Yandex-მა ФСБ-სთან მომხმარებლების თვალთვალისთვის საჭირო აღჭურვილობის დამონტაჟება შეათანხმა - 2023 წლისთვის სამუშაოს უმეტესი ნაწილი დაასრულა

კომპანია „ბორჯომის“ ახალი საწარმო ეკონომიკისა და მდგრადი განვითარების მინისტრმა საქართველოს პრემიერ-მინისტრთან ერთად გახსნა. მარიამ ქვრივიშვილი ქარხნის საწარმოო პროცესსაც გაეცნო. როგორც მინისტრმა სიტყვით გამოსვლისას აღნიშნა, მნიშვნელოვანია, რომ ყველაზე ცნობილი ქართული ბრენდის 135 წლიანი ისტორია გრძელდება და ვითარდება.„ბორჯომი“ ჩვენი ქვეყნის უპირველესი, ყველაზე სახელგანთქმული და გამორჩეული სახელწოდებაა, რომელიც ქართული იდენტობის და სული სამარკო ნიშნადაც კი იქცა, როგორც ქართული ბუნების, მთის, წყაროს და ხასიათის გამომხატველი. მადლობა ბორჯომის მმართველ კომპანიას, რომელმაც უდიდესი ძალისხმევა გასწია არსებული ბრენდის განვითარებისთვის და 120 მლნ დოლარის ინვესტიცია განახორციელა ამ საწარმოს ასაშენებლად“, - განაცხადა მარიამ ქვრივიშვილმა.როგორც ეკონომიკის მინისტრმა აღნიშნა, მნიშნელოვანია, რომ საწარმომ ახალი სამუშაო ადგილები შექმნა და აქ დასაქმებული 600 ადამიანიდან ყველა ბორჯომელია, რაც ხაზს უსვამს კომპანიის სოციალურ პასუხისმგებლობას და უზრუნველყოფს, რომ კომპანიის და საწარმოს წილი ადგილობრივი ეკონომიკის ზრდაში მზარდია.„სტატისტიკა ცხადყოფს, რომ ჩვენი ქვეყანა ლიდერობს რეგიონში, ისევე როგორც ევროპის ქვეყნებში მაღალი ეკონომიკური ზრდით. ძალიან სტაბილურია ასევე დარგობრივი და სექტორული მიმართულებით განვითარება. ხაზგასაამელია სექტორის სავაჭრო ბრუნვის და ექსპორტის ზრდაც“, - განაცხადა ეკონომიკის მინისტრმა.„IDS ბორჯომი საქართველო“-ს ახალი ქარხანა ყვიბისში გაიხსნა, ის თანამედროვე ტექნოლოგიებით აღჭურვილი საწარმოა.მასშტაბითა და წარმოების შესაძლებლობებით, თავის დარგში ქარხანა საქართველოში ყველაზე დიდია - სიმძლავრე საწყის ეტაპზე 750 მილიონი ბოთლია წელიწადში, ხოლო 2030 წლისთვის მილიარდ ბოთლამდე მიაღწევს. ამასთან, კომპანიის პორტფელს დაემატა ინოვაციური პროდუქტები: ლიმონათი ბორჯომისგან, ბაკურიანი ხილის გემოთი, ლიკანი არომატით.მარიამ ქვრივიშვილმა ასევე ხაზი გაუსვა, რომ საქართველოს ეკონომიკის სწრაფი და დინამიური ზრდისთვის უმნიშვნელოვანესია სინერგია სახელმწიფო პოლიტიკასა და კერძო სექტორს შორის, რისი მაგალითიც სახელმწიფოსა და კომპანია „IDS ბორჯომ“-ს შორის თანამშრომლობაა.„ეს არის ნათელი და კიდევ ერთი მკაფიო მესიჯი, მათ შორის, ადგილობრივი და საერთაშორისო ბიზნესისთვის, რომ ჩვენი ქვეყანა სწორი განვითარების გზას ადგას, შენარჩუნებულია სტაბილურობა, მშვიდობა, სწორი ბიზნეს გარემო, რომელიც ხელს უწყობს ახალი ინვესტიციების მოზიდვას და სამუშაო ადგილების შექმნას. ხელისუფლება ყველაფერს აკეთებს იმისთვის, რომ ჩვენი თითოეული მოქალაქის კეთილდღეობა დღითიდღე იზრდებოდეს“, - განაცხადა მარიამ ქვრივიშვილმა.

