Euromoney-ს ყოველწლიური საერთაშორისო კვლევა აჩვენებს, რამდენად კმაყოფილები არიან კომპანიები ბანკების მომსახურებით, პროდუქტებითა და ტექნოლოგიებით.ნაღდი ფულის მართვა ბიზნესისთვის გულისხმობს თანხის შეგროვებას, ჩაბარებასა და საბანკო ანგარიშზე ასახვას. თიბისი ბიზნესკლიენტებს ამ პროცესების გასამარტივებლად ინკასაციის, ნაღდი ფულის მიმღები თვითმომსახურების აპარატების (CDM), TBC Pay-ის ტერმინალებისა და Cash Box-ის სერვისებს სთავაზობს. ბანკს 100 მოქმედი CDM აქვს, მათგან 30 უშუალოდ კორპორატიული კლიენტების ლოკაციებზეა განთავსებული. შედეგად, წლიურად თიბისის მიერ შეგროვებული ნაღდი ფულის მოცულობამ 8 მილიარდს მიაღწია.ბანკი განსაკუთრებულ ყურადღებას უთმობს სერვისების გაციფრულებასა და ავტომატიზაციას. თიბისი პირველია საქართველოში, რომელმაც ნაღდი ფულის მართვის პროდუქტებზე იურიდიული პირებისთვის სრულად ციფრული ელექტრონული ხელმოწერა დანერგა."თიბისისთვის მომხმარებლის ნდობა ყველაზე მნიშვნელოვანია. ამიტომ განსაკუთრებით გვახარებს Euromoney-ს ჯილდო, რომელიც კორპორატიული კლიენტების შეფასებით მივიღეთ. ჩვენი გუნდი ყოველდღიურად მუშაობს მათთან და სერვისებს მათი საჭიროებების მიხედვით აუმჯობესებს. ჩვენი მიზანია, ფულადი სახსრების მართვა უფრო მარტივი და მოსახერხებელი გავხადოთ. სწორედ ერთობლივი მუშაობის შედეგია, რომ დღეს ნაღდი ფულის დეპოზიტების დაახლოებით 70% ტრადიციული ფილიალიდან ავტომატიზებულ არხებზე გადავიდა. Euromoney- ს ჯილდო ჩვენი ყოველდღიური ძალისხმევის მნიშვნელოვანი აღიარებაა”, - ქეთევან კანდელაკი, თიბისის არასაკრედიტო პროდუქტების ბიზნესის მართვის დეპარტამენტის დირექტორი.

1793273400

დისკუსიის მთავარი თემა ქვეყნებს შორის გადახდების განვითარება, ფინანსური ინფრასტრუქტურის ურთიერთთავსებადობა და რეგიონული ფინანსური კავშირების გაძლიერება იყო.პანელის მონაწილეებმა, რომლებსაც ქვეყნებს შორის გადახდების განვითარებისა და საგადახდო ინფრასტრუქტურების ურთიერთდაკავშირების მიმართულებით მნიშვნელოვანი საერთაშორისო გამოცდილება აქვთ, სხვადასხვა ქვეყნის პრაქტიკაზე დაყრდნობით გააზიარეს საკუთარი გამოცდილება და ხედვები სწრაფი, უსაფრთხო და ეფექტიანი გადახდების განვითარების შესაძლებლობებსა და გამოწვევებზე.საუბარი ასევე შეეხო როგორც ტრადიციულ საგადახდო ტექნოლოგიებზე დაფუძნებული პროდუქტებისა და სერვისების, ისე სტაბილკოინების გამოყენების პოტენციალს საერთაშორისო გადახდებში, ასევე მათთან დაკავშირებულ მარეგულირებელ გამოწვევებს.ეკატერინე გალდავამ მონაწილეებს საქართველოს ეროვნული ბანკის, როგორც რეგულატორის, ხედვა და გამოცდილება გაუზიარა, მათ შორის, საგადახდო ინფრასტრუქტურის განვითარების, ინოვაციების ხელშეწყობისა და შესაბამისი რისკების მართვის მიმართულებით.„ქვეყნებს შორის გადახდების განვითარებისთვის მნიშვნელოვანია არა მხოლოდ თანამედროვე ტექნოლოგიების დანერგვა, არამედ საგადახდო ინფრასტრუქტურების ურთიერთთავსებადობა, საერთო სტანდარტების არსებობა და მარეგულირებლებს შორის თანამშრომლობა. საქართველოს ეროვნული ბანკი აქტიურად მუშაობს როგორც არსებული საგადახდო ინფრასტრუქტურის მოდერნიზაციაზე, ისე ახალი სისტემებისა და სერვისების დანერგვაზე. ამასთან, ჩვენ ღია ვართ ინოვაციური ტექნოლოგიების მიმართ, ვსწავლობთ მათ შესაძლებლობებსა და გამოწვევებს და ვცდილობთ, ისეთი მარეგულირებელი გარემო შევქმნათ, რომელიც ხელს შეუწყობს ინოვაციების განვითარებას და ამავდროულად უზრუნველყოფს შესაბამისი რისკების ეფექტიან მართვას“, - განაცხადა ეკატერინე გალდავამ.პანელურ დისკუსიაში ეკატერინე გალდავასთან ერთად მონაწილეობდნენ SWIFT-ის, UnionPay International-ისა და ინდოეთის ეროვნული გადახდების კორპორაციის (NPCI) წარმომადგენლები. დისკუსიას ჩეხეთის ეროვნული ბანკის ყოფილი პრეზიდენტი ზდენეკ ტუმა უძღვებოდა.„თბილისის ფინანსური სამიტი“ საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და Global Finance & Technology Network-ის (GFTN) თანამშრომლობით გაიმართა და ფინანსური ტექნოლოგიების, ინოვაციებისა და რეგიონული თანამშრომლობის საკითხებზე საერთაშორისო დიალოგის მნიშვნელოვან პლატფორმას წარმოადგენს.

