სემეკში მიმდინარეობს აღნიშნული საკითხის შესწავლა, რათა უმოკლეს ვადებში უზრუნველყოფილი იყოს მოსახლეობისთვის ბუნებრივი გაზის მიწოდების აღდგენა.ბუნებრივი გაზის გამანაწილებელი კომპანიის, შპს „მამედის“ სალიცენზიო არეალში (სოფელი ყიზილ-აჯლო) საყოფაცხოვრებო მომხმარებლებისთვის სემეკის მიერ დადგენილია 47 თეთრიანი ტარიფი (დღგ-ის ჩათვლით). აღნიშნული ტარიფი სრულად მოიცავს სოციალური გაზის ღირებულებას (36.7 თეთრი დღგ-ის ჩათვლით), აგრეთვე ბუნებრივი გაზით მომარაგების უზრუნველსაყოფად კანონმდებლობით გათვალისწინებულ ყველა აუცილებელ ხარჯს.მოქმედ სამომხმარებლო ტარიფში სოციალური გაზის ღირებულება სრულად არის ასახული, თუმცა შპს „მამედი“ არ ეთანხმება სოციალური გაზის შესასყიდ ფასს, არ იხდის დაგროვილ დავალიანებას, რამაც გამოიწვია შპს „მამედისთვის“ ბუნებრივი გაზის მიწოდების შეწყვეტა.გარდა ამისა, საყურადღებოა, რომ შპს „მამედი“ მომხმარებლებს თვითნებურად არიცხავს სემეკის მიერ დადგენილზე მაღალ ტარიფს (57 თეთრი დღგ-ის ჩათვლით), რასთან დაკავშირებითაც მიმდინარეობს მოკვლევა შესაბამისი საგამოძიებო ორგანოების მიერ.

1781095124

სემეკის თავმჯდომარემ, ლექციის ფორმატში, ახალგაზრდული კონგრესის წარმომადგენლებს მიაწოდა ინფორმაცია ელექტროენერგიის, ბუნებრივი გაზის, წყალმომარაგებისა და მელიორაციის სექტორების რეგულირების მნიშვნელობაზე, სატარიფო პოლიტიკასა და განახლებადი ენერგიების ხელშეწყობაზე. მან ყურადღება გაამახვილა დამოუკიდებელი მარეგულირებელი კომისიის ფუნქციებსა და როლზე.საჯარო ლექციის შემდეგ, კონგრესის წარმომადგენლებმა დაათვალიერეს სემეკში დამონტაჟებული მზის ელექტროსადგური და გაეცნენ სადგურის მუშაობის სპეციფიკას.

