ნინო ჯელაძემ ლონდონში Central Banking-ის ყოველწლიურ შეხვედრებში მიიღო მონაწილეობა

საერთაშორისო კონფერენცია ცენტრალური საარჩევნო კომისიის თავმჯდომარე გიორგი კალანდარიშვილმა გახსნა. მონაწილეებს სიტყვით მიმართეს საქართველოს პარლამენტის იურიდიულ საკითხთა კომიტეტის თავმჯდომარე არჩილ გორდულაძემ, საქართველოს პარლამენტის საპროცედურო საკითხთა კომიტეტის თავმჯდომარე დავით მათიკაშვილმა, საქართველოს სახალხო დამცველმა ლევან იოსელიანმა და საქართველოს კომუნიკაციების კომისიის თავმჯდომარე გოგა გულორდავამ.ორი დღის განმავლობაში საერთაშორისო კონფერენციის მონაწილეები ისეთ მნიშვნელოვან საკითხებს განიხილავენ, როგორიცაა - დეზინფორმაციის გავლენა საარჩევნო პროცესებზე; დეზინფორმაცია, როგორც პოლიტიკის გამოწვევა: მექანიზმები, გამომწვევი ფაქტორები და გავლენა; ხელოვნური ინტელექტისა და სოციალური ქსელების როლი საარჩევნო პროცესებში: შესაძლებლობები და რისკები; ინფორმაციისა და განათლების როლი დეზინფორმაციის წინააღმდეგ ბრძოლაში. როგორც გიორგი კალანდარიშვილმა კონფერენციის გახსნისას აღნიშნა, საერთაშორისო კონფერენციამ მნიშვნელოვანი წვლილი შეიტანა საერთაშორისო პროფესიული ქსელის ჩამოყალიბებაში, რომელიც ეფუძნება ურთიერთნდობას, თანამშრომლობასა და საერთო პასუხისმგებლობას დემოკრატიული ღირებულებების დაცვის საქმეში.“ცენტრალური საარჩევნო კომისია ტრადიციულად, მეცამეტედ, მასპინძლობს საარჩევნო ადმინისტრაციების საერთაშორისო კონფერენციას, რომლის ფარგლებშიც გამართული დისკუსიები, პროფესიული გამოცდილების გაცვლა და სხვადასხვა ქვეყნის პრაქტიკის განხილვა მნიშვნელოვან წვლილს შეიტანს როგორც ჩვენი ინსტიტუტების გაძლიერებაში, ისე ინფორმაციული მდგრადობისა და დემოკრატიული პროცესების დაცვის მიმართულებით. წელს ჩვენი შეხვედრის მთავარ თემად შევარჩიეთ „დეზინფორმაციის სტრატეგიები, ხელოვნური ინტელექტი და სოციალური ქსელების როლი ინფორმაციის სანდოობის უზრუნველყოფაში“. ეს საკითხები განსაკუთრებით აქტუალურია თანამედროვე მსოფლიოში, სადაც ციფრული ტექნოლოგიების განვითარებამ მნიშვნელოვნად შეცვალა ინფორმაციის შექმნის, გავრცელებისა და მიღების პროცესები. ერთი მხრივ, ხელოვნური ინტელექტი და სოციალური ქსელები ქმნის ახალ შესაძლებლობებს ინფორმაციის ხელმისაწვდომობისა და მოქალაქეთა ჩართულობის გასაზრდელად, ხოლო მეორე მხრივ, ზრდის დეზინფორმაციის, მანიპულაციისა და საზოგადოებრივ აზრზე ზემოქმედების რისკებს. სწორედ ამიტომ, მნიშვნელოვანია, რომ საარჩევნო ადმინისტრაციებმა, სახელმწიფო ინსტიტუტებმა და საერთაშორისო პარტნიორებმა ერთობლივად იმსჯელონ აღნიშნულ გამოწვევებზე და შეიმუშაონ ეფექტიანი მიდგომები ინფორმაციული სანდოობისა და დემოკრატიული პროცესების დასაცავად“, - აღნიშნა ცესკოს თავმჯდომარემ კონფერენციის გახსნისას.კონფერენცია 17-18 ივნისს იმართება და მასში 23 ქვეყნის საარჩევნო ადმინისტრაციის, საარჩევნო საკითხებზე მომუშავე საერთაშორისო ორგანიზაციებისა და საარჩევნო ტექნოლოგიების მიმართულებით მომუშავე კომპანიების წარმომადგენლები იღებენ მონაწილეობას (A-WEB, Smartmatic). კონფერენციას ასევე ესწრებიან საქართველოს საკანონმდებლო ორგანოს, სახელმწიფო სტრუქტურების, აჭარის ავტონომიური რესპუბლიკის უმაღლესი საბჭოსა და უმაღლესი საარჩევნო კომისიის წარმომადგენლებიც.

