„2025 წელი ემისიების მოცულობით რეკორდული იყო - კორპორაციული ობლიგაციების ბაზარზე არსებული დინამიკა კვლავაც მზარდია“

კომპანია 2008 წელს ჩინეთის ქალაქ შენიანგში დაარსდა. მართალია ბიქიუ (BQ) არასრული ორი ათწლეულია რაც მძიმე ტექნიკას აწარმოებს, მაგრამ დღეს უკვე ერთ-ერთი მოწინავე სახელია გლობალურ სამშენებლო ბაზარზე. კომპანია აქტიური ექსპორტიორია 20-ზე მეტი ქვეყანაში, მათ შორის საქართველოშიც. ჩვენთან ბრენდი 2021 წელს შემოვიდა და ადგილობრივ დეველოპერებში მალევე დაიმსახურა საიმედო პარტნიორის რეპუტაცია.თანამედროვე ინფრასტრუქტურულ პროექტებში კოშკურა ამწე ყოველთვის მთავარ როლს ასრულებს, მასშტაბების მიუხედავად. მექანიზმს დიდ სიმაღლეებზე უსაფრთხოდ ააქვს მძიმე სამშენებლო მასალები, არმატურა და ბეტონის ბლოკები. ამ ამოცანის უსაფრთხოდ შესრულებას სანდო და გამძლე ტექნიკა სჭირდება.ტექნიკის სწორად შერჩევა მხოლოდ ტვირთამწეობით არ ისაზღვრება. თითოეულ სამშენებლო ობიექტს თავისი სპეციფიკა აქვს და ინდივიდუალურ მიდგომას ითხოვს. ბიქიუ მომხმარებლებს ამწის პროექტირების სერვისსაც სთავაზობს, რომლის ფარგლებშიც ინჟინრები წინასწარ სწავლობენ სამუშაო არეალს და ოპტიმალურ მოდელს არჩევენ. ასე ობიექტზე ზუსტად ის ბიქიუს ამწეები იდგმება, რომელიც კონკრეტულ ლოკაციაზე ყველაზე ეფექტურად მუშაობს. შედეგად, დეველოპერი არასწორი მოდელის დადგმით გამოწვეულ გაუთვალისწინებელ ხარჯებს არიდებს თავს.ბიქიუსთან პარტნიორობის შემთხვევაში დეველოპერი სრულ საინჟინრო მხარდაჭერასაც იღებს. ინჟინრები ტექნიკას რეგულარულად, თვეში ერთხელ უტარებენ ინსპექციას, რაც მოულოდნელი დაზიანების რისკებს მინიმუმამდე ამცირებს და მექანიზმის ექსპლუატაციის ვადას ზრდის.მოულოდნელი დაზიანების შემთხვევაში დროულ რეაგირებას გადამწყვეტი მნიშვნელობა ენიჭება. ბიქიუს ცხელი 24/7-ზე ხელმისაწვდომია, მათ შორის დასვენების დღეებსა და დღესასწაულებზეც. ინჟინერთა გუნდი ობიექტზე გამოძახებიდან საშუალოდ 2 საათში მიდის.თუ პრობლემის ადგილზე აღმოფხვრა ვერ ხერხდება, მაგალითად რომელიმე დეტალი დაზიანდა და ჩასანაცვლებელია, ინჟინრებს ამწე კრანი აღაიანის ბაზაზე არსებულ “ამწის ლაბორატორიაში” გადააქვთ. ხშირად ამწის აღდგენა-რეკონსტრუქცია დროში იწელება, რადგან სათადარიგო ნაწილებს საზღვარგარეთიდან ჩამოტანა სჭირდება. ბიქიუმ ამ პრობლემის თავიდან ასაცილებლად, საქართველოში, აღაიანის ბაზაზე მოაწყო სათადარიგო ნაწილების საწყობი. ეს ინჟინრებს საშუალებას აძლევს პირდაპირ დაიწყონ ამწეზე მუშაობა და შეკეთების დროს მნიშვნელოვნად ამცირებს. მუდმივი მზადყოფნის სტანდარტი ადგილობრივი დეველოპერებისთვის დიდ უპირატესობას ქმნის.დაბალი ფასი ბევრისთვის ხარისხის დათმობას ნიშნავს, მაგრამ ბიქიუ ძველ სტერეოტიპებს ამსხვრევს. ოფიციალური ქარხნული გარანტია და ადგილობრივი საინჟინრო გუნდის მწარმოებელ ქარხანასთან პირდაპირი კავშირი მაღალი სანდოობის საფუძველს ქმნის. ბიქიუსთან პარტნიორობისას დეველოპერს შეუძლია ფოკუსი მთავარ საქმეზე ჰქონდეს და სამშენებლო ტექნიკაზე არ ინერვიულოს - ბიქიუს მომსახურება გათვლილია მომხმარებელს მშენებლობის დათქმული ვადების დაცვაში მაქსიმალურად დაეხმაროს. დღეს ბიქიუს ქართულ კატალოგში წარმოდგენილი კოშკურა ამწეები და სხვა დამხმარე მექანიზმები თანამედროვე სამშენებლო მოთხოვნებს სრულად აკმაყოფილებს.

