თბილისური ბროწეულები ჟანრობრივი მრავალფეროვნებითა და საერთაშორისო მასშტაბით გამოირჩევა. მაყურებელს შესაძლებლობა ჰქონდა გაცნობოდა მსოფლიო თეატრალურ სივრცეში აღიარებული რეჟისორებისა და არტისტების საუკეთესო ნამუშევრებს იტალიიდან, თურქეთიდან, საფრანგეთიდან, ლიეტუვადან, ლატვიიდან, სომხეთიდან, ისრაელიდან, პოლონეთიდან და საქართველოდან.თეატრალური ფესტივალი რეჟისორ სერგო ფარაჯანოვის შემოქმედებით მემკვიდრეობას ეძღვნება, რომელმაც ხუთი დღის განმავლობაში თეატრალური ხელოვნების მოყვარულები და სფეროს წარმომადგენლები გააერთიანა. თბილისური ბროწეულები მხარს უჭერს კულტურული დიალოგის გაღრმავებას, კამერული და მონოსპექტაკლების ჟანრის პოპულარიზაციასა და ქართული და საერთაშორისო თეატრალური დასების დაახლოებას.ბაზისბანკი, როგორც მაღალი კორპორაციული სოციალური პასუხისმგებლობის მქონე ფინანსური ინსტიტუტი, აქტიურად აგრძელებს ქვეყანაში კულტურული და ხელოვნების პროექტების მხარდაჭერას, რაც ხელს უწყობს შემოქმედებითი სფეროს განვითარებასა და საზოგადოებრივი ცხოვრების გამრავალფეროვნებას.

1790775044

საქართველოს ბანკის Agent orchestrator აგენტების სისტემაა, რომელიც პროგრამული დეველოპმენტის გუნდების წევრის როლში მუშაობს. მას შეუძლია დავალების მიღებიდან საბოლოო შედეგამდე თავად მოიპოვოს საჭირო კონტექსტი, დაგეგმოს სამუშაო, დაწეროს და დატესტოს კოდი და წარადგინოს ის განხილვისთვის. ამასთან,ყველა მნიშვნელოვანი ეტაპს თანამშრომელი აკონტროლებს და წარმოებაში კოდის გაშვებამდე საბოლოო გადაწყვეტილებას დეველოპერი იღებს.Agent orchestrator საქართველოს ბანკის IT გუნდმა შექმნა და ის უკვე რეალურ სამუშაო პროცესში გამოიყენება. სისტემა რამდენიმე AI მოდელს აერთიანებს და ბანკის საკუთარი კოდის ბაზაზე შექმნილ ტექნიკურ ცოდნას იყენებს. მისი ერთ-ერთი მთავარი განსხვავება ტრადიციულ AI coding assistant-ებთან შედარებით ისაა, რომ თანამშრომლისმუდმივი მითითებების ნაცვლად, Agent orchestrator იღებს კონკრეტულ დავალებას და მასზე მუშაობის დასრულების შემდეგ შედეგს წარადგენს.„AI-ის გამოყენებისას ჩვენთვის მნიშვნელოვანია არა მხოლოდ ტექნოლოგიის შესაძლებლობების დემონსტრირება, არამედ ის, თუ როგორ შეიძლება მან რეალურად შეცვალოს სამუშაო პროცესი. Agent orchestrator სწორედ ასეთი მიდგომის მაგალითია - სისტემას ვაძლევთ ამოცანას, ის თავად გადის სამუშაოს ძირითად ეტაპებს, თუმცა გადაწყვეტილების მიღებასა და ხარისხის კონტროლში ადამიანს ცენტრალური როლი რჩება. ეს გვაძლევს შესაძლებლობას, დეველოპერებმა მეტი დრო დაუთმონ იმ ამოცანებს, სადაც გამოცდილება, კრეატიულობა და გადაწყვეტილების მიღებაა საჭირო“, — აცხადებს ვაჟა მანტუა, საქართველოს ბანკის IT დირექტორი.DataIQ Awards მონაცემთა, ანალიტიკისა და ხელოვნური ინტელექტის სფეროში ერთ-ერთი მნიშვნელოვანი საერთაშორისო დაჯილდოებაა, რომელიც სხვადასხვა ინდუსტრიის წამყვან კომპანიებსა და პროფესიონალებს აერთიანებს. 2026 წლის კონკურსში საქართველოს ბანკი ისეთ საერთაშორისო კომპანიებთან ერთად იყო წარმოდგენილი, როგორებიცაა: Lloyds Banking Group , NatWest Group, BNP Paribas Fortis, Schneider Electric, ITV, Burberry, Mars, Aviva, Vodafone, Boots, The Guardian, Domino’s Pizza Group და ა.შ.აღსანიშნავია, რომ საქართველოს ბანკმა DataIQ Awards 2026-ზე ერთდროულად ოთხი ჯილდო მიიღო. ბანკმა გაიმარჯვა როგორც მონაცემთა და AI-ის მიმართულებით გამორჩეული გუნდის, ასევე ინოვაციური ტექნოლოგიური გადაწყვეტილებებისა და ლიდერობის მიმართულებებით.

