მისივე თქმით, შეხვედრაზე შეთანხმებულ ფასებზე საუბარი არ ყოფილა.კურტანიძის განცხადებით, შეიქმნება საკოორდინაციო საბჭო, ხოლო ფარმაცევტული კომპანიების წარმომადგენლები წარადგენენ წინადადებებს იმის შესახებ, თუ როგორ შეიძლება მედიკამენტების გაიაფება.„შეხვედრა იყო ძალიან საინტერესო და ნაყოფიერი. პრემიერ-მინისტრმა, მინისტრებმა, მთავრობის წევრებმა და კომისიის წევრებმა მოგვისმინეს ძალიან ყურადღებით. ჩაინიშნეს ძალიან ბევრი საკითხი. ხელისუფლების მხრიდან გაჟღერდა, რომ ჩვენ წარვადგინოთ ყველა ის წინადადება, რომელიც ხელს შეუწყობს მედიკამენტების გაიაფებას.შეიქმნება საკოორდინაციო საბჭო. ჯანდაცვის სამინისტრო ნამდვილად ყველაფერს აკეთებს იმისათვის, რომ მედიკამენტების ფასი, რაც შეიძლება ხელმისაწვდომი იყოს მოსახლეობისთვის. ამას დაემატება სხვა სამინისტროებიც. შეიქმნება საკოორდინაციო საბჭო. ჩვენ წერილობით წარვადგენთ წინადადებებს რა შეიძლება გაკეთდეს ხელისუფლების მხრიდან, ჩვენი მხრიდან იმისთვის, რომ წამლის ფასი კიდევ უფრო ხელმისაწვდომი იყოს მოსახლეობისთვის. პირადად ძალიან კმაყოფილი ვარ იმით, რომ ხელისუფლებამ გამოთქვა სურვილი მზადყოფნა, ეს შემუშავებული წინადადებები რეალურად განხორციელდეს.წინა მინისტრმა მიიღო დადგენილება, რომლის მიხედვითაც, საქართველოში წამლების რეგისტრაცია არის მსოფლიოში უმკაცრესი. ამიტომ, ბევრი მწარმოებლის წამალი უახლოეს ხანებში, ვინაიდან ეს დადგენილება ძალაში შედის, [ორჯერ მოხდა მისი გადავადება მაგრამ..] აღარ იქნება ქვეყანაში, რომლებსაც აქვთ შედარებით დაბალი ფასი. მოსახლეობას მოუწევს მის მაგივრად ძვირადღირებული ანალოგის ყიდვა. გაუქმდება, შეიცვლება თუ გადახედვა მოხდება, სწორედ ამაზე მოვისმინეთ მთავრობიდან, რომ მოხდება ამის განხილვა. ეს არის 2024 წლის 29 თებერვლის დადგენილება. ასეთი საშუალებები, რომ როგორმე კიდევ უფრო გაიაფდეს მედიკამენტები, ერთობლივი მუშაობით ნამდვილად ბევრი გამოიკვეთება.ამჟამად საქართველოში ბრუნვაში არის 10 ათასი მედიკამენტი. 7 000 უკვე რეფერენტული ფასია. იმ 3 ათასსაც თანდათან ამატებს სამინისტრო. 7 ათასი პოზიციიდან, დღეს სხდომაზეც აღვნიშნე, რომ 20%-ზე მეტს ფარმაცევტული კომპანიები კონკურენციიდან გამომდინარე უფრო იაფად ვყიდით, ვიდრე რეფერენტული ფასებია. კონკურენცია ფარმაცევტულ სფეროში უმწვავესია. შეთანხმებულ ფასებზე ჩვენთან საუბარი არ ყოფილა“,- განაცხადა „ავერსის“ დამფუძნებელმა.

