საქართველოს სახელმწიფო ბანკის დაარსებიდან 105 წელი გავიდა

შეგროვებული მეორადი საბურავები გადასამუშავებლად იგზავნება. მათ ტრანსპორტირებასა და კანონის შესაბამისად გადამუშავებას „თეგეტა ჰოლდინგთან“ დაკავშირებული კომპანია „თეგეტა გრინ პლანეტი“ უზრუნველყოფს. გარემოსდაცვითი აქტივობა სსიპ „ბაკურიანის განვითარების სააგენტოსთან“ თანამშრომლობით ხორციელდება.თათია ხორბალაძე, „თეგეტა ჰოლდინგის“ სტრატეგიული კომუნიკაციების დეპარტამენტის ხელმძღვანელი: „თეგეტა მოტორსისთვის“, როგორც მაღალი კორპორაციული პასუხისმგებლობის მქონე კომპანიისთვის, გარემოზე ზრუნვა ერთ-ერთი პრიორიტეტული მიმართულებაა. გარემოსდაცვითი აქტივობების ინიციირებითა და მხარდაჭერით კომპანია მიზნად ისახავს გარემოს დაბინძურების პრევენციასა და შემცირებას. ჯანსაღი ეკოსისტემის შესაქმნელად აუცილებელია, საავტომობილო ნარჩენები გარემოში არ მოხვდეს, არ დააბინძუროს ის და არ დააზიანოს ჩვენი ჯანმრთელობა. „თეგეტა მოტორსი“, როგორც გარემოზე მზრუნველი კომპანია, „თეგეტა გრინ პლანეტთან“ ერთად, უკვე წლებია, ჩართულია საავტომობილო ნარჩენების ეფექტიანი მართვის პროცესში - უზრუნველყოფს მათ შეგროვებასა და ტექნიკური რეგლამენტის შესაბამისად გადამუშავებას“.  ბაკურიანში გარემოსდაცვით აქტივობებში „თეგეტა მოტორსი“ და „თეგეტა გრინ პლანეტი“ პირველად არ ჩართულან. უკვე წლებია, კომპანია და მისი თანამშრომლები დასუფთავების მასშტაბური აქციების მხარდამჭერები და მონაწილეები არიან. „თეგეტა გრინ პლანეტი“ 2022 წელს სწორედ გარემოზე ზრუნვის მიზნით შეიქმნა. კომპანია ისეთ სპეციფიკურ ნარჩენებს მართავს, როგორებიცაა მეორადი აკუმულატორები, საბურავები და ზეთები.შალვა ახვლედიანი, „თეგეტა გრინ პლანეტის“ დირექტორი: „თეგეტა გრინ პლანეტისთვის“ ნარჩენების ეფექტიანი მართვა საქმიანობის ერთ-ერთი მთავარი მიმართულებაა. „თეგეტა მოტორსთან“ ერთად, წლების განმავლობაში ტონობით მეორადი საბურავი, აკუმულატორი და ზეთი შევაგროვეთ და გადავამუშავეთ. ჩვენ მთელი საქართველოს მასშტაბით ვაგროვებთ ნარჩენებს, რომლებიც პირველადი გამოყენების შემდეგ მთლიანად სპეციფიკურ, სახიფათო ნარჩენებად გადაიქცევა. თუ ამ ნარჩენების მართვა კანონის შესაბამისად არ მოხდა, დედამიწა ბინძურდება. ამიტომ მუდმივად ვცდილობთ, გარემოზე ნეგატიური ზემოქმედების შემცირებაში ჩვენი წვლილი შევიტანოთ. მოხარულები ვართ, რომ ამ მასშტაბური ინიციატივის ფარგლებში, „ბაკურიანის განვითარების სააგენტოსთან“ თანამშრომლობით და ერთობლივი ძალისხმევით დიდი რაოდენობით მეორადი საბურავების შეგროვება და ბაკურიანის ტერიტორიიდან გატანა შევძელით“.ტერიტორიაზე გაწმენდითი სამუშაოები რამდენიმე დღის განმავლობაში სხვადასხვა ლოკაციაზე მიმდინარეობდა. ინიციატივის მიზანი ბაკურიანისთვის ეკოლოგიურად უსაფრთხო და მიმზიდველი გარემოს შექმნაა.