ამის შესახებ იაპონიის ფინანსთა სამინისტრომ განაცხადა.უწყების ცნობით, ინტერვენცია 2026 წლის 30 ივლისს განხორციელდა — მას შემდეგ, რაც იენი აშშ დოლართან მიმართებით მკვეთრად გაუფასურდა.ივლისის ბოლოს იაპონური ვალუტის კურსი 163–164 იენამდე დაეცა დოლართან მიმართებით, რაც ბოლო 40 წლის განმავლობაში ყველაზე დაბალი მაჩვენებელია. საპასუხოდ, იაპონიისა და აშშ-ის ფინანსურმა უწყებებმა ერთობლივი სავალუტო ინტერვენცია განახორციელეს; მსგავსი ქმედება 2011 წლის შემდეგ პირველად დაფიქსირდა.ინტერვენციის შედეგად, იენის კურსი გამყარდა და 157–158 იენს შეადგინა დოლართან მიმართებით.მანამდე, 2026 წლის აპრილსა და მაისში, იაპონიის ხელისუფლებამ დამოუკიდებელი სავალუტო ინტერვენციებიც განახორციელა, თუმცა მათ მხოლოდ ხანმოკლე ეფექტი ჰქონდათ.ადგილობრივი დამკვირვებლების აზრით, იენის ხანგრძლივი სისუსტის მთავარ მიზეზად იაპონიასა და დასავლეთის ქვეყნებს შორის საპროცენტო განაკვეთებში არსებული სხვაობა რჩება. საზღვარგარეთ არსებული უფრო მაღალი საპროცენტო განაკვეთები ინვესტორებისთვის უფრო მიმზიდველს ხდის უცხოურ ვალუტაში დენომინირებულ აქტივებში ინვესტირებას.ამჟამად იაპონური ვალუტის კურსი დაახლოებით 158 იენს შეადგენს დოლართან მიმართებით.

1794225362

დოკუმენტს ხელი მოაწერეს SOCAR-ის ვიცე-პრეზიდენტმა, ფუად მუსაევმა და Sinopec Corp.-ის ვიცე-პრეზიდენტმა ლი იუსინმა.მემორანდუმი მიზნად ისახავს ორ კომპანიას შორის თანამშრომლობის ხელშეწყობას შესყიდვებისა და მიწოდების ჯაჭვის მართვის სფეროებში.შეთანხმების თანახმად, მხარეები გაცვლიან ინფორმაციას მომწოდებლების შესახებ და შეიმუშავებენ სტრატეგიებს მიწოდების ჯაჭვის მართვისთვის.გარდა ამისა, მემორანდუმი ითვალისწინებს გამოცდილებისა და საუკეთესო პრაქტიკის გაზიარებას, ერთმანეთის პროდუქციის, აღჭურვილობისა და მომსახურების შესყიდვებისა და მიწოდების ჯაჭვებში ინტეგრირების შესაძლებლობების განხილვას, ასევე თანამშრომლობას სხვა სფეროებში, რომლებზეც მხარეები ურთიერთშეთანხმებას მიაღწევენ.

1794224430

მანამდე ერთი დღით ადრე, პარაგვაის — სამხრეთ ამერიკის ერთ-ერთი ყველაზე სტაბილური ეკონომიკის მქონე ქვეყნის — პარლამენტმა პრეზიდენტის წინააღმდეგ იმპიჩმენტის პროცედურა წამოიწყო.• ბანკ Ueno-ს კრახი: 2026 წლის 3 ნოემბერს, პარაგვაის ცენტრალურმა ბანკმა Ueno-ში გარე მმართველი დანიშნა და ბანკი ფაქტობრივად ლიკვიდაციას დაუქვემდებარა. ამის მიზეზი გადახდისუნარიანობასთან დაკავშირებული კრიტიკული პრობლემები და სარეზერვო მოთხოვნების შეუსრულებლობა გახდა.• კრიზისის მასშტაბი: ბანკი დაახლოებით 3 მილიონ ადამიანს ემსახურებოდა, რაც პარაგვაის ზრდასრული მოსახლეობის დაახლოებით 60%-ს შეადგენს. მილიონობით ადამიანს შეეზღუდა წვდომა ანგარიშებზე, ბარათებსა და ფულადი გზავნილების სერვისებზე; ასევე, სირთულეები შეიქმნა პენსიების გაცემის პროცესში. ბანკში განთავსებული იყო დაახლოებით 850 მილიონი დოლარის ოდენობის სახელმწიფო და საპენსიო სახსრები.• ინტერესთა კონფლიქტი: 2025 წლის მარტამდე სანტიაგო პენია საბანკო სექტორში საქმიანობდა და იყო იმ ჯგუფის აქციონერი, რომელიც Ueno-ს აკონტროლებდა. მას ბრალად ედება ფაქტების დამალვა და ინტერესთა კონფლიქტის არსებობა.• პოლიტიკური კრიზისი და გადადგომა: ქვეყნის მასშტაბით მასობრივი საპროტესტო აქციები დაიწყო, პარლამენტმა კი იმპიჩმენტის პროცედურა წამოიწყო — ნაბიჯი, რომელსაც მხარი თავად პენიას პარტიის წევრმა კანონმდებლებმაც კი დაუჭირეს. პენიამ თანამდებობიდან გადადგომის შესახებ განაცხადა და აღნიშნა, რომ ამ ნაბიჯს სტაბილურობისა და დემოკრატიული ინსტიტუტების შენარჩუნების მიზნით დგამს.

