როგორც ტომ ჰორნი აცხადებს, კომპანიამ საქართველოში საქმიანობა ახლახან დაიწყო, რაშიც მათ ინვესტიციების სააგენტო დაეხმარა.„ჩვენ თბილისში, საქართველოში საქმიანობა ახლახან დავიწყეთ. საქართველოს არჩევის ერთ-ერთი მთავარი მიზეზი კვალიფიციური კადრების ხელმისაწვდომობაა - მოტივირებული ადამიანები, რომლებიც მზად არიან, ჩვენი მზარდი კლიენტების საჭიროებებს უპასუხონ და საუკეთესო შედეგები უზრუნველყონ. ამას ემატება შესანიშნავი ინფრასტრუქტურა და დიდ ბრიტანეთთან მარტივი სატრანსპორტო კავშირი. შესაბამისად, საქართველოს არჩევის არაერთი მიზეზი გვქონდა. Invest in Georgia-ს გუნდმა თავიდანვე უდიდესი მხარდაჭერა გაგვიწია. ისინი აქტიურად გვეხმარებოდნენ ჯერ კიდევ მაშინ, როდესაც საქართველოს საქმიანობის დასაწყებად ერთ-ერთ შესაძლო ლოკაციად განვიხილავდით. მოგვიანებით მნიშვნელოვანი დახმარება გაგვიწიეს როგორც ბიზნესის დაწყების, ისე ჩვენი მომსახურების ორგანიზების პროცესში“, - აღნიშნა „კონტაქტ ვების“ აღმასრულებელმა დირექტორმა.მისივე თქმით, ინვესტიციების სააგენტოს მხარდაჭერა მოიცავდა კვალიფიციურ კადრებზე წვდომას, შრომის ბაზრის შესახებ ინფორმაციის მოწოდებას, ინფრასტრუქტურასა და საოფისე სივრცეებთან დაკავშირებულ საკითხებს.„გუნდი ჩვენთვის პრაქტიკულად 24 საათის განმავლობაში იყო ხელმისაწვდომი და ძალიან დიდი დახმარება გაგვიწია. მიგვაჩნია, რომ საქართველო ევროპაში BPO ოფისის გასახსნელად ერთ-ერთი ყველაზე პერსპექტიული მიმართულებაა. აქ ხელმისაწვდომია კვალიფიციური კადრები და განვითარებული ინფრასტრუქტურა, რაც კომპანიებს მაღალი ხარისხის მომსახურების გაწევის შესაძლებლობას აძლევს. აქ საოცარი ადამიანები, უგემრიელესი საკვები და ძალიან საინტერესო, ცოცხალი ქალაქია. ბოლო რამდენიმე თვის განმავლობაში საქართველოში ჩვენს კლიენტებსა და პარტნიორებს ვმასპინძლობდით და თითოეული მათგანი აღფრთოვანებული დარჩა ქართული კულტურითა და ადამიანებით“,- განაცხადა ტომ ჰორნიმ.

1793183215

ჰარი ვირდე საქართველოს საინვესტიციო შესაძლებლობებს ადგილზე ეცნობა და იმ ბიზნესპროცესების აუთსორსინგის (BPO) სექტორში მოქმედი 12 საერთაშორისო კომპანიიდან ერთ-ერთს წარმოადგენს, რომელიც საქართველოს ეკონომიკისა და მდგრადი განვითარების სამინისტროს სსიპ ინვესტიციების სააგენტოს მოწვევით სტუმრობს.ჰარი ვირდე ამბობს, რომ ქვეყანაში არსებული კადრების პოტენციალი მათთვის საინტერესოა.„უნდა ვთქვა, რომ სასიამოვნოდ გაკვირვებული დავრჩი. ჩემზე ნამდვილად დიდი შთაბეჭდილება მოახდინა კადრების ნიჭმა, შესაძლებლობებმა და ინტელექტის დონემ. როგორც უკვე აღვნიშნე, ნამდვილად გაკვირვებული ვარ. ვიტყოდი, რომ აქ არსებული კადრების პოტენციალი ძალიან საინტერესოა. ფრანგული, გერმანული და ინგლისური ენების ცოდნის დონე, C1 და უფრო მაღალი, ნამდვილად შთამბეჭდავია. ხარჯებიც ძალიან კონკურენტულია. შესაბამისად, ძალიან კონკურენტულ ფასად შეგიძლიათ მაღალკვალიფიციური კადრების მოძიება“, - აცხადებს Sterling Outsourcing-ის აღმასრულებელი დირექტორი.

