ახალმა თაღლითურმა სქემამ მიზანში სამუშაოს მაძიებლები ამოიღო - საბანკო ასოციაციის გაფრთხილება

აღნიშნული რაოდენობიდან საერთაშორისო ვიზიტორების მიერ განხორციელებული ვიზიტების რაოდენობამ 1.5 მილიონი შეადგინა, რაც 4.5 პროცენტით ნაკლებია 2025 წლის ანალოგიური პერიოდის მაჩვენებელზე.საქსტატის ცნობით, 2026 წლის მეორე კვარტალში საერთაშორისო ვიზიტორების რაოდენობამ 1.3 მილიონს მიაღწია, რაც 5.2 პროცენტით ნაკლებია წინა წლის ანალოგიური პერიოდის მაჩვენებელზე.ამასთან, საანგარიშო პერიოდში საერთაშორისო ვიზიტორების მიერ განხორციელდა 1.2 მილიონი ტურისტული ტიპის ვიზიტი, რაც 2.7 პროცენტით ნაკლებია წინა წლის ანალოგიური პერიოდის მაჩვენებელზე.საერთაშორისო ვიზიტორების 81.5 პროცენტი მხოლოდ ტურისტები იყვნენ. მხოლოდ ექსკურსანტების წილმა 14.8 პროცენტი შეადგინა, ხოლო ვიზიტორების 3.8 პროცენტი იყო როგორც ტურისტი, ასევე ექსკურსანტი.უწყების ანგარიშით, 2026 წლის მეორე კვარტალში ვიზიტორების ყველაზე დიდი რაოდენობა, 328.9 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 25.1 პროცენტს შეადგენდა. მეორე ადგილზე იყო თურქეთი 16.9%-იანი წილით, ხოლო მესამეზე — სომხეთი 10.8%-იანი წილით.ვიზიტების ყველაზე დიდი რაოდენობა განხორციელდა რუსეთის ფედერაციის (380.1 ათასი), თურქეთისა (287.0 ათასი) და სომხეთის (199.6 ათასი) მოქალაქეების მიერ.საქსტატის ინფორმაციით, ვიზიტორების უმრავლესობა – 45.6 პროცენტი მიეკუთვნებოდა 31-50 წლამდე ასაკობრივ კატეგორიას, ქალების რაოდენობა კი ვიზიტორების მთლიანი რაოდენობის 42.9 პროცენტს შეადგენდა.2026 წლის მეორე კვარტალში ვიზიტების ყველაზე დიდი ნაწილი – 49.6 პროცენტი განხორციელდა დასვენების, გართობისა და რეკრეაციის მიზნით.ვიზიტების უმრავლესობა განხორციელდა თბილისსა და აჭარის ა/რ-ში, შესაბამისად, 875.5 ათასი და 621.3 ათასი ვიზიტი.2026 წლის მეორე კვარტალში განხორციელებული ვიზიტებისას გათეული ღამეების საშუალო რაოდენობამ 5.48 ღამე შეადგინა, რაც 2025 წლის მეორე კვარტალში დაფიქსირებულ მაჩვენებელზე (5.30 ღამე) 3.5 პროცენტით მეტია. განხორციელებული ვიზიტების 81.8 პროცენტი წარმოადგენდა განმეორებითი ხასიათის ვიზიტს.2026 წლის მეორე კვარტალში განხორციელებული ვიზიტებისას გაწეული ხარჯები 3.0 მილიარდ ლარს გაუტოლდა, რაც 13.3 პროცენტით ნაკლებია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2025 წლის მეორე კვარტალთან შედარებით 9.2 პროცენტით შემცირდა და 1 922.1 ლარი შეადგინა.

