ღონისძიებაზე ასევე წარმოდგენილი იყო თემატური პრეზენტაციები ქსელის განვითარებასა და შავი ზღვის გადამცემი ხაზის პროექტზე, რომელზეც საქართველოს სახელმწიფო ელექტროსისტემის დირექტორთა საბჭოს წევრებმა ისაუბრეს, ხოლო ბაზრის რეფორმის მიმდინარეობაზე ეკონომიკისა და მდგრადი განვითარების სამინისტროს წარმომადგენელმა ისაუბრა.კონფერენციის ფარგლებში გაიმართა პანელური დისკუსია სექტორის აქტუალურ საკითხებზე, გამოწვევებსა და პერსპექტივებზე. ამ დისკუსიაში მონაწილეობდნენ პირველი ვიცე-პრემიერი - ეკონომიკისა და მდგარი განვითარების მინისტრი, სემეკ-ის თავმჯდომარე, საქართველო-ურბან ენერჯის გენერალური დირექტორი და საქართველოს ბანკის გენერალური დირექტორი.“ინვესტორებისთვის კრიტიკულია ინფორმაციის ხელმისაწვდომობა, რაც პირდაპირ აისახება პროექტების დაგეგმვასა და განხორციელებაზე. სწორედ ამას ემსახურება დღევანდელი კონფერენცია — სიღრმისეული ანალიზის წარდგენასა და დარგში არსებულ გამოწვევებზე დიალოგს. ბოლო პერიოდში იზრდება ინტერესი ქარისა და მზის ენერგიის მიმართ, რაც დეტალურად აისახა ჩვენს კვლევაში. კვლევაში განხილულია როგორც ტექნიკური და ეკონომიკური ასპექტები, ასევე ის კრიტიკული საკითხები, რომლებიც ენერგოსისტემის სტაბილურობასა და ქვეყნის ენერგოუსაფრთხოებას განსაზღვრავს,“ — აღნიშნა გალტ & თაგარტის გენერალურმა დირექტორმა, გიორგი კუპრაშვილმა.