1793272536

MR ქულებიAmex ბარათის მთავარი ხიბლი მისი ლოიალობის პროგრამა და დამატებითი სერვისებია.MR (Membership Rewards) ქულები გროვდება მხოლოდ Amex ბარათით, მხოლოდ საქართველოს ბანკის ტერმინალზე ნებისმიერი გადახდისას ფიზიკურ მაღაზიებსა თუ ონლაინ.დაგროვებული ქულები შეგიძლია გამოიყენო ორი გზით: გადაიხადო Amex-ის პარტნიორ ობიექტებში გადაცვალო PLUS ქულებში მოგებიანი კურსით: 1 MR ქულა = 3 PLUS ქულას. როგორ დავაგროვოთ MR ქულები?Amex ბარათის მთავარი უპირატესობა გადახდებშია. როცა ბარათით საქართველოს ბანკის ტერმინალზე იხდი, MR ქულები ავტომატურად გროვდება შენი ლოიალურობის ანგარიშზე.MR ქულების დასაგროვებლად საკრედიტო ლიმიტის გამოყენება არ არის აუცილებელი. შეგიძლია საკუთარი ანგარიშიდან გადარიცხო თანხა Amex ბარათზე და იმით ისარგებლოთ. ამ შემთხვევაში, თქვენი საკრედიტო ლიმიტი ხელუხლებელი დარჩება, MR ქულებს კი ჩვეულებრივ დააგროვებთ.მეტი დეტალისთვის კი შეგიძლიათ ეწვიოთ ბმულს.

