Rzeczpospolita - პოლონეთი რუსეთიდან ევროკავშირში გათხევადებული ნახშირწყალბადის გაზის უმსხვილესი იმპორტიორია

როგორც დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე აღნიშნა, აქამდე დისტრიბუტორებს გარკვეული ვადა ჰქონდათ მიცემული, ხოლო მომავალი წლის პირველი იანვრიდან შეზღუდვა უკვე აღნიშნული კატეგორიის სატრანსპორტო საშუალებებსაც შეეხებათ.„წლინახევრის წინ დავიწყეთ კიდევ ერთი ახალი რეფორმის განხორციელება, რომელიც ემსახურება დედაქალაქში მოძრაობის გარკვეულწილად განტვირთვას, რაც გამომდინარეობდა არაგაბარიტული მანქანების მოძრაობით პიკის საათებში. 08:00-დან 11:00 საათამდე და 17:00-დან 20:00 საათამდე პერიოდში, მათი გადაადგილება შევზღუდეთ. ეს ეხებოდა N2 და N3 კატეგორიების სატრანსპორტო საშუალებებს, ანუ იზღუდებოდა ტვირთის გადასაზიდად განკუთვნილი სამ-ნახევარ ტონაზე მეტი, სრული მასის მქონე ძრავიანი სატრანსპორტო საშუალებების გადაადგილება. გვქონდა გარკვეული გამონაკლისები დაშვებული. რეგულაციის მიღების დროს ბიზნესსექტორთან მჭიდრო ურთიერთობა გვქონდა და გამონაკლისად დავადგინეთ დისტრიბუციის მანქანები და მათ რვათვიანი შეღავათი მივეცით, რომ ამ ცვლილებასთან ადაპტირება მოეხდინათ. ამის შემდეგ მათ შეღავათი კიდევ ოთხი თვე გავუხანგრძლივეთ, პირველი იანვრიდან კი ეს შეზღუდვა მათაც შეეხებათ“, - აღნიშნა კახა კალაძემ.მისივე თქმით, აღნიშნული რეგულაცია ითვალისწინებს შეზღუდვას N2 და N3 კატეგორიების სატრანსპორტო საშუალებებით დისტრიბუციაზე და არ ეხება M2 კატეგორიის სატრანსპორტო საშუალებებს.„კიდევ ერთხელ ხაზგასმით განვმარტავთ, რომ შეზღუდვა ვრცელდება მხოლოდ 08:00-დან 11:00 საათამდე და 17:00-დან 20:00 საათამდე, რა დროსაც დედაქალაქში არის უფრო დიდი სატრანსპორტო ნაკადები, დღე-ღამის დანარჩენ მონაკვეთში კი არანაირი შეზღუდვა არ არის დაწესებული და არც იგეგმება რაიმე ახალი შეზღუდვის დაწესება“, - განაცხადა თბილისის მერმა.

1735128440

8 781 045 ლარის ტენდერს აცხადებს ალექსანდრე ჭავჭავაძის ქუჩიდან ჭიჭინაძის ქუჩის ჩათვლით გზის რეაბილიტაციაზე;8 464 123 ლარის ტენდერს კი მოიცავს მეტროსადგურ „რუსთაველიდან“ ალექსანდრე ჭავჭავაძის ქუჩის ჩათვლით გზის შეკეთების სამუშაოებისთვის.6 812 435 ლარის ტენდერს აცხადებს რუსთაველის გამზირის რეაბილიტაციაზე ჭიჭინაძის ქუჩიდან თავისუფლების მოედნამდე.4 382 808 ლარი გათვალისწინებულია კოსტავას ქუჩის (თ. ჭოველიძის ქუჩიდან მეტროსადგურ „რუსთაველამდე) მონაკვეთის რეაბილიტაციის სამუშაოების სახელმწიფო შესყიდვისთვის.სატენდერო წინადადებების მიღება 9 იანვარს დაიწყება და 14 იანვარს დასრულდება.