1757685123

მორიგი სამუშაო შეხვედრა გიორგი კალანდარიშვილმა ცესკოს აპარატის/იურიდიული დეპარტამენტის უფროსთან გიორგი სანტურიანთან ერთად ქუთაისის საოლქო საარჩევნო კომისიაში გამართა. ისინი დეტალურად გაეცნენ 4 ოქტომბრის მუნიციპალიტეტის ორგანოთა არჩევნებისთვის კომისიის მიერ განხორციელებულ და მიმდინარე საქმიანობებსა და აქტივობებს.  მხარეებმა ასევე განიხილეს საუბნო საარჩევნო კომისიების სწავლებისა და პროფესიული გადამზადების პროცესიც.„გრძელდება რეგიონული შეხვედრები საოლქო საარჩევნო კომისიებში. ამჯერად ვიმყოფებით ქუთაისში და გვაქვს შესაძლებლობა სამუშაო შეხვედრის ფორმატში პირადად მივიღოთ საოლქო საარჩევნო კომისიის ყველა წევრისგან ინფორმაცია, რომელიც უკავშირდება არჩევნებისთვის მზადებას და ყველა იმ ადგილობრივ გამოწვევასა თუ საჭიროებას, რომელიც დღეს ინსტიტუციის წინაშე დგას. რა თქმა უნდა, ასეთი შეხვედრები არჩევნებამდე კიდევ გაგრძელდება, რათა ჩვენ უფრო მჭიდრო კავშირში ვიყოთ ადგილობრივ დონეზე საოლქო სარჩევნო კომისიებთან, რაც, თავის მხრივ,  ხელს შეუწყობს არჩევნების ეფექტიანად და მაღალ პროფესიულ დონეზე ადმინისტრირებას“, - აღნიშნა გიორგი კალანდარიშვილმა.აღსანიშნავია, რომ ცესკოს ხელმძღვანელი პირები ეტაპობრივად ეცნობიან ქვეყნის მასშტაბით საოლქო საარჩევნო კომისიების მზადებას 2025 წლის თვითმმართველობის არჩევნებისთვის.

