ივლისში ივნისთან შედარებით სამწლიან პერიოდზე ინფლაციური მოლოდინები შემცირებულია

Standard Chartered Bank ერთ-ერთი წამყვანი საერთაშორისო საბანკო ინსტიტუტია, რომელსაც ფართო გლობალური ქსელი და ძლიერი პოზიციები აქვს საერთაშორისო გადახდებისა და საკორესპონდენტო ბანკინგის სფეროში. სწორედ ამიტომ, თანამშრომლობა განსაკუთრებით დაეხმარება იმ კომპანიებს, რომლებიც ყოველდღიურად ახორციელებენ ტრანზაქციებს უცხოელ პარტნიორებთან, ასრულებენ იმპორტ-ექსპორტის ოპერაციებს და ჩართული არიან საერთაშორისო ვაჭრობაში.კლიენტებისთვის ეს ნიშნავს: საერთაშორისო გადარიცხვების უფრო ფართო გეოგრაფიულ დაფარვას; გადახდების უფრო ეფექტიან დამუშავებას - საერთაშორისო ტრანზაქციების პროცესის გამარტივებასა და დაჩქარებას; საიმედო საერთაშორისო საბანკო ინფრასტრუქტურაზე წვდომას საერთაშორისო ოპერაციების შეუფერხებლად განხორციელებისთვის; საერთაშორისო ბიზნესისა და სავაჭრო ოპერაციების გაძლიერებულ მხარდაჭერას, რაც კომპანიებს უცხოელ პარტნიორებთან ყოველდღიური ფინანსური ოპერაციების ეფექტიანად მართვაში დაეხმარება. „თიბისი მუდმივად ითვალისწინებს მომხმარებლების საჭიროებებს და ქმნის სერვისებს, რომლებიც მათს ყოველდღიურ საქმიანობას ამარტივებს. თანამედროვე და მოქნილი საბანკო ინფრასტრუქტურა ბიზნესებისთვის ფინანსური ოპერაციების უწყვეტად განხორციელების ერთ-ერთი მნიშვნელოვანი წინაპირობაა. სწორედ ამას ემსახურება Standard Chartered Bank-თან საკორესპონდენტო პარტნიორობის გაფორმება. თანამშრომლობა ხელს შეუწყობს საერთაშორისო ვაჭრობის შეუფერხებელ განხორციელებას, ბიზნესაქტივობის გაძლიერებას საქართველოში და ქვეყნის ეკონომიკის განვითარებას. საერთაშორისო საბანკო ინსტიტუტთან საკორესპონდენტო ურთიერთობის დაწყება კიდევ ერთი ნაბიჯია თიბისის საერთაშორისო შესაძლებლობებისა და საკორესპონდენტო ქსელის შემდგომი განვითარებისთვის”, - თამარ ხიზანიშვილი, თიბისის ვაჭრობის ფინანსირებისა და ფაქტორინგის დეპარტამენტის დირექტორი.

