1 მაისიდან 10 აგვისტოს ჩათვლით საქართველოდან ექსპორტირებულია 9.9 ათასი ტონა მოცვი – გარემოს დაცვისა და სოფლის მეურნეობის სამინისტრო

პრემიერა კომპანიების - Parsons Fine Imports-ისა და SOMM TV-ის ორგანიზებით ჩატარდა. ღონისძიებისადმი ინტერესი იმდენად დიდი იყო, რომ ყველა ბილეთი ერთ დღეში გაიყიდა.ფილმის ჩვენების დასრულების შემდეგ ქართული ღვინის დეგუსტაცია გაიმართა. შემოქმედებითი ჯგუფის წევრებმა ღონისძიების სტუმრებს ფილმის შექმნის პროცესთან დაკავშირებული საინტერესო დეტალები გაუზიარეს.სრულმეტრაჟიანი დოკუმენტური ფილმი „ღვინის გამოძახილი“ (Echoes of Wine) SOMM TV-ის პლატფორმაზე 1 ივლისიდან არის ხელმისაწვდომი. ფილმი მაყურებელს აცნობს საქართველოს უნიკალურ ბუნებას, ვენახებს, ქართული ღვინის კულტურას და ახალგაზრდა თაობის მეღვინეების საქმიანობას. განსაკუთრებული ყურადღება ეთმობა ქვევრის ღვინის დამზადების უძველეს ტექნოლოგიასა და ქართული ვაზის ჯიშების მრავალფეროვნებას.საქართველოს, როგორც მეღვინეობის ერთ-ერთი უძველესი ქვეყნის, წარმოჩენა SOMM TV-ზე ხელს შეუწყობს ქართული ღვინის ცნობადობის ამაღლებასა და გაყიდვების ზრდას ამერიკის სტრატეგიულ ბაზარზე.ფილმის შექმნის მიზნით, ღვინის ეროვნული სააგენტოს ორგანიზებითა და ფინანსური მხარდაჭერით, SOMM TV-ის გადამღები ჯგუფი საქართველოში მიმდინარე წლის მაისში იმყოფებოდა. ჯგუფის წევრები 8 მაისს ღვინის ეროვნული დღისადმი მიძღვნილ საზეიმო ღონისძიებებს დაესწრნენ. ასევე, ეწვივნენ კახეთსა და ქართლში მდებარე ქართული ღვინის მარნებს, სადაც ქართული მეღვინეობის მრავალსაუკუნოვან ტრადიციებსა და თანამედროვე ღვინის კულტურას გაეცნენ.SOMM TV საერთაშორისო ციფრული მედია-პლატფორმაა, რომელიც ღვინოს, გასტრონომიას, მოგზაურობასა და ცხოვრების სტილს ეძღვნება. პლატფორმა ამერიკელმა სომელიეებმა და ღვინის ინდუსტრიის წარმომადგენლებმა დააფუძნეს. SOMM TV ცნობილია მაღალი ხარისხის დოკუმენტური ფილმებით, სერიებითა და ღვინის სამყაროს შესახებ საგანმანათლებლო კონტენტით. პლატფორმის ერთ-ერთი ყველაზე პოპულარული პროექტია დოკუმენტური ფილმების სერია SOMM, რომელმაც აღიარება მოიპოვა როგორც პროფესიონალ სომელიეებს, ისე ღვინის მოყვარულებს შორის.

