თუმო ქუთაისი 12-18 წლის მოზარდებისთვის განკუთვნილი სივრცეა თვითმართვადი სწავლების მიდგომით, სადაც მოსწავლეებს შესაძლებლობა აქვთ, აღმოაჩინონ საკუთარი ინტერესები, განივითარონ ციფრული და შემოქმედებითი უნარები და იმუშაონ რეალურ პროექტებზე. ცენტრის უნიკალური სასწავლო მოდელი აერთიანებს ინტერაქტიურ თვითსწავლის მოდულებს, პრაქტიკულ სემინარებსა და ლაბორატორიებს. მოზარდებს შესაძლებლობა აქვთ, საკუთარი ინტერესების შესაბამისად შეისწავლონ პროგრამირება, რობოტიკა, გრაფიკული დიზაინი, ანიმაცია, თამაშების შექმნა, მუსიკა, 3D მოდელირება და სხვა მიმართულებები.პროექტი საქართველოს ბანკის, საქართველოს ეკონომიკისა და მდგრადი განვითარების სამინისტროსა და საქართველოს ინოვაციების და ტექნოლოგიების სააგენტოს (GITA) პარტნიორობით ხორციელდება. მისი მიზანია, ხელი შეუწყოს ქვეყანაში ციფრული განათლების განვითარებას, ინოვაციური ეკოსისტემის გაძლიერებასა და მომავლისთვის საჭირო უნარების მქონე კადრების მომზადებას.„საქართველოს ბანკისთვის განათლება ერთ-ერთი მთავარი პრიორიტეტია. ჩვენ არაერთი წელია, ვახორციელებთ და მხარს ვუჭერთ 40-ზე მეტ საგანმანათლებლო პროექტს, რომლებიც ახალგაზრდებს ცოდნის მიღებისა და საკუთარი პოტენციალის რეალიზების შესაძლებლობას აძლევს.თუმოს ქუთაისში გახსნით კი, ვქმნით კიდევ ერთ სივრცეს, სადაც ახალგაზრდებს შესაძლებლობა ექნებათ, აღმოაჩინონ საკუთარი ინტერესები, იფიქრონ ახალ იდეებზე და განივითარონ ის უნარები, რომლებიც მომავალში გამოადგებათ. გვჯერა, რომ ეს ცენტრი ბევრი ახალგაზრდისთვის მნიშვნელოვანი ინიციატივების განხორციელების ადგილად იქცევა“, - აცხადებს არჩილ გაჩეჩილაძე, საქართველოს ბანკის გენერალური დირექტორი.საქართველოს ბანკი 500 000-ზე მეტი ადამიანისთვის ქმნის განათლების შესაძლებლობებს. პროექტებს შორისაა STEM სკოლა, რეგიონების სკოლებში თანამედროვე საგანმანათლებლო სივრცეების, იდეათეკების მოწყობა, მოსწავლეების, სტუდენტებისა და პროფესიული განათლების მსურველებისთვის განკუთვნილი სტიპენდიები და სხვა ინიციატივები.ბანკის მიზანია, ხელი შეუწყოს ხარისხიან განათლებაზე ხელმისაწვდომობას და ახალგაზრდებს მისცეს შესაძლებლობა, განივითარონ მომავლისთვის საჭირო ცოდნა და უნარები.თუმოს ისტორია 2011 წელს ერევანში დაიწყო. დღეს ცენტრები მსოფლიოს 10-ზე მეტ ქვეყანაშია წარმოდგენილი, მათ შორის საფრანგეთში, გერმანიაში, პორტუგალიასა და ალბანეთში.

