პროკრედიტ ბანკისა და FAS Group-ის ორგანიზებით გაიმართა სემინარი თემაზე „ორგანიზაციის ფინანსური მდგრადობა და ბანკის როლი ბიზნესის განვითარებაში“

Italiana Petroli, რომლის ისტორია იტალიის ბაზარზე 90 წელზე მეტს ითვლის, ქვეყნის ტრანსპორტის სექტორსა და ენერგეტიკულ უსაფრთხოებაში მნიშვნელოვან როლს ასრულებს. კომპანია აერთიანებს ფართო ინდუსტრიულ და ლოგისტიკურ ინფრასტრუქტურას, მათ შორის ორ ნავთობგადამამუშავებელ ქარხანას, ნავთობბაზებსა და დაახლოებით 4,600 ავტოგასამართ სადგურს. ამ გარიგების შედეგად, IP სოკარის საერთაშორისო პორტფელის ნაწილი გახდა, რაც მნიშვნელოვნად აძლიერებს სოკარის მნიშვნელობას ევროპაში.იტალია სოკარისთვის ევროკავშირის ფარგლებში პირველი ბაზარი არ არის. კომპანია უკვე წარმატებით ოპერირებს შვეიცარიაში, ავსტრიასა და რუმინეთში. ევროკავშირის მიღმა კი სოკარი წარმოდგენილია მეზობელ რეგიონულ ბაზრებზე, მათ შორის თურქეთსა და უკრაინაში. აღსანიშნავია, რომ 20 წლის წინ საქართველო გახდა პირველი საერთაშორისო ბაზარი, სადაც სოკარმა თავისი საქმიანობა გააფართოვა და ამით საფუძველი ჩაუყარა კომპანიის საერთაშორისო განვითარებას.იტალიას სოკარისთვის განსაკუთრებული სტრატეგიული მნიშვნელობა აქვს. სოკარი ბაქო-თბილისი-ჯეიჰანის მილსადენის მეშვეობით იტალიისთვის ნედლი ნავთობის ერთ-ერთი მნიშვნელოვანი მიმწოდებელია. ამასთან, სამხრეთის გაზის დერეფანის საშუალებით კომპანია ხელს უწყობს ბუნებრივი აირის მიწოდების დივერსიფიკაციას. აქედან გამომდინარე, IP-ის შეძენა კიდევ უფრო ამყარებს აზერბაიჯანსა და იტალიას შორის არსებულ ხანგრძლივ ენერგეტიკულ თანამშრომლობას.იტალიის რესპუბლიკაში ვიზიტის ფარგლებში სოკარის პრეზიდენტმა როვშან ნაჯაფმა შეხვედრები გამართა იტალიის გარემოს დაცვისა და ენერგეტიკული უსაფრთხოების მინისტრ ჯილბერტო პიკეტო ფრატინთან და იტალიის საწარმოებისა და „Made in Italy“-ის მინისტრ ადოლფო ურსოსთან. შეხვედრებზე მხარეებმა განიხილეს ენერგეტიკული უსაფრთხოების საკითხები, სოკარის მიმდინარე საქმიანობა იტალიაში და ორ ქვეყანას შორის თანამშრომლობის გაღრმავების სამომავლო შესაძლებლობები.როვშან ნაჯაფი ასევე დაესწრო რომში აზერბაიჯანის საელჩოს ორგანიზებით გამართულ ოფიციალურ მიღებას, რომელიც აზერბაიჯანის დამოუკიდებლობის დღეს - 28 მაისს მიეძღვნა. ღონისძიებაზე გაიმართა SOCAR Italia-ს ოფიციალური პრეზენტაცია, რაც სოკარის იტალიურ ბაზარზე საქმიანობის ახალ ეტაპის დასაწყისია.

