„წყალტუბო“ 2,6 მილიონად გაიყიდა

გამოჩნდი! - კამპანიის ფარგლებში შექმნილი ვიდეორგოლიც მოტოციკლისტებზეა, მათი ცხოვრების სტილსა და ფილოსოფიაზე, მათ საყვარელ ადგილებსა და თავგადასავლებზე.„ინდიანის“ მოტოციკლეტებს საქართველოში „თეგეტა ჰოლდინგთან“ დაკავშირებული კომპანია - „ავტო გალერი“ წარმოადგენს. უძველესი ამერიკული მოტომწარმოებლის შესახებ ვიდეორგოლი „ავტო გალერის“ მარკეტინგის გუნდმა კრეატიულ სააგენტო Quick-თან და  ADHD production-თან ერთად გადაიღო.ლუკა ლეკვეიშვილი, „ავტო გალერის“ მარკეტინგის მენეჯერი: „ზაფხული, თბილი სეზონი მოტოციკლისტების საყვარელი დროა. სწორედ ახლა იწყება გრძელ გზებზე ხანგრძლივი მოგზაურობა. ამიტომ „ინდიანის“ მარკეტინგული კამპანიაც სწორედ ახლა დავიწყეთ. ვიდეორგოლის იდეის დამუშავებისა და შექმნის პროცესში დიდი გუნდი იყო ჩართული. მუშაობის ყველა ეტაპი საინტერესო აღმოჩნდა. სანამ ვიდეორგოლის  სცენარი დაიწერებოდა, დაახლოებით 20-მდე  მოტოციკლისტს გავესაუბრეთ, დეტალურად გამოვკითხეთ მათი ცხოვრების სტილის შესახებ. სწორედ შეგროვებული  საინტერესო ინფორმაცია დაგვეხმარა ვიდეორგოლზე მუშაობის პროცესში. ვიდეოს მთავარი გზავნილია - „გამოჩნდი“! ამ ერთსიტყვიანი, მარტივი გზავნილით აუდიტორიისთვის გვინდოდა გვეთქვა: გელოდებით, გამოჩნდი, შენი ადგილი აქაა.გვსურდა, ვიდეოს თითოეულ კადრს მნახველში გაეღვიძებინა ის გრძნობა და სენტიმენტები, რაც მოტოციკლეტის ფლობას, მოტოციკლისტების გაერთიანებაში ყოფნას, ურთიერთობებს უკავშირდება. მოხარულები ვართ, რომ რგოლს პოზიტიური გამოხმაურება მოჰყვა. ვიდეოში ავსახეთ ამერიკული კულტურის დეტალები, რადგან „ინდიანი“ პირველი ამერიკული მოტომწარმოებელი ბრენდია“.„Indian Motorcycle“ ამერიკაში პირველი და მსოფლიოში ერთ-ერთი უძველესი ბრენდია, რომელიც მოტოციკლეტებს 1901 წლიდან აწარმოებს. ამერიკული პრემიუმ კლასის მოტოციკლეტები საქართველოში „ავტო გალერიმ“ 2024 წელს შემოიყვანა. კომპანიის შოურუმში „ინდიანი“, ძირითადად, Cruiser-ის კატეგორიის მოტოციკლებითაა წარმოდგენილი. მთავარი გზავნილით - „გამოჩნდი“ კომპანიამ გადაწყვიტა, ფართო საზოგადოებას უფრო ახლოს გააცნოს ბრენდი, რომელსაც მოტოციკლისტები და, ზოგადად, მოტოს მოყვარულები ისედაც კარგად იცნობენ.გოჩა ვანაძე, Quick-ის კრეატიული დირექტორი: „მოტომოყვარულთა, ანუ ორბორბლიანი ტრანსპორტის მოყვარულთა, საზოგადოება საქართველოში ჩაკეტილ წრედ აღიქმება. ვიდეორგოლით გვინდოდა გვეჩვენებინა, რომ სინამდვილეში მოტომოყვარულები ერთმანეთისგან განსხვავებული ადამიანები არიან, აქვთ მრავალფეროვანი მისწრაფება. ამ მრავალფეროვნებაში კი ყველამ შეიძლება იპოვოს საკუთარი ადგილი. ეს სივრცე ყველასთვისაა, ვისაც უყვარს მოგზაურობა, ან უბრალოდ ახალ გამოცდილებას ეძებს.