თიბისის Visa ბარათის მფლობელებს უკვე შესაძლებლობა აქვთ, სხვა ქვეყნის Visa ბარათზე თანხა მომენტალურად, მხოლოდ მიმღების უცხოური მობილურის ნომრის მითითებით გადარიცხონ.Visa+ სერვისით სარგებლობისთვის, მიმღებმა ბარათი და მობილურის ნომერი Visa+ სერვისს უნდა დაუკავშიროს. შედეგად, თანხის მიღებას საბანკო ანგარიშის დეტალების გაზიარება აღარ სჭირდება - საკმარისია მხოლოდ დარეგისტრირებული ნომერი.ახალი ფუნქციონალი უკვე ხელმისაწვდომია თიბისის მობაილბანკში. მომხმარებლებს თანხის გადარიცხვა შეუძლიათ აშშ დოლარში, ევროსა და ფუნტ სტერლინგში, სადებეტო ბარათიდან ან მიმდინარე ანგარიშიდან.ერთი ტრანზაქციის მაქსიმალური ლიმიტი, შესაბამის ვალუტაში, 1,000 ერთეულია. გადარიცხვა სრულდება მომენტალურად, თანხის მიმღების ანგარიშზე ასახვის დრო კი მიმღებ ბანკზეა დამოკიდებული.ბარათის მონაცემების გაზიარების საჭიროების შემცირებით, Visa+ ქმნის თანხის გადარიცხვის უფრო მარტივ და მოსახერხებელ გამოცდილებას: მომხმარებლებს შეუძლიათ გამოიყენონ ისეთი იდენტიფიკატორი, რომელიც უკვე მათი ყოველდღიური ცხოვრების ნაწილია - მობილურის ნომერი.Visa+ სერვისის დანერგვა კიდევ ერთხელ ადასტურებს, რომ თიბისი ქმნის და ავითარებს ისეთ პროდუქტებსა და სერვისებს, რომლებიც მომხმარებლებს რეალურად უმარტივებს ყოველდღიურობას. ამასთან, კარგი მაგალითია იმის, თუ როგორ შეუძლიათ Visa-სა და ფინანსურ ინსტიტუტებს გლობალური გადახდის შესაძლებლობების ლოკალურ ბაზრებზე მორგება და ისეთი პრაქტიკული გადაწყვეტილებების შექმნა, რომლებიც მომხმარებელთა მუდმივად ცვალებად საჭიროებებს პასუხობს.Visa+ სერვისით სარგებლობისა და გადარიცხვის დეტალური პირობების შესახებ მეტი ინფორმაციის მისაღებად ეწვიეთ ბმულს.

1792658283

მიკრომეწარმეობის მხარდაჭერის პროგრამა განკუთვნილია მათთვის, ვინც საკუთარი საქმიანობის წამოწყებას ან უკვე არსებულის გაფართოებას და განვითარებას გეგმავს. პროგრამაში მონაწილეობისას, ქონების უზრუნველყოფა საჭირო არ არის. სესხის ძირი თანხის 80%-ს სახელმწიფო გარანტია უზრუნველყოფს.იმ შემთხვევაში, თუ მეწარმე სესხს თიბისიში აიღებს, 6 თვის განმავლობაში, დამატებითი უპირატესობებით შეძლებს სარგებლობას:• უფასო ბიზნესნაკრები;• თიბისის ტერმინალით სარგებლობისას, 0%-იანი საკომისიო გადასახადიამასთანავე, პროგრამაში მონაწილეობისას, მეწარმეები, თიბისი ბიზნესის გუნდის მხარდაჭერით, შეძლებენ, სწორად დაგეგმონ და მართონ დაფინანსების მიღების მთლიანი პროცესი - წინასწარი კონსულტაციით გაიგონ, აკმაყოფილებენ თუ არა პროგრამის პირობებს, განსაზღვრონ დაფინანსების ოპტიმალური მოცულობა, მოამზადონ საჭირო დოკუმენტაცია და სწრაფად და მარტივად მართონ დაფინანსების თითოეული ეტაპი.პროგრამისა და მასში მონაწილეობის შესახებ დეტალური ინფორმაციის ნახვა შესაძლებელია ბმულზე: მიკრომეწარმეობის მხარდაჭერის სახელმწიფო პროგრამა