1787212839

ეროვნული ბანკის ინფორმაციით, საქართველოს პარლამენტმა მიმდინარე წელს ფაქტორინგის შესახებ კანონი დაამტკიცა. კანონი 2027 წლის 1 იანვრიდან ამოქმედდება და მისი მიზანია ქვეყანაში ფაქტორინგის, როგორც ალტერნატიული ფინანსური ინსტრუმენტის, განვითარება და ბიზნესისთვის ფინანსებზე ხელმისაწვდომობის ზრდა.ფაქტორინგი გულისხმობს გარიგებას, რომლის დროსაც ძირითადი ხელშეკრულებიდან წარმოშობილი დებიტორული დავალიანების მოთხოვნის უფლება ფაქტორს გადაეცემა. გარიგება შესაბამის ფაქტორინგის რეესტრში რეგისტრირდება, რის შედეგადაც აღნიშნულ მოთხოვნაზე საკუთრების უფლება ფაქტორზე გადადის.კანონის მიხედვით, ფაქტორინგის მხარე შეიძლება იყოს ეროვნული ბანკის მიერ რეგულირებული სუბიექტი — კომერციული ბანკი, მიკრობანკი, მიკროსაფინანსო ორგანიზაცია ან ფაქტორინგული კომპანია. ამასთან, ფაქტორინგული გარიგებების შესრულება უნდა განხორციელდეს ეროვნული ბანკის ნორმატიული აქტებით დადგენილი მოთხოვნების შესაბამისად რეგისტრირებული ფაქტორინგული პლატფორმის მეშვეობით.სებ-ის განმარტებით, ფაქტორინგული პლატფორმა შესაძლოა იყოს შესაბამისი ტექნიკური ინფრასტრუქტურის მქონე სუბიექტი, რომლის ძირითადი საქმიანობა ფაქტორინგული გარიგებების საბირჟო მომსახურებით უზრუნველყოფა, მათ შორის, ფაქტორინგის მხარეებს შორის შეთანხმებების ელექტრონულად შესრულება იქნება.ეროვნული ბანკის განცხადებით, ასეთი პლატფორმის მიზანია ფაქტორინგის ბაზრის მონაწილეებს შორის ციფრული ურთიერთქმედების ხელშეწყობა, დებიტორული დავალიანების დაფინანსების პროცესის გამარტივება და ინოვაციური ფინანსური პროდუქტების განვითარების მხარდაჭერა.„ეროვნული ბანკისთვის, საზედამხედველო პოლიტიკის ეფექტიანი განხორციელებისა და შესაბამისი სარეგულაციო ჩარჩოს შემუშავების მიზნით, მნიშვნელოვანია ფაქტორინგით დაინტერესებული მხარეების, მათ შორის, ინვესტორების, საერთაშორისო საფინანსო ინსტიტუტებისა და სებ-ის მიერ რეგულირებული სუბიექტების მოსაზრებებისა და ხედვების გაზიარება ფაქტორინგული პლატფორმის საზედამხედველო ჩარჩოს შემდგომი სრულყოფისთვის“,- წერს ეროვნული ბანკი.სებ-ის შეფასებით, დაინტერესებული მხარეების ჩართულობა ბაზრის საჭიროებების უკეთ იდენტიფიცირებას და სექტორის სტაბილური და ეფექტიანი ფუნქციონირებისთვის შესაბამისი გარემოს ჩამოყალიბებას შეუწყობს ხელს. ასევე, მარეგულირებლის მიზანია ფაქტორინგის ბაზარზე უფრო გამჭვირვალე და კონკურენტუნარიანი გარემოს შექმნა.ეროვნული ბანკი დაინტერესებულ მხარეებს, მათ შორის პოტენციურ მონაწილეებს, ტექნოლოგიურ პროვაიდერებსა და ფინანსურ ორგანიზაციებს, ფაქტორინგის ბაზრის განვითარებასთან დაკავშირებით მოსაზრებების გაზიარებას სთავაზობს. სებ-ის განცხადებით, მიღებული ინფორმაცია გამოყენებული იქნება ბაზრის მონაწილეთა ინტერესების, შესაძლებლობებისა და სექტორში მათი შესაძლო ჩართულობის შესაფასებლად და ეფექტიანი ფაქტორინგის ეკოსისტემის ჩამოსაყალიბებლად.ფაქტორინგი ბიზნესისთვის სამუშაო კაპიტალის დაფინანსების ერთ-ერთ ალტერნატიულ გზას წარმოადგენს. ამ მოდელის შემთხვევაში პროდუქტის ან მომსახურების მიმწოდებელი კომპანია ფაქტორისგან თანხას წინასწარ იღებს და სანაცვლოდ დებიტორულ დავალიანებაზე მოთხოვნის უფლებას უთმობს. საბოლოოდ, თანხას ფაქტორის მიმწოდებელი იმ მხარისგან იღებს, რომელმაც პროდუქტი ან მომსახურება მიიღო.საქართველოს პარლამენტის მიერ მიღებული კანონის ამოქმედების შემდეგ ფაქტორინგის ბაზარზე მონაწილე სუბიექტებისა და პლატფორმების საქმიანობა შესაბამისი საკანონმდებლო და საზედამხედველო მოთხოვნების ფარგლებში განხორციელდება.