1769600009

მისივე თქმით, სამთავრობო საკოორდინაციო კომისიის მუშაობის მიზანია, მაქსიმალურად შემცირდეს მოსახლეობაზე წნეხი ფასებთან მიმართებაში.„სურსათის ფასებზე სამთავრობო საკოორდინაციო კომისიის მორიგი შეხვედრა გაიმართა, კომისიამ გააფართოვა თავისი მანდატი ორი მიმართულებით, ესენია მედიკამენტები და საწვავი. შეხვედრა იყო მედიკამენტების წარმომადგენლებთან, ასევე სააფთიაქო ქსელების წარმომადგენლებთან, ხელმძღვანელებთან.შეხვედრაზე შევთანხმდით იმასთან დაკავშირებით, რომ შესაძლებელია ფასების შემცირება. ამას სჭირდება გარკვეული მუშაობა, შესაძლოა რეგულაციების ცვლილებაც, რასთან დაკავშირებითაც აქტიურად იქნება ჯანდაცვის სამინისტროსთან კომუნიკაცია. ჩვენი მიზანია, მაქსიმალურად შემცირდეს მოსახლეობაზე წნეხი ფასებთან მიმართებაში და საბოლოო შედეგს მივაღწიოთ, მაქსიმალურად შევუმსუბუქოთ თითოეულ მოქალაქეს სოციალური ხარჯი,“- აღნიშნა ლევან ჟორჟოლიანმა.

1769599832

როგორც მან მთავრობის მიერ შექმნილი სამუშაო კომისიისა და ფარმაცევტული კომპანიების წარმომადგენლებთან შეხვედრის დაწყებამდე ჟურნალისტებთან აღნიშნა, მედიკამენტებზე უნდა დადგინდეს „სამართლიანი ფასი“.„თანამშრომლობის საფუძველზე რესურსი ყოველთვის არსებობს, საუბარია სამართლიან ფასებზე, რომელიც უნდა იყოს. საქართველოში ფასთა წარმოქმნის რეგულაციის პროცესი უკვე რამდენიმე წელია დაწყებულია. ალბათ, საუბარი არის პროცესის უფრო მეტად დახვეწაზე, მეთოდოლოგიის გაუმჯობესებასა და მედიკამენტების შემდეგ ჯგუფებში გავრცელებაზე. საქართველოში დაახლოებით 7 ათასი მედიკამენტი უკვე არის რეფერენტული ფასების სიაში, ეს იმას ნიშნავს, რომ ფასი რეგულირდება გარე რეფერენტული სისტემით, მაგრამ კიდევ ერთი მაგდენი, სავარაუდოდ, რჩება მიღმა. ალბათ, პირველ ეტაპზე უპრიანია ვისაუბროთ რეცეპტორულ მედიკამენტებზე, რომელიც გამოიყენება ქრონიკული დაავადებების სამკურნალოდ“, - განაცხადა ირაკლი მარგველაშვილმა.მისი თქმით, მნიშვნელოვანია სახელმწიფო პროგრამის განვითარება, რაც მედიკამენტებზე წვდომას უზრუნველყოფს. მისი განმარტებით, „უნდა დადგინდეს ის სამართლიანი ფასი, რაც სახელმწიფომ და თითოეულმა ჩვენგანმა უნდა გადაიხადოს მედიკამენტებში“. ირაკლი მარგველაშვილის განცხადებით, არ არსებობს იაფი და ძვირის კატეგორია, არამედ არსებობს “სამართლიანი ფასი“.“სამართლიანი ფასი საერთაშორისო სტანდარტებს უნდა შეესაბამებოდეს გეოგრაფიული მდებარეობიდან, მოწოდების გზებიდან გამომდინარე და ასე შემდეგ. ზუსტად ამისთვის არის ეს შეხვედრები, რომ დადგინდეს ის ფასი, რომელიც სამართლიანი იქნება საქართველოსთვის”, - განაცხადა ირაკლი მარგველაშვილმა.