1781008457

მისივე თქმით, სახელმწიფო საკმარისად ძლიერი ვერ იყო საბოტაჟის მიმართ, თუმცა დღეს ნამდვილად არის.„პირველი აქტიური განხილვა ამ საკითხისა, გვქონდა, დაახლოებით, წელიწადის და 2-3 თვის წინ. მაშინაც იყო გარკვეული დავალება გაცემული. ვერ მოხერხდა, თუმცა დღეს ვართ საკმარისად მომაგრებული იმისათვის, რომ ნებისმიერი ასეთი ინიციატივა გავიტანოთ. ჩემთვის პირადად, ამ წელიწადისა და 2-3 თვის წინ ეს არ ყოფილა მიზეზი, რომ ვინმე მფარველი ჰყავდა ამ კრიპტომაინინგს, ეს არ იყო მიზეზი. ჩვენ ძალიან ბევრი საკადრო ცვლილებაც განვახორციელეთ, მათ შორის, ძალოვანი მიმართულებით, შევცვალეთ მთლიანად მიდგომები, დამოკიდებულებები და სახელმწიფო დღეს არის ძლიერი. ვისაც არ ეზარებოდა, ყველა ცდილობდა საბოტაჟს ამ ქვეყანაში, კონკრეტული შემთხვევა იყო, როდესაც ინვესტორს გამოუყვანეს მოსახლეობა და ვიცით, ვინ გამოიყვანა მოსახლეობა, მიზანი იყო - წილში ჩაჯდომა. იყო შემთხვევები, როდესაც ელექტროენერგიაში ჩართულ კომპანიებს ჰქონდათ ინტერესი, ძალიან ადვილია საქართველოში, უცბად შესაძლებელია 50 კაცის მობილიზაცია და ადვილი იყო ასეთი ტიპის პროექტების ჩაშლა. აღარ არის ეს ადვილი. ჰესებსაც ავაშენებთ, კრიპტომაინინგიც აღმოიფხვრება, ყველა მიმართულებით - იქნება ეს კორუფცია, საბოტაჟი, თუ ნებისმიერი სხვა, სახელმწიფო დღეს არის საკმარისად ძლიერი იმისათვის, რომ დაუპირისპირდეს კორუფციას, საბოტაჟს, ნებისმიერ ლობისტს და ა.შ. წელიწადის და 2-3 თვის წინ ასე არ იყო. დღეს, სახელმწიფოს იმის ძალა და ფუფუნება აქვს, რომ იყოს ბოლომდე უკომპრომისო, ისე რომ არ დააზიანოს რაიმე გვერდითი მოვლენებით ინტერესები. სახელმწიფოს დღეს აქვს საკმარისი რესურსი და ძალა იმისათვის, რომ ბოლომდე, პრინციპულად დადგეს ასეთ საკითხებში, როცა საქმე ეხება, მაგალითად, კრიპტომაინინგს, როცა დაახლოებით 20 მლნ ლარის ელექტროენერგიას იპარავდნენ მაინინგის საფუძველზე. სახელმწიფო საკმარისად ძლიერი ვერ იყო საბოტაჟის მიმართ და დღეს არის. ჩემთვის არასდროს, არც წელიწად-ნახევრის წინ და არც დღეს, არავის მიმართ მფარველობას არ აქვს არავითარი დატვირთვა. მფარველობა ვერ იქნება ასეთი ნაბიჯებიდან უკან დახევის მიზეზი ჩემთვის.ჩვენ ხომ შეგვეძლო, მშვიდად გვეზრუნა ქვეყნის განვითარებაზე, სახელმწიფოებრიობის განმტკიცებაზე, მაგრამ განსაკუთრებით ბოლო 4 წლის განმავლობაში, ჩვენ თან გვიწევდა ამაზე ზრუნვა, თან გვიწევდა რევოლუციის 5 მცდელობასთან დაპირისპირება, ათასი უბედურება იყო - შანტაჟი, საბოტაჟი, კორუფციაც ამის გამოძახილი იყო“, - აღნიშნა პრემიერმა.

