ნათია ჯანაშია ბრიტანულ-ქართული აკადემიის წინააღმდეგ - სასამართლო ქრონიკა

საქართველოს ფოსტამ“ Alibaba Group-ის ლოგისტიკურ პლატფორმა Cainiao-სთან გააფორმა თანამშრომლობის შესახებ შეთანხმება, რაც მნიშვნელოვანი ნაბიჯია საქართველოს, როგორც რეგიონული ლოგისტიკური ჰაბის განვითარების მიმართულებით.ვახტანგ ცინცაძის შეფასებით, „საქართველოს ფოსტის“ საერთაშორისო კომპანიებთან თანამშრომლობა აფართოებს მის ბიზნესშესაძლებლობებს, რაც პოზიტიურად აისახება არა მხოლოდ საქართველოს ფოსტის შემოსავლებზე, არამედ, ზოგადად, ეს საშუალებას აძლევს სხვა ბიზნეს სუბიექტებს, დაამყარონ თანამშრომლობა „საქართველოს ფოსტასთან.“  როგორც მინისტრის მოადგილემ აღნიშნა, ყველა წინაპირობა არსებობს, რომ „საქართველოს ფოსტის“ და „ალიბაბა ჯგუფის“ თანამშრომლობა  წარმატებული იქნება, კიდევ უფრო გაფართოვდება და კომპანია თავის მომხმარებლებს არაერთ მნიშვნელოვან სერვისს შესთავაზებს.პროექტის მიხედვით, საქართველოში განხორციელდება საერთაშორისო გზავნილებისა და ტვირთების მიღება, დახარისხება, კონსოლიდაცია და შემდგომ, დანიშნულების ქვეყნებში ტრანსპორტირება.„საბოლოო ჯამში, ჩვენი მიზანია, რომ „საქართველოს ფოსტა“ გახდეს მომგებიანი კომპანია, რომელიც უზრუნველყოფს ერთი მხრივ, მომხმარებელთა კმაყოფილებას, მეორე მხრივ კი წვლილს შეიტანს საქართველოს, როგორც ლოგისტიკური ჰაბის განვითარებაში და ასევე უზრუნველყოფს შესაბამისი შემოსავლების გენერირებას“ - აღნიშნა მინისტრის მოადგილემ.

1784796754

როგორც მარიამ ქვრივიშვილმა აღნიშნა, სინგაპურის ჩანგის აეროპორტის ოპერატორი კომპანიის ინტერესი ინდუსტრიისთვის მნიშვნელოვანი სიგნალია.„ეს, რა თქმა უნდა, ძალიან მნიშვნელოვანი და პოზიტიური სიგნალია ჩვენი ქვეყნისთვის და საერთაშორისო საავიაციო ინდუსტრიისთვის, ყველა ინვესტორისთვის, რადგან ეს მკაფიოდ და ნათლად წარმოაჩენს ჩვენი ქვეყნის საავიაციო და საინვესტიციო პოტენციალს“, - განაცხადა მარიამ ქვრივიშვილმა.

1784796700

საქსტატის ცნობით, საცხოვრებელი უძრავი ქონების ფასების ინდექსის დაფარვა შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს, როგორც მრავალსართულიანი სახლების (ბინების), ისე კერძო სახლების სეგმენტებს.უწყების ანგარიშით, 2026 წლის მეორე კვარტალში, წინა კვარტალთან შედარებით, ფასების 0.9 პროცენტიანი ზრდა დაფიქსირდა როგორც საცხოვრებელი ბინების სეგმენტში, ისე კერძო სახლების სეგმენტში – 0.9 პროცენტიანი მატება.2025 წლის მეორე კვარტალთან შედარებით ფასების ზრდა დაფიქსირდა ორივე სეგმენტში – ბინებზე 4.8 პროცენტით, ხოლო კერძო სახლებზე 5.5 პროცენტით.რაც შეეხება 1 მ2 ფასს ბინების სეგმენტში, ყველაზე ძვირი მთაწმინდის რაიონია, სადაც 1მ2 ბინის ღირებულებამ 6 730 ლარი შეადგინა. შემდეგ მოდის ვაკე, სადაც 1მ2 ბინის ფასი 5 914 ლარია. კრწანისი – 4 630 ლარი; საბურთალოზე – 4 307 ლარი; დიდუბე – 4 184 ლარი; ისანი – 4 088 ლარი; ჩუღურეთში – 4 064 ლარი; ნაძალადევი – 4 038 ლარი; გლდანი – 3 867 ლარი; სამგორი – 3 680 ლარი.კერძო სახლების სეგმენტში კი 1მ2 ფასი ვაკეში 4 656 ლარია. მთაწმინდა – 4 409 ლარი; ჩუღურეთი – 3 524 ლარი; საბურთალო – 3 510 ლარი; დიდუბე – 3 477 ლარი; ისანი – 3 268 ლარი; სამგორი – 2 992 ლარი; კრწანისი – 2 926 ლარი; გლდანი – 2 811 ლარი; ნაძალადავი – 2 778 ლარი.