1791552673

NBA-ის ლეგენდა დუაიტ ჰოვარდი 10 ოქტომბერს პირველად ჩაიცვამს Black Fortress-ის ფორმას და თავის პირველ მატჩს ითამაშებს ახალ გუნდში.ეს დებიუტი ქართული სპორტის ისტორიაში ერთ-ერთი ყველაზე მნიშვნელოვანი მოვლენაა, რომლის ფარგლებშიც გულშემატკივრებს შესაძლებლობა ექნებათ, პირველად იხილონ NBA-ის ვარსკვლავი მოედანზე.სპორტული ღონისძიება მაყურებელს სრულფასოვან სანახაობას ჰპირდება: მატჩამდე გაიმართება Pre-Game შოუ, შესვენებისას კი Half-time შოუ. დამსწრეებს ასევე ელოდებათ გრანდიოზული გათამაშებები და მრავალი სიურპრიზიღონისძიებაზე დასასწრები ბილეთების შეძენა შესაძლებელია ბმულზე. 9 და 10 ოქტომბერს ბილეთების შეძენისას, საქართველოს ბანკის მომხმარებლები საქართველოს ბანკის ბარათით გადახდისას მიიღებენ 40%-იან ქეშბექს. დამატებითი ინფორმაციისთვის ეწვიეთ ვებგვერდს.

1791547751

ფესტივალის ჟიურის წევრები იქნებიან: კინორეჟისორი ანა ურუშაძე, პროდიუსერი და მსახიობი ჯასტინ ვედელი, კინოოპერატორი რეინ კოტოვი, პროდიუსერი რინგაილე ლესჩინსკიენე, მსახიობი ლუკა ჩიქოვანი; კინორეჟისორი და საქართველოს კინოინსტიტუტის პრეზიდენტი ნუცა ალექსი-მესხიშვილი კი ჟიურის თავმჯდომარე იქნება.ფესტივალის პროგრამა აერთიანებს ევროპული კინოს არაერთ მნიშვნელოვან მიმართულებას: მაყურებელი იხილავს უნგრული ახალი ტალღის ფილმებს, იტალიურ კინოკლასიკას, კრის მარკერის რეტროსპექტივას, გერმანული ექსპრესიონიზმის გამორჩეულ ნამუშევარს - ფ.ვ. მურნაუს „ფაუსტს“, რომელსაც ცოცხალი მუსიკის თანხლებით გაიმართება. მაყურებელი ასევე იხილავს სტუდენტურ მოკლემეტრაჟიანი ფილმებს.ფესტივალის პროგრამა გარდა კინოჩვენებებისა აერთიანებს საჯარო ლექციებს, შეხვედრებს და დისკუსიებს კინემატოგრაფისტებთან, მასტერკლასებს, კინოსახელოსნოებსა და მუსიკალურ საღამოებს.ქუთაისის საერთაშორისო მოკლემეტრაჟიანი ფილმების ფესტივალზე განსაკუთრებული ადგილი დაეთმობა ქართული კინოს მემკვიდრეობას. რეზო გაბრიაძის 90-ე, ნანა მჭედლიძის, ლევან პაატაშვილისა და სესილია თაყაიშვილის 100 წლის იუბილეები სპეციალური ჩვენებებით აღინიშნება. ფესტივალის გახსნისას მაყურებელი ლევან გაბრიაძის „ჰარი-ჰარალე, დედაო!“ ნახავს, პროგრამაში კი კლასიკურ ქართულ ფილმებთან ერთად უახლესი მოკლემეტრაჟიანი და სრულმეტრაჟიანი ნამუშევრებიც იქნება წარმოდგენილი.ფესტივალის სტუმრებს შესაძლებლობა ექნებათ პირველად იხილონ რამდენიმე ქართული ფილმი, მათ შორის უტა ბერიას „ცრემლსადენი გაზი“, ანა ურუშაძის „მეორეხარისხოვანი როლი“ და ნანა ჯანელიძის „ქმნილების ხელოსანი“, რომლითაც ფესტივალი დაიხურება.ფესტივალის გამარჯვებულები, 22 ოქტომბერს,19:00 საათზე, კინოთეატრ „საქართველოში“ გამართულ საზეიმო ღონისძიებაზე გამოვლინდებიან.თიბისისთვის კულტურის მხარდაჭერა მხოლოდ ცალკეული ღონისძიებების ხელშეწყობას არ გულისხმობს. ბრენდისთვის ეს არის გრძელვადიანი ხედვა, რომლის მიზანია შეიქმნას მეტი სივრცე ახალი იდეებისთვის, შემოქმედებითი დიალოგისა და განსხვავებული გამოცდილებების გასაზიარებლად. ქუთაისის საერთაშორისო მოკლემეტრაჟიანი ფილმების ფესტივალიც სწორედ ასეთი სივრცეა, სადაც კინო ქალაქს ახალ ენერგიას სძენს, განსხვავებულ ისტორიებს აერთიანებს და ეკრანს ადამიანების შეხვედრის ადგილად აქცევს.