1787209540

ეკონომიკური საქმიანობის მონაწილეთა მიხედვით, 2026 წლის ივლისშიივნისთან შედარებით ერთწლიან პერიოდზე ინფლაციური მოლოდინებიმცირედით გაიზარდა. ერთი მხრივ, მომატებულია იმ რესპონდენტთაწილი, რომლებიც ფასების ცვლილებას 6-8%-ისა და 0-2%-ის ინტერვალშიფიქრობენ. მეორე მხრივ, შემცირებულია იმ რესპონდენტთა რაოდენობა,რომლებიც ფასების მატებას 4-6%-ის ინტერვალში მოიაზრებენ.ამავე გამოკითხვის მიხედვით, მიმდინარე წლის ივლისში ივნისთანშედარებით სამწლიან პერიოდზე ინფლაციურმა მოლოდინებმამცირედით მოიკლო.ერთი მხრივ, იმ მონაწილეთა რაოდენობამ,რომლებიც მომდევნო სამი წლის მანძილზე ფასების მატებას 8%-ზემეტად და 2%-4%-ის ინტერვალში ფიქრობენ, შემცირებულია. თუმცა,გაიზარდა იმ რესპონდენტთა რაოდენობა, რომლებიც ფასების ზრდას 4%-6%-ისა და 6%-8%-ის ინტერვალში მოიაზრებენ.გამოკითხულთა აზრით, საკუთარ პროდუქციაზე/მომსახურებაზე ფასებისზრდის მოლოდინი 1 წლიან პერიოდში მომატებულია. კერძოდ, იმმონაწილეთა რაოდენობამ, რომლებიც მომდევნო სამი წლის მანძილზეფასების ცვლილებას 8%-ზე მეტად და 4%-6%-ის ინტერვალში ფიქრობენ, მოიმატა. თუმცა, შემცირდა იმ რესპონდენტთა რაოდენობა, რომლებიცფასების უცვლელობას (0%-ის გარშემო ცვლილებას) და 2-4%-ისფარგლებში ცვლილებას მოელიან.ამავე გამოკითხვის მიხედვით, ივლისში ივნისთან შედარებითმოლოდინები ხელფასების ზრდაზე გაზრდილია. კერძოდ, იმრესპონდენტთა რაოდენობა, რომლებიც ხელფასების ცვლილებას 20%-30%-ის ინტერვალში ელოდებიან, მომატებულია. ამის საპირისპიროდ,რესპოდენტთა რაოდენობა, რომლებიც ხელფასების 0-10%-ს ფარგლებშიდა უცვლელად შენარჩუნებას (0%) ელოდებიან, შემცირებულია.გამოკითხულთა აზრით, ივლისში კომპანიაში წარმოებისათვის საჭირორესურსების გამოყენების ეფექტიანობა (კომპანიის რესურსებისრეალური გამოყენება, მაქსიმალურ გამოყენებასთან შედარებით) წინათვესთან შედარებით შემცირებულია.

