აზერბაიჯანის სახელმწიფო საბაჟო კომიტეტის მონაცემებით, საანგარიშო პერიოდში ბუნებრივი აირის ექსპორტის ღირებულება 3,7%-ით შემცირდა და 6 448,7 მილიონი აშშ დოლარი შეადგინა.შედარებისთვის, 2025 წლის შესაბამის ცხრა თვეში აზერბაიჯანმა 18 527,8 მილიონი კუბური მეტრი ბუნებრივი აირი გაიტანა ექსპორტზე, რომლის ღირებულებაც 6 698,6 მილიონ აშშ დოლარს შეადგენდა.

1792402294

ნიდერლანდების TTF ჰაბზე ფიუჩერსების ფასმა 0,7%-ით მოიმატა და მეგავატ-საათზე 88,12 ევრო შეადგინა, რაც 2022 წლის დეკემბრის შემდეგ დაფიქსირებული ყველაზე მაღალი მაჩვენებელია.ევროპის მიწისქვეშა გაზსაცავები ამჟამად 74%-ზე ოდნავ მეტადაა შევსებული, რაც მნიშვნელოვნად ჩამორჩება ბოლო ხუთი წლის სეზონურ საშუალო მაჩვენებელს — 89%-ს. Bloomberg Intelligence-ის მონაცემებით, აზიასთან გათხევადებული ბუნებრივი აირის (LNG) გამო კონკურენციის გამძაფრებამ და ზამთრის პერიოდში გაზრდილმა მოთხოვნამ შესაძლოა ბუნებრივი აირის ფასი მეგავატ-საათზე 102 ევრომდე აიყვანოს.

1792401567

ნასიროვის თქმით, „გაზპრომთან“ თანამშრომლობა გაზის ინდუსტრიაში ურთიერთქმედების უნიკალური მაგალითია: SOCAR-ი თავდაპირველად რუსულ გაზს ყიდულობდა, შემდეგ თავად აწვდიდა გაზს რუსულ კომპანიას, ახლა კი კვლავ მყიდველის როლში გამოსვლას აპირებს.„შეგვიძლია სიამაყით ვთქვათ, რომ ისეთ გიგანტთან თანამშრომლობა, როგორიც „გაზპრომია“, შესანიშნავი მაგალითია. SOCAR, სავარაუდოდ, ერთადერთი კომპანიაა მსოფლიოში, რომელმაც „გაზპრომისგან“ გაზი შეიძინა, შემდეგ თავად მიაწოდა მას გაზი, ახლა კი კვლავ შესყიდვას გეგმავს“, — აღნიშნა ნასიროვმა.მან ხაზი გაუსვა, რომ გაზის ყიდვა-გაყიდვა, ისევე როგორც სეზონური გაცვლითი ოპერაციები, მსგავსი კომპანიების საქმიანობაში სტანდარტულ პრაქტიკას წარმოადგენს.თუმცა, პოტენციური მიწოდების კონკრეტული მოცულობები და ვადები ჯერ განსაზღვრული არ არის. ჟურნალისტების კითხვაზე, თუ რა მოცულობის შესყიდვები იგეგმება, ნასიროვმა განაცხადა, რომ ამ ეტაპზე კონკრეტული გეგმები არ არსებობს.„გაზპრომის“ ხელმძღვანელმა ალექსეი მილერმაც დაადასტურა, რომ რუსული კომპანიისთვის ცნობილია აზერბაიჯანული მხარის განზრახვა — განაახლოს გაზის შესყიდვა.„დიახ, ჩვენ ინფორმირებულები ვართ“, — განუცხადა მილერმა ჟურნალისტებს ფორუმ „რუსეთის ენერგეტიკული კვირეულის“ მიმდინარეობისას.რუსეთსა და აზერბაიჯანს შორის თანამშრომლობა გაზის სექტორში უკვე რამდენიმე ათეულ წელს ითვლის. ამ ხნის განმავლობაში ორივე ქვეყანა ბუნებრივი აირის როგორც მყიდველის, ისე მიმწოდებლის როლში გამოდიოდა. ამ ურთიერთქმედების ერთ-ერთ მექანიზმად კვლავ რჩება გაზის სეზონური გაცვლითი ოპერაციები.

