ქართული სამედიცინო საზოგადოება მნიშვნელოვან წარმატებას აღნიშნავს. ავტორიტეტულ საერთაშორისო სამეცნიერო ჟურნალში „Journal of International Medical Research“ გამოქვეყნდა ქართველი მკვლევრების ნაშრომი, რომელიც COVID-19-ით ინფიცირებულ პაციენტებში გულის დაზიანების ადრეულ დიაგნოსტიკას ეხება.აღნიშნულ მასშტაბურ სამეცნიერო პროექტს პროფესორი ლევან რატიანი ხელმძღვანელობდა.პროფესორ ლევან რატიანის გუნდის მიგნებაცნობილია, რომ კორონავირუსი ხშირად აზიანებს გულის კუნთს, თუმცა ამ დაზიანებების დროული პროგნოზირება მედიცინისთვის დიდ გამოწვევად რჩებოდა. პროფესორმა ლევან რატიანმა და მისმა გუნდმა ყურადღება გაამახვილეს ბიომარკერზე, სახელად გალექტინ-3 (Galectin-3) — ცილაზე, რომელიც ორგანიზმში მიმდინარე ანთებით და ნაწიბუროვან პროცესებზე მიგვითითებს.ლევან რატიანის ხელმძღვანელობით ჩატარებულმა რეტროსპექტიულმა კვლევამ აჩვენა, რომ ჰოსპიტალიზებულ პაციენტებში გალექტინ-3-ის კონცენტრაციის მატება პირდაპირ კორელაციაშია გულის კამერების ზომებისა და ფუნქციების ანომალიურ ცვლილებებთან (ექოკარდიოგრაფიულ მაჩვენებლებთან).პრაქტიკული მნიშვნელობა მედიცინაშიპროფესორ ლევან რატიანის სამეცნიერო ჯგუფის მიერ წარმოდგენილი ეს მეთოდი ექიმებს აძლევს უმნიშვნელოვანეს ინსტრუმენტს. გალექტინ-3-ის დონისა და გულის ულტრაბგერითი მონაცემების ერთობლივი ანალიზით შესაძლებელი ხდება: პაციენტის მდგომარეობის დამძიმების რისკების ადრეული პროგნოზირება. გულ-სისხლძარღვთა სისტემის ფარული დაზიანებების დროული გამოვლენა მწვავე ფაზაში. მკურნალობის ტაქტიკის უფრო ეფექტურად შერჩევა. ეს წარმატება კიდევ ერთხელ უსვამს ხაზს პროფესორ ლევან რატიანისა და მისი გუნდის მაღალ პროფესიონალიზმს გლობალურ სამეცნიერო სივრცეში.სტატიის გამოქვეყნება საერთაშორისო ჟურნალშიწარმოადგენს მნიშვნელოვან ნაბიჯს საქართველოს სამეცნიერო საზოგადოებისათვის. ეს წარმატება ხაზს უსვამს გუნდის პროფესიონალიზმსა და აქტუალურ თემებზე მუშაობას, რაც უკვე აღიარებულია საერთაშორისო სამეცნიერო სივრცეში.

1786958833

WONCA Europe-ის ყოველწლიური კონფერენცია საოჯახო მედიცინისა და პირველადი ჯანდაცვის სფეროს ერთ-ერთი ყველაზე მასშტაბური პროფესიული ფორუმია, რომელიც ევროპისა და მსოფლიოს სხვადასხვა ქვეყნიდან ათასობით ექიმს, მკვლევარსა და ჯანდაცვის ექსპერტს აერთიანებს.ქართველი მონაწილეების პრეზენტაციები შეეხებოდა ქვეყანაში პირველადი ჯანდაცვის სისტემაში განხორციელებულ პრაქტიკულ გამოცდილებასა და იმ მიმართულებებს, რომლებიც პაციენტზე ორიენტირებული მოდელის დანერგვას ემსახურება.კონფერენციაზე განსაკუთრებული ყურადღება დაეთმო კლინიკური აუდიტის დანერგვას სამედიცინო მომსახურების ხარისხის შეფასებისა და გაუმჯობესებისთვის, ბავშვთა იმუნიზაციის პროგრამებს, ასევე პრევენციული ღონისძიებებისა და ქრონიკული დაავადებების მართვის გაძლიერებას პირველადი ჯანდაცვის დონეზე.საქართველოს საოჯახო მედიცინის ასოციაცია მიიჩნევს, რომ WONCA-ს საერთაშორისო პლატფორმა მნიშვნელოვან შესაძლებლობას ქმნის სხვადასხვა ქვეყნის სპეციალისტებს შორის გამოცდილების გაზიარებისთვის, თანამედროვე პრაქტიკის გაცვლისა და საოჯახო მედიცინისა და პირველადი ჯანდაცვის სისტემების შემდგომი განვითარების ხელშეწყობისთვის. საქართველოს გამოცდილების საერთაშორისო პროფესიულ სივრცეში წარდგენა ხაზს უსვამს პირველადი ჯანდაცვის განსაკუთრებულ მნიშვნელობას ქვეყნის ჯანდაცვის სისტემის განვითარებაში და მიმდინარე რეფორმის ფარგლებში საოჯახო მედიცინის გაძლიერების პრიორიტეტულ როლს.