1787209423

თითოეული ცეკვა საკუთარ თავში საქართველოს სხვადასხვა კუთხის ისტორიასა და ხასიათს აერთიანებს - ქართული ცეკვის მოძრაობები ბუნებრივად იბადება საქართველოს კუთხეებში, ყოველდღიურობასა და შრომაში, რომელიც შემდეგ სცენაზე ცოცხლდება. ახლა კი კამპანიის ფარგლებში, ეს ისტორიები ქუთაისის სცენაზე შესრულდება.კამპანიის მიზანია, სუხიშვილები იმ ადგილებს დაბრუნებოდნენ, სადაც ქართული ცეკვის ფესვებია. საქართველოს შემოქმედება, რომელიც არ ჩერდება - და სცენა, რომელიც მთელ საქართველოს ეკუთვნის.კონცერტზე დასასწრები ბილეთების გაყიდვა 20 აგვისტოდან დაიწყება.როცა მთელი საქართველო სცენად იქცევასუხიშვილების რეპერტუარი ტრადიციისა და თანამედროვეობის უნიკალური სინთეზია. თითოეული დადგმა თავისი რიტმით, მუხტითა და განწყობით ერთი კუთხის ამბავს ჰყვება.ისინი მთაში იბადებიან, ზღვის ნაპირზე გრძელდებიან, შრომაში, ზეიმში, ყოველდღიურობაში ყალიბდებიან და შემდეგ სცენაზე გადადიან. ამიტომაც, როდესაც სუხიშვილები ცეკვავენ, მაყურებელი მხოლოდ ქორეოგრაფიას არ უყურებს – ის ქვეყნის ისტორიას, კულტურასა და იდენტობას ხედავს.სწორედ ამ იდეას ეფუძნება საქართველოს ბანკის კამპანია “საქართველოს შემოქმედება, რომელიც არ ჩერდება”.მოძრაობა, რომელიც არ ჩერდება“ცეკვა შეიძლება დაიბადოს მთაში, ველზე, შრომისასთუ ზეიმის დროს. იქ, სადაც ადამიანებს საერთოისტორია, მიწა და ერთმანეთის მიმართპასუხისმგებლობა აერთიანებთ.“მაგალითისთვის, “შეჯიბრი” - ნინო რამიშვილისა და ილიკო სუხიშვილის გამოგონილი ცეკვაა, რომელიც მანამდე არ არსებობდა. ის იდეალურად ასახავს ქართულ ხასიათს. მისი შესრულება საკმაოდ რთულია, რადგან მოცეკვავეებს მუხლზე დაცემა, ცერზე ტრიალი და სალტოების გაკეთება უწევთ.რაც შეეხება მთის ცეკვებს, როგორებიცაა: “ხანჯლური”, “სვანური” და “ხევსურული” განსხვავებული ხასიათით სრულდება. კერძოდ, “სვანური“ ცეკვა სცენაზე გამოხატავს სვანების სიმტკიცეს და სიდინჯეს. უმეტესად ცერებზე სრულდება, რაც თავისთავად ართულებს ქორეოგრაფიულ ტექნიკას. რაც შეეხება კოსტიუმს, თეთრი ახალუხი და სვანური ქუდი კავკასიონის თოვლიანი მწვერვალებით არის შთაგონებული, ხოლო ჩოხის თითოეული დეტალი სვანეთის მკაცრ ბუნებასა და რეგიონის გამორჩეულ ხასიათს უსვამს ხაზს.ცეკვებზე საუბრისას, შეუძლებელია არ ვახსენოთ ჯუთა და ცდო, რომელიც ქართული სოფლის სახელებია და განსაკუთრებით იზიდავს უცხოელ მაყურებელს.“ცდო“ მთიულურისა და ყაზბეგურის მოტივებზეა შექმნილი, ხოლო “ჯუთა“ ხევსური ქალის მტკიცე ხასიათს, შეუპოვრობასა და ტემპერამენტს წარმოაჩენს. მნიშვნელოვანია, რომ ბარში მცხოვრები მოსახლეობისგან განსხვავებით, მთის ქალები გაცილებით მკაცრი, დამოუკიდებლები და ძლიერი ბუნების არიან, რაც სცენაზეც გამოკვეთილია.უახლოესი კომპოზიციებიდან, რომელიც სუხიშვილების მესამე თაობას ეკუთვნის გამორჩეულია “ნანილა” და “ჯარა”.“ნანილას” შექმნის იდეა წამოვიდა ძველი სვანური იავნანადან. ეს არის ოთხი ქალის მიერ შესრულებული სვანური, რომლებიც თითქოს ბავშვს არწევენ. კაბები ზარის ფორმისაა.ხოლო “ჯარა” ტრიუმფის 80 წლისთვის, სპეციალურად “ღია სცენა თაკარას” სცენისთვის შეიქმნა. მთიულური ცეკვა, რომელიც “ცდოს” დადგმას მიყვება, თუმცა რადიკალურად განსხვავებულია.სუხიშვილები - “ცეკვაში თქმულნი. საქართველოს ბანკისუხიშვილების გენერალური სპონსორია.მეტისთვის ნახეთ ვიდეო.

