"ეროვნულ ბანკს შეუძლია თუ არა ფასებზე ზემოქმედება? ის არეგულირებს ფინანსურ ნაკადებს ქვეყანაში და მას ინფლაციაზე ზეგავლენის მოხდენა ნამდვილად შეუძლია, ამას აკეთებს და საკმაოდ წარმატებითაც"

როგორც მან მთავრობის მიერ შექმნილი სამუშაო კომისიისა და ფარმაცევტული კომპანიების წარმომადგენლებთან შეხვედრის დაწყებამდე ჟურნალისტებთან აღნიშნა, მედიკამენტებზე უნდა დადგინდეს „სამართლიანი ფასი“.„თანამშრომლობის საფუძველზე რესურსი ყოველთვის არსებობს, საუბარია სამართლიან ფასებზე, რომელიც უნდა იყოს. საქართველოში ფასთა წარმოქმნის რეგულაციის პროცესი უკვე რამდენიმე წელია დაწყებულია. ალბათ, საუბარი არის პროცესის უფრო მეტად დახვეწაზე, მეთოდოლოგიის გაუმჯობესებასა და მედიკამენტების შემდეგ ჯგუფებში გავრცელებაზე. საქართველოში დაახლოებით 7 ათასი მედიკამენტი უკვე არის რეფერენტული ფასების სიაში, ეს იმას ნიშნავს, რომ ფასი რეგულირდება გარე რეფერენტული სისტემით, მაგრამ კიდევ ერთი მაგდენი, სავარაუდოდ, რჩება მიღმა. ალბათ, პირველ ეტაპზე უპრიანია ვისაუბროთ რეცეპტორულ მედიკამენტებზე, რომელიც გამოიყენება ქრონიკული დაავადებების სამკურნალოდ“, - განაცხადა ირაკლი მარგველაშვილმა.მისი თქმით, მნიშვნელოვანია სახელმწიფო პროგრამის განვითარება, რაც მედიკამენტებზე წვდომას უზრუნველყოფს. მისი განმარტებით, „უნდა დადგინდეს ის სამართლიანი ფასი, რაც სახელმწიფომ და თითოეულმა ჩვენგანმა უნდა გადაიხადოს მედიკამენტებში“. ირაკლი მარგველაშვილის განცხადებით, არ არსებობს იაფი და ძვირის კატეგორია, არამედ არსებობს “სამართლიანი ფასი“.“სამართლიანი ფასი საერთაშორისო სტანდარტებს უნდა შეესაბამებოდეს გეოგრაფიული მდებარეობიდან, მოწოდების გზებიდან გამომდინარე და ასე შემდეგ. ზუსტად ამისთვის არის ეს შეხვედრები, რომ დადგინდეს ის ფასი, რომელიც სამართლიანი იქნება საქართველოსთვის”, - განაცხადა ირაკლი მარგველაშვილმა.

1769596200

როგორც კოხრეიძემ პრემიერ-მინისტრსა და სააფთიაქო ქსელების წარმომადგენლებთან შეხვედრის დაწყებამდე ჟურნალისტებთან განმარტა, სავარაუდოდ, საუბარი იქნება არა მხოლოდ მედიკამენტების ფასებზე, არამედ ბავშვთა კვებაზეც."დაწყებულია წამლების შესახებ რეფორმა. სახელმწიფომ დააკორექტირა ფასი. დისტრიბუციაც და "რითეილიც" შეეგუა ამ ცვლილებას. ბოლო 2 წელია ჩვენ ამ ცვლილებებში ვართ. შესაბამისად, კიდევ მოვისმენთ, რა ცვლილებებზეა საუბარი. ორი სხვადასხვა თემაა, საკვები და წამლები. უკვე არსებობს სახელმწიფოს რეფორმა წამლების ფასთან დაკავშირებით, შესაბამისად, დღეს თუ რამე რესურსია და რამე უნდა სახელმწიფოს, რომ ამ მიმართულებით გაატაროს, ჩვენ მზად ვართ, მოვისმინოთ და ვითანამშრომლოთ. 2 წლის წინ სახელმწიფო იყო ინიციატორი და ჩვენც ამ რეფორმას გავყევით, მტკივნეული იყო, მაგრამ გავყევით.საბოლოოდ, მოხდა კომპანიების გადაწყობა. თუ კიდევ რეფორმა იგეგმება, ჯერ არ ვიცით, პირველი შეხვედრა არის. ყველაფერი მორგებითია, თავიდანაც დაიწყო, იყო მთავრობასთან შეთანხმებული თემა და მივედით იმ დასკვნამდე, რომ დღეს მგონი წამლებზე უწყვეტობა არის და ყველაფერი ნორმაშია", - განაცხადა დავით კოხრეიძემ.მისი თქმით, მათ კომპანიაში სახელმწიფო უსაფრთხოების სამსახურის მიერ მოკვლევა არ დაწყებულა.

