მიზნად გვაქვს ისეთი პროდუქტების განვითარება, რომელიც სახაზინო ობლიგაციებში ინვესტირებას შეუწყობს ხელს - ალექსანდრე ხაზარაძე

ეროვნული ბანკის ფინანსური ბაზრების დეპარტამენტის უფროსის, ალექსანდრე ხაზარაძის განცხადებით, ინდექსების მიზანია საზოგადოებასა და ინვესტორებს საშუალება ჰქონდეთ თვალყური მიადევნონ ქართული სახაზინო ობლიგაციების ბაზრის შემოსავლიანობასა და დინამიკას.როგორც მან გადაცემა "ბიზნესპარტნიორში" განაცხადა, სახაზინო ობლიგაციები საქართველოში ერთ-ერთი მნიშვნელოვანი საინვესტიციო აქტივია და მიზანია ისეთი პროდუქტების განვითარება, რომელიც პირდაპირ ამ აქტივებში ინვესტირებას შეუწყობს ხელს."თავად ინდექსი მნიშვნელოვანია იმისათვის, რომ მოხდეს კომუნიკაცია ამ ობლიგაციების შემოსავლიანობის ზრდის კუთხით, მაგრამ ამასთან ერთად სახაზინო ობლიგაციები არის ერთ-ერთ მნიშვნელოვანი საინვესტიციო აქტივი საქართველოში და შესაბამისად, ჩვენ მიზნად გვაქვს ხელი შევუწყოთ ისეთი პროდუქტების განვითარებას, რომელიც პირდაპირ ამ აქტივებში ინვესტირებას შეუწყობს ხელს. კონკრეტულად საუბარია ინდექსირებული საინვესტიციო ფონდების დაფუძნებაზე. თავად მიზანი, რომ ეროვნულმა ბანკმა მოახდინა ამ ინდექსების შემუშავებისა და გამოქვეყნების პროცესის ხელშეწყობა დაკავშირებული იყო მის მნიშვნელობასთან. საერთაშორისო ინვესტორები ძალიან დიდ მნიშვნელობას ანიჭებენ კონკრეტული ინდექსების სანდოობას", - აცხადებს ალექსანდრე ხაზარაძე.მისივე განცხადებით, ETF (Exchange-Traded Fund - საბირჟო საინვესტიციო ფონდი, რომლის წილებიც ბირჟაზე ივაჭრება აქციების მსგავსად) ბოლო პერიოდში უფრო და უფრო პოპულარული ხდება და მისი მეშვეობით შესაძლებელია ინვესტიციების განხორციელება სხვადასხვა აქტივებში."ჩვენც მიგვაჩნია, რომ თუ გვინდა, რომ ქართველებს მივცეთ მარტივი წვდომა ასეთ საინვესტიციო პროდუქტებზე - სასურველია, საბოლოო ფორმა ინდექსირებული ETF-ის სახით მიიღოს ჩვენმა სახაზინო ობლიგაციებმა. ადგილობრივ ინდექსებზე დაფუძნებული ETF-ების შექმნა საკმაოდ ამბიციური მიზანია და არ გვაქვს მოლოდინი, რომ 1 წელში ან 2 წელში ამის გაკეთებას შევძლებთ, მაგრამ ჩვენ დავსახეთ მიზანი, გარკვეული ხედვა და პირველი ნაბიჯი ინდექსირებული საინვესტიციო ფონდის შექმნა იქნება. ეტაპობრივად, კი შევეცდებით საქართველოს ბირჟაზე,  უცხოეთის რომელიმე ბირჟაზე მოხდეს სავაჭრო დაშვება", - აცხადებს ალექსანდრე ხაზარაძე.ცნობისთვის, საქართველოს ეროვნულმა ბანკმა ინდექსებზე დაფუძნებული საინვესტიციო პროდუქტების განვითარების პერსპექტივებზე საერთაშორისო კონფერენციას უმასპინძლა. ღონისძიება მიეძღვნა საქართველოს სახელმწიფო ობლიგაციების ინდექსების პრაქტიკულ გამოყენებასა და ინდექსზე დაფუძნებული საინვესტიციო პროდუქტების განვითარების პერსპექტივებს.