1793269260

„თბილისის ფინანსური სამიტის“ ფარგლებში გამართულ დემო დღეზე ფინალისტმა გუნდებმა ფინანსურ სექტორში არსებული გამოწვევების ტექნოლოგიური გადაწყვეტები წარადგინეს, რის შემდეგაც ჟიურიმ გამარჯვებული გუნდები გამოავლინა.მიმართულებაში - „ხელოვნური ინტელექტის გამოყენება ფინანსურ სექტორში“ გუნდმა Goni-იმ გაიმარჯვა. გუნდის წევრებმა მოიპოვეს GITA-ს 20 000-ლარიანი პრიზი შექმნილი პროტოტიპის შემდგომი განვითარებისთვის. გარდა ამისა, Tether-ისა და Pave Bank-ის მხარდაჭერით, Goni გაემგზავრება დუბაიში და დაესწრება გლობალურ ტექნოლოგიურ გამოფენას GITEX Global 2026.გუნდი Faeda AI საუკეთესოდ დასახელდა მიმართულებაში „ღია ბანკინგის API-ების დიაგნოსტიკა და ბენჩმარკინგი“. გუნდის წევრებმა, მოიპოვეს საგზური აზიის წამყვან ფინტექ ღონისძიებაზე Singapore FinTech Festival 2026-ზე დასასწრებად, სადაც საკუთარ პროექტს საერთაშორისო ასპარეზზე წარადგენენ.ფინტექ ჰაკათონი ხელოვნური ინტელექტისა და ღია ბანკინგის მიმართულებებს აერთიანებდა. მონაწილეები მუშაობდნენ ფინანსური სექტორისთვის აქტუალური საკითხების გადაჭრაზე, მათ შორის API-ების დიაგნოსტიკისა და ბენჩმარკინგის, საკრედიტო რისკების შეფასების, თაღლითობის გამოვლენისა და საოპერაციო პროცესების გაუმჯობესების მიმართულებით.ნათია თურნავამ სიტყვით გამოსვლისას აღნიშნა, რომ ინოვაციის განვითარებისთვის მნიშვნელოვანია ისეთი გარემოს შექმნა, რომელიც ახალი იდეების გამოცდასა და რეალური პრობლემების ტექნოლოგიური გადაწყვეტების შემუშავებას უწყობს ხელს.„ინოვაცია აზრს იძენს მაშინ, როდესაც ის სცდება იდეის ფარგლებს და იწყებს რეალური პრობლემის გადაჭრას. ღია ბანკინგი და ხელოვნური ინტელექტი ფინანსური მომსახურების ტრანსფორმაციის მნიშვნელოვანი მიმართულებებია. ღია ბანკინგი, მომხმარებლის თანხმობით ფინანსურ მონაცემებზე უსაფრთხო წვდომის შესაძლებლობით, ქმნის საფუძველს კონკურენციის გაძლიერებისთვის, ინოვაციური პროდუქტების განვითარებისა და მომხმარებლებისთვის უკეთესი მომსახურების შეთავაზებისთვის.ხელოვნური ინტელექტი კი ფინანსურ ინსტიტუტებს ინფორმაციის უფრო ეფექტიანად დამუშავებაში, რისკების შეფასებასა და თაღლითობის გამოვლენაში ეხმარება. ამასთან, ტექნოლოგიური პროგრესი პასუხისმგებლობიან მიდგომას, უსაფრთხოებასა და გამჭვირვალობას უნდა ეფუძნებოდეს“, - განაცხადა ნათია თურნავამ.ეროვნული ბანკის პრეზიდენტმა ყურადღება გაამახვილა ფინანსურ სექტორში ინოვაციების განვითარების პროცესში მარეგულირებლის როლზეც. მისი თქმით, მნიშვნელოვანია, მარეგულირებელი მხოლოდ ტექნოლოგიური ცვლილებების დამკვირვებელი არ იყოს და თავადაც ავითარებდეს შესაბამის ცოდნასა და პრაქტიკულ გამოცდილებას.„თბილისის ფინანსური სამიტის“ ფარგლებში გამართული ფინტექ ჰაკათონი, მიზნად ისახავდა ფინანსურ ტექნოლოგიებში ინოვაციური და მასშტაბირებადი პროდუქტების შექმნის ხელშეწყობას, ადგილობრივი და საერთაშორისო ტექნოლოგიური ტალანტების გაძლიერებასა და ფინანსურ სექტორში ხელოვნური ინტელექტისა და ღია ბანკინგის განვითარებას.