1784795836

ეკონომიკის მინისტრის თქმით,  საქართველოს დელეგაციის ვიზიტის ფარგლებში მნიშვნელოვანი შეხვედრები გაიმართა ქვეყნის ხელისუფლების უმაღლეს პირებთან - პრეზიდენტთან, პრემიერ-მინისტრთან და მთავრობის სხვა წარმომადგენლებთან.„განსაკუთრებული აქცენტი გაკეთდა ვაჭრობაზე - ვაჭრობის მინისტრთან შეხვედრისას, თუ როგორ უნდა მოხდეს ქვეყნებს შორის სავაჭრო-ეკონომიკური ურთიერთობების გაღრმავება. ცხადია, აქცენტი გაკეთდა ქართულ ღვინოზე, თუ რამხელა პოტენციალი აქვს ქართული ღვინის ექსპორტს სინგაპურში“, - აღნიშნა მარიამ ქვრივიშვილმა.ეკონომიკის მინისტრის თქმით, ვიზიტის ფარგლებში, სინგაპურის კერძო და საინვესტიციო სექტორთან შეხვედრისას ყურადღება გამახვილდა საქართველოს საინვესტიციო გარემოსა და პოტენციალზე.„კერძო სექტორის წარმომადგენლებს წარვუდგინეთ საქართველოს საინვესტიციო პოტენციალი, რამდენად ხელსაყრელი საინვესტიციო გარემოა ჩვენს ქვეყანაში და ვფიქრობთ, რომ ვიზიტის ფარგლებში გვექნება ძალიან კონკრეტული ხელშესახები შედეგები“, - განაცხადა მარიამ ქვრივიშვილმა.

