TUMO ქუთაისში საგანმანათლებლო პროგრამებზე მიღება დაიწყო - პროექტის მხარდამჭერია საქართველოს ბანკი

TUMO ქუთაისი 12-18 წლის მოზარდებს შესაძლებლობას აძლევს, ისწავლონ ტექნოლოგიების და კრეატიული ინდუსტრიების 11 მიმართულებიდან ერთ-ერთზე. TUMO-ს საგანმანათლებლო ცენტრი საქართველოს ბანკის მხარდაჭერით და საქართველოს ინოვაციების და ტექნოლოგიების სააგენტოს (GITA) ორგანიზებით, ქუთაისის ტექნოლოგიურ ჰაბში გაიხსნა. საგანმანათლებლო ცენტრში ახალგაზრდებს შესაძლებლობა აქვთ, დაეუფლონ თანამედროვე ტექნოლოგიური და კრეატიული ინდუსტრიებისთვის მნიშვნელოვან მიმართულებებს, მათ შორის - პროგრამირებას, რობოტიკას, თამაშების შექმნას, ანიმაციას, გრაფიკულ დიზაინს, 3D მოდელირებას, ფოტოგრაფიას, კინოგადაღებას, მუსიკას, ხატვასა და გენერაციული ხელოვნური ინტელექტის (Generative AI) საფუძვლებს. აღნიშნული მიმართულებები ახალგაზრდებს აძლევს შესაძლებლობას, მრავალმხრივ განივითარონ როგორც ტექნიკური, ისე შემოქმედებითი კომპეტენციები და პრაქტიკული გამოცდილება რეალურ სამუშაო გარემოსთან მიახლოებულ პირობებში მიიღონ.აღსანიშნავია, რომ „თუმო ქუთაისი“-ში სწავლამოსწავლეებისთვის სრულად დაფინანსებულია, რაცპროგრამას ყველა დაინტერესებული ახალგაზრდისთვისხელმისაწვდომს ხდის.ინფორმაციისთვის, თუმო საერთაშორისო აღიარებულისაგანმანათლებლო მოდელია, რომელიც მსოფლიოსარაერთ ქვეყანაში წარმატებით ფუნქციონირებს. პროგრამა 12 - 18 წლის ახალგაზრდების ციფრული, ტექნოლოგიური და შემოქმედებითი უნარებისგანვითარებაზეა ორიენტირებული. სწავლების მოდელითვითმართვადი სწავლების პრინციპს ეფუძნება დააერთიანებს ინტერაქტიულ სასწავლო მოდულებს, პრაქტიკულ სემინარებსა და ლაბორატორიებს, სადაცმონაწილეები ცოდნას რეალურ პროექტებზე მუშაობისპროცესში იძენენ.

1787327400

Art & Qopy დუეტთან თანამშრომლობით შექმნილი საქართველოს ბანკის კამპანიის მიზანია, ხელი შეუწყოს პარალიმპიელი ჩემპიონებისა და მათი მიღწევების შესახებ ცნობადობის ამაღლებას და ამ პროცესში ბრენდების შემოერთებას, რათა პარალიმპიელმა ჩემპიონებმა მიიღონ ის ყურადღება, რომელსაც იმსახურებენ.„ჩვენთვის პარალიმპიელი ჩემპიონის მხარდაჭერა ნიშნავს ვიყოთ მის გვერდით არა მხოლოდ გამარჯვების მომენტში, არამედ წარმატებისკენ მიმავალ გზაზეც. გვჯერა, რომ ბიზნესის ჩართულობა მნიშვნელოვანია პარასპორტსმენების მიღწევების მეტი ხილვადობისა დაახალი შესაძლებლობების შესაქმნელად. სწორედ ამიტომ, მოხარული ვართ, რომ ირმა ხეცურიანის წარმატების გზაზე მის გვერდით ვიქნებით”, - აღნიშნავსნინო ჯიბლაძე, გალფის მარკეტინგის დირექტორი. ჩემპიონები მზად არიან. ახლა ბრენდების ჯერიასაქართველოს ბანკის კამპანიის ფარგლებში, შეიქმნა პარალიმპიელების ფოტოსერია, რომელშიც ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას კი მთავარი კითხვა ჩნდება: „რომელიბრენდი იმსახურებს ჩემპიონს?“კითხვა ქართული ბიზნესისთვის გამოწვევად იქცევა – შეავსონ ცარიელი ადგილი, და დაიწყონ ქართველ პარალიმპიელ ჩემპიონებთან პარტნიორობა.რომელი ბრენდი იქნება შემდეგი?