1792401427

კომისიის წევრმა სემინარის მონაწილეებს გააცნო საქართველოში წყალმომარაგების სექტორის რეგულირების პრინციპები და სატარიფო პოლიტიკა.სემინარი გაიმართა საერთაშორისო წყლის მენეჯმენტის კომპანია „აქუალიასა“ და იაპონიაში ესპანეთის სამეფოს საელჩოს მასპინძლობით.როგორც გიორგი ფანგანმა სიტყვით გამოსვლისას აღნიშნა, სემეკის საქმიანობაში წყალმომარაგების სექტორის ეფექტიანი რეგულირება წარმოადგენს ერთ-ერთ პრიორიტეტულ მიმართულებას:„წყალმომარაგება წარმოადგენს კაპიტალტევად დარგს და სექტორში მომსახურების მაღალი ხარისხის სტანდარტების მიღწევა შესაძლებელია მხოლოდ სოლიდური ინვესტირებით. დღეისათვის საქართველოს წყალმომარაგების სექტორში ოპერირებს 8 ლიცენზიატი კომპანია. სემეკის მიზანია, რომ ეფექტიანი რეგულირებით ხელი შეეწყოს წყალმომარაგების სექტორის პერმანენტულ განვითარებასა და სამართლიან სატარიფო პოლიტიკას, სადაც თანაბრად იქნება დაცული როგორც მომსახურე კომპანიის, ასევე მომხმარებლის უფლებები.აღსანიშნავია, რომ მსხვილი ინვესტორისა და საერთაშორისო გამოცდილების მქონე კომპანიის Aqualia-ს დაინტერესება საქართველოს წყალმომარაგების სექტორით ქვეყნის გამჭვირვალე მიდგომებისა და ეფექტიანი რეგულირების დასტურია, რაც საერთაშორისო დონეზე საქართველოს პოზიციებს კიდევ უფრო აძლიერებს“, - აღნიშნა გიორგი ფანგანმა.წყალმომარაგების მენეჯმენტის შესახებ საჯარო-კერძო პარტნიორობის ფარგლებში გამართული სემინარი მიზნად ისახავდა წყალმომარაგების სექტორში საჯარო და კერძო თანამშრომლობის წარმატებული მოდელების, რეგულირების გამოცდილებისა და საერთაშორისო თანამშრომლობის შესაძლებლობების განხილვას.გიორგი ფანგანთან ერთად, სემინარზე სიტყვით წარდგნენ წყალმომარაგების სექტორში მოქმედი ორგანიზაციების ხელმძღვანელი პირები.

1792395627

კომისიის გადაწყვეტილების შესაბამისად, შპს „ჯორჯიან უოთერ ენდ ფაუერს“ დაევალა 2027 წლის პირველ ივლისამდე უზრუნველყოს სახელმწიფო, მუნიციპალურ და კერძო სამსახურებთან შეთანხმებით,  რუსთავის წყალმომარაგების სისტემის სათავე ნაგებობებსა და სატუმბ სადგურებზე წყალმომარაგების საქმიანობის განსახორციელებლად საჭირო საშუალებების, ასევე კომპანიის კუთვნილი ელექტრომეურნეობის მდგომარეობის ტექნიკურ რეგლამენტებთან/სტანდარტებთან შესაბამისობაში მოყვანა.გარდა ამისა, არაუგვიანეს 2026 წლის 31 დეკემბრისა, კომპანიამ, ყველა საჭირო სახელმწიფო, მუნიციპალურ და კერძო სამსახურებთან შეთანხმებით, უნდა უზრუნველყოს მდინარე მტკვარზე არსებული აკვედუკი 5-ის საქართველოში მოქმედ ტექნიკურ სტანდარტებთან, სამშენებლო ნორმებთან და წესებთან შესაბამისობაში მოყვანა.შპს „ჯორჯიან უოთერ ენდ ფაუერს“ დაევალა სამუშაოების დასრულების შემდგომ სემეკში წარადგინოს აკრედიტებული ორგანოს მიერ მომზადებული, საქართველოში მოქმედ ტექნიკურ რეგლამენტებსა და სტანდარტებთან წყალმომარაგების სისტემის შესაბამისობის დამადასტურებელი დოკუმენტი.