1793963707

ინფორმაციას Deutche Welle იუწყება.ფრიდმანის და უსმანოვის გარდა, სანქციები გაუქმდა ყირიმის უნივერსიტეტის ყოფილი რექტორის, ანდრეი ფილატოვისა და იურიდიული პირის, Redbird Corporate Services Ltd-ს მიმართ.ევროპულმა საბჭომ 22 სექტემბერს რუსეთის წინააღმდეგ სანქციები 3 წლით გაახანგრძლივა. პარალელურად ამ სიიდან ალიშერ უსმანოვი და მიხეილ ფრიდმანი ამოიღეს. ფრიდმანის და უსმანოვის წინააღმდეგ სანქციების გაუქმებას ყველა ქვეყანამ მხარი დაიჭირა ლატვიის გარდა.

1793876242

„ხელფასების, პენსიებისა და შემწეობების ზრდა ხელს შეუწყობს სოციალური კეთილდღეობის გაუმჯობესებას. პრეზიდენტ ილჰამ ალიევის განცხადება, რომელიც მან პარტია „ახალი აზერბაიჯანის“ მე-8 ყრილობაზე ხელფასების, პენსიების, შემწეობებისა და სტიპენდიების გაზრდასთან დაკავშირებით გააკეთა, უაღრესად მნიშვნელოვანია მოსახლეობის სოციალური დაცვის განმტკიცებისთვის.2026 წელს ქვეყნის მიერ მიღწეულმა ეკონომიკურმა წარმატებებმა ხელსაყრელი საფუძველი შექმნა 2027 წელს სოციალურად ორიენტირებული საბიუჯეტო პოლიტიკის გასაგრძელებლად. დაგეგმილი ზრდა ხელს შეუწყობს მოსახლეობის შემოსავლების მატებასა და სოციალური კეთილდღეობის გაუმჯობესებას. მოსალოდნელია, რომ მომავალ წელს საშუალო თვიური პენსია 45 მანათით გაიზრდება და 640 მანათს მიაღწევს“, — აღნიშნა მუსა გულიევმა.*ცნობისთვის, 1 აზერბაიჯანული მანათი 1.56 ლარს შეადგენს

1793873918

საგადასახადო კოდექსში შესატანი ცვლილებების პროექტის თანახმად, ამ სექტორში დასაქმებულთათვის წესდება გამარტივებული, ფიქსირებული გადასახადი — თვეში 15 მანათის ოდენობით.ბოლო წლებში ელექტრონული კომერციის სწრაფმა ზრდამ კურიერულ მომსახურებაზე მოთხოვნის მკვეთრი მატება გამოიწვია. კურიერების უმეტესობა, რომლებიც მიწოდებას ავტომობილებით, მოტოციკლებით, ველოსიპედებით ან სკუტერებით ახორციელებენ, არ ფლობს შემოსავლებისა და ხარჯების აღრიცხვის, ან საგადასახადო ორგანოებისთვის რეგულარული ანგარიშგების წარდგენის გამოცდილებას. არსებული რთული ადმინისტრაციული პროცედურები და აღრიცხვასთან დაკავშირებული მოთხოვნები ხშირად აიძულებს მათ, არაფორმალურად იმუშაონ.შემოთავაზებული ფიქსირებული გადასახადის მექანიზმი ფიზიკურ პირებს საშუალებას მისცემს, საგადასახადო ვალდებულებები სპეციალური ფიქსირებული საგადასახადო ვაუჩერის შეძენით შეასრულონ. ეს ღონისძიება კურიერებს არა მხოლოდ ბუღალტრული მომსახურების ხარჯებისა და ანგარიშგების ტვირთისგან გაათავისუფლებს, არამედ ხელს შეუწყობს სექტორის „ჩრდილოვანი ეკონომიკიდან“ გამოყვანასა და გამჭვირვალობის გაზრდას.გარდა ამისა, აღნიშნული მოდელი გაამარტივებს საგადასახადო ორგანოების მიერ ზედამხედველობასა და ადმინისტრირებას, შეამცირებს ბიზნესოპერატორების საოპერაციო ხარჯებს და წაახალისებს კურიერებს, გადავიდნენ ფორმალურ, რეგისტრირებულ საქმიანობაზე.

