ევროპაში გაზის ფასმა რეკორდულ ნიშნულს მიაღწია

თიბისი კაპიტალის პროგნოზით, 2025 წელს საქართველოს მიმდინარე ანგარიშის ბალანსი, რეინვესტიციების გამორიცხვით, მცირედით, თუმცა მაინც დადებითი იქნება. საყურადღებოა, რომ, ზედიზედ სამი კვარტალია, სეზონურად შესწორებული მიმდინარე ანგარიში პროფიციტშია, მაშინ როდესაც ისტორიული მონაცემებით აქამდე აღნიშნული მხოლოდ ერთხელ, 2022 წლის მესამე კვარტალში დაფიქსირდა. მიმდინარე ანგარიშის გაუმჯობესებაში წამყვან როლს მომსახურების ექსპორტის ზრდა ასრულებს, მათ შორის, უპირველეს ყოვლისა, ინფორმაციისა და კომუნიკაციის სექტორიდან. ასევე გამოსაყოფია, ერთი მხრივ, იმპორტის ზრდის ტემპის შენელება, ხოლო, მეორე მხრივ, ფულადი გზავნილებისა და ტურისტული შემოსავლების მატება. რეინვესტიციების ჩათვლით, პროგნოზის თანახმად, მიმდინარე ანგარიშის ჯამური დეფიციტი 2025 წელს მშპ-ის 2.7%-ს მიაღწევს, რაც აგრეთვე ყველაზე დაბალი მაჩვენებელია.გასული წლის მეორე ნახევრიდან ეკონომიკური ზრდა შენელდა, რაც გრძელვადიანი ტენდენციის ირგვლივ ნორმალიზების ჩვენს მოლოდინებთან თანხვედრაშია. რაც შეეხება 2026 წელს, ეკონომიკური ზრდის პერსპექტივისთვის მნიშვნელოვან ფაქტორად რუსეთ-უკრაინის ომი რჩება. კონფლიქტის დასრულების სცენარში საქართველოს ეკონომიკაზე როგორც დადებითი, ასევე უარყოფითი მხრივ მრავალი ფაქტორი იმოქმედებს, თუმცა წმინდა ეფექტი, ჩვენი შეფასებით - რაც, შესაძლოა, მიმდინარე მდგომარეობით, საბაზრო კონსენსუსი არ არის - გარკვეულწილად მაინც უარყოფითი იქნება. ამდენად, 2026 წელს ეკონომიკური ზრდა საბაზო სცენარში, დაახლოებით, 4.5%-ს შეადგენს.ლარის კურსის კუთხით, 2025 წელს გამყარების მიმართულებით სამი ძირითადი ფაქტორი მოქმედებდა: დოლარის გლობალური სისუსტე, გაზრდილი წმინდა სავალუტო შემოდინებები და ქვეყნის შიგნით უცხოურ ვალუტაზე მოთხოვნის კლება, რაც დეპოზიტების ლარიზაციისა და სესხების დოლარიზაციის ზრდაში აისახა. ლარის მხარდამჭერი გარემოს ფონზე, სებ-მა გასულ წელს, ჩვენი შეფასებით, 2.5 მილიარდი აშშ დოლარი შეიძინა. შედეგად, მთლიანმა სავალუტო რეზერვებმა 6.2 მილიარდი აშშ დოლარი შეადგინა, ხოლო წმინდა რეზერვებმა, ასევე ჩვენი შეფასებით - 3.2 მილიარდი აშშ დოლარი.აღსანიშნავია, რომ, თიბისი კაპიტალის წონასწორობის მოდელების თანახმად, 2025 წელს ლარი როგორც დოლართან, ასევე სავაჭრო პარტნიორებთან მიმართებით ზედმეტად არის გაუფასურებული, რაც, ცალკე აღებული, ლარის გამყარების არგუმენტია. თუმცა საყურადღებოა, რომ ომის დასრულების სცენარი, როგორც ზემოთ აღინიშნა, სავალუტო ნაკადების გარკვეულ რეორიენტაციას მოიაზრებს, რაც გაცვლითი კურსისთვის მოკლევადიან პერიოდში ნეგატიური ფაქტორია. ამ სცენარში მოსალოდნელია სავალუტო კონვერტაციებიც, თუმცა, სავალუტო რეზერვების შევსების ფონზე, ასევე გასათვალისწინებელია სებ-ის მიმდინარე პოლიტიკა, რომელიც ლარის ჭარბი მერყეობის შეზღუდვას გულისხმობს. მთლიანობაში, თიბისი კაპიტალის საბაზო სცენარით, 2026 წელს ლარი მხოლოდ მცირედით გაუფასურდება.