1769593518

შეკითხვაზე, რა შეფასებას მისცემს ხელისუფლების ოპონენტთა კრიტიკას, რომელიც ბოლო დღეების განმავლობაში ისმის და რამდენად მართებული იქნება, თუნდაც დღგ-ის მოხსნა თუ მოგების გადასახადის შემცირება ფასების გასაიაფებლად, ნოდარ კაპანაძემ აღნიშნა, რომ დღგ-ის და მოგების გადასახადის შემცირება-გაუქმებასთან დაკავშირებით არცერთი დაწერილი ანალიზი არ უნახავს.„ეს ყველაფერი, რაც მე მომისმენია, არის დეკლამაციური ჟანრის მსახიობებისგან ნათქვამი სადღეგრძელოს რანგში. დაწერილი, თუ რას ნიშნავს ეს, რატომ არის ეს პრობლემა და ამ გადასახადის გაუქმებით და შემცირებით რა შედეგი დადგება, მე გაანალიზებული ჯერ არ მინახავს. კაცმა რომ თქვას, მე მგონი, დაწერილიც არ არის. ეს კომენტარები არის არასერიოზული, როდესაც ასეთ წინადადებას დააყენებ, ყველაფერი ეს დათვლადია და უნდა დაითვალოს. დავუშვათ, გავაუქმეთ დღგ, რომელიც არის თითქმის 35% მთლიანი ბიუჯეტის და საიდან მოგვაქვს ეს ბიუჯეტი მერე? მეორე, ეროვნულ ბანკს შეუძლია თუ არა ფასებზე ზემოქმედება? ეროვნული ბანკი არეგულირებს ფინანსურ ნაკადებს ქვეყანაში და მას ინფლაციაზე ზეგავლენის მოხდენა ნამდვილად შეუძლია, ამას აკეთებს და საკმაოდ წარმატებითაც.ინფლაციის ტემპით საქართველო მაინცდამაინც ლიდერებში არ არის ჩვენს სამეზობლოში. ამდენად, ეროვნული ბანკი თავისი მანდატის, ასე ვთქვათ, თავისი იურიდიქციის ფარგლებში თავის საქმეს წარმატებით აკეთებს, მაგრამ უშუალოდ ფასების ზრდა, რაზეც ახლა ვსაუბრობთ, სხვა რამეა და ამას ეროვნული ბანკი ვერ გააკეთებს; ეს უნდა გააკეთოს კონკურენციის სააგენტომ და ეს არ უნდა იყოს კამპანიური რეჟიმი, ეს უნდა იყოს რუტინა 24-საათიან რეჟიმში“, – განაცხადა კაპანაძემ.

