"თხევადი გაზი ამ კვირაში 1.80 ლარამდე გაძვირდება“ - თხევადი გაზის იმპორტიორთა ასოციაცია

„სელფის“ როუმინგის სხვა უპირატესობებზე სარეკლამო ვიდეორგოლში პირადად საუბრობს კომპანიის გენერალური დირექტორი, როსტომ ტალახაძე.„მოგზაურობისას განსაკუთრებით მნიშვნელოვანია იმ სერვისებზე უწყვეტი წვდომა, რომლებიც ნავიგაციას, გადაადგილებასა და კავშირზე ყოფნას ამარტივებს. „სელფის“ როუმინგის შეთავაზება მომხმარებლებს საშუალებას აძლევს, Uber-ით, Bolt-ით, Google Maps-ით, WhatsApp Chat-ით, Messenger Chat-ითა და MyCellfie App-ით ძირითადი ინტერნეტმოცულობის ხარჯვის გარეშე ისარგებლონ. ეს მნიშვნელოვნად ამარტივებს მოგზაურობას, რადგან მომხმარებელს აღარ უწევს ფიქრი, როგორ გაიკვლიოს გზა, ისარგებლოს ტრანსპორტით და დარჩეს უწყვეტ კავშირზე უცხო ქვეყანაში. საკმარისია „სელფის“ როუმინგის ინტერნეტპაკეტის გააქტიურება და აღნიშნული აპლიკაციები ხელმისაწვდომი იქნება პაკეტის მოქმედების მთელი პერიოდის განმავლობაში, მათ შორის მაშინაც, როდესაც პაკეტში შემავალი მეგაბაიტები უკვე ამოწურულია. ამასთან, „სელფი“ მომხმარებლებს როუმინგის ინტერნეტპაკეტებს კონკურენტულ ფასად სთავაზობს,“ - აცხადებს თეკლე ცხვედიანი, „სელფის“ მობილური საბითუმო ბიზნესის განვითარების განყოფილების ხელმძღვანელი.„როგორც N1 ქსელი სამოგზაუროდ, გვინდა, რომ მომხმარებლებისთვის მოგზაურობა კარგ შთაბეჭდილებებთან და არა კავშირის პრობლემებთან ასოცირდებოდეს. სწორედ ამ იდეაზე დავაფუძნეთ კამპანიაც და გადავწყვიტეთ, როუმინგის უპირატესობებზე თავად კომპანიის გენერალურ დირექტორს ესაუბრა. როდესაც პროდუქტის ასე გვჯერა, გვინდა, ეს გზავნილიც პირდაპირ და გულწრფელად მივიტანოთ მომხმარებლამდე,“ - აცხადებს მარიამ ფირცხალაიშვილი, „სელფის“ მარკეტინგის ლიდი.როუმინგის პაკეტების შესახებ დეტალურად: როუმინგი / როუმინგის პაკეტები - Cellfie

1784032657

სოფლების მოსახლეობას ამ დრომდე სასმელი წყალი დღეგამოშვებით, რამდენიმე საათის განმავლობაში მიეწოდებოდა. განხორციელებული სამუშაოების შედეგად, მიმდინარე წლის ბოლოდან, წეროვანსა და გოროვანში მცხოვრები მოსახლეობა პირველად ისარგებლებს 24-საათიანი წყალმომარაგებით.პროექტის ფარგლებში აშენდა სატუმბო სადგური, შემკრები რეზერვუარი და 500 მ³ მოცულობის ახალი რეზერვუარი, ხოლო არსებულ რეზერვუარებს რეაბილიტაცია ჩაუტარდა. მოეწყო 26 კილომეტრამდე წყალმომარაგების ქსელი, ოთხი ახალი ჭაბურღილი და საქლორატორო.ძირითადი სამშენებლო სამუშაოები უკვე დასრულებულია. ამ ეტაპზე მიმდინარეობს პროექტის საბოლოო სამუშაოები, რის შემდეგაც ახალი ინფრასტრუქტურა სრულად შევა ექსპლუატაციაში.პროექტი სახელმწიფო ბიუჯეტიდან 8.8 მილიონი ლარით დაფინანსდა.