1769596200

როგორც კოხრეიძემ პრემიერ-მინისტრსა და სააფთიაქო ქსელების წარმომადგენლებთან შეხვედრის დაწყებამდე ჟურნალისტებთან განმარტა, სავარაუდოდ, საუბარი იქნება არა მხოლოდ მედიკამენტების ფასებზე, არამედ ბავშვთა კვებაზეც."დაწყებულია წამლების შესახებ რეფორმა. სახელმწიფომ დააკორექტირა ფასი. დისტრიბუციაც და "რითეილიც" შეეგუა ამ ცვლილებას. ბოლო 2 წელია ჩვენ ამ ცვლილებებში ვართ. შესაბამისად, კიდევ მოვისმენთ, რა ცვლილებებზეა საუბარი. ორი სხვადასხვა თემაა, საკვები და წამლები. უკვე არსებობს სახელმწიფოს რეფორმა წამლების ფასთან დაკავშირებით, შესაბამისად, დღეს თუ რამე რესურსია და რამე უნდა სახელმწიფოს, რომ ამ მიმართულებით გაატაროს, ჩვენ მზად ვართ, მოვისმინოთ და ვითანამშრომლოთ. 2 წლის წინ სახელმწიფო იყო ინიციატორი და ჩვენც ამ რეფორმას გავყევით, მტკივნეული იყო, მაგრამ გავყევით.საბოლოოდ, მოხდა კომპანიების გადაწყობა. თუ კიდევ რეფორმა იგეგმება, ჯერ არ ვიცით, პირველი შეხვედრა არის. ყველაფერი მორგებითია, თავიდანაც დაიწყო, იყო მთავრობასთან შეთანხმებული თემა და მივედით იმ დასკვნამდე, რომ დღეს მგონი წამლებზე უწყვეტობა არის და ყველაფერი ნორმაშია", - განაცხადა დავით კოხრეიძემ.მისი თქმით, მათ კომპანიაში სახელმწიფო უსაფრთხოების სამსახურის მიერ მოკვლევა არ დაწყებულა.

1769593518

ჯანდაცვის მსოფლიო ორგანიზაციის ცნობით, აშშ-ის 2024-2025 წლებში ორგანიზაციაში შესატანი 260 მილიონი დოლარი ჯერჯერობით არ გადაუხდია.აშშ-ის კანონმდებლობის თანახმად, აშშ-მა ორგანიზაციის დატოვებამდე ყველა გადაუხდელი დავალიანება უნდა დაფაროს.ჯანდაცვის მსოფლიო ორგანიზაციის წარმომადგენლის განცხადებით, აშშ-ის მიერ ორგანიზაციის დატოვების საკითხს ჯანმოს აღმასრულებელი საბჭო თებერვალში განიხილავს.შეგახსენებთ, ჯანდაცვის მსოფლიო ორგანიზაციის დატოვების შესახებ აღმასრულებელ ბრძანებას აშშ-ის პრეზიდენტმა, დონალდ ტრამპმა ხელი გასულ წელს, თანამდებობის დაკავების პირველივე დღეს მოაწერა.

1769073155

„საზოგადოების ინფორმირებისთვის განვმარტავთ: საქართველოს ყველა მოქალაქე, რომელიც საყოველთაო ჯანდაცვის პროგრამის ფარგლებში იღებდა სამედიცინო მომსახურებას, ყოველგვარი ცვლილების გარეშე, გააგრძელებს პროგრამით სარგებლობას. სამედიცინო მომსახურება არ ეზღუდება არც საზღვარგარეთ მყოფ საქართველოს მოქალაქეს.ცვლილება მხოლოდ ამბულატორიული დაწესებულების დაფინანსებას ეხება. სახელმწიფო ფიქსირებულ ანაზღაურებას უხდიდა კლინიკას იმ შემთხვევაშიც, როცა საქართველოს მოქალაქე არ იმყოფებოდა ქვეყანაში და შესაბამისად, არ იღებდა სამედიცინო მომსახურებას.ხაზგასმით აღვნიშნავთ, რომ ჯანდაცვის მინისტრის 2025 წლის 31 დეკემბრის ბრძანებით, ცვლილება ეხება მხოლოდ ამბულატორიული მომსახურების ნაწილში სამედიცინო დაწესებულებების დაფინანსების ე.წ. კაპიტაციის მექანიზმს და არ ვრცელდება საყოველთაო ჯანდაცვის სხვა რომელიმე კომპონენტებზე, მათ შორის - გადაუდებელ ამბულატორიასა და სტაციონარულ სერვისებზე.მნიშვნელოვანია, რომ საქართველოში დაბრუნებისთანავე მოქალაქეს შეუძლია ყოველგვარი შეზღუდვის გარეშე დარეგისტრირდეს ამბულატორიულ დაწესებულებაში და სრულად მიიღოს პროგრამით გათვალისწინებული მომსახურება.აღნიშნული გადაწყვეტილება ემსახურება საყოველთაო ჯანმრთელობის სახელმწიფო დაცვის პროგრამის გაძლიერებას, არამიზნობრივი ხარჯების თავიდან არიდებასა და ბენეფიციარების ინტერესების დაცვას“, - აღნიშნულია უწყების მიერ გავრცელებულ ინფორმაციაში.

