გათამაშებაში 370 000-ზე მეტი ბილეთიმონაწილეობდა. მთავარი პრიზების მოლოდინის პარალელურად, მომხმარებლებს ყოველდღიურად ჰქონდათ შესაძლებლობა, სოკარის სადგურებზე საწვავის ჩასხმისთანავე მოეგოთ მომენტალური საჩუქრები - კამპანიის განმავლობაში ჯამში 9,200 მომენტალურიპრიზი გათამაშდა.გათამაშების მთავარი იდეა კი მხოლოდ მოგება არ ყოფილა. კამპანიის მთავარი გზავნილი "გამარჯვება გაზიარებით იწყება"გათამაშების ერთ-ერთ მთავარ მექანიკად იქცა: მომენტალური პრიზის მფლობელს შეეძლო, საკუთარი საჩუქარი სრულიად უცნობი ადამიანისთვის გადაეცა და გამარჯვების ემოცია სხვასთანაც გაეზიარებინა. სანაცვლოდ მონაწილე მთავარი გათამაშებისთვის დამატებით 5 ბილეთს იღებდა.ამ შესაძლებლობით მომენტალური პრიზის გამარჯვებულთა 12%-მა ისარგებლა დასაკუთარი საჩუქარი სხვას გაუზიარა. სწორედ ამ მექანიკამ აქცია გაზიარება კამპანიის ერთ-ერთ ყველაზე გამორჩეულ ნაწილად და გამარჯვების იდეას დამატებითი ემოციური მნიშვნელობა შესძინა.დამატებითი უპირატესობით სარგებლობდნენ SOCAR Prime-ისგამომწერებიც - ისინი ყოველ ჩასხმაზე ორმაგ ბილეთებს იღებდნენ და მთავარი პრიზების მოგების შანსს კიდევ უფრო ზრდიდნენ.კამპანიის ყველაზე მნიშვნელოვანი მომენტი 10 სექტემბერს დადგა. პირდაპირ ეთერში გამოვლინდნენ გამარჯვებულები, რომლებმაც სოკარის გათამაშების მთავარი პრიზები მოიგეს: 92 მ2 ახალაშენებული ბინასაბურთალოზე "თეთრ კვადრატის" დასრულებულ კომპლექსში ახალი ელექტრომობილი AIQAR eQ7 3 ფულადი პრიზი - თითოეული 10 000 ₾-ის ოდენობით სოკარი ულოცავს ყველა გამარჯვებულს და მადლობას უხდის თითოეულ მონაწილეს აქტიურობის, ჩართულობისა და იმ განსაკუთრებული ენერგიისთვის, რომელიც ამ კამპანიას სამი თვის განმავლობაში ახლდა.გამარჯვებულებს კუთვნილი პრიზები უკვე გადაეცათ და გათამაშების სამთვიანი კამპანია ოფიციალურად დასრულდა.370 000-ზე მეტი ბილეთი, ათასობით მოგებული საჩუქარი და უამრავი გაზიარებული ემოცია - თუმცა ამ გათამაშების მთავარი შედეგი მხოლოდ ციფრები არ არის. ყველაზე მნიშვნელოვანი ის მომენტებია, როდესაც ერთი ადამიანისგამარჯვება მეორის სიხარულის მიზეზიცხდება. სწორედ ამ იდეამ გააერთიანა მთელი კამპანია და კიდევ ერთხელ შეგვახსენა, რომ ზოგჯერ ყველაზედასამახსოვრებელი გამარჯვება ის არის, რომელსაც სხვასაც უზიარებ.