1784031946

თანამშრომლობის მიზანი ახალგაზრდა ქართველი მოჭადრაკეებისთვის განვითარების ახალი შესაძლებლობების შექმნა და ქართული ჭადრაკის მრავალწლიანი ტრადიციის გაგრძელების ხელშეწყობაა.აღნიშნული პარტნიორობის ფარგლებში, საქართველოსბანკი ფოთის საჭადრაკო კლუბის მიერ ორგანიზებულ საერთაშორისო საჭადრაკო ფესტივალზე, ახალგაზრდაქართველი მოჭადრაკეების მთავარი მხარდამჭერია.საერთაშორისო ფესტივალი, რომელიც ფოთშიჭადრაკის სხვადასხვა თაობას აერთიანებსფოთის საერთაშორისო საჭადრაკო ფესტივალი ქალაქის ყოველწლიური საერთაშორისო საჭადრაკო ღონისძიებაა, რომელიც ფოთის საჭადრაკო კლუბის და საქართველოს ჭადრაკის ფედერაციის ორგანიზებით იმართება.2026 წელს ფოთი ფესტივალს უკვე მეცხრამეტედ მასპინძლობს. ტურნირები 12-20 ივლისს ტარდება და მათში 10 ქვეყნის 500-მდე ახალგაზრდა მონაწილეობს, მათგან 300-ზე მეტი კი ქართველი მოჭადრაკეა.ფესტივალის პროგრამის ფარგლებში 25-მდე სხვადასხვა ტურნირი ტარდება. მონაწილეები სხვადასხვა სარეიტინგო და ასაკობრივ კატეგორიაში: A, B, C, D და E Open-ებსა და ბავშვთა ტურნირებში ასპარეზობენ.ძირითადი შეჯიბრებები 9 ტურად, შვეიცარიული სისტემით იმართება, მიღებული შედეგები კი საერთაშორისო რეიტინგში აისახება. თითოეულ ტურნირში პირველ, მეორე და მესამე ადგილზე გასული მოჭადრაკეები ჯილდოვდებიან.ფესტივალი შესაძლებლობას აძლევს როგორც გამოცდილ, ისე ახალგაზრდა მოჭადრაკეებს, საკუთარი შესაძლებლობები საერთაშორისო გარემოში გამოსცადონ, დააგროვონ გამოცდილება და გადადგან შემდეგი ნაბიჯები პროფესიული განვითარების გზაზე.ინფორმაციისთვის, ფოთში ჭადრაკს თითქმის 80-წლიანი ორგანიზებული ისტორია აქვს. ქალაქის საჭადრაკო კლუბი ჯერ კიდევ 1948 წელს გაიხსნა, სადაც ახალგაზრდებს ჭადრაკის სიღრმისეულად შესწავლის შესაძლებლობა მიეცათ.დღეს საქართველოს ბანკი კლუბის მთავარი მხარდამჭერია და პარტნიორობის ფარგლებში ხელს უწყობს ახალი თაობის მოჭადრაკეების განვითარებას. ფოთის საერთაშორისო საჭადრაკო ფესტივალზე ქართველი მოთამაშეების მხარდაჭერა კი ამ პარტნიორობის კიდევ ერთი გაგრძელებაა.აღსანიშნავია, რომ ფოთის საერთაშორისო საჭადრაკო ფესტივალი ფოთში დაბადებული ქართველი მოჭადრაკის, ქალთა მსოფლიო ჩემპიონობის ორგზის პრეტენდენტის და ქართული ჭადრაკის ერთ-ერთი გამორჩეული წარმომადგენლის - ნანა ალექსანდრიას სახელს ატარებს. ყოველწლიურად კი ფესტივალი ასობით ახალგაზრდა მონაწილეს მასპინძლობს.

