ონლაინ ვებინარი | ინოვაციური B2B პლატფორმა ProConnect პროკრედიტისგან

დაგეგმილი სამუშაოების დასრულების შედეგად, მნიშვნელოვნად გაიზრდება არხის გამტარუნარიანობა, რაც ხელს შეუწყობს სარწყავი წყლის შეუფერხებლად მიწოდებას. აღნიშნული არხით სარგებლობს 30 ჰექტარ ფართობზე განთავსებული, როგორც საკარმიდამო ნაკვეთები, ასევე სასოფლო-სამეურნეო დანიშნულების სავარგულები.სამუშაოები მიმდინარე თვეში დაიწყო და 15 მარტს დასრულდება.პროექტის განხორციელება მნიშვნელოვანია ადგილობრივი მოსახლეობისა და ფერმერებისთვის, რადგან არხებში გაზრდილი გამტარუნარიანობა და სისტემის გამართულობა ხელს შეუწყობს მიწის ეფექტიან დამუშავებას და მოსავლიანობის ზრდას.

1771320465

ახალი საგანმანათლებლო ინიციატივა „Hello Tech გოგოებისთვის“  მიზნად ისახავს 15-25 წლის ასაკის გოგოებისთვის ტექნოლოგიების სფეროში საბაზისო ცოდნის მიწოდებას და მათთვის პრაქტიკული გამოცდილებების გაზიარებას.ერთდღიანი ფიზიკური ტრენინგის ფორმატში მონაწილეები გაეცნობიან ტექნოლოგიების მნიშვნელობას თანამედროვე სამყაროში, სხვადასხვა ტექნოლოგიურ პროფესიასა და სწავლის დაწყების გზებს. პროგრამა, ასევე მოიცავს ხელოვნური ინტელექტის შესაძლებლობების გაცნობას, მის პრაქტიკულ გამოყენებას სამუშაო პროცესში, AI-ს პასუხისმგებლიან მოხმარებასა და კიბერუსაფრთხოების საკითხებს.ტრენინგის ერთ-ერთი მთავარი ნაწილი AI-ის გამოყენებით კარიერული განვითარების ინსტრუმენტებს დაეთმობა. მონაწილეები მიიღებენ ინფორმაციას ეფექტური CV-ის, სამოტივაციო წერილისა და LinkedIn პროფილის შექმნის შესახებ.ტრენინგებს გაუძღვებიან წამყვანი პროფესიონალები თიბისის ტექ და AI მიმართულებებიდან, რომლებიც მონაწილეებს საკუთარ განვლილ გზასა და რეალურ გამოცდილებებს გაუზიარებენ.„Hello Tech გოგოებისთვის“ გაიმართება ფიზიკურ ფორმატში: გორი - 23 თებერვალი | 10:00 - 18:00 ოზურგეთი - 24 თებერვალი | 10:00 - 18:00 თელავი - 26 თებერვალი | 10:00 - 18:00 ტრენინგებზე რეგისტრაცია გრძელდება 20 თებერვლამდე. რეგისტრაციისთვის და დამატებით ინფორმაციისთვის გადადგით ბმულზე: Hello Tech გოგოებისთვისაღნიშნული პროექტით თიბისი კიდევ ერთხელ უსვამს ხაზს ტექნოლოგიური განათლების ხელმისაწვდომობის ზრდის მნიშვნელობას რეგიონებში და ხელს უწყობს გოგოების ჩართულობას ამ სფეროში.

1771320084

ამის შესახებ The Guardian იტყობინება.შეხვედრა, რომელსაც Barclays UK-ის აღმასრულებელი დირექტორი ვიმ მარუ უძღვებოდა, ქალაქის უმსხვილესი ბანკების ინიციატივით გაიმართა. ისინი დააფინანსებენ ახალ ოპერატორს, DeliveryCo-ს. პროექტში ასევე მონაწილეობდნენ Santander UK, NatWest, Lloyds, Nationwide და Link network. ინგლისის ბანკი ტექნიკურ საფუძველს მომავალი წლისთვის მოამზადებს, ხოლო გაშვება 2030 წლისთვის არის მოსალოდნელი.შეხვედრა გამოწვეული იყო ამერიკული სისტემების პოტენციური შეფერხების შესახებ შეშფოთებით: ქვეყანაში ბარათით ტრანზაქციების დაახლოებით 95% Visa-სა და Mastercard-ის მეშვეობით მუშავდება. რისკების მაგალითად მოყვანილია რუსეთის გამოცდილება, სადაც სანქციებმა ბარათებით მომსახურების შეფერხებები გამოიწვია.ადრე, ევროპული გადახდების ინიციატივის ხელმძღვანელმა, მარტინა ვაიმერტმა, მოუწოდა ერთიანი ევროპული სისტემის შექმნის დაჩქარებისა და შეერთებულ შტატებზე დამოკიდებულების შემცირებისკენ.

