სოფელ ყიზილ-აჯლოსთვის ბუნებრივი გაზის მიწოდების აღდგენის პროცესი მიმდინარეობს

როგორც მან "ბიზნესპარტნიორთან" განმარტა, აღნიშნული გადაწყვეტილება დარგში არსებული პრობლემებიდან გამომდინარე იქნა მიღებული."სავალდებულო დეგუსტაცია შეეხება ყველა ღვინოს, რომელსაც სერტიფიცირება დასჭირდება და გამონაკლისი იქნება მხოლოდ "ბუნებრივი ღვინო". "ბუნებრივი ღვინოს" ტერმინი ჩაიწერა კანონში და მან შეცვალა ტერმინი "სახლის ღვინო", ეს არის სპეციალურ ღვინოებში ერთ-ერთი კატეგორია, როგორც გამორჩეული მეთოდით დამზადებული ღვინო. კანონპროექტის თანახმად, იცვლება „მცირე ზომის მარნის“ დეფინიცია და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება. დარგის მხრიდან სწორედ ეს კითხვა არსებობდა, რომ რატომ უნდა ყოფილიყო დეგუსტაციისგან გათავისუფლებული 40 000 ლიტრამდე წარმადობის მარანი.თუ ჩვენ ვეწევით მეღვინეობას და თანამედროვე მეღვინეობას იქნება ეს მცირე, საშუალო, თუ დიდი ყველას უნდა შეეხოს დეგუსტაცია და შესაბამისობის წესები ყველასთვის უნდა იყოს. გამონაკლისი კი სწორედ ტექნოლოგიური თავისებურებიდან გამომდინარეობს, ანუ იმ მეთოდიდან, რა მეთოდითაც "ბუნებრივი ღვინო" მზადდება. მარანს 3 ცდა აქვს და შესაბამისად, თუ ვერც ერთხელ ვერ გაიარა დეგუსტაციის პროცესი, სამწუხაროდ, მას რეალიზაცია აკრძალული ექნება. არასერტიფიცირებული პროდუქციის რეალიზაციაზე კი არის ჯარიმები. პირველ შემთხვევაზე არის 1000  ლარი. აღნიშნული გაწერილია ადმინისტრაციულ სამართალდარღვევათა კოდექსში. აქამდეც, თუ არასერტიფიცირებულ პროდუქციას ყიდდა ვინმე, იგივე ჯარიმა ეხებოდა",- აცხადებს ლევან მეხუზლა.სააგენტოს თავმჯდომარის თქმით, დეგუსტაციის პრაქტიკა დარგისთვის ახალი არ არის და სხვადასხვა ეტაპზე უკვე მოქმედებდა."უნდა აღინიშნოს, რომ დეგუსტაცია 2008 წლიდან ძალიან ბევრ კატეგორიაზე ისედაც სავალდებულო იყო და ეს 2017 წელს კიდევ უფრო გამკაცრდა. საბოლოოდ, წელს უკვე ჩავთვალეთ, რომ ნებისმიერი ქართული ღვინო გარდა "ბუნებრივი ღვინისა" უნდა იყოს გასინჯული. სერტიფიცირების პროცედურების პროცესი მიბმულია ლოტის პრინციპს.  ვისაც, მიკვლევადობის პრინციპები აწყობილი აქვს ისინი ცვლილებას საერთოდ ვერ იგრძნობენ. ცვლილებები მხოლოდ მინიმალურად შეეხება იმ მარნებს, რომლებსაც არასდროს ჰქონიათ ექსპორტი და მხოლოდ ადგილობრივ ბაზარზე ყიდდნენ ღვინოს და თუ ისინი არ არიან "ბუნებრივი ღვინის" მწარმოებლები. ზედმეტი დეგუსტაცია ვისაც ჩაუტარდება ეს იმდენად მცირეა იმასთან მიმართებაში, რა მოცულობის დეგუსტაციაც დღეს ტარდება, რომ არ მგონია ამან რაიმე სერიოზული შეფერხებები გამოიწვიოს ბაზართან მიწოდებაში", - აღნიშნა ლევან მეხუზლამ.მისივე განცხადებით, დეგუსტაცია და სერტიფიცირება ფასიანია, თუმცა მცირე მარნები შესაძლოა ამ გადასახადიდან გათავისუფლდნენ."დეგუსტაცია ფასიანია, თუმცა არის გამონაკლისები. მათ შორის, სერტიფიცირებაც ფასიანია, თუმცა მცირე მარნებისთვის სხვა ფასია. კანონქვემდებარე აქტში გაკეთდება შესაბამისი ჩანაწერი და ფასი თუ ლოტის პრინციპზე ხდებოდა და საწარმოს ეს პროცედურა სწორად ჰქონდა აწყობილი არც დეგუსტაციის ფასის დამატებით გადახდა არ მოუწევს. რაც შეეხება მცირე მარნებს - ეს არ მგონია, რომ რაიმე წნეხი იყოს. აღნიშნული ჯერ კიდევ განხილვის პროცესშია და შესაძლებელია მცირე მარნები საერთოდ გავათავისუფლოთ ამ გადასახადიდან", - აცხადებს სააგენტოს ხელმძღვანელი.მეხუზლას თქმით, კანონქვემდებარე აქტებით გაიწერება კონტროლის მექანიზმებიც, რათა ბუნებრივი ღვინის სტატუსი რეგულაციების თავიდან არიდების საშუალებად არ იქცეს."რაც შეეხება კონტროლის მექანიზმებს - იმისთვის, რომ "ბუნებრივი ღვინის" სტატუსი არ იყოს ბოროტად გამოყენებული რეგულაციების თავიდან ასარიდებლად კონტროლის მექანიზმებიც კანონქვემდებარე აქტში გაიწერება. რა თქმა უნდა, არის ფიზიკურ-ქიმიური მაჩვენებლები, რომელიც ერთ-ერთი კომპონენტი იქნება ამ შემოწმებების.  სახელმწიფო ზედამხედველობა და კონტროლი უკვე კანონით გვაქვს მონიჭებული, რომლის ფარგლებში მოხდება ბუნებრივი მეღვინეობების შემოწმება და დადასტურება, რომ ისინი ღვინოს ნამდვილად ბუნებრივი მეთოდებით აწარმოებენ", — აცხადებს ლევან მეხუზლა.Bp.ge