1792059936

გენადი არველაძემ, მინისტრის მოადგილე ინგა ფხალაძესთან ერთად საქართველოს ენერგეტიკული სექტორის წარმომადგენლებს ჰიდროტექნიკური ნაგებობების უსაფრთხოების ტექნიკური რეგლამენტის პროექტი გააცნო."როდესაც ენერგეტიკის სექტორის პრიორიტეტულობაზე ვაკეთებთ აქცენტს, მნიშვნელოვანია ამ დარგში უსაფრთხოების ნორმების დაცვა და საკანონმდებლო დონეზე მისი დარეგულირება. ტექნიკური რეგლამენტი უზრუნველყოფს მონიტორინგს და ტექნიკურ ზედამხედველობას როგორც ექსპლუატაციაში შესული ჰესების, ასევე იმ სადგურების, რომლებიც სამომავლოდ აშენდება" - აღნიშნა მინისტრის მოადგილემ.მინისტრის მოადგილის თქმით, ტექნიკური რეგლამენტის პროექტის მომზადებაში საერთაშორისო ექსპერტებთან ერთად პროფილური ბიზნესიც აქტიურად მონაწილეობდა."ბიზნესის ჩართულობა იყო ძალიან მნიშვნელოვანი, რათა მოგვესმინა მათი მოსაზრებები. თუმცა ასევე ხაზგასასმელია, რომ აღნიშნული ტექნიკური რეგლამენტი საერთაშორისო საუკეთესო პრაქტიკის შესაბამისად იქნა მომზადებული საერთაშორისო ექსპერტების ჩართულობით," აღნიშნა მინისტრის მოადგილემ.გენადი არველაძის თქმით, ახალი რეგულაციის ამოქმედება უზრუნველყოფს ჰიდროტექნიკური ენერგეტიკული ობიექტების უსაფრთხო ფუნქციონირებასა და მართვას, რაც პირდაპირ კავშირშია ადამიანის სიცოცხლის, ჯანმრთელობის და გარემოს დაცვასთან.