1793264948

პატრიკ ტანის შეფასებით, საქართველო ევროპისა და აზიის დამაკავშირებელი სტრატეგიული დერეფნის ნაწილია, რაც ქვეყანას კაპიტალის, ადამიანური რესურსებისა და ინვესტიციების მოზიდვის, ასევე, ფინანსური და ციფრული ინფრასტრუქტურის განვითარების მნიშვნელოვან პოტენციალს უქმნის.„საქართველოს სტრატეგიული გეოგრაფიული მდებარეობა, მდგრადი საბანკო სექტორი და ციფრული აქტივების რეგულირების მიმართულებით გააზრებული მიდგომა ქვეყანას საერთაშორისო ფინანსურ სივრცეში მნიშვნელოვანი შესაძლებლობების გამოყენების საშუალებას აძლევს“, – აღნიშნა მან. ChainArgos-ის გენერალურმა მრჩეველმა ასევე ხაზი გაუსვა საქართველოს მიდგომას ვირტუალური აქტივების მომსახურების პროვაიდერების რეგულირების საკანონმდებლო ჩარჩოს შემუშავების პროცესში. მისი შეფასებით, ქვეყანამ შეძლო სხვა სახელმწიფოების გამოცდილების გათვალისწინება და ციფრული აქტივების რეგულირების მიმართულებით თანმიმდევრული და გააზრებული მიდგომის არჩევა.„ხშირად ვხედავთ ქვეყნებს, რომლებიც ჩქარობენ ციფრული აქტივების, ვირტუალური აქტივებისა და სტეიბლკოინების რეგულირებას, თუმცა ამ პროცესში ყოველთვის სწორ გადაწყვეტილებებს არ იღებენ. საქართველოს შემთხვევაში დავინახეთ მტკიცე და გააზრებული ინიციატივა, რომ პროცესი თავიდანვე სწორად წარმართულიყო, ვიდრე მის მასშტაბურ დანერგვას დაიწყებდნენ“, – განაცხადა მან.პატრიკ ტანის შეფასებით, აღნიშნული მიდგომა საქართველოს ხელსაყრელ პოზიციაში აყენებს ხელოვნური ინტელექტისა და ავტონომიური გადახდების განვითარების მიმართულებითაც. მისი თქმით, გლობალურ ქსელში გადახდების სულ უფრო მეტად გაციფრულებისა და ავტონომიურობის ზრდასთან ერთად საქართველოს შეუძლია ამ პროცესების აქტიური მონაწილე გახდეს.ChainArgos სინგაპურში დაფუძნებული კერძო კომპანიაა, რომლის პლატფორმა მომხმარებლებს საშუალებას აძლევს, გამოიკვლიონ და აკონტროლონ კრიპტოაქტივების მოძრაობა ბლოკჩეინქსელებში, გააანალიზონ ტრანზაქციები და გამოავლინონ საეჭვო ფინანსური ნაკადები.

1793186712

რენატ ბექტუროვის შეფასებით, სამიტი მნიშვნელოვანი საერთაშორისო პლატფორმაა ფინანსური სექტორის წარმომადგენლებს, პოლიტიკის შემქმნელებსა და ბიზნესს შორის დიალოგისთვის, განსაკუთრებით ფინანსური ტექნოლოგიების, ხელოვნური ინტელექტისა და ფინანსური პროდუქტების განვითარების საკითხებზე. მისივე თქმით, მსგავსი საერთაშორისო ღონისძიებები ხელს უწყობს საქართველოს შესაძლებლობების წარმოჩენას, საერთაშორისო პარტნიორების მოზიდვასა და ქვეყნის ფინანსური სექტორის განვითარების შესახებ დიალოგის გაღრმავებას.„ვინაიდან საქართველო აღმოსავლეთსა და დასავლეთს შორის მდებარეობს, ის ბიზნესებს შორის მნიშვნელოვან დამაკავშირებელ წერტილს წარმოადგენს. მნიშვნელოვანია, რომ საერთაშორისო მონაწილეები თავად ჩამოვიდნენ საქართველოში, გაეცნონ ქვეყნის შესაძლებლობებს და შეხვდნენ გადაწყვეტილების მიმღებ პირებს", – განაცხადა რენატ ბექტუროვმა.AIFC-ის მმართველის განცხადებით, საქართველოსთან თანამშრომლობის ერთ-ერთი მნიშვნელოვანი მიმართულებაა შუა დერეფნის განვითარება, რასაც თან უნდა ახლდეს ფინანსური კავშირების გაძლიერება. მისი შეფასებით, ამ პროცესში მნიშვნელოვან როლს შეასრულებენ როგორც ფინტექკომპანიები, ისე ტრადიციული საბანკო სექტორი.რენატ ბექტუროვმა ასევე ყურადღება გაამახვილა კაპიტალის ბაზრების განვითარებაზე, რომელიც ხელს უწყობს ადგილობრივი და საერთაშორისო ფინანსური რესურსების მობილიზებას ეკონომიკური ზრდისთვის.მისივე თქმით, ასტანას საერთაშორისო ფინანსურ ცენტრსა და საქართველოს ეროვნულ ბანკს შორის გაფორმებული ურთიერთთანამშრომლობის მემორანდუმი თანამშრომლობის გაღრმავების მნიშვნელოვანი საფუძველია. მხარეები ერთობლივად იმუშავებენ ლიცენზირებული სუბიექტებისთვის ორმხრივი წვდომის პროექტზე, რაც ხელს შეუწყობს ცენტრალურ აზიასა და სამხრეთ კავკასიას შორის ფინანსური კავშირების გაძლიერებას.AIFC - ასტანას საერთაშორისო ფინანსური ცენტრი ყაზახეთში, ასტანაში დაფუძნებული საერთაშორისო ფინანსური პლატფორმაა, რომლის მიზანია ქვეყანაში და რეგიონში ინვესტიციების მოზიდვის ხელშეწყობა, კაპიტალის ბაზრის განვითარება და ფინანსური მომსახურების სექტორის გაძლიერება. ცენტრი აერთიანებს ფინანსურ ინსტიტუტებს, საინვესტიციო კომპანიებსა და სხვა მონაწილეებს და ხელს უწყობს საერთაშორისო ფინანსურ ბაზრებთან კავშირების გაღრმავებას.

