სოფლის მეურნეობის სახელმწიფო ლაბორატორიის წარმომადგენლებმა გურჯაანში ღვინის მწარმოებლებს ლაბორატორიული კვლევების შესაძლებლობები გააცნეს

ტაშკენტში, მსოფლიოს საუკეთესო ახალგაზრდა ტალანტებს შორის, ქართველმა მოსწავლეებმა საქართველოს კიდევ ერთი მნიშვნელოვანი საერთაშორისო წარმატება მოუტანეს. ვერცხლისმედალი მოიპოვა ანდრია ვასაძემ, ბრინჯაოსმედალი დაიმსახურა ვლადიმერ ფრანგიშვილმა, საპატიო სიგელები კინიკოლოზ მელიქიშვილს და მათე რეხვიაშვილს გადაეცათ. ნაკრების ოთხივე წევრი ვლადიმირ კომაროვის თბილისის ფიზიკა-მათემატიკის №199 საჯარო სკოლისა და საინფორმაციო ტექნოლოგიების ცენტრ „მზიურის“ მოსწავლეა.IOI მსოფლიოში ერთ-ერთი ყველაზე პრესტიჟული ტექნოლოგიური და სამეცნიერო ოლიმპიადაა, სადაც სხვადასხვა ქვეყნის უფროსკლასელები ალგორითმულ აზროვნებასა და პროგრამირებაში საკუთარ ცოდნასა და უნარებს ურთულესი ამოცანების გადაჭრით ამოწმებენ.ნაკრებმა, თიბისისა და ბიზნესისა და ტექნოლოგიების უნივერსიტეტის პარტნიორობით, „ტექ ოლიმპიადების ჰაბის“ ფარგლებში, სპეციალური ინტენსიური პროგრამა გაიარა. მოსამზადებელი ეტაპები თბილისში, ბაკურიანსა და ბიზნესისა და ტექნოლოგიების უნივერსიტეტში ჩატარდა. მოსწავლეები ოლიმპიადის ფორმატზე მორგებულ ალგორითმულ ამოცანებსა და პრაქტიკულ ქეისებზე მუშაობდნენ. მათ მენტორობას პროფესორი გიორგი მანდარია, ბაქარ გამეზარდაშვილი და თარაშ დოლაბერიძე უწევდნენ.ინფორმატიკის საერთაშორისო ოლიმპიადა IOI ერთ-ერთი ოლიმპიადაა, იმ ხუთ ოლიმპიადას შორის, რომელიც განათლების, მეცნიერებისა და ახალგაზრდობის სამინისტროს მიერ პრიორიტეტულადაა აღიარებული. აღნიშნულ ოლიმპიადაზე საქართველო გუნდებს წარადგენს 1996 წლიდან. ნაკრები გუნდი ინფორმატიკის ეროვნული სასწავლო ოლიმპიადების შედეგებისა და დამატებითი შესარჩევი ტურების საფუძველზე შეირჩევა. საერთაშორისო სასწავლო ოლიმპიადებისთვის საქართველოს ნაკრები გუნდების წევრების შერჩევა, მომზადება და მონაწილეობა საქართველოს განათლების, მეცნიერების და ახალგაზრდობის სამინისტროს მხარდაჭერით, შოთა რუსთაველის საქართველოს ეროვნული სამეცნიერო ფონდის ადმინისტრირებით ხორციელდება.განათლებისა და ტექნოლოგიური ეკოსისტემის გაძლიერება თიბისისთვის ერთ-ერთი სტრატეგიული პრიორიტეტია. ბრენდი აგრძელებს ისეთი ინიციატივების მხარდაჭერას, რომლებიც ახალგაზრდებს თანამედროვე ტექნოლოგიების მიმართულებით განვითარების შესაძლებლობას აძლევს, აძლიერებს მათ პრაქტიკულ უნარებს და საერთაშორისო წარმატებისთვის ამზადებს.