1783606706

გიორგი შარაბიძემ პრეზენტაციის - „საქართველოს საარჩევნო გამოცდილება - ინსტიტუციური და ტექნოლოგიური განვითარება, ინსტიტუციის წინაშე არსებული გამოწვევები“ წარდგენისას საარჩევნო ელექტრონული ტექნოლოგიების დანერგვის წარმატებულ პრაქტიკაზე ისაუბრა. როგორც მან სიტყვით გამოსვლისას აღნიშნა საარჩევნო ადმინისტრაციამ ბოლო ორ საერთო არჩევნებზე ფართო მასშტაბით გამოიყენა ელექტრონული ტექნოლოგიები და ორივე არჩევნების ადმინისტრირება მაღალ პროფესიულ დონეზე, კანონმდებლობისა და საერთაშორისო სტანდარტების შესაბამისად განხორციელდა.მან ასევე ვრცლად ისაუბრა ამომრჩეველთა ინფორმირების, განხორციელებული და დაგეგმილი პროექტების, არჩევნებში ჩართულ მხარეებთან თანამშრომლობისა და ყველა იმ მნიშვნელოვან მიმართულებაზე, რომელსაც ადმინისტრაცია საარჩევნო ელექტრონული ტექნოლოგიების დანერგვის პარალელურად ახორციელებდა.გიორგი შარაბიძის გამოსვლის შემდეგ აქტიური დისკუსია გაიმართა, რომლის ფარგლებშიც მან მონაწილეების კითხვებს ამომწურავად უპასუხა.საერთაშორისო კონფერენციის ფარგლებში სხვადასხვა ქვეყნების საარჩევნო ადმინისტრაციებისა და საერთაშორისო ორგანიზაციების წარმომადგენლებმა სხვა მნიშვნელოვანი საკითხებიც განიხილეს, მათ შორის: საარჩევნო მთლიანობა კენჭისყრის პროცესში, საარჩევნო ადმინისტრაციის მდგრადობა: დამოუკიდებლობა პრაქტიკაში, ამომრჩეველთა ნდობის გაღრმავება საარჩევნო პროცესის მიმართ, ინკლუზიური საარჩევნო გარემო და მისი ხელმისაწვდომობა და ა.შ.საარჩევნო მთლიანობის პროექტის (The Electoral Integrity Project) მიზანია ინოვაციური და საარჩევნო კვლევების ჩატარება მსოფლიოს სხვადასხვა ქვეყნისთვის, რომელსაც ხელმძღვანელობენ კანადისა და ავსტრალიის კვლევითი ორგანიზაციებისა და უნივერსიტეტის სამეცნიერო წრეების წარმომადგენლები.მე-6 ყოველწლიური ვირტუალური საარჩევნო კონფერენცია 6-9 ივლისს გაიმართა.

1783604426

მხარეებმა მიმოიხილეს EBRD-ის მხარდაჭერით საქართველოში მიმდინარე პროექტები და თანამშრომლობის საკითხები. ფინანსთა მინისტრმა EBRD-ის წარმომადგენლებს გააცნო ქვეყნის მიმდინარე მაკროეკონომიკური პარამეტრები და საშუალოვადიანი პროგნოზები. შეხვედრაზე ყურადღება გამახვილდა რეგიონული მნიშვნელობის დაკავშირებადობის/ენერგეტიკულ პროექტებზე. საუბარი შეეხო შუა დერეფნის დაკავშირებადობის მიმართულებით მიმდინარე და დაგეგმილ საგზაო, სარკინიგზო, საპორტო პროექტებსა და შავი ზღვის წყალქვეშა კაბელის და მასში ინვესტირების მნიშვნელობას.ფინანსთა მინისტრმა ალკის ვრიენიოს დრაკინოსს მადლობა გადაუხადა საქართველოში გაწეული საქმიანობისთვის და იმედი გამოთქვა, რომ EBRD-ის ახალ რეგიონულ დირექტორთან გაგრძელდება აქტიური თანამშრომლობა.შეხვედრას დაესწრო ფინანსთა მინისტრის მოადგილე ეკატერინე გუნცაძე.

