მას შემდეგ, რაც მომხმარებელი ამბობს, რომ აღნიშნულ პირს არ იცნობს და სესხის გაცემაზე თანხმობას არ აცხადებს, მას კვლავ უკავშირდება სხვა პირი, რომელიც თავს ბანკის წარმომადგენლად ასაღებს. თაღლითი მომხმარებელს საბაბით ე.წ. „უსაფრთხოების პროცედურების“ გავლისკენ მოუწოდებს და პერსონალური და საბანკო მონაცემების, მათ შორის, SMS-ით მიღებული ერთჯერადი კოდის გაზიარებას სთხოვს.შედეგად, მომხმარებელი თავად გადასცემს თაღლითს პერსონალურ მონაცემებსა და საბანკო ციფრულ არხებში შესასვლელ ინფორმაციას, რის შემდეგაც თაღლითები მის სახელზე ონლაინ სესხს აფორმებენ და საბანკო ანგარიშებზე არსებულ თანხებს ითვისებენ.როგორ უნდა დავიცვათ თავი? უპირელეს ყოვლისა დაიმახსოვრეთ: ბანკის წარმომადგენელი არასდროს დაუკავშირდება ბანკის მომხმარებელს და არ სთხოვს ტელეფონით პერსონალური, კონფიდენციალური ინფორმაციის გაზიარებას, როგორიცაა ინტერნეტბანკის მომხმარებლის სახელი, პაროლი და SMS-ით მიღებული ერთჯერადი კოდი არასოდეს გაუზიაროთ სხვებს ინტერნეტბანკსა და მობილბანკში შესასვლელი მონაცემები ან საბარათე ინფორმაცია, მათ შორის ბარათის სრული მონაცემები და უსაფრთხოების კოდი არასდროს მიჰყვეთ უცნობის ზარს, SMS-ს თუ ნებისმიერი სოციალური მედიის არხით მოწოდებას გადახვიდეთ მავნე ბმულზე, გააზიაროთ თქვენი საბანკო ან პერსონალური მონაცემები ყოველთვის ისარგებლეთ საბანკო დაწესებულების ოფიციალური ვებ-გვერდით და მასზე არსებული საკონტაქტო არხებით დაუკავშირდით თუ ეჭვი გაქვთ, რომ თქვენი საბანკო ან პერსონალური მონაცემები თაღლითს გაუზიარეთ ან საეჭვო ვებგვერდზე შეიყვანეთ, დაუყოვნებლივ დაუკავშირდით მომსახურე ბანკს, აცნობეთ მომხდარის შესახებ და იმოქმედეთ ბანკის მითითებების შესაბამისად

1792152210

თუ საქართველოს ბანკის ნაწილ-ნაწილ გადახდის მეთოდით ჯერ არასოდეს გისარგებლიათ, 18 ოქტომბერს, City Mall-ის საბურთალოსა და გლდანის ფილიალებში პარტნიორ ობიექტებში გადახდისას, თანხის 30%-ს დაიბრუნებთ. (მაქსიმუმ 100 ლარის)ქეშბექი ანგარიშზე 3 სამუშაო დღის განმავლობაში აისახება.ინფორმაციისთვის, ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). მომხმარებლებს ასევე შეუძლიათ თანხის ნაწილი წინასწარ გადაიხადონ, დარჩენილი კი მომდევნო თვეებზე გადაანაწილონ.