ეკატერინე ორჯონიკიძე, სსიპ „ბაკურიანის განვითარების სააგენტოს“ თავმჯდომარე: „ჩვენი სააგენტო ფუნქციონირების პირველივე დღიდან ზრუნავს ბაკურიანის ეკოლოგიურ გარემოზე. წლების განმავლობაში არაერთი მცდელობა გვქონდა, რომ დაბა ბაკურიანი გაგვეთავისუფლებინა მეორადი საბურავებისგან, რომლებიც არა მხოლოდ ვიზუალურად აბინძურებდა ტერიტორიას, არამედ სერიოზულ ეკოლოგიურ საფრთხესაც ქმნიდა. მოხარული ვართ, რომ ჩვენი დასუფთავების სამსახურის აქტიური მუშაობით ორ ლოკაციაზე წარმატებით შევაგროვეთ საბურავები. აღნიშნული დასუფთავების აქცია, ბაკურიანის გათავისუფლება მეორადი საბურავებისგან, შესაძლებელი გახდა ჩვენი სააგენტოს ინიციატივითა და ისეთი სანდო პარტნიორების მხარდაჭერით, როგორებიც არიან „თეგეტა მოტორსი“ და „თეგეტა გრინ პლანეტი“. ვფიქრობთ, ეს თანამშრომლობა კიდევ ერთი მაგალითია იმისა, როგორ შეიძლება კერძო და საჯარო სექტორის ერთობლივი ძალისხმევით უზრუნველვყოთ ბაკურიანის გარემოსდაცვითი სისუფთავე და მდგრადი განვითარება“.უკვე წლებია, „თეგეტა მოტორსი“ და „თეგეტა გრინ პლანეტი“ გარემოსდაცვითი მიმართულებით არაერთ პროექტს ახორციელებენ. მათ შორის იყო კორპორაციული მდგრადობის მასშტაბური პროექტი, რომლის ფარგლებშიც, თბილისის შემოვლითი გზის ტერიტორია გარემოსთვის საზიანო ნარჩენებისა და ათასობით საბურავისგან გაიწმინდა. გარდა ამისა, მთელი საქართველოს მასშტაბით, „თეგეტა გრინ პლანეტის“ 45-მდე შეგროვების პუნქტი ფუნქციონირებს, სადაც მოსახლეობას საავტომობილო ნარჩენების ჩაბარების შესაძლებლობაც აქვს.--გარემოს დაცვა „თეგეტა მოტორსის“ CSR-ის სტრატეგიული მიმართულებაა, რომელიც მდგრადი განვითარების პრინციპების გათვალისწინებით იგეგმება. „თეგეტა“ აქტიურად მუშაობს მდგრად სატრანსპორტო გადაწყვეტაზე ნულოვანი ემისიების მისაღწევად, ნარჩენების ეფექტიანად მართვისა და გარემოსდაცვითი ცნობიერების ამაღლების მიმართულებით. „თეგეტა გრინ პლანეტთან“ ერთად, ყოველწლიურად გროვდება მილიონობით ტონა საავტომობილო ნარჩენი - მეორადი საბურავები, აკუმულატორები და ზეთები, რომლებიც ტექნიკური რეგლამენტის შესაბამისად გადამუშავდება. „თეგეტა“ აფართოებს ელექტრომანქანების დამტენების ქსელს, მისი ავტოპარკი კი ნაწილობრივ სრულად ელექტრული და ჰიბრიდული ავტომობილებისგან შედგება, მათ შორის, 2021 წლიდან შიდა ბიზნესპროცესებს - სასაწყობე მეურნეობასა და გადაზიდვებს - ეკომეგობრული ტრანსპორტით მართავს. ინფრასტრუქტურული პროექტები კი ითვალისწინებს მზის პანელების მონტაჟსა და ბუნებრივი რესურსების მდგრად გამოყენებას. დამატებით, „თეგეტა მოტორსი“ მუშაობს მომხმარებლებისა და თანამშრომლების ჩართულობაზე გარემოსდაცვით პროექტებში. მათ შორისაა კამპანია „არ გადაყარო, ჩააბარე“ და მომხმარებლების მხრიდან ასობით სპეციფიკური ნარჩენის ჩაბარება, მაკულატურისა და პლასტმასის შეგროვებისთვის ათეულობით მწვანე ყუთი „თეგეტას“ სერვისცენტრებსა და ფილიალებში, დასუფთავების აქციები, ახალგაზრდების ინფორმირება და ა.შ.