1789796494

შეხვედრა საქართველოს პრემიერ-მინისტრმა ირაკლი კობახიძემ გახსნა. მთავრობის მეთაურმა სიტყვით გამოსვლისას ხაზი გაუსვა მსგავსი მასშტაბის შეხვედრის მნიშვნელობას და ქვეყნის ეკონომიკური ზრდის მაჩვენებლებსა და ფინანსური სექტორის განვითარების დინამიკაზე ისაუბრა. მან ასევე აღნიშნა ეკონომიკურ პროგრესში ფინანსური სექტორის როლი და ქართული ფინანსური ინსტიტუტების მზარდი საერთაშორისო აღიარება.მისი განცხადებით, საქართველოს მთავრობა კაპიტალის ბაზრების განვითარებასა და ინვესტიციებისთვის სულ უფრო კონკურენტუნარიანი გარემოს შექმნაზე მუშაობას განაგრძობს.შეხვედრის ერთ-ერთი მთავარი თემა რეგიონული მაკროეკონომიკური გარემო და მონეტარული პოლიტიკის წინაშე არსებული გამოწვევები იყო. მონაწილეებმა იმსჯელეს გლობალურ ეკონომიკურ ცვლილებებზე და ერთმანეთს ფასებისა და ფინანსური სტაბილურობის უზრუნველყოფის გამოცდილება გაუზიარეს. ცალკეული სესიები დაეთმო გეოპოლიტიკური გამოწვევების ფონზე აქტივებისა და საერთაშორისო რეზერვების მართვას, ასევე ადგილობრივი კაპიტალის ბაზრების განვითარების პერსპექტივებს.ღონისძიების მიზანია რეგიონის ცენტრალურ ბანკებს შორის თანამშრომლობის გაღრმავება, გამოცდილების გაცვლა და საერთო გამოწვევებზე ეფექტიანი რეაგირების ხელშეწყობა.„ძალიან მნიშვნელოვანია, რომ რეგიონში პირველ მსგავს ღონისძიებას სწორედ ჩვენ ვმასპინძლობთ. განსაკუთრებით სასიხარულოა თბილისში ამდენი კოლეგის ხილვა, რომლებიც 15-მდე ცენტრალურ ბანკს, განვითარების ორგანიზაციასა და ფინანსურ სექტორს წარმოადგენენ. მსგავსი შეხვედრები ფასეულია არა მხოლოდ იმიტომ, რომ ჩვენი ეკონომიკების განვითარების განმსაზღვრელ აქტუალურ საკითხებზე მოსაზრებების გაზიარების საშუალებას გვაძლევს, არამედ იმიტომაც, რომ ქმნის ღია საუბრის, ერთმანეთისგან სწავლისა და ჩვენს ინსტიტუტებს შორის ურთიერთობების განმტკიცების შესაძლებლობას", - აღნიშნა სებ-ის პრეზიდენტმა ნათია თურნავამ.საქართველოს ეროვნული ბანკისა და J.P. Morgan-ის თანაორგანიზებით რეგიონის ცენტრალური ბანკების მმართველების მრგვალი მაგიდის შეხვედრაში 15-მდე ქვეყნის, მათ შორის პოლონეთის, უნგრეთის, სომხეთის, აზერბაიჯანის, მოლდოვას, თურქეთის, ბოსნია და ჰერცოგოვინას და სხვა ქვეყნების ცენტრალური ბანკების პრეზიდენტები, ვიცე-პრეზიდენტები და სხვა მაღალი რანგის წარმომადგენლები, ასევე J.P. Morgan-ის, მსოფლიო ბანკისა და აზიის განვითარების ბანკის წარმომადგენლები მონაწილეობდნენ.

1789745340

მისი თქმით, გაზრდილი ინტერესი გამოწვეულია საქართველოს ძალიან ძლიერი მაკროეკონომიკური ფუნდამენტური ფაქტორებითა და გეოპოლიტიკური შოკების მიმართ ეკონომიკის მდგრადობით.„შემთხვევითი არ არის, რომ სწორედ საქართველოში ატარებს J.P. Morgan-ი რეგიონის ცენტრალური ბანკების ხელმძღვანელი პირების კონფერენციას, სადაც დისკუსიის ერთ-ერთი ნაწილი სწორედ კაპიტალის ბაზრის განვითარებას ეძღვნება. ჩვენ ველოდებით მეტ ინვესტიციას ამ არხით“, - აღნიშნა ნათია თურნავამ.J.P. Morgan-ის მიერ შექმნილი ახალი ინსტრუმენტის - GBI-EM Edge საბაზრო ღირებულება 328 მილიარდ აშშ დოლარს შეადგენს და მოიცავს 26 ქვეყნის 24 ეროვნულ ვალუტასა და 425 ინსტრუმენტს. ახალ ინდექსში ჩართულია საქართველოს სახელმწიფო ობლიგაციები და ინდექსის 1.79%-იან წილს შეადგენს.GBI-EM Edge განვითარებადი ფინანსური ბაზრების (frontier market) სრულიად ახალი ინდექსია, რომლის მიზანი ისეთი განვითარებადი ბაზრების (frontier market) სახელმწიფო ობლიგაციების დინამიკის ასახვაა, რომლებიც მაღალი შემოსავლიანობით და საერთაშორისო ინვესტორებისთვის გაუმჯობესებული ხელმისაწვდომობით ხასიათდებიან.აღსანიშნავია, რომ თბილისში დღეს სების ორგანიზებითა და უმსხვილეს ამერიკულ ბანკ J.P. Morgan-თან თანამშრომლობით, ცენტრალური ბანკების პრეზიდენტების მრგვალი მაგიდის შეხვედრა გაიმართა.რეგიონში მსგავსი ფორმატის ღონისძიება პირველად ჩატარდა და მასში 15-მდე ქვეყნის, მათ შორის უნგრეთის, პოლონეთის, მოლდოვას, ბოსნია და ჰერცეგოვინას, თურქეთის, აზერბაიჯანის, სომხეთის და სხვა ქვეყნების ცენტრალური ბანკების მაღალი რანგის წარმომადგენლებმა, ასევე საერთაშორისო საფინანსო ორგანიზაციებისა და ფინანსური სექტორის წარმომადგენლებმა მიიღეს მონაწილეობა.