1785404507

როგორც ინფორმაციაშია ნათქვამი, პროექტი მოიცავს თბილისის შემოვლითი გზის 18.9-კილომეტრიანი, ოთხზოლიანი მონაკვეთის მშენებლობას, რომელიც აღმოსავლეთ-დასავლეთის ავტომაგისტრალის მნიშვნელოვან ნაწილს განაახლებს. მოძრაობის გადამისამართება დედაქალაქის გვერდის ავლით შეამსუბუქებს თბილისის სატრანსპორტო დატვირთვას და გააუმჯობესებს ტვირთებისა და ხალხის გადაადგილებას.აზიის განვითარების ბანკის დაფინანსება მოხმარდება თბილისის შემოვლითი გზის ორ მონაკვეთს: ლოტი 4-ს (თბილისის აეროპორტი–ლოჭინი) და ლოტი 5-ს (ლოჭინი–რუსთავი). პროექტი ასევე მოიცავს მისასვლელი და მომსახურების გზების მშენებლობასა და განახლებას.როგორც საქართველოში ADB-ის მუდმივი წარმომადგენლობის დირექტორმა, ლესლი ბეარმან ლამმა განაცხადა, საქართველოს მდებარეობა ევროპა-აზიის გასაყარზე მას მნიშვნელოვან პოტენციალს აძლევს, გახდეს რეგიონული სატრანსპორტო ჰაბი.„თბილისის შემოვლითი გზა ამ პოტენციალის სრულად გამოყენებას შეუწყობს ხელს, რადგან შეამცირებს გზების გადატვირთვას და გააუმჯობესებას ტვირთების გადაზიდვას. მსგავსი პროექტების მეშვეობით ჩვენ რეალობად ვაქცევთ საქართველოსთან პარტნიორობის სტრატეგიით გათვალისწინებულ ხედვას, რათა ქვეყანა გახდეს უკეთ დაკავშირებული და კონკურენტუნარიანი“, – განაცხადა ლესლი ბეარმან ლამმა.აზიის განვითარების ბანკის ინფორმაციით, ახალი გზა შეკვეცავს მგზავრობის დროს, როგორც ადგილობრივი, ისე ტრანზიტული მოძრაობისთვის, შეამცირებს სატრანსპორტო საშუალებების ექსპლუატაციის ხარჯებსა და გამონაბოლქვს. პროექტი გაზრდის გადაზიდვების, ექსპორტისა და ტურისტული სექტორის საქმიანობის საიმედოობას, ამასთან, შეამცირებს ავტოსაგზაო შემთხვევების შედეგად დაღუპულთა და მძიმედ დაშავებულთა რაოდენობას.„პროექტი გააუმჯობესებს საგზაო ტრანსპორტის ეფექტიანობას ცენტრალური აზიის რეგიონული ეკონომიკური თანამშრომლობის (CAREC) მეორე დერეფნის გასწვრივ, რომელიც ცენტრალურ აზიას ევროპასთან აკავშირებს და წარმოადგენს მნიშვნელოვან სავაჭრო მარშრუტს. ეს ხელს შეუწყობს საქართველოსთვის ინვესტიციების მოზიდვასა და ქვეყნის ინტეგრაციას რეგიონულ და გლობალურ ბაზრებთან.ADB დაეხმარა საქართველოს მთავრობას პროექტის ტექნიკური, ეკონომიკური, ფინანსური, გარემოსდაცვითი და სოციალური მდგრადობის შეფასების პროცესში. აღნიშნული სესხი ემატება ADB-ის მიერ საქართველოს საგზაო ქსელის განვითარებისთვის გაწეულ $2.3 მილიარდზე მეტ მხარდაჭერას, რომელიც მოიცავს აღმოსავლეთ-დასავლეთის ავტომაგისტრალის მონაკვეთებს, ქობულეთისა და ბათუმის შემოვლით გზებს, ქვეშეთი-კობის მაგისტრალსა და ბათუმი-სარფის გზას.ADB საქართველოს მხარდამჭერია 2007 წლიდან და ქვეყნის განვითარების ერთ-ერთი უდიდესი მულტილატერალური პარტნიორია. გაწევრიანებიდან დღემდე ADB-ის საქართველოსთვის გაღებული აქვს $6 მილიარდამდე ღირებულების სესხი, გრანტი და ტექნიკური დახმარება. ADB-ის საქართველოსთან თანამშრომლობის ხუთწლიანი სტრატეგია მიზნად ისახავს ქვეყანას დაეხმაროს მწვანე და ინკლუზიურ რეგიონულ კარიბჭედ განვითარებაში, ხელი შეუწყოს სახელმწიფო და კერძო სექტორში ინვესტიციების განხორციელებას, რეფორმებს, ცოდნის გაღმავებას, კლიმატგამძლე ინფრასტრუქტურის შენებასა და რეგიონულ ინტეგრაციას.ADB მრავალმხრივი განვითარების წამყვანი ბანკია, რომელიც მხარს უჭერს მდგრად, ინკლუზიურ და მედეგ ეკონომიკურ ზრდას აზიისა და წყნარი ოკეანის რეგიონში. მუშაობს რა, წევრ ქვეყნებთან და პარტნიორებთან ერთად კომპლექსური გამოწვევების დასაძლევად, ADB ეყრდნობა ინოვაციურ ფინანსურ ინსტრუმენტებს და სტრატეგიულ თანამშრომლობას, რათა გარდაქმნას ადამიანების ცხოვრება, შექმნას ხარისხიანი ინფრასტრუქტურა და დაიცვას ჩვენი პლანეტა. 1966 წელს დაარსებული ორგანიზაციის მფლობელია 69 წევრი ქვეყანა, მათ შორის 50 რეგიონიდანაა წარმოდგენილი“, – ნათქვამია აზიის განვითარების ბანკის ინფორმაციაში.

