აფბა – სებ-ის მიერ მონეტარული პოლიტიკის განაკვეთის უცვლელად, 8.25%-ზე დატოვება, ჩვენი მოლოდინის სრულ თანხვედრაშია

ვალერიან გაბუნია საქართველოს ბანკს 2023 წელს შემოუერთდა SME ბიზნესის განვითარების დეპარტამენტის ხელმძღვანელის პოზიციაზე, ხოლო 2024 წლის სექტემბრიდან კი საშუალო ბიზნესს მიმართულების ხელმძღვანელი გახდა.ვალერიანს ფინანსურ სექტორში 20 წელზე მეტი გამოცდილება აქვს. სხვადასხვა პერიოდში ხელმძღვანელობდა “ვითიბი ბანკი საქართველოს” საცალო და SME ბიზნესს, ასევე სადაზღვევო კომპანია ალდაგის საცალო ბიზნეს მიმართულებას.“მინდა, მივულოცო ვალერიანს დამსახურებული დაწინაურება. იგი გამოცდილი, მიზნებზე ორიენტირებული ბანკირია, რომელსაც საცალო და პრემიუმ საბანკო მომსახურების მიმართულებით არაერთ აღმასრულებელ თანამდებობაზე მუშაობის გამოცდილება აქვს. იგი ჩვენს მცირე და საშუალო ბიზნესის მიმართულებას 2023 წლიდან შეუერთდა და საშუალო ბიზნესის სეგმენტის ორგანიზაციულ ტრანსფორმაციას წარმატებით გაუძღვა. მჯერა, რომ ვალერიანი ახალ თანამდებობაზე ახალი ხედვების დანერგვასა და ძლიერი შედეგების მიღწევას გააგრძელებს” - აცხადებს არჩილ გაჩეჩილაძე, საქართველოს ბანკის გენერალური დირექტორი.ვალერიანი ფლობს თბილისის სახელმწიფო უნივერსიტეტის მენეჯმენტისა და მიკროეკონომიკის ბაკალავრის ხარისხს, ასევე ჩესტერის უნივერსიტეტის MBA-ს ხარისხს. ამავდროულად ის არის კოლუმბიის უნივერსიტეტის AMP პროგრამის კურსდამთავრებული.