1786960343

ქართული სამედიცინო საზოგადოება მნიშვნელოვან წარმატებას აღნიშნავს. ავტორიტეტულ საერთაშორისო სამეცნიერო ჟურნალში „Journal of International Medical Research“ გამოქვეყნდა ქართველი მკვლევრების ნაშრომი, რომელიც COVID-19-ით ინფიცირებულ პაციენტებში გულის დაზიანების ადრეულ დიაგნოსტიკას ეხება.აღნიშნულ მასშტაბურ სამეცნიერო პროექტს პროფესორი ლევან რატიანი ხელმძღვანელობდა.პროფესორ ლევან რატიანის გუნდის მიგნებაცნობილია, რომ კორონავირუსი ხშირად აზიანებს გულის კუნთს, თუმცა ამ დაზიანებების დროული პროგნოზირება მედიცინისთვის დიდ გამოწვევად რჩებოდა. პროფესორმა ლევან რატიანმა და მისმა გუნდმა ყურადღება გაამახვილეს ბიომარკერზე, სახელად გალექტინ-3 (Galectin-3) — ცილაზე, რომელიც ორგანიზმში მიმდინარე ანთებით და ნაწიბუროვან პროცესებზე მიგვითითებს.ლევან რატიანის ხელმძღვანელობით ჩატარებულმა რეტროსპექტიულმა კვლევამ აჩვენა, რომ ჰოსპიტალიზებულ პაციენტებში გალექტინ-3-ის კონცენტრაციის მატება პირდაპირ კორელაციაშია გულის კამერების ზომებისა და ფუნქციების ანომალიურ ცვლილებებთან (ექოკარდიოგრაფიულ მაჩვენებლებთან).პრაქტიკული მნიშვნელობა მედიცინაშიპროფესორ ლევან რატიანის სამეცნიერო ჯგუფის მიერ წარმოდგენილი ეს მეთოდი ექიმებს აძლევს უმნიშვნელოვანეს ინსტრუმენტს. გალექტინ-3-ის დონისა და გულის ულტრაბგერითი მონაცემების ერთობლივი ანალიზით შესაძლებელი ხდება: პაციენტის მდგომარეობის დამძიმების რისკების ადრეული პროგნოზირება. გულ-სისხლძარღვთა სისტემის ფარული დაზიანებების დროული გამოვლენა მწვავე ფაზაში. მკურნალობის ტაქტიკის უფრო ეფექტურად შერჩევა. ეს წარმატება კიდევ ერთხელ უსვამს ხაზს პროფესორ ლევან რატიანისა და მისი გუნდის მაღალ პროფესიონალიზმს გლობალურ სამეცნიერო სივრცეში.სტატიის გამოქვეყნება საერთაშორისო ჟურნალშიწარმოადგენს მნიშვნელოვან ნაბიჯს საქართველოს სამეცნიერო საზოგადოებისათვის. ეს წარმატება ხაზს უსვამს გუნდის პროფესიონალიზმსა და აქტუალურ თემებზე მუშაობას, რაც უკვე აღიარებულია საერთაშორისო სამეცნიერო სივრცეში.

1786958833

შეხვედრაზე მონაწილეებს ინფორმაცია მიეწოდათ ღვინის ხარისხის კვლევებით განსაზღვრული ძირითადი პარამეტრების შესახებ. ყურადღება გამახვილდა ლაბორატორიული კვლევების მნიშვნელობაზე ღვინის ხარისხის შეფასებისა და პროდუქციის ხარისხის უზრუნველყოფის პროცესში.სოფლის მეურნეობის სახელმწიფო ლაბორატორია ღვინის ხარისხობრივ კვლევებს აკრედიტებული მეთოდებით ახორციელებს და ღვინის სექტორის წარმომადგენლებს შესაბამის ლაბორატორიულ მომსახურებას სთავაზობს.შეხვედრაში ასევე მონაწილეობდნენ ირმა ჭანტურიას სახელობის ღვინის ლაბორატორიისა და ღვინის ეროვნული სააგენტოს წარმომადგენლები. აღინიშნა, რომ მიმდინარე წელს დაგეგმილია ირმა ჭანტურიას სახელობის ღვინის ლაბორატორიის გურჯაანის ფილიალის გახსნა, რაც კახეთის რეგიონში ღვინის მწარმოებლებისთვის ლაბორატორიული მომსახურების ხელმისაწვდომობას კიდევ უფრო გაზრდის.სოფლის მეურნეობის სახელმწიფო ლაბორატორია ღვინის ხარისხის კვლევების მიმართულებით მომსახურების განვითარებასა და რეგიონებში ხელმისაწვდომობის გაზრდას აგრძელებს.