1757684615

პრემიერის თქმით, ოთხი ულტრათანამედროვე ჩამომსხმელი ხაზის საწყისი სიმძლავრე წელიწადში 750 მილიონი ბოთლია, 2030 წლისთვის კი – მილიარდს მიაღწევს.„დღეს ჩვენ აღვნიშნავთ „ბორჯომის” მინერალური წყლის წარმოების ისტორიაში ახალი, კიდევ უფრო ამბიციური ეტაპის დაწყებას. სულ რაღაც ორი წლის წინ დაწყებული სამუშაოების შედეგად, აქ, ყვიბისში, 48 000 კვადრატულ მეტრზე საერთაშორისო სტანდარტების ქარხანა გაიხსნა. მინდა მოგილოცოთ თითოეულ თქვენგანს ეს ძალიან მნიშვნელოვანი დღე. ოთხი ულტრათანამედროვე ჩამომსხმელი ხაზის საწყისი სიმძლავრე წელიწადში 750 მილიონი ბოთლია, 2030 წლისთვის კი – მილიარდს მიაღწევს.ამ პროექტისთვის გაღებული 120-მილიონიანი ინვესტიცია უმსხვილესია, რაც კი დამოუკიდებელი საქართველოს ისტორიაში ამ დარგში განხორციელებულა”, – განაცხადა პრემიერმა.მთავრობის მეთაურის თქმით, „ბორჯომი” საქართველოს სავიზიტო ბარათი მთელს მსოფლიოში.„ბორჯომი” არა მხოლოდ ისტორიულად პირველი, დარგის ლიდერი მინერალური წყლის კომპანიაა საქართველოში, იგი ჩვენი ქვეყნის სავიზიტო ბარათი მთელს მსოფლიოში. აქ, ამ საწარმოში, „ბორჯომის” 135-წლიანი ისტორია ხვდება მომავლის ტექნოლოგიებს და წარმოების თანამედროვე ევროპულ კულტურას; ქარხანა აგებულია ენერგოეფექტური მასალებით, ხოლო წარმოების თითოეული ეტაპი უმაღლეს საერთაშორისო ეკოლოგიურ სტანდარტებს შეესაბამება. ეს არის ხიდი ჩვენს უნიკალურ მემკვიდრეობასა და პასუხისმგებლობიან, მდგრად მომავალს შორის.მისასალმებელია, რომ კომპანია მიღწეულზე არ ჩერდება და მომხმარებელს სთავაზობს ისეთ ინოვაციურ პროდუქტებს, როგორიცაა „ბორჯომის” ლიმონათი თუ წყლის ახალი ხაზები. ეს, ახალ ტექნოლოგიებთან ერთად, ხელს უწყობს კომპანიის ამბიციური სტრატეგიული ხედვის განხორციელებას – დაიმკვიდროს თავი ახლა უკვე ამერიკის შეერთებული შტატების, ჩინეთისა და ახლო აღმოსავლეთის ბაზრებზეც.ამასთანავე, უმნიშვნელოვანესია პროექტის სოციალური ეფექტი. 600-მდე დასაქმებული ადგილობრივი ნიშნავს სტაბილურ შემოსავალს ამდენივე ოჯახისთვის და, ამავდროულად, კეთილდღეობისა და განვითარების ახალ პერსპექტივას მთელი რეგიონისთვის”, – განაცხადა პრემიერმა.