1783601682

10 ივლისიდან 22 აგვისტოს ჩათვლით, Iveria Beach-ზე Black Sea Sidewind Sessions გაიმართება, რომლის ფარგლებშიც ყველასთვის საყვარელი მუსიკოსები დაუკრავენ. ღონისძიების მხარდამჭერები არიან SOLO და Mastercard.შეთავაზების ფარგლებში, SOLO მომხმარებლები Mastercard World Elite ბარათით ბილეთების შეძენისას 25%-იანი ფასდაკლებით ისარგებლებენ. ბილეთების შესაძენად ეწვიეთ ბმულს.კონცერტების განრიგი ასე გამოიყურება: 10 ივლისი – VakoMey & Haverdi 11 ივლისი – Moretz (Toy Tonics) & თემურიკო დიასამიძე 12 ივლისი – Martha Pinel (Toy Tonics) & Bonjourlan 17 ივლისი – Colectivo Miramar (Mexico) & Sandro Jorbenadze (Bene on Warmup) 18 ივლისი – Bedford Falls 24 ივლისი – Gome (Hamburg) & Soulidan (Beka on Warmup) 7 აგვისტო – Hazy Pockets (Berlin) & Sumo 15 აგვისტო – Moku Moku 22 აგვისტო – Kordz & Live Band ამასთან, 10 ივლისიდან 15 სექტემბრის ჩათვლით, Iveria Beach-ზე SOLO Mastercard World Elite ბარათით გადახდის შემთხვევაში მომხმარებლები ექსკლუზიური 25%-იანი ქეშბექით ისარგებლებენ. ქეშბექის მაქსიმალური ოდენობა 200 ლარს შეადგენს.შეთავაზებით სარგებლობისთვის გადახდა უნდა განხორციელდეს საქართველოს ბანკის POS-ტერმინალზე, ხოლო ქეშბექი მომხმარებელს მომენტალურად დაუბრუნდება.SOLO-ს შეთავაზებებისა და ღონისძიებების შესახებ დეტალური ინფორმაციის მისაღებად ეწვიეთ ვებგვერდს.

1783600500

ტრენინგი აერთიანებს როგორც თეორიულ, ისე პრაქტიკულ კომპონენტებს. ორი დღის განმავლობაში მონაწილეები გაეცნობიან ონლაინ გაყიდვების ძირითად პრინციპებს, პროდუქტის ონლაინ წარდგენისა და მომხმარებელთან კომუნიკაციის მეთოდებს, ასევე, იმუშავებენ საკუთარი ბიზნესის განვითარებაზე.პროგრამის ფარგლებში განსაკუთრებული ყურადღება დაეთმობა საქართველოს ბანკის Ads Manager-ს. მონაწილეები ისწავლიან შეთავაზების შექმნას, სამიზნე აუდიტორიის შერჩევასა და სარეკლამო ბიუჯეტის ეფექტიანად დაგეგმვას. ტრენინგი ასევე მოიცავს Facebook-სა და Instagram-იზე რეკლამის შექმნის პრაქტიკულ სესიებს, ასევე, საგადასახადო და საბუღალტრო საკითხებს.საქართველოს ბანკი აქტიურად განაგრძობს მცირე და საშუალო ბიზნესის მხარდაჭერას და მეწარმეებისთვის ისეთი საგანმანათლებლო შესაძლებლობების შექმნას, რომლებიც მათ ციფრული არხების ეფექტიან გამოყენებასა და ბიზნესის ზრდაში დაეხმარება.ტრენინგში მონაწილეობის მისაღებად გაიარეთ რეგისტრაცია საქართველოს ბანკის ვებგვერდზე.