1792151301

1 აშშ დოლარის ღირებულება 2.60 ლარს ჩამოსცდა. ეს უკვე იმაზე დაბალი მაჩვენებელია, რასაც ფინანსისტები წლის ბოლოსთვის პროგნოზირებდნენ. არის თუ არა ლარის კურსის გამყარება ერთ-ერთი ინსტრუმენტი იმისთვის, რომ საწვავისა და სხვა პროდუქტების ფასები დასტაბილურდეს და ინფლაციური წნეხი შემცირდეს? ექსპერტები ამ პოზიციას არ იზიარებენ და ლარის კურსის მკვეთრ გამყარებასაც არ ვარაუდობენ, თუმცა მათი პროგნოზით, წლის ბოლოსთვის, 1 აშშ დოლარი 2.57-2.58-ის ფარგლებში იქნება. „რეზონანსი“ დაინტერესდა, ლარი ინფლაციური წნეხის შესამცირებლად მყარდება, ეს საბაზრო ტენდენციაა, თუ მონეტარული პოლიტიკის შედეგი? სპეციალიასტების შეფასებით, დოლარის კურსის 2.60-ლარიანი ნიშნულიდან 2.59-ისა და შესაძლო 2.58-ის მიმართულებით მოძრაობა საქართველოს ეკონომიკისთვის მხოლოდ სავალუტო ბაზრის ცვლილება არ არის. ლარის გამყარებას შეუძლია შეამციროს იმპორტირებული საქონლის ლარში გამოხატული ღირებულება და, გარკვეულწილად, შეამსუბუქოს ინფლაციური წნეხი. ეს განსაკუთრებით მნიშვნელოვანია საწვავისა და იმ პროდუქტების შემთხვევაში, რომელთა ფასიც საერთაშორისო ბაზრებზე და უცხოურ ვალუტაში გაწეულ დანახარჯებზეა დამოკიდებული.თუმცა, ფინანსისტების შეფასებით, კურსის გამყარება ავტომატურად არ ნიშნავს სამომხმარებლო ფასების შემცირებას. ამ ეფექტის მასშტაბი დამოკიდებულია საერთაშორისო ბაზრებზე არსებულ ვითარებაზე, იმპორტიორთა ხარჯებზე, კონკურენციასა და ფასების ცვლილების გადაცემის სისწრაფეზე. ამასთან, ლარის გამყარების მიზეზების დასადგენად აუცილებელია სავალუტო ბაზრის მოთხოვნისა და მიწოდების, კაპიტალის ნაკადებისა და ეროვნული ბანკის ინტერვენციების შესწავლა.და მაინც ნიშნავს თუ არა ლარის კურსის გამყარება საწვავისა და სხვა პროდუქტების ფასების მეტ-ნაკლებ სტაბილურობას?ფინანსისტი ნიკა შენგელიას მოსაზრებით, მართალია, 1 აშშ დოლარი 2.60-ლარიან ნიშნულში მოძრაობს (15 ოქტომბრის მონაცემებით, 1 აშშ დოლარი 2.5960 ლარი იყო), მაგრამ ეროვნული ვალუტის მკვეთრი გამყარება მოსალოდნელი არ არის:„ლარის კურსის გამყარებას დიდად არ ველოდებით, ეს არც არის კარგი. მართალია, ეროვნული ვალუტა დიდად ვერ გამყარდება, მაგრამ 2.60-იან დიაპაზონს შეინარჩუნებს.რაც შეეხება საწვავის გაიაფებას, შესაძლოა, საწვავი გაიაფდეს 5-10 თეთრით, მაგრამ ბოლო დროს ასე ჩამოყალიბდა, რომ რაც იყო საწვავის ფასი ექვსი თვის წინ, სავარაუდოდ, იმ ფასს, მინიმუმ სამი თვე ვეღარ დაუბრუნდება“, - განუცხადა „რეზონანსს“ ნიკა შენგელიამ.მისი თქმით, ლარის ამჟმინდელი მდგლომარეობა (ან კიდევ ცოტათი გამყარება) პროდუქციის ღირებულეაზე დიდ გავლენას ვერ მოახდენს. ინფლაციური წნეხის შესამცირებლად, საწვავისა და სხვა პროდუქტების ფასების დასასტაბილურებლად, ლარი 2.50-ის ნიშნულამდე უნდა გამყარდეს. ეს კი საშუალო ვადაში მოსალოდნელი არ არის. ნიკა შენგელიას პროგნოზით, წლის ბოლომდე, ლარის კურსი 2.57-ის ფარგლებში იქნება.