1790770775

ერთი გამჭვირვალე ყოველთვიური სააბონენტო მოდელის ფარგლებში, TBC Concept 360 აერთიანებს Visa-სა და Mastercard-ის სადებეტო ბარათებს, Turkish Airlines-თან თანამშრომლობით შექმნილ სამოგზაურო ბარათს, Ertguli საკრედიტო ბარათის ქეშბექს, პერსონალური ბანკირის კონსულტაციას, Visa Concierge-ის მომსახურებასა და მოგზაურობასთან დაკავშირებულ მრავალფეროვან უპირატესობებს.მაღალშემოსავლიანი სეგმენტის მომხმარებლებისთვის, რომელთა ცხოვრების სტილი ხშირ საერთაშორისო მოგზაურობას, პრემიუმ გამოცდილებებსა და ფინანსურ მოქნილობას მოიცავს, TBC Concept 360-ის საბარათე შეთავაზება აერთიანებს ყოველდღიურ ფინანსურ აქტივობასა და ცხოვრებისეულ ღირებულებებს ერთიან საბანკო გამოცდილებად.საბარათე შეთავაზებების მიმართულებით გამოირჩევა ერთგული Visa Platinum საკრედიტო ბარათი, რომელსაც წლიური მომსახურების საკომისიო არ აქვს. აღნიშნული ბარათით, საქართველოში ნებისმიერ POS-ტერმინალზე ყოველი გადახდისას, მომხმარებლები თანხის 2%-ს ქეშბექის სახით იბრუნებენ. თიბისის 5,000-ზე მეტ პარტნიორ ობიექტში კი, ქეშბექის ოდენობა 12%-მდე იზრდება.The Digital Banker-ის საერთაშორისო ჯილდო კიდევ ერთხელ უსვამს ხაზს თიბისის მისიას - შექმნას ისეთი ციფრული პროდუქტები და სერვისები, რომლებიც მომხმარებლების რეალურ საჭიროებებსა და ფინანსურ მოთხოვნებს პასუხობს და მათ უმარტივებს ცხოვრებას.