1786957579

უწყების ცნობით, გამოვლენილი დარღვევები შემდეგნაირად გადანაწილდა: საკონტროლო-სალაროაპარატის გამოყენებისწესების დარღვევის - 4739 გადასახადისგადამხდელად აღრიცხვის წესისდარღვევის - 106 საგადასახადოორგანოს უფლებამოსილიპირისათვის წინააღმდეგობის გაწევის - 3 პირისმიერ სსკ-ის კოდექსით გათვალისწინებულივალდებულების შეუსრულებლობა, რისთვისაც სსკ-ით გათვალისწინებულია პასუხისმგებლობა, მაგრამარ არის განსაზღვრული ჯარიმის ოდენობა - 5747 საქონლის სასაქონლო ზედნადების გარეშეტრანსპორტირება, მყიდველის მოთხოვნისასსასაქონლო ზედნადების გაუცემლობა ან საქონლისშეძენისას სასაქონლო ზედნადების მიღებაზეუარის თქმის - 1233 შემოსავლების სამსახური კიდევ ერთხელ მოუწოდებს მეწარმეებს, დაიცვან კანონმდებლობის მოთხოვნები და საქმიანობა საგადასახადო წესების სრული დაცვით განახორციელონ. უწყება საგადასახადო მონიტორინგის ღონისძიებებს ქვეყნის მასშტაბით მომავალშიც აქტიურად გააგრძელებს.

1786956724

კრიმინალური ხასიათის კეისების ახლადაღმოჩენილ გარემოებებამდე, მონიტორინგის სამსახურის ინტერესის საგანს არ წარმოადგენდა ნათია ჯანაშიას ქმარი.რამდენიმე უმძიმესი კეისის დაგროვების შემდეგ, მონიტორინგის სამსახურის საძიებო ველში დავით ცეცხლაძეც მოხვდა და მედიაში გავრცელებულ მასალებიდან ჩვენ ყურადღება დიდი ოდენობით ქრთამის მიცემის ფაქტზე, ნათია ჯანაშიას ქმრის დაკავებისა და საპატიმროში გამწესებაზე გავამახვილეთ.საჯარო ინტერესის პარალელურად, ჩვენ შევეცდებით უფრო მეტი ფაქტი მოვიპოვოთ და მივაწოდოთ საზოგადოებას დავით ცეცხლაძის დაპატიმრების ფაქტისშესახებ“, - ამბობს აფბას ანალიტიკური ჯგუფის წევრი, ბაჩანა ჯინჭარაძე, რომელმაც აღნიშნულ თემასთანდაკავშირებით ჩვენს რამდენიმე შეკითვას უპასუხა.- ბაჩანა, ბოლო პერიოდში, აფბას მონიტორინგის სამსახურის მიერ გავრცელებული ინფორმაციის საფუძველზე, ცნობილი გახდა, რომ ნათია ჯანაშიას ქმარი, დავით ცეცხლაძე, რომელიც „ბრიტანულ-ქართული აკადემიის“ კეისის ძალიან ბევრ ეპიზოდში ფიგურირებს, წარსულში ქრთამის მიცემის ფაქტზე იყო ნასამართლევი. უფრო მეტი რომ მოყვეთ ამ ფაქტის შესახებ.- აფბას მონიტორინგის ჯგუფის ინტერესის არეალში ეს ფაქტი ბუნებრივად მოექცა, როგორც კი მონიტორინგის სამსახურმა იმ მედია წყაროებს მიაკვლია, საიდანაც ვიგებთ, რომ დაახლოებით 15 წლის წინ,  უფრო ზუსტად კი 2011 წელს, სააკაშვილის ხელისუფლების დროს, ნათია ჯანაშიას ქმარი, დავით ცეცხლაძე სისხლის სამართლის მუხლით გასამართლდა. ბრალი მას ქრთამის მიცემაში დაედო.