„გამოჩნდიც“ ნიშნავს, რომ შენთვის ამ სივრცეში ადგილი თავისუფალია. რაც შეეხება „ინდიანს“, ის მოტომოყვარულების საყვარელი ბრენდია. თუ გიყვარს მოტო, გიყვარს შორ მანძილზე მოგზაურობა და აუცილებლად გიყვარს „ინდიანიც“.გიორგი შაკაია, ADHD production-ის რეჟისორი: „ძალიან სასიამოვნო აღმოჩნდა ამ პროექტზე მუშაობა. მეც მოტოთი დავდივარ, შესაბამისად, ჩემთვის არ იყო რთული, მოტომოყვარულების თვალით შემეხედა შემოქმედებითი პროცესისთვის, მეჩვენებინა მათი ცხოვრების სტილი, სპეციფიკა და იმ ადამიანებისთვის, რომლებსაც სურვილი აქვთ, გადმოსხდნენ  მოტოციკლეტზე, გამეძლიერებინა მოტივაცია. „ინდიანი“ ძველი ამერიკული ბრენდია, რომელიც ერთდროულად ზედმიწევნით ტრადიციულიცაა და ძალიან ახალგაზრდულიც. ეს სინთეზი მას განსაკუთრებულს ხდის. მე, როგორც მოტომოყვარული, ვამბობ, რომ, ხარისხთან ერთად, განსაკუთრებულია „ინდიანის“  დიზაინიც. როცა „ინდიანით“ მოგზაურობ, აუცილებლად ყურადღების ცენტრში ხარ“.„ინდიანის“ საიმიჯო ვიდეორგოლის კონცეფციას „ავტო გალერი“ ფოტოკონტენტით გააგრძელებს. საქართველოში ბრენდის ცნობადობის გაზრდისკენ მიმართული კამპანია ვიდეორგოლის ხასიათსა და ესთეტიკას ფოტოსესიაში, სავარაუდოდ, არ გაიმეორებს, თუმცა გზავნილი უცვლელი იქნება.„გამოჩნდი!“ 

1750161900

„ხშირად ისმის კითხვა: თუ პასი იკლებს მას სჭირდება ჩვენი შეფასებებით 2კვირიდან 6 კვირამდე პერიოდი, რომ აისახოს იმპორტის თვითღირებულებაზე და საცალო ფასზე, თუმცა ფასის ზრდის შემთხვევაში კომპანიები მყისიერად და ძალიან მოკლე დროში ახდენენ რეაგირებას. ეს სავარაუდოდ რისკების დაზღვევას უკავშირდება. იმიტომ, რომ მათ დღევანდელი მიღებული შემოსავლით უხდებათ შემდეგი თვის მარაგების შესყიდვა, გაძვირებულის. ამიტომ ხშირ შემთხვევაში ხდება ხოლმე ასე, რომ მსხვილი ქსელები უფრო სწრაფად რეაგირებენ“, - აღნიშნა კომიტეტზე სიტყვით გამოსვლისას ირაკლი ლექვინაძემ.ქსელების მხრიდან აღნიშნულ ქმედებას არ ეთანხმება დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, რომელმაც აღნიშნა, რომ ასეთ დროს კომპანიებს უნდა ჰქონდეთ იმის რესურსი, რომ შესყიდვა განახორციელონ და ეს მოსახლეობის ხარჯზე არ მოახდინონ.„ამისთვის სამუშაო კაპიტალი არსებობს და ეს უნდა ჰქონდეთ დიდ კომპანიებს და მომხმარებლის ხარჯზე არ უნდა ხდებოდეს“, - აღნიშნა შოთა ბერეკაშვილმა.ირაკლი ლექვინაძემ კომიტეტზე ასევე ისაუბრა იმაზეც, რომ აღმოსავლეთში განვითარებული მოვლენების ფონზე ნავთობპროდუქტების საერთაშორისო ფასები გაზრდილია.„მიმდინარე წელს გვქონდა ძალიან პოზიტიური დინამიკა საწვავის ფასების კუთხით. ეს უკავშირდებოდა განსაკუთრებით მსოფლიო ბაზარზე ფასების კლების დინამიკას. თებერვლიდან 1-ელ ივნისამდე დაახლოებით 11-12%-იანი კლება გვქონდა, პლაცის მონაცემებს თუ დავეყრდნობით და ასევე 15%-იანი კლება ბრენდის ტიპის ნავთობზე. კურსიც აჩვენებდა ძალიან პოზიტიურ დინამიკას და დაახლოებით 2,5-3%-იანი გამყარების ტენდენცია