მიხეილ დუნდუა: 2030 წლისთვის საქართველო გახდება მაღალშემოსავლიანი ქვეყანა სწორი ეკონომიკური პოლიტიკით, მშვიდობაზე დაფუძნებული პოლიტიკით

ამ გამარჯვებით, კიდევ ერთი შესანიშნავი მაგალითი მივიღეთ: არასდროს უნდა თქვა, რომ არ გამოვა. სათქმელად იოლია, აი საქმეშია - რთული. მაგრამ იმის რწმენა, რომ შეუძლებელი შესაძლებელია, ერთი დიდი ნაბიჯით წინ გამყოფებს.ჟინი, რომელიც სხეულში ჩქეფს, მამოძრავებელია: მას მოაქვს თავდაჯერება, გაბედულება, მოქმედების თავისუფლება. მის გარეშე, რჩები იქ, სადაც ყოფნას არ ისურვებდი. ჟინი მოუსვენარია, არ ჩერდება ერთ ადგილას და ბოლოს, შენს გზას გამარჯვებასთან მიჰყავხარ.სპორტს აქვს უნარი, მკაფიოდ და ხმაურიანად დაგიდასტუროს მთელი ამ თეორიების სინამდვილე. როდესაც წარმოადგენ ზომით პატარა ქვეყანას და ოლიმპიადის ვიცე-ჩემპიონს ეთამაშები, ან იჯერებ გამარჯვებას, ან დასაწყისშივე ნებდები. ამხელა გზა რომ გამოიარე, რატომ უნდა დანებდე? ჟინი თავისას არ იშლის, მობილიზდები და საკუთარ ძალებს 100%-ით იაქტიურებ.ასეც მოხდა: საკუთარი ძალების ვირწმუნეთ და ჯერ ევროპის მოქმედი ჩემპიონი ესპანეთი, შემდეგ კი 2024 წლის პარიზის ოლიმპიადის ვიცე-ჩემპიონი საფრანგეთი დავამარცხეთ - გუნდი, რომელმაც პარიზის ოლიმპიადის ფინალი კევინ დურანტით, ლებრონ ჯეიმსით, სტეფ კარით და სხვა ვარსკვლავებით დაკომპლექტებულ აშშ-ის ნაკრებთან დათმო.არადა, საფრანგეთთან მატჩის დაწყებამდე, მეოთხედფინალში გასვლის სულ რაღაც 5%-იანი შანსი მოგვანიჭეს, ჩვენ კი 100%-ით, დამსახურებულად გავიმარჯვეთ. უდავო ფაქტია, რომ ბოლო წლების განმავლობაში, ეს იყო საუკეთესო მატჩი, რომელიც საქართველოს ნაკრებმა ჩაატარა.საფრანგეთთან მატჩის მიმოხილვამთელი შეხვედრის განმავლობაში, საფრანგეთი მდევრის როლში იყოფებოდა. სტარტშივე, ჩვენს ნაკრებს თორნიკე შენგელიამ და კამარ ბოლდუინმა ულიდერეს და მათი ზუსტი სროლების დამსახურებით, უპირატესობა მოვიპოვეთ (ბოლდუინი 2025 წლის ევრობასკეტის 1/8 ეტაპის საუკეთესო ხუთეულში მოხვდა). პირველი ტაიმის განმავლობაში, მეტოქე წინ მხოლოდ სტარტზე და შემდეგ, მე-2 მეოთხედში, ისიც დროებით, 2 ქულით გავუშვით. საერთო ჯამში, პირველი ტაიმი ანგარიშით 37:38 დასრულდა.წინ მე-3 მეოთხედი გველოდებოდა, რომელიც ჩვენი ტკივილი არაერთხელ გამხდარა. ფრანგების დამაჯერებელმა, 4-ბურთიანმა დაწინაურებამ ქართველი ქომაგი ცოტათი დაძაბა, თუმცა შემდეგ, 4-5 წუთის განმავლობაში, მეტოქემ ქულა საერთოდ ვეღარ აიღო. ყველანი მივხვდით, ვარსკვლავური საფრანგეთის გაჩერება რომ შეგვეძლო.