1791975914

„სტატია მომზადდა „შოთა რუსთველის ეროვნული სამეცნიერო ფონდის“ მიერ ორგანიზებული ფუნდამენტური კვლევების სამეცნიერო გრანტების სახელმწიფო კონკურსის ფარგლებში („კვლევა საქართველოს ენერგეტიკული სექტორის უსაფრთხოების შესახებ“, 2023-2026, გრანტი No-FR-23-8182)“საქართველო, როგორც ენერგეტიკული თანამეგობრობის წევრი სახელმწიფო,  უნიკალურ სიტუაციაში იმყოფება მისი გეოგრაფიული მდებარეობის გამო, ვინაიდან  არ აქვს საერთო სახმელეთო ან საზღვაო საზღვარი რომელიმე კონტრაქტორ მხარესთან ან ევროკავშირის წევრ სახელმწიფოსთან. ინტეგრირებული ენერგეტიკული ბაზრისა და ქსელური სინქრონული/ასინქრონული კავშირების სარგებლის არქონის პირობებში ენერგოუსაფრთხოება ქვეყნის უმნიშვნელოვანეს პრიორიტეტს წარმოადგენს. ასევე ნათელია, რომ საქართველოს შესაძლებლობები შეზღუდულია გეოგრაფიული მდებარეობის და ეკონომიკური/ფინანსური შესაძლებლობების გათვალისწინებით. ენერგეტიკული უსაფრთხოების სტრატეგიების შემუშავება, პირველ რიგში, ეფუძნება შესაბამისი გამოწვევების იდენტიფიცირებას და აგრეთვე ენერგეტიკული გარდაქმნის ევროპული პოლიტიკის ინოვაციურ მიდგომებს, რომლებიც სრულად ასახავს საქართველოში ენერგეტიკის სექტორის განვითარების  ინტერესებსა და მიმდინარე ტენდენციებს.განახლებადი ელექტროენერგიის წყაროების საშუალებით ელექტროენერგიის წარმოება მნიშვნელოვნად ამცირებს ატმოსფეროს დაბინძურების რისკებს. ამასთან, იმ ქვეყნებისთვის, მათ შორის, საქართველოსთვის, რომლებიც არ ფლობენ ნახშირწყალბადოვან რესურსებს და ამ კუთხით დამოკიდებული არიან იმპორტზე, აღნიშნული ტექნოლოგიები ქმნის ახალ შესაძლებლობებს საკუთარი ელექტროენერგიის წარმოებისა და იმპორტზე დამოკიდებულების შემცირების მიმართულებით. განახლებადი ელექტროენერგიის წარმოების პროცესს ახასიათებს ძლიერი ცვალებადობა  და ისეთ ფაქტორებზე  დამოკიდებულება, როგორიცაა სეზონი,  ამინდი, დღის მონაკვეთი და ა.შ. ვინაიდან მზისა და ქარის სადგურების უმეტესობა ელექტროენერგიის წარმოების პროცესში იყენებს გარდამქმნელებს (ინვერტორებს), ელექტროენერგეტიკული სისტემის ინერციის დონე მცირდება. განახლებადი ელექტროენერგიის წარმოების საშუალებებმა, რომლებიც ლოკალიზებულია ქსელის კონკრეტულ არეალში, შესაძლებელია გამოიწვიოს ძაბვის პრობლემები ქსელის ფუნქციონირების პროცესში.აღნიშნული ქმნის ენერგოუსაფრთხოების ისეთ პრობლემებს, როგორიცაა სისტემის მდგრადობა, უბალანსობა, მიწოდების უწყვეტობა და ხარისხი, დანაკარგების ზრდა და სხვა ტექნიკური ხასიათის პრობლემები როგორც ენერგოსისტემის, ისე მომხმარებლების ელექტროდანადგარებში. განახლებადი ენერგიების ინტეგრაცია განახლებადი ელექტროენერგიის წყაროებით ელექტროენერგიის წარმოების პროცესში წარმოქმნილი უბალანსობის აღმოფხვრის მიზნით სისტემაში შესაძლებელია გამოყენებულ იქნეს ელექტროენერგიის შემნახველი ბატარეები, მარეგულირებელი ჰესები და ჰიდრომააკუმულირებელი სადგურები. ზემოხსენებულთაგან ელექტროენერგიის შემნახველი ბატარეები ერთ-ერთი ეფექტური საშუალებაა უბალანსობის შემცირების პროცესში, რადგან აღნიშნული, განსხვავებით მარეგულირებელი ჰესებისგან, შესაძლებელია გამოყენებულ იქნეს როგორც ლოკალურად ელექტროენერგიის მწარმოებლების, ისე მასშტაბურად სისტემის ოპერატორის მიერ. ძაბვის პრობლემების წარმოქმნისა და ელექტროგადამცემი ხაზების გადატვირთვის თავიდან აცილების მიზნით მნიშვნელოვანია ცვლადი განახლებადი ელექტროენერგიის წყაროების ქსელზე მიერთება განხორციელდეს წინასწარ განსაზღვრული გეგმის შესაბამისად, სისტემის შესაძლებლობების ანალიზის შემდეგ.