1781686460

ცხრაკაციანი ჯგუფის წევრები ქართლსა და კახეთში ღვინის მწარმოებელ კომპანიებსა და მარნებს ეწვივნენ, დააგემოვნეს სხვადასხვა სტილის ქართული ღვინო, გაეცნენ ქვევრის დამზადების ტექნოლოგიებსა და პროცესს.ქართული ღვინის პოპულარიზაციისა და საექსპორტო პოტენციალის გაზრდის მიზნით, გერმანულ კომპანიასთან, ff.k Public Relations-თან ღვინის ეროვნული სააგენტომ თანამშრომლობა 2021 წლიდან დაიწყო. აქტიური პოპულარიზაციის კამპანია მიმდინარე წელსაც გრძელდება. კამპანიის ფარგლებში, დეგუსტაცია-სემინარები გერმანიის სხვადასხვა ქალაქში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის იმართება; ქართული ღვინო წარმოდგენილია საერთაშორისო გამოფენებზე, ხორციელდება მიზნობრივი სარეკლამო და მედიაკამპანიები, მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში.გერმანია ქართული ღვინის ექსპორტიორი ქვეყნების ხუთეულშია გაყიდვების მზარდი მაჩვენებლით. მიმდინარე წლის იანვარ-მაისში საქართველოდან გერმანიაში ექსპორტირებულია 670 ათასამდე ლიტრი ღვინო, რაც გასული წლის ანალოგიურ მაჩვენებელს 33%-ით აღემატება.ინფორმაციას ღვინის ეროვნული სააგენტოს პრესსამსახური ავრცელებს.

1781685293

თბილისის მერის კახა კალაძის ინფორმაციით, წარმატებული მაგისტრანტების სტიპენდია სემესტრულად 562,5 ლარის ნაცვლად, 1 000 ლარი გახდება. ასევე, ამოქმედდება ახალი პროგრამა სახელწოდებით - „ახალგაზრდა მეცნიერები თბილისისთვის“.„სტუდენტთა სწავლის დაფინანსების პროგრამაში“ ცვლილებები მიმდინარე წლის შემოდგომის სემესტრიდან ამოქმედდება.„პროგრამის ფარგლებში, კვლევითი გრანტებით დავაფინანსებთ იმ ახალგაზრდა მკვლევრებს, რომლებიც დედაქალაქის გამოწვევების გადაჭრასა და ინოვაციური იდეების შემუშავებაზე იმუშავებენ, მუნიციპალური საჭიროებების გათვალისწინებით დეფიციტური სფეროების განსაზღვრა კი ყოველწლიურად განხორციელდება. ასევე გაგრძელდება იმ სტუდენტების სწავლის დაფინანსების პროგრამა, რომლებმაც 2026-2027 სასწავლო წლამდე მოიპოვეს სწავლის უფლება სახელმწიფო ან კერძო უმაღლეს საგანმანათლებლო დაწესებულებებში“, - განაცხადა კახა კალაძემ მთავრობის სხდომაზე.მისივე განმარტებით, მუნიციპალიტეტის მერია, ყოველსემესტრულად, სოციალურად დაუცველი, მრავალშვილიანი ოჯახის წევრი და შშმ სტატუსის მქონე სტუდენტებისთვის სწავლის საფასურს აფინანსებს.„სტუდენტთა სწავლის დაფინანსების პროგრამის“ ფარგლებში, მიმდინარე წელს 1 280-მა სოციალურად დაუცველმა, 500-ზე მეტმა მრავალშვილიანი ოჯახის წევრმა სტუდენტმა და 50-მდე შშმ სტუდენტმა მიიღო დაფინანსება. ამასთან, მივესალმებით აღნიშნული მიმართულებით განათლების, მეცნიერებისა და ახალგაზრდობის სამინისტროს მიერ ინიცირებულ რეფორმას, რომელიც საჯარო უნივერსიტეტებში სწავლის საფასურის სრულ დაფინანსებას ითვალისწინებს. მიგვაჩნია, რომ აღნიშნული ცვლილება მნიშვნელოვნად გაზრდის უმაღლესი განათლების ხელმისაწვდომობასა და ხარისხს“, - აღნიშნა თბილისის მერმა.