1784030902

ამ მიმართულებით, საქართველოს ბანკმა ბოლო პერიოდში არაერთი მნიშვნელოვანი ნაბიჯი გადადგა. დღეს მომხმარებლებს უკვე შეუძლიათ საქართველოს ბანკის საბანკო სერვისებით აზერბაიჯანულ, სომხურ და თურქულ ენებზეც ისარგებლონ. შესაბამისი ენები დაემატა მობილბანკსა და ინტერნეტბანკს, ასევე ბანკომატებსა და თვითმომსახურების აპარატებს.გარდა ამისა, რეგიონებში გაფართოვდა ფილიალების ქსელიც. ბანკმა ახალი ფილიალები გახსნა სადახლოში, დმანისში, კაბალსა და ნინოწმინდაში. მომხმარებლებს აღნიშნულ ფილიალებში სრულფასოვანი საბანკო მომსახურების მიღების შესაძლებლობა აქვთ, მათ შორის ანგარიშის გახსნა, ბარათის მიღება, გზავნილების გაგზავნა და მიღება, ანაბრების გახსნა, გადარიცხვების განხორციელება და სხვა საბანკო ოპერაციები.“რეგიონებში მომსახურების გაფართოება განსაკუთრებით მნიშვნელოვანია იმ მომხმარებლებისთვის, რომლებსაც აქამდე საბანკო სერვისების მისაღებად უახლოეს ქალაქში გადაადგილება უწევდათ. ახალი ფილიალებისა და მრავალენოვანი მომსახურების დანერგვით საბანკო სერვისები მათთვის კიდევ უფრო ხელმისაწვდომი გახდა”, - აღნიშნავს თინათინ ნეფარიძე, საქართველოს ბანკის სეგმენტის მმართველი.აღსანიშნავია, ისიც, რომ საქართველოს ბანკი ადგილობრივი მოსახლეობის დასაქმებასაც უწყობს ხელს. ახალ ფილიალებში დასაქმებულთა შორის არიან სომხურ და აზერბაიჯანულ ენებზე მოსაუბრე თანამშრომლები, რაც მომხმარებლებს მომსახურების მათთვის კომფორტულ ენაზე მიღების შესაძლებლობას აძლევს.საქართველოს ბანკი მრავალენოვანი მომხმარებლებისთვის ხელმისაწვდომ ფინანსურ სერვისებთან ერთად, სხვადასხვა პროფესიული ჯგუფისთვის მორგებული პროდუქტების განვითარებასაც აგრძელებს. მათ შორის, მასწავლებლებს შესაძლებლობა აქვთ ისარგებლონ სპეციალურად მათთვის შექმნილი მასწავლებლის ბარათით, რომელიც ყოველდღიური საბანკო ოპერაციების გამარტივებასა და დამატებითი სარგებლის მიღებას ემსახურება. ბარათის მფლობელები სარგებლობენ შეღავათიანი პირობებით და პარტნიორი კომპანიების სპეციალური შეთავაზებებით.„ჩვენთვის მრავალენოვანი მომსახურება მხოლოდ თარგმნილი ინტერფეისი არ არის. ჩვენი მიზანია, მომხმარებელმა საბანკო სერვისებით სარგებლობისას თავი კომფორტულად იგრძნოს და მიიღოს ისეთი გამოცდილება, რომელიც მის ყოველდღიურ საჭიროებებს პასუხობს, იქნება ეს ციფრული არხები, ფილიალში მომსახურება თუ სხვა საბანკო ოპერაციები. სწორედ ამ მიდგომით ვაგრძელებთ მრავალენოვანი მომსახურების განვითარებას და უახლოეს პერიოდში მომხმარებლებს ამ მიმართულებით კიდევ არაერთ სიახლეს შევთავაზებთ“, - ამბობს თინათინ ნეფარიძე, საქართველოს ბანკის სეგმენტის მმართველი.„საქართველოს ბანკისთვის მნიშვნელოვანია, საბანკო მომსახურება ყველა მომხმარებლისთვის თანაბრად ხელმისაწვდომი იყოს. სწორედ ამიტომ, აქტიურად ვავითარებთ მრავალენოვან მომსახურებას და ვქმნით ისეთ გარემოს, სადაც მომხმარებლებს ფინანსური სერვისებით სარგებლობა მათთვის კომფორტულ ენაზე შეუძლიათ. ჩვენი მიზანია, კიდევ უფრო გავამარტივოთ საბანკო სერვისებზე წვდომა და მომხმარებლებს მათ ყოველდღიურ საქმიანობაში რეალური მხარდაჭერა გავუწიოთ. ამ მიმართულებით მუშაობას ვაგრძელებთ და უახლოეს თვეებში მომხმარებლებს კიდევ არაერთ მნიშვნელოვან სიახლეს შევთავაზებთ, რაც მრავალენოვანი მომხმარებლებისთვის საბანკო სერვისებს კიდევ უფრო ხელმისაწვდომსა და მათ საჭიროებებზე მორგებულს გახდის“, - აღნიშნავს თამარ ნოზაძე, საქართველოს ბანკის ფიზიკური პირების მარკეტინგის გუნდის უფროსი.