გაქვს თებერვლიდან დღემდე. ეს აისახა კიდეც აპრილში, პირველ რიგში მცირე ქსელებზე, რადგანაც ისინი უფრო სწრაფად რეაგირებენ მსოფლიო ფასების დინამიკაზე, იმიტომ, რომ მარაგები ნაკლები აქვთ და უცებ ახდენენ რეაგირებას. და მაისიდან უკვე მსხვილ ქსელებზეც აისახა. ჩვენ თუ ვნახავთ 20 აპრილიდან დღემდე დაახლოებით 17-25 თეთრის ფარგლებშია მსხვილ ქსელებში ყველა ტიპის ბენზინზე კლების ტენდენცია და დაახლოებით 20-27 თეთრის ფარგლებშია დიზელის ტიპის საწვავზე კლების ტენდენცია. თუმცა კლების ტენდენცია ირან-ისრაელის ომის შემდეგ გარკვეულწილად შეიცვალა. თუ დღევანდელ პლაცს შევხედავთ თითქმის დაუბრუნდა თებერვლის მაჩვენებელს. დაახლოებით 739 დოლარის ფარგლებში“, - აღნიშნა საქართველოს კონკურენციისა და მომხმარებლის დაცვის სააგენტოს თავმჯდომარემ. 

1750161787

საქართველო, სადაც ბოლო წლებში მნიშვნელოვანი ნაბიჯები გადაიდგა კაპიტალის ბაზრის განვითარებისკენ, შეიძლება უკვე მივიჩნიოთ ამ მიმართულებით  რეგიონის ერთ-ერთ წამყვან მოთამაშედ. ერთ-ერთი ყველაზე მნიშვნელოვანი ინიციატივა ამ პროცესში გალტ & თაგარტის მიერ ევროპის რეკონსტრუქციისა და განვითარების ბანკთან (EBRD) და ევროკავშირთან (EU) თანამშრომლობით განხორციელებული კაპიტალის ბაზრის მხარდაჭერის პროგრამა იყო. მისი წარმატების ფონზე, პროგრამის მასშტაბები გაფართოვდა – დღეს გალტ & თაგარტი იმავე პროგრამას სომხეთში ადგილობრივ პარტნიორ Ameria Management Advisory-სთან ერთად ახორციელებს.ინტერვიუში გალტ & თაგარტის საკონსულტაციო სამსახურის უფროსიურგვიამბობს სომხეთში მიმდინარე პროგრამის მიზნებსა და სტრუქტურაზე, დაგროვებულ გამოცდილებაზე, სომხური ბაზრის თავისებურებებსა და იმ შესაძლებლობებზე, რასაც ეს ინიციატივა ნიციატი კომპანიებს.გვიამბეთ სომხეთში კაპიტალის ბაზრის მხარდაჭერის პროგრამისა და მისი ძირითადი მიზნების შესახებ.პირველ რიგში, მოხარულები ვართ, რომ კაპიტალის ბაზრის მხარდაჭერის პროგრამის ფარგლებში კიდევ ერთხელ მოგვეცა შესაძლებლობა, ვითანამშრომლოთ ევროკავშირთან (EU) და ევროპის რეკონსტრუქციის და განვითარების ბანკთან (EBRD), რომლებიც პროექტის ინიციატორები და მხარდამჭერები არინ. სომხეთში კაპიტალის ბაზრის მხარდაჭერის პროგრამის განხორციელების ერთ-ერთი მიზეზი ისიცაა, რომ მსგავსი პროგრამა საკმაოდ წარმატებული აღმოჩნდა საქართველოში. პროგრამას ვახორციელებთ ჩვენ- გალტ & თაგარტი, სომხეთში ჩვენ პარტნიორთან, Ameria Management Advisory-სთან ერთად. პროგრამის მთავარი მიზანი სომხეთის კაპიტალის ბაზრის განვითარების ხელშეწყობა და შესაბამისად, ბაზარზე ალტერნატიული დაფინანსების წყაროების ხელმისაწვდომობის ზრდაა. ეს კი ადგილობრივი კომპანიებისთვის  ემისიის ხარჯების თანა-დაფინანსების, გამოცდილების გაზიარებისა და სხვადასხვა საკონსულტაციო მომსახურების გაწევის გზით არის შესაძლებელი.