1781614570

„ვაზისა და ღვინის შესახებ“ საქართველოს კანონში შესული ერთ-ერთი ცვლილებით, სავალდებულო დეგუსტაციას დაექვემდებარა კომერციული წარმოებისთვის განკუთვნილი ყველა ღვინო, გარდა „ბუნებრივი ღვინის“ კატეგორიისა.ლევან მეხუზლას განცხადებით, რეგულაციების გამკაცრება ეტაპობრივად განხორციელდა.„სადეგუსტაციო კომისია საქართველოში 2008 წლიდან მოქმედებს და ამ დროიდან სავალდებულო დეგუსტაციას ექვემდებარება ყველა დაცული ადგილწარმოშობის დასახელების ღვინო. 2017 წლიდან, სავალდებულო დეგუსტაციას დაექვემდებარა ყველა კატეგორიის საექსპორტო ღვინოც. კანონში შესული ბოლო ცვლილებებით, ფაქტობრივად ორგანოლეპტიკურ შემოწმებას ექვემდებარება ყველა სარეალიზაციოდ განკუთვნილი ღვინო, გარდა „ბუნებრივი ღვინის“ კატეგორიისა. ეს გამონაკლისი დაკავშირებულია ბუნებრივი ღვინის დამზადების ტექნოლოგიასთან, რადგან ვიცით, რომ ბუნებრივი ღვინო, თავისი დაყენების მეთოდიდან გამომდინარე, განსხვავებულია სხვა ღვინოებისგან“, - აღნიშნა ლევან მეხუზლამ.ღვინის ეროვნულ სააგენტოსთან არსებული სახელმწიფო სადეგუსტაციო კომისია ყოველდღიურ რეჟიმში მუშაობს, რათა ღვინის მწარმოებლებს დეგუსტაციის პროცესში არ შეექმნებათ შეფერხება.„კომისიის შემადგენლობაში 60-ზე მეტი პროფესიონალი დეგუსტატორია. მათი უმრავლესობა მოქმედი მეღვინეა სხვადასხვა კომპანიიდან, ასევე არიან სომელიეები, ღვინის ლაბორატორიების თანამშრომლები.  ყოველ კონკრეტულ დეგუსტაციაში 5 დეგუსტატორი მონაწილეობს“,- აღნიშნა ღვინის ეროვნული სააგენტოს თავმჯდომარემ.