ინფლაციის მხრივ, ნოემბრიდან, პროგნოზის შესაბამისად, შემცირება გამოიკვეთა და დეკემბერში ფასების წლიურმა ზრდამ 4% შეადგინა. თიბისი კაპიტალის პროგნოზით, მიმდინარე წლის დასაწყისში ინფლაცია გაიზრდება, მარტიდან კი, ნაწილობრივ საბაზო ეფექტების გათვალისწინებით, შენელებას განაგრძობს და წლის ბოლოს 3.5%-ს მიაღწევს. ამ კუთხით ასევე საყურადღებოა გაზაფხულიდან, ერთი მხრივ, ელექტროენერგიის ტარიფის შესაძლო ზრდა და, მეორე მხრივ, სურსათის ფასების შესაძლო კორექტირება, რასაც, რა თქმა უნდა, ინფლაციის პროგნოზზე მნიშვნელოვანი გავლენა ექნება.და ბოლოს, გვსურს მზარდი ინტერესის ფონზე მადლობა გადავუხადოთ კომპანიებს, რომლებიც უკვე აქტიურად იყენებენ თიბისი კაპიტალის დაფინანსების ოპტიმალურ სავალუტო სტრატეგიას. მკითხველს შევახსენებთ, რომ გასული ხუთი წლის განმავლობაში ჩარჩოს მხოლოდ ერთ-ერთი მდგენელის - გაცვლითი კურსის წონასწორული შეფასებების - გამოყენებით, საქართველოს კორპორატიულ სექტორში ჯამურად 6 მილიარდი ლარის პოტენციური სარგებლის მიღება იქნებოდა შესაძლებელი, მაშინ როდესაც კორპორატიული სესხების საშუალო პორტფელი ამავე პერიოდში 16.9 მილიარდ ლარს შეადგენდა.2025-2026 წლებში საქართველოს ეკონომიკის ძირითადი ტენდენციები და პროგნოზები უფრო დეტალურად პუბლიკაციის სრულ ვერსიაში არის განხილული.იხილეთ პუბლიკაციის სრული ვერსია შემდეგ ბმულზე: https://tbccapital.ge/ge/publications/all-publications/singleview/30007300-georgian-economy-in-2025-2026

1769083778

როგორც ეკონომისტი აღნიშნავს, პრემიერის მიერ გერმანიის მაგალითის მოყვანა ამ კონტექსტში ნიშანდობლივია, გერმანიაში შეიძლება მარკეტების რაოდენობა ნაკლები იყოს, მაგრამ დამოუკიდებელი ქსელების რაოდენობა მეტია და მოქმედებს ძლიერი ანტიმონოპოლიური კონტროლი. შედეგად, ფასები დაბალია. საქართველოში კი 2–3 დიდი ქსელი აკონტროლებს ბაზრის უმეტეს ნაწილს, რაც მათ აძლევს ბაზრის ძალას და შესაძლებლობას, ფასები კოორდინირებულად მართონ.ეკონომისტის შეფასებით, საქართველოში სუპერმარკეტების რაოდენობის ზრდა არ ნიშნავს კონკურენციის გაძლიერებას, არამედ პირიქით - ბაზრის კონცენტრაციის ზრდას, რაც ამცირებს ფასების ბუნებრივი შემცირების შესაძლებლობას.