1735128201

როგორც მან თბილისის მუნიციპალიტეტის მთავრობის სხდომაზე აღნიშნა, ბიუჯეტის მოცულობა 2 მილიარდ 455 მლნ ლარს შეადგენს.„გუშინ საკრებულოში გვქონდა შეკრება, სადაც თბილისის მოსახლეობას ჩავაბარეთ ანგარიში, თუ რა გაკეთდა 2024 წელს, რა პროექტები განვახორციელეთ. ეს წელი შთამბეჭდავი იყო, ბევრი მნიშვნელოვანი პროექტი გავაკეთეთ. ვხედავთ და ვაცნობიერებთ იმ გამოწვევებს, რაც ჯერ კიდევ რჩება ქალაქში და მაქსიმალურად ვცდილობთ, შესაბამისად ვუპასუხოთ მათ. მზად ვართ, ღირსეულად ვემსახუროთ თბილისს და ყველა პრობლემა ეტაპობრივად დავძლიოთ. მინდა, საკრებულოს თითოეულ წევრს თანამშრომლობისთვის მადლობა გადავუხადო. გუშინ დამტკიცდა დედაქალაქის 2025 წლის ბიუჯეტი, რომლის მოცულობა 2 მილიარდ 455 მლნ ლარია. 2017 წელს, როდესაც დედაქალაქის მოსახლეობის უმრავლესობამ მერად ამირჩია, 2018 წლის ბიუჯეტი, დაახლოებით, 800 მილიონ ლარზე მეტი იყო. 2025 წლის ბიუჯეტიც მიმართულია პრიორიტეტული საკითხების გადაჭრაზე, რაც ქალაქს კიდევ უფრო განავითარებს, დაამშვენებს და კომფორტულს გახდის. მომავალ წელსაც განსაკუთრებული ყურადღება ინფრასტრუქტურულ პროექტებს, ჯანდაცვისა და სოციალურ პროგრამებს დაეთმობა“, - აღნიშნა თბილისის მერმა.კახა კალაძემ მხარდაჭერისთვის მადლობა გადაუხადა პრემიერ-მინისტრ ირაკლი კობახიძეს, ცენტრალურ ხელისუფლებასა და ფინანსთა სამინისტროს.„მინდა, კიდევ ერთხელ გავუსვა ხაზი ცენტრალური ხელისუფლების მხარდაჭერას, რაც გვაძლევდა და გვაძლევს საშუალებას, ყოველწლიურად მეტი გაკეთდეს ამ ქალაქის თითოეული მცხოვრებისთვის. მადლობას ვუხდი ამ მხარდაჭერისთვის საქართველოს პრემიერ-მინისტრ ირაკლი კობახიძეს, მთავრობას, ფინანსთა სამინისტროს. 2025 წელი იქნება კიდევ უფრო მეტი მწვანე სივრცის შექმნის, მეტი მნიშვნელოვანი ინფრასტრუქტურული პროექტების განხორციელების, მეტად კეთილმოწყობილი სივრცეებისა და ყველა იმ ადამიანის თანადგომის წელი, რომელსაც განსაკუთრებით დასჭირდება მუნიციპალიტეტის მხარდაჭერა.მინდა, წარმატება ვუსურვო ჩვენს ქალაქს, თბილისის მთავრობას და მუნიციპალიტეტის თითოეულ თანამშრომელს  ამ საქმიანობაში. შეიძლება ყოველდღიურად მე უფრო მეტად ვჩანვარ საზოგადოებაში, მაგრამ ჩემს უკან 32 000-მდე ადამიანი დგას, ვინც დედაქალაქს და მის მცხოვრებლებს ერთგულად ემსახურება“, - განაცხადა კახა კალაძემ. 