1784792597

თბილისის საქალაქო სასამართლოში გრძელდება გახმაურებული ბიზნესდავის განხილვა. საუბარია "ბრიტანულ-ქართული აკადემიის" მინორიტარი აქციონერისა (30%) და ყოფილი დირექტორის, ნათია ჯანაშიას მიერ წამოწყებულ დავაზე მაჟორიტარი აქციონერის (70%), "საქართველოს განათლების ჯგუფის" ("საქართველოს კაპიტალის" შვილობილი) წინააღმდეგ.ნათია ჯანაშიამ ეს დავა 2024 წელს წამოიწყო. მხარეებს შორის რამდენიმე სასამართლო დავა მიმდინარეობს, როგორც სამოქალაქო, ისე სისხლის სამართლის მიმართულებით.2026 წლის 22 ივლისს, მოსამართლე ზვიად ესებუამ გამართა მორიგი მოსამზადებელი სხდომა საქმეზე, სადაც “საქართველოს განათლების ჯგუფი” ნათია ჯანაშიასა და დავით ცეცხლაძისთვის იმ თანხების დაკისრებას ითხოვს, რომელსაც წლების განმავლობაში “ბრიტანულ-ქართული აკადემია” არ იღებდა მათი შვილების და ნათესაურად მათთან დაკავშირებული სხვა მოწაფეების სწავლის ქირისგან გათავისუფლების გამო. ასევე იმ თანხების დაკისრებას, რომელსაც “აკადემია” იხდიდა მათი ოჯახის წევრების ჯანმრთელობის დაზღვევასა და სხვა და სხვა მიზნით მოგზაურობებში.მოსამზადებელ სხდომაზე დაიკითხა მოპასუხის (ნათია ჯანაშიას) მხარის მიერ გამოძახებული მოწმე, “საქართველოს კაპიტალის” პორტფელური კომპანიების დეპარტამენტის ხელმძღვანელი, რუსუდან არსენიშვილი.ნათია ჯანაშიას ადვოკატის მხრიდან დასმული კითხვები, ძირითადად ატარებდა ტექნიკურ შინაარსს და მოწმისგან ითხოვდა განმარტებებს, თუ დროის რა მონაკვეთიდან მოხდა ნათია ჯანაშიას იმ ელექტრონული მიმოწერაში გაწევრება, სადაც ფინანსური ანგარიშგებები “აკადემიიდან”, ყოველთვიურ ჭრილში, იგზავნებოდა დედა კომპანიაში. ასევე, ადვოკატი დასმულ კითხვებზე გაცემული პასუხებიდან იგებდა ინფორმაციას, თუ კონკრეტულად ვისგან იგზავნებოდა ფინანსური ანგარიშგებები, შემდგომ ვისთან და რა ფორმატით (კონსოლიდირებულად თუ ჩაშლილად) და კონკრეტულად რა შედიოდა მოწმის სამუშაო ვალდებულებებში.როგორც გაირკვა, წარდგენილი ანგარიშგებების ფორმა და ფორმატი ითხოვდა კონსოლიდირებულ ინფორმაციას და მათში არასდროს ყოფილა ჩაშლილი თუ კონკრეტულად რომელი მოწაფე იყო განთავისუფლებული გადასახადისგან და ასევე ის, თუ კონკრეტულად ვინ ფინანსდებოდა და რამდენით, სადაზღვევო პოლისების შეძენისას თუ საერთაშორისო მგზავრობებისას.მოწმე არსენიშვილმა ასევე უპასუხა “საქართველოს განათლების ჯგუფის” ადვოკატის შეკითხვას. ადვოკატმა იკითხა, - იმ შემთხვევაში, თუ მისთვის (მოწმისთვის) ცნობილი გახდებოდა, რომ დაზღვევით და საერთაშორისო მგზავრობის დაფინანსებით, “აკადემიის” რესურსიდან სარგებლობდნენ “აკადემიასთან” არადაკავშირებული პირები (იგულისხმებოდა ნათია ჯანაშიას ქმრის, დავით ცეცხლაძის მშობლები და სხვა პირები), შეატყობინებდა იგი თუ არა ამ სახის ინფორმაციას დედა კომპანიის მენეჯმენტს. მოწმე არსენიშვილის პასუხი ამ კითხვაზე დადებითი იყო. მან აღნიშნა, რომ მსგავსი ტიპის უჩვეულო ინფორმაციას ის აუცილებლად შეატყობინებდა მენეჯმენტს. თუმცა, იქვე აღნიშნა, რომ მსგავსი ფორმატით (ჩაშლილად), ამ ხასიათის ფინანსური ინფორმაცია არასოდეს მოთხოვნილა, რამდენადაც ფინანსური ანგარიშგება მსგავსი ტიპის ჩაშლას არ საჭიროებს.საინტერესო იყო ასევე, მოწმე არსენიშვილის პასუხი “საქართველოს განათლების ჯგუფის” ადვოკატის კითხვაზე იმის თაობაზე, თუ დაახლოებით რამდენ პროცენტს შეადგენს “ბრიტანულ ქართული აკადემიის” წილი “საქართველოს კაპიტალის” პორტფელური კომპანიების სრულ მოცულობასთან მიმართებით. მოწმემ უპასუხა, რომ ეს 1 (ერთი) %-მდეც არ იქნება.მოსამზადებელი სხდომა  ამით დასრულდა და გაგრძელდება 2026 წლის 22 სექტემბერს.აქვე აღვნიშნავთ, რომ რამდენადაც ჩვენთვის ცნობილი ხდება, სადავო თანხის ჯამური მოცულობა 1 მილიონ 800 000 ლარს აღწევს. სარჩელით ასევე მოთხოვნილი საპროცენტო სარგებელი ამ თანხაზე. კერძოდ, უცხოურ ვალუტაში არსებულ მოთხოვნაზე წლიური 2,47%, ხოლო ეროვნულ ვალუტაში არსებულ მოთხოვნაზე წლიური 8,22%

1784792092

ვიზიტის ფარგლებში დავით სონღულაშვილი საწარმოების ინფრასტრუქტურას, წარმოებისა და გადამუშავების პროცესს, თანამედროვე ტექნოლოგიებს, პროდუქციის შენახვის შესაძლებლობებსა და განვითარების სამომავლო გეგმებს გაეცნო. მინისტრი ასევე შეხვდა კომპანიების წარმომადგენლებს და მათთან ერთად სახელმწიფო მხარდაჭერის პროგრამების შედეგები და აგროსექტორის განვითარების პერსპექტივები განიხილა.„შიდა ქართლის რეგიონში სხვადასხვა მიმართულების არაერთი საწარმოს საქმიანობას გავეცანით. მსგავსი საწარმოები განსაკუთრებულად მნიშვნელოვანია, რადგან სწორედ ისინი ქმნიან ქვეყანაში სრულ ღირებულებათა ჯაჭვს. ჩვენი მიზანია, საქართველოში შეიქმნას ისეთი პროდუქცია, რომელიც, პირველ რიგში, ადგილობრივი ბაზრის მოთხოვნას დააკმაყოფილებს და ამასთანავე, ექნება მაღალი საექსპორტო პოტენციალი.განსაკუთრებით აღსანიშნავია, რომ ყველა საწარმო, რომელიც დღეს მოვინახულეთ, სოფლის განვითარების სააგენტოს მხარდაჭერით, მაღალი ხარისხის სტანდარტების შესაბამისად არის შექმნილი. ეს მათ კონკურენტუნარიანობას უზრუნველყოფს და ქართულ პროდუქციას, როგორც ხარისხის ნიშანს ამკვიდრებს  მსოფლიოში“, - აღნიშნა დავით სონღულაშვილმა.

1784791102