1780999867

მისი თქმით, სულ ახლახან სემეკმა გასცა კასპის მუნიციპალიტეტში ქარის ახალ სადგურზე ლიცენზია და 18 მეგავატზე მეტი დადგმული სიმძლავრის ქარის სადგური შეემატა.„შიდა ქართლში მიმდინარეობს უკვე და ძალიან მალე დასრულდება გაცილებით მძლავრი ქარის სადგური, რომელიც შემდეგ უკვე შემოვა ჩვენთან შესაბამისი სალიცენზიო განაცხადით და გავცემთ მათზე ლიცენზიას. მზის რამდენიმე სადგური შენდება აღნიშნულ პერიოდში. იგივე ნეტო აღრიცხვის სისტემაში, რომელიც ჩვენ სემეკში შევიმუშავეთ და მხარდაჭერის მექანიზმები მოქმედებდა რამდენიმე წლის განმავლობაში, ნახევარ მეგავატამდე დადგმული სიმძლავრის საკმაოდ ბევრი მიკროსადგური შეიქმნა და შევიდა ექსპლუატაციაში. აქედან გამომდინარე გაჩნდა ახალი დამატებითი მწვანე ენერგიის წყაროები, თუმცა ეს არის არასაკმარისი ჯერჯერობით იმიტომ, რომ ქვეყანაში გვაქვს ეკონომიკური ზრდა, ქვეყანაში გვაქვს ცხოვრების დონის გაუმჯობესება, აქედან გამომდინარე წლიდან წლამდე ელექტროენერგიაზე მოთხოვნა ქვეყანაში იზრდება. საშუალოდ 7-8%-იანი, 9%-იანი ეკონომიკური ზრდის პირობებში 3.5-4%-ით იზრდება ყოველწლიურად წინა წელთან შედარებით ელექტროენერგიაზე მოთხოვნა, როგორც კომერციულ სექტორში, რაც პირდაპირ ეკონომიკურ ზრდას უკავშირდება, ასევე საყოფაცხოვრებო სექტორში, რაც ცხოვრების დონის გაუმჯობესებას უკავშირდება.ჩვენი პროგნოზით, ეს ტენდენცია მომდევნო წლებშიც შენარჩუნდება, რის გამოც სასიცოცხლოდ მნიშვნელოვანია ახალი, დამატებითი მწვანე ენერგიის ობიექტების შექმნა. საქართველოს მთავრობის მიერ ბოლო წლებში გატარებული და მიმდინარე ხელშეწყობის პოლიტიკა, ისევე როგორც დაგეგმილი რეფორმები, აუცილებლად გამოიღებს შედეგს.ქვეყანაში ექსპლუატაციაში შევა დამატებითი ჰიდრო, მზის და ქარის ელექტროსადგურები, რაც სავსებით რეალურს ხდის მთავრობის სტრატეგიულ გეგმას - რამდენიმე წელიწადში საქართველომ მიაღწიოს სრულ ენერგეტიკულ თვითკმარობას და იქცეს ნეტო-ექსპორტიორ ქვეყნად“, - აღნიშნა სემეკის თავმჯდომარემ.დავით ნარმანიას შეფასებით, საქართველო არა მხოლოდ მზარდ შიდა მოთხოვნას დააკმაყოფილებს, არამედ შავი ზღვის წყალქვეშა კაბელის პროექტის ამოქმედების დროისთვის ევროპაში გასატან ჭარბ მწვანე ენერგიასაც შექმნის. მისი თქმით, პროექტს ევროპის შესაბამისი სტრუქტურების მიერ ერთობლივი ინტერესის სტატუსი აქვს მინიჭებული, ხოლო მისი განხორციელება ქვეყანას ელექტროენერგიის ექსპორტიდან დამატებით შემოსავლებს მოუტანს.„ძალიან აქტუალურია შავი ზღვის წყალქვეშა კაბელის პროექტი, რომლის კვლევის შემდგომი ეტაპი მიმდინარეობს, შავი ზღვის შელფის დეტალური შესწავლა, კვლევა და სწორედ ეს პროექტიც როცა გაკეთდება თავის დროზე, ამ პროექტის ექსპლუატაციაში შესვლის დროისთვის უნდა არსებობდეს ქვეყანაში ნამეტი, ანუ ჭარბი მწვანე ენერგია, რომლის ევროპაში გატანის შესაძლებლობაც იქმნება და დამატებით გაჩნდება ქვეყანაში შემოსავლები ელექტროენერგიის ექსპორტიდან. მით უმეტეს პროექტი სიცოცხლისუნარიანია და ერთობლივი ინტერესის სტატუსი მიენიჭა მას ევროპის შესაბამისი სტრუქტურების მიერ და აღიარებულია ეს პროექტი, როგორც ერთობლივი ინტერესების მქონე პროექტი“, - აღნიშნა ნარმანიამ.Busineesinsider.ge

1780910677

Italiana Petroli, რომლის ისტორია იტალიის ბაზარზე 90 წელზე მეტს ითვლის, ქვეყნის ტრანსპორტის სექტორსა და ენერგეტიკულ უსაფრთხოებაში მნიშვნელოვან როლს ასრულებს. კომპანია აერთიანებს ფართო ინდუსტრიულ და ლოგისტიკურ ინფრასტრუქტურას, მათ შორის ორ ნავთობგადამამუშავებელ ქარხანას, ნავთობბაზებსა და დაახლოებით 4,600 ავტოგასამართ სადგურს. ამ გარიგების შედეგად, IP სოკარის საერთაშორისო პორტფელის ნაწილი გახდა, რაც მნიშვნელოვნად აძლიერებს სოკარის მნიშვნელობას ევროპაში.იტალია სოკარისთვის ევროკავშირის ფარგლებში პირველი ბაზარი არ არის. კომპანია უკვე წარმატებით ოპერირებს შვეიცარიაში, ავსტრიასა და რუმინეთში. ევროკავშირის მიღმა კი სოკარი წარმოდგენილია მეზობელ რეგიონულ ბაზრებზე, მათ შორის თურქეთსა და უკრაინაში. აღსანიშნავია, რომ 20 წლის წინ საქართველო გახდა პირველი საერთაშორისო ბაზარი, სადაც სოკარმა თავისი საქმიანობა გააფართოვა და ამით საფუძველი ჩაუყარა კომპანიის საერთაშორისო განვითარებას.იტალიას სოკარისთვის განსაკუთრებული სტრატეგიული მნიშვნელობა აქვს. სოკარი ბაქო-თბილისი-ჯეიჰანის მილსადენის მეშვეობით იტალიისთვის ნედლი ნავთობის ერთ-ერთი მნიშვნელოვანი მიმწოდებელია. ამასთან, სამხრეთის გაზის დერეფანის საშუალებით კომპანია ხელს უწყობს ბუნებრივი აირის მიწოდების დივერსიფიკაციას. აქედან გამომდინარე, IP-ის შეძენა კიდევ უფრო ამყარებს აზერბაიჯანსა და იტალიას შორის არსებულ ხანგრძლივ ენერგეტიკულ თანამშრომლობას.იტალიის რესპუბლიკაში ვიზიტის ფარგლებში სოკარის პრეზიდენტმა როვშან ნაჯაფმა შეხვედრები გამართა იტალიის გარემოს დაცვისა და ენერგეტიკული უსაფრთხოების მინისტრ ჯილბერტო პიკეტო ფრატინთან და იტალიის საწარმოებისა და „Made in Italy“-ის მინისტრ ადოლფო ურსოსთან. შეხვედრებზე მხარეებმა განიხილეს ენერგეტიკული უსაფრთხოების საკითხები, სოკარის მიმდინარე საქმიანობა იტალიაში და ორ ქვეყანას შორის თანამშრომლობის გაღრმავების სამომავლო შესაძლებლობები.როვშან ნაჯაფი ასევე დაესწრო რომში აზერბაიჯანის საელჩოს ორგანიზებით გამართულ ოფიციალურ მიღებას, რომელიც აზერბაიჯანის დამოუკიდებლობის დღეს - 28 მაისს მიეძღვნა. ღონისძიებაზე გაიმართა SOCAR Italia-ს ოფიციალური პრეზენტაცია, რაც სოკარის იტალიურ ბაზარზე საქმიანობის ახალ ეტაპის დასაწყისია.