1753447200

მარეგულირებლის ცნობით, ივნისში, წინა თვესთან შედარებით, ვადიანი დეპოზიტები გაიზარდა 320.37 მილიონი ლარით, ანუ 1.13%-ით (გაცვლითი კურსის ეფექტის გარეშე 1.10%-ით გაიზარდა), ხოლო მოთხოვნამდე დეპოზიტები 1.53 მილიარდი ლარით, ანუ 5.03%-ით გაიზარდა (გაცვლითი კურსის ეფექტის გარეშე გაიზარდა 4.76%-ით).დეპოზიტების ლარიზაციის კოეფიციენტმა 2025 წლის ივნისის ბოლოსათვის 50.33 პროცენტი შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია გაიზარდა 1.10 პროცენტული პუნქტით (გაცვლითი კურსის ეფექტის გამორიცხვით გაიზარდა 1.17 პროცენტული პუნქტით).ივნისში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 6.85% შეადგინა. მათ შორის ეროვნული ვალუტით განთავსებულ დეპოზიტებზე 9.50%, ხოლო უცხოური ვალუტით განთავსებულ დეპოზიტებზე 2.45%.უცხოური ვალუტით განთავსებულ დეპოზიტებში აშშ დოლარის წილმა 78.95% , ხოლო ევროს წილმა 19.37% შეადგინა.

1753445990

პროგრამა ბენეფიციარებს 360°-იან მხარდაჭერას სთავაზობს და მას საქართველოს ბანკი, გაეროს განვითარების პროგრამასთან (UNDP) ერთად, შვედეთის მთავრობის მხარდაჭერითა და EFSE Entrepreneurship Academy-ის ჩართულობით ახორციელებს.პროგრამის მე-11 ნაკადზე რეგისტრაცია უკვე დაიწყო. მისი მთავარი ეტაპი — ინტენსიური სამდღიანი ვორკშოპი კი ამჯერად ქუთაისში, 5, 6 და 7 აგვისტოს ჩატარდება.რატომ მეწარმე ქალთა განვითარების პროგრამა?პროგრამა ბიზნესის შექმნით ან განვითარებით დაინტერესებული ქალებისთვის ქვეყანაში ერთ-ერთი ყველაზე მასშტაბური და მნიშვნელოვანი ინიციატივაა. იგი ოთხ მთავარ ღირებულებაზე - ცოდნაზე, მხარდაჭერაზე, გამოცდილებასა და თანამშრომლობაზეა დაფუძნებული:1. გაიღრმავებ ცოდნასპირველ რიგში, პროგრამაში ჩართული მეწარმეები შეძლებენ, სპეციალურად მათთვის შემუშავებული ონლაინ კურსები პლატფორმა businesscourse.ge-ზე გაიარონ, ბიზნესის საწყისი ეტაპებისთვის საჭირო ცოდნა მიიღონ და სერტიფიკატებიც მოიპოვონ.გარდა ამისა, ინტენსიური ვორკშოპების მეშვეობით, ისინი როგორც გამოცდილ მენტორებს, ისე თანამოაზრე მეწარმე ქალებს უფრო ახლოს გაიცნობენ. ექსპერტები პროგრამის მონაწილეებს ცოდნას ბიზნესის მართვის, გაყიდვების, მარკეტინგის, ფინანსებისა და სხვა მნიშვნელოვანი მიმართულებების შესახებ გაუზიარებენ.რაც მთავარია, ყველა მონაწილეს ექნება წვდომა დამატებით რესურსებსა და სხვადასხვა საინფორმაციო შეხვედრაზე, რაც კიდევ მათ უნარებსა და მოტივაციას უფრო განამტკიცებს.2. მიიღებ მხარდაჭერასპროგრამის ერთ-ერთი ძლიერი მხარე სწორედ მხარდაჭერის მიმართულებაა — მონაწილეები ქოუჩინგისა და პროფესიული განვითარების კუთხით არამხოლოდ ჯგუფურ, არამედ ინდივიდუალურ კონსულტაციებსაც მიიღებენ. მეწარმის საჭიროებებზე მორგებული პრაქტიკული რჩევები კი თითოეულ მონაწილეს როგორც ბიზნესგანცხადებების მომზადებაში, ისე საკუთარი იდეების უკეთ ჩამოყალიბებასა და პიროვნული უნარების გაძლიერებაში ეხმარება.3. გაიღრმავებ გამოცდილებასცოდნის გარდა, პროგრამაში დიდი ყურადღება ექცევა პრაქტიკულ გამოცდილებას. მიღებული ცოდნის რეალურ ბიზნეს პროცესებში გადატანა პროგრამის ერთ-ერთი მთავარი ამოცანაა. ვორკშოპების წარმატებით დასრულების შემდეგ, მონაწილეებს შესაძლებლობა ექნებათ, საგრანტო კონკურსში ჩაერთონ, ხოლო გამარჯვების შემთხვევაში, ფინანსური მხარდაჭერა მიიღონ და იდეა რეალურ პროექტად აქციონ.4. ჩამოაყალიბებ თანამშრომლობის ქსელსპროექტში სანაცნობო წრის გაფართოებასა და კოლაბორაციას განსაკუთრებული ყურადღება ეთმობა. პროგრამა მონაწილეებს აძლევს შესაძლებლობას, სხვა ქალი მეწარმეები გაიცნონ, ერთმანეთს გამოცდილება გაუზიარონ და იდეები ერთად განავითარონ.პროექტის შედეგებიპროგრამა 2022 წლიდან ხორციელდება და ამ დროის განმავლობაში გადამზადება 200-ზე მეტმა ქალმა მეწარმემ გაიარა. პროექტმა საქართველოს თითქმის ყველა რეგიონი და მეწარმეობის მრავალფეროვანი სფერო მოიცვა. მისი დახმარებით იდეები რეალურ, მდგრად და წარმატებულ საქმიანობადაც იქცა.როგორ შეგიძლია ჩაერთო?რეგისტრაცია უკვე დაწყებულია და განაცხადის შევსება საქართველოს ბანკის ვებგვერდზე შეგიძლია. არ გამოტოვო შანსი, გახდე ქალი მეწარმეების იმ ქსელის ნაწილი, რომელიც ცოდნას, მხარდაჭერას და რეალურ გამოცდილებას ეფუძნება.ინფორმაციისთვის, მეწარმე ქალთა განვითარების პროგრამა საქართველოს ბანკის ბიზნეს 360° პლატფორმის ნაწილია. ესაა ინიციატივა, რომელიც საქართველოს ბანკის საგანმანათლებლო ღონისძიებებს, პრაქტიკულ რესურსებსა და სხვა მრავალ აქტივობას აერთიანებს, რაც ბიზნესებს ზრდასა და განვითარებაში უწყობს ხელს.