1785320864

საქსტატის ცნობით, ბაზრებისა და ბაზრობების ორგანიზებით დაკავებული ეკონომიკური სუბიექტებისათვის ყველაზე გავრცელებული ორგანიზაციულ-სამართლებრივი ფორმა იყო შეზღუდული პასუხისმგებლობის საზოგადოება, რომლის წილად მოდის 2025 წელს მოქმედი ბაზრებისა და ბაზრობების საერთო რაოდენობის 72.7 პროცენტი, ხოლო ინდივიდუალური მეწარმეების წილად – 23.8 პროცენტი. დანარჩენი ბაზრები და ბაზრობები საქმიანობდნენ სააქციო საზოგადოების და კოოპერატივის ორგანიზაციულ-სამართლებრივი ფორმით.უწყების ანგარიშით, 2025 წელს მოქმედი ბაზრებისა და ბაზრობების 96.5 პროცენტი კერძო საკუთრებაში იყო, ხოლო დანარჩენი 3.5 პროცენტი – სახელმწიფო საკუთრებაში.ამასთან, 2025 წელს საქართველოში მოქმედი ბაზრები და ბაზრობები განთავსებული იყო 2.0 მილიონ კვ. მეტრ ფართობზე და მათ გააჩნდათ 60 ვეტსანექსპერტიზის ლაბორატორია, 1 061 შემნახველი საწყობი 22.0 ათასი კვ. მეტრი ფართობით და 0.7 ათასი ტონა ტევადობის 292 მაცივარი.2025 წელს მოქმედი ბაზრობების 35.9 პროცენტი გადახურული იყო, ანუ ვაჭრობა შენობაში მიმდინარეობდა, 34.3 პროცენტი იყო ღია ტიპის, ანუ ვაჭრობა მიმდინარეობდა შენობის გარეთ, ხოლო 29.8 პროცენტი იყო ნახევრადგადახურული – ვაჭრობა მიმდინარეობდა შენობაშიც და შენობის გარეთაც.საქსტატის ინფორმაციით, 2025 წელს საქართველოში მოქმედი ბაზრებისა და ბაზრობების ტერიტორიაზე მოვაჭრე პირების მიერ ხორციელდებოდა როგორც სასურსათო, ისე არასასურსათო საქონლით ვაჭრობა. ბაზრებისა და ბაზრობების 30.8 პროცენტში ვაჭრობა მიმდინარეობდა მხოლოდ არასასურსათო საქონლით, ორ ბაზრობაზე – მხოლოდ სასურსათო საქონლით, სამი ბაზრობის ტერიტორიაზე – ავტომობილებითაც, ხოლო სამ ბაზარში იყიდება მხოლოდ ფრინველი და პირუტყვი.საქართველოს ბაზრებისა და ბაზრობების ტერიტორიაზე ეკონომიკური სუბიექტების მიერ ვაჭრობა ორგანიზებული იყო კვირის სხვადასხვა დღეს: ყოველდღიური ვაჭრობა მიმდინარეობდა 153 ბაზარში, საკვირაო ვაჭრობა – 23 ბაზარში, კვირა დღის გარდა ვაჭრობდა 3 ბაზარი, ხოლო დანარჩენი ბაზრებისა და ბაზრობის ტერიტორიაზე მიმდინარეობდა ერთდღიანი, ორდღიანი, სამდღიანი ან ოთხდღიანი ვაჭრობა კვირის სხვადასხვა დღეს.ამასთან, საქართველოში მოქმედი ბაზრებისა და ბაზრობების ტერიტორიაზე 2025 წელს იყო 46.5 ათასი სავაჭრო ადგილი, სადაც მოვაჭრეთა საშუალო დღიურმა რაოდენობამ 36.1 ათასი კაცი შეადგენა.უწყების მონაცემებით, 2025 წელს ბაზრებისა და ბაზრობების ორგანიზებით დაკავებულ ეკონომიკურ სუბიექტებში (ბაზრობების დირექციებში) დასაქმებულთა საშუალო წლიურმა რაოდენობამ 2.7 ათასი შეადგინა, რომელთაგანაც 32.6 პროცენტი იყო ქალი. ამასთან, დასაქმებულთა 48.1 პროცენტი ქალაქ თბილისზე მოდიოდა.2025 წელს ბაზრებისა და ბაზრობების ორგანიზებით დაკავებული ეკონომიკური სუბიექტების შემოსავლებმა 208.8 მილიონი ლარი შეადგინა, საიდანაც 9.6 მილიონი ლარი (4.6 პროცენტი) ვაჭრობის უფლების გაცემიდან (ერთჯერადი გადასახდელის სახით) მიღებული შემოსავალი იყო, 180.7 მილიონი ლარი (86.5 პროცენტი) — სავაჭრო ფართის გაქირავებიდან მიღებული შემოსავალი, ხოლო 18.6 მილიონი ლარი (8.9 პროცენტი) — სხვა შემოსავალი. ამავე პერიოდში ბაზრებისა და ბაზრობის ორგანიზებით დაკავებული ეკონომიკური სუბიექტების დანახარჯებმა 128.6 მილიონი ლარი შეადგინა, საიდანაც დასაქმებულ პერსონალზე გაცემული შრომის ანაზღაურება იყო 55.2 მილიონი ლარი.