1793183098

მისი თქმით, საერთაშორისო BPO კომპანიებისთვის საქართველო მიმზიდველი მიმართულებაა.„ვფიქრობ, საერთაშორისო BPO კომპანიებისთვის აქ განსაკუთრებით მიმზიდველია უცხო ენების ცოდნის დონე და კვალიფიციური კადრები. ამასთან, ბიზნესის დაწყებაც საკმაოდ მარტივია. ჩემთვის განსაკუთრებით საინტერესოა კადრების მოძიება არა მხოლოდ ოპერატორების, არამედ პროექტების მართვისა და IT მიმართულებითაც. ვფიქრობ, საქართველოში ამ მხრივ დიდი პოტენციალია“, - ამბობს კომპანია Refurbed-ის მომხმარებელთა მხარდაჭერის ოპერაციების ხელმძღვანელი, რომელიც იმ ბიზნესპროცესების აუთსორსინგის (BPO) სექტორში მოქმედი 12 საერთაშორისო კომპანიიდან ერთ-ერთა, რომლებიც ქვეყანას ინვესტიციების სააგენტოს მოწვევით სტუმრობს.კორინა ამზა არ გამორიცხავს, რომ Refurbed-ის შემდეგი ლოკაცია საქართველო იყოს.„დიახ, ვფიქრობ, დიდი შანსია, რომ ჩემი კომპანიისთვის შემდეგი ლოკაცია საქართველო იყოს. ასევე, ვთანამშრომლობ საერთაშორისო კომპანიებთან, რომლებიც BPO ოპერაციებს სხვადასხვა ქვეყანაში ახორციელებენ. მაგალითად, შესაძლებელია ოპერაციების ფილიპინებიდან საქართველოში გადმოტანაც. ესეც ერთ-ერთი შესაძლებლობაა. ძალიან მომეწონა ინვესტიციების სააგენტოს პრეზენტაცია. განსაკუთრებით საინტერესო იყო ინფორმაცია საქართველოში არსებული საკადრო პოტენციალის, ბიზნესის დაწყების სიმარტივისა და იმის შესახებ, თუ როგორ იზრდება და ვითარდება ქვეყანა. ასევე, საინტერესო იყო საქართველოს შრომითი კანონმდებლობის გაცნობა. ჩემთვის საინტერესო იყო უძრავი ქონების შესახებ ინფორმაციაც. მაგალითად, განსაკუთრებით მაინტერესებს საერთო სამუშაო სივრცეები“, - აღნიშნა Refurbed-ის მომხმარებელთა მხარდაჭერის ოპერაციების ხელმძღვანელი.ეკონომიკისა და მდგრადი განვითარების სამინისტროს სსიპ ინვესტიციების სააგენტო საქართველოში ბიზნესპროცესების აუთსორსინგის (BPO) სექტორში მოქმედ 12 საერთაშორისო კომპანიას მასპინძლობს. საინვესტიციო ტურის მიზანია, საერთაშორისო კომპანიებს საქართველოში საქმიანობის დაწყებისა და გაფართოების შესაძლებლობები გააცნოს და ხელი შეუწყოს ახალი ინვესტიციების მოზიდვასა და სამუშაო ადგილების შექმნას.