1767956085

1-ელი ივნისიდან საყოველთაო ჯანდაცვის პროგრამით საქართველოს ის მოქალაქეები ვეღარ ისარგებლებენ, რომლებიც ქვეყნის ფარგლებს გარეთ, უწყვეტად, 6 თვე და მეტი ვადით იმყოფებიან.ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, მიხეილ სარჯველაძის ბრძანებაშია ნათქვამი.დოკუმენტიდან ირკვევა, რომ ბრძანება 2026 წლის 1-ელი იანვრიდან უკვე ამოქმედდა.„2026 წლის 1-ელი ივნისიდან ყოველთვიურად, განმახორციელებლის მიერ განხორციელდეს საყოველთაო ჯანმრთელობის დაცვის გეგმური ამბულატორიული მომსახურების ფარგლებში ბენეფიციართა რეგისტრაციის მოდულიდან იმ ბენეფიციართა რეგისტრაციის შეჩერება, რომლებიც იმყოფებიან ქვეყნის ფარგლებს გარეთ 6 თვე და მეტი ვადით უწყვეტად. მოსარგებლის ხელახალი რეგისტრაცია ხორციელდება „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებით დამტკიცებული პროგრამის 23-ე მუხლის მე-4 პუნქტით განსაზღვრული პირობების შესაბამისად. ბენეფიციართა რეგისტრაციის სტატუსის გადამოწმების დამატებითი კრიტერიუმები დამტკიცდეს მინისტრის შესაბამისი სამართლებრივი აქტით 2026 წლის 1-ელ ივნისამდე,“- ნათქვამია დოკუმენტში.

1767945294

ირაკლი ლექვინაძემ ფორუმის მონაწილეებს სიტყვით მიმართა სტრატეგიული მნიშვნელობის სესიის ფარგლებში, რომელიც ჯანდაცვის სექტორში კონკურენციას შეეხებოდა. GCCA-ის თავმჯდომარემ აღნიშნული მიმართულებით 100-მდე სხვადასხვა ქვეყნის წარმომადგენელს საქართველოს პრაქტიკა გაუზიარა.მისი თქმით, GCCA-ის ფარმაცევტული ბაზრის მონიტორინგის ფარგლებში გაცემული რეკომენდაციები  საფუძვლად დაედო საქართველოს ჯანდაცვის სექტორში გადადგმულ მნიშვნელოვან ნაბიჯებს, რომლებმაც ხელი შეუწყო ბაზარზე კოორდინირებული ქმედებების აღმოფხვრასა და შედეგად, გაიზარდა მომხმარებლების ხელმისაწვდომობა როგორც ფარმაცევტულ, ისე ჯანდაცვის სექტორებში, გაუმჯობესდა ბაზრის გამჭვირვალობა და ეფექტურობა.ირაკლი ლექვინაძემ ყურადღება დაუთმო საქართველოს მთავრობასთან და ჯანდაცვის სამინისტროსთან კოორდინირებული თანამშრომლობის შედეგად ფარმაცევტულ სექტორში მიღწეულ შედეგებს. კერძოდ, GCCA-ის თავმჯდომარის თქმით, განხორციელებული რეფორმების შედეგად, მათ შორის რეფერენტული ფასების შემოღების შედეგად, პაციენტების წლიურმა დანაზოგმა მედიკამენტებზე, 2024 წელს, დაახლოებით 110-115 მლნ აშშ დოლარი შეადგინა. ასევე, განსაკუთრებულად აღინიშნა სააგენტოს მიერ შეთანხმებული პრაქტიკის გამოვლენა ონკოლოგიური მედიკამენტების მიმართულებით, ჭარბი ფასების გამოვლენა რიგი იმპორტიორების შემთხვევაში, გახდა ჯარიმების დაკისრების საფუძველი შესაბამისი ეკონომიკური აგენტებისათვის.ამ დროისათვის მიმდინარეობს სამედიცინო სერვისების ბაზრის მონიტორინგი, რომლის შედეგები 2026 წელს გახდება ცნობილი. ბაზარზე მსხვილი ჰოლდინგური ჯგუფების დიდი წილის პირობებში მიმდინარეობს მკაცრი კონტროლი კონცენტრაციებზე, 2020-2025 წლებში 9 კონცენტრაცია იქნა დადასტურებული, ყველა ვერტიკალური ინტეგრაციის მიმართულებით.ამასთან, კონკურენციისა და მომხმარებლის დაცვის სააგენტოს თავმჯდომარემ მოდერატორობა გაუწია სესიას - „კონკურენციის გამოწვევები ფარმაცევტულ სექტორში: ფასები, ინტელექტუალური საკუთრება და ვერტიკალური ინტეგრაცია“. GCCA-ის თავმჯდომარემ კოლეგებს ამ მიმართულებით საქართველოს მიღწევები და საუკეთესო გამოცდილება გააცნო. აღინიშნა, რომ მიმდინარე წელს, მსოფლიო ბანკის და კონკურენციის საერთაშორისო ქსელის (ICN) მიერ GCCA-ის გადაწყვეტილებები ფარმაციის სექტორში საუკეთესოდ დასახელდა. სესიაზე სხვადასხვა ქვეყნებმა ფარმაცევტულ და სამედიცინო ბაზარზე კონკურენციის რეგულირების და გადაწყვეტილებების საკუთარი გამოცდილება წარადგინეს.ირაკლი ლექვინაძესთან ერთად, კონკურენციის გლობალურ ფორუმს GCCA-ის მომხმარებლის უფლებების დაცვის დეპარტამენტის უფროსი სერგო სანიკიძე და იურიდიული დეპარტამენტის უფროსი სალომე ქავთარაძე დაესწრნენ.ინფორმაციას GCCA ავრცელებს.