1786606772

წინა წლის ანალოგიურ პერიოდთან შედარებით, მოცვის ექსპორტი მნიშვნელოვნად გაზრდილია. კერძოდ, ექსპორტირებული მოცვის რაოდენობა 55%-ით (3.5 ათასი ტონა), ხოლო ღირებულება 47%-ით (20.3 მლნ აშშ დოლარი) გაიზარდა.აღნიშნულ პერიოდში 1 კგ მოცვის საშუალო საექსპორტო ფასი 6.4 $-ია.2026 წელს გაფართოვდა მოცვის საექსპორტო ბაზრების არეალი - ექსპორტი განხორციელდა 17 ქვეყანაში. მოცვის ძირითადი საექსპორტო ქვეყნებია რუსეთი (9 010 ტონა), ევროკავშირი (498 ტონა), სომხეთი (192 ტონა), თურქეთი (102 ტონა), არაბთა გაერთიანებული საამიროები (70 ტონა) და სხვა.ინფორმაციას გარემოს დაცვისა და სოფლის მეურნეობის სამინისტრო ავრცელებს

1786605719

მცხეთა-მთიანეთის რეგიონში ვიზიტის ფარგლებში დავით სონღულაშვილი გაეცნო მეფრინველეობის ფერმის, ერთწლოვანი კულტურების სასათბურე მეურნეობის, ბიომარწყვის, ლოკოკინისა და რძის გადამუშავების საწარმოების საქმიანობას, თბილისის ეროვნულ პარკში არსებულ ტურისტულ-რეკრეაციულ ინფრასტრუქტურას და ადგილობრივ ფერმერებსა და მეწარმეებს შეხვდა.„განსაკუთრებით მნიშვნელოვანია რეგიონებში ვიზიტი, რადგან ადგილზე გვაქვს შესაძლებლობა, გავეცნოთ სხვადასხვა მწარმოებელს, მათ საქმიანობას, გამოწვევებსა და განვითარების შესაძლებლობებს. სწორედ ადგილობრივი წარმოების გაძლიერება ქმნის მყარ საფუძველს მუნიციპალიტეტებისა და რეგიონების ეკონომიკური განვითარებისთვის, ხელს უწყობს ქართული პროდუქციის ხარისხის გაუმჯობესებას და მისი პოპულარიზაციის ზრდას.საწარმოებთან ერთად, შესაძლებლობა გვქონდა დაგვეთვალიერებინა დაცული ტერიტორიების მიმართულებით განხორციელებული ინფრასტრუქტურული პროექტებიც. ამ მიმართულებით ჩვენი ერთ-ერთი მნიშვნელოვანი ამოცანაა დაცულ ტერიტორიებზე შესაბამისი ინფრასტრუქტურის განვითარება, რაც ვიზიტორების სათანადო მომსახურებას უზრუნველყოფს. ეს, თავის მხრივ, ხელს შეუწყობს საქართველოს უნიკალური ბუნებისა და გარემოს შესახებ ცნობადობის ამაღლებას და ქვეყნის ბუნებრივი მემკვიდრეობის გაცნობას როგორც ადგილობრივი, ისე უცხოელი ვიზიტორებისთვის“, - აღნიშნა დავით სონღულაშვილმა.