რა როლს ასრულებს Galt & Taggart ამ ინიციატივაში და რამდენად საინტერესოა თქვენთვის გამოცდილების გაზიარების პროცესი რეგიონული მასშტაბით?ჩვენი როლი ბაზრის გაანალიზება, შესაბამისი ხელშემწყობი პროგრამის შემუშავება, განხორციელება და ადგილობრივი კომპანიებისთვის მათზე მორგებული საკონსულტაციო მომსახურების გაწევაა. ბუნებრივია, ძალიან საინტერესოა Ameria Management Advisory-სთან კოლაბორაცია და ერთმანეთისთვის გამოცდილების გაზიარება - სომხეთის კაპიტალის ბაზრისა და ზოგადად, კორპორატიული სექტორის ნიუანსების გაანალიზება და საქართველოს ბაზართან შედარება. ბოლო წლების განმავლობაში, მნიშვნელოვნად გაიზარდა ეკონომიკური კავშირების მასშტაბი და ხარისხი საქართველოსა და სომხეთს შორის. იმედი გვაქვს, რომ კაპიტალის ბაზრის მხარდაჭერის პროგრამაში ჩართულობა კიდევ უფრო  გააღრმავებს ცოდნას და  ქვეყნებს შორის ინფორმაციის გაცვლის მასშტაბებს გაზრდის.ეს პროგრამა წარმატებით განხორციელდა საქართველოში. რა იყო ის ძირითადი გამოცდილება, რომელსაც სომხეთში პროგრამის განხორციელებისას მხედველობაში მიიღებთ?პროგრამა განხორციელებისას ფასდაუდებელი გამოცდილება მივიღეთ, რასაც ახლა აქტიურად ვიყენებთ სომხეთში. საქართველოში ამ პროგრამაში მონაწილე კომპანიების უმეტესობა პირველად გამოჩნდა კაპიტალის ბაზარზე. რამდენიმე კომპანიამ კი იმ მომენტისთვის ინოვაციური - მწვანე და სოციალური (ESG) კომპონენტის მქონე ფასიანი ქაღალდები განათავსა. პროგრამაში მონაწილეობის სურვილი იმ მომენტისთვის კაპიტალის ბაზრის მონაწილე კომპანიების რაოდენობაზე ორჯერ მეტმა კომპანიამ გამოთქვა. მიუხედავად დიდი დაინტერესებისა, ვფიქრობთ, ბაზრის მონაწილეებთან ეფექტური კომუნიკაციით  კიდევ უფრო ფართო მასშტაბზე გასვლა შესაძლებელია.რა გამოწვევების წინაშე დგანან სომხური კომპანიები ამჟამად კაპიტალის ბაზრებზე წვდომისას და როგორ დაეხმარება ეს ინიციატივა მათ ამ გამოწვევების გამკლავებაში?მიუხედავად იმისა, რომ საქართველოს და სომხეთის ეკონომიკები ზომით საკმაოდ მსგავსია, კაპიტალის ბაზარი საქართველოში შეიძლება ითქვას, რომ უფრო განვითარებულია. შესაბამისად, პროექტის ერთ-ერთი მიზანი სწორედ იმ სარგებლის და უპირატესობების გაზიარებაა, რაც შესაძლოა კაპიტალის ბაზრებმა სომხურ კომპანიებს მოუტანოს. პროექტის პირველი ეტაპი სწორედ ბაზრის გამოწვევების ანალიზს მოიცავდა, რომლის დროსაც განხორციელდა როგორც სომხური კომპანიების ფინანსური ანალიზი, ისე ინტერვიუების გზით მათი გამოკითხვა. ამ კუთხით საქართველოსა და სომხეთს შორის ძალიან დიდი სხვაობა არაა. ერთ-ერთ მთავარ გამოწვევებს იქაც ინფორმაციის ნაკლებობა, ტრადიციული დაფინანსების გზების ხელმისაწვდომობა, ბაზრის მცირე ზომა და ფასიანი ქაღალდის გამოშვებასთან დაკავშირებული ხარჯები წარმოადგენენ. რა თქმა უნდა ყველა გამოწვევას 1.5 წლიანი პროგრამის ფარგლებში ვერ გავუმკლავდებით, თუმცა, ვფიქრობთ რომ პროგრამის საგანმანათლებლო და თანადაფინანსების სქემები ბაზარზე აქტივობას მნიშვნელოვნად წაახალისებს.