1785319176

„მიზეზი გლობალურ ბირჟებზე მიმდინარე მოვლენები და ნავთობის ფასების აღმავალი ტენდენციაა. საქართველოშიც ფასები მომატებულია ყველა კომპანიის ავტოგასამართ სადგურზე. საუბარია, ბენზინზე. რაც შეეხება დიზელს, ჯერჯერობით, აქ მკვეთრი გაძვირება არ შეინიშნება“, - აღნიშნა ვახტანგ იობაშვილმა.ცნობისთვის, ახლო აღმოსავლეთში აშშ-სა და ირანს შორის კონფლიქტის განახლების, ასევე საუდის არაბეთსა და ტერორისტულ დაჯგუფება "ჰუსიტებს" შორის სამხედრო მოქმედებების წამოწყების გამო, გასულ კვირას, მნიშვნელოვნად  გაიზარდა ფასები მსოფლიოს სანავთობო ბაზრებზე და 1 ბარელი ბრენტის ტიპის ნავთობის ღირებულებამ, თითქმის, 99 დოლარს მიაღწია. ამჟამად, შეერთებულ შტატებსა და ირანს შორის სამხედრო დარტყმების დროებით შეჩერების ფონზე, ნავთობის ფასი 89 დოლარზეა ჩამოსული, თუმცა, მიმდინარე თვის დასაწყისში, შავი ოქროს ღირებულება 70 დოლარიც კი იყო.გლობალურ ბირჟებზე არსებული ამ არასტაბილურობის გამო, საქართველოს ნავთობპროდუქტების იმპორტიორთა კავშირის თავმჯდომარეს უჭირს პროგნოზის გაკეთება, თუ რას უნდა ელოდოს მომხმარებელი საშემოდგომოდ, საწვავის ფასებთან დაკავშირებით.ვახტანგ იობაშვილმა „ბიზნესპარტნიორთან“ საქართველოსთვის საწვავის მომწოდებელ მთავარ ქვეყნებზეც ისაუბრა და თქვა, რომ ქვეყანაში ბენზინის იმპორტი ევროპული სახელმწიფოებიდან ხორციელდება, საუბარია - ბულგარეთზე, ბელორუსზე, რუმინეთზე, საბერძნეთზე. დიზელი კი უმეტესად - რუსეთიდან და აზერბაიჯანიდან შემოდის.ცნობისთვის, 2026 წლის იანვარ-ივნისის პერიოდში, საქართველოში ჯამში 637 ათასი ტონა ბენზინი და დიზელი იმპორტირდა, რაც გასული წლის ანალოგიურ პერიოდთან შედარებით, 6.4% -ით შემცირებული მონაცემია.წყარო: "ბიზნესპარტნიორი"

1785318096

„ტურბულენტური გეოპოლიტიკური პროცესების გამო (ახლო აღმოსავლეთში გეოპოლიტიკური დაძაბულობის რეესკალაცია), რომლის შედეგადაც გლობალურ ბაზრებზე ენერგომატარებლებზე, საკონტეინერო გადაზიდვებსა და სხვა მასთან მომიჯნავე სექტორების სერვისებსა თუ პროდუქტებზე ფასები და შესაბამისად, ინფლაციური წნეხი მნიშვნელოვნად იზრდება, საქართველოს ეროვნული ბანკის მიერ მონეტარული პოლიტიკის განაკვეთის უცვლელად, 8.25%-ზე დატოვება, ჩვენი მოლოდინების სრულ თანხვედრაშია.ეროვნული ბანკი აგრძელებს ფრთხილ და პრევენციულ რეჟიმში მონეტარული პოლიტიკის ინსტრუმენტების გამოყენებას, რათა ერთის მხრივ ინფლაცია მიზნობრივ მაჩვენებელთან ახლო დიაპაზონში იყოს, მეორე მხრივ, ეკონომიკური ზრდის მაჩვენებელზე უარყოფითი ზეგავლენა არ ჰქონდეს. შედეგად, მიმდინარე წლის ივნისში საბაზო ინფლაციამ (სურსათის, ენერგომატარებლებისა და თამბაქოს გამორიცხვით) 3.2 პროცენტი შეადგინა, ხოლო ეკონომიკურმა ზრდამ წინასწარი მონაცემებით, 2026 წლის მაისში 6.4 პროცენტი, ხოლო პირველ ხუთ თვეში საშუალოდ 7.8 პროცენტი შეადგინა.ამასთან, ბანკების მიერ გაცემული სესხების მოცულობამ (ბანკთაშორისი სესხების გარდა), 2026 წლის ივნისის ბოლოსათვის 75.43 მილიარდი ლარი შეადგინა, რაც 1.30 მილიარდი ლარით (1.75%-ით) მეტია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე, 2.41% -ით მეტი). პლუს, 2026 წლის ივნისის ბოლოსათვის, მთლიანი სესხების ლარიზაციის კოეფიციენტმა 58.37% შეადგინა. წინა თვის ბოლო მდგომარეობასთან შედარებით, გაიზარდა 0.31 პროცენტული პუნქტით (გაცვლითი კურსის ეფექტის გამორიცხვით, შემცირდა 0.07 პროცენტული პუნქტით).მოცემული პარამეტრები ცხადყოფს, რომ საქართველოს ეროვნული ბანკის მიერ შედარებით მკაცრი მონეტარული პოლიტიკის გატარება საერთო სურათს ხელს არ უშლის, პირიქით, დადებითად მოქმედებს მასზე. ამიტომ, მონეტარული პოლიტიკის განაკვეთის უცვლელად, 8.25%-ზე დატოვება ჩვენი მოლოდინის სრულ თანხვედრაშია. ამასთან, უნდა აღინიშნოს ისიც, რომ ამ გაურკვეველი და სწრაფად ცვალებადი გეოპოლიტიკური ვითარებების გამო, არამხოლოდ საქართველოს ეროვნული ბანკი, არამედ სამეზობლო ქვეყნებისა და არამხოლოდ სამეზობლო, შედარებით მკაცრი მონეტარული პოლიტიკის გატარებით გამოირჩევიან და აქ გამონაკლისი არც საქართველოს ეროვნული ბანკია“, – აღნიშნავენ აფბაში.