1790765590

ინსპირაცია ავტომობილიდან დაღვრილი ზეთის ანარეკლი გახდა. ეს ინდუსტრიული დეტალი  მთავარ პატერნად იქცა და კოლექციას განსხვავებული ხასიათი შესძინა.ელენკა კოხრეიძე, „თეგეტა ჰოლდინგის“ მარკეტინგის მთავარი ოფიცერი: „თამამი გადაწყვეტილებები, განსხვავებული ხედვა და ინოვაციურობა „თეგეტასათვის“ უცხო არ არის. Reckless-თან კოლაბორაციით შექმნილი კამუფლაჟური სტილის ქურთუკებიც სიმტკიცისა და გამბედაობის იდეას ეფუძნება, რომლის ცენტრშიც თვითგამოხატვა დგას. სამოსი თავდაპირველად, სარვამარტოდ ჩვენი თანამშრომელი ქალბატონებისთვის შევქმენით, თუმცა იდეა მალევე გასცდა კამპანიის ჩარჩოებს.  ქურთუკის ვიზუალურმა ენამ, კონცეფციამ და მიღებულმა ემოციურმა გამოხმაურებამ გვაჩვენა, რომ ეს ამბავი გაგრძელებას იმსახურებდა. ამიტომაც გადავწყვიტეთ, პროექტის ფარგლებში შექმნილი სამოსი უკვე ფართო საზოგადოებისთვის შეგვეთავაზებინა. მოხარულები ვართ, რომ ეს ექსპერიმენტული კოლექცია უკვე ჩვენს ციფრულ მაღაზიაში ელოდება  მომხმარებელს“.ყველაფერი დაიწყო კამპანიით „ქალი მართავს“. ქურთუკები შეიკერა „თეგეტაში“ დასაქმებული 600 ქალბატონისთვის, რომლებმაც არაერთხელ დაამტკიცეს, რომ ქალი მართავს ყველაფერს, რაც მოესურვება. სწორედ ამ შინაგანი სიძლიერის გამომხატველია ლიმიტირებული კოლექცია GASOLINE. ეს სახელწოდებაც მამოძრავებელი ძალის სიმბოლოა და ამავე დროს ამტკიცებს, რომ ხელოვნება შეიძლება ყველაზე მოულოდნელ, ყოველდღიურ დეტალშიც კი დაიბადოს.თეონა კოხოძე, „თეგეტა ჰოლდინგის“ კრეატიული დირექტორი: „დიზაინის მთავარი იდეა პირდაპირ საავტომობილო ინდუსტრიიდან მოდის. შთაგონების წყარო ავტომობილიდან დაღვრილი ზეთის ზედაპირზე წარმოქმნილი ირიდესცენტული ეფექტია - ის მომენტი, როდესაც ზეთი და წყალი ერთმანეთს ეხება და სრულიად მოულოდნელ, მრავალფეროვან ეფექტს  ქმნის. ამ ორი ელემენტის შეხებით შექმნილი აბსტრაქტული გამოსახულება კოლექციის მთავარ პატერნად ვაქციეთ. საბოლოოდ, Reckless-ის თავისუფალ, ექსპერიმენტულ ხელწერასთან სინთეზით შეიქმნა ტექნიკური სილუეტები და კამუფლაჟის ესთეტიკა. ეს ვიზუალური ენა ერთგვარი მეტაფორაცაა: ისევე როგორც ზეთი და წყალი ქმნის მოულოდნელ ფორმებსა და ფერებს, ჩვენც სწორედ იქ ვპოულობთ ახალ შესაძლებლობებს, სადაც სხვები მხოლოდ ჩვეულებრივ, შეუმჩნეველ დეტალებს ხედავენ“.კონცეფცია Reckless-ისა და „თეგეტას“ ერთობლივი ხედვით შეიქმნა. თითოეულმა ბრენდმა  პროექტს საკუთარი გამოცდილება და შემოქმედებითი მიდგომა შესძინა, რაც საბოლოოდ GASOLINE-ის კოლექციაში აისახა.ლიზა ყაჯრიშვილი, Reckless-ის კრეატიული დირექტორი, დიზაინერი: „ვფიქრობ, ყველაზე საინტერესო კოლაბორაციები სწორედ მაშინ იქმნება, როცა ორი ბრენდი ერთმანეთს კი არ ემსგავსება, არამედ განსხვავებებს ინარჩუნებს და ამ განსხვავებებით ქმნის რაღაც ახალს. არ გვინდოდა, რომ Reckless-ს უბრალოდ Tegeta-ს ლოგო დაესვა ტანსაცმელზე, ან Tegeta-ს Reckless-ის ესთეტიკა „ჩაეცვა“. გვინდოდა, დამატებითი რაღაც შეგვექმნა, რომელიც მხოლოდ ამ ორი სამყაროს შეხვედრისას შეიძლებოდა გაჩენილიყო. Tegeta-ს მხრიდან გვქონდა ტექნიკური, ინდუსტრიული, საავტომობილო სამყარო; Reckless-ის მხრიდან კი - ქუჩა, თავისუფლება, ახალგაზრდული კულტურა და ექსპერიმენტი. GASOLINE სწორედ ამ ორის საერთო წერტილი გახდა“.ეს კოლექცია მათთვის შეიქმნა, ვისთვისაც მოდა ისტორიის მოყოლისა და ჩვეულებრივში განსაკუთრებულის დანახვის გზაა. ლიმიტირებული ხაზი მომხმარებელს მხოლოდ ერთ მისამართზე - Tegeta Shop-ზე ელოდება.  