იგივე პოზიციაზეა ეკონომისტი გიორგი ცუცქირიძესაც, რომელიც ადასტურებს, რომ „რეზონანსის“ კითხვა აქტუალურია, რადგან ლარის მიმდინარე კურსი და წლის ბოლომდე მისი მოსალოდნელი დინამიკა მნიშვნელოვანია, როგორც ბიზნესისთვის, ასევე მომხმარებლებისთვის.„მხოლოდ ის ფაქტი, რომ დოლარის კურსი 2.60 ლარის ნაცვლად, 2.59-ზეა, არ ნიშნავს, რომ ეროვნული ვალუტა აუცილებლად გააგრძელებს გამყარებას ან პირიქით - გაუფასურებისკენ წავა. კურსზე გავლენას ახდენს რამდენიმე ფაქტორი: უცხოური ვალუტის შემოდინება ტურიზმიდან, ექსპორტიდან და ფულადი გზავნილებიდან; იმპორტზე მოთხოვნა და დოლარზე მოთხოვნის ცვლილება; ეროვნული ბანკის მონეტარული პოლიტიკა; მთავრობისა და ბიზნესის ფინანსური ნაკადები; ასევე  რეგიონული და საერთაშორისო ეკონომიკური ვითარება.აქედან გამომდინარე, პროგნოზის გაკეთებისას მნიშვნელოვანია არა მხოლოდ კურსის არსებული მაჩვენებელი, არამედ ისიც, რა ფაქტორები განაპირობებს მის ცვლილებას და რამდენად მდგრადია ეს ტენდენცია“, - აღნიშნა „რეზონანსთან“ საუბრისას გიორგი ცუცქირიძემ.კითხვაზე, ნიშნავს თუ არა ლარის გამყარება ფასების სტაბილურობას, გიორგი ცუცქირიძემ გვიპასუხა, რომ დღეს, ეს ყველაზე მნიშვნელოვანი ეკონომიკური საკითხია. კურსის გამყარებამ, სხვა თანაბარ პირობებში, შეიძლება შეამციროს იმპორტირებული საქონლისა და ნედლეულის ლარში გამოხატული ღირებულება, მაგრამ ეს ავტომატურად არ ნიშნავს, რომ საწვავი ან სხვა პროდუქტი იმავე ოდენობით გაიაფდება.„მაგალითად, თუ საერთაშორისო ბაზარზე საწვავის ფასი უცვლელია და დოლარის კურსი 2.60-დან 2.59 ლარამდე მცირდება, იმპორტირებული საქონლის დოლარში გამოხატული ღირებულების ლარში გადაყვანისას, ხარჯი დაახლოებით 0.38%-ით მცირდება. ეს კი არ ნიშნავს, რომ საცალო ფასიც აუცილებლად იმავე პროპორციით დაიკლებს. საბოლოო ფასზე გავლენას ახდენს საერთაშორისო კონიუნქტურა, ხოლო ნავთობისა და ნავთობპროდუქტების გაძვირებამ, შესაძლოა, ლარის გამყარების ეფექტი გაანეიტრალოს.პროდუქციის ღირებულებაზე გავლენას ახდენს ტრანსპორტირებისა და დაზღვევის ხარჯები, რაც ნიშნავს, რომ იმპორტის საბოლოო ღირებულება მხოლოდ პროდუქტის ფასით არ განისაზღვრება. გავლენას ახდენს, ასევე, გადასახადები და აქციზი, რაც საცალო ფასის მნიშვნელოვანი კომპონენტებია. ამას ემატება ბიზნესის მარჟა და კონკურენცია. ხშირად, კომპანიები ფასების ცვლილებას სხვადასხვა სისწრაფითა და მასშტაბით ასახავენ.კიდევ ერთი ფაქტორია მარაგი და შესყიდვის დროს ზეგავლენა სავალუტო კურსზე. დღეს გაყიდული პროდუქტი, შესაძლოა, მაშინ იყოს შეძენილი, როდესაც დოლარის კურსი უფრო მაღალი იყო. ამიტომ, ლარის გამყარება იმპორტირებული პროდუქტების გაიაფების ხელშემწყობი ფაქტორია, მაგრამ ფასების სტაბილურობის ან შემცირების გარანტია არ არის“, - განუცხადა „რეზონანსს“ გიორგი ცუცქირიძემ.წყარო: resonancedaily.com