მაშინ იგი „კავკასიის აკადემიურ ცენტრს“ ხელმძღვანელობდა, რომელმაც დიდი ბრიტანეთიდან ათეულობით ათასი სახელმძღვანელო შემოიტანა შემდგომში საქართველოს სკოლებში მისი გავრცელებისმიზნით. ამ მიზნის მიღწევას ესაჭიროებოდა სახელმძღვანელოსთვის სათანადო გრიფის მინიჭება საქართველოს განათლების სამინისტროს მიერ და სწორედ სამინისტროს მაღალჩინოსნის მოსყიდვის მცდელობაში დაედოთ ბრალი დავით ცეცხლაძეს და მის პარტნიორს. ციხეში მათ 1 სრული წელი გაატარეს და მხოლოდ ხელისუფლების ცვლილების შემდეგ, ბიძინა ივანიშვილის მთავრობის პირობებში გათავისუფლდნენ.ნათია ჯანაშია და დავით ცეცხლაძე პატიმრობის საკითხს აღწერენ 2024 წლის 20 მარტს ბიძინა ივანიშვილის მიმართ გამოქვეყნებულ ღია წერილში, სადაც არ მალავენ მადლიერებას არსებული ხელისუფლების მიმართ, რადგან როგორც წერილშია აღნიშნული: „2011 წელს სააკაშვილის მართლმსაჯულებამ, როგორც ასიათასობით სხვა უდანაშაულო ადამიანი, გამოგონილი ბრალდებით გამასამართლა მე, დავით ცეცხლაძე და ჯოჯოხეთურ ციხეში მამყოფა ერთი წლის განმავლობაში. ციხეში გაუსაძლის პირობებში ყოფნის გამო შემექმნა ჯანმრთელობის პრობლემები. გარდა ამისა, სააკაშვილის რეჟიმმა ჩვენს ოჯახს წაართვა დიდძალი თანხა და 15 წლის განმავლობაში ნაშენები სამი ბიზნესი. ხელისუფლებაში ქართული ოცნების მოსვლამ კი გაგვიჩინა იმედები, რომ ნაციონალური მოძრაობის წარმომადგენლები ვეღარასდროს გაბედავდნენ ბიზნესის რეკეტს, ადამიანთა წამებასა და მკვლელობას”.გადის სულ რაღაც 1 წელიწადი და ნათია ჯანაშიას და მის ქმარს ბრიტანულ სასამართლოში შეაქვთ სარჩელი ინვესტორის წინააღმდეგ. ერთი შეხედვით, ჩვეულებრივი ამბავია ხომ, როდესაც ერთი აქციონერი გარკვეული უთანხმოების გამო მეორეს უჩივის. მაგრამ ჯანაშია-ცეცხლაძის სარჩელი ლონდონში მკვეთრად გამოხატულ ანტისახელისუფლებო ხასიათს ატარებს და პირდაპირ მიმართულია ბიძინა ივანიშვილისა და ირაკლი კობახიძის წინაღმდეგ. ცოლ-ქმარი ბიძინა ივანიშვილს ოლიგარქად მოიხსენიებენ, რომელმაც ევროპის გზიდან რუსეთისკენ გადაუხვია, ხოლო „ქართული ოცნების“ მთავრობას და ასევე სასამართლო ხელისუფლებას კორუმპირებულად და მიკერძოებულად ასახელებენ, სადაც სამართალის მიღწევა შეუძლებელია. თან ეს ყველაფერი ხდება ანტისახელისუფლებო მიტინგებისა და ხელისუფლების ძალადობრივი შეცვლის მცდელობის ფონზე.ამ სარჩელით ყველაფერი თავის ადგილზე დგება - ბლეფი, რომელსაც ჯანაშია-ცეცხლაძე ივანიშვილისადმი მიმართვაში ათამაშებდა, სრულად გაიშიფრა და მათი მიზნების რეალური სურათიც მკაფიოდ გამოჩნდა.