1790765280

DataIQ Awards მონაცემთა, ანალიტიკისა და ხელოვნური ინტელექტის სფეროში ერთ-ერთი მნიშვნელოვანი საერთაშორისო დაჯილდოებაა. კონკურსი სხვადასხვა ინდუსტრიის კომპანიებსა და პროფესიონალებს აერთიანებს. წელს ნომინატთა შორისაა Lloyds Banking Group , NatWest Group, BNP Paribas Fortis , Schneider Electric, ITV, Burberry, Mars, Aviva, Vodafone, Boots, The Guardian, Domino’s Pizza Group ...მიხეილ ნადარეიშვილი საქართველოს ბანკში მონაცემთა ანალიტიკის დეპარტამენტის ხელმძღვანელის პოზიციას 2022 წლიდან იკავებს. მისი ხელმძღვანელობით, ბანკის მონაცემთა ანალიტიკისა და AI-ის მიმართულება მნიშვნელოვნად გაფართოვდა და ტექნიკური სპეციალისტებიდან ბიზნესის შედეგებზე ორიენტირებულ გუნდად ჩამოყალიბდა.ამ პერიოდში ბანკის არასაკრედიტო გადაწყვეტილებების მიმართულებით AI ინიციატივების მიერ მოტანილი წლიური გავლენა ათჯერ გაიზარდა. შედეგებიდან აღსანიშნავია, რომ AI-ს დახმარებით დაკრედიტების დრო ერთ წუთამდე შემცირდა, პერსონალიზებული შეთავაზებები მომხმარებლებს მათზე მორგებული პროდუქტების აღმოჩენაში ეხმარება, ხოლო ჩატბოტის დახმარებით მომხმარებლებს შეუძლიათ საბანკო კითხვებზე პასუხი რამდენიმე წამში მიიღონ დღე-ღამის ნებისმიერ დროს.ბანკში AI-ის გამოყენების გასაფართოებლად შეიქმნა დაახლოებით 100 ადამიანისგან შემდგარი AI ამბასადორების ქსელი, თანამშრომლების მიერ კი თითქმის 400 AI ასისტენტი შეიქმნა, რომლებიც ყოველდღიურ საქმიანობაში გამოიყენება. მიხეილ ნადარეიშვილის ხელმძღვანელობით, ბანკმა ასევე განავითარა საკუთარი მრავალაგენტიანი სისტემა მონაცემთა მეცნიერების მიმართულებით და AI-ის გამოყენება ეტაპობრივად მთელ ორგანიზაციაში გაავრცელა.„ძლიერი AI ტექნოლოგიები ჩვენთვის ფუნდამენტურად მნიშვნელოვანია, თუმცა ეს ჩვენთვის AI-ის მიმართულებით წარმატების მთავარი საზომი არასდროს ყოფილა. მთავარი არის ის, თუ რა იცვლება მისი გამოყენების შედეგად: რამდენად უკეთ ვემსახურებით მომხმარებელს, რამდენად ეფექტიანად ვმუშაობთ და რამდენად სწრაფად შეგვიძლია ახალი შესაძლებლობების მომსახურების გასაუმჯობესებლად გამოყენება. ამ შედეგების მიღმა კი, პირველ რიგში, ჩვენი ძლიერი გუნდი და ის გარემოა, რომელშიც ადამიანებს შეუძლიათ ახალი იდეების ტესტირება და მათი რეალურ პროდუქტად ქცევა“, - აცხადებს მიხეილ ნადარეიშვილი, საქართველოს ბანკის მონაცემთა ანალიტიკის მიმართულების ხელმძღვანელი.საქართველოს ბანკმა მონაცემთა ანალიტიკისა და ხელოვნური ინტელექტის მიმართულებით DataIQ Awards 2026-ზე ერთდროულად ოთხი ჯილდო მიიღო. ბანკმა გაიმარჯვა როგორც მონაცემთა და AI-ის მიმართულებით გამორჩეული გუნდის, ასევე ინოვაციური ტექნოლოგიური გადაწყვეტილებებისა და ლიდერობის მიმართულებებით.

1790691960

ახალი თუ მეორადი ელექტრომობილის შეძენა, პროკრედიტ ბანკის სესხით, ახლა კიდევ უფრო მომგებიანია - დაფინანსების სპეციალურ პირობებთან ერთად, საჩუქრად „დატენეს" ქსელში დამუხტვას იღებ.სესხის პირობები:• თანამონაწილეობა: 0%-დან• გაცემის საკომისიო : 1%• ვადა: 72 თვემდე  l• უზრუნველყოფა: შეძენილი ავტომობილით•საპროცენტო განაკვეთი:13,5%-დან , ეფექტური 14,93%-დანსაჩუქარი: 200 კვტ.სთ „დატენეს" ქსელშისესხის აღებისას, მიიღებ პრომო კოდს 200 კვტ.სთ-ის დამუხტვისთვის, მოდელის მიხედვით ესდაახლოებით 1,000-1,500 კმ უფასო გადაადგილებასნიშნავს. შეარჩიე სასურველი ელექტრომობილი, შეავსე სესხის ონლაინ განაცხადი და მიიღე შეთავაზება.„დატენეს" ქსელი მუდმივად იზრდება - გადმოწერე აპლიკაცია