1780674266

„მსოფლიოს 25 უნივერსიტეტისგან მივიღე დასტურის წერილი“ - როდესაც ამ სიტყვებს ისმენ, შეიძლება იფიქრო, რომ ასეთი შედეგი მხოლოდ გამორჩეულად იღბლიან ადამიანებს ახასიათებთ. თუმცა, ანა მარია ფხალაძის ისტორია სულ სხვა რამეს გვიყვება - წარმატება ხშირად სწორედ იმ მომენტში იწყება, როცა ეჭვების მიუხედავად არ ჩერდები და მაინც აგრძელებ გზას.ანა მარია რუსთავიდანაა. დღეს მას არჩევანი უკვე გაკეთებული აქვს - სწავლას ბრიუსელის სახელმწიფო უნივერსიტეტში, საკუთარ საოცნებო მიმართულებაზე გააგრძელებს. თუმცა ამ გადაწყვეტილებამდე მისასვლელი გზა არც ისე მარტივი ყოფილა.ყველაფერი იმ კითხვებით დაიწყო, რომლებიც თითქმის ყველა ახალგაზრდას უჩნდება, როცა დიდ მიზანზე ფიქრობს:„იქნებ ეს ჩემთვის არ არის?“„თუ უარს მეტყვიან?“„თუ ვერ შევძლებ?“სწორედ ეს ფიქრები ახლდა ანა მარიასაც, როდესაც საზღვარგარეთ სწავლისთვის პირველი ნაბიჯების გადადგმა დაიწყო.საერთაშორისო უნივერსიტეტებში განაცხადების მომზადება, დოკუმენტების შეგროვება, გამოცდები, გასაუბრებები და მოლოდინი - ეს პროცესი ხშირად გაცილებით რთულია, ვიდრე საბოლოო შედეგი ჩანს. თითოეულ ეტაპზე ახალ გამოწვევასთან გიწევს გამკლავება, თუმცა სწორედ ამ დროს აცნობიერებ, რამდენად მნიშვნელოვანია საკუთარი თავის რწმენა და თავდაჯერებულობა.ანა მარიასთვისაც ყველაზე დიდი საყრდენი სწორედ საკუთარი მოტივაცია აღმოჩნდა.მისი თქმით, აპლიკაციების პროცესში ყველაზე მეტად ხვდები, რომ წინსვლისთვის მთავარი ძალა შენშია. სწორედ ეს გაძლევს შესაძლებლობას, სირთულეების მიუხედავად არ გაჩერდე და მიზნისკენ სვლა განაგრძო.დღეს, როდესაც მსოფლიოს 25 უნივერსიტეტისგან მიღებული დასტურის წერილი უკვე მის გამოცდილებად იქცა, ანა მარია სხვა ახალგაზრდებსაც იმავე გზავნილს უზიარებს:„თუ საზღვარგარეთ სწავლაზე ფიქრობ, გახსოვდეს, რომ შენი მიზანი იმაზე ახლოსაა, ვიდრე გგონია“.შესაძლებლობები, რომლებიც ახალ გზებს ხსნისსაქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს.სწორედ ამ მიზნით, უკვე 10 წელზე მეტია, საქართველოს ბანკი სხვადასხვა საერთაშორისო სასტიპენდიო პროგრამას ახორციელებს, რითაც ახალგაზრდა პროფესიონალებსა და მოსწავლეებს შესაძლებლობას აძლევს, განათლება მსოფლიოს წამყვან უნივერსიტეტებსა და სასწავლებლებში სრული დაფინანსებით მიიღონ.გახდი საქართველოს ბანკის სტიპენდიატი Fulbright-ის პროგრამაშისაქართველოს ბანკი 2014 წლიდან Fulbright-ის პროგრამის მხარდამჭერია. შესაბამისად, ბანკი ყოველწლიურად საკუთარ გამარჯვებულებს ავლენს და მათ აშშ-ში როგორც სწავლის, ისე ცხოვრების ხარჯებს სრულად უფინანსებს.Fulbright-ის ფარგლებში უკვე გამოვლინდა საქართველოს ბანკის 16 სტიპენდიატი. 2027-2028 წლის გამარჯვებულის გამოსავლენად განაცხადების მიღება მიმდინარეობს.Fulbright-ის სამაგისტრო პროგრამაზე აპლიკაციების შევსება 2026 წლის 1 ივლისამდე არის შესაძლებელი. ამისათვის, ეწვიეთ საერთაშორისო განათლების ინსტიტუტის (IIE) პორტალს.გახდი საქართველოს ბანკის ნიკა გუჯეჯიანის სახელობის სტიპენდიატიწელს ნიკა გუჯეჯიანის სახელობის სასტიპენდიო პროგრამა ახალ ლოკაციაზე - მადრიდში, Miami Ad School Europe-ში გრძელდება.ნიკა გუჯეჯიანის სახელობის სასტიპენდიო პროგრამაზე განაცხადების მიღება დაიწყო და 8 ივნისამდე გაგრძელდება. დამატებითი ინფორმაცია და სარეგისტრაციო ფორმა ხელმისაწვდომია ბმულზე.აღსანიშნავია, რომ ინიციატივის ფარგლებში უკვე გამოვლინდა საქართველოს ბანკის 5 სტიპენდიატი.გახდი საქართველოს ბანკის სტიპენდიატი Chevening-ის პროგრამაში10 წელზე მეტია, საქართველოს ბანკი CHEVENING-ის სასტიპენდიო პროგრამის პარტნიორია. პროექტის ფარგლებში ფინანსური ინსტიტუტი ყოველწლიურად საკუთარ რჩეულს ასახელებს და მათ ბრიტანეთის წამყვან უნივერსიტეტებში სამაგისტრო საფეხურზე სწავლასა და მასთან დაკავშირებულ ყველა საჭირო ხარჯს სრულად უფინანსებს.პროგრამის ფარგლებში უკვე გამოვლინდა 30-ზე მეტი სტიპენდიატი და მათი რაოდენობა ყოველწლიურად იზრდება.2027-2028 წლის პროგრამაზე მონაწილეობის მისაღებად აპლიკაციები აგვისტოში გაიხსნება. დამატებითი ინფორმაციისთვის ეწვიეთ ბმულს.საქართველოს ბანკის ახალი სასტიპენდიო პროგრამა მოსწავლეებისთვის15-17 წლის მოსწავლეებისთვის ხარისხიან განათლებაზე ხელმისაწვდომობის გაზრდის მიზნით კი, საქართველოს ბანკი UWC Georgia-ს პარტნიორია.UWC Georgia მიზნად ისახავს განათლების საშუალებით სხვადასხვა ხალხის, ერისა და კულტურის დაახლოებას. პროგრამა მოსწავლეებს აძლევს შესაძლებლობას, მათთვის საინტერესო ლოკაციაზე – მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა.საქართველოს ბანკისა და UWC Georgia-ს პარტნიორობის ფარგლებში უკვე ორი სტიპენდიატია გამოვლენილი, წლევანდელი კონკურსი 1 აგვისტოს გამოცხადდება.ეს საქართველოს ბანკის მიერ განხორციელებული საგანმანათლებლო პროგრამების მხოლოდ ნაწილია. ინიციატივების შესახებ დეტალური ინფორმაციის მისაღებად ეწვიეთ ვებგვერდს.