- სააკაშვილის ხელისუფლების პერიოდში, ბიზნესმენების ინკრიმინირება ხშირად ხდებოდა. როგორ ფიქრობთ, ხომ არ იყო დავით ცეცხლაძეც ამ მახინჯი პრაქტიკის მსხვერპლი?- რაიმეს ხელაღებით მტკიცება გამიჭირდება. შემიძლია მხოლოდ არსებულ მასალებში დაფიქსირებულ ფაქტების ანალიზი შემოგთავზოთ. ფაქტი, რომელსაც აქამდე არავინ უარყოფს, ასეთია: ნათია ჯანაშიას ქმარს სასწავლო ლიტერატურა წინასწარ ჰქონდა შეძენილი და ქვეყანაში იმპორტირებული, რის შემდეგაც ცდილობდა ოფიციალური ნებართვის (გრიფის) მოპოვებას, რომ წიგნები სასწავლო პროცესში ჩართულიყო.ღია წყაროებზე დაყრდნობით შეიძლება ითქვას ისიც, რომ დავით ცეცხლაძესა და მის პარტნიორს ათეულობით ათასი სახელმძღვანელოს იმპორტისთვის საჭირო სოლიდური დანახარჯი უკვე გაწეული ჰქონდათ და ეს წიგნები უკვე საქართველოში იყო დასაწყობებული.დაკავების შემდგომ, ბრალდების მხარე ამტკიცებდა, რომ ადგილი ჰქონდა ქრთამის გადაცემას, ხოლო თავად დავით ცეცხლაძე აცხადებდა, რომ იგი შანტაჟისა და თანხის გამოძალვის მსხვერპლი გახდა. აქ ჩანს, რომ თანხა, რომელზეც ორივე მხარე საუბრობს, რეალურად ცეცხლაძეს და მის პარტნიორს სამინისტროში მიტანილი ჰქონდათ.- რა გარანტია ჰქონდა დავით ცეცხლაძეს, როცა ათასობით სახელმძღვანელოს წინასწარ ყიდულობდა უცხოეთში და ქვეყანაში შემოჰქონდა? გრიფს თუ ვერ მიიღებდა, რა ბედი ეწეოდა დახარჯულ სახსრებს? თუ „გარანტია“ ჰქონდა, მაშინ რატომ არ იმუშავა ამ „გარანტიამ“?- არ ვიცი და ვერ გეტყვით, რადგან ისეთ რისკზე, როგორზეც დავით ცეცხლაძე წავიდა, ალბათ გარკვეული „გარანტიები“ სჭირდება. ვერ წარმომიდგენია, როგორ უნდა გარისკო და მილიონობით ლარის საქონელი შემოიტანო ქვეყანაში, როდესაც ტენდერიც არ იყო ჩატარებული და „გრიფიც“ გარანტირებული არ არავის ჰქონდა. ამ საქმის ეს ნაწილი ბუნდოვანებით არის მოცული.ამიტომ ამ კითხვაზე პასუხის მოძებნა უპრიანი ისევ იმ პერიოდის პრესაშია, საიდანაც ვიგებთ, რომ ბოლოს სამინისტრომ სხვა გამომცემლობასთან, კერძოდ კი გამომცემლობა „მაკმილანთან“  გააფორმა ჯერ მემორანდუმი, რომლის შინაარსიც გაასაიდუმლოვა, ხოლო შემდგომში გრიფიც ამ გამომცემლობის მიერ შემოტანილ სახელმძღვანელოს მიანიჭა. მედია ამბობდა, რომ „მაკმილანი“ მინისტრ შაშკინის მფარველობით სარგებლობდა.  როგორც ირკევევა, საკითხთან დაკავშირებით, მინისტრ შაშკინთან შეხვედრა დავით ცეცხლაძეს ჰქონია და მას ამ  შეხვედრის ფარული ვიდეო-აუდიო ჩაწერაც მოუხერხებია და შემდგომ ამ ჩანაწერების გამოყენებას თავის გასამართლებელ არგუმენტადაც ცდილობდა.