1792650989

როგორც ეროვნული ბანკის ფინანსური სტაბილურობის დეპარტამენტის უფროსი დავით უტიაშვილი განმარტავს, ამ ეტაპზე ციფრული ლარის სრულმასშტაბიანი გამოშვება არ განიხილება, თუმცა დაგეგმილია საპილოტე პროგრამების განხორციელება, რომელთა მიზანი ტექნოლოგიის პოტენციური სარგებლის, ხარჯებისა და რისკების შეფასებაა.დავით უტიაშვილის განცხადებით, ცენტრალური ბანკების ციფრული ვალუტების კვლევა და საპილოტე პროექტების განხორციელება საერთაშორისო პრაქტიკის ნაწილია. ფინანსურ სექტორში ციფრული ტექნოლოგიების განვითარებასთან ერთად, ცენტრალური ბანკების მიერ გამოშვებულ ციფრულ ფულს შესაძლოა მნიშვნელოვანი როლი ჰქონდეს ციფრულ ფინანსურ ეკოსისტემაში.„ზოგადად ვხედავთ, რომ ფინანსურ სექტორში ციფრული ტექნოლოგიები ვითარდება, ციფრული ვალუტები უკვე არსებობს. მათ შორის, საქართველოში ჩვენი თანამოქალაქეები იყენებენ ისეთ ვალუტებს, როგორიცაა USDT და USDC, რომლებიც ძირითადად უცხოურ ვალუტაზეამიბმული და გამოიყენება საბირჟო ტრანზაქციებსა და საერთაშორისო გადარიცხვებში. თუმცა, ცენტრალური ბანკის მიერ გამოშვებულ ციფრულ ფულს დამატებითი სარგებლის მოტანა შეუძლია, რადგან ის შეიძლება უფრო სტაბილური და მიმზიდველი იყოს“, - განაცხადა დავით უტიაშვილმა.მისივე განმარტებით, საპილოტე პროგრამები ეროვნულ ბანკს საშუალებას მისცემს, შეისწავლოს ციფრული ვალუტის დანერგვასთან დაკავშირებული პოტენციური სარგებელი, მოსალოდნელი ხარჯები, რისკები და ტექნოლოგიური გამოწვევები, ასევე შეაფასოს მათი შემცირების შესაძლებლობები.„ეროვნული ბანკი ამ ეტაპზე, ცხადია, არ განიხილავს ასეთი ვალუტის სრულყოფილი ფორმით გამოშვებას, თუმცა იგეგმება საპილოტე პროგრამების განხორციელება, რათა შევისწავლოთ სარგებელი, ვნახოთ მოსალოდნელი ხარჯები, რისკები და ტექნოლოგიური გამოწვევები და შევაფასოთ, როგორ შეგვიძლია ამ რისკების შერბილება. სწორედ ამ სამუშაოების განხორციელების მიზნით მიენიჭა საქართველოს ეროვნულ ბანკს შესაბამისი უფლებამოსილება“, - აღნიშნა დავით უტიაშვილმა.

1792587158

მათ შორის, ერთ-ერთი ცვლილებით იქმნება სამართლებრივი საფუძველი, რომლის მიხედვით, ეროვნულ ბანკს ევროკავშირის წევრი და მსოფლიოს სხვა წამყვანი ქვეყნების მსგავსად, ციფრული ლარის მიმართულებით სხვადასხვა საპილოტე პროექტის განხორციელების შესაძლებლობა ექნება.ამასთან, მიუხედავად იმისა, რომ განხორციელებული საკანონმდებლო ცვლილებები ციფრული ლარის გამოშვების სამართლებრივ საფუძველს ქმნის, უახლოეს წლებში ეროვნული ბანკი არ გეგმავს ციფრული ლარის სრულმასშტაბიან გამოშვებას, რაც ხაზგასმულია კიდეც „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე" საქართველოს ორგანული კანონის განმარტებით ბარათში. ამავე კანონით, ერთმნიშვნელოვნად არის განსაზღვრული და ნარჩუნდება ლარის ნაღდი ფორმით გამოშვება.ციფრული ლარის საპილოტე პროექტი მიზნად ისახავს ახალი ტექნოლოგიური შესაძლებლობების შესწავლას, გამოცდასა და იმის შეფასებას, თუ რა პრაქტიკული სარგებელი შეიძლება შექმნას ციფრულმა ვალუტამ მოქალაქეებისა და ბიზნესებისთვის, რაც მომავალში ხელს შეუწყობს საქართველოს საფინანსო სისტემის ინოვაციურ განვითარებასა და ტექნოლოგიური ცვლილებებისთვის მომზადებას.დღესდღეობით, ციფრული ვალუტა ფინანსური ტრანზაქციების ჩვეული ნაწილი გახდა. საქართველოს მოსახლეობისა და ფინანსური ბაზრის მონაწილეებისთვის უკვე კარგად ნაცნობია ისეთი ციფრული ვალუტები, როგორიცაა, USDT, USDC და სხვა. ამასთან, ყველა მათგანი უცხოურ ვალუტაზე მიბმულ, კერძო პირის მიერ გამოშვებულ ციფრულ აქტივს წარმოადგენს, რაც როგორც საბირჟო ვაჭრობისას, ისე ტრანსსასაზღვრო გადარიცხვების დროს ფართოდ გამოიყენება. ეროვნული ბანკების მიერ გამოშვებული ციფრული ვალუტა კი მხარდაჭერილია ცენტრალური ბანკის მიერ და შესაბამისად, სანდოობის უმაღლესი ხარისხი გააჩნია.აღსანიშნავია, რომ ქვეყნები ციფრული ვალუტების განვითარების სხვადასხვა მოდელს ირჩევენ. მაგალითად, ამერიკის შეერთებული შტატები კერძო ციფრული ვალუტების (სტაბილქოინების) განვითარებაზეა ორიენტირებული. ევროკავშირი კი კერძო ციფრული ვალუტების პარალელურად, ცენტრალური ბანკის ციფრული ვალუტის განვითარებას და დომინირებას უჭერს მხარს.  სწორედ ამ უკანასკნელ მიდგომას იზიარებს საქართველოს ეროვნული ბანკიც.ამასთან, ეროვნული ბანკი,  თავისი უფლებამოსილების ფარგლებში, კერძო სექტორის მიერ გამოშვებულ ციფრულ ვალუტასთან დაკავშირებულ საქმიანობას არეგულირებს. მათ შორის, მნიშვნელოვანია სტაბილქოინების გამოშვებისა და უზრუნველყოფის ჩარჩო, რომელიც ფინანსური ინოვაციების უსაფრთხო განვითარებასა და მომხმარებელთა ინტერესების დაცვას ემსახურება.ინფორმაციას ეროვნული ბანკი ავრცელებს.