1786604668

სქაიტელი“ საქართველოს სატელეკომუნიკაციო ბაზარზე 2010 წლიდან  ოპერირებს და ბიზნესებს, კერძო პირებსა დასაჯარო სექტორს თანამედროვე სატელეკომუნიკაციო გადაწყვეტილებებსა და ინტერნეტ მომსახურებას სთავაზობს. კომპანიის სერვისი მთელი საქართველოს მასშტაბით ფუნქციონირებს, ახალი ინვესტიცია კომპანიას შესაძლებლობას მისცემს გააძლიეროს პოზიციები საქართველოს სატელეკომუნიკაციო ბაზარზე და მომხმარებლებს კიდევ უფრო ფართო დაფარვა შესთავაზოს.მადლობა  პროკრედიტ ბანკს მხარდაჭერისთვის. EBRD-თან თანამშრომლობა საინვესტიციო რესურსებზე წვდომის გარდა, იმის დასტურია, რომ სქაიტელის საქმიანობის პრინციპები სრულად შეესაბამება კორპორაციული მართვისა და ფინანსური გამჭვირვალობის საერთაშორისო სტანდარტებს. ჩვენი სტრატეგია უცვლელია, ვაგრძელებთ სატელეკომუნიკაციო ინფრასტრუქტურის განვითარებას მთელი ქვეყნის მასშტაბით, მათ შორის იმ რეგიონებში, სადაც ინტერნეტი დღემდე არ არის. ინტერნეტის ხელმისაწვდომობის ზრდა და ამ კუთხით განხორციელებული ინვესტიციები ერთ-ერთ მთავარი ფუნდამენტია საზოგადოების, ბიზნესისა და სახელმწიფოსთვის, ისევე, როგორც სხვა კრიტიკული ინფრასტრუქტურა. ამიტომ, ეს ინვესტიცია,  ქვეყნის ინტერნეტიზაციისკენ გადადგმული კიდევ ერთი მასშტაბური ნაბიჯია”- არმან ობოსიანი, „სქაიტელის“ გენერალური დირექტორი„პროკრედიტ ბანკისთვის მნიშვნელოვანია ისეთიპროექტების მხარდაჭერა, რომლებიც ბიზნესის გრძელვადიან განვითარებას უწყობს ხელს. „სქაიტელი“ უკვე 15 წელზე მეტია ჩვენი პარტნიორიადა ამ პერიოდის განმავლობაში კომპანიი სგანვითარების არაერთი მნიშვნელოვანი პროექტი დავაფინანსეთ. ახალი ინვესტიცია ამ წარმატებული თანამშრომლობის კიდევ ერთი ეტაპია, რომელიც „სქაიტელს“ განვითარების გეგმების განხორციელებასა და საქმიანობის გაფართოების შესაძლებლობას მისცემს.“ - ზეინაბ ლომაშვილი, პროკრედიტ ბანკის დირექტორი.„EBRD განაგრძობს საქართველოში ისეთი პროექტების მხარდაჭერას, რომლებიც კერძო სექტორის კონკურენტუნარიანობის ზრდას დაეკონომიკის მდგრად განვითარებას უწყობს ხელს. საქართველოს რეგიონებში მაღალ სიჩქარიანი ინტერნეტის ინფრასტრუქტურის განვითარება მნიშვნელოვან სოციალურ და ეკონომიკურ სარგებელს ქმნის, ამცირებს ციფრულ უთანასწორობას, და აძლიერებს რეგიონების კონკურენტუნარიანობას. „სქაიტელის“ ქსელის გაფართოება მნიშვნელოვნად გააუმჯობესებს მაღალ სიჩქარიან ინტერნეტზე ხელმისაწვდომობას რეგიონებში, რაც ხელს შეუწყობს მოსახლეობისა და ბიზნესის ციფრულ ეკონომიკაში უფრო აქტიურ მონაწილეობას.“ – ალკის ვრიენიოს დრაკინოსი, რეგიონალური დირექტორი კავკასიაში EBRD.