იკვეთება, რომ დავით ცეცხლაძის სინდიკატს „აჯობა“ სხვა სინდიკატმა, შესაძლოა, მინისტრ შაშკინის მონაწილეობითაც კი. მედიაში იწერებოდა, რომ დავით ცეცხლაძე სამინისტროს შენობაში გადასაცემი ქრთამით, თუ არ ვცდები, 50 000 აშშ დოლარით ხელში დააკავეს. დავით ცეცხლაძის ოფიციალური კრიმინალური კარტოთეკა ამ ისტორიით იწყება და შემდგომ უკვე „ბრიტანულ-ქართულ აკადემისთან“ დაკავშირებული კრიმინალური ელფერის მქონე ეპიზოდებით გრძელდება.- რა ეპიზოდებზე საუბრობთ, ისევ დიდი ოდენობით ქრთამის გადაცემაზეა საუბარი?- ახალ ეპიზოდებში ქრთამის გადაცემას არ ჰქონია ადგილი. თუმცა, ეპიზოდი რამდენიმეა და თითოეული მათგანი საკმაოდ მძიმე შთაბეჭდილებას ტოვებს და სავარაუდოდ, მძიმე შედეგებით შეიძლება დასრულდეს.სისხლის სამართლის ხაზით არსებული ფაქტობრივად, მთავარი ეპიზოდია საქმე, რომელსაც ფინანსთა სამინისტროს საგამოძიებო სამსახური იძიებს და სადაც ნათია ჯანაშიას დირექტორობის პერიოდში (დავით ცეცხლაძეც მენეჯმენტში იყო და 500 000 ლარიანი ხელფასი ქონდა) გაფლანგულ, ჯამში 4 მილიონ აშშ დოლარზეა საუბარი. ამ თემაზე არც ნათია ჯანაშია და არც მისი ქმარი, დავით ცეცხლაძე, საგნობრივად არ საუბრობენ. ლისის კამპუსის მშენებლობა დაგეგმილზე 3-ჯერ ძვირი დაჯდა და სწორედ ამ ზედმეტობის გაფლანგვა-მიტაცებაზეა სისხლის სამართლის საქმე აღძრული.კრიმინალური ელფერისაა ფაქტი, რომელიც 2025 წლის 12 დეკემბერს „ბრიტიშ ეირვეიზის“ ბორტზე მოხდა, როცა ავიაკომპანიის უსაფრთხოების სამსახურმა საქმის წარმოება დაიწყო დავით ცეცხლაძის მხრიდან ინვესტორის წარმომადგენლების მიმართ ფიზიკური და სიტყვიერი შეურაცხყოფის ფაქტზე. მორიგი ეპიზოდია 2026 წლის 13 მარტს „ბრიტანულ-ქართული აკადემიის“ აქციონერთა რიგგარეშე კრებაზე მომხდარი ძალადობრივი ინციდენტი, როცა ნათია ჯანაშიასა და მისი ქმრის მხრიდან არასათანადო ქცევასთან ერთად დაფიქსირდა „საქართველოს განათლების ჯგუფის“ თანამშრომლების წინააღმდეგ შეურაცხყოფისა და მუქარის ფაქტები.როგორც ირკვევა, ნათია ჯანაშიას ქმარი სიცოცხლის მოსპობით დაემუქრა „საქართველოს განათლების ჯგუფის“ თანამშრომლებს. უნდა აღინიშნოს, რომ მუქარის ადრესატი ერთ-ერთი თანამშრომელი ორსულად იყო.მუქარის ამ ფაქტზე პოლიციაში დაწყებულია გამოძიება სისხლის სამართლის კოდექსის 151-ე მუხლის მე-2 ნაწილის „ა“ და „გ“ ქვეპუნქტებით - მუქარა სიცოცხლის მოსპობით ჯგუფურად. ეს ბრალი, მისი დამტკიცების შემთხვევაში, ისჯება თავისუფლების აღკვეთით ვადით სამ წლამდე.  ამ ფაქტის შესახებაც საჯაროდ, მედიით გახდა ცნობილი. კრიმინალური ინციდენტის გასაჯაროებას, ნათია ჯანაშიას ქმრის მხრიდან სიძულვილის ენითა და ბულინგის ფორმით გამოხმაურება და ძალადობრივი შინაარსის კომენტარები მოყვა.