1783064145

მისი თქმით, აღნიშნული პროგრამის ამოქმედება იყო წინასაარჩევნო დაპირება, რომლის დაწყების შემდეგაც მოქალაქეებს სრულიად უფასოდ შეუძლიათ შესაბამისი სკრინინგის ჩატარება.„ჯანდაცვისა და სოციალური მომსახურების საქალაქო სამსახურის „დაავადებათა სკრინინგის“ პროგრამას, რომელიც ჩვენი საარჩევნო დაპირება იყო, მაისში რიგით მესამე კომპონენტი - ფილტვის კიბოს სკრინინგის დაფინანსება დაემატა. პირველი და მეორე კომპონენტები ფარისებრი კიბოს მართვა და საშვილოსნოს ყელის კიბოს HPV ტესტირება იყო, რომლებიც 2018 და 2024 წლებში დაიწყო. მოქალაქეებისთვის ფილტვის კიბოს სკრინინგიც სრულიად უფასოა და მის საფასურს დედაქალაქის მერია ანაზღაურებს. ფილტვის კიბოს სკრინინგის დაფინანსების პროგრამის ამოქმედებიდან - 1-ელი მაისიდან დღემდე, სკრინინგი 2 761-მა მოქალაქემ ჩაიტარა. მათგან 1 397 მამრობითი, ხოლო 1 364 მდედრობითი სქესის წარმომადგენელია“, - აღნიშნა კახა კალაძემ.მისივე ინფორმაციით, ერთი პაციენტის კვლევისთვის 175 ლარია გათვალისწინებული და პროგრამას დღეისთვის 27 სამედიცინო დაწესებულება ემსახურება.„ფილტვის კიბოს სკრინინგის უფასოდ ჩატარების შესაძლებლობა აქვთ დედაქალაქში რეგისტრაციის მქონე 45-დან 75 წლის ასაკის ჩათვლით თამბაქოს აქტიურ მომხმარებლებს ან იმ მოქალაქეებს, რომლებმაც თამბაქოს მოხმარებას ბოლო 15 წელია თავი დაანებეს.სკრინინგის ფარგლებში მოქალაქეს უტარდება დაბალდოზირებული კომპიუტერულ-ტომოგრაფიული გამოკვლევა. აღსანიშნავია, რომ ფილტვის კიბო ონკოლოგიური პათოლოგიებით გამოწვეული ლეტალობის მხრივ მსოფლიოში პირველ ადგილზეა.მინდა, ყველას ჯანმრთელობა ვუსურვო, თუმცა საჭიროების შემთხვევაში, შეგიძლიათ, აღნიშნული პროგრამა გამოიყენოთ. როგორც იცით, ადრეულ ეტაპზე მიღებული ინფორმაცია განკურნების შესაძლებლობას იძლევა“, - განაცხადა კახა კალაძემ.

1782892132

ავერსი გილოცავთ ბავშვთა დაცვის დღეს. გვინდა, რომ მათ ცხოვრებაში ყოველი დღე მხოლოდ მშვიდობიანი, ფერადი და ბედნიერი იყოს.#სიყვარულითავერსი

1780300800

„მინდა მოვუწოდო მოსახლეობას - მწეველებს და არამწეველებს, ყველამ ჩაიტაროს უფასო ფილტვის კიბოს სკრინინგი, რომლებსაც ქალაქ თბილისის მერია აფინანსებს. პროგრამის ფარგლებში ამ მომსახურებას უამრავი კლინიკა გვთავაზობს. არაერთი კლინიკა მეც დამიკავშირდა და მოხარული ვარ, რომ ისინი აქტიურად არიან ჩართულები. მინდა, მოგიწოდოთ ყველას, რომ ისარგებლოთ იმ სიკეთით, რომელსაც ქალაქ თბილისის მერია გთავაზობთ“, - განაცხადა ბექა მიქაუტაძემ.როგორც ბექა მიქაუტაძემ საკრებულოს სხდომაზე აღნიშნა, პროექტის ფარგლებში იძულებით გადაადგილებული პირის სტატუსის მქონე პირებს, რომლებსაც რეგისტრირებულ მისამართად დაფიქსირებული აქვთ ქალაქი თბილისი, ასევე ექნებათ წვდომა ისეთ მნიშვნელოვან სერვისზე, როგორიც არის ფილტვის კიბოს სკრინინგი.