განახლებადი ელექტროენერგიის მწარმოებლების მიერ სისტემის ინერციისა და საბოლოოდ ელექტროენერგეტიკული სისტემის მდგრადობის შემცირების პრევენციის მიზნით მიზანშეწონილია ქსელში გამოყენებული იყოს ისეთი ტიპის ინვერტორები, რომლებსაც შეუძლიათ ქსელის კვანძებში ძაბვის კონტროლი, სისტემის სიხშირის ცვლილებაზე რეაგირება და სისტემაში ტრადიციული წყაროების (ჰიდრო და თბო) მსგავსი ინერციის შექმნა. ჰარმონიკების ქსელში მოხვედრისა და სინუსოიდის დამახინჯების თავიდან აცილების მიზნით მიზანშეწონილია ქსელზე მიერთებულ განახლებადი ელექტროენერგიის წყაროებს გააჩნდეთ ფილტრები, რომელთა საშუალებითაც განხორციელდება 50/60 ჰც-დან განსხვავებული სიხშირის მქონე ჰარმონიკების გაფილტვრა.2. ტრანსსასაზღვრო ვაჭრობარეგიონული თანამშრომლობა და ენერგომატარებლებით ტრანსსასაზღვრო ვაჭრობა ქვეყნის ენერგეტიკული უსაფრთხოების უზრუნველყოფისა და ეკონომიკური სარგებლის მიღების მნიშვნელოვანი მიმართულებაა. მეტიც, იგი რეგიონული და გლობალური პოლიტიკური სტაბილურობის განმსაზღვრელი  უმნიშვნელოვანესი ფაქტორია.  ქვეყნის ენერგოუსაფრთხოების  ერთ-ერთი განმსაზღვრელი ფაქტორი მისი იმპორტზე დამოკიდებულება და არაშენახვადი ენერგორესურსების სიჭარბის ეფექტური ექსპორტია. საქართველოს შემთხვევაში პრობლემატურია ჰიდრორესურსების დაღვრა, რაც ენერგოსისტემაში არც თუ იშვიათი მოვლენაა და საჭიროებს კომპლექსური ტექნიკური, ეკონომიკური და ორგანიზაციული ღონისძიებების გატარებას, მათ შორის:- მცირე სეზონური ჰიდროელექტროსადგურებისათვის გამომუშავების ეფექტური რეალიზაციის მექანიზმების შეთავაზებას (აგრეგირება და მარკეტინგული კვლევა);- ჰიდრორესურსების მოკლე და საშუალოვადიანი პროგნოზების  სისტემების განვითარებას (გამომუშავების დაგეგმვა);- მეზობელ ქვეყნებთან ტრანსსასაზღვრო თანამშრომლობის კონტრაქტების (ინტერკონექციის და ვაჭრობის) დადებას და ბაზრების ინტეგრაციის მიმართულებით ნაბიჯების გადადგმას.ტრანსსასაზღვრო ვაჭრობის  განვითარების ერთ-ერთი უმთავრესი კომპონენტი შესაბამისი ინფრასტრუქტურის არსებობაა, რაც მოიცავს მაღალი და ზემაღალი ძაბვის გადამცემ ქსელს, მაღალი წნევის მილსადენებისა და ენერგომატარებლების ტრანსპორტირებისა და გაცვლის სხვა საშუალებებს.ტრანსსასაზღვრო ინფრასტრუქტურის ერთობლივი განვითარება არის რეგიონული პოლიტიკური სტაბილურობისა და ენერგეტიკული უსაფრთხოების უზრუნველყოფის ერთ-ერთი ყველაზე ეფექტური საშუალება, გასაკუთრებით საქართველოს ელექტროენერგეტიკული ინფრასტრუქტურისათვის, რადგან საქართველოს  ენერგეტიკული პოლიტიკა  მიმართულია ქვეყნის სატრანზიტო შესაძლებლობების გაძლიერებისა და მის რეგიონულ ენერგეტიკულ ჰაბად ქცევისაკენ, რასაც ხელს უწყობს ინფრასტრუქტურის არსებული მდგომარეობა და განვითარების გეგმები. გარდა ინფრასტრუქტურის განვითარებისა, აღსანიშნავია, რომ ენერგოუსაფრთხოების გასაზრდელად აუცილებელია მეზობელ ქვეყნებთან მოქნილი ხელშეკრულებების არსებობა. საქართველოს მეზობელ ქვეყნებთან გააჩნია სინქრონული ოპერირებისა და ავარიული დახმარების ხელშეკრულებები, რომლებიც უზრუნველყოფს დადგენილი წესებითა და პროცედურებით ურთიერთდახმარებას. აუცილებელია ამ მიმართულებით სამუშაო პროცესის გაღრმავება, რაც  გაზრდის რეგიონალურ უსაფრთხოებას. აქვე ხაზი უნდა გაესვას იმ ფაქტს, რომ ტრანზიტის განხორციელების უმთავრესი მამოძრავებელია ეკონომიკური სარგებელი როგორც ტრანზიტის მხარეებს შორის, ასევე იმ ქვეყნების მხრიდანაც, რომლებიც სარგებელს იღებენ ტრანზიტის ინფრასტრუქტურის გამოყენების საფასურიდან.3. ბაზრის ლიბერალიზაციაXXI საუკუნის ახალ რეალობებში, როდესაც გადამწყვეტი როლი უჭირავს გლობალურ ენერგეტიკულ კონკურენციას, განახლებადი წყაროების სწრაფ განვითარებას, ტექნოლოგიური ცვლილებების მაღალ ტემპს და გეოპოლიტიკურ დაძაბულობას, ენერგეტიკული ბაზრების ლიბერალიზაციის საკითხმა თითქმის ყველა სახელმწიფოს დღის წესრიგში წამოიწია.ლიბერალიზაციის ერთ-ერთი უმთავრესი დადებითი შედეგია ენერგიის წყაროების და მომწოდებლების დივერსიფიკაცია. კონკურენტულ ბაზარზე, სადაც რამდენიმე კომპანია აწვდის მომსახურებას, მომხმარებელი აღარ არის დამოკიდებული მხოლოდ ერთ მომწოდებელზე. ეს განსაკუთრებული მნიშვნელობისაა იმ სახელმწიფოებისთვის, რომელთა ენერგო მატარებლებისმიწოდება დამოკიდებულია გარე ქვეყნებზე. დივერსიფიკაცია ამცირებს როგორც პოლიტიკური ზეწოლის, ისე მიწოდების შეწყვეტის რისკს.ლიბერალიზებული ბაზრების ერთ-ერთი ყველაზე მწვავე პრობლემაა ფასების არასტაბილურობა. თუ სახელმწიფო ტარიფების სტაბილურობას აღარ უზრუნველყოფს, ფასი შეიძლება გლობალური მოვლენების გავლენით მნიშვნე-ლოვნად გაიზარდოს, რაც განსაკუთრებული ტვირთია როგორც დაბალშემოსავლიანი ოჯახებისთვის, ასევე მცირე ბიზნესისა და ზოგადად შეზღუდული ენერგორესურსების მქონე ქვეყნებისთვის.საბოლოო ჯამში, ლიბერალიზაციის პროცესში ენერგეტიკული უსაფრთხოების კუთხით საუკეთესო შედეგი მიიღწევა მხოლოდ იმ შემთხვევაში, თუ ლიბერალიზაცია განხორციელდება მკვეთრი სახელმწიფო პოლიტიკის, ძლიერი რეგულაციების, სოციალური დაცვის, ტექნოლოგიური ინოვაციებისა და გრძელვადიანი უსაფრთხოების სტრატეგიებთან ერთად.4. ენერგოობიექტების ტექნიკური უსაფრთხოება და სახელმწიფო ზედამხედველობა.ენერგეტიკული ინფრასტრუქტურისა და ობიექტების, რომლებიც გამოიყენება ენერგიის წარმოების, გადაცემის, განაწილების მიზნით, მდგრადობა ბუნებრივი კატასტროფების, გეოპოლიტიკური მოვლენებისა და ტექნიკური ხასიათის შეფერხებებისადმი და მათი უსაფრთხო ექსპლუატაცია არის ქვეყნის  ენერგეტიკული უსაფრთხოების უმნიშვნელოვანესი კომპონენტი.საქართველო განახლებადი რესურსებით მდიდარი ქვეყანაა. განსაკუთრებული ადგილი ქვეყნის ენერგორესურსებს შორის ეკუთვნის ჰიდრორესურსებს, რომლებიც ქვეყნისათვის უმნიშვნელოვანეს, სასიცოცხლოდ აუცილებელ როლს თამაშობს, მათ შორის, ენერგეტიკული უსაფრთხოებისა და დამოუკიდებლობის კუთხით. ამავდროულად, ჰიდროტექნიკური ნაგებობების მშენებლობასა და მათ შემდგომ ექსპლუატაციასთან დაკავშირებულია გარკვეული საფრთხეები, განსაკუთრებით რთულ რელიეფურ პირობებში (ქვეყნის ტერიტორიის 70% მთაგორიან ტერიტორიებზე მოდის).