1792141410

„თუ ფინანსური ვალდებულებები დოლარში აქვს და, მეორეს მხრივ, გაყიდვები ლარშია, იქ კურსის გაუარესება, ხვდებით, რომ ძალიან მნიშვნელოვან დარტყმას აყენებს კომპანიას და კომპანიებისთვის ეს არის ერთ-ერთი მათგან დამოუკიდებელი პრობლემა, რომელიც ხელს უშლის ხოლმე მათ გრძელვადიან ოპერირებას და განჭვრეტას მათი ბიზნესოპერაციების.მეორეს მხრივ, ახლა ჩვენ რასაც ვლაპარაკობთ, თუკი ლარი ზედმეტად გამყარდება, დავუშვათ, დოლართან ერთი-ერთზე დადგება, ეროვნულ ბანკს აკრიტიკებდნენ ამას წინათ, მოვისმინე, რატომ მივცეთ საშუალება და ლარი გახდეს ერთი-ერთზე, მაგრამ ეროვნული ბანკის პოლიტიკა იცავს, მე ვფიქრობ, რომ იმ ბალანსს, რომ ექსპორტი არ დავაზარალოთ.ახლა თქვენ რომ ნახოთ, ის 17%, რომელიც ჩვენთან არის, რომელიც გაცვლით კურსზე წუხს, ის იმ კომპანიების წუხილი კი არ არის, რომლებიც გაუფასურებაზე წუხან, არამედ იმ ექსპორტიორი კომპანიების წუხილია, რომ ლარი, მათი აზრით, შეიძლება ზედმეტადაც კი გამყარდეს. ეს ნიშნავს ან შემოსავლების შემცირებას, თუ იქ დოლარში ფასი არ შეეცვალა, ან მათი პროდუქციის ფასის ზრდას დოლარში და ეს მათ კონკურენტუნარიანობას ურტყამს და ეს პირდაპირ აისახება იმაზე, რასაც ბრძანებ, გაყიდვების შემცირებაზე. ამიტომ აქ რაღაც ბალანსი აუცილებელია დავიცვათ, რასაც ეროვნული ბანკი, მე ვფიქრობ, რომ საკმაოდ გონივრულად და ზომიერად ახორციელებს.საინვესტიციოდ კომპანიები სტაბილურად გრძნობენ თავს, იმიტომ, რომ მათ იციან, რომ ამხელა რეზერვი არსებობს და გარკვეული შოკები, თუ რაიმე წარმოიქმნება ჩვენს გარშემო, ეს რეზერვები საშუალებას მოგვცემს, რომ ძალიან მშვიდობიანად გავიაროთ ნებისმიერი მსგავს შოკთან დაკავშირებული პრობლემები“, - აცხადებს ლევან ვეფხვაძე.

1792136331

ამ მიზნით, ბანკი 40-ზე მეტ საგანმანათლებლო პროექტს ახორციელებს და უჭერს მხარს. მათ შორისაა პროგრამები, რომლებიც მონაწილეებს სწავლის საფასურის სრულად დაფინანსების მიღების შესაძლებლობას აძლევს.საქართველოს ბანკის სტიპენდიები ადგილობრივუნივერსიტეტებშისაქართველოს ბანკი ბაკალავრიატის სტუდენტებისთვის 23 პარტნიორ უნივერსიტეტში სასტიპენდიო პროგრამას ახორციელებს. პროგრამის ფარგლებში ახალგაზრდებს შესაძლებლობას აძლევს, მიიღონ სწავლის სრული ან ნაწილობრივი დაფინანსებაპროგრამაზე რეგისტრაცია დაიწყო. პროგრამის შესახებ დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალიარქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებს პროფესიული განვითარების შესაძლებლობას აძლევს. ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ ვებგვერდს.AI სტიპენდია გოგოებისთვის ხელოვნური ინტელექტის განვითარებასთან ერთად, საქართველოს ბანკმა პარტნიორ ორგანიზაციებთან და აკადემიებთან ერთად გოგოებისთვის სპეციალური  AI სტიპენდია შექმნა. პროგრამა მონაწილეებს მომავლის ტექნოლოგიების შესწავლას და ახალი პროფესიული შესაძლებლობების შექმნას სთავაზობს. პროგრამაზე რეგისტრაცია დაიწყო, დეტალური ინფორმაციისთვის ეწვიეთ ვებგვერდს.სტიპენდია პროფესიულ აკადემიებში -  ახალიუნარებისა და შესაძლებლობებისთვისიმ ადამიანებისთვის კი, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, სრული დაფინანსებით შეისწავლონ ახალი პროფესიები 20-მდე პარტნიორ აკადემიაში. პროგრამაში მონაწილეობის მსურველთათვის რეგისტრაცია მალე დაიწყება.  დეტალურიინფორმაციისთვის ეწვიეთ პროგრამის გვერდს.საქართველოს ბანკის სტიპენდიამოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულებასრული დაფინანსებითპროფესიულ აკადემიებში სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებულიახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა აქვთ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.თბილისის წიგნის დღეები - ცოდნა წიგნებიდანიწყებაგანათლება მხოლოდ ფორმალურ სწავლებას არ გულისხმობს. ახალი იდეების აღმოჩენა, განსხვავებული პერსპექტივების გაცნობა და ახალი სამყაროების აღმოჩენა წიგნებითაც შეიძლება.სწორედ ამიტომ, 30 ოქტომბრიდან 1 ნოემბრის ჩათვლით, საქართველოს ბანკის მხარდაჭერით, Expo Georgia-ში თბილისის წიგნის დღეები გაიმართება. ღონისძიება მკითხველებს წიგნებისა და ახალი იდეების გარშემო გაერთიანების შესაძლებლობას აძლევს.დეტალური ინფორმაციისთვის ეწვიეთ თბილისის წიგნის დღეების გვერდს.ეს საქართველოს ბანკის მიერ განხორციელებულისაგანმანათლებლო ინიციატივების მხოლოდ ნაწილია. დამატებითი ინფორმაციისა და სხვა შესაძლებლობებისაღმოსაჩენად ეწვიეთ ვებგვერდს ganatleba.bog.ge.