1787323920

"SPAR-ისთვის მნიშვნელოვანია ისეთი ინიციატივების მხარდაჭერა, რომლებიც საზოგადოებაში თანასწორი შესაძლებლობებისა და ინკლუზიურობის იდეას აძლიერებს. სწორედ ამიტომ შევუერთდით საქართველოს ბანკის კამპანიას და ვთანამშრომლობთ პარაძიუდოისტ ნატა ოჩიგავასთან.ნატა თავისი შრომით, მიზანდასახულობითა და საერთაშორისო წარმატებებით იმ სპორტსმენთა რიცხვს მიეკუთვნება, რომლებიც საქართველოს ღირსეულად წარმოადგენენ მსოფლიო ასპარეზზე. მისი მიღწევები კიდევ ერთხელ გვაჩვენებს, რამდენად დიდი მნიშვნელობა აქვს მონდომებას, დისციპლინასა და საკუთარი საქმისადმი ერთგულებას.გვიხარია, რომ ამ კოლაბორაციის ფარგლებში, ჩვენს ბრენდს წარმოადგენს ჩემპიონი, რომელიც თავისი პროფესიონალიზმითა და მიღწევებით არაერთი ადამიანისთვის შთაგონების წყაროა", - აღნიშნავს თათული გულბიანი, დეილი ჯგუფის მარკეტინგის დირექტორი.საქართველოს ბანკის კამპანიის შესახებ:ქართველი პარასპორტსმენები საერთაშორისო ასპარეზზე დიდ წარმატებას აღწევენ. ისინი იგებენ მედლებს, ამყარებენ მსოფლიო რეკორდებს და წერენ ისტორიას. თუმცა, პარალიმპიადის დასრულების შემდეგ, მათი ისტორიები და გამარჯვებები ყურადღების მიღმა რჩება.სწორედ ამიტომ, საქართველოს ბანკი, როგორც პარალიმპიური ნაკრების მთავარი სპონსორი, მიზნად ისახავს, პარასპორტსმენებისა და მათი მიღწევების შესახებ ცნობადობის ამაღლებას და ამ პროცესში ბრენდების შემოერთებას, რათა პარალიმპიელმა ჩემპიონებმა მიიღონ ის ყურადღება, რომელსაც იმსახურებენ. საქართველოს ბანკის კამპანია Art & Qopy დუეტთან თანამშრომლობით შეიქმნა.ჩემპიონები მზად არიან. ახლა ბრენდების ჯერიაკამპანიის ფარგლებში, შეიქმნა პარალიმპიელების ფოტოსერია, რომელშიც ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას კი მთავარი კითხვა ჩნდება: "რომელი ბრენდიიმსახურებს ჩემპიონს?"კითხვა ქართული ბიზნესისთვის გამოწვევად იქცევა – შეავსონ ცარიელი ადგილი, და დაიწყონ ქართველ პარალიმპიელ ჩემპიონებთან პარტნიორობა. 

1787322960

ბულბული აუდიო ზღაპრების პლატფორმაა, რომელიც ბავშვებს 100-მდე ხალხური და კლასიკური ზღაპრის მოსმენის შესაძლებლობას აძლევს. პლატფორმას ყოველკვირეულად ახალი ჩანაწერები ემატება, ზღაპრები კი პროფესიონალი მსახიობების მიერ არის გახმოვანებული."იავნანა – ქართული ენის პირველი გაკვეთილი" ბავშვებისთვის ქართული ქართული ენის ყოველდღიურ გარემოში ინტეგრირებაში ეხმარება. ჩანაწერებში მარტივი სიტყვები და ფრაზები თავდაპირველად ბავშვისთვის ნაცნობ ენაზე, შემდეგ კი ქართულად ჟღერს, რაც ახალი სიტყვების ნაცნობ მნიშვნელობებთან დაკავშირებასა და დამახსოვრებას უწყობს ხელს.„ჩვენთვის მნიშვნელოვანია, რომ ბულბულის ვებ-გვერზე და აპლიკაციაში ბავშვებს მრავალფეროვან აუდიოკონტენტთან ერთად ისეთი ისტორიებისა და ჩანაწერების მოსმენის შესაძლებლობა ჰქონდეთ, რომლებიც მათთვის საინტერესო საგანმანათლებლო გამოცდილებას ქმნის. სწორედ ამიტომ, განსაკუთრებით გვიხარია, რომ საქართველოს ბანკთან პარტნიორობით, პლატფორმაზე „იავნანას“ სამენოვანი ვერსიებიც დაემატა. გვჯერა, რომ ეს ჩანაწერები კიდევ უფრო მეტ ბავშვს მისცემს შესაძლებლობას, ქართული ენის მოსმენა ყოველდღიურობის ბუნებრივ და სასიამოვნო ნაწილად აქციოს და მასთან კავშირი შეინარჩუნოს“, - განაცხადა ნათია ამირიძემ, “ბულბულის” თანადამფუძნებელმა„იავნანა – ქართული ენის პირველი გაკვეთილი“ ამ ეტაპზე ინგლისურ, იტალიურ და ბერძნულ ენებზეა ხელმისაწვდომი. სამივე ვერსიის მოსმენა შესაძლებელია ბულბულის ვებ-გვერდზე და აპლიკაციაში, ასევე YouTube-სა SoundCloud-ზე.საქართველოს ბანკი საზღვარგარეთ მცხოვრები ქართველების მხარდაჭერას წლებია აგრძელებს და მათთვის საქართველოსთან, ქართულ ენასა და კულტურასთან კავშირის შენარჩუნებისთვის სხვადასხვა შესაძლებლობას ქმნის.