რა ეტაპზეა ახლა პროგრამა და რა იქნება შემდეგი ნაბიჯები?პროგრამა საწყის, ბაზრის კვლევისა და პროგრამის სტრუქტურის შემუშავების ფაზაშია. 29 მაისს ჩატარდა პირველი საგანმანათლებლო აქტივობა, სადაც პოტენციურ ემიტენტებს კაპიტალის ბაზარზე, ბაზრის ინსტრუმენტებზე მივაწოდეთ ინფორმაცია და ადგილობრივი წარმატებული ემიტენტებმა მათ გამოცდილება გაუზიარეს. ასევე 9 ივნისს დაიწყო  თანადაფინანსების სქემაში მონაწილეების მსურველების განაცხადების მიღება და შედეგად, წლის მეორე ნახევარში მეტ აქტივობას ველოდებით.მოსალოდნელია თუ არა მსგავსი ინიციატივის განხორციელება რეგიონში სხვა ბაზრებზე?პროგრამა საქართველოშიც და სომხეთშიც სრულად ERBD-სა და EU-ის ინიციატივითა და დაფინანსებით განხორციელდა. იმედი გვაქვს, რომ სომხეთში კიდევ უფრო წარმატებით განვახორციელებთ პროგრამას და მოხარული ვიქნებით, თუ EBRD-სა და EU-ს მხარდაჭერით სხვა ბაზრებისთვისაც გვექნება გამოცდილების გაზიარების შესაძლებლობა.

1750161659

„ლიმონათი ბორჯომისგან“ - Limonati by Borjomi 2024 წელს გამოჩნდა და მალევე მოიპოვა მომხმარებლის სიყვარული როგორც საქართველოში, ისე - საექსპორტო ბაზრებზე. „ბორჯომისთვის“ როგორც 135-წლიანი ისტორიის მქონე ბრენდისთვის, ლიმონათის ხაზის შექმნა ალუმინის ქილებში იყო პირველი, მნიშვნელოვანი ინოვაციური ნაბიჯი, რომელმაც მსოფლიოს 15-ზე მეტ ქვეყანაში წარმატებით დაიმკვიდრა ადგილი.ივანე მაჭავარიანი, კომპანია IDS ბორჯომი საქართველოს გენერალური დირექტორი:„ტკბილი გაზიანი სასმელების ბაზარზე შესვლა განსაკუთრებით ასეთ კონკურენტულ გარემოში ჩვენთვის საინტერესო გამოწვევა იყო, რომელსაც ღირსეულად გავართვით თავი. დღეს ჩვენი მიზანი ამ უნიკალური პროდუქტის ახალ ეტაპზე და სიმაღლეზე აყვანაა, პრემიუმ შუშის შეფუთვაც სწორედ ამას ემსახურება. უნიკალური ბუნებრივი შემადგენლობა ნამდვილად გამოარჩევს ამ პროდუქტს და განსაკუთრებით გვიხარია, რომ „ლიმონათი ბორჯომისგან“ ერთნაირად წარმატებით არის წარმოდგენილი, როგორც საქართველოს ისე საექსპორტო ბაზრებზე — რაც ბრენდის განვითარებისთვის კიდევ ერთი მნიშვნელოვანი ნაბიჯია.“„ლიმონათი ბორჯომისგან“ დამზადებულია 100% ნატურალური ინგრედიენტებისგან, „ბორჯომის“ მინერალური წყლის და ნატურალური ქართული ხილის წვენისგან. პროდუქტი არ შეიცავს ხელოვნურ დანამატებსა და კონსერვანტებს.  წარმოდგენილია ოთხ გემოში: მსხალი, აჭარული მანდარინი, ტარხუნა, ციტრუსი.შეფუთვის დიზაინზე იტალიურმა ბრენდინგ სააგენტომ იმუშავა. შუშის ბოთლის ეტიკეტი ვიზუალურად იმეორებს ქილის შეფუთვას და ქართული არქიტექტურისთვის დამახასიათებელ ორნამენტთან ერთად, ბორჯომის ხეობას, მინერალურ წყალს და ბრენდის სიმბოლოს - ირემს, ოვალის ფორმის გამოსახულებაში აერთიანებს.„ლიმონათი ბორჯომისგან“ იწარმოება ბორჯომის ჩამომსხმელ N2 ქარხანაში და წარმოდგენილი იქნება როგორც საქართველოს ბაზარზე, ასევე ევროპისა და ცენტრალური აზიის ქვეყნებში. 