1735125558

"საქართველომ უნდა შეძლოს გლობალური ეკონომიკის მღვრიე და მაღალ ტალღებში სტაბილურობის შენარჩუნება"სოსო არჩვაძე, ეკონომისტი: - ჩვენზე გარე ფაქტორები სერიოზულ გავლენას ახდენს და გლობალური მასშტაბით რაც მოხდება, საქართველოზეც აისახება. მხოლოდ ენერგეტიკული რესურსები რომ ავიღოთ, - ჩვენი რესურსები ნავთობის საერთო მოხმარებაში მხოლოდ 9 იანვრის 18 საათამდე გვეყოფა, ხოლო ბუნებრივი გაზი - მხოლოდ 2 იანვრის დილის 9 საათამდე.ჩვენ დამოკიდებული ვართ იმპორტზე და მიუხედავად იმისა, რომ ცალკეულ დარგებში წინსვლა გვაქვს, მაინც იმპორტდამოკიდებულ ქვეყნად ვრჩებით. რაც იქ მოხდება, აისახება ჩვენზეც და ცალკეულ შემთხვევებში უფრო ძლიერადაც, იქნება ეს ნეგატიური თუ პოზიტიური შემთხვევები.- დღევანდელი ვითარების გათვალისწინებით, გლობალურად რა მოხდება, რა იქნება მომავალ წელს, მაგალითად, 5 ყველაზე მთავარი მოვლენა?- მნიშვნელოვანია, როგორ გადალაგდება ეკონომიკა - როგორც ქვეყანაში, ასევე მის გარეთ. საკმაოდ ტურბულენტური სიტუაციაა და ეს უკავშირდება არა მხოლოდ არსებულ მდგომარეობას, როგორიც არის ომი უკრაინაში, სირიის ამბები, სხვა მიმართულებებითაც დაძაბულობაა, არამედ აშშ-ის ხელისუფლებაში კონსერვატორული შეხედულებების ტრამპისა და მისი გუნდის მოსვლას. ამერიკის ეკონომიკის წილი გლობალური მასშტაბით საკმაოდ დიდია და ამ ქვეყნის ქცევა არა მარტო საერთაშორისო გლობალური პოლიტიკის თვალსაზრისით, არამედ ეკონომიკური ბერკეტების გამოყენებითაც, დიდ გავლენას ახდენს მსოფლიოს ეკონომიკურ წესრიგზე. ტრამპის განცხადებით, აპირებენ ამერიკული ინტერესების გაძლიერებას და საკმაოდ ხისტი პოლიტიკის გატარებას. სლოგანი, დავუბრუნოთ ამერიკას სიდიადეო, უკავშირდება კონკრეტულ ნაბიჯებს - მაღალ სატარიფო განაკვეთებს, უშუალო მეზობლების ჩათვლითაც კი, ხისტი დამოკიდებულება ბრიკსის ამჟამინდელი წევრების მიმართ, თუკი ისინი ანგარიშსწორებისას სხვა ვალუტას გამოიყენებენ.ამასთან, სირიაში ხელისუფლების შეცვლა გზას უხსნის კატარიდან თურქეთის გავლით ევროპის მიმართულებით ახალი გაზსადენის მშენებლობას, რომელმაც მინიმუმამდე უნდა დაიყვანოს რუსული ფაქტორის გავლენა ევროპის ენერგეტიკულ ბაზარზე. ეს პროცესები კი, ცხადია, უმტკივნეულო არ იქნება. ეკონომიკა ყოველთვის იყო პოლიტიკის მძევალი, მაგრამ ასეთ პირობებში რომელი რომლის მძევალია, ეკონომიკა პოლიტიკის თუ პოლიტიკა ეკონომიკის, ძნელი სათქმელია. ეს პროცესი გლობალური მასშტაბით უფრო დრამატულ ხასიათს მიიღებს.ასეთ ვითარებაში საქართველოს რა დარჩენია, გარდა იმისა, რომ შეძლოს სერფინგისტის ოსტატობით გლობალური ეკონომიკის მღვრიე და მაღალ ტალღებში სტაბილურობის შენარჩუნება, რათა შეძლოს მოსახლეობის ეკონომიკური უსაფრთხოების დაცვა, ბიზნესის არა მარტო წახალისება, არამედ მეტად მოტივირება და მეტი პატრიოტიზმის გაჩენა მათ ქმედებებში. ეს კი მხოლოდ მოწოდებებით ვერ მოხდება, ამას სჭირდება სათანადო სამართლებრივი უზრუნველყოფა, ბიზნესის წახალისება, რომ შეძლონ პროაქტიული როლის შესრულება ქვეყნის ეკონომიკის განვითარებაში. ეს არა მხოლოდ იმიტომ არის მნიშვნელოვანი, რომ საქართველოს სახელმწიფოებრიობა უფრო მდგრადი იყოს, არამედ იმიტომაც, რომ გარე რესურსებზე წვდომა, პირდაპირი უცხოური ინვესტიციების მოზიდვა შეიძლება გართულებული გვქონდეს და ამიტომ უნდა ვიზრუნოთ ქვეყნის შიდა ფაქტორებისა და რესურსების უფრო რაციონალურად გამოყენებაზე.