1784026800

მისივე თქმით, ამ დროისთვის თხევადი გაზის გასამართი სადგურები ჩვეულ რეჟიმში აგრძელებენ მუშაობას.„ფასი მუდმივად იზრდება მომწოდებლების მხრიდან, ბირჟებზე მუდმივი გაძვირება და შეფერხებები მიმდინარეობს. შესაბამისი შედეგი ამ დღეებში უკვე აისახა და კიდევაც აისახება ქართულ რეალობაში.ამ ეტაპზე ერთი ლიტრის ღირებულება 1.60-1.70 ლარამდე მერყეობს და ვვარაუდობ, რომ ამ კვირაში უკვე 1.80 ლარამდე გაძვირდება. ზოგიერთ სადგურზე უკვე 1.75 ლარი ღირდა.სამწუხაროდ, ეს პროცესი კიდევ გაგრძელდება და საიმედოსაც ვერაფერს გეტყვით“, - განაცხადა ნარიმან ფიცხელიანმა.შეგახსენებთ, თხევადი გაზის ფასის მატება ბოლო თვეებში დაიწყო. ივნისში, „ბიზნესპრესნიუსთან“ თხევადი აირის ასოციაციის ხელმძღვანელმა, ნიკა ხოფერიამ დაადასტურა, რომ თხევადი გაზის ფასის მატება კვლავ გრძელდება.ცნობისთვის, საქართველო მთლიანად იმპორტირებულ თხევად გაზზეა დამოკიდებული. იმპორტი კი ქვეყანას თითქმის 40%-ით გაუძვირდა. კერძოდ, საქსტატის ცნობით, თუ 2025 წლის იანვარ-მაისში ერთი ლიტრი საწვავის იმპორტი (გადასახადების გარეშე) საშუალოდ 0.37 დოლარი ჯდებოდა, წელს ანალოგიურ პერიოდში ამ მაჩვენებელმა 0.50 დოლარი შეადგინა. ამასთან, 81.5%-ით გაიზარდა იმპორტის მოცულობაც.უფრო კონკრეტულად, 2026 წლის იანვარ-მაისში საქართველომ 22 705 ტონა გათხევადებული პროპანი იყიდა, ჯამში 11.434 მლნ დოლარის ღირებულების, გასული წლის ანალოგიურ პერიოდში კი იმპორტის მოცულობამ 12 506 ტონა (4.550 მლნ დოლარი) შეადგინა.აღსანიშნავია ისიც, რომ წლევანდელი მონაცემები რეკორდული მაჩვენებელია 2009 წლის შემდეგ. (საქსტატის საგარეო ვაჭრობის პორტალზე გათხევადებული პროპანის იმპორტის მაჩვენებელზე მონაცემები ხელმისაწვდომი სწორედ 2009 წლიდან არის).წყარო: BPN.GE

1784026612

საქართველოს საპენსიო ფონდის განმარტებით, განსაკუთრებით აღსანიშნავია დინამიკური პორტფელი, რომლის რეალურმა ამონაგებმა 10.8% შეადგინა.“ამ შედეგით, დინამიკური პორტფელი OECD-ის წევრ ქვეყნებს შორის მეოთხე ადგილზეა.დინამიკური პორტფელის მაღალ მომგებიანობას მნიშვნელოვნად შეუწყო ხელი საერთაშორისო აქციების ბაზრების ძლიერმა შედეგებმა”, – აღნიშნულია ინფორმაციაში.

1784025634