1764752846

ეს არის მეთოდი, რომელიც ქმნის შესაძლებლობას, რომ თავის ტვინის სიმსივნეები, ნერვული სისტემის რთული პათოლოგიები და იშვიათი მალფორმაციებიც კი დამიზნებულად, ყველაზე მაღალი სიზუსტით და ჯანმრთელი ქსოვილების დაზიანების გარეშე დამუშავდეს. Gamma Knife Radiosurgery გამა გამოსხივებას იყენებს. პროცედურის დროს 192 სხივი ერთ წერტილში იკრიბება, წარმოიქმნება ენერგია, რომელიც მიემართება დაზიანებული ქსოვილისკენ და ანადგურებს მას. ყველაზე მნიშნველოვანი ის ფაქტია, რომ გამოსხივება არ აზიანებს ჯანმრთელ ქსოვილს. პროცედურის ხანგრძლოვობა ნახევარი საათიდან ერთ საათამდე მერყეობს და დამოკიდებულია თავის ტვინში მიმდინარე პათოლოგიურ პროცესზე. სესიის მიმდინარეობისას პაციენტებს შეუძლიათ ესაუბრონ ექიმს, დაიძინონ ან მოუსმინონ მუსიკას. პროცედურა არ საჭიროებს ანესთეზიას და ქირურგიული ოპერაციებისგან განსხვავებით, მიმდინარეობს უმტკივნეულოდ და გართულებების გარეშე. პროცედურის დასრულების შემდეგ პაციენტები იმავე დღეს ეწერებიან ბინაზე, მომდევნო დღეს კი შეუძლიათ დაუბრუნდნენ ცხოვრების ჩვეულ რიტმს.უკვე ერთი წელია, რაც Gamma Knife Esprit  ტექნოლოგიის უახლესი თაობის სისტემა ხელმისაწვდომია ავერსის კლინიკაში.  ამ პერიოდში 300-ზე მეტმა პაციენტმა მიიღო ეფექტური და უსაფრთხო მკურნალობა. საქართველო კავკასიაში ერთადერთი ქვეყანაა, რომელიც ასეთ მაღალტექნოლოგიურ მომსახურებას სთავაზობს როგორც მოზრდილ, ისე მცირეწლოვან და ორსულ პაციენტებს.სიმპოზიუმზე საერთაშორისო ექსპერტებმა მიმოიხილეს უახლესი მიღწევები რადიოქირურგიაში, მათ შორის რთული მეტასტაზების, მენინგიომების, ვესტიბულარული შვანომების, პედიატრიულისიმსივნეების და ნევროლოგიური დარღვევების მკურნალობა. წარმოდგენილმა კვლევებმა აჩვენა შთამბეჭდავი შედეგები.თბილისში შეიკრიბნენ მსოფლიოს წამყვანი ნეიროქირურგები თურქეთიდან, საფრანგეთიდან და ხორვატიიდან. ქართული მედიცინის სახელით კი მოხსენებით წარსდგა ავერსის კლინიკის ნეიროქირურგიული სამსახურის ხელმძღვანელი, ლაშა ბაქრაძე. სპეციალისტი, რომელიც ყოველდღიურად იყენებს Gamma Knife-ის შესაძლებლობებს პაციენტების სიცოცხლის ხარისხის გაუმჯობესებისთვის.