1791537413

„პროტესის ორგანიზება სხვადასხვა ჯგუფების საშუალებით მოხდა და იყო მოწოდებები, რომ შეკრებილიყვნენ. 30 თეთრად ჩასაბარებელი ყურძენი, ღვინისა და სპირტის წარმოებისთვის გამოუსადეგარია“, - განაცხადა დავით სონღულაშვილმა.მინისტრმა ყურადღება  ყურძნის ხარისხობრივი კატეგორიების მიხედვით შეფასების მნიშვნელობაზეც გაამახვილა.დავით სონღულაშვილის განმარტებით, ვენახის მოვლა დიდ ფიზიკურ შრომას მოითხოვს, ამიტომ მნიშვნელოვანია, მევენახემ მიღებული მოსავლის ხარისხის შესაბამისი ანაზღაურება მიიღოს. მისი თქმით, ყურძნის ხარისხობრივი დიფერენციაციის მიზანი სწორედ მაღალი ხარისხის პროდუქციის წარმოების წახალისება და მევენახეებისთვის შესაბამისი მოტივაციის შექმნაა.„ყურძნის ხარისხობრივი დიფერენციაციით მოტივაცია გავაჩინეთ იმის, რომ მევენახემ რაც შეიძლება მაღალი ხარისხის ყურძენი მოიყვანოს. სხვაობაც იმხელაა საშუალო და უმაღლესი ხარისხის ყურძენს შორის, რომ მევენახე მაქსიმალურად ეცადოს, უმაღლესი ხარისხის მოსავალი მიიღოს“, - განაცხადა დავით სონღულაშვილმა.

1791536063

შეგახსენებთ რომ, საქართველოს გენერალური პროკურატურის განცხადებით, გამოძიება ეროვნული ბანკიდან გადმოგზავნილი მასალების საფუძველზე დაიწყო. საქმე სისხლის სამართლის კოდექსის 337-ე მუხლით არის აღძრული, რომელიც მოხელის ან მასთან გათანაბრებული პირის მიერ სამეწარმეო საქმიანობაში უკანონო მონაწილეობას ეხება.პროკურატურა განმარტავს, რომ „კორუფციის წინააღმდეგ ბრძოლის შესახებ“ საქართველოს კანონის თანახმად, საჯარო მოსამსახურეს სამეწარმეო საქმიანობის განხორციელების უფლება არ აქვს. ამასთან, „საქართველოს ეროვნული ბანკის შესახებ“ ორგანული კანონის მიხედვით, ეროვნული ბანკის საბჭოს წევრსა და მისი ოჯახის წევრებს ეკრძალებათ იყვნენ საქართველოს საფინანსო სექტორის წარმომადგენლის ან მასთან დაკავშირებული იურიდიული პირის პარტნიორები.ეროვნული ბანკის განცხადებით, გამოძიების პროცესში ნანა ყეინიშვილი სებ-ის საბჭოს სხდომებიდან დროებით იქნება აცილებული. უწყების ცნობით, გამოძიების ფარგლებში შესაძლო უკანონო მონაწილეობის გარემოებები შეისწავლება, შედეგების შესახებ კი საზოგადოებას დამატებითი ინფორმაცია მიეწოდება.საქმეში ნახსენები შპს „ბიტექსჩეინჯი“ კრიპტოსერვისების მიმწოდებელი კომპანიაა. ის 2020 წელს დაფუძნდა და მისი 100%-იანი წილის მფლობელი ბიზნესმენი დავით ორჯონიკიძეა.ნანა ყეინიშვილი ეროვნული ბანკის საბჭოს წევრია 2023 წლის სექტემბრიდან და თანამდებობაზე 2030 წლის სექტემბრამდე დარჩენის შვიდწლიანი მანდატი აქვს.