1753445903

,,ბალანსის გაუმჯობესება განპირობებულია როგორც უფრო ძლიერი სავალუტო შემოდინებებით, ასევე - შესუსტებული გადინებით. სახელდობრ, ივნისის მდგომარეობით, საგარეო ვაჭრობაში კვლავ ნარჩუნდება ბოლო თვეებისათვის დამახასიათებელი დინამიკა - ექსპორტი ძლიერი რჩება მეტწილად ავტომობილების რე-ექსპორტის ხარჯზე, ხოლო იმპორტის ზრდა სუსტია, მათ შორის სწორედ ავტომობილების შემცირებული იმპორტის შედეგადაც. კერძოდ, აშშ დოლარში გამოხატული საქონლის ექსპორტი ივნისში წლიურად 10.4%-ით გაიზარდა (წლის პირველ 6 თვეში ზრდა - 13.7%), ხოლო იმპორტი - მხოლოდ 0.9%-ით (5.8%-ით 6 თვეში, იანვრის ერთჯერადი ფაქტორის გამორიცხვით).“- აღნიშნულია თიბისი კაპიტალმა მაკროეკონომიკური განახლებაში.გაუმჯობესება გრძელდება ფულადი გზავნილების დინამიკაში, რომელიც ივნისში 12.2%-ით გაიზარდა. გზავნილებში ევროკავშირის წილი ბოლო 12 თვის განმავლობაში თითქმის უცვლელად ნარჩუნდება ისტორიულ მაქსიმუმზე და 46%-ს უტოლდება. ასევე პიკზეა შემოდინებების წილი ამერიკის შეერთებული შტატებიდანაც, საიდანაც საქართველო გზავნილების თითქმის 19%-ს იღებს. 2022 წლიდან მზარდი ტენდენციით ხასიათდება ისრაელიც, თუმცა მეორე კვარტალში ამ ქვეყნიდან მიღებული შემოდინებების წილი მარტში დაფიქსირებული 8.8%-დან 7.6%-მდე შემცირდა. რაც შეეხება რუსეთს, წილი ფულად გზავნილებში მიმდინარე წლის იანვარში ისტორიულ მინიმუმამდე - 10.5%-მდე შემცირდა, ხოლო, ივნისის მდგომარეობით, მცირედით გაიზარდა და 13.0%-ს მიაღწია.