1769591799

„ლიბერალური ეკონომიკის თვალსაზრისით, ლიბერალური ეკონომისტების ხედვით, ჩვენმა პრემიერმა ჩაიდინა მკრეხელობა, რომ უარყო ბიზნესმენის უცოდველობის დოგმატი. ერესი თქვა, ფაქტობრივად. ლიბერალების აზრით, ყველაფერს დაარეგულირებს ბაზარი, მაგრამ ბაზარი დაარეგულირებს ამას შემდეგ ეპოქაში, ხოლო მოქალაქეებს პროდუქტების ყიდვა სჭირდებათ აქ და ახლა. ეს დროითი ლაგი დარეგულირებასა და ყიდვის საჭიროებას შორის ძალიან დიდი არის ფიზიკური არსებობისთვის. ამდენად, ადამიანს ახლა დარეგულირებული რაღაც სჭირდება ყიდვის პროცესში და არა შემდეგში რაღაც ნათელი მომავალი. რამდენად გაკეთებადია ეს? ეს ყველაფერი არის გაკეთებადი, მაგრამ, პირველ რიგში, ამ იდეის შესრულებაზეა საქმე. იდეა არის ძალიან კარგი და ძალიან ჯანმრთელი, მაგრამ მთავარია, შესრულება როგორი იქნება. ჩემი აზრით, აქ უნდა იყოს მეტი ანალიტიკა, მეტი სტატისტიკა და ნაკლები ადმინისტრირება“, – განაცხადა კაპანაძემ.მისი თქმით, ფასწარმოქმნა დათვლადია თითოეულ პროდუქტზე, რა ფასნამატით მიდის მომხმარებლამდე პროდუქცია მწარმოებლიდან, იმპორტიორიდან თუ ფირმიდან და შემდგომ ეს გვიჩვენებს, სად არის დიდი ზრდა, მატება და ხომ არ არის კარტელური გარიგება.„არის ხოლმე ამაზე საუბარი, ხომ არის კარტელური გარიგება. კარტელური გარიგება შეთქმულების ერთ-ერთ ნაირსახეობაა, რომელიც ხელმოწერილი დოკუმენტებით არასდროს არ დასტურდება. ეს არის ვერბალური შეთანხმება და ვერბალურ შეთანხმებას არანაკლები წონა და ძალა აქვს, ვიდრე ხელმოწერილ დოკუმენტს. ხანდახან ხელმოწერილ დოკუმენტს არ აქვს იმდენი ძალა, რამდენიც ვერბალურ შეთანხმებას. ამიტომ არის საჭირო მეტი ანალიტიკა“, – განაცხადა კაპანაძემ.გადაცემის წამყვანის შეკითხვაზე, რა ტიპის კარტელური გარიგებებია შესაძლებელი, ჰიპოთეტურად რომ არსებობდეს, ნოდარ კაპანაძემ განაცხადა, რომ, ჰიპოთეტურად, თუ არის სულ ორი შემომტანი რაღაც პროდუქტის, შესაძლოა, ისინი შეთანხმდნენ, რომ პროდუქტი რაღაცაზე დაბალ ფასში არ გაყიდონ. „ვთქვათ, ფასნამატი იყოს, სულ მცირე, 50% და პატიოსნად, ამ 50%-ის მახლობლობაში იქნებიან. ამას დაინახავ მხოლოდ და მხოლოდ იმ შემთხვევაში, თუ გამოჩნდება, რომ შემომტანი არის ორი და ორივეს რატომღაც ერთნაირი ფასნამატი აქვს. რაღაც გარიგება თუ  გამოიკვეთება და უკვე გამოძიებას საჭიროებს, მაშინ უნდა ჩაერთოს სამართალდამცავი სტრუქტურები, მანამდე კი ეს ყველაფერი შეიძლება იყოს რეგულირებადი. მოკლედ, ეს პროცესი არ უნდა იყოს რაღაც კამპანიურ რეჟიმში, შევხვდით, დავუშვათ ვიღაცებს და ეს ვიღაცები დაგპირდნენ, არ ვიცი, ზოგი სიტყვიერად დაგვპირდა, ზოგმა, შეიძლება, ხატზე დაიფიცა, მაგრამ ეს არ ნიშნავს არაფერს. ეს უნდა იყოს ასე, 24-საათიან რეჟიმში უნდა მუშაობდნენ ამაზე და უნდა მუშაობდეს კონკურენციის სააგენტო”, – განაცხადა კაპანაძემ.მაკა ცინცაძის შეკითხვაზე, რა შეფასებას მისცემს ხელისუფლების ოპონენტთა კრიტიკას, რომელიც ბოლო დღეების განმავლობაში ისმის და რამდენად მართებული იქნება, თუნდაც დღგ-ის მოხსნა თუ მოგების გადასახადის შემცირება ფასების გასაიაფებლად, ნოდარ კაპანაძემ აღნიშნა, რომ დღგ-ის და მოგების გადასახადის შემცირება-გაუქმებასთან დაკავშირებით არცერთი დაწერილი ანალიზი არ უნახავს.„ეს ყველაფერი, რაც მე მომისმენია, არის დეკლამაციური ჟანრის მსახიობებისგან ნათქვამი სადღეგრძელოს რანგში. დაწერილი, თუ რას ნიშნავს ეს, რატომ არის ეს პრობლემა და ამ გადასახადის გაუქმებით და შემცირებით რა შედეგი დადგება, მე გაანალიზებული ჯერ არ მინახავს. კაცმა რომ თქვას, მე მგონი, დაწერილიც არ არის. ეს კომენტარები არის არასერიოზული, როდესაც ასეთ წინადადებას დააყენებ, ყველაფერი ეს დათვლადია და უნდა დაითვალოს. დავუშვათ, გავაუქმეთ დღგ, რომელიც არის თითქმის 35% მთლიანი ბიუჯეტის და საიდან მოგვაქვს ეს ბიუჯეტი მერე? მეორე, ეროვნულ ბანკს შეუძლია თუ არა ფასებზე ზემოქმედება? ეროვნული ბანკი არეგულირებს ფინანსურ ნაკადებს ქვეყანაში და მას ინფლაციაზე ზეგავლენის მოხდენა ნამდვილად შეუძლია, ამას აკეთებს და საკმაოდ წარმატებითაც.ინფლაციის ტემპით საქართველო მაინცდამაინც ლიდერებში არ არის ჩვენს სამეზობლოში. ამდენად, ეროვნული ბანკი თავისი მანდატის, ასე ვთქვათ, თავისი იურიდიქციის ფარგლებში თავის საქმეს წარმატებით აკეთებს, მაგრამ უშუალოდ ფასების ზრდა, რაზეც ახლა ვსაუბრობთ, სხვა რამეა და ამას ეროვნული ბანკი ვერ გააკეთებს; ეს უნდა გააკეთოს კონკურენციის სააგენტომ და ეს არ უნდა იყოს კამპანიური რეჟიმი, ეს უნდა იყოს რუტინა 24-საათიან რეჟიმში“, – განაცხადა კაპანაძემ.