1785316967

შეხვედრის მიზანს საქართველოში ფსტის კულტურის განვითარების ხელშეწყობის, დარგში თანამედროვე ტექნოლოგიებისა და საერთაშორისო გამოცდილების გაზიარების, ასევე საერთაშორისო სტანდარტების შესაბამისი, სერტიფიცირებული სანერგე მეურნეობის შექმნის მიმართულებით თანამშრომლობის პერსპექტივების განხილვა წარმოადგენდა.შეხვედრაზე დავით სონღულაშვილმა სოფლის მეურნეობის განვითარების ხელშემწყობი სახელმწიფო პროგრამების შესახებ ისაუბრა და ყურადღება ფერმერებისთვის ხარისხიანი სარგავი მასალის ხელმისაწვდომობის, თანამედროვე აგროტექნოლოგიების დანერგვისა და დარგის მდგრადი განვითარებისათვის საერთაშორისო თანამშრომლობის გაძლიერების მნიშვნელობაზე გაამახვილა.საუბარი შეეხო ცოდნისა და გამოცდილების გაზიარების, თანამედროვე ლაბორატორიული შესაძლებლობების გაძლიერების, მცენარეთა დაცვის კონტროლისა და სერტიფიცირების სისტემების განვითარების მიმართულებით სამომავლო თანამშრომლობის საკითხებს.მინისტრის განცხადებით, საერთაშორისო პარტნიორებთან თანამშრომლობა ხელს შეუწყობს დარგში თანამედროვე სტანდარტების დანერგვას, ინოვაციური ტექნოლოგიების ხელმისაწვდომობას და აგროსექტორში ცოდნაზე დაფუძნებული განვითარების ხელშეწყობას.როგორც მაჰერ ალ-რვაჰნიჰმა აღნიშნა, საქართველოს აქვს მნიშვნელოვანი პოტენციალი სოფლის მეურნეობის სხვადასხვა მიმართულების, მათ შორის მრავალწლოვანი კულტურების და თანამედროვე სანერგე მეურნეობების განვითარების კუთხით. მისი განცხადებით, ცოდნისა და გამოცდილების გაზიარება, თანამედროვე სტანდარტებისა და ტექნოლოგიების დანერგვა, ქვეყანაში ხელს შეუწყობს  ხარისხიანი სარგავი მასალის წარმოების განვითარებას და აგროსექტორის გაძლიერებას.აღსანიშნავია, რომ Foundation Plant Services (FPS), კალიფორნიის უნივერსიტეტთან (UC Davis) არსებული, მსოფლიოში ერთ-ერთი წამყვანი ორგანიზაციაა მცენარეთა ჯანსაღი, დაავადებებისგან თავისუფალი სარგავი მასალის წარმოების, სერტიფიცირების, დიაგნოსტიკისა და კვლევების მიმართულებით. ორგანიზაცია მრავალ ქვეყანაში თანამშრომლობს სახელმწიფო და კერძო სექტორთან, ხელს უწყობს სანერგე მეურნეობების, ფიტოსანიტარიული და ლაბორატორიული სისტემების განვითარებას, ასევე თანამედროვე ცოდნისა და ტექნოლოგიების გაზიარებას.„საქართველოს აგრარული გაერთიანება“ აგრარული სექტორის განვითარების ხელშემწყობი ორგანიზაციაა, რომელიც აქტიურად მუშაობს თანამედროვე აგროტექნოლოგიების დანერგვის, ფერმერებისთვის ცოდნისა და პრაქტიკული გამოცდილების გაზიარების, ასევე არატრადიციული და მაღალშემოსავლიანი კულტურების, მათ შორის ფსტის, ლურჯი მოცვისა და კენკროვანი კულტურების წარმოების განვითარების მიმართულებით. ორგანიზაცია აქტიურად თანამშრომლობს ადგილობრივ და საერთაშორისო პარტნიორებთან, რაც საქართველოში თანამედროვე სანერგე მეურნეობებისა და ინოვაციური აგრარული პრაქტიკის განვითარებას უწყობს ხელს.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ლაშა დოლიძე და საქართველოს აგრარული გაერთიანების წარმომადგენლები ესწრებოდნენ.