1793182974

„საგანძურის მარათონი“ ორთვიანი კამპანია იყო, რომელმაც მობაილბანკის ყოველდღიური გამოყენება სახალისო გუნდურ შეჯიბრებად აქცია და ნახევარ მილიონამდე მომხმარებელი გააერთიანა.კამპანიის შედეგები შთამბეჭდავი იყო:• თამაშში 500,000-მდე მომხმარებელი ჩაერთო;• 400-მდე მომხმარებელმა ფულადი პრიზი მიიღო;• მონაწილეებს შორის ჯამში 250,000 ლარისსაპრიზო ფონდი განაწილდა.The Digital Banker-მა პროექტი სწორედ იმის გამოგამოარჩია, რომ მან მობაილბანკით სარგებლობა ინტერაქციულ გამოცდილებად აქცია. თამაშის მთავარი ნაწილი რეალური საბანკო ქმედებები იყოდა არა უბრალოდ მარკეტინგული აქტივობა. კამპანიამ ბიზნესის შედეგებზეც დადებითდ იმოქმედა: ყოველკვირეული ციფრული გაყიდვები50%-ით გაიზარდა. „საგანძურის მარათონის“ საერთაშორისო ჯილდო კიდევ ერთი მნიშვნელოვანი აღიარებაა იმისა, რომ თიბისის მობაილბანკი მომხმარებლებს თანამედროვე, საინტერესო და გამორჩეულ ციფრულ გამოცდილებას სთავაზობს. პროექტმა აჩვენა, რომთამაშის ელემენტებით შესაძლებელია არა მხოლოდ მომხმარებლების ჩართულობის გაზრდა, არამედ კონკრეტული, გაზომვადი ბიზნეს შედეგების მიღწევაც. 

1793182332

სამიტმა ცენტრალური ბანკების, საერთაშორისო ფინანსური ინსტიტუტების, ფინანსური ტექნოლოგიებისა და ინოვაციური კომპანიების წარმომადგენლები გააერთიანა. მასშტაბური საერთაშორისო სამიტის მთავარი თემაა: “რეგიონული ფინანსური დერეფნების განვითარება პოლიტიკის, ფინანსებისა და ტექნოლოგიების გადაკვეთის წერტილში“.სამიტის ფარგლებში პანელურ დისკუსიაში - Banking on Georgia leadership strategy and the road to 2027 საქართველოს ბანკის გენერალურმა დირექტორმა, არჩილ გაჩეჩილაძემ მიიღო მონაწილეობა. პანელური დისკუსია შეეხო ისეთ მნიშვნელოვან თემებს როგორიცაა: ქართული საბანკო სექტორის სტრატეგია და კომერციული პოზიციონირება; შუა დერეფნის შესაძლებლობები, ციფრული ტრანსფორმაცია და ა.შ. პანელურ დისკუსიაში ეროვნული ბანკის მხრიდან მონაწილეობა პირველმა ვიცე პრეზიდენტმა, ეკატერინე მიქაბაძემ მიიღო."მსოფლიოში ფინანსური სექტორი არის ერთ-ერთი ტექნოლოგიურად ყველაზე სწრაფად განვითარებადი და ამ კუთხით საქართველო ნამდვილად არის გამორჩეული. ჩვენ გვაქვს ძალიან დინამიკური საბანკო სფერო სადაც, ტექნოლოგიები სწრაფად ვითარდება. შესაბამისად, საქართველოში ასეთი ტიპის სამიტის გამართვა არის ძალიან კარგი და იმედია, რომ მომავალშიც გაგრძელდება და გააერთიანებს მთელი რეგიონის ცენტრალურ ბანკებს და სექტორის მოთამაშეებს, სადაც ისინი ერთმანეთს გაუზიარებენ ტექნოლოგიურ განვითარებას. ვფიქრობ, ციფრული ტრანსფორმაციის მიმართულებით ფინანსური სექტორი ალბათ იქნება ერთ-ერთი ყველაზე განსაკუთრებულად სწრაფად განვითარებადი და 2027-ში ძალიან ბევრ სხვადასხვა მიმართულებაში დავინახავთ AI-ს გამოყენებას. ამ ტრანსფორმაციის მთავარი მიზანია, რომ მომსახურების ხარისხი კიდევ უფრო გაიზარდოს და ჩვენი მომხმარებლებისთვის საბანკო მომსახურება კიდევ უფრო სწრაფი გახდეს“,- აღნიშნავს საქართველოს ბანკის გენერალური დირექტორი, არჩილ გაჩეჩილაძე.წლევანდელ სამიტში 60-მდე ქვეყნის 800-ზე მეტი წარმომადგენელი და 100-მდე მაღალი რანგის სპიკერი მონაწილეობს. სამიტის მონაწილეებს შორის არიან ისეთი მსხვილი კომპანიების წარმომადგენლები, როგორებიცაა Swift, UnionPay, Luma Group, Accel, Tether, Ant International და სხვა. GFTN სინგაპურში დაფუძნებული საერთაშორისო ქსელია, რომელიც ფინანსური ტექნოლოგიების, ციფრული ტრანსფორმაციისა და თანამედროვე ფინანსური ეკოსისტემების განვითარებაზე მუშაობს. აღნიშნული ქსელი მოიცავს მსოფლიოს წამყვან ფინანსურ ცენტრებს ისეთები როგორიცაა სინგაპური, იაპონია, შვეიცარია და სხვა.