1781189453

სოფელ ყიზილ-აჯლოს მოსახლეობისთვის ბუნებრივი გაზის მიწოდების აღდგენა დღეიდან დაიწყება.მიმდინარე წლის 9 ივნისს სოფელ ყიზილ-აჯლოს მოსახლეობას ბუნებრივი გაზის მიწოდება შეუწყდა გაზგამანაწილებელი კომპანიის - შპს “მამედის” თვითნებური და კანონთან შეუსაბამო ქმედებების გამო. შპს “მამედი” წარმოადგენს ბუნებრივი გაზის ლიცენზიატ კომპანიას, რომელიც ბუნებრივ გაზს ანაწილებს მარნეულის მუნიციპალიტეტის სოფელ ყიზილ-აჯლოში. თვეების განმავლობაში შპს “მამედი” არ ასრულებდა საქართველოს კანონმდებლობით განსაზღვრულ მოთხოვნებს და არ ახორციელებდა მომხმარებლებისთვის მიწოდებული ბუნებრივი გაზის საფასურის გადახდას შპს „სოკარ გაზ ექსპორტ-იმპორტისთვის“, რის შედეგადაც შპს “მამედს” 600 ათას ლარზე მეტი ოდენობის დავალიანება დაუგროვდა. აღნიშნულის შედეგად, შპს „მამედს“ ბუნებრივი გაზის მიწოდება შეუწყდა. სემეკი უახლოეს საჯარო სხდომაზე იმსჯელებს შპს „მამედში“ სპეციალური მმართველის დანიშვნის საკითხზე, რათა გრძელვადიან პერიოდში უზრუნველყოფილი იყოს სოფელ ყიზილ-აჯლოს მოსახლეობის ბუნებრივი გაზით უწყვეტი და საიმედო მომარაგება