როგორი იყო თქვენი პირველი შეხება Gamma Knife Radiosurgery-სთან და რა ინოვაციებთანაა დაკავშრებული ეს ნეიროქირურგიაში? რადიოქირურგიულ ტექნოლოგიასთან, კერძოდ „გამა ნაიფთან“, ჩემი პირველი პროფესიული შეხება 2007 წელს მოხდა, როდესაც საჭირო გახდა მისი გამოყენება ჩემი ახლობლის სამკურნალოდ. ამ მიზეზით უცხოეთში მომიწია ახლოდან გამეცნო ეს ტექნოლოგია. მიუხედავად იმისა, რომ იმ პერიოდში გამოყენებული აპარატი წინა თაობის მოდელს წარმოადგენდა, ნათლად განისაზღვრა „გამა ნაიფის“, როგორც ინვაზიური ქირურგიის მაღალეფექტიანი ალტერნატივის უნიკალური მნიშვნელობა. Gamma Knife გამოიყენება თავის ტვინის პათოლოგიების სამკურნალოდ, მათ შორის სიმსივნეების, სისხლძარღვოვანი მალფორმაციების და სხვა ნევროლოგიური მდგომარეობების შემთხვევაში. ტექნოლოგია იძლევა ქირურგიული ჩარევის თანაბარ თერაპიულ ეფექტს, თუმცა სრულიად არაინვაზიური მეთოდით,  განაკვეთის, სისხლთან კონტაქტისა და იმ გართულებების გარეშე, რომლებიც ტრადიციულ ნეიროქირურგიულ ჩარევებს ხშირად თან სდევს. საქართველოში დანერგილი მოწყობილობა წარმოადგენს უახლესი თაობის, შვედური კომპანიიის მიერ წარმოებულ მოდელს. თანამედროვე სამედიცინო პრაქტიკაში Gamma Knife აღიარებულია რადიოქირურგიის „ოქროს სტანდარტად“, რომელიც გამოირჩევა სიზუსტითა და უსაფრთხოებით. მისი გამოყენება დასაშვებია ყველა ასაკობრივ ჯგუფში, მათ შორის ბავშვებსა და ორსულებში. პრაქტიკულად არ არსებობს თავის ტვინის ისეთი უბანი, რომლის რადიოქირურგიული მართვაც ამ მეთოდით შეუძლებელია.Gamma Knife Radiosurgery საკმაოდ კომპლექსური და ძვირადღირებული ტექნოლოგიაა. რა მნიშვნელობა აქვს ამ პროცედურაზე ხელმისაწვდომობის გაზრდას მთლიანად კავკასიის რეგიონისთვის ?აღსანიშნავია, რომ Gamma Knife წარმოადგენს ერთ-ერთ ყველაზე მაღალი  ღირებულების სამედიცინო ტექნოლოგიას თანამედროვე მედიცინაში. მისი დანერგვით საქართველოში პირველად ხორციელდება სრულფასოვანი რადიოქირურგიული მომსახურება, რაც ქვეყანას იმ იშვიათ სახელმწიფოების რიგში აყენებს, რომლებშიც ამ დონის ტექნოლოგიური რესურსი ხელმისაწვდომია. უახლოეს 1400 კილომეტრში  არ არსებობს Gamma Knife-ის ალტერნატივა.  სწორედ ამიტომ საქართველოში ჩამოდიან უცხოელი პაციენტები სომხეთიდან,ჩრდილოეთ კავკასიიდან: აზერბაიჯანიდან, რუსეთიდან, ასევე ბელორუსიიდან, მოლდოვადან, ასევე შუა აზიის ქვეყნებიდან. ყველაზე მნიშნველოვანი ის არის, რომ ქართველებს თუ წლების წინ უწევდათ უცხოეთში გამგზავრება, რაც დიდ ფინანსურ ხარჯთან იყო დაკავშირებული, ასეთი პაციენტები დღეს უკვე საკუთარ ქვეყანაში მკურნალობენ.არსებითად როგორ შეცვალა სტერეოტაქტიკურმა რადიოქირურგიამ პაციენტების მკურნალობის პროცესი?