1757682794

“ჩვენ რამდენიმე ინიციატივა გვქონდა, მათ შორის ერთი იყო ფქვილის ხარისხის კონტროლთან დაკავშირებით. ანუ, ვინმეს თუ პრეტენზია ექნებოდა, დამოუკიდებელ ლაბორატორიაში მომხდარიყო შემოწმება. გახსოვთ, მეპურეებს გარკვეული მიმართვიანობა ჰქონდათ [ფქვილის ხარისხთან დაკავშირებით]. ეს საკითხი უკვე დარეგულირდა, ჩვენ შევჯერდით, რომ პრეტენზიის შემთხვევაში ფქვილთან მიმართებით ანალიზებს დამოუკიდებელი ლაბორატორია გააკეთებს.მეორე საკითხი ფქვილის მარკირების შესახებ იყო. ჩვენი მიმართვიანობა გამოწვეული იყო იმით, რომ ბაზარზე ფქვილის აღრიცხვიანობა მოწესრიგდეს. პურის მწარმოებლების მიერ, ჩვენ მიერ, სხვადასხვა ფერმერების მიერ მიმართვიანობა იყო იმასთან დაკავშირებით, რომ ბაზარზე გარკვეული რაოდენობის ე.წ. ჩრდილოვანი წარმოებებია, მათ შორის, ფქვილის წარმოებები. ძალიან კარგი მაგალითია და ეს შეიძლება, გამოვიყენოთ, როდესაც სავალდებულო მარკირება, წყლების შემთხვევაში, არაალკოჰოლური და ალკოჰოლური სასმელების შემთხვევაში გაკეთდა. ეს ძალიან კარგად მუშაობს. ვფიქრობთ, კარგი იქნებოდა, რომ ფქვილთან მიმართებით ანალოგიური განხორციელდეს. ჩვენ, ასოციაციის წევრი წისქვილკომბინატები ამ ინიციატივით გამოვედით, მივმართეთ სოფლის მეურნეობის სამინისტროს, ფინანსთა სამინისტროს, შემოსავლების სამსახურს. შემოსავლების სამსახურთან ახლა ამ საკითხზე მუშაობა მიმდინარეობს.მარკირება ხდება შემდეგნაირად: მაგ: წყლის წარმოება, “კოკა-კოლის” წარმოება ყიდულობს მარკას, რომელიც მაღალი დაცულობისაა, ერთ-ერთი შვეიცარიული კომპანიისაა, რომელიც ფინანსთა სამინისტროსთან ხელშეკრულებით არის. მაგალითად, წარმოებამ 1000 ცალი მარკა იყიდა, ის ვალდებულია, რომ ამ რაოდენობის მარკის აღრიცხვიანობა სწორად ჰქონდეს. ეს მთლიანად ბაზრის მოწესრიგებას უწყობს ხელს. შესაბამისად, ეს მკაცრი აღნიშვნის მარკა, წისქვილ კომბინატებს შეუძლიათ, იყიდონ, ასე ვთქვათ, “ჩასტროჩკონ” ფქვილის ტომარაში. რეალიზაციის დროს, გახსნის დროს თავისთავად ცხადია ეს იხევა და მეორეჯერ გამოყენებადი არ ხდება. ეს ამ ბიზნესში აღრიცხვიანობის გამჭვირვალობას უწყობს ხელს.კითხვები იყო იმასთან დაკავშირებით, ხომ არ გააძვირებს მარკის ყიდვა ფქვილს ( ეს შემდეგ პურის ფასში რომ არ გადავიდეს). ჩვენ ამ შვეიცარიულ კომპანიასთან კონსულტაციები გავლილი გვაქვს და ფინანსთა სამინისტროს შემოსავლების სამსახურთან ამაზე მუშაობა მიმდინარეობს. დათვლილია, რომ ეს 50 კილოგრამიან ფქვილის ტომარას, დაახლოებით, 01 თეთრით აძვირებს, რაც კილოგრამებში რომ გადავიყვანოთ, საერთოდ არ არის რელევანტური. შესაბამისად, ამ მხრივ ყველაფერი წესრიგშია და ვფიქრობ, რომ ეს იქნება ძალიან კარგი, ვთქვათ, მაგალითი იმისა, რომ ჩვენი დარგი ფქვილის გამოშვების, აღრიცხვიანობის და რეალიზაციის კუთხით მოწესრიგდეს”- განაცხადა სილაგავამ.

1757682537

ამ მიზნით, მობილბანკში გათამაშება დაიწყო, რომლის ფარგლებშიც მომხმარებლებს შესაძლებლობა აქვთ, მობილბანკში შესვლით, ავტომატურად ჩაერთონ გათამაშებაში, დააგროვონ ბილეთები და მოიგონ თანხა 650 000 ლარის ოდენობის საპრიზო ფონდიდან.როგორ გროვდება ბილეთები? მობილბანკში შესვლისთანავე ერჯერადად 5 ბილეთს მიიღებ თითო გადარიცხვაზე, გადახდაზე ან ნებისმიერ სხვა ტრანზაქციაზე - ერთ ბილეთს მიიღებ თითო პროდუქტის გააქტიურებისას, მაგალითად ბარათის შეკვეთისას, საინვესტიციო ანგარიშის გახსნისას, ნებისმიერი დაზღვევის ან სხვა პროდუქტით სარგებლობისას, 5 ბილეთს მიიღებ პოს ტერმინალის გამოყენებისას ან ონლაინ შოპინგისას ყოველ ათ ლარზე ერთი ბილეთი გროვდება გათამაშება 4 თვის განმავლობაში გრძელდება. ყოველი თვის ბოლოს სამ-სამი გამარჯვებული გამოვლინდება, საპრიზო ფონდი თითოეულ თვეზე 50 000 ლარია, რის შემდეგაც  ფინალი გაიმართება, სადაც ნახევარი მილიონი გათამაშდება. აღსანიშნავია, რომ ბილეთების შეგროვება ყოველთვე ახლიდანაა შესაძლებელი, რაც იმას ნიშნავს, რომ მომხმარებლებს მოგების შანსი ყოველთვე ექნებათ. ფინალში მონაწილეობას წინა თვეებში დაგროვებული ყველა ბილეთით შეძლებენ, მონაწილეობისთვის კი მობილბანკში დეკემბერში შესვლაც საჭიროა.გათამაშების შესახებ მეტი ინფორმაციის მისაღებად ეწვიე ბმულს. განაახლე მობილბანკი, ან თუ ჯერ არ სარგებლობ აპლიკაციით, გადმოწერე მარტივად და ჩაერთე გათამაშებაში.ინფორმაციისთვის, საქართველოს ბანკი საუკეთესო ციფრული ბანკია მსოფლიოში. ბანკის მობილბანკს ყოველთვიურად 1 700 000-ზე მეტი ადამიანი იყენებს. აპლიკაცია სრულად მომხმარებლის საჭიროებებსა და ტექნოლოგიურ ინოვაციებზეა მორგებული და ყოველდღიურობის გასამარტივებლად უსაზღვრო შესაძლებლობებს ქმნის.მეტი დეტალისთვის შეგიძლიათ იხილოთ ვიდეო