1790679714

მერის მრავალწლიანი გლობალური გამოცდილება მოიცავს ბრენდისა და მარკეტინგული კომუნიკაციების, საერთაშორისო პარტნიორობებისა და სპონსორობების მიმართულებებს.მერის გამოცდილება აერთიანებს იმას, რაც დღეს თიბისისთვის განსაკუთრებით მნიშვნელოვანია: ბრენდს, ბიზნესს, ტექნოლოგიებსა და ადამიანებთან რეალური კავშირის შექმნას. მისი პროფესიული გზა საქართველოდან დაიწყო და სამ კონტინენტსა და ხუთ ქვეყანას მოიცავს. მუშაობდა გლობალურ საკონსულტაციო ფირმა Elevate-ში, არაბთა გაერთიანებული საამიროების ერთ-ერთ წამყვან სატელეკომუნიკაციო კომპანია du-ში. ასევე, მართავდა Expo 2020 Dubai-ს სასპონსორო მიმართულებას, სადაც ქვეყნის წინაშე შეტანილი განსაკუთრებული წვლილისთვის ოქროს მედალი გადაეცა.სხვადასხვა ეტაპზე, მერის საქმიანობა საერთაშორისო დონეზე არაერთხელ აღინიშნა, მათ შორის Marketing Innovation Leader of the Year-ის ჯილდოთი. პარტნიორობებისა და ბრენდული აქტივაციების მიმართულებით. ბოლო წლებში მერი მუშაობდა ისეთ საერთაშორისო ბრენდებთან როგორებიცაა PepsiCo, Mastercard, Samsung, BMW და სხვა.მერი კოკაიას თიბისის გუნდთან შემოერთება თიბისის სტრატეგიის ნაწილია - საერთაშორისო გამოცდილების მქონე ქართველი პროფესიონალები სამშობლოში დააბრუნოს, მათი ცოდნა და გამოცდილება ქართული კომპანიისა და ზოგადად ქვეყნის განვითარებას მოახმაროს.„მოხარული ვარ, რომ მერი მრავალწლიანი საერთაშორისო გამოცდილებით საქართველოში დაბრუნდა და ჩვენ შემოგვიერთდა. დღეს თიბისის ერთ-ერთი ყველაზე ძლიერი და გამორჩეული ბრენდი აქვს საქართველოში, რაც წლების განმავლობაში ჩვენი გუნდის მიერ განხორციელებული არაერთი მნიშვნელოვანი პროექტისა და ინიციატივის შედეგია. ჩვენი მიზანია, კიდევ უფრო გავაძლიეროთ ბრენდი და მეტად დავაკავშიროთ ის თიბისის ბიზნესთან, პროდუქტებთან და მომხმარებლის ყოველდღიურ გამოცდილებასთან“ - გიორგი თხელიძე, თიბისის გენერალური დირექტორი.„საქართველოში დაბრუნება ჩემთვის მხოლოდ ახალი პროფესიული ეტაპის დაწყებას არ ნიშნავს. 14 წლიანი საინტერესო საერთაშორისო გამოცდილების შემდეგ, მიხარია, რომ თიბისის გუნდს შევუერთდი - კომპანიას, რომელიც უკვე 33 წელია საქართველოს ეკონომიკის ერთ-ერთი მნიშვნელოვანი მამოძრავებელი ძალაა. ჩემთვის დიდი პასუხისმგებლობა და ამავდროულად შესაძლებლობაა, თიბისის გუნდის მიერ შექმნილი გამორჩეული ბრენდი ჩემი გამოცდილებით გავაძლიერო და ამ გზით, ქვეყნის განვითარებაში ჩემი წვლილი შევიტანო.18 წელია თიბისის მომხმარებელი ვარ და მთელი ამ პერიოდის განმავლობაში პირადად ვგრძნობდი იმ ზრუნვასა და ყურადღებას, რომელიც თიბისის ადამიანებთან ურთიერთობის მნიშვნელოვანი ნაწილია. დღეს, უკვე როგორც გუნდის წევრი, კიდევ უფრო მკაფიოდ ვხედავ თიბისის მისიას - ცხოვრების ყოველ ეტაპზე ჩვენს მომხმარებლებს კიდევ უფრო გავუმარტივოთ ყოველდღიურობა“ - მერი კოკაია, თიბისის მარკეტინგის დირექტორი.მერის მნიშვნელოვანი საერთაშორისო გამოცდილება და სტრატეგიული ხედვა კიდევ უფრო გააძლიერებს თიბისის ამბიციას - შექმნას გარემო, სადაც მიზანსწრაფული, გამბედავი და მომხმარებელზე ორიენტირებული გუნდი რეალურ ღირებულებას უქმნის და ყოველდღიურობას უმარტივებს ადამიანებს.