1792577762

საქსტატის ცნობით, 2026 წლის აგვისტოსთან შედარებით ფასები 0.1 პროცენტით შემცირდა სამთო-მოპოვებითი მრეწველობისა და კარიერების დამუშავების ჯგუფზე, რამაც -0.01 პროცენტული პუნქტით იქონია ზეგავლენა ჯამური ინდექსის ცვლილებაზე. ამავე პერიოდში -0.1 პროცენტით ფასები შემცირდა დამამუშავებელი მრეწველობის პროდუქციის ჯგუფზე, რამაც -0.05 პროცენტული პუნქტი შეიტანა მთლიანი ინდექსის ცვლილებაში. გარდა ამისა, ფასების 0.4-პროცენტიანი ზრდა დაფიქსირდა ელექტროენერგიის, აირის, ორთქლის და კონდიცირებული ჰაერის ჯგუფზე, რომლის წვლილმაც თვის ჯამური ინდექსის ცვლილებაში 0.04 პროცენტული პუნქტი შეადგინა.„12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 12.6 პროცენტით, რაც მთლიანი ინდექსის ცვლილებაზე 0.88 პროცენტული პუნქტით აისახა. ჯგუფში აღსანიშნავია ფასების მატება ლითონის მადნებზე (12.1 პროცენტი);დამამუშავებელი მრეწველობის პროდუქცია: ფასები გაიზარდა 4.1 პროცენტით, რამაც მთლიანი ინდექსის ზრდაზე 3.22 პროცენტული პუნქტით მოახდინა გავლენა. ფასები გაიზარდა კვების პროდუქტებზე (4.1 პროცენტი) და ძირითად ლითონებზე (8.5 პროცენტი); ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.2 პროცენტით, რამაც მთლიანი ინდექსის წლიურ ცვლილებაზე 0.34 პროცენტული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 5.8 პროცენტით, რამაც მთლიან ინდექსზე 0.18 პროცენტული პუნქტით იქონია გავლენა“, – აღნიშნულია საქსტატის მიერ გამიქვეყნებულ ანგარიშში.

1792488885

საქართველოს ეროვნული ბანკის ინფორმაციით, საერთაშორისო მოგზაურობიდან მიღებულ შემოსავალში 2026 წლის მესამე კვარტალში ევროკავშირის ქვეყნების წილი 16.6%-ით განისაზღვრა და 310.2 მილიონ აშშ დოლარს გაუტოლდა – ზრდა წინა წლის ანალოგიურ მაჩვენებელთან შედარებით 30.2%-ია.სებ-ის ცნობით, სტატისტიკის მიხედვით, გაზრდილია რუსეთიდან, ისრაელიდან, აზერბაიჯანიდან და უკრაინიდან მიღებული შემოსავლები, წლიურად 32.3%, 24.8%, 18.6% და 52.5%-ით და, შესაბამისად, 334.2, 234.9, 78.8 და 68.4 მლნ აშშ დოლარს უტოლდება. ახლო აღმოსავლეთში ომის ფონზე, შემცირებულია ირანიდან და საუდის არაბეთიდან მოგზაურობიდან მიღებული შემოსავლები წლიურად 21.3%-ით, და 31.9%-ით შემცირდა შესაბამისად, 33.8 და 58.5 მლნ აშშ დოლარამდე.საქართველოს შემოსავლები მოგზაურობიდან ქვეყნების ჭრილში 2026 წლის მესამე კვარტალში შემდეგნაირად ნაწილდება:

1792482770

თიბისიში, ემიგრანტებს, შემდეგი საბანკო პროდუქტებით შეუძლიათ სარგებლობა:• დისტანციური საბანკო მომსახურება - ემიგრანტებს შესაძლებლობა აქვთ, თიბისის მომხმარებლები, დამატებითი დოკუმენტაციის გარეშე, 30 წამში, ინტერნეტ ან მობაილბანკის საშუალებით გახდნენ და ისარგებლონ ყველა არსებული პროდუქტითა და მომსახურებით. საჭიროების შემთხვევაში, შესაძლებელია ვიდეობანკის სერვისით სარგებლობა და რეგისტრაციის პროცესში, თიბისის წარმომადგენლის მხრიდან დახმარება;• უფასო თიბისი ბარათი - ციფრული ბარათის აღება ინტერნეტ და მობაილბანკიდან, სრულიად უფასოდ, ზუსტად 30 წამშია შესაძლებელი. ბარათით შესაძლებელია ნებისმიერ POS ტერმინალზე, ასევე ონლაინ პლატფორმებზე გადახდა, უფასო გადარიცხვები ქართულ ბანკებში, კონვერტაცია სპეციალური კურსით. ასევე, კომუნალური გადახდები და გზავნილის ანგარიშზე გადარიცხვა;• ანაბრები - ემიგრანტებს შესაძლებლობა აქვთ, მსოფლიოს ნებისმიერი წერტილიდან გახსნან ანაბარი და სარგებლის დარიცხვისას, ისარგებლონ მაღალი საპროცენტო განაკვეთით;• იპოთეკური სესხი - ემიგრანტებს შესაძლებლობა აქვთ, ისარგებლონ იპოთეკური სესხით უძრავი ქონების შესაძენად, სახლის ასაშენებლად, ან გასარემონტებლად;• ფულადი გზავნილები - ფულადი გზავნილების მიღება, გაგზავნა და განაღდება შესაძლებელია დისტანციურად, თიბისის ინტერნეტ ან მობაილბანკიდან, სპეციალურო პირობებით. განაღდებული გზავნილი მომენტალურად აისახება საბარათე ანგარიშზე. ასევე, თიბისის ინტერნეტ და მობაილბანკში შესაძლებელია გზავნილების ნაწილობრივ კონვერტაცია, რისთვისაც საქართველოში, საუკეთესო კურსით სარგებლობაა შესაძლებელი;• მომენტალური გადარიცხვები უცხოური ბარათებიდან - ემიგრანტებს შესაძლებლობა აქვთ, უცხოური ბანკების VISA და Mastercard ბარათებიდან თანხა თიბისის ანგარიშზე 24/7 რეჟიმში, მომენტალურად გადმოიტანონ, მარტივად და სრულად დისტანციურად.,,ჩვენი მიზანია, ემიგრანტებისთვის, საბანკო მომსახურება მაქსიმალურად მარტივი, ხელმისაწვდომი და კომფორტული გავხადოთ. მიუხედავად იმისა, რომ ისინი საქართველოს ფარგლებს გარეთ ცხოვრობენ, ყოველდღიურად აქვთ ფინანსური სერვისებით სარგებლობის საჭიროება. სწორედ ამიტომ, ვქმნით და ვავითარებთ ისეთ პროდუქტებსა და მომსახურებას, რომლებიც მათ შესაძლებლობას აძლევს, მსოფლიოს ნებისმიერი წერტილიდან სრულფასოვნად მართონ საკუთარი ფინანსები, ისარგებლონ საბანკო პროდუქტებით და ყველა საჭირო მომსახურება დისტანციურად მიიღონ. გვინდა, უცხოეთში მცხოვრებმა საქართველოს მოქალაქეებმა ბანკთან ურთიერთობა დამატებითი ბარიერების გარეშე შეძლონ და თავი საქართველოსთან კიდევ უფრო ახლოს იგრძნონ”, - გიორგი ხომასურიძე, თიბისის ემიგრანტების სეგმენტის მიმართულების ხელმძღვანელი.სპეციალურად ემიგრანტებისთვის შექმნილი პროდუქტების და მომსახურების შესახებ დეტალური ინფორმაციისთვის, ეწვიეთ ბმულს: https://tbcbank.ge/ka/emigrants