1785316466

მარეგულირებელის ინფორმაციით, 2026 წლის ივნისში საქართველოში წლიურმა ინფლაციამ 5.8 პროცენტი შეადგინა. მიზნობრივზე მაღალი ინფლაცია კვლავ ძირითადად ენერგორესურსების ფასების ზრდას უკავშირდება."ახლო აღმოსავლეთში გეოპოლიტიკური დაძაბულობის რეესკალაციის ფონზე ნავთობის საერთაშორისო ფასების მერყეობა კვლავ გაიზარდა. თუმცა, მიმდინარე საბაზრო ტენდენციები მიუთითებს, რომ ფასები წინა ესკალაციის პერიოდში დაფიქსირებულ დონესთან შედარებით დაბალია. ამასთან, კონფლიქტის გახანგრძლივებამ ენერგორესურსების ფასებიდან მომდინარე არაპირდაპირი ინფლაციური ეფექტების რისკები გააძლიერა. ინფლაციის შედარებით ხისტი ფასების ინდიკატორი, რომელიც უკეთ ასახავს გრძელვადიან ინფლაციურ პროცესებსა და ინფლაციურ მოლოდინებს, კვლავ მიზნობრივ დონესთან ახლოს ნარჩუნდება. კერძოდ, ივნისში საბაზო ინფლაციამ (სურსათის, ენერგომატარებლებისა და თამბაქოს გამორიცხვით) 3.2 პროცენტი შეადგინა. თუმცა, მომსახურების ინფლაცია 4.1 პროცენტამდე დაჩქარდა. აღნიშნული მიუთითებს, რომ საბაზო ინფლაციის ზომიერი მაჩვენებლის მიუხედავად, მეორე რაუნდის ეფექტების გაძლიერების რისკები კვლავ საყურადღებო ფაქტორად რჩება.სებ-ის განახლებული ცენტრალური სცენარის მიხედვით, ენერგორესურსების წვლილი ინფლაციაში მიმდინარე წელს მნიშვნელოვანი დარჩება. აღნიშნულის გათვალისწინებით, 2026 წელს საშუალო ინფლაცია 5.2 პროცენტი იქნება. 2026 წლის მეორე ნახევრიდან ინფლაცია შემცირებას დაიწყებს და საშუალოვადიან პერიოდში მიზნობრივ სამპროცენტიან მაჩვენებელს ეტაპობრივად დაუახლოვდება.ეკონომიკური აქტივობა, საგარეო შოკების პირობებში, მდგრადობას ინარჩუნებს. წინასწარი მონაცემებით, 2026 წლის მაისში ეკონომიკურმა ზრდამ 6.4 პროცენტი, ხოლო პირველ ხუთ თვეში საშუალოდ 7.8 პროცენტი შეადგინა. ზრდის ძირითად წყაროდ კვლავ მაღალპროდუქტიული, მომსახურებაზე ორიენტირებული სექტორები რჩება, რაც მოთხოვნის მხრიდან ინფლაციურ წნეხს ანეიტრალებს. ამასთან, მოლოდინების შესაბამისად, ახლო აღმოსავლეთში მიმდინარე კონფლიქტის უარყოფითი გავლენა საგარეო მოთხოვნაზე შეზღუდულია. შესაბამისად, განახლებული ცენტრალური სცენარით, 2026 წლის ეკონომიკური ზრდის პროგნოზი,  6.5 პროცენტზე, ნარჩუნდება.გეოპოლიტიკური ვითარება და მისგან მომდინარე ეკონომიკური შედეგები კვლავ გლობალური ეკონომიკის პერსპექტივის განმსაზღვრელ ერთ-ერთ ძირითად რისკად რჩება. აღნიშნული გაურკვევლობის ფონზე, მონეტარული პოლიტიკის კომიტეტმა ცენტრალურ სცენართან ერთად განიხილა, როგორც მაღალინფლაციური, ისე დაბალინფლაციური რისკების სცენარები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. აღნიშნული სცენარი გეოპოლიტიკური ვითარების მოსალოდნელზე ხანგრძლივი პერიოდით გამწვავებას ითვალისწინებს, რაც საერთაშორისო სასაქონლო ბაზრებზე ენერგორესურსების ფასების დამატებით ზრდას გამოიწვევს. ენერგორესურსების