1781684187

"მაისში წლიურმა ინფლაციამ 5.7 პროცენტი შეადგინა. მიზნობრივ 3 პროცენტიან მაჩვენებელთან შედარებით ინფლაციის ზრდა მეტწილად ენერგორესურსების ფასების მნიშვნელოვანმა მატებამ განაპირობა. აღნიშნული ინფლაციური წნეხი ძირითადად საგარეო ფაქტორებით არის განპირობებული და საერთაშორისო ბაზრებზე ენერგორესურსების ფასების მაღალი მერყეობისა და მიწოდების შეფერხებების შედეგს წარმოადგენს. ამავდროულად, შედარებით ხისტი ფასების ინდიკატორები, რომლებიც გრძელვადიან ინფლაციურ მოლოდინებს უკეთ ასახავენ, ბოლო პერიოდში მცირედით დაჩქარდა. კერძოდ, მაისში საბაზო ინფლაციამ (სურსათის, ენერგომატარებლებისა და თამბაქოს გამორიცხვით) 3.5 პროცენტი, ხოლო მომსახურების ინფლაციამ 3.8 პროცენტი შეადგინა. აღნიშნული მაჩვენებლები კვლავ მნიშვნელოვნად ჩამორჩება მთლიან ინფლაციას, თუმცა მათი დინამიკა მეორე რაუნდის ეფექტების გაძლიერების რისკებს საყურადღებო ფაქტორად ტოვებს. მეორე მხრივ, ბოლო პერიოდში საერთაშორისო სასაქონლო ბაზრებზე ენერგორესურსების ფასების მნიშვნელოვანი კორექცია მოხდა. აშშ-სა და ირანს შორის სამშვიდობო შეთანხმების მიღწევის მიმართ გაზრდილი ოპტიმიზმის ფონზე, ნავთობის საერთაშორისო ფასები პიკურ მაჩვენებლებთან შედარებით მნიშვნელოვნად შემცირდა. აღნიშნული საქართველოს ეროვნული ბანკის ცენტრალურ სცენართან თანხვედრაშია. კერძოდ, ცენტრალური სცენარი მოიაზრებდა, რომ ინფლაციაზე საგარეო შოკით გამოწვეული ზეწოლა ყველაზე ძლიერი მიმდინარე წლის მეორე კვარტალში იქნებოდა, რის შემდეგაც მისი გავლენა ეტაპობრივად შესუსტდებოდა. შესაბამისად, ცენტრალური სცენარის მიხედვით, 2026 წლის მეორე კვარტლიდან ინფლაცია შემცირების ტენდენციას გააგრძელებს და 2026 წელს საშუალოდ 4.9 პროცენტი იქნება, ხოლო საშუალოვადიან პერიოდში ეტაპობრივად დაუბრუნდება მიზნობრივ მაჩვენებელს.ეკონომიკური აქტივობა კვლავ ძლიერი ნარჩუნდება. 2026 წლის აპრილში ეკონომიკა 6.2 პროცენტით გაიზარდა, ხოლო წლის პირველ ოთხ თვეში საშუალო ზრდამ 8.3 პროცენტი შეადგინა. აღსანიშნავია, რომ ეკონომიკურ ზრდაში მნიშვნელოვანი წვლილი კვლავ მაღალპროდუქტიულ სექტორებს შეაქვთ, რაც მოთხოვნის მხრიდან მომდინარე ინფლაციურ წნეხს ნაწილობრივ აბალანსებს.