1792135948

BAG ინდექსის თანახმად, 2026 წლის III კვარტალში, გამოკითხულ კომპანიათა უმრავლესობა (64%) არ ელის მომავალ 6 თვეში ლარის აშშ დოლართან გაცვლითი კურსის ცვლილებას. იმ კომპანიების წილი, რომლებიც ლარის გაუფასურებას ელიან 9%-ია, ხოლო მათი, ვინც გამყარებას მოელის - 27%.აღსანიშნავია, რომ წინა კვარტალთან შედარებით, 15 პროცენტული პუნქტით შემცირდა იმ კომპანიების წილი, რომლებიც მომდევნო 6 თვეში ეროვნული ვალუტის გაცვლითი კურსის ცვლილებას არ ელიან, ხოლო 22 პროცენტული პუნქტით გაიზარდა იმ კომპანიების წილი, რომლებსაც მომდევნო 6 თვეში ლარის აშშ დოლართან გაცვლითი კურსის გამყარების მოლოდინი აქვთ.

1792135537

16, 17 და 18 ოქტომბერს მომხმარებლებს შესაძლებლობა ექნებათ, City Mall-ის  საბურთალოსა და გლდანის ფილიალებში, 120-ზე მეტი ბრენდის მაღაზიაში 40%-მდე ქეშბექით ისარგებლონ, 5-ჯერ მეტი PLUS ქულა დააგროვონ, ნაწილ-ნაწილ გადახდისას კი თანხის ნაწილი დაიბრუნონ.16 ოქტომბერი - 5-ჯერ მეტი PLUS ქულა16 ოქტომბერს City Mall-ის საბურთალოსა და გლდანის ფილიალებში შოპინგისა და აქსესუარების კატეგორიაში გადახდისას სუპერ PLUS და PLUS ბარათის მფლობელები 5-ჯერ მეტ PLUS ქულას დააგროვებენ. (მაქსიმუმ 20,000 PLUS ქულას)შეთავაზებით სარგებლობისთვის საჭიროა მისი მობილბანკში გააქტიურება და საქართველოს ბანკის ტერმინალით გადახდა.17 ოქტომბერი - 40%-მდე ქეშბექი SOLO Visa ბარათით17 ოქტომბერს, SOLO Visa ბარათის მფლობელები 120-ზე მეტი ბრენდის მაღაზიაში გადახდისას 20%, 25%, 30% ან 40%-იან ქეშბექს მიიღებენ.40% ქეშბექი, ულიმიტოდ: BOSS, HUGO40% ქეშბექი, მაქსიმუმ 500 ლარი თითოეულ მაღაზიაში ცალ-ცალკე: Remember, Music House, Sergent Major, Eshvi, Lee Cooper, Pendant, Delfos, Giordano, Olivander’s, Bagatt, Old Supra, Steiff, Yves Rocher, Afflelou Paris, Okkia, Felino Milano, Wortmann, Salamander, The Body Shop, Baccarat Jewelry, Aden Cosmetics; Koreuli Pirveli, Exqusie, Cortefiel, Women's Secret.30% ქეშბექი, მაქსიმუმ 500 ლარი თითოეულ მაღაზიაში ცალ-ცალკე: Boggi Milano, Cosmo, More Beauty, Pandora, Tous, Zag, Casio, TI’ME, Voulez-Vous, Swarovski, Villeroy & Boch, New Balance, EA7 Emporio Armani, GMT, Regalia, Victorinox, Velvet & Vivid, Toreli, Ici Paris, Izipizi, Messyweekend, Beauty Corner, Manamo, TAC, English Home, Matalan, Penti, Beard.ge, JB Martin, Keddo, Diesel, Magellan, Napapijri, The