1791534022

LEAF-ის განათლების საერთაშორისო გამოფენაორ ლოკაციაზე ჩატარდება: თბილისი - 10 ოქტომბერი, 12:00-17:00, The Biltmore Tbilisi Hotel ბათუმი - 11 ოქტომბერი, 13:00-17:00, Radisson Blu Hotel Batumi ღონისძიების ფარგლებში, დამსწრეებს შესაძლებლობა ექნებათ, პირადად შეხვდნენ საერთაშორისო უნივერსიტეტების წარმომადგენლებს, გაეცნონ საგანმანათლებლო პროგრამებს და მიიღონ ინფორმაცია სწავლისა და დაფინანსების შესაძლებლობების შესახებ როგორც საბაკალავრო, სამაგისტრო, ასევე სადოქტორო საფეხურებზე. ასევე მიიღებენ ინფორმაციას ონლაინ სწავლების, პროფესიული კურსებისა და საგანმანათლებლო ბანაკების შესახებ.ღონისძიებაზე დასწრება უფასოა. მონაწილეობის მისაღებად აუცილებელია წინასწარი რეგისტრაციაბმულზე.დამატებითი ინფორმაციის მისაღებად ეწვიეთ ღონისძიებების გვერდებს: განათლების საერთაშორისო გამოფენათბილისში განათლების საერთაშორისო გამოფენა ბათუმში საქართველოს ბანკი – განათლების მთავარიმხარდამჭერი ბანკი.

1791533388

ცნობისთვის, გუშინ, მთავრობის სხდომაზე, საქართველოს პრემიერ-მინისტრმა, ირაკლი კობახიძემ განაცხადა, რომ გასული წლების განმავლობაში ყოველ წელს „საქართველოს ფოსტა“ გადიოდა წაგებაზე. მისი თქმით, წლევანდელი წელი იქნება პირველი წელი, როდესაც „საქართველოს ფოსტა“ გავა მოგებაზე და ეს ყველაფერი არის კონკრეტული ცვლილებების შედეგი.„2,5 მლნ ლარი დაიზოგა მხოლოდ შტატების ოპტიმიზაციის შედეგად. 1,1 მლნ ლარი დაიზოგა წამგებიანი სერვის-ცენტრების ოპტიმიზაციის შედეგად. ასევე, იყო შუამავალ კომპანიებში გატანილი მთელი რიგი სერვისები. ეს შუამავალი კომპანიები კორუფციის კარგი საშუალება იყო. ამას, ალბათ, შესაბამისი უწყებები დაადგენენ. ეს სერვისები დაბრუნდა „საქართველოს ფოსტაში“ და ამის შედეგად, „საქართველოს ფოსტას“ ექნება ყოველწლიურად დამატებით 14,2 მლნ ლარის შემოსავალი“, - განაცხადა ირაკლი კობახიძემ.

1791533048

„საქართველოს ეროვნული ბანკი გაეცნო შპს „ბიტექსჩეინჯის“ წარმომადგენლების წერილებში დასახელებულ გარემოებებს და შესაბამისი პირველადი შიდა შესწავლა ჩაატარა საკუთარი კომპეტენციის ფარგლებში. თუმცა, ვინაიდან წერილში აღნიშნული ფაქტების სამართლებრივი გადამოწმება სცილდება საქართველოს ეროვნული ბანკის კანონმდებლობით განსაზღვრულ მანდატს, მასალები გადაეცა შესაბამისი უფლებამოსილების მქონე ორგანოებს. ვიმედოვნებთ, რომ აღნიშნული გარემოებების ირგვლივ ობიექტური ჭეშმარიტება დროულად დადგინდება.ამასთან, გამოძიების მიმდინარეობის პერიოდში, ვიდრე საკითხის გარშემო არ დადგება სრული სიცხადე, საქართველოს ეროვნული ბანკის საქმიანობის მაღალი რეპუტაციული სტანდარტიდან გამომდინარე, ეროვნული ბანკის საბჭო უახლოეს სხდომაზე განიხილავს ნანა ყეინიშვილის დროებით აცილების საკითხს ეროვნული ბანკის საბჭოს სხდომებიდან.რაც შეეხება თავად ვირტუალური აქტივების პროვაიდერ შპს „ბიტექსჩეინჯს“, გაცნობებთ რომ აღნიშნული სუბიექტი დაჯარიმებულია ეროვნული ბანკის მიერ ფულის გათეთრებისა და ტერორიზმის დაფინანსების აღკვეთის წესის დარღვევისთვის მისი გეგმური შემოწმების შედეგად“, - ნათქვამია განცხადებაში.

