინტერესებული ადამიანები გაეცნონ შემოქმედებით ინდუსტრიაში არსებულ ტენდენციებს, გაიღრმაონ პროფესიული ცოდნა და გაიცნონ სფეროს წამყვანი პროფესიონალები.ფესტივალი ყოველწლიურად დაჯილდოების ცერემონიით სრულდება, სადაც წინასწარ შერჩეული საერთაშორისო ჟიური გამარჯვებულებს სხვადასხვა კატეგორიაში გამოავლენს. კონკურსში მონაწილეობას იღებენ, როგორც ქართული, ასევე საერთაშორისო სააგენტოები მსოფლიოს სხვადასხვა ქვეყნიდან.თიბისი და AD BLACK SEA ფესტივალის დაარსებიდან, 2015 წლიდან პარტნიორები არიან. თიბისისთვის, შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა. AD BLACK SEA უკვე მეცხრე წელია იმართება ბათუმში, სადაც ევროპის და აზიის ქვეყნების წარმომადგენლები ერთმანეთს ცოდნასა და გამოცდილებას უზიარებენ.წელს, უკვე მესამედ, AD BLACK SEA-ზე თიბისი წარადგენს ნომინაციას Young Creative და წლის ყველაზე შემოქმედებით ახალგაზრდას გამოავლენს.ფესტივალის შესახებ მეტი ინფორმაციის მისაღებად ეწვიეთ ბმულს.თიბისი ბრენდის ერთ-ერთი მთავარი ღირებულება, განვითარებაზე ორიენტირებულობაა. მსგავსი ღონისძიებები, აფართოებს შემოქმედებით თვალსაწიერს და ამ ინდუსტრიის წარმომადგენლებს აძლევს მოტივაციას, მიიღონ ახლი ცოდნა და გამოცდილება. არწმუნებს, რომ შეუძლებელიც შესაძლებელია, მთავარია სჯეროდეთ!

1756125889

სემინარზე არასაბანკო სექტორის მარეგულირებელი აქტების მნიშვნელოვანი საკითხები განიხილეს. მათ შორის, მონაწილეები გაეცნენ ფინანსური ანგარიშგების შევსებისა და ელექტრონული პორტალის გამოყენების ინსტრუქციას. ისაუბრეს  საოპერაციო რისკების შემცირების აუცილებლობაზე. ასევე, ცალკე მოდული დაეთმო ფულის გათეთრების წინააღმდეგ ბრძოლის საკითხებს, მათ შორის, პრევენციული ზომების მნიშვნელობას.სწავლება ინტერაქტიულ რეჟიმში წარიმართა. მონაწილეებმა არასაბანკო სექტორის საჭიროებებსა და გამოწვევებზე იმსჯელეს, ასევე ყურადღება გამახვილდა რეგულარული საგანმანათლებლო შეხვედრების აუცილებლობაზე. აღინიშნა, რომ პროფესიული განათლების პროექტები მომავალში კიდევ უფრო გაფართოვდეს და სულ უფრო მეტი სამიზნე ჯგუფი მოიცვას, როგორც პირისპირ შეხვედრების, ასევე ონლაინ პლატფორმის მეშვეობით.ღონისძიების დასრულების შემდეგ მონაწილეებს სერტიფიკატები გადაეცათ.აღსანიშნავია, რომ ივლისში სემინარი ქუთაისსა და ბათუმშიც ჩატარდა. წლევანდელი სემინარების სერიამ სულ ორასამდე ვალუტის გადამცვლელი პუნქტის წარმომადგენელი მოიცვა.

1756125235