გლობალურად გაურკვევლობა კვლავ მაღალ დონეზე ნარჩუნდება, რომლის ძირითად წყაროს ახლო აღმოსავლეთში მიმდინარე კონფლიქტის შემდგომი განვითარება, ენერგორესურსების საერთაშორისო ფასების დინამიკა და ომის შედეგად დაზიანებული ინფრასტრუქტურის აღდგენის ვადები წარმოადგენს. შესაბამისად, მონეტარული პოლიტიკის კომიტეტმა ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. მაღალინფლაციური რისკის სცენარი გეოპოლიტიკური ვითარების უფრო მეტად გამწვავებას მოიაზრებს ხანგრძლივი პერიოდის განმავლობაში, რაც ინფრასტუქტურის დამატებით დაზიანებასა და აღდგენის პერიოდის გადავადებას განაპირობებს. ამის ფონზე, საერთაშორისო ბაზარზე სასაქონლო ფასები უფრო მეტად გაიზრდება და მიწოდების ჯაჭვების რღვევა ფართომაშტაბიანი გახდება. შედეგად საქართველოშიც მიწოდების მხრიდან მომდინარე ინფლაციური შოკი გაძლიერდება, რაც მეორე რიგის ეფექტებს გაამწვავებს და საბოლოოდ ინფლაცია ცენტრალურ სცენართან შედარებით მაღალი იქნება.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. დაბალინფლაციური რისკის სცენარი ახლო აღმოსავლეთში სამშვიდო შეთანხმების შედეგად, საერთაშორისო სასაქონლო ბაზრებზე ფასების დაუყოვნებლივ სტაბილიზაციას ითვალისწინებს. ასეთ შემთხვევაში ენერგორესურსების ფასებზე არსებული წნეხი სწრაფად შემცირდება, რაც ადგილობრივ ინფლაციაზეც აისახება. ამავდროულად, საქართველოს საგარეო პოზიცია კვლავ მყარ მდგომარეობას ინარჩუნებს. მიუხედავად ძლიერი საგარეო შოკისა, უცხოური ვალუტის შემოდინებები კვლავ ძლიერია და ქვეყნის სუვერენული რისკის პრემია დაბალ დონეზეა, რაც რეალური ეფექტური გაცვლითი კურსის სტაბილურობას განაპირობებს. ამასთან, გლობალურად აშშ დოლარის შედარებით სუსტი პოზიციის შენარჩუნებაც დამატებითი ხელშემწყობი ფაქტორია. აღნიშნული ტენდენციის გაგრძელების შემთხვევაში, იმპორტირებული საქონლის ინფლაცია მოსალოდნელზე უფრო დაბალი იქნება და შედეგად, მთლიანი ინფლაცია, ცენტრალურ სცენართან შედარებით, უფრო სწრაფად დაუახლოვდება მიზნობრივ მაჩვენებელს.მიმდინარე მაკროეკონომიკური გარემოს, სცენარებისა და რისკების შეფასების საფუძველზე, მონეტარული პოლიტიკის კომიტეტმა მიზანშეწონილად მიიჩნია მონეტარული პოლიტიკის განაკვეთის უცვლელად, 8.25 პროცენტზე შენარჩუნება. სებ აქტიურად განაგრძობს დაკვირვებას მიმდინარე მოვლენებსა და მათი ადგილობრივ ბაზარზე გადმოცემის ინტენსივობაზე. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები კიდევ უფრო გახანგრძლივდება და/ან მათი მასშტაბი მეორე რაუნდის ეფექტების რისკებს გააძლიერებს, მპკ მონეტარული პოლიტიკის განაკვეთის ზომიერ ზრდას გააგრძელებს. ხოლო მას შემდგომ, რაც ინფლაციური შოკი ამოიწურება, სებ ეტაპობრივად დაიწყებს პოლიტიკის ნორმალიზებას,"- წერს ეროვნული ბანკი გადაწყვეტილებაში.მონეტარული პოლიტიკის კომიტეტის შემდეგი სხდომა 2026 წლის 29 ივლისს გაიმართება.