1750428060

თბილისში, აღმაშენებლის ხეივნის 129 ნომერში, ოფიციალურად გაიხსნა Automobili Lamborghini-ს პირველი შოურუმი საქართველოში. ლეგენდარულ იტალიურ ბრენდს საქართველოში ექსკლუზიურად „თეგეტა ჰოლდინგი“ წარმოადგენს. ბრენდის კონცეპტუალური შოურუმი სრულად ასახავს Lamborghini-ს გაბედულ, ავთენტიკურ და იტალიური ხიბლით სავსე იდენტობას.შტეფან ვინკელმანი, Automobili Lamborghini-ს პრეზიდენტი და აღმასრულებელი დირექტორი: „საქართველოს პირველი ოფიციალური შოურუმის გახსნა მნიშვნელოვანი ნაბიჯია Lamborghini-ს საერთაშორისო განვითარების სტრატეგიაში. მოხარულები ვართ, რომ ვაძლიერებთ ჩვენს პოზიციას საქართველოში ისეთი პარტნიორის მეშვეობით, როგორიც არის „თეგეტა ჰოლდინგი“ – კომპანია, რომელიც უზრუნველყოფს უმაღლესი ხარისხის პროდუქტებსა და მომსახურებას. ჩვენი სრულად ჰიბრიდული მოდელების დებიუტი, ამ მნიშვნელოვან მოვლენასთან ერთად, შეესაბამება ჩვენს გრძელვადიან სტრატეგიას მდგრადი განვითარების მიმართულებით“.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „მოხარულები ვართ, რომ უკვე შესაძლებლობა გვაქვს, საპატიო სტუმრებსა და ჩვენს მომხმარებელს Lamborghini-ს შოურუმში ვუმასპინძლოთ. ამ ექსკლუზიური თანამშრომლობის საფუძველი საავტომობილო ინდუსტრიაში „თეგეტას“ 30-წლიანი გამოცდილება და პარტნიორების მხრიდან მაღალი სანდოობა გახდა. სრულად ვართ მზად, მომხმარებელს იტალიური ბრენდის სტანდარტების შესაბამის შოურუმში მოვემსახუროთ და მაღალკვალიფიციური სერვისი შევთავაზოთ. ლეგენდარულ ბრენდთან თანამშრომლობა ახალი ისტორიის დასაწყისია როგორც „თეგეტასთვის“, ისე საქართველოს საავტომობილო ბაზრისათვის. ვფიქრობთ, ეს მოვლენა დადებითად აისახება, ცხადია, როგორც ჩვენი ჰოლდინგის, ისე ზოგადად ქვეყნის იმიჯზე“.ლეგენდარული ბრენდის პრეზენტაციას, ჯამში, 500-მდე სტუმარი დაესწრო. საგანგებოდ ღონისძიებისთვის ერთი დღით პავილიონი მოეწყო, სადაც ინტერაქციული ინსტალაციები ვიზუალური ხელოვნებითა  და სპეციალურად ამ საღამოსთვის შექმნილი DJ სეტით შთამბეჭდავ ატმოსფეროს ქმნიდა. პავილიონიდან დამსწრეებმა საექსპოზიციო სივრცეში გადაინაცვლეს, სადაც მათ იტალიის დროშის ფერებში წარმოდგენილი Lamborghini-ს მოდელები დახვდათ. ამ ჟესტით კიდევ ერთხელ წარმოჩნდა ბრენდის სულისკვეთება.გახსნის ცერემონიის კულმინაცია იყო Lamborghini Temerario-ს დებიუტი საქართველოში - სუპერსპორტული ავტომობილი, რომელიც სრულყოფს ბრენდის ჰიბრიდული მოდელების ხაზს. ეს მოდელი ნამდვილად არის კატეგორიაში გამორჩეული ავტომობილი – „Fuoriclasse“, რომელიც თავისთავად ქმნის ახალ სტანდარტს. მისი 920-ცხენისძალიანი, ორ ტურბოზე მომუშავე V8 ჰიბრიდული ძრავის სისტემა უზრუნველყოფს გამორჩეულ სიმძლავრესა და კომფორტს შეუდარებელი მართვის გამოცდილებისთვის.ავტომობილი სრულად შემუშავებულია Sant’Agata Bolognese-ში და მისი V8 ძრავა ერთადერთია სერიული წარმოების სპორტულ ავტომობილებს შორის, რომელსაც შეუძლია 10,000 ბრუნს მიაღწიოს წუთში. ტექნიკური მახასიათებლების გარდა, Temerario ასევე გამოირჩევა სალონის სივრცითა და კომფორტით, რაც უზრუნველყოფს მეტ ადგილს მგზავრებისა და ბარგისთვის, ვიდრე ნებისმიერი სხვა მანქანა თავის კლასში. ეს მოდელი ინჟინერიისა და დიზაინის ახალი მიღწევაა, რომელიც აერთიანებს მაღალ წარმადობას, ახალი თაობის აეროდინამიკურ სტანდარტებსა და ბრენდის დიზაინერულ იდენტობას.პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი:  „გადაჭარბებული არ იქნება, თუ ვიტყვით, რომ „თეგეტასა“ და Automobili Lamborghini-ს პარტნიორობა რეგიონის მასშტაბით უპრეცედენტოა და ხაზს უსვამს არა მხოლოდ ჩვენი კომპანიის მაღალ რეპუტაციას, არამედ საავტომობილო სექტორის განვითარებას ქვეყანაში, რომლის სათავეშიც უკვე წლებია სწორედ „თეგეტა“ დგას. ჩვენი მთავარი სამიზნე აუდიტორია ამჯერად სუპერქარების მოყვარულები არიან, რომლებსაც მაღალი კლასის ავტომობილების ფართო სამოდელო რიგს შევთავაზებთ. ამასთან ერთად, როგორც ბრენდის ოფიციალური წარმომადგენლები, ვიღებთ პასუხისმგებლობას მაღალი ხარისხის სრულ სერვისმომსახურებაზე. მზადება ამისათვის გასულ წელს დავიწყეთ. ჩვენმა გამოცდილმა მექანიკოსებმა ბრენდის სპეციფიკაციების დეტალურად შესასწავლად რამდენიმეთვიანი კურსები გაიარეს. ვფიქრობთ, შევძლებთ, ქართველ მომხმარებელს Lamborghini-სთვის დამახასიათებელი ემოციებით სავსე ახალი გამოცდილება შევთავაზოთ. მადლობას ვუხდით ჩვენს პარტნიორებს – TBC WM-ს და Bridgestone-ს, გლობალურ ლიდერს საბურავების წარმოებასა და მდგრადი მობილობის გადაწყვეტილებებში, რომელიც ასევე  Lamborghini-ს ოფიციალური პარტნიორია“.შოურუმი Lamborghini-ს შოურუმი 300 კვადრატულ მეტრზეა განთავსებული და აგებულია ბრენდის გლობალური სტანდარტების შესაბამისად. მისი არქიტექტურა და დიზაინი Lamborghini-ს ესთეტიკასა და ფილოსოფიას ასახავს. თითოეული დეტალი, როგორც ინტერიერი, ისე ექსტერიერი, და ყველა გამოყენებული მასალა, მათ შორის მაღალი ხარისხის ევროპული ავეჯი და ტექნიკური ინვენტარი, სრულად შეესაბამება Lamborghini-ს სტანდარტებს.რაც შეეხება სერვისს, სადაც უშუალოდ Lamborghini-ს მიერ მომზადებული სპეციალისტები მუშაობენ, რვა სამუშაო სივრცისგან შედგება. ავტომომსახურების ნაწილი თანამედროვე დანადგარებითა და უსაფრთხოების სისტემებით არის აღჭურვილი.Lamborghini-ს მოყვარულებს ექნებათ წვდომა შოურუმში განთავსებულ Ad Personam კონფიგურატორზე, რომლის საშუალებითაც შეძლებენ, თავად შეარჩიონ ფერები, მასალები, განსაზღვრონ სპეციფიკაციები და თავიანთ გემოვნებაზე მორგებული ავტომობილი შეიძინონ.Automobili Lamborghini-ს შესახებAutomobili Lamborghini 1963 წელს დაარსდა Sant’Agata Bolognese-ში და დღემდე იტალიური ავტოწარმოების გლობალური სიმბოლოა. 60-წლიანი ისტორიის განმავლობაში კომპანიამ შექმნა საავტომობილო ინდუსტრიის რამდენიმე ლეგენდარული მოდელი და გახდა პირველი ბრენდი სუპერსპორტული ავტომობილების სეგმენტში, რომელმაც სრულად ჰიბრიდული მოდელების ხაზი შემოიტანა: Revuelto – V12 HPEV; Urus SE – პირველი plug-in ჰიბრიდული Super SUV; და Temerario – ერთადერთი სუპერსპორტული ავტომობილი, რომელსაც შეუძლია 10,000 ბრუნს მიაღწიოს წუთში, ორ ტურბოზე მომუშავე V8 ძრავით. ამავდროულად, Lamborghini აგრძელებს მნიშვნელოვნად შემცირებულ ემისიებზე ორიენტირებულ განვითარებას. მისი საწარმო უკვე ათწლეულზე მეტია, რაც ნახშირბადნეიტრალურია და ეს ასახავს კომპანიის სტრატეგიას – “Direzione Cor Tauri”, რომელიც მიზნად ისახავს ღირებულებათა ჯაჭვის სრული დეკარბონიზაციას. ყველა Lamborghini იქმნება და იწარმოება იტალიაში, ახალ ტექნოლოგიურ ქარხანაში, რომელიც წელიწადში 10,000-ზე მეტ ავტომობილს აწარმოებს და ლიდერია როგორც ინოვაციაში, ისე მდგრად განვითარებაში. კომპანია 3,000-მდე თანამშრომელს აერთიანებს და წარმოდგენილია 56 ქვეყანაში 185 დილერის მეშვეობით. Automobili Lamborghini აგრძელებს საზღვრების გაფართოებას, თავისი ძირითადი ღირებულებების შენარჩუნებით: გაბედული, მოულოდნელი და ავთენტიკური. 