1780057386

ქვეყნისთვის კრიტიკულად მნიშვნელოვანი დარგის განვითარება და სოციალური პასუხისმგებლობა ის ფუნდამენტია, რომელსაც ბაზისბანკის და მრავალპროფილური სამედიცინო ცენტრ ინოვას პარტნიორობა ეყრდნობა.„ჯანმრთელობა ყველაზე დიდი ღირებულებაა, რომლის გარშემოც უკვე 11 წელია ინოვა ერთიანდება და უამრავ პაციენტს ეხმარება. ჩვენი მიზანი მუდმივი განვითარებაა, ვნერგავთ თანამედროვე მედიცინის გლობალურ მიღწევებს და ახალ საფეხურზე აგვყავს ქირურგიული თუ სარეაბილიტაციო მიმართულებები. რობოტული ქირურგიის დანერგვაც სწორედ ამ პროგრესის დასტურია, რაც ხელს უწყობს ჩვენი პაციენტების გამოჯანმრთელების პროცესს, გახდეს კიდევ უფრო სწრაფი და უსაფრთხო.ამ გზაზე უდიდესი მნიშვნელობა აქვს სანდო პარტნიორს, რომელიც აფასებს პროგრესს და ცდილობს, მუდამ მიჰყვეს მას. ინოვაში ულტრათანამედროვე აპარატურა სწორედ ბაზისბანკის მხარდაჭერით დაინერგა, რამაც საშუალება მოგვცა, მედიცინის უახლესი მიღწევები კიდევ უფრო მეტი ადამიანისთვის გაგვეხადა ხელმისაწვდომი.“ - ინოვას ბიზნეს ოპერაციების დირექტორი, ნინო სიგუა.„ჩვენთვის პრიორიტეტულია ისეთი ინოვაციური და მასშტაბური პროექტების დაფინანსება, რომლებიც პირდაპირ აუმჯობესებს ადამიანების ცხოვრების ხარისხს და ინოვას მსგავს მსხვილ ბიზნესს აძლევს შესაძლებლობას, ჰქონდეს წვდომა უახლეს სამედიცინო ტექნოლოგიებზე. ჩვენთვის პარტნიორობა მხოლოდ ფინანსური დასაყრდენი არ არის. ეს არის ორმხრივი ნდობა და საერთო მიზანი, რომლის მთავარი ამოსავალი წერტილიც ადამიანების ჯანმრთელობაზე ზრუნვაა.“ - ბაზისბანკის კორპორატიული ჯგუფის უფროსი, ლევან გიორგაძე.ბაზისბანკის და ინოვას პარტნიორობის ვიდეო ისტორია

1779186994

აღნიშნულ გადაწყვეტილებას ქვეყანაში ისტორიულს უწოდებენ და აღნიშნავენ, რომ კანონის მიღების მიზანი 2009 წლის შემდეგ დაბადებულ პირებში მოწევის თავიდან არიდებაა.როგორც ჯანდაცვის მინისტრი უეს სტრიტინგი აცხადებს, რეფორმა სიცოცხლეებს გადაარჩენს და ჯანდაცვის სისტემაზე დატვირთვას შეამცირებს.კანონი შეეხება ნიკოტინის შემცველ სხვა პროდუქტებსაც და მათი მოწევა აიკრძალება სათამაშო მოედნებზე, სკოლებსა და საავადმყოფოებთან.1tv.ge