1790677996

DataIQ Awards მონაცემთა და ხელოვნური ინტელექტის სფეროში ერთ-ერთ მნიშვნელოვან საერთაშორისო დაჯილდოებად მიიჩნევა. დაჯილდოება უკვე მე-10 წელია ტარდება და 2026 წელს დაახლოებით 400 განაცხადი შეფასდა. დაჯილდოება აერთიანებს წამყვან კომპანიებს საბანკო, სადაზღვევო, საცალო, ფარმაცევტული, მედია, ტელეკომუნიკაციებისა და სხვა ინდუსტრიებიდან მთელს მსოფლიოში.კონკურსში საქართველოს ბანკთან ერთად სხვადასხვა ინდუსტრიის ისეთი საერთაშორისო კომპანიები მონაწილეობდნენ, როგორებიც არიან Lloyds Banking Group , NatWest Group, BNP Paribas Fortis , Schneider Electric, ITV, Burberry, Mars, Aviva, Vodafone, Boots, The Guardian, Domino’s Pizza Group და ა.შ.საქართველოს ბანკმა ოთხი ჯილდო შემდეგ კატეგორიებში მიიღო:საუკეთესო გუნდი მონაცემთა ანალიტიკის ან ხელოვნური ინტელექტის მიმართულებით საერთაშორისო მასშტაბითDataIQ-მ საქართველოს ბანკის მონაცემთა ანალიტიკისა და AI-ის გუნდი საერთაშორისო კატეგორიაში საუკეთესოდ დაასახელა.ბოლო სამი წლის განმავლობაში გუნდმა AI ბანკის ყველა მიმართულებაში დანერგა და ბანკის არასაკრედიტო AI ინიციატივების წლიური გავლენა ათჯერ გაზარდა.AI უკვე ფართოდ გამოიყენება ბანკის ყოველდღიურ საქმიანობაშიც: თანამშრომლებმა შექმნეს თითქმის 400 AI ასისტენტი, რომლებიც მათ ყოველდღიურობას უმარტივებს, ხოლო ბექ ოფისის გუნდებში თანამშრომელთა თითქმის ორი მესამედი AI-ს ყოველდღიურად იყენებს.მნიშვნელოვანი მიღწევა მონაცემთა ანალიტიკის ან ხელოვნური ინტელექტის მიმართულებით საერთაშორისო მასშტაბით — Data Science Agent Factoryსაქართველოს ბანკის მიერ შექმნილი Data Science Agent Factory მონაცემთა მეცნიერების მუშაობის ახალ მოდელს ქმნის. სისტემა 10-ზე მეტი სპეციალიზებული AI აგენტისა და მიკროაგენტისგან შედგება, რომლებიც მონაცემთა მეცნიერების პროექტების დაგეგმვას, კვლევას, მოდელირებას, ვალიდაციასა და დეველოპმენტს ასრულებენ. ადამიანი დეველოპერები მართავს ამ აგენტების გუნდებს, აძლევენ მათ დავალებებეს და ამოწმებენ მათ მიერ შესრულებულ შედეგებს. ეს საშუალებას იძლევა, დეველოპმენტი რამდენჯერმე უფრო სწრაფად გაკეთდეს, ვიდრე ეს აქამდე იყო შესაძლებელი.ხელოვნური ინტელექტის ყველაზე ინოვაციური გამოყენება საერთაშორისო მასშტაბით — Agent OrchestratorAgent Orchestrator დავალებას თავიდან ბოლომდე ასრულებს: აგროვებს საჭირო ინფორმაციას, გეგმავს სამუშაოს, წერს კოდს, ატარებს ტესტებს და შედეგს დეველოპერს დასადასტურებლად წარუდგენს. ამ პროცესში ადამიანის კონტროლი შენარჩუნებულია ,  რეალურ სამუშაო გარემოში დანერგვამდე ყველა ცვლილებას დეველოპერი ამოწმებს და ადასტურებს.პროდუქტის მთავარი განსხვავება ჩვეულებრივი კოდის ასისტენტისგან მისი დამოუკიდებლად მუშაობის შესაძლებლობაა. Agent Orchestrator -ს თითოეულ ნაბიჯზე მითითება არ სჭირდება: ის იღებს კონკრეტულ დავალებას და გუნდს შესრულებულ შედეგს უბრუნებს. პროდუქტი უკვე გამოიყენება ბანკის ყოველდღიურ საქმიანობაში და ციფრული პროდუქტების უკან არსებული პროგრამული განვითარების სამუშაოების მნიშვნელოვან ნაწილს ასრულებს. მისი მოდულური არქიტექტურა სხვადასხვა გუნდს საკუთარ ამოცანებზე გამოყენებისა და ახალი შესაძლებლობების დამატების საშუალებას აძლევს,წლის ლიდერი მონაცემთა ანალიტიკის ან ხელოვნური ინტელექტის მიმართულებით საერთაშორისო მასშტაბით — მიხეილ ნადარეიშვილიDataIQ-მ საქართველოს ბანკის მონაცემთა ანალიტიკის მიმართულების ხელმძღვანელი მიხეილ ნადარეიშვილი მონაცემთა და AI-ის მიმართულებით წლის ლიდერად დაასახელა მსხვილი ორგანიზაციების კატეგორიაში საერთაშორისო მასშტაბით.DataIQ-ის შეფასებით, 2026 წლის დაჯილდოებამ წარმოაჩინა ის ორგანიზაციები და ლიდერები, რომლებიც მონაცემებსა და AI-ს არა მხოლოდ ექსპერიმენტებისთვის, არამედ რეალური ბიზნეს შედეგების მისაღებად იყენებენ. საქართველოს ბანკის ოთხი ჯილდო სწორედ ამ მიმართულებით განხორციელებული საქმიანობის საერთაშორისო აღიარებაა.