გამა ნაიფი არის ნეიროქირურგიის მიერ შექმნილი უახლესი ტექნოლოგიური აპარატი, რომელიც დღეს მნიშნველოვნად ეხმარება ნეიროქირურგებს. მისი არსებობა გვაძლევს უფრო დიდ თავდაჯერებას მკურნალობის დაგეგმვისა და განხორციელების პროცესში. თუ წარსულში ზოგიერთ შემთხვევაში გვიწევდა პაციენტის სიცოცხლისთვის მაღალრისკიანი გადაწყვეტილებების მიღება პათოლოგიის მაქსიმალურად დიდი რაოდენობით მოცილების მიზნით ისეთი სტრუქტურებიდან, როგორებიცაა საძილე არტერია, მხედველობის ნერვი და სხვა კრიტიკული უბნები, დღეს, გამა ნაიფის წყალობით, უკვე შესაძლებელია უფრო უსაფრთხო მიდგომის არჩევა. პაციენტს წინასწარ ვაწვდით სრულ ინფორმაციას, მას ვუხსნით,  რომ ოპერაციის დროს რეზექცირდება მხოლოდ ის ნაწილი, რომლის ამოღებაც სიცოცხლისთვის მინიმალური რისკის შემცველია და მაქსიმალურად შემცირდება სიმსივნის მოცულობა. დარჩენილი ნაწილის მიზნობრივად გასანადგურებლად კი ოპერაციის შემდეგ იგეგმება გამა ნაიფით მკურნალობა. ეს მიდგომა პაციენტს იცავს ინვალიდობისა და იმ გართულებებისგან, რომლებიც შეიძლება თან ახლდეს ტრადიციულ ნეიროქირურგიულ ჩარევას.რატომ ჯობია სხვა ტიპის ქირურგიულ ჩარევებს Gamma Knife-ით მურნალობა და სპეფიციკურად რომელი დაავადებების სამკურნალოდ გამოიყენება?გამა ნაიფი ეფექტურად გამოიყენება თავის ტვინის კეთილთვისებიანი სიმსივნეების: მენინგიომების, ნევრინომების, ჰიპოფიზის ადენომების, ჰემანგიობლასტომებისა და სხვა პათოლოგიების სამკურნალოდოდ. ნეიროქირურგიული ჩარევა ყოველთვის შეიცავს გარკვეულ რისკებს: ლეტალობა საშუალოდ 0.5%-ია, ხოლო გართულებები 22%-მდე აღწევს. გამა ნაიფის დანერგვამ მნიშვნელოვნად შეამცირა საჭიროება მაღალრისკიანი ქირურგიული ჩარევებისა, თუმცა ყველა შემთხვევა ამისთვის შესაფერისი არაა და გადაწყვეტილება ინდივიდუალურად, პაციენტის მდგომარეობის შეფასების საფუძველზე მიიღება. მნიშვნელოვანი პროგრესია ასევე თავის ტვინის მეტასტაზების რადიოქირურგიული მკურნალობა. თუ ადრე მეტასტაზები განაჩენად ითვლებოდა, დღეს გამა ნაიფი ბევრ პაციენტს მეტასტაზებით მრავალწლიანი, ხარისხიანი ცხოვრების შესაძლებლობას აძლევს.

1763706300

💌 სიყვარული მხოლოდ სიტყვებით არ გამოიხატება -  ის იმალება მზრუნველ შეხებაში, გულწრფელ ღიმილში, მთელი გულით შერჩეულ საჩუქარში. 💫 ავერსი კი მუდამ შენს გვერდითაა, რომ სითბო და სიხარული გაუზიარო შენთვის ძვირფას ადამიანს.❤️ და მაინც, რა არის სიყვარული შენთვის? სიყვარულითავერსი🕊

1763118006