„რადგან მიწოდება ანუ სიმრავლე წესით დაბლა წევს ფასებს (მოთხოვნა-მიწოდების პრინციპით) პრემიერის განცხადებების დამახინჯებული ინტერპრეტირება ხდება, როდესაც მან მაღალი ფასები ბოლო პერიოდში მნიშვნელოვნად გაზრდილ მარკეტების რაოდენობას დაუკავშირა, და მაგალითად გერმანია მოიყვანა, სადაც მარკეტების რაოდენობა რამდენჯერმე ნაკლების ვიდრე საქართველოში, ხოლო ფასები დაბალი, თითქოს პრემიერმა ეს ეკონომიკური ანა - ბანა არ იცოდეს.რაოდენობას რა მნიშვნელობა აქვს თუ ერთი და იგივე კომპანიების ფილიალების ქსელები იზრდება და არა ახალი კომპანიების ბაზარზე შემოსვლით. სწორედ ეს არის პრობლემა, დემპინგისაც და ფასების მანიპულაციისაც.უფრო, რომ დავკონკრეტდეთ მარკეტების (ობიექტების) რაოდენობის ზრდა არ ნიშნავს კონკურენციის ზრდას, თუ იზრდება იმავე კომპანიების ფილიალების ქსელი და ბაზარზე ახალი დამოუკიდებელი მოთამაშეები არ შემოდიან, რაც არის კლასიკური ოლიგოპოლიური ბაზარი.გერმანიის მაგალითად მოყვანა არ არის შემთხვევითი. გერმანიაში შეიძლება იყოს ნაკლები მარკეტი, მაგრამ მეტი დამოუკიდებელი ქსელია, რასაც ემატება ძლიერი ანტიმონოპოლიური კონტროლი. მომწოდებლების არჩევანი გაცილებით ფართოა, ხოლო საქართველოში სადაც 2–3 დიდი ქსელი აკონტროლებს ბაზრის დიდ ნაწილს, რაც ნიშნავს, რომ მათ აქვთ ბაზრის ძალა (market power) და ფასებიც ხშირად კოორდინირებულად მოძრაობს, თუნდაც ფორმალური შეთანხმების გარეშე.ბაზარზე ახალი მოთამაშეების შემოსვლა შეზღუდულია მაღალი შესვლის ბარიერებით — მიწის, ლოჯისტიკის, მომწოდებლებთან კონტრაქტებისა და კაპიტალის კონცენტრაციით.თავის მხრივ, მსხვილი ქსელები სარგებლობენ მასშტაბის ეკონომიით: მათ აქვთ დაბალი შესყიდვის ფასები, უფრო ეფექტიანი ლოჯისტიკა და ადმინისტრაციული ხარჯების ოპტიმიზაცია. წესით, ეს უნდა იწვევდეს ფასების შემცირებას. თუმცა, რეალობაში ფასები ხშირად სტაბილურად მაღალი რჩება ან ერთდროულად იზრდება სხვადასხვა ქსელში.ამ დროს პირიქით უნდა ხდებოდეს, თუ ეს კომპანიები იზრდება ფასებიც უნდა იკლებდეს, რადგან საწარმოს მაშტაბი პირდაპირ უკავშირდება თვითღირებულებას და შესაბამისად ფასს. მასშტაბის ეკონომიისას (Economies of Scale) როდესაც წარმოების მოცულობა იზრდება, ფიქსირებული ხარჯები (ქირა, დანადგარები, ადმინისტრაცია) ნაწილდება მეტ ერთეულზე თითოეული პროდუქტის თვითღირებულება მცირდება.მაშინ რატომ არ იკლებს ფასი მასშტაბის ზრდისას საქართველოში?ეს მიუთითებს იმაზე, რომ ბაზარი ფუნქციონირებს ოლიგოპოლიური ლოგიკით, სადაც კონკურენცია ფასებზე სუსტია, კომპანიებს აქვთ შესაძლებლობა, შეინარჩუნონ მაღალი მარჟები მომხმარებელზე მნიშვნელოვანი ზეწოლის გარეშე, რადგან არ აქვთ ზეწოლა ფასის დაკლებისთვის. სასურსათე პროდუქციაზე ისევე როგორც პირველადი მოხმარების პროდუქტზე, მოთხოვნა შედარებით არაელასტიურია, რადგან საკვები და მედიკამენტები აუცილებელია ყოველდღიური პროდუქტია და ხალხი იძულებულია მაინც იყიდოს.