1781189071

არსებობენ ანსამბლები, რომლებიც სცენაზე ცეკვავენ - და არსებობენ სუხიშვილები, რომლებიც თავად იქცნენ მოძრაობად.სუხიშვილების ქორეოგრაფია არის საქართველოს შემოქმედება, რომლის ისტორიაც უკვე 80 წელზე მეტია შრომით, დისციპლინით, ტრადიციითა და ახლის მუდმივი ძიებით იწერება. აქ ყოველი მოძრაობა სცდება სცენას და იქცევა კულტურულ მეხსიერებად.დღეს, სუხიშვილები არა მხოლოდ ანსამბლია - ეს არის ეროვნული სიმბოლო, რომელიც არასდროს ჩერდება. სწორედ ამიტომ მათი დაარსების დღე მხოლოდ ისტორიული თარიღი კი არა, მოძრაობის დასაწყისის მუდმივი შეხსენებაა.სიმბოლურია ისიც, რომ სუხიშვილების ანსამბლის დაარსების დღეს აღინიშნება ქორეოგრაფიის დღეც.მუდმივი მოძრაობის ტრადიციასუხიშვილები 1945 წელს შეიქმნა - შეზღუდვებით სავსე ეპოქაში. თუმცა ნინო რამიშვილისა და ილიკო სუხიშვილისთვის ეს იყო არა შეზღუდვა, არამედ შესაძლებლობა, შეექმნათ ახალი ქართული მოძრაობის ენა.მათი მიზანი ქართული ფოლკლორის არა მხოლოდ შენარჩუნება, არამედ მისი თეატრალურ, დინამიკურ და უნივერსალურ ენად გარდაქმნა იყო. ასე დაიბადა ანსამბლი, რომელმაც ქართული ცეკვა მსოფლიოს უდიდეს სცენებზე წარადგინა - მეტროპოლიტენ ოპერიდან ლა სკალამდე, მედისონ სქუერ გარდენიდან კარნეგი ჰოლამდე.ეს იყო არა მხოლოდ კულტურული მიღწევა, არამედ ეროვნული ხმა, რომელმაც მსოფლიოს გააცნო „ანსამბლი საქართველოდან“.ტრადიცია და ინოვაცია ერთ სცენაზესუხიშვილების ხელწერა სწორედ იმ ბალანსშია, რომელიც ტრადიციასა და თანამედროვე ხედვას შორის არსებობს.კლასიკური ცეკვები - „ქართული“, „სამაია“, „ხორუმი“, „ილოური“ - ინარჩუნებს პირვანდელ ენერგიას და კულტურულ კოდს. მათში თავმოყრილია ისტორია, ღირსება და ქართული ხასიათი.ამავე დროს, ახალი დადგმები - „ზეკარი“, „ნანილა“, „ჯარა“ - აჩვენებს, რომ სუხიშვილები მუდმივად ძიებაში არიან. აქ ტრადიცია არ ჩერდება - ის იცვლება, ვითარდება და ახალ ფორმებს იძენს.სწორედ ამიტომ სუხიშვილების შემოქმედება გახდა ბრენდი, რომელიც სცდება ცეკვას და იქცევა იდეად - იდეად, რომელიც ამბობს: თავი მაღლა, თვალები მიზანზე და მოძრაობა მხოლოდ წინ.კოსტიუმი, მუსიკა და მოძრაობა როგორც ერთიანი ენასუხიშვილების სცენური სამყარო სხვადასხვა კომპონენტების ჰარმონიული სინთეზია - ცეკვა, მუსიკა და კოსტიუმი ერთ სივრცეში, ერთი იდეის გარშემო ერთიანდება.ნინო სუხიშვილის დიზაინით შექმნილი მსუბუქი, ჰაეროვანი სამოსი, სოლიკო ვირსალაძის ისტორიულ ესთეტიკასთან ერთად, ქმნის ვიზუალურ ენას, რომელიც ცეკვას კიდევ უფრო შთამბეჭდავსა და დასამახსოვრებელს ხდის.მუსიკა კი ამ ყველაფერს აცოცხლებს - ილიკო სუხიშვილისა და თანამედროვე კომპოზიციების შერწყმა ქმნის ხმოვან სამყაროს, სადაც ფოლკლორი და თანამედროვეობა ერთ რიტმში მოძრაობს.საერთაშორისო აღიარებასუხიშვილებმა მსოფლიო სცენებზე დაამტკიცეს, რომ ქართული ცეკვა უნივერსალური ენაა. მათი გამოსვლები ლეგენდად იქცა - მათ შორის ლა სკალაში, სადაც ოვაციების ფონზე ფარდა 14-ჯერ აიწია.დღესაც, 80 წლის შემდეგ, ანსამბლი აგრძელებს გზას - ახალი პროგრამებით, საერთაშორისო სცენებითა და მუდმივი განვითარებით.სუხიშვილები აღარ არის მხოლოდ დასი. ეს არის კულტურული კოდი, რომელიც საქართველოს კულტურასა და ტრადიციას მსოფლიოს აცნობს.სუხიშვილები - ბრენდი, რომელიც არასდროს ჩერდებასუხიშვილების ქორეოგრაფია შრომის, დისციპლინისა და უწყვეტი განვითარების შედეგია. სწორედ ამიტომ ანსამბლი დღესაც რჩება ქართული კულტურის ერთ-ერთ ყველაზე ძლიერ სიმბოლოდ - სიმბოლოდ, რომელიც არ ჩერდება.საქართველოს ბანკი - სუხიშვილების გენერალურისპონსორი.