1793181999

თამარ ზოდელავას განმარტებით, იმ ბიზნესსუბიექტებს, რომლებსაც კვლავ შეჩერებული ექნებათ სტატუსი და მონაცემები არ ექნებათ განახლებული, გაეგზავნებათ შეტყობინება და მიეცემათ დამატებით სამთვიანი ვადა, 2027 წლის 1-ელ აპრილამდე.„ეს იქნება საბოლოო ვადა იმ სუბიექტებისთვის, რომლებსაც სურთ, სარეგისტრაციო მონაცემები კანონთან შესაბამისობაში მოიყვანონ. ამისთვის მათ უნდა მიმართონ საჯარო რეესტრის ეროვნულ სააგენტოს; 2027 წლის 1-ელ აპრილს კი, ის ბიზნესსუბიექტები გაუქმდებიან, რომლებსაც სტატუსი შეჩერებული ექნებათ და სარეგისტრაციო მონაცემები არ ექნებათ განახლებული“, - განაცხადა თამარ ზოდელავამ.

1793179970

თბილისის მიმდინარე ფინანსური სამიტის ფარგლებში, მხარეებმა გუშინ ხელი მოაწერეს ხელშეკრულებას, რომლის თანახმადაც „ნეო ქართული ბანკი“ საქართველოში Alipay+-ის ექსკლუზიური პარტნიორი გახდა. ბანკი იმოქმედებს როგორც ცენტრალიზებული ტექნოლოგიური და ანგარიშსწორების ჰაბი ქვეყნის მთელი საბანკო და საფინანსო სექტორისთვის.Alipay+-ის შემოსვლა უპრეცედენტო შესაძლებლობებს უქმნის ქართულ ბიზნესსა და მომხმარებლებს. როგორც გლობალური ეკოსისტემა, Alipay+ აერთიანებს 50-ზე მეტი საერთაშორისო საგადახდო პარტნიორის 2 მილიარდზე მეტ მომხმარებლის ანგარიშს და 150 მილიონზე მეტ სავაჭრო ობიექტს მსოფლიო მასშტაბით. მისი დანერგვა ფუნდამენტურად ცვლის გადახდების გარემოს შემდეგი უპირატესობებით: პირდაპირი წვდომა აზიის სწრაფად მზარდ ბაზრებზე: ქართულ კომპანიებსა და მეწარმეებს ეძლევათ პირდაპირი წვდომა, მიიღონ ტრანსსასაზღვრო გადახდები ჩინეთიდან, სამხრეთ-აღმოსავლეთ აზიიდან და მთელი მსოფლიოდან რთული შუამავალი ბარიერების გარეშე. მნიშვნელოვნად შემცირებული ტრანზაქციული ხარჯები: ინოვაციური QR-კოდით გადახდის ინფრასტრუქტურა არსებითად ამცირებს ტრანსსასაზღვრო საკომისიოებსა და ტრანზაქციის ხარჯებს როგორც სავაჭრო ობიექტებისთვის, ასევე მოგზაურებისთვის. ტურიზმის შემოსავლების ზრდა: საქართველოში შემოსულ საერთაშორისო ვიზიტორებს (განსაკუთრებით აზიის რეგიონიდან) შეეძლებათ შეუფერხებლად გადაიხადონ ადგილობრივ სავაჭრო, კვებისა და მასპინძლობის ობიექტებში თავიანთი მშობლიური მობილური საფულეებითა და აპლიკაციებით — მარტივი QR კოდის დასკანერებით. მაქსიმალური კომფორტი საზღვარგარეთ მოგზაური ქართველებისთვის: ქართველ მოგზაურებსა და ბიზნესის წარმომადგენლებს შეეძლებათ უპრობლემოდ განახორციელონ ანგარიშსწორება აზიის მასშტაბით და Alipay+-ის მთელ გლობალურ ქსელში, ხელოვნურად