1793873486

„ეკონომიკური სარგებელი არასდროს და არავითარ შემთხვევაში არ უნდა დადგეს ადამიანის სიცოცხლეზე ან ერის მომავალზე მაღლა. ამიტომ, მინისტრთა კაბინეტს ვავალებ, ერთ თვეში შეისწავლოს ენერგეტიკული სასმელების — რომლებიც უარყოფითად მოქმედებს ჩვენი მოქალაქეების ჯანმრთელობაზე, რაც ჩვენი ეროვნული უსაფრთხოების საფუძველია — წარმოებისა და იმპორტის აკრძალვის შესაძლებლობა.გარდა ამისა, ექვსი თვის ვადაში, მთავრობამ უნდა გაატაროს შესაბამისი მარეგულირებელი ზომები არსებული საკანონმდებლო ბაზის ფარგლებში. მთელი მოსახლეობის ჯანმრთელობისთვის, ჩვენ მზად უნდა ვიყოთ, უარი ვთქვათ 1,5 მილიარდ სომზე (17 მილიონ დოლარზე მეტი) და გადავდგათ გადამწყვეტი ნაბიჯები“.პრეზიდენტმა აღნიშნა, რომ ყირგიზეთში ენერგეტიკული სასმელების მოხმარების მასშტაბმა ისეთ დონეს მიაღწია, რაც ერის გენოფონდს უქმნის საფრთხეს: მხოლოდ 2025 წელს მოხმარებამ 54 მილიონ ლიტრს (დაახლოებით 129 მილიონ ქილას) გადააჭარბა, ხოლო 2026 წლის პირველ ნახევარში ეს მაჩვენებელი უკვე 36 მილიონ ლიტრზე მეტი იყო.

1793871552

სააგენტო „Report“-ის ცნობით, ეს გათვალისწინებულია საგადასახადო კოდექსში ცვლილებების შეტანის შესახებ კანონპროექტში, რომელიც 2027 წლის ბიუჯეტის პაკეტშია შეტანილი.მოსალოდნელია, რომ პროდუქციის თითო კილოგრამზე 1 მანათის ოდენობის აქციზური გადასახადი დაწესდება.

1793871083

ნასყიდობის საბოლოო ხელშეკრულებას ხელი 2026 წლის 4 ნოემბერს მოეწერა.შეთანხმების თანახმად, SOCAR შეიძენს ისეთ წილებს, რომლებიც არ იძლევა მართვის უფლებას და არ გულისხმობს ოპერაციულ მართვაში მონაწილეობას. კერძოდ, საუბარია: 20%-იან წილზე Comstock-ის კუთვნილ Legacy Haynesville-ის მომუშავე აქტივებში; 15%-იან წილზე Comstock-ის კუთვნილ Western Haynesville-ის მომუშავე აქტივებში; და 15%-იან წილზე კომპანია Pinnacle Gas Services LLC-ში (სადაც Comstock-ს თავად 73%-იანი წილი ეკუთვნის).გარიგების საერთო ღირებულება 1,65 მილიარდი აშშ დოლარია, რომელიც სრულად ნაღდი ფულით დაიფარება; თანხა შესაძლოა დაექვემდებაროს შესყიდვის ფასის სტანდარტულ კორექტირებას.Western Haynesville-ის აქტივებში SOCAR-ის წილი ხუთი წლის შემდეგ 7,5%-მდე შემცირდება — მას შემდეგ, რაც კომპანია აღნიშნულ აქტივებში განხორციელებული ინვესტიციიდან 15%-იან უკუგებას მიიღებს.