1781185980

შეხვედრა მცირე და საშუალო ბიზნესის წარმომადგენლებს აერთიანებდა და მიზნად ისახავდა იმ გამოწვევებისა და შესაძლებლობების განხილვას, რომლებიც ბიზნესის განვითარების სხვადასხვა ეტაპზე ჩნდება. ვორკშოპის ფარგლებში მონაწილეებმა მიიღეს პრაქტიკული ცოდნა ლიდერობის, მმართველობითი უნარებისა და ორგანიზაციული განვითარების შესახებ.შეხვედრის მონაწილეებმა ბიზნესის განვითარების 5 კრიტიკული საფეხური და თითოეული ეტაპისთვის დამახასიათებელი ძირითადი გამოწვევები განიხილეს. ვორკშოპზე ასევე ისაუბრეს ლიდერის როლზე კომპანიის ზრდის სხვადასხვა ფაზაში, ლიდერობის ინდივიდუალური მოდელის აღმოჩენისა და განვითარების შესაძლებლობებზე. განსაკუთრებული ყურადღება დაეთმო თანამედროვე მეთოდებსა და ინსტრუმენტებს, რომლებიც თანამშრომელთა ლოიალობის, ჩართულობისა და ნდობის გაძლიერებას უწყობს ხელს.ბიზნეს 360˚ საქართველოს ბანკის პლატფორმაა, რომელიც ბიზნესს ერთ სივრცეში სთავაზობს განვითარებისთვის საჭირო შესაძლებლობებს. პლატფორმა აერთიანებს საგანმანათლებლო რესურსებს, მათ შორის ბიზნესკურსებს, სექტორულ კვლევებსა და შეთავაზებებს, ასევე სხვადასხვა ტიპის ღონისძიებებს - ფინანსურ, ტექნოლოგიურ და სხვა თემატურ შეხვედრებს, რომლებიც მეწარმეებს ცოდნის გაღრმავებასა და ბიზნესის ზრდაში ეხმარება.