ამასთან როდესაც ბაზრის კონცენტრაცია მაღალია, ფასების მანიპულაციის და მარჟების გაზრდის შესაძლებლობაც მაღალია. ხშირად დემპინგი გამოიყენება შესვლის ბარიერად დროებით დაბალი ფასით, ხოლო შემდეგ კი ფასების ზრდით და რაც სამწუხაროდ ჩვენ ყოველდღიურობაში ვხედავთ.თუ რეალური კონკურენციაა და ბევრი დამოუკიდებელი მოთამაშეა მაშინ პრემიერის განცხადებებზე რატომ უნდა წევდნენ მყისიერად დაბლა ფასებს? ფასების სწრაფი და ერთდროული რეაქცია პოლიტიკურ განცხადებებზე სწორედ იმას მიანიშნებს, რომ ბაზარი მგრძნობიარეა კოორდინაციაზე, სადაც მოთამაშეებს აქვთ ფასების მართვის შესაძლებლობა, რაც კონკურენტულ ბაზარში შეუძლებელია.აქედან გამომდინარე, სუპერმარკეტების ქსელების ზრდა საქართველოში წარმოადგენს არა კონკურენციის გაძლიერებას, არამედ ბაზრის კონცენტრაციის ზრდას, რაც ამცირებს ფასების ბუნებრივი შემცირების შესაძლებლობას.დიდწილად ამის შედეგია, რომ მასშტაბის ეკონომია მაღალი ფასნამატით გარდაიქმნება მოგების ზრდად, და არა ფასის შემცირებად!“ - წერს ცუცქირიძე.

1769081103

თიბისი კაპიტალის ანალიტიკოსების აზრით, მიმდინარე ანგარიშის გაუმჯობესებაში წამყვან როლს მომსახურების ექსპორტის ზრდა ასრულებს, მათ შორის, უპირველეს ყოვლისა, ინფორმაციისა და კომუნიკაციის სექტორიდან. ასევე გამოსაყოფია, ერთი მხრივ, იმპორტის ზრდის ტემპის შენელება, ხოლო, მეორე მხრივ, ფულადი გზავნილებისა და ტურისტული შემოსავლების მატება. რეინვესტიციების ჩათვლით, პროგნოზის თანახმად, მიმდინარე ანგარიშის ჯამური დეფიციტი 2025 წელს მშპ-ის 2.7%-ს მიაღწევს, რაც აგრეთვე ყველაზე დაბალი მაჩვენებელია.გასული წლის მეორე ნახევრიდან ეკონომიკური ზრდა შენელდა, რაც გრძელვადიანი ტენდენციის ირგვლივ ნორმალიზების ჩვენს მოლოდინებთან თანხვედრაშია. რაც შეეხება 2026 წელს, ეკონომიკური ზრდის პერსპექტივისთვის მნიშვნელოვან ფაქტორად რუსეთ-უკრაინის ომი რჩება. კონფლიქტის დასრულების სცენარში საქართველოს ეკონომიკაზე როგორც დადებითი, ასევე უარყოფითი მხრივ მრავალი ფაქტორი იმოქმედებს, თუმცა წმინდა ეფექტი, ჩვენი შეფასებით - რაც, შესაძლოა, მიმდინარე მდგომარეობით, საბაზრო კონსენსუსი არ არის - გარკვეულწილად მაინც უარყოფითი იქნება. ამდენად, 2026 წელს ეკონომიკური ზრდა საბაზო სცენარში, დაახლოებით, 4.5%-ს შეადგენს.