1793182213

ბარათების მფლობელებისთვის:American Express-ის ადგილობრივი და საერთაშორისო ბარათების მფლობელები შეძლებენ თავიანთი ბარათების გამოყენებას უფრო ფართო სავაჭრო ქსელში, როგორც ფიზიკურ ობიექტებში, ისე ონლაინ, რაც მათ გადახდის მეტ მოქნილობას სთავაზობს. ბიზნესებისთვის:თიბისის საშუალებით, სავაჭრო ობიექტები შეძლებენ, მოემსახურონ American Express-ის, როგორც ადგილობრივი ბარათების, ისე - საერთაშორისო ბარათების მფლობელებს, რომლებიც საქართველოში მოგზაურობენ. ეს კი მათ, მეტი მომხმარებლის მოზიდვისა და ზრდის შესაძლებლობას მისცემს. დღეს, American Express-ის ბარათები, მსოფლიოს მასშტაბით, 190 მილიონზე მეტ სავაჭრო ობიექტში მიიღება¹. ამ ობიექტების რაოდენობა მიმდინარე წელს დაახლოებით 20 მილიონით გაიზარდა. ბოლო ოთხი წლის განმავლობაში, აშშ-ის ფარგლებს გარეთ, American Express-ის ბარათების მიმღები სავაჭრო ობიექტების რაოდენობა გაორმაგებაზე მეტად გაიზარდა, რაც ასახავს American Express-ის უწყვეტ ერთგულებას, მსოფლიო მასშტაბით ბარათების მიღების ქსელის გაფართოების მიმართ.„მოხარულები ვართ, რომ American Express-თანპარტნიორობით, საქართველოში American Express-ისბარათების მიღების ქსელს ვაფართოებთ. ესთანამშრომლობა ასახავს ჩვენს ერთგულებას, სავაჭროობიექტებს შევთავაზოთ მარტივი, მოსახერხებელი დაუსაფრთხო გადახდის გამოცდილება, მომხმარებლებს კი- გადახდის მეტი არჩევანი. აღნიშნული პარტნიორობასავაჭრო ობიექტებს ახალ შესაძლებლობას აძლევს, მოემსახურონ მომხმარებელთა უფრო ფართო წრეს, მათშორის, საერთაშორისო ვიზიტორებს, და ამავდროულად, ხელს უწყობს საქართველოში, გადახდების ეკოსისტემისგანვითარებას’’, - სანდრო რთველაძე, თიბისის საცალო ბიზნესის მართვის დირექტორი.„ჩვენი მიზანია, გავაფართოოთ იმ ადგილების რაოდენობა, სადაც ჩვენი ბარათების მფლობელებს, მსოფლიოს მასშტაბით, American Express-ის ბარათების გამოყენება შეუძლიათ. თიბისისთან თანამშრომლობა მიზნად ისახავს საქართველოში American Express-ის ბარათების მიღების ქსელის შემდგომ გაფართოებას და წარმოადგენს კიდევ ერთ მნიშვნელოვან ნაბიჯს ჩვენი ბარათების მფლობელებისთვის, გადახდის მეტი არჩევანის უზრუნველსაყოფად და ქვეყნის მასშტაბით სავაჭრო ობიექტებისთვის ახალი შესაძლებლობების შესაქმნელად“, - სონია დევანი, „American Express-ის გლობალური ქსელური სერვისების EMEA რეგიონის ვიცე-პრეზიდენტი და გენერალური მენეჯერი.“თიბისის არხებით, American Express-ის გადახდების შესახებ დამატებითი ინფორმაციისთვის, ეწვიეთ ვებგვერდს - www.tbcbank.ge ან დაუკავშირდით ცხელ ხაზს - (+995 32) 2 27 27 27.