გაზრდილი კონვერტაციისა და ჭარბი საერთაშორისო საკომისიოების თავიდან არიდებით. კახა კოდუა, „ნეო ქართული ბანკის“ გენერალური დირექტორი:„Alipay+-ის საქართველოში შემოყვანა და ეს პარტნიორობა ერთი ბანკის მასშტაბებს სცდება — ჩვენ საქართველოს მთელ საფინანსო სისტემასა და ეროვნულ ეკონომიკას მსოფლიოში უმსხვილეს საგადახდო ქსელთან ვაკავშირებთ. ეს ჩვენი ბანკის პირველი ფლაგმანური ტექნოლოგიური პროდუქტია, რომელიც ქართულ ბიზნესს აზიისა და გლობალური ბაზრების მომხმარებლებთან პირდაპირ და გაცილებით ეკონომიურ წვდომას აძლევს. დღეს ფინანსები აღარ შემოიფარგლება ეროვნული საზღვრებით; საქართველოს ეკონომიკა გლობალური ნაკადების გზაჯვარედინზე უნდა იდგეს. ამ შეთანხმებას ჩვენი ქვეყანა საერთაშორისო ფინანსურ რუკაზე სტრატეგიულად ახალ სიმაღლეზე აჰყავს“.ლეიმინგ ჩენი (Leiming Chen), Ant International-ის უფროსი ვიცე-პრეზიდენტი და მდგრადობის მთავარი ოფიცერი:„ტრანსსასაზღვრო კავშირები ციფრული ეკონომიკის ზრდის მამოძრავებელ ძალად იქცა და არცერთი სავაჭრო ობიექტი არ არის ზედმეტად მცირე ამ პროცესში მონაწილეობისთვის. ჩვენ მარტივი რწმენით დავიწყეთ: ადამიანებს უნდა შეეძლოთ გადახდა იმ აპლიკაციებით, რომლებსაც უკვე ენდობიან, მსოფლიოს ნებისმიერ წერტილში, ხოლო ნებისმიერი ზომის ბიზნესს უნდა ჰქონდეს შესაძლებლობა, მიაღწიოს მომხმარებლებს საკუთარი საზღვრებს მიღმა. „ნეო ქართულ ბანკში“ ჩვენ ვიპოვეთ პარტნიორი შესაბამისი ამბიციით — ერთიანი ეროვნული კარიბჭე, რომლის მეშვეობითაც საქართველოს საფინანსო ინსტიტუტები დაუკავშირდებიან მსოფლიოს, ხოლო თითოეული სავაჭრო ობიექტი, მსხვილი რითეილერებიდან დაწყებული ყველაზე მცირე საოჯახო ბიზნესით დამთავრებული, შეძლებს მათ მომსახურებას. დროთა განმავლობაში ეს კარიბჭე ორმხრივად იმუშავებს და ქართველ მომხმარებლებს იმავე კომფორტსა და სანდოობას მისცემს, სადაც არ უნდა წაიყვანოს ისინი მოგზაურობამ თუ ვაჭრობამ“.პროექტის განხორციელებაინიციატივა მოიცავს ადგილობრივი ბანკების შეუფერხებელ ინტეგრაციას ცენტრალიზებულ ქსელში, QR-გადახდების მიღების დანერგვას საქართველოს მთელ ტერიტორიაზე, ასევე ქართული ბარათებისა და აპლიკაციების სრულ თავსებადობას Alipay+-ის გლობალურ ქსელთან. მარეგულირებელი ორგანოების ნებართვების მიღებისა და საწყისი საპილოტე ტესტირების წარმატებით დასრულების შემდეგ, სისტემის სრული საოპერაციო გაშვება 2027 წლის მეორე კვარტალის ბოლოსთვის იგეგმება.„ნეო ქართული ბანკის“ საზოგადოებასთან ურთიერთობის დეპარტამენტი.