თიბისი კაპიტალის აზრით, ლარის კურსის კუთხით, 2025 წელს გამყარების მიმართულებით სამი ძირითადი ფაქტორი მოქმედებდა: დოლარის გლობალური სისუსტე, გაზრდილი წმინდა სავალუტო შემოდინებები და ქვეყნის შიგნით უცხოურ ვალუტაზე მოთხოვნის კლება, რაც დეპოზიტების ლარიზაციისა და სესხების დოლარიზაციის ზრდაში აისახა. ლარის მხარდამჭერი გარემოს ფონზე, სებმა გასულ წელს, ჩვენი შეფასებით, $2.5 მილიარდი შეიძინა. შედეგად, მთლიანმა სავალუტო რეზერვებმა $6.2 მილიარდი შეადგინა, ხოლო წმინდა რეზერვებმა, ასევე ჩვენი შეფასებით - $3.2 მილიარდი.ამასთან, თიბისი კაპიტალის წონასწორობის მოდელების თანახმად, 2025 წელს ლარი როგორც დოლართან, ასევე სავაჭრო პარტნიორებთან მიმართებით ზედმეტად არის გაუფასურებული, რაც, ცალკე აღებული, ლარის გამყარების არგუმენტია. თუმცა საყურადღებოა, რომ ომის დასრულების სცენარი, როგორც ზემოთ აღინიშნა, სავალუტო ნაკადების გარკვეულ რეორიენტაციას მოიაზრებს, რაც გაცვლითი კურსისთვის მოკლევადიან პერიოდში ნეგატიური ფაქტორია. ამ სცენარში მოსალოდნელია სავალუტო კონვერტაციებიც, თუმცა, სავალუტო რეზერვების შევსების ფონზე, ასევე გასათვალისწინებელია სების მიმდინარე პოლიტიკა, რომელიც ლარის ჭარბი მერყეობის შეზღუდვას გულისხმობს. მთლიანობაში, თიბისი კაპიტალის საბაზო სცენარით, 2026 წელს ლარი მხოლოდ მცირედით გაუფასურდება.ინფლაციის მხრივ, ნოემბრიდან, პროგნოზის შესაბამისად, შემცირება გამოიკვეთა და დეკემბერში ფასების წლიურმა ზრდამ 4% შეადგინა. თიბისი კაპიტალის პროგნოზით, მიმდინარე წლის დასაწყისში ინფლაცია გაიზრდება, მარტიდან კი, ნაწილობრივ საბაზო ეფექტების გათვალისწინებით, შენელებას განაგრძობს და წლის ბოლოს 3.5%-ს მიაღწევს. ამ კუთხით ასევე საყურადღებოა გაზაფხულიდან, ერთი მხრივ, ელექტროენერგიის ტარიფის შესაძლო ზრდა და მეორე მხრივ, სურსათის ფასების შესაძლო კორექტირება, რასაც, რა თქმა უნდა, ინფლაციის პროგნოზზე მნიშვნელოვანი გავლენა ექნება.

1769080860

რეკორდული ფასის ზრდა ლონდონის ICE ბირჟაზე ვაჭრობის მონაცემებითაც დასტურდება.ნიდერლანდებში TTF hub ინდექსზე დაფუძნებული საწვავის ფასი ბაზრის გახსნის შემდეგ 4%-ით გაიზარდა. თებერვლის მიწოდების ფიუჩერსებმა პიკს მიაღწია 505 დოლარს ათას კუბურ მეტრზე, ანუ 41,815 ევროს მეგავატ/საათზე.გაზის ფასები იზრდება დაბალი ტემპერატურისა და მიწისქვეშა საცავების (UGS) რეზერვების შემცირების ფონზე.Gas Infrastructure Europe-ის (GIE) მონაცემებით, ევროპამ ზამთრის გაზის რეზერვების ორ მესამედზე მეტი გამოიყენა. 18 იანვრის მონაცემებით, ევროპის მიწისქვეშა გაზსაცავებში (UGS) გაზის მოცულობა 49.8%-მდე შემცირდა. ერთი წლით ადრე, რეზერვები ამ დონემდე სამი კვირის შემდეგ დაეცა. ამ ზამთარში 33.8 მილიარდი კუბური მეტრი გაზი იქნა გამოყენებული - ეს არის გათბობის სეზონისთვის მოსამზადებლად მიწისქვეშა გაზსაცავებში გადატუმბული გაზის უმრავლესობა (67.5%).