¹ მოქმედი სავაჭრო ობიექტების რაოდენობის (Locations in Force — LIF) შეფასება 2026 წლის ივლისის მდგომარეობით. მონაცემები მოიცავს ჩინეთსა და ბრაზილიაში დაახლოებით 80 მილიონ სავაჭრო ობიექტს, რომლებიც American Express-ის ბარათებს იღებენ, მათ შორის ციფრული საფულეების მეშვეობით. LIF მოიცავს American Express-ის საკუთრებაში არსებულ და პარტნიორების მიერ მოზიდულ სავაჭრო ობიექტებს, რომლებშიც შესაძლებელია American Express-ის ბარათებით გადახდის მიღება. LIF-ის შეფასებები ეფუძნება გარკვეული მესამე მხარეების მიერ მოწოდებულ მონაცემებს და მოიცავს სავაჭრო ობიექტებს, რომლებიც American Express-ის ბარათებს იღებენ გადახდის შუამავლებისა და ციფრული საფულეების მეშვეობით.თიბისის შესახებთიბისი ბანკი TBC Bank Group PLC-ის წევრია. ეს არის ლონდონის საფონდო ბირჟაზე დალისტული ჯგუფი, რომელიც საქართველოსა და უზბეკეთში, ყოველთვიურად 7.2 მილიონ ციფრულად აქტიურ მომხმარებელს ემსახურება, ორი ბიზნესმოდელის საშუალებით, რომელთა მთავარი ღირებულებაა სიმარტივე, ხელმისაწვდომობა და მომხმარებლის გამოცდილება.თიბისი, საქართველოში წამყვანი, ფინანსური სერვისების მიმწოდებელი, ციფრულ ტექნოლოგიებზე ორიენტირებული კომპანიაა, რომელიც საცალო, მიკრო, მცირე და საშუალო ბიზნესისა (MSME) და კორპორატიული და საინვესტიციო საბანკო მომსახურების (CIB) მიმართულებებით ოპერირებს. თიბისი, ქვეყნის მასშტაბით ფართო წარმომადგენლობით გამოირჩევა და აქვს მომგებიანი ზრდისა და აქციონერებისთვის მაღალი უკუგების უზრუნველყოფის ხანგრძლივი ისტორია.თიბისი უზბეკეთი ცენტრალური აზიის წამყვანი ციფრული ფინანსური ეკოსისტემაა და მომხმარებლებსა და ბიზნესებს სრულად ციფრული მოდელის მეშვეობით ემსახურება.თიბისი ჯგუფი საქართველოში 1992 წელს დაარსდა, ხოლო უზბეკეთში 2020 წლიდან ოპერირებს. ჯგუფი ადგილობრივი ბაზრის ლიდერიდან რეგიონულ ფინანსურ ჯგუფად ჩამოყალიბდა.თიბისი ჯგუფი შედის FTSE 250 ინდექსში, ასევე წარმოდგენილია FTSE4Good ინდექსების სერიასა და MSCI United Kingdom Small Cap ინდექსში.American Express-ის შესახებAmerican Express (NYSE: AXP) ტექნოლოგიებზე დაფუძნებული გლობალური საგადახდო და პრემიუმ ცხოვრების სტილის ბრენდია. მსოფლიოს მასშტაბით, კომპანიის თანამშრომლები მომხმარებლებს სთავაზობენ გამორჩეულ პროდუქტებს, მომსახურებასა და გამოცდილებას, რომლებიც ამდიდრებს მათ ცხოვრებას და ხელს უწყობს ბიზნესის წარმატებას.1850 წელს დაარსებული და ნიუ-იორკში სათავო ოფისით წარმოდგენილი American Express-ის ბრენდი ეფუძნება ნდობას, უსაფრთხოებას, მომსახურების მაღალ ხარისხს, ინოვაციების დანერგვის მდიდარ ისტორიას, ასევე მომხმარებლებისა და პარტნიორებისთვის წევრობის ღირებულების შექმნას.American Express-ის მიზანია, ყოველდღიურად უზრუნველყოს მსოფლიოში საუკეთესო სამომხმარებლო გამოცდილება მომხმარებელთა ფართო სპექტრისთვის, მათ შორის ფიზიკური პირებისთვის, მცირე და საშუალო ბიზნესებისა და მსხვილი კორპორაციებისთვის. ამასთან, American Express, გლობალური ქსელის ფარგლებში ამყარებს და მართავს ურთიერთობებს მილიონობით სავაჭრო ობიექტთან და პარტნიორთან.American Express-ის შესახებ დამატებითი ინფორმაციისთვის ეწვიეთ ვებგვერდებს: americanexpress.com, americanexpress.com/en-us/newsroom/ და ir.americanexpress.com.