1781683703

მინისტრმა შეხვედრის მონაწილეებს ნედლი რძის წარმოებისა და გადამუშავების ხელშეწყობის მიზნით დაგეგმილი ცვლილებები გააცნო, რომლებიც ქართული ნედლი რძისგან დამზადებული პროდუქციისთვის სპეციალური ხარისხის ნიშნის დანერგვას, მცენარეული ცხიმის შემცველი პროდუქტების მკაფიო მარკირებასა და სავაჭრო ობიექტებში მათი განცალკევებულად განთავსებას გულისხმობს. ამასთან, გათვალისწინებულია სახელმწიფო კონტროლის გამკაცრება და ქართული ტრადიციული რძის პროდუქტების პოპულარიზაციის ხელშეწყობა.„აქტიურად ვმუშაობთ მოთხოვნა-მიწოდების სტიმულირებასა და თანამედროვე სტანდარტების დანერგვაზე. ძალაში შედის მოთხოვნა, რომლის მიხედვითაც მცენარეული ცხიმის შემცველი პროდუქტი რძის პროდუქტის სახელით ვეღარ გაიყიდება. ამასთან, ვმუშაობთ ქართული ნედლი რძისგან დამზადებული პროდუქციის სპეციალური მარკირების დანერგვაზე. რაც შეეხება ფერმერების მხარდაჭერას, აგროთანადაფინანსების ახალ პროგრამაში რძის სექტორისთვის მნიშვნელოვანი შეღავათებია გათვალისწინებული, თუმცა, სახელმწიფო თანადაფინანსების მიღების წინაპირობა წარმოების თანამედროვე სტანდარტების დაცვა იქნება. ჩვენი მიზანი ხარისხიანი ქართული რძის წარმოების ზრდა და დარგის კონკურენტუნარიანობის გაძლიერებაა“, – განაცხადა დავით სონღულაშვილმა.აღინიშნა, რომ დაგეგმილი მექანიზმების ამოქმედება მომხმარებელს პროდუქტის წარმომავლობის შესახებ უფრო მკაფიო ინფორმაციას მიაწვდის და ბაზარზე სამართლიანი კონკურენციის პირობების გაძლიერებას შეუწყობს ხელს.შეხვედრაზე ასევე განიხილეს მეცხოველეობის სექტორში არსებული გამოწვევები, დარგის განვითარების პერსპექტივები და სახელმწიფოს მიერ დაგეგმილი მხარდამჭერი ღონისძიებები.„სამინისტროს მიერ წარმოდგენილი ინიციატივები მნიშვნელოვანი ნაბიჯია დარგის განვითარებისთვის. ბოლო წლებში, მსოფლიოში პირუტყვის გაძვირებამ საქართველოში მაღალპროდუქტიული პირუტყვის შემოყვანა და ფერმების გაფართოება გაართულა, რამაც ნედლი რძის წარმოებაზეც იქონია გავლენა. სწორედ ამიტომ, მისასალმებელია სახელმწიფოს ახალი პროგრამა, რომელიც ითვალისწინებს როგორც ფერმების მშენებლობის, ისე პირუტყვის შეძენის თანადაფინანსებას. ეს ხელს შეუწყობს ხარისხიანი ნედლი რძის წარმოების ზრდას და იმპორტირებული პროდუქციის ეტაპობრივ ჩანაცვლებას. ასევე მნიშვნელოვანია ქართული ნედლი რძისგან დამზადებული პროდუქციისთვის სპეციალური ნიშნის დანერგვა, რაც მომხმარებელს ინფორმირებული არჩევანის გაკეთებაში დაეხმარება. ეს გაზრდის ადგილობრივ წარმოებას, დასაქმებას და დადებითად აისახება სექტორზე”, – განაცხადა მერძევეთა ასოციაციის თავმჯომარემ, ნიკოლოზ ბენიაიძემ.მეცხოველეობის სექტორის წარმომადგენლებთან შეხვედრა დარგობრივი საბჭოს ფარგლებში გაიმართა. საბჭოს სხდომები ყოველთვიურად მინისტრის მოადგილის კურატორობით, ხოლო კვარტალში ერთხელ მინისტრის ხელმძღვანელობით ტარდება. აღნიშნული ფორმატი დარგის წარმომადგენლებთან აქტიურ კომუნიკაციას, ფერმერთა საჭიროებების უკეთ გათვალისწინებასა და სექტორის განვითარებისკენ მიმართული პროექტების ეფექტიან დაგეგმვას უწყობს ხელს.შეხვედრას გარემოს დაცვისა და სოფლის მეურნეობის მინისტრის მოადგილეები ლაშა დოლიძე და ლაშა ავალიანი, ასევე სამინისტროს სისტემაში შემავალი შესაბამისი უწყებების ხელმძღვანელი პირები ესწრებოდნენ.ინფორმაციას გარემოს დაცვისა და სოფლის მეურნეობის სამინისტრო ავრცელებს.