1771318824

2025 წლის მეოთხე კვარტალის მაჩვენებლებით, მიკროსაფინანსო ორგანიზაციების მიერ გაცემული სესხების მოცულობა 1. 893 მილიარდი  ლარი  იყო. 2024 წლის ანალოგიურ პერიოდში კი ეს მაჩვენებელი 1. 970 მილიარდ ლარს აჭარბებდა.მისოების მიერ გაცემული სესხების ძირითადი ნაწილი კვლავ  ფიზიკურ პირებზე მოდის. გასული წლის მეოთხე კვარტლის მდგომარეობით, ჯამურად ფიზიკურ პირებზე 1.871 მილიარდი ლარის სესხებია გაცემული. იურიდიული პირებზე გაცემული კრედიტების მოცულობა კი 21 მილიონს შეადგენს.ეროვნული ბანკის ინფორმაციით, 2025 წლის მეოთხე კვარტლის მონაცემებით  ბაზარზე 29 მიკროსაფინანსო ორგანიზაცია ოპერირებს. ბაზრიდან ორი მსხვილი მიკროსაფინანსო ორგანიზაციის (MBC-ისა და "კრისტალის) მიკრობანკად გარდაქმნის შემდეგ, მისოების საკრედიტო პორტფელი  წლიურად 77 მილიონი ლარითაა შემცირებული. 

1771317966

ორდღიან ფორუმზე განხილული იქნება სექტორისთვის ისეთი მნიშვნელოვანი საკითხები, როგორებიცაა: შუა კორიდორის სტრატეგიული მნიშვნელობა, ზანგეზურის მარშრუტის განვითარება, სექტორის გამოწვევები, ინვესტიციების მოზიდვის შესაძლებლობები და ციფრული ლოგისტიკის განვითარების დინამიკა.ლოგისტიკის სექტორი საქართველოს ეკონომიკის ერთ-ერთი სტრატეგიული მიმართულებაა. გეოგრაფიული მდებარეობა ქვეყანას ევროპასა და აზიას შორის მნიშვნელოვან დამაკავშირებელ რგოლად აქცევს, რაც ზრდის სატრანზიტო პოტენციალს და პირდაპირ აისახება ეკონომიკურ აქტივობაზე. სექტორის წილი მშპ-ში 6%-ს აღემატება და ბოლო წლებში სტაბილური ზრდით გამოირჩევა.“თიბისისთვის ლოგისტიკა მნიშვნელოვან სტრატეგიულ მიმართულებას წარმოადგენს - სექტორი აერთიანებს ბიზნესებს, რომლებიც მუშაობენ ექსპორტზე, უზრუნველყოფენ იმპორტს და აძლიერებენ საქართველოს როლს რეგიონულ ვაჭრობაში. მსგავსი ღონისძიებების მხარდაჭერით, ვქმნით პლატფორმას დიალოგისთვის, გამოცდილების გაზიარებისა და ახალი პარტნიორობებისთვის, რაც სექტორის მდგრად და გრძელვადიან განვითარებას უწყობს ხელს. როგორც ფინანსური პარტნიორი, აქტიურად ვუჭერთ მხარს ჩვენს კლიენტებს ინფრასტრუქტურულ პროექტებში, ბიზნესის გაფართოებასა და თანამედროვე ტექნოლოგიების დანერგვაში. შედეგად, თიბისის პორტფელი ლოგისტიკის სექტორში ბოლო 3 წელში 74%-ით გაიზარდა და 436 მილიონ ლარს შეადგენს”, - გიორგი დარჩიაშვილი, თიბისის მსხვილი და საშუალო კორპორატიული კლიენტების მომსახურების დეპარტამენტის დირექტორი.„ბოლო წლებში ლოგისტიკის სექტორი საქართველოში სტაბილურად ვითარდება და ქვეყნისთვის სულ უფრო მეტ სტრატეგიულ მნიშვნელობას იძენს. სწორედ ეს გახდა ჩვენი მთავარი მოტივაცია, როდესაც გასულ წელს პირველი გამოფენა და ფორუმი დავაფუძნეთ, რომელმაც დიდი წარმატებით ჩაიარა. წლევანდელი ღონისძიება კი კიდევ უფრო მასშტაბური და მრავალფეროვანი იქნება.დღეს ეს უკვე ყოველწლიური, დარგის ერთ-ერთი ყველაზე მნიშვნელოვანი პლატფორმაა, სადაც ადგილობრივი და საერთაშორისო კომპანიები, ინვესტორები და სფეროს პროფესიონალები იკრიბებიან, აზიარებენ გამოცდილებას და ერთობლივად უწყობენ ხელს ლოგისტიკის სექტორის განვითარებას როგორც საქართველოში, ისე მთელ რეგიონში“, – რესან ქიქავა, “ექსპო ჯორჯია“ დირექტორი.კონფერენციაზე დასასწრებად გთხოვთ გაიაროთ წინასწარი რეგისტრაცია.