ეკონომიკური ზრდა საკმაოდ მაღალი გვქონდა, საშუალოდ 2,5-ჯერ აღემატებოდა გლობალური ზრდის ტემპს, მაგრამ ასე მუდმივად ვერ იქნება, ამიტომ საჭიროა ადგილობრივი ბიზნესის მეტი მოტივაცია. სხვათა შორის, ეს არ არის მარტო ჩვენი სურვილი, აშშ-ც ცდილობს წაახალისოს საკუთარი ბიზნესი, ვისაც უცხოეთში აქვს კაპიტალი, რათა ინვესტირება ამერიკის ეკონომიკაში მოახდინოს.- საქართველოს ეკონომიკაში რა ჩაითვლება მთავარ მოვლენად? თუნდაც ეკონომიკური ზრდა შენარჩუნდება არსებულ ნიშნულზე? იქნება ეს ქვეყნის მთავარ ეკონომიკურ ამბებს შორის წამყვანი?- არ არის აუცილებელი, ქვეყანაში ყოველ წელს ეკონომიკური ზრდა ორნიშნა იყოს. დეკემბრის ამბების გამო, ვფიქრობ, დაახლოებით 3 პუნქტით მაინც ნაკლები ზრდა გვექნება წინა თვესთან შედარებით. ცხადია, ეს მომავალი წლის შედეგებზეც მოახდენს გავლენას. წარმოების მთელი რიგი დარგები გაჩერებულია.1990 წლის შემდეგ, რაც ქვეყანა დამოუკიდებელია, ჩვენ სულ 5 წლის განმავლობაში გვქონდა ორნიშნა ეკონომიკური ზრდა, მხოლოდ 2 წლის განმავლობაში გვქონდა ვარდნა - 2009-სა და 2020-ში, აგვისტოს ომის შემდეგ და კოვიდპანდემიის გამო. შევეგუოთ, რომ გვექნება საშუალო ეკონომიკურ ზრდაზე უფრო მაღალი, მაგრამ ჩვენი მიზანი არ უნდა იყოს მაინცდამაინც ორნიშნა ზრდის სამიზნედ აღება. არამედ ინკლუზიურობის ხელშეწყობა, რათა ადამიანებმა იგრძნონ, როგორ აისახება ეკონომიკური ზრდა მათ პირად კეთილდღეობაზე. იმედია, ეს გაისად ერთ-ერთი მნიშვნელოვანი მიღწევა იქნება.- თუკი ხელისუფლება არ გაითვალისწინებს საზოგადოების მოთხოვნას და პროტესტი გაგრძელდება, მაშინ რას ელოდებით?- არა მგონია, ისეთი აპოკალიფსური შედეგი მივიღოთ, რასაც ამბობენ, რომ ეკონომიკა ჩამოიშლება და ა.შ. საზოგადოებას აქვს გენეტიკური მეხსიერება რთული და მძიმე პირობებისა, რაც 1990-იან წლებში გამოიარა, ამიტომ თვითშენახვისა და გადარჩენის ინსტინქტი საკმაოდ ძლიერია. ეს აქვს მოსახლეობასაც და ბიზნესსექტორსაც. ისინი ყოველგვარ გამოწვევებთან დაკავშირებით კონტრზომებს მიიღებენ, რათა მაქსიმალურად გადაარჩინონ საკუთარი ბიზნესი, საკუთარი ეკონომიკური მდგომარეობა და შეინარჩუნონ წარმოებისა და კონკურენტუნარიანობის მიღწეული დონე. ხომ გაგიგონიათ, შეძახილმა ხე გაახმოო, და თუ ყველა ექსპერტი, ყველა ეკონომისტი ყველა მედიასაშუალებით დაიწყებს ვიშვიშს და არ შესთავაზებს რეცეპტს, რომ უკეთესად იყოს საქმე, მაშინ პრობლემები ვერ მოგვარდება.ჩვენ მეტი პოზიტივი და იმედი უნდა მივცეთ საზოგადოებას, რათა ხელები კი არ ჩამოუშვან, არამედ იფიქრონ იმაზე, რომ თუ აქტიურად იმუშავებენ, შეძლებენ არა მხოლოდ საკუთარი თავისა და ბიზნესის, არამედ ქვეყნის გადარჩენაში წვლილის შეტანასაც.რუსა მაჩაიძეkvirispalitra.ge