1785403434

უწყების ცნობით, „მონეტარული პოლიტიკის ანგარიშში“ ინფლაციის, ეკონომიკური ზრდისა და მონეტარული პოლიტიკის განაკვეთის იმ პროგნოზების აღწერას გაეცნობით, რომელთაც მონეტარული პოლიტიკის გადაწყვეტილება ეფუძნება. გამოცემის მიზანი სწორედ აღნიშნული გადაწყვეტილების საზოგადოებისთვის დეტალური ახსნაა.„ზოგადად, სცენარებზე დაფუძნებული მიდგომა მოიაზრებს მაღალი გაურკვევლობის შედეგად წარმოქმნილი რისკების სპექტრის ანალიზსა და, მათზე საპასუხოდ, მონეტარული პოლიტიკის განაკვეთის შესაძლო ტრაექტორიების კომუნიკაციას.მონეტარული პოლიტიკის გადაწყვეტილებასაქართველოს ეროვნული ბანკი მონეტარული პოლიტიკის განაკვეთს, უცვლელად, 8.25% ინარჩუნებსმონეტარული პოლიტიკის გადაწყვეტილება მიმართულია იმისკენ, რომ მიწოდების მხრიდან მოქმედი ინფლაციური შოკის ამოწურვის შემდეგ ინფლაცია მიზნობრივ მაჩვენებელს სწრაფად დაუბრუნდესმაკროეკონომიკური პროგნოზიცენტრალური სცენარისებ-ის განახლებული ცენტრალური სცენარის მიხედვით, ენერგორესურსების ფასები მიმდინარე წელს ინფლაციის ერთ-ერთ მთავარ განმსაზღვრელ ფაქტორად დარჩებაგეოპოლიტიკური ვითარების შედეგად გაზრდილი ენერგორესურსების ფასების გავლენით, 2026 წელს ინფლაცია საშუალოდ 5.2% იქნება. 2026 წლის მეორე ნახევრიდან კი შემცირებას დაიწყებს და 2027 წელს კვლავ მიზნობრივ 3 პროცენტიან მაჩვენებელს დაუახლოვდება.მომატებული ინფლაციური რისკები კვლავ საყურადღებო რჩებააქედან გამომდინარე, სებ ცენტრალურ სცენართან ერთად სხვადასხვა რისკ-სცენარსაც განიხილავსმაღალინფლაციური სცენარიერთი მხრივ, სებ განიხილავს მაღალინფლაციური რისკის სცენარს, რომელიც მოიაზრებს გეოპოლიტიკური ვითარების უფრო მეტად გახანგრძლივებასა და გამწვავებას. ამის ფონზე, საერთაშორისო ბაზარზე სასაქონლო ფასები უფრო მეტად გაიზრდება, რაც ადგილობრივ ბაზარზე საწვავის ფასებზე გადმოეცემა. შედეგად საქართველოშიც მიწოდების მხრიდან მომდინარე ინფლაციური შოკი გაძლიერდება, რაც მეორე რიგის ეფექტებს გაამწვავებს და საბოლოოდ ინფლაცია ცენტრალურად სცენართან შედარებით მაღალი იქნება.დაბალინფლაციური სცენარიდაბალინფლაციური რისკის სცენარი გეოპოლიტიკური ვითარების სწრაფ დეესკალაციას მოიაზრებს. ასეთ პირობებში, საერთაშორისო სასაქონლო ბაზრებზე ფასების წნეხი მოსალოდნელზე ადრე შემცირდება. ამასთან, ფუნდამენტური ფაქტორების გაუმჯობესება შიდა ინფლაციურ წნეხს შეარბილებს, რაც ინფლაციის მიზნობრივ დონემდე დაბრუნებას და მონეტარული პოლიტიკის განაკვეთის უფრო სწრაფ ნორმალიზებას შეუწყობს ხელს.მონეტარული პოლიტიკის კომიტეტი პოლიტიკის განაკვეთს უცვლელად ინარჩუნებს, თუმცა მომატებული ინფლაციური რისკების გათვალისწინებით, მონეტარული პოლიტიკის შედარებით მკაცრი პოზიცია ხანგრძლივი პერიოდის განმავლობაში შენარჩუნდება.მონეტარული პოლიტიკის განაკვეთის შემდგომი ტრაექტორია დამოკიდებული იქნება საგარეო შოკების საქართველოს ეკონომიკაზე გადმოცემის სიძლიერესა და პოტენციურ გავლენაზე. თუ ინფლაციური რისკები, მეორე რაუნდის ეფექტები და ინფლაციური მოლოდინები, მოსალოდნელზე მეტად გაძლიერდება, ეროვნული ბანკი მზად არის მონეტარული პოლიტიკა დამატებით გაამკაცროს.გამოცემის ნახვა შესაძლებელია ეროვნული ბანკის ოფიციალურ ვებგვერდზე პუბლიკაციების განყოფილებაში“, - აღნიშნულია გავრცელებულ ინფორმაციაში.