საქართველოში, მიუხედავად იმისა, რომ ჰიდრორესურსების მხოლოდ 20% არის ათვისებული, მრავლადაა მომეტებული ტექნიკური საფრთხის შემცველი ობიექტები (17-კაშხლიანი წყალსაცავი).  საქართველოს „ძველი“ ჰიდროსადგურების საშუალო ასაკი, რომელთა დადგმული სიმძლავრე ჯამურის 80-85%-ს შეადგენს,  60 წელს აჭარბებს.  ასეთი დიდი ასაკის გამო ისინი უახლოვდებიან თავიანთ  კრიტიკულ საპროექტო საექსპლუატაციო ვადას. გლობალური სტატისტიკით, სწორედ ამ პერიოდში გვხდება მრავალი ინციდენტი, რაც აშკარად  მიუთითითებს  საიმედოობისა და უსაფრთხოების პარამეტრების გაუარესებაზე.ენერგეტიკული ობიექტების უსაფრთხოება ქვეყნისათვის, რომლის ენერგორესურსების დაახლოებით 80% ჰიდრორესურსებზე მოდის და რომელიც, თავისი გეოპოლიტიკური მდებარეობიდან გამომდინარე, წარმოადგენს ჩრდილო-აღმოსავლეთიდან სამხრეთ-დასავლეთისკენ ენერგორესურსების გადაადგილების მთავარ კორიდორს, არა მარტო ენერგეტიკული პოლიტიკისა და ენერგეტიკული უსაფრთხოების, არამედ ქვეყნის უსაფრთხოების პოლიტიკის  საკვანძო საკითხია.ქვეყანაში მოქმედი კანონმდებლობით ტექნიკური და სამშენებლო ზედამხედველობის სააგენტო  წარმოადგენს ე.წ. „მაკონტროლებელ ორგანოს“ და  დადგენილი წესით უნდა ახორციელებდეს მომეტებული ტექნიკური საფრთხის შემცველი ობიექტების სახელმწიფო კონტროლსა და ზედამხედველობას. ასევე სააგენტოს უფლებამოსილებაა აღნიშნული  ობიექტების ტექნიკური რეგლამენტის მოთხოვნებთან შესაბამისობის დოკუმენტური კონტროლი, განხორციელებული ტექნიკური ინსპექტირების ოქმებისა და ინსპექტირების ორგანოების ანგარიშების ანალიზის საფუძველზე. მიმდინარე მომენტისათვის კანონმდებლობით განსაზღვრული მექანიზმი ჯერ კიდევ არ მუშაობს ეფექტურად და ამ კუთხით ენერგოობიექტების უსაფრთხო ექსპლუატაცია არ არის უზრუნველყოფილი. ხაზგასმით უნდა აღინიშნოს, რომ  გადაუდებელი ამოცანაა ქვეყანაში არსებული მომეტებული ტექნიკური საფრთხის შემცველი ობიექტების სახელმწიფო კონტროლისა და ზედამხედველობის  არსებული მდგომარეობის დეტალური შესწავლა, ღონისძიებების განსაზღვრა, კანონმდებლობისა და საუკეთესო საერთაშორისო პრაქტიკის შესაბამისად, ჰიდროტექნიკური ნაგებობების კონტროლის ეფექტიანი ფუნქციონირების უზრუნველსაყოფად.ბიბლიოგრაფია საქართველოს ენერგეტიკული სტრატეგია 2014-2020. სექტემბერი, 2014 ქვეყნის ენერგეტიკული სტრატეგია საერთაშორისო გამოცდილების მიმოხილვა. მსოფლიო გამოცდილება საქართველოსთვის. თბილისი 2013. საქართველოს დაბალემისიანი განვითარების სტრატეგია. 2023 მიწოდების უსაფრთხოების ანგარიში ელექტროენერგეტიკულ სექტორში 2024. დ. ჩომახიძე საქართველოს ენერგეტიკული უსაფრთხოება. თბილისი, უნივერსალი, 2011 McKinsey’s Global Energy Perspective 2025 Dennis Pamlin and Jay Hennessy,Energy Innovation for the 21st and 22nd Century. 2025 Summit on the Future of Energy Security. Background paper. INTERNATIONAL ENERGY AGENCY. April 2025 https://gnerc.org/ge/commission/commission-reports/tsliuri-angarishebi https://www.gse.com.ge/komunikacia/publikaciebi/saqartvelos-gadamcemi-qselis-ganvitarebis-atwliani-gegma.