ფასების ზრდა ადგილობრივ ბაზარზე საწვავის ფასებზე აისახება, ხოლო გაზრდილი ტრანსპორტირების და წარმოების ხარჯების გავლით სხვა საქონლისა და მომსახურების ფასებზეც გავრცელდება. ამასთან, ბოლო პერიოდში არასახარბიელო კლიმატური პირობები საერთაშორისო ბაზრებზე ნედლეული სურსათის ფასების ზრდის დამატებით რისკს ქმნის. აღნიშნული რისკების რეალიზების შემთხვევაში, ინფლაცია ცენტრალურ სცენართან შედარებით მაღალი იქნება.მეორე მხრივ, მონეტარული პოლიტიკის კომიტეტის მიერ განხილული დაბალინფლაციური სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად ნორმალიზების შესაძლებლობას მოიაზრებს. ბოლო წლებში ეკონომიკაში მიმდინარე სტრუქტურული ცვლილებების შედეგად, იზრდება შედარებით მაღალპროდუქტიული და ნაკლებად იმპორტინტენსიური სექტორების წვლილი, რაც, ამავდროულად, ქვეყნის საგარეო პოზიციას აძლიერებს. ეროვნული ბანკის ცენტრალური სცენარის მიხედვით, აღნიშნული ტენდენცია ეტაპობრივად ნორმალიზდება, თუმცა შესაძლებელია, რომ იგი გრძელვადიან პერიოდშიც გაგრძელდეს. ამ შემთხვევაში, ერთი მხრივ, ეკონომიკის გრძელვადიანი პოტენციალის უფრო მაღალი ზრდა მოთხოვნის მხრიდან ინფლაციურ გავლენას შეამცირებს. მეორე მხრივ, ძლიერი საგარეო პოზიცია და დაბალი სუვერენული რისკის პრემია ეფექტური გაცვლითი კურსის ფუნდამენტური გამყარების ტენდენციას განაპირობებს, რაც დამატებით დისინფლაციურ გავლენას მოახდენს. ამასთან, გეოპოლიტიკური ვითარების სწრაფი დეესკალაციის შემთხვევაში, ენერგორესურსების ფასების  დაჩქარებული ტემპით შემცირებაც დაბალინფლაციური სცენარის განვითარების ერთ-ერთ განმაპირობებელ ფაქტორს წარმოადგენს. შედეგად, მთლიანი ინფლაცია ცენტრალურ სცენართან შედარებით უფრო სწრაფად დაუახლოვდება მიზნობრივ მაჩვენებელს.მიმდინარე მაკროეკონომიკური გარემოს, განახლებული სცენარებისა და რისკების შეფასების საფუძველზე, მონეტარული პოლიტიკის კომიტეტმა მიზანშეწონილად მიიჩნია, ამ ეტაპზე, მონეტარული პოლიტიკის განაკვეთის უცვლელად შენარჩუნება. თუმცა, მომატებული ინფლაციური რისკების გათვალისწინებით, მონეტარული პოლიტიკის მკაცრი პოზიცია შედარებით ხანგრძლივი პერიოდის განმავლობაში შენარჩუნდება. ეროვნული ბანკი აქტიურად აკვირდება საგარეო შოკების საქართველოს ეკონომიკაზე გადმოცემის ინტენსივობასა და მათ გავლენას. თუ ინფლაციური რისკები, მათ შორის მეორე რაუნდის ეფექტები და ინფლაციური მოლოდინები, მოსალოდნელზე მეტად გაძლიერდება, ეროვნული ბანკი მზად არის მონეტარული პოლიტიკა დამატებით გაამკაცროს. მონეტარული პოლიტიკის რეაგირება მიმართულია იმისკენ, რომ მიწოდების მხრიდან მოქმედი ინფლაციური შოკის ამოწურვის შემდეგ ინფლაცია სამპროცენტიან მაჩვენებელს სწრაფად დაუბრუნდეს.მონეტარული პოლიტიკის კომიტეტის შემდეგი სხდომა 2026 წლის 9 სექტემბერს გაიმართება,"-ნათქვამია საქართველოს ეროვნული ბანკის მიერ გავრცელებულ ინფორმაციაში. 

1785313725