1780670805

ლიეტუვის თავდაცვის მინისტრის, რობერტას კაუნასის თქმით, 2026 წელს ლიეტუვის სამხედრო ხარჯები მშპ-ს 5.38%-ს, ანუ 4.79 მილიარდ ევროს მიაღწევს. წინა წლებში ლიეტუვა თავდაცვაზე მშპ-ს 3%-ზე ოდნავ მეტს ხარჯავდა.გაზრდილი ხარჯები უკრაინის ომისა და ბალტიისპირეთის ქვეყნებში რუსეთის მხრიდან პოტენციური საფრთხეების შესახებ შეშფოთების ფონზე თავდაცვისუნარიანობის გაძლიერების პროგრამის ნაწილია.„თუ ჩვენ ჩვენს უსაფრთხოებაში არ ჩავდებთ ინვესტიციას, არავინ მოვა ჩვენს დასაცავად“, - განმარტა კაუნასმა.მან აღნიშნა, რომ ეროვნული თავდაცვა ორ პრინციპზეა აგებული: ეროვნული შესაძლებლობები და კოლექტიური თავდაცვა ნატოს ფარგლებში.2026 წლის ბიუჯეტი სამხედრო ხარჯების 1.59 მილიარდი ევროთი გაზრდას ითვალისწინებს. დამატებითი თანხები იგეგმება შეიარაღებული ძალების მოდერნიზაციისთვის, საჰაერო თავდაცვის სისტემების განვითარებისა და მძიმე სამხედრო ტექნიკის შესყიდვისთვის. ლიეტუვა გეგმავს ახალი საჰაერო თავდაცვის სისტემების შეძენას და ბალისტიკური და ფრთოსანი რაკეტების თავდაცვის სისტემების დეფიციტის აღმოფხვრას. ერთ-ერთი ყველაზე დიდი პროექტი იქნება გერმანული Leopard 2A8 ტანკების მიწოდების კონტრაქტი. უსაფრთხოების პროექტებისთვის სახელმწიფო თავდაცვის ფონდიდან დამატებით 700 მილიონი ევრო გამოიყოფა.ვილნიუსის გადაწყვეტილება მოჰყვა ნატოს ფარგლებში თავდაცვის ხარჯების გაზრდის შესახებ მიღწეულ შეთანხმებებს. გასულ წელს ჰააგაში ალიანსის სამიტზე წევრი ქვეყნები შეთანხმდნენ, რომ 2035 წლისთვის სამხედრო ხარჯების სამიზნე ამჟამინდელი 2%-დან მშპ-ს 5%-მდე გაეზარდათ. სამიტის საბოლოო დეკლარაციის თანახმად, მშპ-ის მინიმუმ 3.5% უნდა გამოიყოს თავდაცვის ძირითად საჭიროებებზე და ნატოს სამხედრო მიზნების შესრულებაზე, ხოლო მშპ-ს 1.5%-მდე უნდა დაიხარჯოს კრიტიკული ინფრასტრუქტურის დაცვაზე, ეკონომიკური მდგრადობის გაძლიერებაზე, ინოვაციებსა და თავდაცვის ინდუსტრიის განვითარებაზე.იმავე დეკლარაციაში რუსეთი „ევროატლანტიკური უსაფრთხოებისთვის გრძელვადიან საფრთხედ“ მოიხსენიება.