1781681916

დისკუსიაში ასევე მონაწილეობდნენ ჩეხეთის ეროვნული ბანკის პრეზიდენტი ალეშ მიხლი და უნგრეთის ცენტრალური ბანკის ვიცე-პრეზიდენტი ზოლტან კურალი.პანელის მონაწილეებმა განიხილეს გეოპოლიტიკური პროცესების გავლენა ცენტრალური ბანკების საქმიანობაზე, მონეტარული პოლიტიკის განხორციელებასა და საერთაშორისო რეზერვების მართვასთან დაკავშირებულ საკითხებზე. ყურადღება გამახვილდა რეზერვების დივერსიფიკაციის სტრატეგიებზე, სტეიბლქოინებისა და ცენტრალური ბანკების ციფრული ვალუტების განვითარების ტენდენციებზე, ასევე ხელოვნური ინტელექტის გამოყენების შესაძლებლობებსა და გამოწვევებზე.ლონდონში ვიზიტის ფარგლებში ნინო ჯელაძემ ევროპის სხვადასხვა ცენტრალური ბანკის წარმომადგენლებთან სამუშაო შეხვედრებიც გამართა. მხარეებმა განიხილეს ცენტრალურ ბანკებს შორის პროფესიული თანამშრომლობის გაღრმავების შესაძლებლობები, საბანკო ზედამხედველობისა და რეგულირების მიმართულებით არსებული გამოწვევები, ასევე თანამედროვე ტექნოლოგიების, მათ შორის ხელოვნური ინტელექტის, პრაქტიკული გამოყენების საკითხები.Central Banking-ის ყოველწლიური შეხვედრები ცენტრალური ბანკების, საერთაშორისო საფინანსო ინსტიტუტებისა და ფინანსური სექტორის წარმომადგენლებს აერთიანებს. ღონისძიება პროფესიული გამოცდილების გაზიარებისა და აქტუალური საკითხების განხილვის ერთ-ერთ მნიშვნელოვან საერთაშორისო პლატფორმას წარმოადგენს.

1781681617