1793168913

ცენტრალური ბანკის ცნობით, დეპოზიტების წლიურმა ზრდამ გაცვლითი კურსის ეფექტის გარეშე 20.45% შეადგინა. სექტემბერში, წინა თვესთან შედარებით, ვადიანი დეპოზიტები გაიზარდა 590.18 მილიონი ლარით, ანუ 1.59%-ით, ხოლო მოთხოვნამდე დეპოზიტები 1.23 მილიარდი ლარით, ანუ 3.20%-ით გაიზარდა.სებ-ის ანგარიშის მიხედვით, დეპოზიტების ლარიზაციის კოეფიციენტმა 2026 წლის სექტემბრის ბოლოსათვის 57.04 პროცენტი შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია გაიზარდა 0.22 პროცენტული პუნქტით.ამასთან, ეროვნული ბანკის მონაცემებით, სექტემბერში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 7.10% შეადგინა. მათ შორის ეროვნული ვალუტით განთავსებულ დეპოზიტებზე 8.66%, ხოლო უცხოური ვალუტით განთავსებულ დეპოზიტებზე 2.40%.უცხოური ვალუტით განთავსებულ დეპოზიტებში აშშ დოლარის წილმა 78.07% , ხოლო ევროს წილმა19.85% შეადგინა.

1793106762

სესხების წლიურმა ზრდამ გაცვლითი კურსის ეფექტის გამორიცხვით 16.91% შეადგინა.ცენტრალური ბანკის ცნობით, ამავე პერიოდში, წინა თვესთან შედარებით, ეროვნული ვალუტით გაცემული სესხების მოცულობა – 796.70 მლნ ლარით, ანუ 1.77%-ით, ხოლო უცხოური ვალუტით გაცემული სესხების მოცულობა 892.59 მლნ ლარით, ანუ 2.83%-ით გაიზარდა.ამასთან, სებ-ის მონაცემებით, რეზიდენტი იურიდიული პირებისათვის 2026 წლის სექტემბრის ბოლოს ბანკებს ეროვნული ვალუტით გაცემული ჰქონდათ 11.32 მილიარდი ლარის მოცულობის სესხი, რაც წინა თვესთან შედარებით 1.04%-ით მეტია, ხოლო უცხოური ვალუტით – 22.35 მილიარდი ლარის მოცულობის სესხი, რაც წინა თვის მაჩვენებელს 3.60%-ით აღემატება.ეროვნული ბანკის ანგარიშის მიხედვით, 2026 წლის სექტემბრის განმავლობაში 1.77%-ით, ანუ 726.78 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და სექტემბრის ბოლოსათვის 41.87 მილიარდი ლარი შეადგინა.2026 წლის სექტემბრის ბოლოსთვის მთლიანი სესხების ლარიზაციის კოეფიციენტმა 58.54% შეადგინა და წინა თვის ბოლო მდგომარეობასთან შედარებით შემცირდა 0.25 პროცენტული პუნქტით.