1750161416

მოსმენაზე სააგენტოს თავმჯდომარემ მიმოიხილა კონკურენციის პოლიტიკის გაძლიერების მიმართულებით განხორციელებული აქტივობები, მომხმარებლის უფლებების დაცვის მექანიზმები და მიღებული სტანდარტები, ანტიდემპინგური ღონისძიებები და მიმდინარე პროექტები. მისი თქმით, სააგენტო აქტიურად მუშაობს ბაზარზე სამართლიანი კონკურენციისა და მომხმარებელთა ინტერესების დაცვის მიმართულებით. 2024 წელს, სააგენტომ 18 კონცენტრაციაზე გასცა თანხმობა. ეს მაჩვენებელი ტოლია 2020–2023 წლებში გაცემული თანხმობების ჯამური რაოდენობის. გაერთიანებების უმეტესობა FMCG, მშენებლობისა და წარმოების სექტორებში დაფიქსირდა. GCCA-მ ასევე დაასრულა ორი მნიშვნელოვანი მოკვლევა: ერთში გამოვლინდა არაკეთილსინდისიერი კონკურენცია, მეორეში — ონლაინ სერვისების ბაზარზე რეკომენდაციები გაიცა.ირაკლი ლექვინაძემ ყურადღება გაამახვილა ბაზრების მონიტორინგზეც. მისი განმარტებით, დასრულდა თხილისა და ლურჯი მოცვის საექსპორტო ბაზრების ანალიზი, მიმდინარე წელს დაიწყო პესტიციდების და აგროქიმიკატების, ასევე კომპიუტერული ტექნიკის რეალიზაციის ბაზრის შეფასებები.  კომიტეტზე წარმოდგენილი იქნა საავტომობილო საწვავის და FMCG - ის ბაზრის შუალედური შედეგები. ანტიდემპინგურ ღონისძიებებზე საუბრისას მან აღნიშნა, რომ ერთი საქმის მორიგებით დასრულება შესაძლებელი გახდა იმპორტიორების მხრიდან სამართლიანი ფასების შეთავაზების შედეგად. პარალელურად, მიმდინარეობს ფოლადის პროდუქციის (რუსეთიდან და ირანიდან) შესაძლო დემპინგური იმპორტის ანალიზი.მისი თქმით, მომხმარებლის უფლებების დაცვის ეროვნული სტრატეგიის ფარგლებში, მომზადდა ფასების მითითების სახელმძღვანელო და ადაპტირებული მასალები შშმ პირებისთვის. აქტიურად მიმდინარეობს ინფორმირების კამპანია ეთნიკური უმცირესობებისა და რეგიონში მცხოვრები მომხმარებლების მიმართულებით. გაზრდილია მომხმარებლების მხრიდან მომართვიანობა და 2024 წელს 2023 წელთან შედარებით გაორმაგებულია. მომხმარებლებმა კი GCCA-ის ჩართულობით 1 მლნ. ლარზე მეტის სარგებლის მიღება შეძლეს.საერთაშორისო პარტნიორობასთან დაკავშირებით ლექვინაძემ აღნიშნა, რომ მსოფლიო ბანკმა და კონკურენციის საერთაშორისო ქსელმა (ICN) GCCA-ის ორი გადაწყვეტილება, მათ შორის ფარმაციის შესახებ საუკეთესოდ შეაფასეს. ასევე, საქართველო 2026–2027 წლებში უხელმძღვანელებს მომხმარებელთა დაცვისა და აღსრულების საერთაშორისო ქსელს (ICPEN) და უმასპინძლებს მაღალი დონის საერთაშორისო კონფერენციას.საკომიტეტო მოსმენას პარლამენტის წევრები და GCCA-ის  წარმომადგენლები ესწრებოდნენ.ინფორმაციას GCCA ავრცელებს.