North Face, Scotch & Soda, Timberland, Franco Fontana, MAC, Sense Concept Store, Dan John, Dressarium Kids, Marc O'Polo, Shoes Loft, Karl Lagerfeld, Hackett London, Corner, Lion of Porches, Petit Bateau, Lutecia, Atelier Rebul, Sseasons Store, United Colors Of Benetton, Sisley, Yamamay, Adidas, Top Sport, Crocs, Puma, Nike, Pirveli Koreuli, L’Occitane, Superdry.30% ქეშბექი, მაქს. 500 ლარი ჯამურად Dressup-ის მაღაზიებში: Lee & Wrangler, Atrio, Gant, Guess, Mavi, Tommy Jeans, Kid's Gallery, Calvin Klein, Factory, Jeans Gallery, Etam, Triumph30% ქეშბექი, მაქს. 500 ლარი ჯამურად ICR-ის მაღაზიებში: Studio By Shoes Gallery, Bata, Bambino, AW LAB, Scarpiera, Jacadi, Okaidi, Corso Italia, Geox, Ecco; Replay25% ქეშბექი, მაქს. 500 ლარი თითოეულ მაღაზიაში ცალ-ცალკე: Alta, iSpace, Kontakt Home, iTechnics, Mi Store, Jo Malone London20% ქეშბექი, მაქს. 500 ლარი თითოეულ მაღაზიაში ცალ-ცალკე: Aromateque, Smeg, Ninja/Shark, JBLინფორმაციისთვის: Voulez-Vous-ში შეთავაზება არ ვრცელდება ბრენდებზე: Chanel, Dior, Guerlain, Essential Parfums და სასაჩუქრე ვაუჩერებზე. ასევე, პარალელურად ვერ ისარგებლებთ Voulez-Vous-ის ფასდაკლების ბარათით; Ici Paris-ში შეთავაზება არ ვრცელდება ბრენდებზე: Chanel, Tom Ford, Byredo, Xerjoff, Juliette Has a Gun, Casamorati, Roja, Vilhelm Parfumerie და სასაჩუქრე ბარათებზე; Alta-ში მოქმედებს გამონაკლისები ტელეფონებზე; iSpace-ში შეთავაზება არ ვრცელდება შემდეგ მოდელებზე: iPhone 18 Pro / Pro Max, AirPods 5, Apple Watch 12 და Apple Watch Ultra 4; Lutecia-ში შეთავაზება არ ვრცელდება ბრენდებზე: Chanel, Dior, Guerlain, Tiziana Terenzi, Giardino Benessere, V Canto, სასაჩუქრე ბარათზე. ასევე აქციის პარალელურად ვერ გამოიყენებთ ლუტეციას ლოიალობის ბარათს; Regalia-ში შეთავაზება არ ვრცელდება ციკოლიას ბრენდზე; GMT-ში შეთავაზება არ ვრცელდება Ronius-ის ბრენდზე. 18 ოქტომბერი - 30%-იანი ქეშბექი ნაწილ-ნაწილ გადახდისასთუ ნაწილ-ნაწილ გადახდით ჯერ არასდროს გისარგებლიათ, 18 ოქტომბერს, გადაიხადეთ City mall-ის საბურთალოსა და გლდანის ფილიალებში, პარტნიორ ობიექტებში.ის მომხმარებლები, რომლებიც პირველად ისაგრებლებენ საქართველოს ბანკის ნაწილ-ნაწილ გადახდისის მეთოდით, თანხის 30%-ს დაიბრუნებენ. (მაქსიმუმ 100 ლარს).ქეშბექი ანგარიშზე 3 სამუშაო დღის განმავლობაში აისახება.