გადამწყვეტი ფაზა მეოთხე მეოთხედში დადგა: 9 ქულით დავწინაურდით, თუმცა ფრანგებმა სხვაობა 2 ქულამდე დაიყვანეს. სწორედ ამ დროს, კაპიტანმა თავისი სიტყვა თქვა: მაშინ, როდესაც შეტევისთვის 2 წამზე ნაკლები გვქონდა დარჩენილი, შენგელიამ უმნიშვნელოვანესი სამქულიანი ჩააგდო და დაგვაწინაურა (61:66). ფრანგებმა სტატუს-კვოს აღდგენა (68:68) მალევე მოახერხეს, თუმცა მატჩის დასრულებამდე 3 წუთით ადრე, შენგელიამ მორიგი ზუსტი სამიანი ისროლა კალათის მიმართულებით. ეს იყო ორი ზუსტი სამიანი, რომელმაც მატჩის საბოლოო შედეგი გადაწყვიტა. ფრანგები დაიბნენ, გატყდნენ, შეცდომებს უმატეს, ჩვენ კი ქულას ქულაზე ვამატებდით და საბოლოოდ, დამაჯერებელი ანგარიშით, 70:80 გავიმარჯვეთ.პარალელურ რეჟიმში, თბილისში, ბორის პაიჭაძის სახელობის ეროვნულ სტადიონზე, საქართველოს საფეხბურთო ნაკრები ბულგარეთს ამარცხებდა, ქომაგების ყურადღება კი ორად იყო გაყოფილი: ცალით თვალით მოედანს, მეორეთი კი რიგაში მიმდინარე შეხვედრის ანგარიშს აკონტროლებდნენ. უეცრად, მოედანზე შეკრებილმა პუბლიკამ სიხარულის ყიჟინა დასცა, თამაშის დასრულების შემდეგ, ხვიჩა კვარაცხელიამაც აღნიშნა: "ხიზანას ჩავუარე, მართლა მოვიგეთ-მეთქი? არ მჯეროდა, ბედნიერი ვარ, დღეს საქართველოს დღეა".საქართველო ევრობასკეტის საუკეთესო 8 გუნდს შორისააემოციების, სიხარულისა და ეროვნული სიამაყის კორიანტელში, მორიგი მატჩისთვის მოვბილიზდეთ: როგორც მოგახსენეთ, ¼-ფინალში ფინეთს დავუპირისპირდებით. მატჩი 10 სექტემბერს, 18:00-ზე გაიმართება. ამბობენ, ფავორიტი ფინეთიაო, მაგრამ ნუ დავუჯერებთ: საქართველომ უკვე არაერთხელ თქვა თავისი სათქმელი და დაამტკიცა, რომ ნებისმიერის დამარცხება შეუძლია. მითუმეტეს, ფინეთი ნამდვილად არ გახლავთ არც ესპანეთის და არც საფრანგეთის დონის ნაკრები და შესაბამისად, ევრობასკეტის ნახევარფინალში თამაში აბსოლუტურად რეალისტურად (და არა ოპტიმისტურად) გვესახება.ევრობასკეტის ნახევარფინალს ვუმიზნებთ. რაღაც განსაკუთრებულის, თითქოს დაუჯერებლის მომსწრენი ვართ. ჟინი ხომ არ ცნობს უკან დახევას? რატომ უნდა გავჩერდეთ ამაზე?არ გაჩერდე, საქართველო.დიდი გამარჯვება წინ გელოდება.ერთად ვუგულშემატკივროთ ქართველ სპორტსმენებს. საქართველოს ბანკი საქართველოს ეროვნული საკალათბურთო ნაკრების მთავარი სპონსორია.