1769078599

მისი თქმით, მარკეტების მხრიდან ყველა პროდუქტზე გადასახადების დაწესების ინდივიდუალური მიდგომა არსებობს. კერძოდ, როგორც ლაშა რიჟამაძემ აღნიშნა, მაღაზიაში შესატანად შედარებით დაბალია გადასახადი პირველადი მოხმარების პროდუქციაზე, თუმცა, მაგალითად, შოკოლადზე ან ღვინოზე ეს გადასახადი გაცილებით მაღალი შეიძლება იყოს.„ვფიქრობ, ზოგადი პროცენტის გამოყვანა არასწორია, ფიზიკურად შეუძლებელია თუ ინდივიდუალურად არ ჩაიშლება პროდუქცია, რადგან ყველა პროდუქციაზე განსხვავებულ პრაქტიკა არსებობს. შედარებით დაბალია პირველადი მოხმარების პროდუქციაზე, მაგრამ შეიძლება ვთქვათ შოკოლადზე მნიშვნელოვნად დიდი იყოს. შეიძლება ღვინოზე ან შოკოლადზე ვნახოთ 50%-იანი მარტო ერთ ტიპის გადასახადი და, ეს 50%-ანი „ქეშბექი" თავის თავში გულისხმობს, რომ მწარმოებელი ვერ მიაწვდის თუ 150% არ ექნება ფასნამატი. ეს [50%-ანი "ქეშბექი"] არის მთელ რიგ პროდუქციაზე, მათ შორის შოკოლადზე. რა თქმა უნდა, არ შეიძლება, რომ მსგავსი მიდგომა არსებობდეს, საბოლოო ჯამში, ეს მომხმარებელზე ისახება ცუდად.ჩვენ და მათ შორის კონკურენციის სააგენტოც, გასულ წლებშიც ვსაუბრობდით, როდესაც კვერცხთან მიმართებით იყო საუბარი, 20-30%-იან (და უფრო მეტ) „ქეშბექზე". ეს “ქეშბექი" რომ განვმარტოთ, თუ პროდუქტის თვითღირებულება გახლავთ პირობითად, 10 ლარი და მწარმოებელს აქვს სურვილი მიაწოდოს 12 ლარად, ამ 2 ლარში შედის სახელმწიფო გადასახადები, ლოჯისტიკის ხარჯი, ხელფასი, ტრანსპორტის, ცვეთის (მოგების გადასახადს არც ვგულისხმობ, ამას ფიზიკურად არ ეყოფა), და სუპერმარკეტმა „ქეშბექი" მოითხოვა 40-50%, გამოდის, რომ ამ 12 ლარიდან 6 ლარს წინასწარ იხდის მწარმოებელი. იმ თვითღირებულებასაც ვერ იკომპენსირებს, რაც პროდუქტი დაუჯდა. ამ თანხას უკან არ იღებს, წინასწარ იხდის და ფიზიკურად შეუძლებელია, თუ ფასნამატი არ ექნება მაღალი, თვითღირებულება დაიკომპენსიროს. შესაბამისად, ვალდებულია თვითღირებულებას დაამატოს 150% და ამ ფორმით მიიღოს ის 2 ლარი, რაც შეიძლება დარჩენოდა.კიდევ ერთხელ ვიტყოდი, რომ რითეილი არის ყველა მწარმოებლის პარტნიორი. რა თქმა უნდა, რითეილსაც მთელი რიგი პრობლემები აქვს, რაც ფინანსურ ხარჯებს უზრდის ოპერირებისთვის. რაც შეეხება არგუმენტაციას, მსგავსს სიღრმეებში მომწოდებელთან რითეილი არ შედის და საკითხი დგება ასე - აღნიშნულ პროდუქციაზე, რომელზეც პირობითად წინა წელს მქონდა 20%, ახლა უნდა მომცე 25-30%, თორემ დატოვებ ქსელს. შესაბამისად, ვალდებული ხდება მიმწოდებელი, რომ გაზარდოს პროცენტი და მიწოდების ფასი. სამართლიანი ვაჭრობის პირობებში, ეს ფასი მინიმუმ ბევრად უფრო სტაბილური იქნება, ვიდრე გასულ წელს,“ - ამბობს ლაშა რიჟამაძე.