1792057384

საქსტატის ინფორმაციით, შემოსავლის უდიდეს ნაწილს (80.3%) საპროცენტო და მასთან გათანაბრებული შემოსავლები შეადგენდა, 9.1% საკომისიო შემოსავლებზე მოდიოდა, ხოლო დარჩენილი 10.6% სხვა სახის შემოსავლებზე განაწილდა."2025 წლის დასასრულისთვის საფინანსო მომსახურების საქმიანობით დაკავებული საწარმოების სალაროში განთავსებული იყო 3.1 მლრდ. ლარი ნაღდი ფულის სახით. ამავე დროს, ფიქსირებული და არაწარმოებული აქტივების ნარჩენმა (საბალანსო) ღირებულებამ 2.9 მლრდ. ლარი შეადგინა.2025 წელს საფინანსო მომსახურების საქმიანობით დაკავებულ საწარმოებში დასაქმებულთა საშუალო წლიური რაოდენობა 42.7 ათასს შეადგენდა, რომელთაგან 65.6 პროცენტი ქალი იყო. 2025 წელს სადაზღვევო კომპანიების მიერ (პირდაპირი დაზღვევის საქმიანობის მიხედვით) გამომუშავებულმა პრემიამ (ბრუტო) 1.3 მლრდ. ლარი შეადგინა, საიდანაც 42.0% სამედიცინო (ჯანმრთელობის) დაზღვევაზე მოდიოდა, 11.3% – ქონების დაზღვევაზე, 9.6% – სიცოცხლის დაზღვევაზე, 6.4% – სახმელეთო ტრანსპორტის გამოყენებასთან დაკავშირებულ სამოქალაქოპასუხისმგებლობის დაზღვევაზე, 1.4% – უბედური შემთხვევის დაზღვევაზე, ხოლო დანარჩენი(29.3%) სხვა სახის დაზღვევაზე განაწილდა.2025 წელს სადაზღვევო კომპანიების მიერ ანაზღაურებული დამდგარი სადაზღვევო ზარალი (ბრუტო) 763.9 მლნ. ლარით განისაზღვრა, რომლის 56.6% სამედიცინო (ჯანმრთელობის) დაზღვევაზე მოდიოდა, 6.3% – ქონების დაზღვევაზე, 5.4% – სიცოცხლის დაზღვევაზე, 5.0% – სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, ხოლო დანარჩენი (26.7%) სხვა სახის დაზღვევაზე განაწილდა",-აღნიშნულია საქსტატის მიერ გავრცელებულ ინფორმაციაში. 