1757341684

ღონისძიება, პროკრედიტ ბანკთან პარტნიორობით, ქალთა ეკონომიკური უსაფრთხოების პროგრამის ფარგლებში ჩატარდა.პროგრამას აშშ-ის სახელმწიფო დეპარტამენტის დაფინანსებით "ქეა კავკასია" ახორციელებს.

1757341429

EDGE მსოფლიო ბანკის ჯგუფის წევრი კომპანია International Finance Corporation-ის მიერ შემუშავებული სასერტიფიკაციო სისტემაა. იგი აფასებს, თუ რამდენად ეფექტიანია შენობა წყლის, ენერგიისა და სამშენებლო მასალების რესურსების გამოყენებისა და დაზოგვის კუთხით და საერთაშორისოდ აღიარებულ სტანდარტს წარმოადგენს.კომპანია „აი ჯი დეველოპმენტმა ჯორჯიამ“ მოიპოვა EDGE Advanced სერტიფიკატი, რაც ნიშნავს, რომ მისი ენერგიის მოხმარება სტანდარტულ მაჩვენებლებთან შედარებით 40%-ზე მეტით არის შემცირებული.„აი ჯი დეველოფმენტ ჯორჯია“ გახდა პირველი კომპანია როგორც კორპორაციულ, ასევე უძრავი ქონების სექტორში საქართველოში, რომელმაც EDGE Advanced სერტიფიკატი მოიპოვა.სერტიფიკატი როგორც გლდანისა და საბურთალოს სითი მოლებს, ასევე საბურთალოს ბიზნეს ცენტრს - სითი თაუერს მიენიჭა.„ჩვენთვის განსაკუთრებულად მნიშვნელოვანია ისეთი პარტნიორების მხარდაჭერა, რომლებიც ბაზარზე ინოვაციურ პროექტებს ახორციელებენ. „აი ჯი დეველოფმენტ ჯორჯიას“ გუნდთან ერთად მნიშვნელოვანი პროცესები გავიარეთ სერტიფიცირების პროცესში და მოხარული ვართ, რომ კომპანიამ EDGE Advanced დონის სერტიფიკატი მიიღო. ეს მდგრადი განვითარების მიმართ კომპანიის ხედვასა და უძრავი ქონების სექტორში მის მოწინავე პოზიციებს კიდევ ერთხელ უსვამს ხაზს. განსაკუთრებით საამაყოა, რომ გალტ & თაგარტის ჩართულობით, კომპანიამ მნიშვნელოვანი სტანდარტი დაამკვიდრა, რაც საბოლოოდ როგორც ბიზნესსექტორის, ისე ქვეყნის ეკონომიკის გაძლიერებას ემსახურება“, - აცხადებს გიორგი კუპრაშვილი, გალტ & თაგარტის გენერალური დირექტორი.„2022 წლიდან „აი ჯი დეველოფმენტ ჯორჯია“ თანამშრომლობს „გალტ & თაგარტთან“ და ამ პერიოდში წარმატებით განახორციელა ხუთი მსხვილი ობლიგაციის ემისია. კომპანიას აქვს 10 წელზე მეტი გამოცდილება უძრავი ქონების სფეროში, საქართველოს კორპორაციული და უძრავი ქონების ბაზარზე პირველი მსხვილი დეველოპერია, რომელმაც მასშტაბური სავაჭრო ცენტრების პროექტები წარმატებით განახორციელა“, – აცხადებს ლევან მესხელი, „აი ჯი დეველოფმენტ ჯორჯიას“ გენერალური დირექტორი და სამეთვალყურეო საბჭოს წევრი.„აი ჯი დეველოფმენტი“ თბილისში ორ წამყვან სავაჭრო ცენტრს — „სითი მოლი საბურთალოს“ და „სითი მოლი გლდანს“, ასევე ბიზნეს კომპლექს „სითი თაუერს“ ფლობს, რომლებიც 100%-იანი დატვირთვით ფუნქციონირებს და თანამედროვე ბაზრის მაღალ მოთხოვნებს პასუხობს. EDGE Advanced სერტიფიკატის მიღებით, კომპანია ენერგოეფექტურობის მაღალ დონეს აჩვენებს და მდგრადი განვითარების ახალი სტანდარტების დანერგვისკენ გზას ხსნის.