1771315575

საგანმანათლებლო პროექტის მიზანს ახალგაზრდებში საარჩევნო ცნობიერების ამაღლება და არგუმენტებზე დაფუძნებული კონსტრუქციული დებატების მნიშვნელობის შესახებ სამოქალაქო კულტურის განმტკიცება წარმოადგენდა.პროექტის ფარგლებში გამოცხადებული კონკურსის შედეგად პროექტში მონაწილეობის მისაღებად ხუთი უნივერსიტეტის (ივანე ჯავახიშვილის სახელობის თბილისის სახელმწიფო უნივერსიტეტი; ილიას სახელმწიფო უნივერსიტეტი; თბილისის ტექნიკური უნივერსიტეტი; კავკასიის უნივერსიტეტი; კავკასიის საერთაშორისო უნივერსიტეტი) იურიდიული ფაკულტეტის 30 სტუდენტი დარეგისტრირდა. მონაწილეები 10 გუნდში გადანაწილდნენ, თითოეული გუნდი სამი მონაწილის შემადგენლობით.პროექტის საწყის ეტაპზე, სწავლების ცენტრმა ახალგაზრდებთან საინფორმაციო-სასწავლო ხასიათის შეხვედრები გამართა, რომლის ფარგლებშიც საქართველოში ელექტრონული საარჩევნო ტექნოლოგიების დანერგვის მიმართულებით არსებული სიახლეები განიხილა და ამასთან ერთად, უზრუნველყო მონაწილეთა გადამზადება დებატების წარმართვის ტექნიკაზე. ყურადღება გამახვილდა ისეთ ელემენტებზე როგორიცაა: დებატების სტრუქტურა და რეგლამენტი; არგუმენტებისა და მტკიცებულებების მოძიება-დამუშავება; საჯარო გამოსვლების ტექნიკა; დებატების ეთიკა და პრინციპები.2026 წლის 16 თებერვალს პროექტის ფინალი გაიმართა, სადაც შესარჩევ ტურში მონაწილე 10 გუნდიდან საუკეთესო შედეგის მქონე ორი გუნდი შეხვდა ერთმანეთს. ფინალური დებატები გაიმართა თემაზე: „საარჩევნო უფლების დაცვა უფრო მნიშვნელოვანი ღირებულებაა, ვიდრე სიტყვის აბსოლუტური თავისუფლება დეზინფორმაციის რისკის პირობებში“.ფინალში გამარჯვებული მონაწილეები გამოავლინეს მსაჯებმა, რომლის შემადგენლობაშიც შედიოდნენ: ცესკოს თავმჯდომარის მოადგილე გიორგი შარაბიძე; სწავლების ცენტრის დირექტორი ნათია ზაალიშვილი; ცესკოს პრეს-სპიკერი ნათია იოსელიანი; სწავლების ცენტრის სასწავლო პროგრამების სამსახურის უფროსი მაია გუდაძე; თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსის მოადგილე ვასილ ქარსელაძე; თბილისის მუნიციპალიტეტის საკრებულოს განათლებისა და კულტურის კომისიის წევრი ნოდარ ბოკერია. მონაწილეები შეფასდნენ არგუმენტაციის ხარისხის, მტკიცებულებების გამოყენების, დებატების ეთიკის, რეგლამენტის დაცვისა და საჯარო გამოსვლის უნარების მიხედვით.ფინალის დასასრულს მონაწილეთა დაჯილდოების ცერემონია გაიმართა, ახალგაზრდებს სერტიფიკატები და სამახსოვრო სასაჩუქრე ნაკრებები გადაეცათ.პროექტი „სტუდენტური დებატ-კლუბი 2026“ განხორციელდა თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ქვეპროგრამის - უწყვეტი განათლებისა და სტუდენტური პროექტების ხელშეწყობის ფარგლებში.

1771315366