1783594653

„საბა“ თიბისიმ და პოეტმა რატი ამაღლობელმა 2002 წელს დააფუძნეს. უკვე წლებია ის ყველაზე ავტორიტეტული პრემიაა ლიტერატურის დარგში. დაარსების დღიდან 100-ზე მეტმა მწერალმა და ლიტერატორმა 5000-ზე მეტი წიგნი განიხილა, 250-მდე პრემია გაიცა და 200-მდე ავტორი დაჯილდოვდა (მათგან არაერთი -ორჯერ და მეტჯერ).ლიტერატურული პრემია „საბას“ 2026 წლისფინალისტები არიან:წლის საუკეთესო ლიტერატურული დებიუტი: არმაზ ახვლედიანი, „ცოცხალი კედელი“ (სულაკაურის გამომცემლობა) ლაშა ბაბილუა, „განგაშის იავნანა“ (კალმოსანი) ლიკა გლურჯიძე, „ევრიდიკე (არც ერთი პიესა)“ (სამეფო უბნის თეატრი) ბექა ლოხიშვილი, „ზულეიხანი არსად არ არის“ (მწიგნობარი) სანდრო მეტრეველი, „ორ ჯოკერში გახიშტული“ (ინტელექტი) ტატო მოდებაძე, „ქორწილამდე წასაკითხი“ (პალიტრა L) ქეთევან სამხარაძე, „ჰაიდე, რაზიე! (არც ერთი პიესა)“ (სამეფო უბნის თეატრი) თაკო წულაია, „არაფერი არ გვემართება“ (პალიტრა L) თინათინ ხუტურიძე, „უთხარით ქარებს“ (კალმოსანი) წლის საუკეთესო ლიტერატურული კრიტიკა: ქეთი ნიჟარაძე, „სახელისა და დიდების ფენომენი ანტიკურ ლიტერატურაში“ (პალიტრა L) ნანა ტრაპაიძე, „რეალობის ლიტერატურული აჩრდილები“ (ინტელექტი) წლის საუკეთესო პიესა: მარიტა ლიპარტელიანი, „რომანტიკოსები (არც ერთი პიესა)“ (სამეფო უბნის თეატრი) თემო რეხვიაშვილი, „პათეტიკური მონოლოგები“ (სულაკაურის გამომცემლობა) თამარ სუხიშვილი, „ქალღმერთი თითის წვერებზე (არც ერთი პიესა)“ (სამეფო უბნის თეატრი) დავით ხორბალაძე, „ტალახი“ (ღია სივრცე - ვიზუალური და საშემსრულებლო ხელოვნების ცენტრი)  წლის საუკეთესო ესეისტიკა და დოკუმენტურიპროზა: შოთა იათაშვილი, „მკვლელი მწერლები - დოკუმენტური ჰორორი“ (დიოგენე) გიორგი კაკაბაძე, „მიზეზთა ბუნება“ (ინტელექტი) გიორგი კეკელიძე, „სიკვდილის გაუქმება“ (პალიტრა L) ნოდარ ლადარია, „„ოთარაანთ ქვრივი“ - პარალელური წიგნი“ (ინტელექტი) არჩილ ქიქოძე, „პერუს დღიური“ (სულაკაურის გამომცემლობა) წლის საუკეთესო პროზაული კრებული: ცოტნე ავსაჯანიშვილი, „ქართლის ხეობებს ასდის ნისლები“ (ინტელექტი) ლაშა იმედაშვილი, „უკან, მომავალში“ (სულაკაურის გამომცემლობა) დავით ქართველიშვილი, „ცვილის ფიგურები“ (პალიტრა L) ალეკო შუღლაძე, „ქალი სამრეკლოზე“ (ინტელექტი) ნიკოლოზ ცისკარიშვილი, „ცნობიერების წყვდიადი“ (პალიტრა L) წლის საუკეთესო პოეტური კრებული: მინდია არაბული, „საუკუნო უკუნი“ (მატარებელი კომიქს) ბექა ახალაია, „Homo-მაგნატი“ (ჯადოსნური სახლი) ნინი ელიაშვილი, „ბავშვს სადაც უნდა იქ იდგება“ (კალმოსანი) თამარ ჟღენტი, „მელიას კუდი“ (ინტელექტი) ალეკო ცქიტიშვილი, „თავები“ (ინტელექტი) წლის საუკეთესო რომანი: არჩილ ქიქოძე, „ომი“ (სულაკაურის გამომცემლობა) ლექსო პაიკიძე, „GUATE“ (ბენდესი) გოგა ქობალია, „სიკვდილი პაპანაქება მზეში“ (ინტელექტი) წლის საუკეთესო ქართული თარგმანი: ლევან ბერძენიშვილი, ჰომეროსის „ოდისეა“ (სულაკაურის გამომცემლობა) თამარ გელაშვილი, ჯეიმზ ჯოისის „ღამისთევა ფინეგანისათვის“ (ინტელექტი) ლაშა გველესიანი, დევიდ ფოსტერ უოლესის „მოკლე ინტერვიუები ამაზრზენ კაცებთან“ (პოლინომიალი) ნანა გოგოლაშვილი, თომას მანის „იოსები და ძმანი მისნი (წიგნი I-II)“ (ინტელექტი) ასია დარბინიანი, კრებული, „თანამედროვე სომხური პროზა“ (პალიტრა L) კატია ვოლტერსი, იცხოკ (ისააკ) ბაშევის ზინგერის „მონა“ (პალიტრა L) თამარ კვიჟინაძე, იუნ ფოსეს „დილა და საღამო“ (პოლინომიალი) გიორგი ლობჟანიძე, ალი იბნ აბი ტალიბის „ნაჰჯ ალ-ბალაღა (გზა სრულქმნილი მჭევრმეტყველებისა)“ (ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა) ნიკა სამუშია, სალმან რუშდის „კიშოტი“ (სულაკაურის გამომცემლობა) მაია ფანჯიკიძე, ჯენი ერპენბეკის „კაიროსი“ (ინტელექტი) რუსუდან ღვინეფაძე, ელიას კანეტის „დაბრმავება“ (სიესტა) ნინი ჩაკვეტაძე, ჰან კანგის „ვეგეტარიანელი“ (სულაკაურის გამომცემლობა) თაკო ჭილაძე და ლელა სამნიაშვილი, რეი ბრედბერის „ძენი და წერის ხელოვნება“ (პალიტრა L) თამარ ჯაფარიძე, მარგარეტ ეტვუდის „აღთქმები“ (პალიტრა L)

1783591855