1757337276

როგორც მინისტრის მოადგილემ აღნიშნა, მთავრობის მოლოდინია, რომ პოზიტიური ტენდენციები მომდევნო წლებში საქართველოს ეკონომიკაში არა მხოლოდ შენარჩუნდება, არამედ გაძლიერდება. მისი თქმით, 2025 წელს საერთაშორისო სავალუტო ფონდმა საქართველოს ეკონომიკური ზრდის პროგნოზი 6 პროცენტიდან 7,2 პროცენტამდე გაზარდა, ხოლო 2025 - 2030 წლებში საქართველოს ექნება ყველაზე მაღალი ეკონომიკური ზრდის მაჩვენებელი როგორც რეგიონის, ასევე ევროკავშირის ქვეყნებთან შედარებით.„აღნიშნულს განაპირობებს ის სწორი და თანმიმდევრული პოლიტიკა, რასაც საქართველოს მთავრობა ახორციელებს - აქტიურად მიმდინარეობს მსხვილი ინფრასტრუქტურული პროექტების მშენებლობა და გრძელდება მცირე და საშუალო მეწარმეობის მიზანმიმართული მხარდაჭერა. ასევე ხორციელდება სტრუქტურული რეფორმები, რაც ხელს შეუწყობს საქართველოს მთავრობის ეფექტიანობის ზრდას და ეკონომიკის გაჯანსაღებას,“ - აღნიშნა მინისტრის მოადგილემ.

1757336953

მარიამ ქვრივიშვილის ინფორმაციით, სახელმწიფო საწარმოების ოპტიმიზაციის გეგმა სამინისტრომ პრემიერ-მინისტრ ირაკლი კობახიძის დავალებით მომზადდა და პროცესი საწარმოებში უკვე მიმდინარეობს.„აღნიშნული ოპტიმიზაციის გეგმით ბიუჯეტმა 700 მლნ ლარის დანაზოგი მიიღო, რაც განპირობებულია მასშტაბური საკადრო ოპტიმიზაციით, ასევე შესყიდვების, მომსახურების ხარჯების, გარკვეული პროექტების მიზნობრიობისა და ღირებულებების შემცირებით. ძალიან მნიშვნელოვანია, რომ აღნიშნული თანხა სრულად მიიმართება უშუალოდ საწარმოების შემდგომ გაძლიერება-გაჯანსაღებაში და მიზნობრივი პროექტების განხორციელებაში“, - აღნიშნა მარიამ ქვრივიშვილმა.ეკონომიკისა და მდგრადი განვითარების მინისტრის შეფასებით, სახელმწიფო უწყებების ოპტიმიზაციის პროცესს უდიდესი გავლენა ექნება მთელი ქვეყნის ეკონომიკაზე სხვადასხვა მიმართულებით - სექტორულ გაძლიერებასა და განვითარებაზე.„ჩვენ ასევე ვაგრძელებთ ოპტიმიზაციის შემდგომ ეტაპებს და ახალ ხედვებს წარმოვადგენთ უშუალოდ სექტორული და საწარმოების გაჯანსაღება-განვითარების კუთხით. პროცესის მიმდინარეობის შესახებ საზოგადოება ინფორმაციას ძალიან მალე შეიტყობს“- განაცხადა მარიამ ქვრივიშვილმა.