1793106701

ტრანზაქცია ბანკისთვის დამატებითი პირველადი კაპიტალის ინსტრუმენტების პირველი საბაზრო განთავსებაა, რომელზეც ინვესტორების მხრიდან მაღალი მოთხოვნა დაფიქსირდა. განთავსებული ობლიგაციების 54% ინსტიტუციურმა ინვესტორებმა, ხოლო 46% სოფისტიცირებულმა ფიზიკურმა პირებმა შეიძინეს. ემისია დამატებით გააძლიერებს ბანკის კაპიტალს და ხელს შეუწყობს სამომავლო ზრდას.ტრანზაქციის ფარგლებში სრულყოფილი იურიდიული მხარდაჭერა უზრუნველყო BLC Law Office-მა.„დამატებითი პირველადი კაპიტალის (AT1) ინსტრუმენტის ადგილობრივ ბაზარზე განთავსება კრედო ბანკისთვის მნიშვნელოვანი ეტაპია. ტრანზაქცია აძლიერებს ბანკის კაპიტალის პოზიციას და აფართოებს მისი მოზიდვის შესაძლებლობებს, რითაც ხელს უწყობს ბანკის სამომავლო ზრდას.განსაკუთრებით მნიშვნელოვანია ინვესტორების მხრიდან დაფიქსირებული მაღალი ინტერესი, რაც „კრედო ბანკის“ მიმართ ნდობისა და ჩვენი განვითარების სტრატეგიის მხარდაჭერის მნიშვნელოვანი გამოხატულებაა. მოხარულნი ვართ, რომ ამ ტრანზაქციით ადგილობრივ კაპიტალის ბაზარზე ინვესტორებთან თანამშრომლობის ახალი მიმართულება გავხსენით.მადლობას ვუხდი ყველა ინვესტორს გამოხატული ნდობისთვის და ვულოცავ ტრანზაქციაში ჩართულ გუნდებს წარმატებულ განთავსებას“, - ზაზა ფირცხელავა, კრედო ბანკის აღმასრულებელი დირექტორი.„ვულოცავ კრედო ბანკსა და მის გუნდს წარმატებულ ტრანზაქციას. ბანკმა პირველად განათავსა დამატებითი პირველადი კაპიტალის (AT1) ინსტრუმენტები გარე ინვესტორებზე. ემისიამ ბანკს ადგილობრივი კაპიტალის ბაზრის მეშვეობით კაპიტალის მოზიდვის ახალი შესაძლებლობა გაუხსნა და დაფინანსების წყაროების დივერსიფიკაციას შეუწყო ხელი.თიბისი კაპიტალისთვის კი, ეს წელს AT1 ობლიგაციების მეორე წარმატებული ემისიაა. ტრანზაქცია კიდევ ერთხელ ადასტურებს თიბისი კაპიტალის გამორჩეულ შესაძლებლობებს, მოიზიდოს მრავალფეროვან ინვესტორთა ბაზა, უზრუნველყოს ემიტენტებისთვის კონკურენტული დაფინანსების პირობები და გააფართოოს ქართული ბანკების წვდომა რეგულატორული კაპიტალის მოზიდვის ალტერნატიულ წყაროებზე.მოხარული ვარ, რომ სულ უფრო მეტი კომპანია იყენებს ადგილობრივ კაპიტალის ბაზარს დაფინანსებაზე ხელმისაწვდომობის გასაზრდელად, რაშიც თიბისი კაპიტალს, როგორც წამყვან საინვესტიციო ბანკს, უდიდესი წვლილი შეაქვს. აქტიურად ვუჭერთ მხარს ქართული კაპიტალის ბაზრის განვითარებას - წლის დასაწყისიდან 14 კორპორაციული ობლიგაციის ტრანზაქციაში მივიღეთ მონაწილეობა და 60%-იანი ბაზრის წილით ლიდერობას ვინარჩუნებთ“, - ოთარ შარიქაძე, თიბისი კაპიტალის დირექტორი.კრედო ბანკი სიდიდით მეხუთე კომერციული ბანკია საქართველოში. იგი ქვეყნის მასშტაბით, 97 სერვისცენტრით, 500,000-ზე მეტ მომხმარებელს ემსახურება. ბანკის მისიაა, ხელმისაწვდომი ფინანსური სერვისების შეთავაზებებით ხელი შეუწყოს საქართველოს მეწარმეებს, მათ დასაქმებულებსა და ოჯახის წევრებს უკეთესი მომავლის შექმნაში. კრედო ბანკის მფლობელებს წარმოადგენენ განვითარებისა და სოციალური გავლენის მქონე საერთაშორისო საფინანსო ინსტიტუტები: გერმანული Access Credo GmbH, ფრანგული Proparco და იაპონური Gojo & Company, Inc. ბანკს Fitch Ratings-ისგან მინიჭებული აქვს ‘B+’ საკრედიტო რეიტინგი, სტაბილური პერსპექტივით.

1793104432