ცნობისთვის, პრემიერ-მინისტრმა ირაკლი კობახიძემ 2025 წლის 24 დეკემბერს განაცხადა, რომ სურსათის ევროპულ და ქართულ ფასებს შორის დიდი სხვაობა განპირობებულია სადისტრიბუციო კომპანიებისა და მარკეტების მაღალი ფასნამატით, რაც საქართველოს საზღვრიდან დახლამდე საშუალოდ 86%-ს შეადგენს.24 დეკემბერსვე სახელმწიფო უსაფრთხოების სამსახურმა განაცხადა, რომ სასურსათო ფასებთან დაკავშირებული საკითხის შესწავლას იწყებს. 2026 წლის 5 იანვარს კი სურსათის ფასებთან დაკავშირებით სამთავრობო კომისია შეიქმნა.20 იანვარს გაიმართა სამთავრობო კომისიის 1-ლი შეხვედრა, რომლის ფარგლებშიც ცნობილი გახდა, რომ სამთავრობო საკოორდინაციო კომისია სასურსათო პროდუქციის, მედიკამენტებისა და საწვავის ფასებთან დაკავშირებით იმუშავებს. ამასთან, გამოითქვა მოსაზრება რომ კომისია მუშაობას სავარაუდოდ აპრილის ბოლომდე დაასრულებს.შეგახსენებთ იმასაც, რომ ფასების საკითხზე შექმნილი სამთავრობო საკოორდინაციო კომისიის წევრები არიან: ეკონომიკისა და მდგრადი განვითარების მინისტრი მარიამ ქვრივიშვილი, გარემოს დაცვისა და სოფლის მეურნეობის მინისტრი დავით სონღულაშვილი, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, ფინანსთა მინისტრი ლაშა ხუციშვილი, სახელმწიფო უსაფრთხოების სამსახურის უფროსი მამუკა მდინარაძე, მთავრობის ადმინისტრაციის უფროსი ლევან ჟორჟოლიანი და კონკურენციისა და მომხმარებლის დაცვის სააგენტოს თავმჯდომარე ირაკლი ლექვინაძე.BPN.GE

1769077469

„გამოძიებით დადგინდა, რომ ბრალდებული 2025-2026 წლებში ყიდულობდა სხვადასხვა დასახელების ბრენდულ ვადაგასულ პროდუქტს, რომელიც უნდა გამოეყენებინა ცხოველების საკვებად. დაკავებული პირი კუსტარულად დამზადებული ბეჭდის მეშვეობით პროდუქციას ვარგისიანობის ვადას უცვლიდა და აღნიშნული პროდუქტის რეალიზაციას ლაგოდეხის მუნიციპალიტეტის სოფელ ქვემო გურგენიანში, საკუთარი საცხოვრებელი სახლის ეზოდან ახდენდა.გამოძიების პროცესში დაგეგმილი ოპერატიულ-სამძებრო ღონისძიებების ფარგლებში ბრალდებულისგან შეძენილი იქნა ბრენდირებული ვადაგასული პროდუქცია. ჩხრეკის შედეგად ბრალდებულის საცხოვრებელი სახლის ეზოში არსებული სასაწყობე ფართიდან და ავტომანქანიდან ამოღებულია დიდი ოდენობით სხვადასხვა დასახელების ბრენდული ვადაგასული პროდუქცია, ვარგისიანობის ვადის შესაცვლელად კუსტარულად დამზადებული ბეჭედი, ასევე ვადაგასული პროდუქციის რეალიზაციის შედეგად მიღებული ფულადი თანხა“, – ნათქვამია საგამოძიებო სამსახურის მიერ გავრცელებულ ინფორმაციაში.საქმეზე გამოძიება მიმდინარეობს საქართველოს სისხლის სამართლის კოდექსის 198-ე მუხლის პირველი ნაწილით.„ფინანსთა სამინისტროს საგამოძიებო სამსახური აგრძელებს აქტიურ საგამოძიებო მოქმედებებს სიცოცხლისა და ჯანმრთელობისათვის საფრთხის შემცველი ვადაგასული პროდუქციის გამოვლენისა და ამოღების მიზნით“, – აცხადებენ უწყებაში.

1769077224