1791876709

სემეკის ელექტროენერგეტიკის დეპარტამენტის მიერ განხორციელებული კვლევის შედეგად გამოვლინდა, რომ 2025 წელს, 2024 წელთან შედარებით გაუარესდა ერთ მომხმარებელზე ელექტროენერგიით მომარაგების წყვეტის საშუალო სიხშირის (SAIFI) მაჩვენებლები.კომისიის გადაწყვეტილებით, ელექტროენერგიით მომარაგების საიმედოობის 2025 წლის მაჩვენებლების გაუარესება 2024 წლის მაჩვენებლებთან შედარებით მიჩნეულ იქნა სემეკის მიერ დამტკიცებული ნორმატიული აქტისა და სალიცენზიო პირობების დარღვევად, რის გამოც, კომპანიას ფულადი ჯარიმა დაეკისრა.

1791459272

შპს „ყამარი მ“-ის სალიცენზიო არეალში არსებული მომხმარებლების უწყვეტი, საიმედო და უსაფრთხო გაზმომარაგების უზრუნველყოფის მიზნით, კომისიის გადაწყვეტილებით, შპს „თბილისი ენერჯის“ დაევალა ბუნებრივი გაზის მიწოდებისა და განაწილების მომსახურების განხორციელება იმ მომხმარებლებისთვის, რომელთა გაზმომარაგებასაც შპს „ყამარი მ“ უზრუნველყოფდა. ამ ეტაპზე მიმდინარეობს მომხმარებლებისთვის ბუნებრივი გაზის მიწოდების ეტაპობრივი აღდგენის პროცესი.შპს „ყამარი მ“-ისთვის ბუნებრივი გაზის განაწილების ლიცენზიის გაუქმების გადაწყვეტილება განპირობებულია კომპანიის მიერ მომხმარებლებისთვის ბუნებრივი გაზით უწყვეტი და საიმედო მომარაგების ვალდებულების შეუსრულებლობით. მომხმარებლების ბუნებრივი გაზით უწყვეტი და საიმედო მომარაგების ვალდებულების შესრულების მიზნით, შპს „ყამარი მ“-სა და საბითუმო მიმწოდებელ შპს „სოკარ გაზ ექსპორტ-იმპორტს“ შორის გაფორმებული ბუნებრივი გაზის ნასყიდობის ხელშეკრულებით გათვალისწინებული ვალდებულებების არაჯეროვანი შესრულებისა და მიწოდებული ბუნებრივი გაზის საფასურის გადაუხდელობის შედეგად, შპს „ყამარი მ“-ს შპს „სოკარ გაზ ექსპორტ-იმპორტის“ მიმართ მნიშვნელოვანი ოდენობის დავალიანება დაუგროვდა. აღნიშნული დავალიანების გამო, 2026 წლის 5 ოქტომბერს შპს „ყამარი მ“-ს ბუნებრივი გაზის მიწოდება შეუწყდა.

1791374705

ამასთანავე, სემეკში ჩაინიშნა საჯარო სხდომა, სადაც განიხილება შპს “ყამარი მ“ -ს ბუნებრივი გაზის განაწილების ლიცენზიის გაუქმებისა და აბონენტების  გაზმომარაგების უზრუნველყოფის მიზნით შპს „თბილისი ენერჯისათვის“ შესაბამისი მომსახურების გაწევის ვალდებულების დაკისრების საკითხი.შპს „ყამარი მ“-ს მომხმარებლებისათვის ბუნებრივი გაზის გათიშვის მიზეზს წარმოადგენს კომპანიის დავალიანება შპს „სოკარ გაზ ექსპორტ-იმპორტის“ მიმართ.  შპს „ყამარი მ“-ს სალიცენზიო არეალში მომხარებლების ბუნებრივი გაზით უწყვეტი მომარაგების უზრუნველსაყოფად, კომპანიასა და საბითუმო მიმწოდებელ შპს „სოკარ გაზ ექსპორტ-იმპორტს“ შორის გაფორმებულია ბუნებრივი გაზის ნასყიდობის ხელშეკრულება. ხელშეკრულებით ნაკისრი ვალდებულებების არაჯეროვანი შესრულებისა და მიწოდებული ბუნებრივი გაზის საფასურის გადაუხდელობის გამო, შპს “ყამარი მ“-ს  შპს „სოკარ გაზ ექსპორტ-იმპორტის“ წინაშე წარმოექმნა მსხვილი დავალიანება. აღნიშნული დავალიანების გამო, შპს „ყამარი მ“-ს 2026 წლის 5 ოქტომბერს შეუწყდა ბუნებრივი გაზის მიწოდება.შპს „ყამარი მ“ ახორციელებს ბუნებრივი გაზის განაწილებას  თბილისში, ე.წ. მუხიანისაგარაკების ტერიტორიაზე.

1791284196