1781612496

2017 წლის შემდეგ, საქართველო ამ პრესტიჟულ ჩემპიონატს უკვე მეორედ მასპინძლობს. 2017 წელს, ტურნირის წარმატებით ჩატარების შედეგად, მსოფლიო რაგბიმ 2026 წლის ახალი, გაფართოებული ფორმატის, ახალგაზრდული მსოფლიოს ჩემპიონატის მასპინძლობაც საქართველოს ანდო. წლევანდელ მსოფლიო ჩემპიონატზე 12-ის ნაცვლად 16 გუნდი იასპარეზებს, რაც კონკურენციას ამძაფრებს და შედეგად, ტურნირისადმი ინტერესს კიდევ უფრო ზრდის.ტურნირი 27 ივნისიდან 18 ივლისის ჩათვლითგაიმართება. მატჩებს თბილისის ავჭალის სტადიონიდა ქუთაისის აია არენა უმასპინძლებენ; ხოლო ფინალური და მესამე ადგილისთვის შეხვედრები მიხეილ მესხის სტადიონი ჩატარდება.საქართველოს 20-წლამდელთა ნაკრები ა ჯგუფში, მოქმედ ჩემპიონს - სამხრეთ აფრიკას, უელსსა და ურუგვაის დაუპირისპირდება. ბ ჯგუფში ახალი ზელანდია, იტალია, შოტლანდია და იაპონია მოხვდნენ; გ ჯგუფში არგენტინა, ინგლისი, ირლანდია და აშშ ითამაშებენ; დ ჯგუფში - საფრანგეთი, ავსტრალია, ესპანეთი და ფიჯი.როცა ახალგაზრდა სპორტსმენები მსოფლიო ასპარეზზე გასასვლელად ემზადებიან, ყველაზე მნიშვნელოვანი ხშირად არა მხოლოდ ნიჭი, არამედ რწმენაა - საკუთარი თავის, გუნდისა და მომავლის რწმენა. სწორედ, ამიტომ არის თიბისი ქართული რაგბის მხარდამჭერი. გვჯერა, რომ შესაძლებლობების დანახვა და მათი მხარდაჭერა ქმნის გამარჯვების საფუძველს - როგორც სპორტში, ისე ცხოვრებაში.ბილეთების შეძენა შესაძლებელია TKT-ზე, სადაც თიბისის მოსწავლის ბარათზე 50%-იანი ფასდაკლება იმოქმედებს: 

1781611532

შეხვედრაზე მხარეებმა ქვეყნებს შორის სავაჭრო-ეკონომიკური ურთიერთობების გაღრმავებისა და სოფლის მეურნეობის, წყლის რესურსების მართვის, სატყეო სექტორის, სურსათის უვნებლობის, ვეტერინარიისმიმართულებებით თანამშრომლობის განვითარების შესაძლებლობები განიხილეს.დავით სონღულაშვილმა ხაზგასმით აღნიშნა, რომ სერბეთის რესპუბლიკის პრეზიდენტის დელეგაციის ოფიციალური ვიზიტი საქართველოში ორ ქვეყანას შორის ურთიერთობების კიდევ უფრო გაღრმავებისა და სხვადასხვამიმართულებით თანამშრომლობის გაფართოების მნიშვნელოვან შესაძლებლობას ქმნის.„შეხვედრაზე ვისაუბრეთ თანამშრომლობის გაფართოებისა და გამოცდილების გაზიარების შესაძლებლობებზე. განსაკუთრებული ყურადღება დაეთმო სოფლის მეურნეობის სფეროს, სადაც არსებობს როგორც ქართული სასოფლო-სამეურნეო პროდუქციის ექსპორტის ზრდის, ასევე ცოდნისა და საუკეთესო პრაქტიკის გაზიარების მნიშვნელოვანი პოტენციალი. ორ ქვეყანას შორის აქტიური თანამშრომლობა ხელს შეუწყობს ქართული აგროსასურსათო პროდუქციის ხარისხის გაუმჯობესებას, მისი კონკურენტუნარიანობის ზრდასა და ევროპულ ბაზრებზე ექსპორტის გაფართოებას“, - აღნიშნა დავით სონღულაშვილმა.შეხვედრაზე მხარეებმა გამოთქვეს მზადყოფნა, შეიქმნას ერთობლივი სამუშაო ჯგუფი, რომელიც განსაზღვრულ მიმართულებებში თანამშრომლობის კოორდინაციისა და ახალი ინიციატივების განხორციელების პლატფორმაიქნება.სერბეთის რესპუბლიკის სოფლის მეურნეობის, მეტყევეობისა და წყლის რესურსების მართვის მინისტრი დრაგან გლამოჩიჩი საქართველოში სერბეთის რესპუბლიკის პრეზიდენტის, ალექსანდრ ვუჩიჩის ოფიციალური ვიზიტისფარგლებში იმყოფება.