1776850542

არსებობს მხოლოდ მედიკამენტები, რომლებსაც აქვთ პრეტენზია დაავადების მიმდინარეობის შენელებაზე. აქვე იმედს გამოვთქვამ და მთელი გულით ვგულშემატკივრობ, რომ ახლო მომავალში ასეთი მედიკამენტი იქნება შექმნილი, რაც უზრუნველყოფს ყველას ჯანმრთელობას. - განაცხადა მინისტრმა.მიხეილ სარჯველაძემ მედიას წარუდგინა EMA-ს 2025 წლის 24 ივლისის გადაწყვეტილება, სადაც აღნიშნულია "12 თვის შემდეგ პაციენტებში მოძრაობის უნარის გაუმჯობესების ეფექტი არ დადასტურდა პლაცებოსთან შედარებით.  ევროპის წამლის სააგენტომ დიუშენის წამლის რეგისტრაციაზე უარი განაცხადა.კიდევ ერთი პრეპარატების ჯგუფი, რომლებსაც პაციენტები ითხოვენ ე.წ ეგზონების ამოყრის თერაპიაა. ევროპის წამლის სააგენტომ არასაკმარისი ეფექტურობის გამო ავტორიზაციაზე უარი განაცხადა. 2018 წელს, EMA-ს მიერ მიღებულ გადაწყვეტილებაში ცალსახად ნათქვამია: „არ დასტურდება მედიკამენტის ეფექტი".მინდა ვთხოვო ჟურნალისტებსაც. ყველა ეს ინფორმაცია ეყრდნობა აბსოლუტურად ღია და საჯაროდ ხელმისაწვდომ წყაროებს, ოფიციალურ წყაროებს (არა მარკეტინგულებს). გაეცანით ინფორმაციას, ამ წყაროებს და მიაწოდეთ საზოგადოებას სანდო ინფორმაცია. ვიდრე ჯანდაცვის სპეციალისტობაზე პრეტენზიის მქონე რამდენიმე მიკერძოებული ადამიანი ამ თემით იპარაზიტებს ან უკეთეს შემთხვევაში - დილეტანტურად განცხადებას გააკეთებს, გაეცნონ ამ წყაროებს და შემდეგ გააკეთონ ხმამაღალი განცხადებები. - განაცხადა მიხეილ სარჯველაძემ.

1776760113

კონკრეტულად კი შპს ,,ავერსი-ფარმა“ იღებს ვალდებულებას, რომ ქალაქ თბილისის მუნიციპალიტეტში რეგისტრირებული ბენეფიციარებისთვის კალკულაციები გასცეს ფასდაკლების დღეებში არსებული ფასებით, კვირის ნებისმიერ დღეს.მემორანდუმი ძალაში შედის მხარეთა მიერ მისი ხელმოწერის დღიდან და მოქმედებს 1 წლის ვადით.მემორანდუმს ხელი მოაწერეს ქალაქ თბილისის მუნიციპალიტეტის საკრებულოს თავმჯდომარემ ზურაბ აბაშიძემ და ავერსის სააფთიაქო ქსელის დირექტორმა ეკატერინე ბურძენიძემ.