1785403220

დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა.ხელმოწერის ცერემონიას დაესწრნენ ეროვნული ბანკის პრეზიდენტი ნათია თურნავა, ფინანსთა მინისტრის მოადგილე ეკატერინე გუნცაძე, სებ-ის პირველი ვიცე-პრეზიდენტი ეკატერინე მიქაბაძე, ფინანსთა სამინისტროს, ეროვნული ბანკისა და მსოფლიო ბანკის წარმომადგენლები.მსოფლიო ბანკის მიერ დამტკიცებული პროექტი სარეზოლუციო ფონდისთვის ქმნის 35 მილიონი აშშ დოლარის ოდენობის წინასწარ შეთანხმებულ საკრედიტო ხაზს.მსოფლიო ბანკის ჩართულობით, პროექტის ფარგლებში განხორციელებული სამუშაო და სამომავლოდ დაგეგმილი ღონისძიებები ხელს შეუწყობს სებ-ის რეზოლუციის ჩარჩოს შემდგომ სრულყოფას, ეფექტიანობის ზრდასა და საუკეთესო საერთაშორისო პრაქტიკასთან დაახლოებას.ამასთან, საკრედიტო ხაზი სარეზოლუციო ფონდისთვის დამატებითი ფინანსური დაცვის მექანიზმია მისი სამიზნე ნიშნულამდე შევსების პერიოდში და ხელს შეუწყობს სარეზოლუციო პროცესის დროულად და ეფექტიანად განხორციელებას.

1785402277

“ევროპის უნივერსიტეტი” საერთაშორისო კერძო უმაღლესი საგანმანათლებლო დაწესებულებაა, სადაც სტუდენტები მსოფლიოს 130-მდე ქვეყნიდან სწავლობენ. უნივერსიტეტი 5 ფაკულტეტს აერთიანებს, სასწავლო პროცესი კი ქართულ და ინგლისურ ენებზე ხორციელდება.“ევროპის უნივერსიტეტი” კავკასიის რეგიონში ერთ-ერთი ყველაზე მრავალფეროვანი სიმულაციური ცენტრებით გამოირჩევა. სტუდენტებს ხელმისაწვდომობა აქვთ თანამედროვე ლაბორატორიებთან, ინოვაციურ სამედიცინო და სასწავლო ტექნოლოგიებთან, მათ შორის: 3D ანატომიურ მაგიდასთან, ვირტუალური პაციენტების სიმულაციის პლატფორმებთან, VR ლაბორატორიასთან და სხვა მაღალტექნოლოგიურ მოწყობილობებთან.პრაქტიკული სწავლება უნივერსიტეტის ერთ-ერთი მთავარი უპირატესობაა. მედიცინის, სტომატოლოგიისა და ვეტერინარული მედიცინის პროგრამების სტუდენტები კლინიკურ პრაქტიკას როგორც უნივერსიტეტის კლინიკურ ბაზებზე (ჯო ენის საუნივერსიტეტო ჰოსპიტალი, წმინდა მიქაელის საუნივერსიტეტო ჰოსპიტალი, EU დენტი), ისე პარტნიორ ევროპულ უნივერსიტეტებსა და საუნივერსიტეტო კლინიკებში გადიან, რაც მათ საერთაშორისო გამოცდილების მიღების შესაძლებლობას აძლევს.თიბისი უკვე 10 წელზე მეტია “ევროპის უნივერსიტეტთან” პარტნიორობს და საერთო პროექტებს ჯგუფში შემავალ სხვა კომპანიებთან ერთადაც ახორციელებს, როგორებიცაა:  ჯო ენის საუნივერსიტეტო ჰოსპიტალი, წმინდა მიქაელის საუნივერსიტეტო ჰოსპიტალი და ევროპის ცენტრალური უნივერსიტეტი ქუთაისში. მსგავსი პროექტების მხარდაჭერით ბანკი ხელს უწყობს ქვეყანაში თანამედროვე სასწავლო და სამედიცინო ინფრასტრუქტურის განვითარებას და მაღალი სტანდარტების დანერგვას ქვეყნისთვის მნიშვნელოვან სექტორებში.