1792396651

მას შემდეგ, რაც მომხმარებელი ამბობს, რომ აღნიშნულ პირს არ იცნობს და სესხის გაცემაზე თანხმობას არ აცხადებს, მას კვლავ უკავშირდება სხვა პირი, რომელიც თავს ბანკის წარმომადგენლად ასაღებს. თაღლითი მომხმარებელს საბაბით ე.წ. „უსაფრთხოების პროცედურების“ გავლისკენ მოუწოდებს და პერსონალური და საბანკო მონაცემების, მათ შორის, SMS-ით მიღებული ერთჯერადი კოდის გაზიარებას სთხოვს.შედეგად, მომხმარებელი თავად გადასცემს თაღლითს პერსონალურ მონაცემებსა და საბანკო ციფრულ არხებში შესასვლელ ინფორმაციას, რის შემდეგაც თაღლითები მის სახელზე ონლაინ სესხს აფორმებენ და საბანკო ანგარიშებზე არსებულ თანხებს ითვისებენ.როგორ უნდა დავიცვათ თავი? უპირელეს ყოვლისა დაიმახსოვრეთ: ბანკის წარმომადგენელი არასდროს დაუკავშირდება ბანკის მომხმარებელს და არ სთხოვს ტელეფონით პერსონალური, კონფიდენციალური ინფორმაციის გაზიარებას, როგორიცაა ინტერნეტბანკის მომხმარებლის სახელი, პაროლი და SMS-ით მიღებული ერთჯერადი კოდი არასოდეს გაუზიაროთ სხვებს ინტერნეტბანკსა და მობილბანკში შესასვლელი მონაცემები ან საბარათე ინფორმაცია, მათ შორის ბარათის სრული მონაცემები და უსაფრთხოების კოდი არასდროს მიჰყვეთ უცნობის ზარს, SMS-ს თუ ნებისმიერი სოციალური მედიის არხით მოწოდებას გადახვიდეთ მავნე ბმულზე, გააზიაროთ თქვენი საბანკო ან პერსონალური მონაცემები ყოველთვის ისარგებლეთ საბანკო დაწესებულების ოფიციალური ვებ-გვერდით და მასზე არსებული საკონტაქტო არხებით დაუკავშირდით თუ ეჭვი გაქვთ, რომ თქვენი საბანკო ან პერსონალური მონაცემები თაღლითს გაუზიარეთ ან საეჭვო ვებგვერდზე შეიყვანეთ, დაუყოვნებლივ დაუკავშირდით მომსახურე ბანკს, აცნობეთ მომხდარის შესახებ და იმოქმედეთ ბანკის მითითებების შესაბამისად

1792152210

თუ საქართველოს ბანკის ნაწილ-ნაწილ გადახდის მეთოდით ჯერ არასოდეს გისარგებლიათ, 18 ოქტომბერს, City Mall-ის საბურთალოსა და გლდანის ფილიალებში პარტნიორ ობიექტებში გადახდისას, თანხის 30%-ს დაიბრუნებთ. (მაქსიმუმ 100 ლარის)ქეშბექი ანგარიშზე 3 სამუშაო დღის განმავლობაში აისახება.ინფორმაციისთვის, ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). მომხმარებლებს ასევე შეუძლიათ თანხის ნაწილი წინასწარ გადაიხადონ, დარჩენილი კი მომდევნო თვეებზე გადაანაწილონ.