1780667680

ყურადღება გამახვილდა ფასიანი ქაღალდების ბაზრის შემდგომი განვითარებისა და საერთაშორისო ინვესტორების დაინტერესების მიზნით, საქართველოს მთავრობის მიერ გადადგმულ ნაბიჯებზე, ხაზი გაესვა ამ მიმართულებით აზიური კაპიტალის ბაზრის ათვისების შესაძლებლობებს.ფინანსთა მინისტრმა საინვესტიციო ბანკ Nomura-ს მმართველ და აღმასრულებელ დირექტორებს გააცნო ქვეყნის მაკროეკონომიკური და ფისკალური პარამეტრები და საშუალოვადიანი პროგნოზები.შეხვედრას დაესწრნენ ფინანსთა მინისტრის მოადგილე ეკატერინე გუნცაძე და საქართველოს საგანგებო და სრულუფლებიანი ელჩი დიდი ბრიტანეთისა და ჩრდილოეთ ირლანდიის გაერთიანებულ სამეფოში ილია დარჩიაშვილი.ინფორმაციას ფინანსთა სამინისტრო ავრცელებს.

1780666921

"თუ დავაკვირდებით იმ ქვეყნებს, სადაც მყისიერი გადახდები უკვე დანერგილია, დავინახავთ ტენდენციას, რომ თავდაპირველ ეტაპზე ძირითადად გადარიცხვები ფიზიკურ პირებს შორის ხორციელდებოდა, თუმცა შემდგომ ეტაპზე ბიზნესის დიდი ნაწილიც მყისიერი გადახდების განხორციელებაზე გადაერთო და ჩვენც იგივე მოლოდინი გვაქვს. ვფიქრობთ, რომ ამით სარგებელს მიიღებენ არა მხოლოდ ფიზიკური პირები, არამედ იურიდიული პირები - განსაკუთრებით კი სავაჭრო ობიექტები, რომლებსაც შესაძლებლობა ექნებათ, ბარათების პარალელურად, ალტერნატიული მეთოდით მიიღონ თანხები. ჩვენთვის სასიამოვნოა, რომ მეზობელი ქვეყნიდან (სომხეთიდან) გვეწვივნენ და იზიარებენ ჩვენს გამოცდილებას წარმატებულად განხორციელებული პროექტის შესახებ. ჩვენ არაერთი ცენტრალური ბანკის წარმომადგენელი გვსტუმრობდა და ვფიქრობ, რომ მსგავსი თანამშრომლობა ხელს შეუწყობს ქვეყნებს შორის ინფრასტრუქტურების დაახლოებას", - განაცხადა ნატალია ჭყოიძემ.მანვე აღნიშნა, რომ მყისიერი გადახდების სისტემის დანერგვა მრავალმხრივ კოორდინაციასა და რესურსს მოითხოვს, რის გამოც პროექტის განხორციელების პროცესში არაერთი გამოწვევა იკვეთება."ახალი პროექტებიდან გამომდინარე, ეროვნული ბანკის მხარეს ბევრი გამოწვევაა, ვინაიდან პროექტის წარმატებით დანერგვისთვის მნიშვნელოვანი რესურსის ჩადებაა საჭირო, განსაკუთრებით ამ სისტემის ტესტირების პროცესში. ამ პროცესს კიდევ უფრო ართულებს ის, რომ მასში ჩართულია მრავალი სუბიექტი - სულ მცირე 17 კომერციული ბანკი, 2 მიკრობანკი, სახელმწიფო ხაზინა და თავად ეროვნული ბანკი. კოორდინაცია ამ პროექტის ფარგლებში საკმაოდ დიდ გამოწვევებთან არის დაკავშირებული, თუმცა უკვე წარმატებით განხორციელებულმა პროექტმა ჩვენ საკმაოდ დიდი გამოცდილება მოგვცა, გვასწავლა გარკვეული ასპექტები და დარწმუნებული ვართ, ახალ პროექტსაც წარმატებით გავართმევთ თავს სექტორის ყველა მონაწილესთან ერთად.