1757336888

9 სექტემბერს, „თეგეტა მოტორსის“ ფილიალებში ელექტრომობილებისთვის განკუთვნილ საბურავებსა და აკუმულატორებზე განსაკუთრებული შეთავაზებები გავრცელდება. მომხმარებლებს Bridgestone-ის „ტურანზა 6-ზე“ 30%-იანი ფასდაკლება დახვდებათ. რაც შეეხება აკუმულატორებს, Macpower-ის, Varta-ს, Energizer-ის, Exide-ის, Monbat-ისა და FIAMM-ის შეძენა 25%-იანი ფასდაკლებით იქნება შესაძლებელი.ამასთან, World EV Day -სთან დაკავშირებით, ელექტრომობილებზე სავალი ნაწილი „თეგეტა მოტორსის“ ნებისმიერ ფილიალში უფასოდ შემოწმდება, ხოლო  თანმდევი სერვისის  საჭიროების შემთხვევაში, იმოქმედებს 25%-იანი ფასდაკლება.თათია ხორბალაძე, სტრატეგიული კომუნიკაციების დეპარტამენტის ხელმძღვანელი: „ჰაერის დაბინძურება თანამედროვე მსოფლიოს ერთ-ერთი დიდი გამოწვევაა და „თეგეტა მოტორსი“ მუდმივად ცდილობს ამ პრობლემის წინააღმდეგ ბრძოლაში საკუთარი წვლილი შეიტანოს. CSR სტრატეგიით ჩვენი ერთ-ერთი მთავარი მიზანია ემისიების შემცირება, რაც პირდაპირ უკავშირდება ელექტროტრანსპორტისა და მისი ინფრასტრუქტურის განვითარებას. ეკოლოგიური ტრანსპორტის განვითარების თვალსაზრისით უკვე დიდი გამოცდილება დაგვიგროვდა — ერთი მხრივ, ჰოლდინგის ერთ-ერთ მიმართულებასთან, Tegeta Cars-სთან ერთად წლებია ხელს ვუწყობთ ელექტრომობილების პოპულარიზაციას ქვეყანაში, ვზრუნავთ დასამუხტი სადგურების ინფრასტრუქტურის გაფართოებაზე მთელი ქვეყნის მასშტაბით.ცხადია, ჩვენ ყოველთვის აქტიურად ვერთვებით ყველა გლობალურ ინიციატივაში, ვცდილობთ, ცნობიერების ამაღლებასთან ერთად, მუდმივად გავაუმჯობესოთ ელექტრომობილების ფლობის გამოცდილება. ამ დღეს, ელექტრომობილების ერთგულ მომხმარებლებს ვთავაზობთ მათ საჭიროებებზე მორგებულ შეთავაზებებს. გვიხარია, რომ სულ უფრო მეტად იზრდება მომხმარებელთა რაოდენობა, რომლებიც არჩევანს ელექტრომობილებზე აკეთებენ“.World EV Day-სთან დაკავშირებით, „თეგეტა მოტორსმა“ საკუთარ მომხმარებელს ფოტოკონკურსიც შესთავაზა. აქტივობაში ჩართვა Tegeta Community-ს ფეისბუქ ჯგუფის წევრებს შეუძლიათ. კონკურსის ფარგლებში, მათ თავიანთი ელექტრომობილების ფოტოები ჯგუფში უნდა განათავსონ.  გამარჯვებული VOLVO-ს სრულად ელექტრო ავტომობილის, EX30-ის ორდღიან ტესტდრაივს მიიღებს საჩუქრად. გლობალური მასშტაბით, ელექტრომობილების (EV) ბაზარი სწრაფად იზრდება, რაც განპირობებულია გარემოსდაცვითი რეგულაციების გამკაცრებითა და წარმოების ხარჯების შემცირებით. მსხვილი ავტომწარმოებლები პასუხისმგებლობას იღებენ, რომ მომდევნო ათწლეულების განმავლობაში თანდათანობით ამოიღონ შიგაწვის ძრავიანი ავტომობილები.International Energy Agency-ს პროგნოზით,  2030 წლისთვის გლობალური ელექტრომობილების რაოდენობა დაახლოებით 245 მილიონს მიაღწევს. 2035 წლისთვის ეს ციფრი დაახლოებით 525 მილიონამდე გაიზრდება, რაც ნიშნავს, რომ გზებზე მოძრავი ყოველი ოთხი ავტომობილიდან ერთი ელექტრო იქნება.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1757336460