1750426140

„კორპორაციული მომხმარებელი ჩვენთან არ მოდის მხოლოდ ბეჭდვაზე - ის ჩვენთან იღებს იდეებს, რომლებზეც მანამდე, შესაძლოა, არც უფიქრია. ეს კრეატიული რესურსი კრაფტბოქსიდან მოდის და ვფიქრობ, სწორედ ამაშია ჩვენი ძალა. მიუხედავად იმისა, რომ ამ ეტაპზე ბაზარზე სხვა აქტორებს მეტი წარმადობა შეიძლება ჰქონდეთ, კრაფტარეას აქვს ერთი განსაკუთრებული მახასიათებელი - ჩვენ ყოველთვის შემოქმედებითად ვუდგებით ნებისმიერ შეკვეთას, როგორი მარტივიც არ უნდა ჩანდეს ის თავდაპირველად.“ - ამბობს კომპანიის დამფუძნებელი მიხეილ ლალიაშვილი.თუმცა ბრენდის ზრდასთან ერთად, გამოწვევებიც გაჩნდა. დანადგარები არაერთხელ გამხდარა შეფერხების მიზეზი. მიუხედავად იმისა რომ გამოწვევები მომხმარებლებს არასდროს უგრძნიათ, კრაფტბოქსის გუნდისთვის ახალი დანადგარები ბიზნესის განვითარებისა და ზრდის მთავარი საშუალება იყო.სწორედ ამ დროს გადადგეს ნაბიჯი ახალ პარტნიორობამდე. კრაფტბოქსმა მიიღო ფინანსური მხარდაჭერა პროკრედიტ ბანკისგან და შეიძინა მაღალი წარმადობის პროფესიული დანადგარი.„თავდაპირველად სესხის პირობებმა მიგვიზიდა, თუმცა, ამას დაემატა მომსახურების მაღალი სტანდარტი და ის მეგობრული მიდგომა, რასაც პროკრედიტისგან თანამშრომლობის ყველა ეტაპზე ვიღებთ. მომავალში კიდევ ვგეგმავთ ახალი დანადგარების შეძენას და ვიცით, რომ პარტნიორი უცვლელი იქნება.“დღეისათვის, კრაფტბოქსის ასორტიმენტი უკვე საკმაოდ მრავალფეროვანია, კომპანიას სურს კიდევ უფრო გააფართოოს პროდუქცია. დაგეგმილია თანამედროვე დანადგარების დამატება, რაც ბრენდს წარმოების ზრდის საშუალებას მისცემს როგორც საცალო, ისე კორპორაციული მიმართულებით.თუმცა, გრძელვადიანი მიზნები ამაზე შორს მიდის - კრაფტბოქსი აპირებს, საქართველოში კიდევ არაერთი კრეატიული მომსახურების პრეცედენტი შექმნას. თავისი წვლილი შეიტანოს ბეჭდვის ინდუსტრიის შემოქმედებით განვითარებაში და აღმოაჩინოს მუდმივი განვითარების ახალი შესაძლებლობები ფინანსურ პარტნიორ პროკრედიტ ბანკთან ერთად.