1786954972

პროგრამაში შესული ცვლილებების თანახმად, ამიერიდან 70 000 ლარამდე უპროცენტო მიკრო სესხის მიღება ყველა მეწარმეს შეეძლება. აღნიშნულ სესხზე ასევე მოქმედებს სახელმწიფოს 80%-იანი გარანტია.ახალი პირობების თანახმად, მიკრო და მცირე მეწარმეებს პროგრამაში განმეორებით მონაწილეობის შესაძლებლობაც უჩნდებათ. წარმატებული ბენეფიციარებისთვის პროგრამას დაემატა 70 000-დან 150 000 ლარამდე განვითარების სესხი, შეღავათიანი საპროცენტო განაკვეთითა და 80%-იანი სახელმწიფო გარანტიით.ამასთან, გაფართოვდა სამიზნე ეკონომიკური საქმიანობების ჩამონათვალი.როგორც საქართველოს ეკონომიკის განვითარების კორპორაციის დირექტორმა, ირაკლი გაბრიაძემ განაცხადა, მიკრომეწარმეობის მხარდაჭერის სახელმწიფო პროგრამა 2024 წელს ამოქმედდა და მან მაშინვე დიდი ინტერესი გამოიწვია მეწარმეებში. ირაკლი გაბრიაძის განცხადებით, ამ ეტაპზე, პროგრამის ფარგლებში უკვე დადასტურებულია 1,837 სესხი, დამტკიცებული სესხების ჯამური მოცულობა კი  83 მლნ ლარს შეადგენს."ბიზნესის ასეთმა დაინტერესებამ და ბენეფიციარების მხრიდან ნაჩვენებმა წარმატებულმა შედეგებმა ნათლად დაგვანახა, პროგრამის გაფართოების საჭიროება. მიკრო სესხის მაქსიმალური ლიმიტი გავზარდეთ 50 000 ლარიდან 70 000 ლარამდე და დაფინანსების ხელმისაწვდომობა თანაბარი გავხადეთ ყველასთვის - ამიერიდან 70 000 ლარამდე მიკრო სესხი უპროცენტო იქნება ყველა მეწარმისთვის. გარდა ამისა ძალიან მნიშვნელოვანია, რომ პროგრამა ერთჯერადი მხარდაჭერით აღარ შემოიფარგლება, რადგან საწყისი წარმატების შემდეგ, მეწარმეები დამატებითი რესურსებს საჭიროებენ შემდგომი ზრდისთვის. აღნიშნული ზრდის წასახალისებლად, გაჩნდა პროგრამით განმეორებით სარგებლობის შესაძლებლობა. წარმატებულ მეწარმეებს საშუალება ექნებათ კვლავ ისარგებლონ პროგრამით და მიიღონ 70 000-დან 150 000 ლარამდე სესხი შეღავათიანი საპროცენტო განაკვეთით. დამატებით, ყველა ამ სესხზე სახელმწიფო მეწარმეებს უზრუნველყოფს 80%-იანი გარანტიით. იმედი გვაქვს, პროგრამა მომავალშიც აქტიურად შეუწყობს ხელს მიკრომეწარმეობის განვითარებას, ახალი სამუშაო ადგილების შექმნასა და ქვეყანაში სამეწარმეო პოტენციალის ზრდას”, - აღნიშნა ეკონომიკის განვითარების კორპორაციის დირექტორმა.დამატებითი ინფორმაციისთვის და საკონსულტაციო სერვისების მისაღებად დაინტერესებული პირები უნდა ეწვიონ კორპორაციის ბიზნეს სივრცეებს თბილისსა და საქართველოს რეგიონებში ან დარეკონ ნომერზე 15 25.

1786953702