1792151301

1 აშშ დოლარის ღირებულება 2.60 ლარს ჩამოსცდა. ეს უკვე იმაზე დაბალი მაჩვენებელია, რასაც ფინანსისტები წლის ბოლოსთვის პროგნოზირებდნენ. არის თუ არა ლარის კურსის გამყარება ერთ-ერთი ინსტრუმენტი იმისთვის, რომ საწვავისა და სხვა პროდუქტების ფასები დასტაბილურდეს და ინფლაციური წნეხი შემცირდეს? ექსპერტები ამ პოზიციას არ იზიარებენ და ლარის კურსის მკვეთრ გამყარებასაც არ ვარაუდობენ, თუმცა მათი პროგნოზით, წლის ბოლოსთვის, 1 აშშ დოლარი 2.57-2.58-ის ფარგლებში იქნება. „რეზონანსი“ დაინტერესდა, ლარი ინფლაციური წნეხის შესამცირებლად მყარდება, ეს საბაზრო ტენდენციაა, თუ მონეტარული პოლიტიკის შედეგი? სპეციალიასტების შეფასებით, დოლარის კურსის 2.60-ლარიანი ნიშნულიდან 2.59-ისა და შესაძლო 2.58-ის მიმართულებით მოძრაობა საქართველოს ეკონომიკისთვის მხოლოდ სავალუტო ბაზრის ცვლილება არ არის. ლარის გამყარებას შეუძლია შეამციროს იმპორტირებული საქონლის ლარში გამოხატული ღირებულება და, გარკვეულწილად, შეამსუბუქოს ინფლაციური წნეხი. ეს განსაკუთრებით მნიშვნელოვანია საწვავისა და იმ პროდუქტების შემთხვევაში, რომელთა ფასიც საერთაშორისო ბაზრებზე და უცხოურ ვალუტაში გაწეულ დანახარჯებზეა დამოკიდებული.თუმცა, ფინანსისტების შეფასებით, კურსის გამყარება ავტომატურად არ ნიშნავს სამომხმარებლო ფასების შემცირებას. ამ ეფექტის მასშტაბი დამოკიდებულია საერთაშორისო ბაზრებზე არსებულ ვითარებაზე, იმპორტიორთა ხარჯებზე, კონკურენციასა და ფასების ცვლილების გადაცემის სისწრაფეზე. ამასთან, ლარის გამყარების მიზეზების დასადგენად აუცილებელია სავალუტო ბაზრის მოთხოვნისა და მიწოდების, კაპიტალის ნაკადებისა და ეროვნული ბანკის ინტერვენციების შესწავლა.და მაინც ნიშნავს თუ არა ლარის კურსის გამყარება საწვავისა და სხვა პროდუქტების ფასების მეტ-ნაკლებ სტაბილურობას?ფინანსისტი ნიკა შენგელიას მოსაზრებით, მართალია, 1 აშშ დოლარი 2.60-ლარიან ნიშნულში მოძრაობს (15 ოქტომბრის მონაცემებით, 1 აშშ დოლარი 2.5960 ლარი იყო), მაგრამ ეროვნული ვალუტის მკვეთრი გამყარება მოსალოდნელი არ არის:„ლარის კურსის გამყარებას დიდად არ ველოდებით, ეს არც არის კარგი. მართალია, ეროვნული ვალუტა დიდად ვერ გამყარდება, მაგრამ 2.60-იან დიაპაზონს შეინარჩუნებს.რაც შეეხება საწვავის გაიაფებას, შესაძლოა, საწვავი გაიაფდეს 5-10 თეთრით, მაგრამ ბოლო დროს ასე ჩამოყალიბდა, რომ რაც იყო საწვავის ფასი ექვსი თვის წინ, სავარაუდოდ, იმ ფასს, მინიმუმ სამი თვე ვეღარ დაუბრუნდება“, - განუცხადა „რეზონანსს“ ნიკა შენგელიამ.მისი თქმით, ლარის ამჟმინდელი მდგლომარეობა (ან კიდევ ცოტათი გამყარება) პროდუქციის ღირებულეაზე დიდ გავლენას ვერ მოახდენს. ინფლაციური წნეხის შესამცირებლად, საწვავისა და სხვა პროდუქტების ფასების დასასტაბილურებლად, ლარი 2.50-ის ნიშნულამდე უნდა გამყარდეს. ეს კი საშუალო ვადაში მოსალოდნელი არ არის. ნიკა შენგელიას პროგნოზით, წლის ბოლომდე, ლარის კურსი 2.57-ის ფარგლებში იქნება.