1789743292

მინისტრის განცხადებით, წინა წლებისგან განსხვავებით, მიმდინარე რთველის პროცესში არაკონდიციური ყურძენი პრაქტიკულად არ hბარდება და მევენახეები ყურძნის შესაბამის კონდიციაში შესვლას ელოდებიან.„ადრე თუ მევენახე მობილიზებული და ორიენტირებული იყო, სახელმწიფოს მიერ გარანტირებულ ფასში ჩაებარებინა ყურძენი და, შესაბამისად, რაც უფრო დიდი იქნებოდა მოსავალი, მით მეტი შემოსავალი მიეღო, ახლა, განხორციელებული ცვლილებით, ყურადღება არა რაოდენობრივ, არამედ ხარისხობრივ ნაწილს ექცევა. ხარისხი უკეთესი ღვინის მიღების საფუძველია, რაც, თავის მხრივ, საერთაშორისო ბაზრებზე ქართულ ღვინოს კიდევ უფრო კონკურენტუნარიანს ხდის. რაც შეეხება მიმდინარე რთველს, მინდა აღვნიშნო, რომ ფაქტობრივად, არაკონდიციური ყურძენი ჯერ არ ჩაბარებულა. ეს ნიშნავს, რომ მევენახეები ელოდებიან ყურძნის შესაბამის სიმწიფესა და ხარისხს, რათა მისი ჩაბარება შესაძლებელი გახდეს. ეს მიდგომა განსხვავებულია წინა წლების რთველისგან“, - განაცხადა დავით სონღულაშვილმა.როგორც მინისტრმა აღნიშნა, წლევანდელი რთველი შედარებით გვიან დაიწყო, რაც, ერთი მხრივ, ყურძნის შესაბამისი სიმწიფის მიღწევის მოლოდინს, ხოლო, მეორე მხრივ, კლიმატურ და გარემო პირობებს უკავშირდება. მისივე განცხადებით, მიმდინარე წელს სხვადასხვა სასოფლო-სამეურნეო კულტურაც ჩვეულებრივზე უფრო გვიან შევიდა სიმწიფის ფაზაში, მათ შორის კენკროვანი კულტურები, მოცვი და ხორბალი.