1735125124

წელს აზერბაიჯანმა გაზარდა სიგარეტის წარმოება, შეამცირა იმპორტზე დანახარჯები და შეამცირა მათი ექსპორტიდან მიღებული შემოსავალი.საქართველოს დაინტერესებამ აზერბაიჯანული სიგარეტით ძლიერად შეუწყო ხელი ექსპორტის მოცულობის ზრდას.როგორც ABC.AZ იუწყება, 2024 წლის პირველ 10 თვეში აზერბაიჯანმა საზღვარგარეთ 88 მილიონი შეკვრა (1,762 მილიარდი ცალი) სიგარეტი გაყიდა.იმის გათვალისწინებით, რომ გასულ წელს ეს იყო 31 მილიონი შეკვრა, გასულ წელთან შედარებით სიგარეტის ექსპორტის მოცულობა თითქმის სამჯერ გაიზარდა.სიგარეტის ექსპორტიდან ქვეყანამ 27,79 მილიონი დოლარის უცხოური ვალუტა მიიღო.2019 წლამდე ამ პროდუქტის მიმართ უარყოფითი ბალანსი იყო ექსპორტ-იმპორტის ბალანსში, რომელიც შიდა წარმოების მატებასთან ერთად დადებით ბალანსად გარდაიქმნა.

1735122578

ამასთან, 2024 წლის 11 თვეში სებ-ის მიერ განხორციელებული სავალუტო ინტერვენციები ასე გამოიყურება:იანვარი - Bmatch-ით წმინდა შესყიდვა $8.1 მილიონითებერვალი - Bmatch-ით წმინდა შესყიდვა შესყიდვა $77.5 მილიონიმარტი - Bmatch-ით წმინდა შესყიდვა $127.9 მილიონიაპრილი - Bmatch-ით წმინდა შესყიდვა $73.1 მილიონიმაისი - გაყიდვა $108.7 მილიონი სავალუტო აუქციონით და Bmatch-ით წმინდა გაყიდვა $9.1 მილიონიივნისი - გაყიდვა $60 მილიონი სავალუტო აუქციონით და Bmatch-ით წმინდა გაყიდვა $42 მილიონიივლისი - Bmatch-ით წმინდა შესყიდვა $1.9 მილიონიაგვისტო - Bmatch-ით წმინდა შესყიდვა $41 მილიონისექტემბერი - Bmatch-ით წმინდა გაყიდვა $106.5ოქტომბერი - გაყიდვა $213.4 მილიონი სავალუტო აუქციონით და Bmatch-ით წმინდა გაყიდვა $377.7ნოემბერი - Bmatch-ით წმინდა შესყიდვა $124.5საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2025 წლის 25 იანვარს გამოაქვეყნებს.

1735121189