1750424734

„თეგეტას“ Prime მომსახურება პასუხობს კორპორაციული მომხმარებლების უმნიშვნელოვანეს საჭიროებებს: პროცესების კოორდინაცია, სერვისის სტატუსების კონტროლი და ინფორმაციის დროული მიღება. პარტნიორ კომპანიას ენიშნება Prime მენეჯერი — ინდივიდუალური საკონტაქტო პირი, რომელიც უზრუნველყოფს ავტოპარკის უწყვეტ, გეგმურ და ეფექტიან მომსახურებას. ის უზრუნველყოფს როგორც სერვისის დაგეგმვასა და ტექნიკური მდგომარეობის მონიტორინგს, ისე ხარჯებისა და დატვირთვის ანალიზს და დოკუმენტაციის მართვას, რაც შესაძლებელია როგორც დისტანციურად, ისე ფილიალში ვიზიტისას.ნათია ნასრაშვილი, „თეგეტა მოტორსის“ მთავარი საოპერაციო ოფიცრის მოადგილე: „Prime მომსახურება ბიზნესს აძლევს შესაძლებლობას, ავტოპარკის მართვა ხარისხობრივად ახალ ეტაპზე გადაიყვანოს — ზუსტად, ეფექტურად და პარტნიორულად. იმ კომპანიები, რომლებსაც თეგეტასთან სტრატეგიული პარტნიორობა აკავშირებთ, ფლობენ დიდ ავტოპარკს და აქვთ მუშაობის განსხვავებული სპეციფიკა, ვთავაზობთ რეალურ საჭიროებებზე მორგებულ გამოცდილებას. ერთ-ერთი ყველაზე მნიშვნელოვანი სარგებელი, რომელსაც თეგეტასგან იღებენ, არის ავტოპარკის ინდივიდუალურად შესწავლა და ამის შესაბამისად, მათ საჭიროებებზე მორგებული სერვისების მიღება. ამ შემთხვევაში გათვალისწინებულია კომპანიის საქმიანობის სპეციფიკა, რომელიც გავლენას ახდენს თითოეული ავტომობილის ცვეთასა და ოპერირებისთვის საჭირო სარეგლამენტო სერვისებზე.Prime-ის მთავარი უპირატესობა პრევენციულ მიდგომაშია — მომხმარებელი აღარ ელოდება პრობლემას, მან  ზუსტად იცის, როდის უნდა ჩაუტარდეს ავტომობილს გეგმური სერვისი ან ტექნიკური შემოწმება, რაც იმას ნიშნავს, რომ დაზღვეულია გაუთვალისწინებელი შემთხვევებისგან და მაქსიმალურად ზოგავს ავტომობილის სერვისზე მოცდენის დროს. ანალიტიკისა და რეპორტინგის საშუალებით კომპანია ზუსტად ხედავს თავის ხარჯებს და იღებს გადაწყვეტილებას, როდის დაგეგმოს ცვლილება კონკრეტულ ავტომობილთან დაკავშირებით“.ახალი მომსახურებისთვის სპეციალურად შეირჩნენ Prime მენეჯერები, რომლებიც ამ მიმართულებით უკვე ფლობენ მრავალწლიან პრაქტიკულ გამოცდილებას. ისინი კარგად იცნობენ როგორც სერვისის სტანდარტებს, ისე ავტომობილების აგებულებასა და პრემიუმ პროდუქტების სპეციფიკას. ისინი უზრუნველყოფენ თეგეტას სერვისცენტრებში პრიორიტეტულ რიგს Prime მომსახურების ფარგლებში, რათა მომხმარებლის ავტომობილი რაც შეიძლება ნაკლები დროით დაყოვნდეს შესაკეთებლად.Prime სერვისი ასევე მოიცავს პროდუქტების ინდივიდუალური მარაგის შექმნას, მობილურ სერვისზე შეუზღუდავ წვდომას 24/7-ზე, სპეციალურ ფასებს, წვდომას შეზღუდულ შეთავაზებებზე და ხელსაყრელ პირობებს ახალი პროდუქტებისთვის.Prime მომსახურების დანერგვას „თეგეტა“  გაფორმების ეკონომიკური ზონის ტერიტორიაზე მდებარე ფილიალიდან იწყებს, რომელიც რეგიონში ყველაზე მასშტაბური სერვისჰაბია. ბიზნესპარტნიორებისთვის სერვისი ოფიციალურად 1 ივლისიდან ამოქმედდება, წლის ბოლომდე კი აღნიშნული მომსახურება ეტაპობრივად გავრცელდება „თეგეტა მოტორსის"თბილისის ცენტრალურ ფილიალში, ბათუმსა და ქუთაისში.