იმედი გვაქვს წლის ბოლოსთვის მომხმარებელს შევთავაზებთ სწრაფ უსაფრთხო და უფრო ხელმისაწვდომ მომსახურებას. რამდენიმე წლის წინ ჩვენ საგადახდო სფეროში დავნერგეთ ევროდირექტივის მოთხოვნები და არსებული მდგომარეობით სრულ შესაბამისობაში ვართ აღნიშნულ სტანდარტებთან, რომელიც მათ შორის საბანკო და ფინანსურ სექტორში გარკვეული უსაფრთხოების ზომების დანერგვას მოიცავდა. ამ ეტაპზე ყველა კომერციულ ბანკს დანერგილი აქვს თაღლითობის მონიტორინგის სისტემები, რითაც მათ შესაძლებლობა აქვთ ამოიცნონ მომხმარებლისთვის უჩვეულო გარიგება, რა დროსაც შესაბამის ღონისძიებებს ატარებენ. შესაძლოა გადახდის ოპერაცია გაჩერდეს და დამატებითი კომუნიკაცია განხორციელდეს მომხმარებელთან.გარდა ამისა, შეიცვალა სტანდარტი დისტანციური არხებით ჩვენს საგადახდო ანგარიშზე წვდომის კუთხით. აქაც გარკვეული მოთხოვნები დაწესდა კომერციული ბანკების მიმართ და, ამ მხრივ, ვფიქრობ, ჩვენ უკვე მზად ვართ, რომ სექტორს მყისიერი გადახდების სისტემა მივაწოდოთ. თუმცა, როგორც ვიცით ამ ტექნოლოგიებთან და დაცვის მექანიზმებთან ერთად თაღლითებიც ვითარდებიან და ახალ-ახალი სცენარები შემოაქვთ მომხმარებლის მოსატყუებლად, ამიტომ, ძალიან მნიშვნელოვანია ასევე, მომხმარებლის ცნობიერების ამაღლება და ამ მიმართულებით გარკვეული სამუშაოების განხორციელება იქნება საჭირო", - აცხადებს ნატალია ჭყოიძე.ცნობისთვის, სებ-მა წარმატებით დაასრულა დროის რეალურ რეჟიმში ანგარიშსწორებისა (RTGS) და კლირინგის სისტემების განახლება. RTGS-ის განახლებული სისტემის დანერგვა მიზნად ისახავს ფინანსური სექტორისა და მომხმარებლებისთვის - ფიზიკური და იურიდიული პირებისთვის - უფრო სწრაფი, უსაფრთხო და საიმედო მომსახურების უზრუნველყოფას, ასევე საერთაშორისო სტანდარტებთან კიდევ უფრო მეტად დაახლოებას. გარდა ამისა, ახალი ინფრასტრუქტურა ქმნის კარგ საფუძველს მომავალი ინოვაციური სერვისების, მათ შორის, მყისიერი გადახდების სისტემისა(IPS) და დამატებითი ციფრული მომსახურებების განვითარებისთვის.BP.GE

1780666595

სამინისტროს ინფორმაციით, შეხვედრას დაესწრნენ ფინანსთა მინისტრის მოადგილე ეკატერინე გუნცაძე და საქართველოს საგანგებო და სრულუფლებიანი ელჩი დიდი ბრიტანეთისა და ჩრდილოეთ ირლანდიის გაერთიანებულ სამეფოში ილია დარჩიაშვილი.საუბარი შეეხო საერთაშორისო და ადგილობრივი ფასიანი ქაღალდების ბაზარზე საქართველოს ფასიანი ქაღალდების გამოშვების არსებულ ტენდენციებსა და სამომავლო გეგმებს. განხილულ იქნა, საქართველოს ფასიანი ქაღალდების პერსპექტივა აზიურ ბაზარზე და აღინიშნა ინვესტორთა მხრიდან მზარდი ინტერესი ამ მიმართულებით.შეხვედრაზე მიმოიხილეს საქართველოს მაკროეკონომიკური და ფისკალური პოლიტიკის მიმდინარე პარამეტრები, განახლებული საპროგნოზო მაჩვენებლები და ეკონომიკური განვითარების ტენდენციები.

1780664563