1793177351

სააგენტოს ინფორმაციით, საქმე ეხებოდა პლატფორმაზე მოვაჭრის ვინაობისა და საკონტაქტო მონაცემების შესახებ არასრულ ინფორმირებას. გარდა ამისა, პრობლემური აღმოჩნდა სახელშეკრულებო პირობებიც, რომლებიც სატრანსპორტო მომსახურებაზე მთელ პასუხისმგებლობას მძღოლს აკისრებდა, ხოლო კომპანიას მომხმარებლის წინასწარი ინფორმირების გარეშე მომსახურების პირობების ცალმხრივად შეცვლის შესაძლებლობას აძლევდა.უწყება წერს რომ შესწავლის შედეგად დაადგინა, Yandex Go თავად წარმოადგენს სატრანსპორტო მომსახურების მიმწოდებელ მოვაჭრეს და არა მხოლოდ უბრალო ტექნოლოგიურ შუამავალს. შესაბამისად, კომპანიას ეკისრება ვალდებულება, მომხმარებლებს მიაწოდოს კანონით გათვალისწინებული სრული და გასაგები ინფორმაცია და უზრუნველყოს მათი უფლებების დაცვა.სააგენტომ ასევე ხაზი გაუსვა დისტანციურ ხელშეკრულებაზე უარის თქმის უფლებისა და მისი გამოყენების პირობების მკაფიოდ განმარტების აუცილებლობას.GCCA-ის გადაწყვეტილებით, შპს „რაიდტექ ჯორჯიას“ გამოვლენილი დარღვევების აღმოფხვრა, საკუთარი საქმიანობის მოქმედ კანონმდებლობასთან შესაბამისობაში მოყვანა და მომხმარებელთა დარღვეული უფლებების აღდგენა 1 თვის ვადაში დაევალა.იმ შემთხვევაში, თუ კომპანია სააგენტოს გადაწყვეტილებას დადგენილ ვადაში არ შეასრულებს ან არაჯეროვნად შეასრულებს, მას შესაძლოა ჯარიმის სახით წინა ფინანსური წლის წლიური ბრუნვის 2%-მდე ოდენობის თანხა დაეკისროს.