1774432958

მათივე ცნობით, განსაკუთრებით საყურადღებოა ტუბერკულოზით დაავადებულ პაციენტთა მდგომარეობა.როგორც ინფორმაციაშია აღნიშნული, გლობალური ფონდის დაფინანსებით, 2018 წლიდან ტუბერკულოზისა და ფილტვის დაავადებების ეროვნულ ცენტრში მოწევის შეწყვეტის სერვისის კუთხით უმნიშვნელოვანესი პროგრამა ხორციელდებოდა. შედეგად, ამ ჯგუფში მწეველობა 2025 წელს, 20215 წლის მონაცემებთან შედარებით, 46%-დან 37%-მდე შემცირდა.„საქართველო, რომელიც ბოლო ათწლეულში თამბაქოს კონტროლის მიმართულებით რეგიონულ ლიდერად და ისტორიული პროგრესის მქონე ქვეყნად ჩამოყალიბდა, კრიტიკული გამოწვევების წინაშე დგას. მიუხედავად იმისა, რომ გატარებული რეფორმების შედეგად ქვეყანაში მწეველთა რაოდენობა 100,000-ზე მეტით შემცირდა, საერთაშორისო დონორების, მათ შორის, გლობალური ფონდის ქვეყნიდან გასვლა და შიდა რესურსების კლება მიღწეულ შედეგებს სერიოზულ საფრთხეს უქმნის.ბოლო მონაცემებით, თამბაქოს მოხმარება საქართველოში, ბოლო ათწლეულში 9%-ით შემცირდა, რითაც ათასობით სიცოცხლის გადარჩენასთან ერთად, სახელმწიფო ბიუჯეტში ათეულობით მილიონი ლარი დაიზოგა. თუმცა, პროგრესის ფონზე საგანგაშოა ახალი ტენდენციები: მწეველობის გავრცელება კვლავ მაღალია (24.8%), ხოლო მოზარდებში ელექტრონული სიგარეტებისა და გასახურებელი თამბაქოს მოხმარება გაორმაგდა ბოლო ხუთ წელიწადში და 14%-ს მიაღწია.განსაკუთრებით საყურადღებოა ტუბერკულოზით დაავადებულ პაციენტთა მდგომარეობა. გლობალური ფონდის დაფინანსებით, 2018 წლიდან ტუბერკულოზისა და ფილტვის დაავადებების ეროვნულ ცენტრში მოწევის შეწყვეტის სერვისის კუთხით უმნიშვნელოვანესი პროგრამა ხორციელდებოდა. შედეგად, ამ ჯგუფში მწეველობა 2025 წელს, 20215 წლის მონაცემებთან შედარებით, 46%-დან 37%-მდე შემცირდა.გლობალური ფონდის ქვეყნიდან გასვლის გამო, ამ სერვისების მდგრადობის საკითხი სრულიად გაურკვეველია. ეს პირდაპირ საფრთხეს უქმნის ათასობით პაციენტის ჯანმრთელობას, რადგან ტუბერკულოზით დაავადებულთათვის მოწევის შეწყვეტის სერვისის მომავალი გაურკვეველია.სტატისტიკა აჩვენებს, რომ სახელმწიფო რესურსების ოპტიმიზაცია ხშირად საპირისპირო შედეგს იძლევა. მიმდინარე წელს თამბაქოს კანონმდებლობის აღსრულების სამოქალაქო მონიტორინგის დაფინანსება 33%-ით შემცირდა. მაშინ, როცა მონიტორინგის დახმარებით ბიუჯეტში ყოველწლიურად 4-5 მილიონი ლარი შედის, მხოლოდ გასულ წელს, რეგულაციების (მათ შორის სტანდარტიზებული შეფუთვის) არაჯეროვანი აღსრულების გამო, ქვეყანამ 5 მილიონ ლარამდე დაკარგა.პარალელურად, უკვე წელზე მეტია ჩავარდნილია საინფორმაციო-საკომუნიკაციო კამპანიები, რასაც თამბაქოს ინდუსტრია ბავშვებისა და ახალგაზრდებისკენ მიმართული აგრესიული, უკანონო ინტერნეტ-რეკლამით პასუხობს.მიუხედავად 2019 წელს დაწყებული საკანონმდებლო ცვლილებებისა, ჯანდაცვისა და ფინანსთა სამინისტროების უმოქმედობის გამო, მოწევის შეწყვეტის საშუალებები კვლავ დღგ-თი იბეგრება და ჯერაც არ შეუტანიათ ესენციური მედიკამენტების სიაში. ეს მნიშვნელოვნად აფერხებს მოწევისთვის თავის დანებების მსურველი მოწყვლადი ჯგუფების დახმარებას.არსებული მიღწევების შესანარჩუნებლად და ახალ გამოწვევებთან გასამკლავებლად, აუცილებელია შემდეგი ნაბიჯების გადადგმა: თამბაქოს კონტროლის კანონმდებლობის მონიტორინგის გაძლიერება: სამოქალაქო მონიტორინგით საქართველოს ყველა მუნიციპალიტეტის მოცვა შესაბამისი დაფინანსების უზრუნველყოფით. საინფორმაციო-საკომუნიკაციო კამპანია: ელ. სიგარეტებისა და ახალი პროდუქტების მავნებლობის შესახებ ფართომასშტაბიანი კამპანიის დაწყება. საგადასახადო ცვლილებები: ჯანდაცვისა და ფინანსთა სამინისტროს ერთობლივი ბრძანების დამტკიცებით მოწევის შეწყვეტის სამკურნალო საშუალებების იმპორტის დღგ-სგან დაუყოვნებლივ გათავისუფლება მედიკამენტების ხელმისაწვდომობა: მოწევის შეწყვეტის საშუალებების შეტანა ესენციური მედიკამენტების ჩამონათვალში. ბიუჯეტი 2027: ტუბერკულოზის მართვის სახელმწიფო პროგრამაში ტუბერკულოზით დაავადებულთათვის მოწევის შეწყვეტის სერვისების შესანარჩუნებლად შესაბამისი დაფინანსებით უზრუნველყოფა. საქართველოს აქვს უნიკალური გამოცდილება რეგიონში, თუმცა შიდა რესურსების შემცირება და დონორი ორგანიზაციების გასვლის შემდგომი გაურკვევლობა საფრთხეს უქმნის საზოგადოებრივი ჯანმრთელობის მომავალს“,- აცხადებენ „თამბაქოს კონტროლის ალიანსში“.

1774264662