1781180040

ჯინჭარაძის თქმით, ნათია ჯანაშიასთან აფილირებული ინტერნეტ გამოცემებისა და სოც-ქსელის ანალიზის შედეგად იკვეთება, რომ მისი მხრიდან, ბოლო პერიოდში, გახშირდა ნარატივი, სადაც სულ უფრო ხშირად ისმის ფრაზები - "ჩემი სკოლა-ჩემი ბრძოლა",  "ამ ხელებით ავაშენე და ამავე ხელებით დავიცავ", " სკოლა ჩემთვის ღირებულებაა და არა პორტფელური კომპანია" და სხვა. ამ ფრაზების მიღმა კი, როგორც უკვე მიეჩვია საზოგადოება, საგნობრივი მსჯელობისგან სრულიად დაცლილი და მხოლოდ ემოციურ მუხტზე გათვლილი საუბარია."რეალობა კი სულ სხვა სურათს აჩვენებს. კერძოდ იმას, რომ ნათია ჯანაშიას მხარის მიერ წარმოებული მედია-კამპანიის მიზანი იმთავითვე იყო ჩაფიქრებული და ეს უკვე გაყიდული აკადემიის რეიდერულად მითვისება და მიტაცებაა.თავისი არსით ცილისმწამებლური, შეურაცხმყოფელი და უაპელაციოდ დამადანაშაულებელი კამპანია, რომელსაც ნათია ჯანაშია მხარე აწარმოებს, საკუთრივ ინვესტორის გარდა მიმართულია კიდევ ბევრი სხვა ადრესატისადმი - მთელი რიგი სახელმწიფო უწყებებისადმი - სასამართლო და იუსტიციის სისტემისადმი, შინაგან საქმეთა სამინისტროსადმი, ფინანსთა სამინისტროს საგამოძიებო სამსახურისდამი და ა.შ. ეს იმის პარალელურად, რომ ამავე უწყებებში შეტანილი აქვს საჩივრები და სარჩელები.ის ასევე ჩივის ამერიკის საელჩოში და უკვე, როგორც თავად აცხადებს,  აშშ-ის გამოძიების ფედერალურ ბიუროში და ითხოვს აშშ-ის მოქალაქე საკუთარი შვილების უფლებების დაცვას, ჩივის ლონდონის ბირჟაზე და ითხოვს საქართველოს წამყვანი კომპანიების გარიცხვას.რთული სათქმელია, ჩივილის დიაპაზონი სადამდე წავა, - ისე მიდის საქმე, რომ მალე, შესაძლოა, საქართველოში არავინ დარჩეს, ვის წინააღმდეგაც საჩივარი არ აქვს შეტანილი ან საჩივრით არ ემუქრება.თუმცა ეს არ არის არსებითი. არსებითი და ცალსახა არის ის, რომ ნათია ჯანაშიას მხარის მიერ წარმოებული ეს კამპანია, - დავასთან დააკავშიროს რაც შეიძლება მეტი ფიგურანტი და ამით ეცადოს საზოგადოებრივი რეზონანსის გამოწვევა, მიმართულია ინვესტორისადმი იმდაგვარი რეპუტაციული ზიანის მიყენების მცდელობისკენ, რომ მან ხელი აიღოს საკუთარ კანონიერ საკუთრებაზე და უფლებებზე და ჯანაშია-ცეცხლაძის პირობების შესაბამისად დათმოს ერთხელ უკვე საბაზრო ფასად ნაყიდი აკადემიის საკონტროლო პაკეტი. ყველაფერი იმაზე მიუთითებს და ნათია ჯანაშია თავისი ქმედებებით კიდევ ერთხელ ადასტურებს ჩვენს ვარაუდს, - რომ მისი მიზანი გაყიდული აკადემიის რეიდერულად მითვისებაა", - აღნიშნავს ჯინჭარაძე.

1781175859

გამოფენას ბათუმი13 ივნისს უმასპინძლებს 6 მაისის პარკში, კოლონადებთან.ენერგო ეფექტურობის გამოფენაზე წარმოდგენილი იქნება 20-ზე მეტი კომპანიის 100-მდეენერგოეფექტური პროდუქტი.მონაწილე კომპანიებს შორის არიან: ნოვა, ახალი ნათება, გორგია, ციტალელი, GRC და სხვა ეკოინიციატივების მქონე კომპანიები.გამოფენაზე სტუმრობა საინტერესო იქნება, როგორც ბიზნეს სექტორის წარმომადგენლებისთვის, ასევე ახალგაზრდებისთვის, მშენებლობით, რემონტითა და თანამედროვე ეკოლოგიურიგადაწყვეტილებებით დაინტერესებული ნებისმიერი ვიზიტორისთვის.• 13  ივნისი , 6 მაისის პარკი, კოლონადებთან• 13:00სთ-დანგამოფენის შესახებ სრული ინფორაციის მისაღებად, ეწვიეთ ბმულს https://www.facebook.com/events/2452246031945312

1781174998