იგივე პოზიციაზეა ეკონომისტი გიორგი ცუცქირიძესაც, რომელიც ადასტურებს, რომ „რეზონანსის“ კითხვა აქტუალურია, რადგან ლარის მიმდინარე კურსი და წლის ბოლომდე მისი მოსალოდნელი დინამიკა მნიშვნელოვანია, როგორც ბიზნესისთვის, ასევე მომხმარებლებისთვის.„მხოლოდ ის ფაქტი, რომ დოლარის კურსი 2.60 ლარის ნაცვლად, 2.59-ზეა, არ ნიშნავს, რომ ეროვნული ვალუტა აუცილებლად გააგრძელებს გამყარებას ან პირიქით - გაუფასურებისკენ წავა. კურსზე გავლენას ახდენს რამდენიმე ფაქტორი: უცხოური ვალუტის შემოდინება ტურიზმიდან, ექსპორტიდან და ფულადი გზავნილებიდან; იმპორტზე მოთხოვნა და დოლარზე მოთხოვნის ცვლილება; ეროვნული ბანკის მონეტარული პოლიტიკა; მთავრობისა და ბიზნესის ფინანსური ნაკადები; ასევე  რეგიონული და საერთაშორისო ეკონომიკური ვითარება.აქედან გამომდინარე, პროგნოზის გაკეთებისას მნიშვნელოვანია არა მხოლოდ კურსის არსებული მაჩვენებელი, არამედ ისიც, რა ფაქტორები განაპირობებს მის ცვლილებას და რამდენად მდგრადია ეს ტენდენცია“, - აღნიშნა „რეზონანსთან“ საუბრისას გიორგი ცუცქირიძემ.კითხვაზე, ნიშნავს თუ არა ლარის გამყარება ფასების სტაბილურობას, გიორგი ცუცქირიძემ გვიპასუხა, რომ დღეს, ეს ყველაზე მნიშვნელოვანი ეკონომიკური საკითხია. კურსის გამყარებამ, სხვა თანაბარ პირობებში, შეიძლება შეამციროს იმპორტირებული საქონლისა და ნედლეულის ლარში გამოხატული ღირებულება, მაგრამ ეს ავტომატურად არ ნიშნავს, რომ საწვავი ან სხვა პროდუქტი იმავე ოდენობით გაიაფდება.„მაგალითად, თუ საერთაშორისო ბაზარზე საწვავის ფასი უცვლელია და დოლარის კურსი 2.60-დან 2.59 ლარამდე მცირდება, იმპორტირებული საქონლის დოლარში გამოხატული ღირებულების ლარში გადაყვანისას, ხარჯი დაახლოებით 0.38%-ით მცირდება. ეს კი არ ნიშნავს, რომ საცალო ფასიც აუცილებლად იმავე პროპორციით დაიკლებს. საბოლოო ფასზე გავლენას ახდენს საერთაშორისო კონიუნქტურა, ხოლო ნავთობისა და ნავთობპროდუქტების გაძვირებამ, შესაძლოა, ლარის გამყარების ეფექტი გაანეიტრალოს.პროდუქციის ღირებულებაზე გავლენას ახდენს ტრანსპორტირებისა და დაზღვევის ხარჯები, რაც ნიშნავს, რომ იმპორტის საბოლოო ღირებულება მხოლოდ პროდუქტის ფასით არ განისაზღვრება. გავლენას ახდენს, ასევე, გადასახადები და აქციზი, რაც საცალო ფასის მნიშვნელოვანი კომპონენტებია. ამას ემატება ბიზნესის მარჟა და კონკურენცია. ხშირად, კომპანიები ფასების ცვლილებას სხვადასხვა სისწრაფითა და მასშტაბით ასახავენ.კიდევ ერთი ფაქტორია მარაგი და შესყიდვის დროს ზეგავლენა სავალუტო კურსზე. დღეს გაყიდული პროდუქტი, შესაძლოა, მაშინ იყოს შეძენილი, როდესაც დოლარის კურსი უფრო მაღალი იყო. ამიტომ, ლარის გამყარება იმპორტირებული პროდუქტების გაიაფების ხელშემწყობი ფაქტორია, მაგრამ ფასების სტაბილურობის ან შემცირების გარანტია არ არის“, - განუცხადა „რეზონანსს“ გიორგი ცუცქირიძემ.წყარო: resonancedaily.com

1792141410