1786539481

როგორც თამარ იოსელიანმა აღნიშნა, ანაკლიის ღრმაწყლოვანი პორტის სამშენებლო სამუშაოებს  ე.წ. დიდ ოთხეულში შემავალი ბელგიური კომპანია Jan De Nul N.V.  ახორციელებს.„Jan De Nul N.V.-ის  ფლოტში შემავალი გემი უკვე შემოვიდა საქართველოს ტერიტორიულ წყლებში და დაიწყო ფსკერდაღრმავებითი სამუშაოები. აღნიშნულ გემს ასევე შემოუერთდება უფრო დიდი ზომის გემი აგვისტოს ბოლოსკენ, რომელიც გააგრძელებს აღნიშნულ სამუშაოებს“, - განაცხადა მინისტრის მოადგილემ.სამუშაოების მიმდინარე პროცესს მინისტრის მოადგილე შპს ანაკლიის საზღვაო ნავსადგურის დირექტორ ზურაბ სიჭინავასთან და კომპანია Jan De Nul N.V.-ის საქართველოს ფილიალის დირექტორ ტიმ დევოლდერთან ერთად გაეცნო. როგორც აღინიშნა, სამუშაოები გეგმა-გრაფიკის შესაბამისად მიმდინარეობს.„როგორც მოგეხსენებათ, ანაკლიის საზღვაო ნავსადგურის პარამეტრები გულისხმობს 17.5 მეტრამდე ფსკერის დაღრმავებას და დაახლოებით 1400 მეტრის სიგრძის ტალღმჭრელის მშენებლობას, რომელიც მოგვცემს შესაძლებლობას, რომ მივიღოთ დიდი ტვირთამწეობის გემები, რომლებიც შავ ზღვაში დაცურავენ“, - აღნიშნა თამარ იოსელიანმა.როგორც მინისტრის მოადგილემ აღნიშნა, ანაკლიის ღრმაწყლოვანი ნავსადგურის პროექტი წარმოადგენს ერთ-ერთ უმნიშვნელოვანეს სტრატეგიულ პროექტს, რომელსაც საქართველოს მთავრობა ავითარებს.“საქართველოს მთავრობას აქვს მწყობრი და თანმიმდევრული ხედვა და გეგმა, თუ როგორ უნდა განვითარდეს ქვეყნის სატრანსპორტო სისტემა იმისათვის, რომ საქართველოს როლი გაიზარდოს საერთაშორისო სატრანსპორტო და ლოგისტიკურ ქსელებში“,- აღნიშნა მინისტრის მოადგილემ.ამასთან, თამარ იოსელიანის განცხადებით, მსოფლიო ბანკის კვლევის მიხედვით, 2030 წლისთვის დაგეგმილია ტვირთბრუნვის გაორმაგება და შესაბამისად, საქართველო უზრუნველყოფს იმას, რომ რეგიონში იყოს სანდო და ეფექტიანი პარტნიორი.„აღნიშნული სამუშაოები ხორციელდება გეგმა-გრაფიკის შესაბამისად და ჩვენ უზრუნველვყოფთ იმას, რომ 2029 წელს ანაკლიის საზღვაო ნავსადგურმა მიიღოს პირველი გემი“, - განაცხადა მინისტრის მოადგილემ.

1786537749

მთავრობის მეთაურის თქმით, ტურიზმი არის საქართველოს ეკონომიკის ერთ-ერთი მნიშვნელოვანი სექტორი.„ისედაც გვქონდა სირთულეები ტურიზმის სფეროში, როდესაც ახლო აღმოსავლეთში დაიწყო კონფლიქტი. ბუნებრივია, ნაკადები შემცირდა ახლო აღმოსავლეთიდან, არაბული ქვეყნებიდან, ისრაელიდან და ახლა სურთ, რომ ხელოვნურად დაალაგონ პრობლემა რუსეთთან მიმართებით, რუს ტურისტებთან მიმართებით, რაც არ გამოუვათ. ფრთხილად უნდა ვიყოთ, თუ ჩვენ არ ვიმოქმედებთ, შეიძლება მიაღწიონ წარმატებას. დიდი რესურსია ჩართული - გარეთ პატრონები, შიგნით უცხოური აგენტურა, პარტიები, პარტაქტივი, პარტიული ტელევიზიები, ყველა არის ჩართული რუსოფობიული კამპანიის გაღვივებაში. თუმცა, თუ ჩვენ დავდგებით ისევე მყარად, როგორც დავდექით თავის დროზე 2022 წელს, როცა ითხოვდნენ ჩვენგან მეორე ფრონტის გახსნას, სანქციების დაწესებას, მებრძოლი მოხალისეების გაგზავნას, როცა აწარმოებდნენ რუსოფობიულ კამპანიებს, როცა დადგა საზოგადოება მოწოდების სიმაღლეზე, ვერაფერს მიაღწიეს. ახლაც, თუ ყველა ერთად დავდგებით, საზოგადოება, მოწოდების სიმაღლეზე, ეს კამპანიები თავის შედეგს ვერ მიაღწევს“, -  განაცხადა პრემიერ-მინისტრმა.

1786537511