1780674266

სემეკის თავმჯდომარემ სიტყვით გამოსვლისას ყურადღება გაამახვილა საქართველოს ენერგეტიკულ პოლიტიკაზე, ჰესების მშენებლობის საჭიროებაზე, სემეკის როლსა და რეგულაციებზე განახლებადი ენერგიების განვითარების მიმართულებით.დისკუსიის ფარგლებში მონაწილეებმა განიხილეს სახელმწიფო პოლიტიკა ენერგოდამოუკიდებლობასთან მიმართებით, საქართველოს პოტენციალი განახლებადი ენერგიების განვითარების კუთხით, არსებული საკანონმდებლო ჩარჩო, საინვესტიციო გარემოს გაუმჯობესების მიზნით შემუშავებული მექანიზმები. იმსჯელეს არსებულ გამოწვევებსა და მათი გადაჭრის გზებზე.პანელურ დისკუსიაში მონაწილეობა მიიღეს ეკონომიკისა და მდგრადი განვითარების სამინისტროს ენერგოეფექტურობისა და განახლებადი ენერგიების პოლიტიკის და მდგრადი განვითარების დეპარტამენტის უფროსმა, საინჟინრო მეცნიერებათა დოქტორმა მარგალიტა არაბიძემ, საქართველოს ბიზნესასოციაციის აღმასრულებელმა დირექტორმა ლევან ვეფხვაძემ, UNESCAP-ის ენერგეტიკის განყოფილების დირექტორმა ჰონგპენგ ლიუმ, Celtic Sea Power-ის ყოფილმა თავმჯდომარემ, გაერთიანებული სამეფოს საზღვაო ძალების კომოდორმა სტუვ ჯერმა, „Photomate Caucasus“-ის რეგიონულმა დირექტორმა დავით ტყეშელაშვილმა, კომპანია „შაინ ენერჯის“ დამფუძნებელმა ნინო გადელიამ.თბილისის მდგრადი განვითარების XVI რეგიონულ ფორუმში, რომელიც ქ. თბილისში 3-6 ივნისს იმართება, მონაწილეობას იღებენ საქართველოს ცენტრალური და ადგილობრივი ხელისუფლების წარმომადგენლები, პარლამენტის წევრები, მაღალი დონის ქართველი და უცხოელი მომხსენებლები, ასევე ბიზნესსექტორის, აკადემიური წრეებისა და დიპლომატიური კორპუსის წარმომადგენლები.მონაწილეები მსჯელობენ მდგრადი სოციალურ-ეკონომიკური განვითარების, ეკონომიკური ზრდის, ენერგოუსაფრთხოების, განახლებადი ენერგიის მოხმარებისა და განვითარების, მდგრადი ურბანული განვითარების, სივრცითი მოწყობის, სატრანსპორტო რეფორმისა და სხვადასხვა საკითხის შესახებ.