1791529836

უწყების ცნობით, სოფელ იანეთში წყალგამანაწილებელი არხის 1000-მეტრიანი მონაკვეთი ნატანი მასისა და ხე-ბუჩქნარისგან იწმინდება."განხორციელებული სამუშაოების შედეგად, სოფელ იანეთში დაახლოებით 50 ჰექტარ სასოფლო-სამეურნეო მიწის ფართობზე გაუმჯობესდება სამელიორაციო მომსახურება. მიმდინარე სამუშაოები შპს „საქართველოს მელიორაციის“ დასავლეთის რეგიონული სამსახურის უფროსმა მამუკა ლოსაბერიძემ, სამტრედიის მუნიციპალიტეტის მერთან,დავით ბახტაძესთან ერთად დაათვალიერა. „საქართველოს მელიორაცია“ ქვეყნის მასშტაბით სარწყავი და სადრენაჟო ინფრასტრუქტურის აღდგენისა და მოწესრიგების სამუშაოებს აგრძელებს. სამუშაოების მიზანია სასოფლო-სამეურნეო მიწების სამელიორაციო მომსახურებით უზრუნველყოფის გაუმჯობესება და სარწყავი წყლის ხელმისაწვდომობის გაზრდა",-აღნიშნულია ინფორმაციაში. 

1791452828

ქართულ პავილიონში წარმოდგენილი იყო ლურჯი მოცვის მწარმოებელი კომპანიების: “ჯეო აგრო ისთეითი”, “ნიადაგი ჯგუფი“, “აგროლეინი”, ჯენტრიინვესტმენტს”, ,,აგრითაჩი”, “კოლხური კენკრა”, “აგრო ველი”, “ნამიანი 1” და “ჯეო ორგანიკს” სტენდები.გამოფენის გახსნას სოფლის განვითარების სააგენტოს დირექტორის მოადგილე გიორგი ავალიანი და ესპანეთის სამეფოში საქართველოს საგანგებო და სრულუფლებიანი ელჩი ალექსანდრე ჭკუასელი ესწრებოდნენ.„საერთაშორისო გამოფენა Fruit Attraction ქართული წარმოების ლურჯი მოცვის საერთაშორისო ბაზრებზე წარმოჩენისა და ახალი სავაჭრო შესაძლებლობების შექმნისთვის მნიშვნელოვანი პლატფორმაა. ჩვენი მიზანია, ქართველ მწარმოებლებს შევუწყოთ ხელი საერთაშორისო ბაზრებზე საკუთარი პროდუქციის წარდგენასა და ახალი პარტნიორების მოძიებაში“ - აღნიშნა სოფლის განვითარების სააგენტოს დირექტორის მოადგილემ გიორგი ავალიანმა.ესპანეთის სამეფოში საქართველოს საგანგებო და სრულუფლებიანი ელჩის ალექსანდრე ჭკუასელის განცხადებით, მნიშვნელოვანია ქართული კომპანიების გამოფენებში მონაწილეობა, რადგან  ეს არის  კარგი საშუალება, საერთაშორისო ბაზარზე წარმოჩინდეს ქართული პროდუქციის ხარისხი და საექსპორტო პოტენციალი. გამოფენა ახალი კონტაქტების დამყარების და სავაჭრო ურთიერთობების გაღრმავების კარგი შესაძლებლობაა. მისი განცხადებით, საელჩო მიესალმება და ხელს უწყობს  მეწარმეებს ქართული პროდუქციის პოპულარიზაციაში.აღსანიშნავია, რომ საქართველოს პავილიონს მოცვის საერთაშორისო ორგანიზაციის თავმჯდომარე მარიო სტეტა სტუმრობდა. Fruit Attraction ხილისა და ბოსტნეულის სექტორის ერთ-ერთი მნიშვნელოვანი საერთაშორისო გამოფენაა, რომელიც ყოველწლიურად ესპანეთის დედაქალაქ მადრიდში იმართება.

1791448221