1790600308

m², რომელიც Blockstone Capital-ის საინვესტიციო პორტფელის ნაწილია, წლების განმავლობაში აქტიურად ოპერირებს საქართველოს უძრავი ქონების ბაზარზე და მნიშვნელოვანი წვლილი შეაქვს ქვეყნის თანამედროვე ურბანული გარემოს განვითარებაში. კომპანიის საქმიანობა ეფუძნება მომხმარებელზე ზრუნვას, უსაფრთხოებასა და ენერგოეფექტური, მდგრადი საცხოვრებელი გარემოს შექმნას.აღსანიშნავია, რომ m² მუდმივად ავითარებს საკუთარ პროდუქტებსა და სერვისებს, ორიენტირებულია თანამედროვე სტანდარტების დანერგვასა და მომხმარებლის გამოცდილების გაუმჯობესებაზე. კომპანიისთვის მნიშვნელოვანია ისეთი საცხოვრებელი გარემოს შექმნა, რომელიც აერთიანებს ხარისხიან არქიტექტურას, უსაფრთხოებასა და თანამედროვე ცხოვრების სტანდარტებს. ამ მიდგომით, m² ცდილობს ადამიანებს შესთავაზოს არა მხოლოდ საცხოვრებელი სივრცე, არამედ გარემო, რომელიც მათ ყოველდღიურ ცხოვრებას უფრო კომფორტულსა და სრულფასოვანს ხდის.m² განვითარების ახალ ეტაპზე გადადის, უახლოეს პერიოდში საზოგადოებას სამომავლო გეგმებსა და ახალ პროექტებს გააცნობს. ახალი ეტაპი მოიცავს კომპანიის ზრდას, ახალი პროექტების განვითარებას და საქართველოს უძრავი ქონების ბაზარზე მისი საქმიანობის კიდევ უფრო გაფართოებას.„m² არის კომპანია, რომელმაც 20 წლის განმავლობაში შეძლო უძრავი ქონების ბაზარზე ახალი სტანდარტების დანერგვა, ინოვაციური ურბანული კონცეფციების შექმნა და მომხმარებლის მაღალი ნდობის მოპოვება. მოხარულები ვართ, რომ საქართველოს ბიზნეს ასოციაციის რიგებს შემოუერთდა გუნდი, რომელიც ორიენტირებულია მდგრად განვითარებაზე, ენერგოეფექტურობასა და ხარისხზე. დარწმუნებული ვარ, ჩვენი თანამშრომლობა ნაყოფიერი იქნება როგორც დეველოპერული სექტორისთვის, ისე მთლიანად ქვეყნის ბიზნესგარემოს გაძლიერებისთვის,“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1790598102