1787317793

ფაქტები, რიცხვები და სამართლებრივი რეალობა კი სრულიად საპირისპიროზე მეტყველებს და სწორედ ამიტომ არის განწირული წარუმატებლობისთვის ნათია ჯანაშიას მცდელობა, საზოგადოებას თავი წარმოუჩინოს, როგორც მსხვერპლმა და ჩაგრულმა”, - ამბობს ანალიტიკოსი გიორგი ცუცქირიძე, რომელიც"ბრიტანულ-ქართული აკადემიის" გარშემო მიმდინარე დავას მედიითა და სოციალური ქსელით, პერიოდულად,  ეხმაურება.ცუცქირიძეს მიაჩნია, რომ ნათია ჯანაშიას „მსხვერპლის ნარატივი“ ხელოვნურად არისშექმნილი და რამდენიმე ფუნდამენტური მიზეზის გამო მყისიერად იშლება.ანალიტიკოსი ყურადღებას ამახვილებს 70% -იანი წილის გასხვისების მომენტზე და საკუთრივ ფაქტზე, რის შედეგადაც, 2019 წელს, ნათია ჯანაშიას და მის მეუღლეს, დავით ცეცხლაძეს გარიგების ღირებულება - 29,3 მილიონი ლარი პირად ანგარიშებზე აესახათ. “სწორედ ამ პერიოდში, “აკადემია” საკმაოდ მძიმე სასესხო ვალდებულებებში იყო. მაღალრეპუტაციული ინვესტორის შესვლამ ამ ვალდებულებების საგრძნობლად შემსუბუქება გამოიწვია და შედეგად, მომდევნო პერიოდში “აკადემიამ” 29.9 მილიონი ლარის წმინდა მოგება დააგენერირა, ხოლოუარყოფითი კაპიტალი რამდენიმე ათეულ მილიონიან დადებით მაჩვენებლამდე გაზარდა. ეს ყველაფერი, ბუნებრივია, ნიშნავს, რომ მინორიტარმა აქციონერმა მიიღო როგორც დივიდენდები, ისე თავისი 30%-იანი წილის ღირებულების თვალსაჩინო ზრდა. ამ ფონზე რა ლოგიკით შეიძლება, ნათია ჯანაშია მსხვერპლად და ჩაგრულად ჩაითვალოს, გაუგებარია”, - ამბობს ცუცქირიძე.იგი იხსენებს იმ ფაქტსაც, რომ ნათია ჯანაშიას მხრიდან დავის საჯარო სივრცეში გადმოტანისას, იგი ხშირად აპელირებდა, რომ 70%-იანი წილის გაყიდვისას მოატყუეს და წილი იაფად დაათმობინეს.“ნათია ჯანაშიას ნარატივი საპნის ბუშტივით ქრება იმ ფონზე, როგორც კი საქმეში ჩნდება ლევან სამხარაულის სახელობის ექსპერტიზის ეროვნული ბიუროს დასკვნა, რომლის თანახმადაც 2019 წელს “აკადემიის” 70 %-წილში გადახდილი 29,3 მილიონი ლარი 500 000 ლარით მეტია მის იმდროინდელ საბაზრო ღირებულებაზე”, - აღნიშნავს ანალიტიკოსი.გარდა ამ გარემოებებისა, ნათია ჯანაშიას “მსხვერპლობას” პერსპექტივა არ აქვს იმ ფონზეც, როცა ირკვევა, რომ იგი თავის ქმართან ერთად, ინვესტორის გადაწყვეტილებით, მენეჯმენტის გაწევის სანაცვლოდ კოლოსალურ სახელფასო ანაზღაურებას იღებდა. ჯამში, წლიურ 1 000 000 ლარზეა საუბარი. ანუ, ხუთწლიან პერიოდში - 5 000 000 ლარზე. ჩემი ინფორმაციით, საგანმანათლებლო სექტორში, მსგავსი კოლოსალური სახელფასო ანაზღაურება უპრეცენდენტოა”, - ამბობს ცუცქირიძე.“ყველაზე მთავარი და საგულისხმო კი ისაა, რომ  ნათია ჯანაშიამ ინვესტორთან დავა მხოლოდ 2024 წელს, მას შემდეგ წამოიწყო, რაც იგი და მისი ქმარი “აკადემიის” მართვის ბერკეტებს სრულიად კანონიერად (მხოლოდ მენეჯმენტ კონტრაქტის ვადის ამოწურვის შემდეგ) ჩამოაცილეს. როგორც შემდეგ გაირკვა, ეს მოხდა მისი მენეჯმენტის პერიოდში გაფლანგვისა და არამიზნობრივი ხარჯების დადასტურებულად გამოვლენის ფონზე, რომელთა ჯამმა 4 მილიონ დოლარს და 2 მილიონ ლარს გადააჭარბა”, - აღნიშნავს ანალიტიკოსი.