1787152740

ინვესტორები ძირითადად ფიზიკური პირები არიან. აშშ დოლარში დენომინირებული ობლიგაციების კუპონის განაკვეთი 8.00%-ით, ევროს ობლიგაციების კუპონი კი 7.25%-ით განისაზღვრა. მოზიდული სახსრები კომპანიამ არსებული საბანკო ვალდებულებების რეფინანსირებისთვის გამოიყენა.„ვულოცავ შპს ლოპოტას ფასიანი ქაღალდების წარმატებით განთავსებას. ეს კომპანიისთვის ობლიგაციების პირველი პროგრამაა, ინვესტორების მაღალი დაინტერესება კი მათ მიმართ ნდობის დადასტურებაა. დარწმუნებული ვარ, შპს ლოპოტა მომავალშიც აქტიურად ჩაერთვება კაპიტალის ბაზრის განვითარებაში და სხვა კომპანიებსაც მისცემს მოტივაციას, რომ ფინანსებზე ხელმისაწვდომობის ზრდისთვის ალტერნატიულ საშუალებებს მიმართონ. მოხარული ვარ, რომ კაპიტალის ბაზარზე პირველი ნაბიჯების გადასადგმელად ლოპოტამ სწორედ თიბისი კაპიტალი აირჩია. მიმდინარე წელს ადგილობრივ ბაზარზე კომპანიების მიერ განხორციელებულ 12 კერძო და საჯარო ტრანზაქციაში მივიღეთ მონაწილეობა და 59,3%-იანი წილით ბაზრის ლიდერობას ვინარჩუნებთ”,- ოთარ შარიქაძე, თიბისი კაპიტალის დირექტორი.„მინდა მივულოცო “ლოპოტას“ 11 მილიონი დოლარისა და 6.9 მილიონი ევროს მოცულობის ობლიგაციების წარმატებით განთავსება. აღსანიშნავია, რომ წელს კომპანიამ კაპიტალის ბაზრის მხარდაჭერის სახელმწიფო პროგრამის ფარგლებში პირველად განახორციელა სასესხო ფასიანი ქაღალდების ემისია, რაც კაპიტალის ბაზარზე ახალი ემიტენტების შემოსვლის კიდევ ერთი თვალსაჩინო მაგალითია. მოხარული ვარ, რომ კაპიტალის ბაზარი ქართული ბიზნესისთვის გრძელვადიანი განვითარების და ფინანსური რესურსების მოზიდვის ეფექტიანი ინსტრუმენტი ხდება და სულ უფრო მეტი ქართული კომპანია განიხილავს მას, როგორც ზრდის შესაძლებლობას. კაპიტალის ბაზრის მხარდაჭერის სახელმწიფო პროგრამა 2024 წელს დავიწყეთ. პროგრამის ამოქმედებიდან დღემდე მხარდაჭერილია 14 კომპანიის 26 ემისია, რომელთა მეშვეობითაც საფონდო ბაზარზე მილიარდ ლარზე მეტი (1,18 მლრდ) საინვესტიციო რესურსია მოზიდული. კორპორაცია მომავალშიც აქტიურად გააგრძელებს მსგავსი ინიციატივების მხარდაჭერას, რადგან კაპიტალის ბაზრის განვითარება ჩვენთვის ერთ-ერთი სტრატეგიული მიმართულებაა“, - ირაკლი გაბრიაძე, საქართველოს ეკონომიკის კორპორაციის დირექტორი.“ობლიგაციების პირველი პროგრამის წარმატებით განხორციელება მნიშვნელოვანი ეტაპია ლოპოტას ისტორიაში. ჩვენთვის ეს არამხოლოდ ფინანსური რესურსის მოზიდვა, არამედ კაპიტალის ბაზარზე ჩვენი ბიზნესის მიმართ არსებული ნდობის დადასტურებაა. ეს ნაბიჯი ნათლად აჩვენებს, თუ როგორ იქცა წლების წინ დაწყებული პატარა წამოწყება საერთაშორისო ინვესტორებისთვის სანდო და მასშტაბურ პროექტად. მადლობას ვუხდით ლოპოტას თითოეულ სტუმარს და ინვესტორს ნდობისთვის, ხოლო თიბისი კაპიტალს - მხარდაჭერისთვის. თიბისი ბანკი წლების განმავლობაში იდგა ლოპოტას გვერდით. ეს არის დამატებითი შესაძლებლობა, გავაგრძელოთ ლოპოტას განვითარება და კიდევ უფრო გავამყაროთ ის სტაბილური ბიზნესი, რომელიც დღეს რეგიონის ერთ-ერთი უმსხვილესი დამსაქმებელი და მისი ეკონომიკური გაძლიერების მნიშვნელოვანი მხარდამჭერია”, - გიორგი ქევანიშვილი, "ლოპოტა სპა რეზორტის" აღმასრულებელი დირექტორი.ლოპოტა 2008 წელს გოგა მაისურაძის მიერ დაფუძნდა. პირველი 7-ოთახიანი საოჯახო სასტუმრო თავიდანვე მასშტაბური იდეის დასაწყისს წარმოადგენდა, დღეს კი ის უკვე საქართველოს სტუმარმასპინძლობის სექტორის ერთ-ერთი წამყვანი რეზორტია. 60 ჰექტარზე გაშენებული კომპლექსი აერთიანებს 310 ნომერს, სხვადასხვა კონცეფციის სივრცესა და მაღალი სტანდარტის მომსახურებას.

1787148780

3 ოქტომბრის შუალედური არჩევნებისთვის რეგისტრირებულ საარჩევნო სუბიექტებს განესაზღვრათ შემდეგი რიგითი ნომრები: №9 – „ძლიერი საქართველო-ლელო“;№41 – „ქართული ოცნება“. აღნიშნულ სუბიექტებს კანდიდატების წარდგენისთვის ვადა არჩევნებამდე არაუგვიანეს 30 დღისა (3 სექტემბერი) აქვთ. მაჟორიტარი დეპუტატობის კანდიდატები მათ შესაბამის საოლქო საარჩევნო კომისიებს უნდა წარუდგინონ.შეგახსენებთ, რომ 3 ოქტომბერს საკრებულოების შუალედური არჩევნები ვანის, წალკის, დმანისისა და ახმეტის მუნიციპალიტეტებში გაიმართება. შუალედური არჩევნებისთვის ჯამში შვიდი საარჩევნო უბანი გაიხსნება, მათ შორის ოთხ საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები.  ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ.

1787130695