1789739984

გარემოს დაცვისა და სოფლის მეურნეობის მინისტრის დავით სონღულაშვილის განცხადებით, მცირე მარნებისთვის სერტიფიცირების საფასურის გაუქმების გადაწყვეტილება მათთან კონსულტაციების შედეგად იქნა მიღებული.„მცირე მარნების ხელშეწყობა ჩვენი პრიორიტეტია, შესაბამისად, მათთან კონსულტაციების შედეგად გავითვალისწინეთ არსებული გამოწვევა და მივიღეთ გადაწყვეტილება, რომ სერტიფიცირების მომსახურების საფასური მცირე მარნებისთვის არ გავრცელდეს. ამასთან, სერტიფიცირება რჩება სავალდებულო მოთხოვნად, რადგან ხარისხისა და მომხმარებლისთვის უსაფრთხო პროდუქციის უზრუნველყოფა ჩვენი მთავარი ამოცანაა. ვფიქრობთ, ეს მიდგომა ხელს შეუწყობს როგორც მცირე მარნების განვითარებას, ისე ქართული ღვინის ხარისხის კიდევ უფრო გაუმჯობესებას და მისი კონკურენტუნარიანობის ზრდას“, - განაცხადა დავით სონღულაშვილმა.ადგილობრივ ბაზარზე სარეალიზაციოდ განკუთვნილი საქართველოში წარმოებული ალკოჰოლური სასმელების სერტიფიცირება სავალდებულოა. 1 სექტემბრიდან შესაბამისობის სერტიფიკატის გაცემის მომსახურება ფასიანია, თუმცა მცირე ზომის მარნებისთვის აღნიშნული მომსახურება უფასოდ განხორციელდება. მცირე მარნებისთვის სერტიფიცირების ვალდებულება კვლავ ძალაში რჩება და მათ შესაბამისი პროცედურების გავლა და პროდუქციისთვის საჭირო დოკუმენტაციის მიღება მოეთხოვებათ.„ნებისმიერი გადაწყვეტილება, რომელსაც მეღვინეობა-მევენახეობის მიმართულებით ვიღებთ, მხოლოდ ერთ მიზანს ემსახურება - ქართული ღვინო იყოს მაღალი ხარისხის, კონკურენტუნარიანი და კიდევ უფრო მეტად დამკვიდრდეს საერთაშორისო ბაზრებზე“, - განაცხადა დავით სონღულაშვილმა.

1789739894

როგორ?გათამაშებაში მონაწილეობისთვის საჭიროა, მომხმარებელმა მიღებული გზავნილი მობილბანკით ან ინტერნეტბანკით გაანაღდოს. თითოეულ განაღდებულ 150 ლარზე მომხმარებელი გათამაშების ერთ ბილეთს მიიღებს.გათამაშებაში ჩართვა ემიგრანტებსაც შეუძლიათ. ამისთვის საჭიროა, გზავნილების პუნქტიდან გზავნილი საკუთარ თავს გაუგზავნონ. თანხა კი მობილბანკის ან ინტერნეტბანკის საშუალებით გაანაღდონ.აღსანიშნავია, რომ უკვე გამოვლინდა გათამაშების 56 გამარჯვებული, რომელსაც 1000 ლარი გადაეცა. თუმცა, ამ კვირაში გამოვლინდება 7 გამარჯვებული - 1 000 ლარის მფლობელი და გათამაშდება ერთი სუპერ პრიზი - 10 000 ლარის ოდენობით.როგორ ჩაერთო გათამაშებაში? გამოიყენე საქართველოს ბანკის მობილბანკი ან ინტერნეტბანკი გზავნილის მისაღებად ყოველ განაღდებულ 150 ლარზე მიიღე გათამაშების ერთი ბილეთი დააგროვე მეტი ბილეთი და მიიღე შანსი, მოიგო 1 000 ლარი ყოველდღე ან 10 000 ლარი სუპერ პრიზი „საქართველოს ბანკში მუდმივად ვმუშაობთ იმისთვის, რომ ჩვენს მომხმარებლებს ყოველდღიური ფინანსური სერვისებით სარგებლობისას კიდევ უფრო მეტი კომფორტი შევუქმნათ.ამასთან, გადავწყვიტეთ მომხმარებლისთვის გზავნილის მიღების პროცესი კიდევ უფრო მოგებიანი გაგვეხადა და მიგვეცა შესაძლებლობა, ყოველდღიურად 1 000 ლარის, ხოლო კამპანიის დასრულებისას, 10 000 ლარის ოდენობით სუპერპრიზის მფლობელები გამხდარიყვნენ.მომხმარებელს შესაძლებლობა აქვს ეს შანსი 21 სექტემბრის ჩათვლით გამოიყენონ. ჩვენ ვაგრძელებთ სერვისების განვითარებას, რათა თითოეული მომხმარებლის გამოცდილება მათთვის კიდევ უფრო სასარგებლო გავხადოთ“, - განაცხადა საქართველოს ბანკის ემიგრანტების საბანკო მომსახურების დეპარტამენტის დირექტორმა მარიამ ბექაურმა.ინფორმაციისთვის, გათამაშებაში მონაწილეობა შეუძლია საქართველოს ბანკის ყველა სრულწლოვან მომხმარებელს, რომელიც საქართველოს მოქალაქეა, (საქართველოს ბანკის თანამშრომლების გარდა).გათამაშებაში მონაწილე ქვეყნების ჩამონათვალი და კამპანიის სრული პირობები იხილეთ ბმულზე.

1789739822