1750161089

შეხვედრის ფარგლებში გაიმართა მსჯელობა „ენერგეტიკისა და წყალმომარაგების შესახებ“ საქართველოს კანონში შესულ ცვლილებებსა და შესაბამისად სემეკის მიერ შემუშავებული ნორმატიული აქტის პროექტზე,  რომელიც შეეხება ელექტროენერგიის გამანაწილებელ ქსელზე მიერთებული მიკროსიმძლავრის ელექტროსადგურების ნეტო აღრიცხვის სისტემიდან ნეტო დარიცხვის სისტემაზე გადასვლის ვალდებულებას.ნეტო აღრიცხვის სისტემიდან ნეტო დარიცხვის სისტემაზე გადასვლას ითვალისწინებს ევროპის მეოთხე ენერგეტიკული პაკეტი, რომლის განხორციელების ვალდებულება განპირობებულია ასოცირების შესახებ შეთანხმებით და ენერგეტიკული გაერთიანების (Energy Community) დამფუძნებელ ხელშეკრულებასთან საქართველოს მიერთების ოქმით.შიდა ბაზრების დირექტივა (Directive (EU)2019/944) ითვალისწინებს ნეტო აღრიცხვიდან ნეტო დარიცხვაზე გადასვლის ვალდებულებას 2027 წლის პირველი იანვრიდან. შესაბამისად, სემეკს მიეცა უფლებამოსილება 2027 წლის 1 იანვრიდან დაადგინოს ახალი მექანიზმი. „ენერგეტიკისა და წყალმომარაგების შესახებ“ საქართველოს კანონით ასევე  განისაზღვრა, თუ რა პერიოდით ისარგებლებენ 2027 წლის 1 იანვრამდე გამანაწილებელ ქსელზე მიერთებული მიკროსიმძლავრის ელექტროსადგურები ნეტო აღრიცხვის სქემით.ენერგეტიკული გაერთიანების მიერ სემეკისთვის მოცემული რეკომენდაციებისა და განმარტების შესაბამისად, ნეტო აღრიცხვისგან განსხვავებით, რომელიც მომხმარებლებს აძლევს შესაძლებლობას გამოიყენონ ქსელში გადაცემული ჭარბი ელექტროენერგია მომავალი მოხმარებისთვის, ნეტო დარიცხვა გულისხმობს ქსელში მიწოდებული და მოხმარებული ელექტროენერგიის ცალ-ცალკე აღრიცხვას. ნეტო დარიცხვის დროს, აქტიური მომხმარებლის მიერ ქსელში მიწოდებული ჭარბი ელექტროენერგია ფინანსურად ანაზღაურდება და კვტ/სთ ელექტროენერგია არ შეინახება კრედიტად მომავალი გამოყენებისთვის. ეს ნიშნავს, რომ აქტიური მომხმარებელი იღებს ანაზღაურებას გამომუშავებული და ქსელში მიწოდებული ელექტროენერგიისთვის და ამასთანავე იხდის ქსელიდან მოხმარებული ელექტროენერგიის ღირებულებას, როგორც ნებისმიერი სხვა საბოლოო მომხმარებელი. 

1750159831