მისი თქმით, ამ ვითარებაშიც კი, ინვესტორი შემწყნარებელია. იგი განიხილავს  ნათია ჯანაშიას მხარის არარელევანტურ - გამოისყიდოს 70% წილი საბაზროზე დაბალ ფასად. ინვესტორი ნათია ჯანაშიას საპასუხო შეთავაზებას უბრუნებს, რაც გულისხმობს ცოლ-ქმრის მფლობელობაში არსებული 30 %-იანი წილის გამოსყიდვას, ოღონდ 33 %-ით უფრო ძვირად, ვიდრე ეს ნათია ჯანაშიამ მას თავის მხრივ შესთავაზა.  შესაბამისად, თუ ნათია ჯანაშიას განზრახვა პატიოსანი იყო, მაშინ, ფაქტია, მან იმდენად მომხიბვლელი და სარფიანი წინადადება მიიღო, რომ მასზე უარის თქმა, უბრალოდ ფინანსური უგუნურებაა. მაგრამ ფაქტია ისიც, რომ იგი ამ წინადადებას არ იღებს და მასზე უარს ამბობს. რა უნდა ითქვას აქ? - თუ შენი მიზანი ბიზნესისსამართლიანი შეფასება და პარტნიორობიდან ცივილიზებულად გამოსვლაა, შენივე ნათქვამ ფასთან შედარებით 33%-ით გაზრდილ ფასზე უარისთქმა და კონფლიქტის ესკალაცია მხოლოდ იმაზე მიუთითებს, რომ მიზანი არა უფლებების დაცვა და სამართლიან ფასად გარიგება და მორიგება, არამედშანტაჟის ფონზე რეიდერული განზრახვის სისრულეში მოყვანის მცდელობაა“, - განმარტავს ანალიტიკოსი. გიორგი ცუცქირიძე დავის კიდევ ერთ მნიშვნელოვან ასპექტზე ამახვილებს ყურადღებას და ამბობს, რომ ნათია ჯანაშიასთვის უკუშედეგი მოიტანა მისმა სტრატეგიამ, “მსხვერპლის” იმიჯის შესანაჩუნებლად ინვესტორთან დაკავშირებული კომპანიების (ჯამში 5 მილიარდინ ლარის კაპიტალიზაციის მქონე კორპორაციაზეა საუბარი, რომელიც ქვეყნის მშპ-ის 4%-ზე მეტს აგენერირებს) და ამით საქართველოს ეკონომიკის აგრესიულ ბოიკოტირებასა და საბოტაჟზე გადასულიყო.“ნათია ჯანაშიას მოთხოვნა ინვესტორის დელისტინგზე ლონდონის ბირჟიდან, ქართული მართლმსაჯულების არასანდოობისა და მთელი ხელისუფლების კორუმპირებულად წარმოჩენის მოტივით ლონდონში ჩივილი, საზოგადოებისადმი მოწოდება, ბოიკოტი გამოუცხადონ ინვესტორის მიერ მართულ უმსხვილეს ფინანსურ და სხვა კომპანიებს და მასობრივად გაიტანონ დეპოზიტები და ა.შ. მხოლოდ კონკრეტულ დავაში მისივე პოზიციების სამართლებრივ სისუტეზე და მოახლოებულ ფიასკოზე მეტყველებს.როდესაც ადამიანი, რომელიც ინვესტორთან პარტნიორობით ათეულობით მილიონ ლარს იშოვის, შემდგომ იწყებს პარტნიორის რეპუტაციულ ნგრევასდა სრულიად უსაფუძვლოდ ითხოვს მის გარიცხვას კომპანიიდან, ის მსხვერპლი კი არა, თავდამსხმელია. სწორედ ამ რეპუტაციული ზიანისა და მიზანმიმართული დეზტრუქციული მოქმედების გამო, ინვესტორმა, საპასუხოდ, შესაგებელი სარჩელით, მოითხოვა ნათია ჯანაშიას პარტნიორობიდან გარიცხვა და ფაქტობრივი გარემოებების გათვალისწინებით, სასამართლოში ნათია ჯანაშია „მსხვერპლის“ როლი საბოლოოდ დასამარდება, ხოლო პროცესი, დიდი ალბათობით, კომპანიიდან მისი გარიცხვით დასრულდება”, - მიიჩნევს ანალიტიკოსი.