1750423674

დავით ნარმანიამ პარლამენტის წევრებს მიაწოდა ინფორმაცია 2024 წელს დანერგილი გამარტივებული მომსახურებების, მომხმარებელთა უფლებების დაცვის კუთხით შემუშავებული მექანიზმების, ელექტროენერგეტიკის, ბუნებრივი გაზის, წყალმომარაგებისა და მელიორაციის სექტორებში არსებული მდგომარეობისა და რეგულირების განვითარების მიზნით განხორციელებული პროექტების შესახებ.სემეკის თავმჯდომარის თქმით, 2024 წელს კომისია ინტენსიურად მუშაობდა როგორც რეგულირების გაუმჯობესების, ასევე მომხმარებელთა უფლებების დაცვის კუთხით.„2024 წლის განმავლობაში, მომხმარებელთა უფლებების დაცვის მიმართულებით კომისიამ განიხილა 3000-ზე მეტი განცხადება/საჩივარი. მათ შორის, ისეთი საჩივრები, რომლებიც შეეხებოდა კომუნალური კომპანიების მხრიდან უსაფუძვლო დარიცხვებს. სემეკის გადაწყვეტილებებით მომხმარებლებს ჩამოეწერათ 3 მილიონ ლარამდე უსაფუძვლოდ დარიცხული თანხები. გარდა ამისა, მომსახურების სტანდარტების დარღვევის გამო, მომხმარებლებისთვის დარიცხული კომპენსაციების ჯამმა 2,5 მილიონი ლარი შეადგინა“, - განაცხადა დავით ნარმანიამ.სემეკის თავმჯდომარემ ანგარიშის წარდგენისას აღნიშნა, რომ სხვა სიახლეებთან ერთად, 2024 წელს სემეკმა დანერგა ახალი რეგულაცია, რომელიც შეეხება მრავალბინიან საცხოვრებელ სახლებში ცენტრალური გათბობის ერთიანი სისტემის განვითარებას. მისივე თქმით, ამოქმედდა სტატისტიკის პორტალი, სადაც განთავსდა დეტალური ინფორმაცია როგორც ელექტროენერგიის მიწოდება-მოხმარების ფაქტობრივი ბალანსების, ასევე ნეტო აღრიცხვისა და ელექტროენერგიის საცალო მომხმარებლებზე მიწოდებული სტატისტიკური მონაცემების შესახებ.კომიტეტის მიერ სემეკის 2024 წლის საქმიანობის ანგარიშს დადებითი შეფასება მიეცა.

1750422544

შეთავაზება მოქმედებს შემდეგ ობიექტებში:· Radisson Blue Iveria - უმაღლესი კლასის სასტუმრო, რომელიც თბილისის შუაგულში, პირველი რესპუბლიკის მოედანზე მდებარეობს. სასტუმროს აუზზე დაგხვდებათ ყველა პირობა სასიამოვნო განტვირთვისთვის;· King David Pool - King David-ის კომპლექსში სტუმრებს შესაძლებლობა აქვთ ისარგებლონ საცურაო აუზით, ბარით, ევროპულ-აზიური სამზარეულოთი და მყუდრო სამუშაო სივრცით;· Neptune - 20 წელზე მეტია, Neptune-ი საკუთარ მომხმარებლებს გამორჩეულ სერვისებს სთავაზობს. საცურაო აუზების გარდა, სპორტულ კომპლექსში ასევე განთავსებულია უახლესი ტექნიკით აღჭურვილი ფიტნესდარბაზი;· Axis Towers Wellness Centre - უნიკალური სივრცე, სადაც შეგიძლიათ შეიქმნათ მაქსიმალური კომფორტი და ისარგებლოთ მრავალფეროვანი სერვისებით. პრემიუმ ველნეს ცენტრში ერთიანდება: აუზი, თანამედროვე სავარჯიშო ტექნიკით აღჭურვილი სპორტული დარბაზი, სპა, ფინური, მცენარეული და ორთქლის საუნები, ორი ჯაკუზი, ბარი და ტერასა.საცურაო აუზების სამუშაო საათებსა და შეთავაზების გამოყენების პირობების შესახებ დეტალურ ინფორმაციას იხილავთ ვებგვერდზე. 

1750422300