1793870393

კვლევა დეტალურად მიმოიხილავს სომხეთის მაკროეკონომიკურ გარემოსა და ეკონომიკური ზრდის მამოძრავებელ ფაქტორებს. იგი მნიშვნელოვანი ანალიტიკური რესურსია, როგორც სომხეთში მოქმედი და პოტენციური ინვესტორებისთვის, ისე აქტივების მმართველი კომპანიების, ფინანსური ინსტიტუტებისა და კაპიტალის ბაზრის სხვა მონაწილეებისთვის, რომლებიც ქვეყნის ეკონომიკურ პოტენციალსა და საინვესტიციო შესაძლებლობებს აფასებენ.გალტ & თაგარტის კვლევის თანახმად, 2022 წლიდან სომხეთის ეკონომიკა სწრაფად იზრდება: 2022-25 წლებში რეალური ზრდა საშუალოდ 8.5% იყო, 2025 წელს კი 7.1% შეადგინა. ქვეყანაში კომპანიებისა და კაპიტალის შემოდინებამ სამომხმარებლო და საინვესტიციო ხარჯები დააჩქარა, ცენტრალური ბანკის საერთაშორისო რეზერვები კი რეკორდულ დონემდე გაზარდა. 2021-2025 წლებში ეკონომიკის ზომა 13.9 მლრდ აშშ დოლარიდან 29.3 მლრდ აშშ დოლარამდე გაორმაგდა, მშპ ერთ სულ მოსახლეზე კი 4,750 აშშ დოლარიდან 9,495 აშშ დოლარამდე.2016-25 წლებში სოფლის მეურნეობის წილი შემცირდა, ხოლო მომსახურების სექტორების წილი გაიზარდა: ფინანსური მომსახურების – 4.9%-დან 10.8%-მდე, ვაჭრობის – 10.9%-დან 16.1%-მდე. IT ექსპორტი 2021 წლიდან თითქმის ხუთჯერ, 1.8 მლრდ აშშ დოლარამდე გაიზარდა. ზრდას მშენებლობა და უძრავი ქონების ბაზარიც უწყობდა ხელს: ბინების გაყიდვებმა 2025 წელს რეკორდულ ნიშნულს მიაღწია.გამოწვევებს შორისაა რუსეთის მიერ სომხური პროდუქციის ნაწილზე დაწესებული შეზღუდვები. ამავდროულად, ჩნდება ახალი შესაძლებლობებიც: საზღვრები ეტაპობრივად იხსნება, იგეგმება ახალი სატრანზიტო მარშრუტი, ევროკავშირმა სომხეთისთვის დახმარება გააფართოვა, ამოქმედდა ოქროს ახალი საბადო, რომელიც წელიწადში 860-900 მლნ აშშ დოლარის საექსპორტო შემოსავალს მოიტანს, და გაიხსნა Firebird-ის ხელოვნური ინტელექტის მონაცემთა ცენტრი, რომელშიც ჯამში 5 მლრდ აშშ დოლარის ინვესტიცია იგეგმება. ეს ყველაფერი მომავალ წლებში ეკონომიკის ზრდას მნიშვნელოვნად შეუწყობს ხელს.„ჩვენი მიზანია, გალტ & თაგარტი იყოს არა მხოლოდ საქართველოს, არამედ მთელი რეგიონის ინვესტორებისთვის სანდო პარტნიორი. ამისთვის მნიშვნელოვანია, მათ მივაწოდოთ სიღრმისეული ინფორმაცია რეგიონის ქვეყნების ეკონომიკური მდგომარეობის შესახებ და შევთავაზოთ სრულფასოვანი საინვესტიციო მომსახურება. სომხეთის შესახებ ახალი კვლევა ამ მიმართულებით კიდევ ერთი ნაბიჯია, რომლითაც ვაძლიერებთ პოზიციებს კავკასიისა და ცენტრალური აზიის საინვესტიციო ბაზრებზე“, – აცხადებს გალტ & თაგარტის გენერალური დირექტორი, გიორგი კუპრაშვილი.„ჩვენ თანმიმდევრულად ვაფართოებთ კვლევით დაფარვას და ვქმნით მაღალი ხარისხის, სიღრმისეულ ანალიტიკას რეგიონის ეკონომიკების შესახებ. სომხეთის კვლევა ამ სტრატეგიის გაგრძელებაა. გვსურს, ინვესტორებს მივაწოდოთ არა მხოლოდ ზოგადი ეკონომიკური მიმოხილვა, არამედ დეტალური ანალიზი, რომელიც მათ ბაზრის დინამიკის, ძირითადი ტენდენციებისა და საინვესტიციო შესაძლებლობების უკეთ შეფასებაში დაეხმარება“, – აცხადებს გალტ & თაგარტის კვლევითი მიმართულების ხელმძღვანელი, ევა ბოჭორიშვილი.აღსანიშნავია, რომ გალტ & თაგარტის კვლევითი და საინვესტიციო მიმართულება საერთაშორისო გამოცემების მიერაა აღიარებული – 2026 წელს Euromoney-მ გალტ & თაგარტი საქართველოში კვლევებისა და საბროკერო მიმართულებით საუკეთესო  კომპანიად დაასახელა, ხოლო Global Finance-მა გალტ & თაგარტს საქართველოში წლის საუკეთესო საინვესტიციო ბანკის ჯილდო მიანიჭა.

1793867387