1769591276

Rich Sparkle Holdings-მა შეიძინა ხაბი ლემის ბრენდის კომერციული უფლებები. ეს საშუალებას აძლევს TikToker-ის იმიჯის გამოყენებას მისი მუდმივი მონაწილეობის გარეშე; მის ნაცვლად ხელოვნური ინტელექტის დუბლიორი იმოქმედებს.ციფრულ ავატარს შეეძლება კონტენტის შექმნა, რეკლამების გაშვება და მრავალენოვანი სტრიმინგის გადაცემა 24/7 სხვადასხვა დროის სარტყელში. ლემის სახე, ხმა და ქცევითი ნიმუშები გამოყენებული იქნება მისი სტილისა და რეაქციების იმიტაციისთვის.გარიგების ღირებულება 900–975 მილიონი დოლარია. ანალიტიკოსები ვარაუდობენ, რომ პირდაპირი ტრანსლაციის კომერციიდან და პროდუქციის ხაზებიდან მიღებული შემოსავალი წელიწადში 4 მილიარდ დოლარამდე შეიძლება მიაღწიოს. თავად ლემი ინარჩუნებს კომპანიის საკონტროლო წილს.

1769590969

შეხვედრაზე მხარეებმა მიმდინარე და სამომავლო თანამშრომლობის საკითხები განიხილეს. საუბარი შეეხო მიწის კონსოლიდაციის, კლიმატის ცვლილების მიმართ მდგრადობის, საძოვრების ეფექტიანი მართვის, ღვინის, სატყეო სექტორის და აკვაკულტურის განვითარების მხარდაჭერის  საკითხებს.დავით სონღულაშვილმა მადლობა გადაუხადა გაეროს სურსათისა და სოფლის მეურნეობის ორგანიზაციას და ხაზი გაუსვა გარემოს დაცვისა და სოფლის მეურნეობის განვითარების პროცესში FAO-სთან თანამშრომლობის  მნიშვნელობას.რაიმუნდ იელეს განცხადებით, FAO-ს საქართველოსთან მრავალწლიანი წარმატებული თანამშრომლობა აკავშირებს; შესაბამისად, FAO  მომავალშიც გააგრძელებს საქართველოში გარემოს დაცვისა და სოფლის მეურნეობის სექტორის  განვითარების მხარდაჭერას.შეხვედრას გაეროს სურსათისა და სოფლის მეურნეობის ორგანიზაციის (FAO) საქართველოში წარმომადგენლის მოადგილე მამუკა მესხი და სამინისტროს საერთაშორისო ურთიერთობებისა და ევროინტეგრაციის  დეპარტამენტის უფროსი ესწრებოდნენ.

1769589120