1793174049

ჯილდო უკავშირდება საქართველოს ბანკის პროექტს, რომლის მიზანიც თვითდასაქმებული ადამიანებისთვის ფინანსურ სერვისებზე ხელმისაწვდომობის გაზრდაა. საქართველოში 800 000-ზე მეტი თვითდასაქმებულია, რაც ქვეყნის სამუშაო ძალის დაახლოებით 40%-ს შეადგენს. მათ შორის არიან მასწავლებლები, დიასახლისები, ფერმერები და სხვა პირები, რომლებიც მანამდე საფინანსო სერვისებით სარგებლობისას სხვადასხვა ბარიერს ხვდებოდნენ.ამ გამოწვევის საპასუხოდ, საქართველოს ბანკმა ხელოვნურ ინტელექტზე დაფუძნებული ეკოსისტემა შექმნა, რომელიც მომხმარებლის იდენტიფიკაციას, შემოსავლის შეფასებას, საკრედიტო ლიმიტის განსაზღვრასა და რისკების მართვას ერთიან პროცესში აერთიანებს.  პროექტმა ფინანსური ინკლუზიის გაფართოებას სამი მიმართულებით შეუწყო ხელი: ფინანსურ სერვისებზე წვდომის შესაძლებლობა გაუჩნდა ქალებს, რომლებიც მანამდე ფორმალური საფინანსო სისტემის მიღმა რჩებოდნენ; სერვისი ყველა არხსა და ფილიალში გავრცელდა. ამასთან, 787 ადგილობრივი წარმომადგენლის მეშვეობით მომსახურება 2 900 სოფელში გახდა ხელმისაწვდომი; ამასთანავე, პროექტი განსაკუთრებით მნიშვნელოვანია იმ რეგიონებისთვის, სადაც ეთნიკური უმცირესობები ცხოვრობენ და თვითდასაქმება შემოსავლის მიღების ერთ-ერთი ძირითადი წყაროა. აღსანიშნავია, რომ საქართველოს ბანკმა საერთაშორისო გამოცემა Global Finance-ის AI in Finance Awards 2026-ზე 7 გლობალური და რეგიონული ჯილდო მოიპოვა. მათ შორის, ბანკი დასახელდა მსოფლიოში საუკეთესო AI ბანკად გლობალური და რეგიონული მასშტაბებით.

1793111816

გამოფენაში 40-მდე ქართული კომპანია მონაწილეობდა, უზბეკეთის მხრიდან კი ღონისძიებას 1,400-ზე მეტი კორპორაციული სექტორის წარმომადგენელი დაესწრო, მათ შორის უმაღლესი რგოლის მენეჯერები და გადაწყვეტილების მიმღები პირები.ორდღიანი პროგრამა მოიცავდა დახურულ ბიზნესკონფერენციას, საერთაშორისო გამოფენას, ადგილობრივ კომპანიებში ვიზიტებსა და მიზნობრივ B2B შეხვედრებს. ღონისძიების ფარგლებში 90-ზე მეტი პირისპირ ბიზნესშეხვედრა გაიმართა, რამაც მონაწილეებს შესაძლებლობა მისცა, უზბეკეთის ბიზნესსექტორის წარმომადგენლებისთვის საკუთარი პროდუქცია და მომსახურება წარედგინათ და სამომავლო თანამშრომლობის შესაძლებლობები განეხილათ.გამოფენის საერთაშორისო მასშტაბის ზრდას ხელი შეუწყო სტრატეგიულმა პარტნიორობამ უზბეკეთის წამყვან ბიზნესინსტიტუციებთან - The Europe-Uzbekistan Association for Economic Cooperation (EuroUZ)-თან და უზბეკეთის სავაჭრო-სამრეწველო პალატასთან.„საქართველო - უზბეკეთი აბრეშუმის გზა“ საერთაშორისო ბიზნესდიალოგის, ახალი პარტნიორობებისა და გრძელვადიანი ეკონომიკური თანამშრომლობის განვითარების პლატფორმაა, რომელიც ქართულ კომპანიებს ცენტრალური აზიის ბაზარზე საკუთარი შესაძლებლობების წარმოჩენასა და საქმიანობის გაფართოებაში ეხმარება.

1793100682