1780655909

ანგარიშის ცნობით, სომხეთში 42 ვაგონი დიზელის საწვავის ექსპორტი იგეგმება.გავრცელებული ინფორმაციით, მატარებელი აზერბაიჯანის რკინიგზის სადგურ გიზდიაკის სადგურიდან 16:00 საათზე გავა.შემდეგ მატარებელი გააგრძელებს ბოიუკ-კიასიკის სადგურს, გადაკვეთს საქართველოს საზღვარს და შემდეგ გააგრძელებს მოძრაობას სომხეთის მიმართულებით.

1780566476

როგორც პრემიერმა აღნიშნა, 133 მილიონი კილოვატ/საათია მესტიის მუნიციპალიტეტში ელექტროენერგიის მოხმარება, როდესაც მსგავს მუნიციპალიტეტებში ორნიშნა მაჩვენებელსაც კი არ შეადგენს,  10%-ს არ აღემატება.„გაკეთდა განაცხადი გამრიცხველიანებასთან დაკავშირებით და პარალელურად, წარიმართება შესაბამისი პროცესები, რაშიც არის ჩართული შინაგან საქმეთა სამინისტრო. ამოღებული იქნა უკვე დიდი ოდენობით მაინერები, რაც გულისხმობს იმას, რომ უკანონოდ ხდებოდა ელექტროენერგიის მოხმარება. ეს პროცესი უნდა გაგრძელდეს. თქვენ იცით, რა ციფრებზეა საუბარი. 133 მილიონი კილოვატ/საათია მესტიის მუნიციპალიტეტში ელექტროენერგიის მოხმარება, როდესაც მსგავს მუნიციპალიტეტებში ორნიშნა მაჩვენებელსაც კი არ შეადგენს,  10%-ს არ აღემატება ელექტროენერგიის მოხმარება.დაახლოებით, უხეშად, 20 მილიონზე მეტი ელექტროენერგიის უკანონოდ მოხმარება ხდება მაინინგის მიზნით. საბოლოო ჯამში, ეს აწვება თითოეულ მოქალაქეს, აისახება გადასახადზე, რომელსაც ადამიანი იხდის თბილისში, ქუთაისში  თუ ნებისმიერ სხვა მუნიციპალიტეტში. ბუნებრივია, ეს უნდა გამოსწორდეს, ჩარჩოებში უნდა მოექცეს. ამას ემსახურება გამრიცხველიანების პროცესი და ის ზომები, რომლებსაც იღებს პარალელურად შინაგან საქმეთა სამინისტრო“, –  განაცხადა მთავრობის მეთაურმა.

1780561806

დოკუმენტს ხელი მოაწერეს SOCAR-ის ვიცე-პრეზიდენტმა აფგან ისაევმა და BCG-ის მმართველმა დირექტორმა პატაბი სეშადრიმ.ეს ინიციატივა SOCAR-მა და BCG-მ ერთობლივად წამოიწყეს გასული წლის ივნისში, რათა დააჩქარონ კასპიის ზღვაში მეთანის ემისიების შემცირების მცდელობები 2030 წლისთვის. ის ითვალისწინებს უფრო ღრმა თანამშრომლობას მეთანის ემისიების შემცირების, ერთობლივი კვლევის, პროექტების განხორციელების, გამოცდილების გაზიარების და რეგიონში ნავთობისა და გაზის ოპერაციებში ეფექტური პრაქტიკის დანერგვის საკითხებში.

1780484796

ამის შესახებ SOCAR-ის პრესსამსახური იტყობინება.საუბარი შედგა SOCAR-ის პრეზიდენტ როვშან ნაჯაფსა და INPEX-ის აღმასრულებელ დირექტორსა და ევროპისა და ახლო აღმოსავლეთის პროექტების უფროს ვიცე-პრეზიდენტ მუნეჰირო ჰოსონოს შორის ბაქოს ენერგეტიკული კვირეულის ფარგლებში გამართულ შეხვედრაზე.შეხვედრაზე აღინიშნა INPEX-ის აქტიური მონაწილეობა აზერბაიჯანის მიერ ინიცირებულ პროექტებში, მათ შორის SOCAR-თან წარმატებული თანამშრომლობა. მხარეებმა ასევე განიხილეს გამოცდილების გაცვლა და ორმხრივი ინტერესის მქონე სხვა თემები.

1780484363