Farizon-ის სპეციალისტები საქართველოში „თეგეტას“ ინიციატივით ჩამოვიდნენ. ვიზიტის მიზანი კომპანიის ტექნიკოსების კვალიფიკაციის ამაღლება და ბრენდის გაყიდვების შემდგომი მომსახურების მიმართულების კიდევ უფრო გაძლიერება იყო. ტრენინგის მონაწილეები ბრენდის კომერციული ელექტრომობილების ტექნიკური მომსახურების სპეციფიკასა და შესაბამის სტანდარტებს გაეცნენ. პროგრამა როგორც თეორიულ, ისე პრაქტიკულ სწავლებას მოიცავდა და მონაწილეებს შესაძლებლობა ჰქონდათ, მიღებული ცოდნა უშუალოდ ავტომობილების სერვისის პროცესში გამოეყენებინათ.გიორგი შაქარაშვილი, Farizon Center Tegeta-ს კომერციული დირექტორი: „Farizon-ის ბრენდის შემოყვანა და განვითარება საქართველოში ჩვენთვის მხოლოდ ავტომობილების გაყიდვით არ შემოიფარგლება. მნიშვნელოვანია, რომ მომხმარებელს გაყიდვის შემდეგაც შევთავაზოთ ბრენდის სტანდარტების შესაბამისი მომსახურება. სწორედ ამიტომ გადავწყვიტეთ, ჩვენი ტექნიკოსების კვალიფიკაცია უშუალოდ Farizon-ის სპეციალისტების პრაქტიკული გამოცდილების გაზიარებით აგვემაღლებინა. გვინდა, მზად ვიყოთ როგორც ინდივიდუალური მომხმარებლებისთვის, ისე მსხვილი ბიზნესებისთვის, რომლებსაც ავტოპარკში ათეულობით, ასეულობით ან უფრო მეტი კომერციული ავტომობილის მიწოდება და მართვა სჭირდებათ. განსაკუთრებით ისეთ სექტორებში, როგორებიცაა დისტრიბუცია, საცალო გაყიდვები და ჰიპერმარკეტების ქსელები, კვებისა და სამედიცინო სფეროები – მათთვის ავტომობილის გაჩერება ყოველდღიურ ოპერაციებზე პირდაპირ აისახება. შესაბამისად, ჩვენი მიზანია, საგარანტიო და ტექნიკური მომსახურება სწრაფად, ხარისხიანად და ბრენდის სტანდარტების დაცვით წარიმართოს“. ტექნიკური ვორქშოპისთვის „თეგეტა მოტორსის“ უახლესი გეზის ფილიალი შეირჩა, როგორც კომერციული ტრანსპორტის მომსახურებისა და პრაქტიკული სწავლებისთვის შესაბამისი ინფრასტრუქტურის მქონე სივრცე. სწორედ ამ სივრცეში, Farizon-ის ავტომობილის შეძენასთან ერთად, მომხმარებლებს მისი შემდგომი ტექნიკური მომსახურების მიღებაც შეუძლიათ. ფილიალი კომერციული და სატვირთო ტრანსპორტისთვის შესაბამისი, ულტრათანამედროვე ინფრასტრუქტურითაა აღჭურვილი, რაც, მაღალკვალიფიციურ ტექნიკურ გუნდთან ერთად, Farizon-ის მომხმარებლებისთვის გაყიდვის შემდგომი მომსახურების სრულფასოვანი სერვისის უზრუნველყოფას ემსახურება.ჟივეი იანგი, Farizon-ის გაყიდვების შემდგომი ტექნიკური მომსახურების მენეჯერი: „Farizon არის მსოფლიოში ცნობილი ინოვაციური ტექნოლოგიების კომერციული ავტომობილების ბრენდი. ჩვენ ძალიან ოპტიმისტურად ვუყურებთ საქართველოს ბაზარს და ასევე დიდ ნდობას ვუცხადებთ Tegeta Holding-ს, რომელსაც ადგილობრივ ბაზარზე ძლიერი პოზიციები და დიდი განვითარების პოტენციალი აქვს.ჩვენთვის გაყიდვების შემდგომი მომსახურების ტრენინგი ხარისხიანი სერვისის უზრუნველყოფის ერთ-ერთი მთავარი საფუძველია. მისი მიზანია პროფესიონალი და კვალიფიციური ტექნიკური პერსონალის მომზადება.შემდგომ ეტაპზე, ადგილობრივ ტრენინგებთან ერთად, ჩინეთშიც განვახორციელებთ სხვადასხვა სასწავლო პროგრამას, რათა მუდმივად გავაძლიეროთ ჩვენი პარტნიორების ცოდნა, შესაძლებლობები და პროფესიული კომპეტენციები“.Farizon, რომელიც Geely Holding-ის შემადგენლობაშია, სრულად ელექტრულ კომერციულ ავტომობილებს აწარმოებს და სხვადასხვა ინდუსტრიისთვის სპეციალიზებულ მოდელებს აერთიანებს, მათ შორისაა Farizon SV, Farizon V6E,  Farizon F1E და Farizon F3E. ისინი ერთმანეთისგან ზომით, ტვირთამწეობითა და ერთი დამუხტვით გასავლელი მანძილით განსხვავდებიან. კომერციული ელექტროტრანსპორტი ბიზნესებს საწვავის, ტექნიკური მომსახურებისა და ექსპლუატაციის ხარჯების მნიშვნელოვნად შემცირების შესაძლებლობას აძლევს, რაც, საბოლოოდ, ავტომობილის ფლობის ჯამურ ღირებულებაზეც აისახება.ანდრო ხვიტია, უფროსი კომერციული ანალიტიკოსი: „Farizon-ის კომერციული ელექტრომობილები ბიზნესისთვის ფლიტის მენეჯმენტის უფრო ეფექტიანი გადაწყვეტის კუთხით საინტერესო პროდუქტია, რადგან ისინი ფლობის ხარჯებს მნიშვნელოვნად ამცირებენ. მეორე მხრივ, როდესაც კომპანიას ათეულობით ან ასეულობით ავტომობილი ჰყავს, გადამწყვეტია, რამდენად ეფექტიანად შეძლებს ის ავტოპარკის მართვას, ტექნიკური მომსახურების დაგეგმვასა და ტრანსპორტის მაქსიმალურად უწყვეტ რეჟიმში გამოყენებას. ჩვენი ფლიტ მენეჯმენტის სერვისი სწორედ ამ პროცესის ერთიანად მართვას ემსახურება – ავტომობილის შერჩევიდან მის მოვლა-პატრონობამდე. ამ პროცესის ხარისხიანად მართვისთვის კი შესაბამისი კვალიფიკაციისა და გამოცდილების მქონე ტექნიკური გუნდია საჭირო. Farizon-იდან მოწვეული სპეციალისტების ტრენინგები სწორედ ამ შესაძლებლობის გაძლიერებას ემსახურება“.ბრენდი „თეგეტას“ პორტფელს 2026 წლის დასაწყისში დაემატა და მსხვილი ბიზნესებისგან ინტერესი მალევე გამოიწვია. ამის ერთ-ერთი მაგალითია სადისტრიბუციო კომპანია „ფუდსერვისთან“ საოპერაციო ლიზინგის კუთხით გაფორმებული ხელშეკრულება, რომლის ფარგლებშიც კომპანიას 10 ერთეული Farizon გადაეცა. ავტომობილის შერჩევასა და მიწოდებასთან ერთად, „თეგეტა“ ბიზნესებს ფლიტ მენეჯმენტის მომსახურებასაც სთავაზობს. ეს მოდელი მოიცავს ავტოპარკის ოპერირებისთვის საჭირო პროცესების სრულად მართვას, მათ შორის ბრენდის სტანდარტების შესაბამის ტექნიკურ და საგარანტიო მომსახურებას, მონიტორინგსა და სხვა სერვისებს, რასაც სწორედ Farizon-ის სპეციალისტებისგან დატრენინგებული მაღალკვალიფიციური გუნდი უზრუნველყოფს.

1790592660