1787308574

საქართველოს ბანკის მობილბანკი ყოველთვიურად 1.9 მილიონზე მეტ აქტიურ მომხმარებელს ემსახურება, რომელთა 53% მას ყოველდღიურად იყენებს. აპლიკაციაში ხელმისაწვდომია ყველა ძირითადი საბანკო პროდუქტი, 800-ზე მეტი გადახდის პროვაიდერი, საერთაშორისო და P2P გადარიცხვები. აღსანიშნავია, რომ საბანკო სერვისების გარდა, მობილბანკის დახმარებით, მომხმარებლებს შესაძლებლობა აქვთ, ისარგებლონ სახელმწიფო სერვისებით, დაიწყონ ინვესტირება აშშ-ის საფონდო ბირჟაზე, ივაჭრონ 100-მდე კრიპტოვალუტით, ისარგებლონ ცხოვრების სტილზე მორგებული შეთავაზებებით, ერთ სივრცეში მართონ ავტომობილთან, სახლთან ან მოგზაურობასთან დაკავშირებული საკითხები. ამასთანავე, აპლიკაციაში ინტეგრირებული ხელოვნური ინტელექტზე დაფუძნებული ჩატბოტი მომხმარებელთა მიმართვების 72%-ს ოპერატორის ჩარევის გარეშე აგვარებს."ჩვენთვის დიდი პატივია, რომ საერთაშორისო გამოცემამ, Global Finance-მა, საქართველოს ბანკის მობილბანკი ცენტრალურ და აღმოსავლეთ ევროპაში საუკეთესოდ დაასახელა.. ეს ჯილდო კიდევ ერთხელ ადასტურებს ჩვენი გუნდის დაუღალავ შრომას, შევქმნათ მომხმარებლის საჭიროებებზე მორგებული, მარტივი და ინოვაციური ციფრული გამოცდილება. ჩვენი მიზანია, მობილბანკი იყოს არა მხოლოდ ფინანსური ოპერაციების შესასრულებელი ინსტრუმენტი, არამედ მომხმარებლის ყოველდღიური ცხოვრების განუყოფელი ნაწილი, რომელიც მას ფინანსების მართვას უმარტივებს", – განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორმა.Global Finance-ი მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ვლინდებიან ისეთი კრიტერიუმებით, როგორებიცაა: ციფრული მომხმარებლების მოზიდვისა და მომსახურების სტრატეგიის სიძლიერე, მომხმარებლების მიერ ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ვებ/მობილური პლატფორმების დიზაინი და ფუნქციონალი და სხვა. გამარჯვებულებს ტექნოლოგიური და საკონსულტაციო გლობალური ლიდერი კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. გამოცემა 1987 წელს დაარსდა და 196 ქვეყანაში 50,000-ზე მეტ მკითხველს აერთიანებს. იგი რეგულარულად აჯილდოებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.

1787305833