1792051141

პარლამენტში წარდგენილი კანონპროექტით ციფრული ლარის სტატუსი განისაზღვრება - ფართოვდება ”ფულის ნიშნებისა“ და “ემისიის“ ცნებები და მასში ფულის ნიშნების ციფრული ფორმით გამოშვებაც აისახება.როგორც პარლამენტის საფინანსო-საბიუჯეტო კომიტეტის თავმჯდომარემ პაატა კვიჟინაძემ კომიტეტის სხდომაზე განმარტა, საქართველო ციფრული ვალუტის შემოღებისგან ჯერ შორს არის. მისი თქმით, ეს ჯერჯერობით ბანკებს, მოსახლეობასა და საწარმოებს არ შეეხება, მაგრამ ეროვნულ ბანკს ექნება საშუალება, ყველა ის საჭირო პროგრამა და ინფრასტრუქტურული საშუალება შეიძინოს, რომ ციფრული ლარის გამოშვება შეძლოს.“ციფრული ტექნოლოგიები ფართოდ გავრცელდა. ათი წლის წინ ეს წარმოუდგენელი იყო. ჩვენ მივიღეთ კანონი ვირტუალურ აქტივებთან - ე.წ. ბიტკოინებთან დაკავშირებით. გარდა ამისა, საქართველოში არის სამი ციფრული ბანკი.ციფრული ვალუტა მსოფლიოში ძალიან სწრაფო ტემპით ვითარდება. ჩვენ მისი შემოღებისგან, გინდ ტექნოლოგიურად, გინდ სხვა კუთხით შორს ვართ, მაგრამ ვიწყებთ იმას, რომ ეროვნულმა ბანკმა ამ პროცესში ტესტური მუშაობა დაიწყოს. ჩინეთში ციფრული ვალუტა უკვე მუშაობაშია. ინდოეთში მუშაობაშია. ჩვენს სამეზობლოში - რუსეთი, ყაზახეთი, ყირგიზეთი, თურქეთი უკვე სამუშაო პროცესშია. უკრაინა მუშაობს და ჩვენზე წინ დგას. რაც შეეხება მთავარს - ევროკავშირს, ევროკავშირში, რომლის მაგალითის აღებაც ჩვენ გვაინტერესებს, სამი წლის წინ მიიღეს გადაწყვეტილება, რომ ციფრულ ვალუტაზე 2030 წლამდე გადავიდნენ. 2026 წლიდან ცენტრალურ ბანკებს შორის ურთიერთობა ციფრული ვალუტით ხდება, 2030 წლამდე საბითუმოზე გადავლენ, საცალოზე და 2030 წელს ეს სრულად შევა ძალაში.ჩვენს შემთხვევაში ეს ჯერჯერობით არ შეეხება ბანკებს, მოსახლეობას და საწარმოებს. ეროვნულ ბანკს ეძლევა უფლება, რომ ერთი მხრივ პროცესი აკონტროლოს და მეორე მხრივ, შეეძლოს, რომ პროგრამული უზრუნველყოფა, ბლოკჩეინები შეიძინოს, რათა მზად იყოს და თუ ამის საჭიროება დადგება, გამოშვების საშუალება ჰქონდეს, ასევე აიყვანოს კადრები და სპეციალისტების, რათა მზად იყოს ყველანაირად, რომ თუ პროცესმა გაამართლა და სწორად წავიდა ჩვენ სამეზობლოში თუ ევროკავშირში, ჩვენ აქტიურად ჩავერთოთ. ეროვნულ ბანკს ექნება საშუალება, რომ შეიძინოს ყველა ის საჭირო პროგრამა და ინფრასტრუქტურული საშუალებები, რომ ციფრული ლარის გამოშვება შეძლოს“, - განაცხადა პაატა კვიჟინაძემ პარლამენტის საფინანსო-საბიუჯეტო კომიტეტის სხდომაზე.

1791880909

„მონოლით ჯგუფი“ სამშენებლო-დეველოპერული კომპანიაა, რომელიც უკვე 13 წელია თბილისში თანამედროვე, მაღალი სტანდარტების საცხოვრებელ სივრცეებს ქმნის. ამ ეტაპზე კომპანიის პორტფელი 10 წარმატებით დასრულებულ და ექსპლუატაციაში შესულ პროექტს აერთიანებს.„მონოლით ჯგუფის“ საქმიანობის მთავარი პრინციპები სანდოობა, პროექტების დროული ჩაბარება და მომხმარებლის მაღალი ნდობაა. კომპანია თითოეული პროექტის დაწყებამდე განსაკუთრებულ ყურადღებას უთმობს ლოკაციის სწორად შერჩევას, ირჩევს მოთხოვნად, პერსპექტიულ და კომფორტულ უბნებს, სადაც ცხოვრების ხარისხი და საინვესტიციო ღირებულება მუდმივად იზრდება.„მივესალმებით „მონოლით ჯგუფის“ გაწევრიანებას საქართველოს ბიზნეს ასოციაციაში. კომპანიამ 13-წლიანი წარმატებული საქმიანობით დაამტკიცა, რომ არის სანდო და სტაბილური პარტნიორი როგორც მობინადრეებისთვის, ასევე ინვესტორებისთვის. სამშენებლო და დეველოპერული სექტორი ჩვენი ქვეყნის ეკონომიკის ერთ-ერთი წამყვანი მამოძრავებელი ძალაა და დარწმუნებულნი ვართ, „მონოლით ჯგუფის“ გამოცდილება და პროფესიონალიზმი მნიშვნელოვან წვლილს შეიტანს ასოციაციის საქმიანობასა და ინდუსტრიის შემდგომ განვითარებაში“, განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1791880302