1785399780

ასოციაციის განცხადებით, სქემის ფარგლებში მოქალაქეებს PCDAI-ის პლატფორმაზე რეგისტრაციისა და ანგარიშის ე.წ. „აქტივაციის“ მიზნით წინასწარი დეპოზიტის გადახდას სთხოვენ (დაფიქსირდა 180, 875, 2000 და 3000 ლარის მოთხოვნის შემთხვევები)."სანდოობის შესაქმნელად, თაღლითები შერჩეულ მსხვერპლს პირველ ეტაპზე მცირე ოდენობის თანხას ურიცხავდნენ, რითიც მის ნდობას იმსახურებდნენ. მას შემდეგ, რაც დაზარალებულებისგან მნიშვნელოვან თანხებს აგროვებდნენ, პლატფორმა წყვეტდა ფუნქციონირებას და კომპანია აღარ იძებნებოდა.თუმცა, ამით სქემა არ სრულდებოდა - თაღლითები დაზარალებულებს კვლავ უკავშირდებოდნენ და არწმუნებდნენ, რომ პლატფორმას ტექნიკური შეფერხება ჰქონდა, ხოლო თანხის დასაბრუნებლად დამატებითი ინვესტიციის განხორციელება იყო საჭირო.აღნიშნული სქემა წარმოადგენს კლასიკურ ფინანსურ პირამიდას, რომლის მიზანია სამუშაოსა და დამატებითი შემოსავლის მაძიებელი ადამიანების ნდობის მოპოვება და მათი მოწყვლადი მდგომარეობით სარგებლობა.მსგავსი სქემები შესაძლოა სხვა სახელწოდებითაც გამოჩნდეს. ამიტომ, მომხმარებლები ფხიზლად უნდა იყვნენ და სწრაფად გამდიდრების, გარანტირებული დასაქმებისა თუ არარეალურად მაღალი სარგებლის მიღების შეთავაზებები კრიტიკულად შეაფასონ.გასათვალისწინებელი რეკომენდაციები: არასდროს გადაიხადოთ წინასწარ თანხა სამუშაოს შეთავაზებისთვის: რეალური დამსაქმებელი დეპოზიტს კონკრეტულ ვაკანსიაზე წვდომის სანაცვლოდ არასდროს მოგთხოვთ; პოტენციური დამსაქმებლის გადამოწმება: მოიძიეთ და გადაამოწმეთ დამსაქმებელი ორგანიზაცია, მისი ოფიციალური ვებ-გვერდი და საკონტაქტო ოფიციალური არხები; დასაქმების სანდო, ცნობილი პორტალებით სარგებლობა: გამოიყენეთ დასაქმების ცნობილი პლატფორმები, სადაც განთავსებულია სხვადასხვა გადამოწმებული განცხადებები; ცოდნის გაზიარება და გაფრთხილება: თაღლითები ხშირად პოტენციურ მსხვერპლად მოწყვლად ჯგუფებს ირჩევენ, ამიტომ გააფრთხილეთ ირგვლივ მყოფნი აღნიშნული თაღლითური სქემის შესახებ და გაუზიარეთ ეს რეკომენდაციები; გაუფრთხილდით პერსონალურ და პირად ინფორმაციას: არასდროს გააზიაროთ უცნობ სივრცეში და უცნობებთან კონფიდენციალური ინფორმაცია, დაიცავით პირადი მონაცემები, ფინანსური და საბარათე ინფორმაცია", - წერია ასოციაციის განცხადებაში.

1785398914