1781608905

ეკატერინე მიქაბაძემ კაპიტალის ბაზრის განვითარების მნიშვნელობაზე ისაუბრა და აღნიშნა, რომ ახალი ემიტენტების გამოჩენა ადასტურებს კაპიტალის ბაზრის მზარდ როლს კომპანიებისთვის გრძელვადიანი რესურსების მოზიდვის მიმართულებით.🌐 ვრცლად - bit.ly/სებ-ნუტრიმაქსი

1781608165

სიტყვით გამოსვლისას ეკატერინე მიქაბაძემ კაპიტალის ბაზრის განვითარების მნიშვნელობაზე ისაუბრა და აღნიშნა, რომ ახალი ემიტენტების გამოჩენა ადასტურებს კაპიტალის ბაზრის მზარდ როლს კომპანიებისთვის გრძელვადიანი რესურსების მოზიდვის მიმართულებით. მისი თქმით, ეს ტენდენცია, ერთი მხრივ, ბიზნესს დაფინანსების დამატებით შესაძლებლობებს უქმნის, ხოლო მეორე მხრივ, ინვესტორებს საინვესტიციო ინსტრუმენტების უფრო მრავალფეროვან არჩევანს სთავაზობს.მან ყურადღება გაამახვილა ადგილობრივი ობლიგაციების ბაზარზე სექტორული წარმომადგენლობის გაფართოებაზეც და აღნიშნა, რომ „ნუტრიმაქსი“ ცხოველთა საკვების წარმოების სექტორიდან პირველი კომპანიაა, რომელმაც საჯარო ობლიგაციები გამოუშვა. მისი შეფასებით, მნიშვნელოვანია, რომ კაპიტალის ბაზარი სულ უფრო აქტიურად უწყობს ხელს ადგილობრივი წარმოებისა და ეკონომიკის სხვადასხვა სექტორის განვითარებას.ეკატერინე მიქაბაძემ ასევე მიმოიხილა კორპორაციული ობლიგაციების ბაზარზე არსებული დინამიკა და აღნიშნა, რომ 2025 წელი ემისიების მოცულობით რეკორდული იყო. ამასთან, მიმდინარე წლის იანვარ-მაისის პერიოდში, „ნუტრიმაქსის“ ემისიის ჩათვლით, ხუთი ემიტენტის მიერ საჯაროდ განთავსებული კორპორაციული ობლიგაციების ჯამურმა მოცულობამ 330 მილიონი ლარი შეადგინა, რაც წინა წლის ანალოგიურ პერიოდთან შედარებით, მნიშვნელოვნად მაღალი მაჩვენებელია.„ბაზარზე ახალი კომპანიების შემოსვლა ადასტურებს კაპიტალის ბაზრის მზარდ მნიშვნელობას კომპანიებისთვის ფინანსური რესურსების მოზიდვის პროცესში. ამასთან, ეს ინვესტორებისთვის უფრო მრავალფეროვანი საინვესტიციო შესაძლებლობების შექმნას უწყობს ხელს“, - განაცხადა ეკატერინე მიქაბაძემ.„ნუტრიმაქსის“ მიერ გამოშვებული 10 მილიონი აშშ დოლარის მოცულობის ობლიგაციები 2 წლიანი ვადიანობისაა. ემისიიდან მიღებული სახსრები კომპანიას არსებული ვალდებულებების რეფინანსირებისა და კაპიტალური დანახარჯების დაფინანსებისთვის მოხმარდება. ფასიანი ქაღალდები სს „თბილისის საფონდო ბირჟის“ სავაჭრო სისტემასა და ლისტინგში იქნება დაშვებული.„ნუტრიმაქსი“ საქართველოს ბაზარზე 2009 წლიდან ოპერირებს და შინაური ცხოველების, ფრინველებისა და აკვაკულტურის საკვების ერთ-ერთი წამყვანი მწარმოებელია. კომპანია საქმიანობას როგორც ადგილობრივ, ისე საერთაშორისო ბაზრებზე ახორციელებს.

1781607972