1753441518

როგორც ეროვნული ბანკის მიერ გავრცელებულ განცხადებაშია აღნიშნული, 2025 წლის 25 ივლისს, American Express-მა გავრცელებულ ინფორმაციაში დაადასტურა, რომ კომპანია მზად არის საკუთარი საგადახდო სქემა გახსნას საქართველოში მოქმედი ყველა შესაბამისი საფინანსო ინსტიტუტისთვის. ამავე ინფორმაციის მიხედვით, კომპანიას განზრახული აქვს ითანამშრომლოს იმ ბანკებთან, რომლებიც გამოთქვამენ ინტერესს American Express-თან გლობალური ქსელის ბარათების ემისიასა და ექვაირინგზე საქართველოში.American Express-ის გადაწყვეტილება საგადახდო სქემის გახსნის შესახებ გადადგმული მნიშვნელოვანი ნაბიჯია საქართველოს საგადახდო ინდუსტრიაში ეფექტიანი კონკურენციის წახალისებისკენ.აღსანიშნავია, ამ პროცესში საქართველოს ეროვნული ბანკის როლი, რომელიც მისთვის მინიჭებული მანდატის შესაბამისად, საფინანსო სექტორში კონკურენციის კანონმდებლობის ეფექტიან აღსრულებას უზრუნველყოფს.საქართველოს საგადახდო კანონმდებლობა, რომლის კონცეპტუალურ საფუძველს ევროკავშირის საგადახდო კანონმდებლობასთან ჰარმონიზაცია წარმოადგენს, უდიდეს მნიშვნელობას ანიჭებს საგადახდო სისტემებსა და საგადახდო სქემებზე ობიექტური, პროპორციული და არადისკრიმინაციული წვდომის გარანტირებასა და საფინანსო ინსტიტუტებს შორის საგადახდო სფეროში კონკურენციის გაძლიერებას.

1753441351

სამინისტროს ცნობით, 2025 წლის იანვარ-ივნისის პერიოდში შუა დერეფანზე ჩინეთიდან და პირიქით, საქართველოს გავლით გადაზიდულმა კონტეინერების რაოდენობამ შეადგინა 9,849 TEU, რაც 2024 წლის ანალოგიურ პერიოდთან შედარებით 173.0%-ით მეტია (3,608 TEU).საანგარიშო პერიოდში ასევე გაზრდილია ბაქო-თბილისი-ყარსის რკინიგზით გადაზიდული კონტეინერების რაოდენობაც, რომელმაც შეადგინა 9,393 TEU, რაც 2024 წლის ანალოგიურ პერიოდთან შედარებით დაახლოებით 59-ჯერ მეტია (160 TEU).განსაკუთრებით გაიზარდა გადამუშავებული ტვირთებისა და კონტეინერების სტატისტიკა საქართველოს საზღვაო ნავსადგურებში. ტვირთების მხრივ ბათუმისა და ფოთის ნავსადგურებში ზრდამ 5,9 პროცენტი შეადგინა - აღნიშნულმა პორტებმა 2025 წლის 6 თვეში 7 მლნ ტონა ტვირთი გადაამუშავეს. რაც შეეხება კონტეინერებს, საანგარიშო პერიოდში ქვეყნის ორივე მთავარ ნავსადგურში გადამუშავებული კონტეინერების რაოდენობამ 375,654 TEU შეადგინა, რაც წინა ანალოგიურ მაჩვენებელზე 19,5 პროცენტით მეტია.ამასთან, მნიშვნელოვანია საქართველოს საჰაერო ტრანსპორტის გზით გადაზიდული ტვირთების ზრდის მაჩვენებელიც - 2025 წლის იანვარ-ივნისის პერიოდში საქართველოს საერთაშორისო აეროპორტების მიერ გადაზიდულმა ტვირთების რაოდენობამ შეადგინა 16.5 ათასი ტონა, რაც 2024 წლის ანალოგიურ პერიოდთან შედარებით 57.6%-ით მეტია (10.5 ათასი ტონა).

1753439247