1757678400

პრემიერის თქმით, 200 000 ახალი სამუშაო ადგილი იყო მმართველი გუნდის საპროგრამო დაპირება და ოთხ წელიწადში ესეც არის შესაძლებელი.„ეკონომიკური ზრდა ჩვენ გვაძლევს სოციალური პროგრამების დაფინანსების გაზრდის საშუალებას. იზრდება კონკრეტული პრივილეგიები, რაც ბიუჯეტიდან გაიცემა ჩვენს თანამოქალაქეებზე. როცა იზრდება ეკონომიკა, ეს პირდაპირ აისახება ადამიანების შემოსავლებზე. ჩვენ 2012 წელს საშუალო ხელფასი დაგვხვდა 715 ლარი და უკვე 2000 ლარს გადასცდა ეს მაჩვენებელი. ჩვენი პროგრამული მიზანია, რომ 2028 წელს მივაღწიოთ 3500 ლარს. თუ შევინარჩუნებთ ეკონომიკური ზრდის ამ ტემპს, 3500 ლარი არის აბსოლუტურად რეალური მაჩვენებელი.ხელფასების და დასაქმების მაჩვენებლის ზრდა, 200 000 ახალი სამუშაო ადგილი, ეს იყო ჩვენი საპროგრამო დაპირება და ოთხ წელიწადში ესეც არის შესაძლებელი. ეს პირდაპირ მოსახლეობაზე აისახება. როდესაც თქვენ ნახავთ საშემოსავლო გადასახადის სტატისტიკას, ნახავთ, რომ იზრდება პირდაპირ ეკონომიკური ზრდის პროპორციულად, რამდენადაც იზრდება ეკონომიკა, იმდენად იზრდება საშემოსავლო გადასახადი და ეს არის ის საშემოსავლო გადასახადი, რომელსაც იხდის ასი ათასობით ჩვენი თანამოქალაქე. ეს არის მთავარი ინდიკატორი იმისა, თუ რამდენად აისახება ეკონომიკის ზრდა ჩვენი მოქალაქეების ჯიბეებზე და კეთილდღეობის ხარისხის ზრდაზე.რა თქმა უნდა, ჯერ კიდევ გვაქვს უამრავი გამოწვევა, ჯერ კიდევ 2024 წლის მონაცემებით სიღარიბის მაჩვენებელი არის 9,4%, რაც ძალიან ბევრია. საუბარია დაახლოებით 350 000 ადამიანზე, რომელიც ცხოვრობს სიღარიბის ზღვარს მიღმა. ჩვენი მთავარი ეროვნული ამოცანაა სიღარიბის განულება ჩვენს ქვეყანაში. თუ ამ ტემპით გავაგრძელებთ მუშაობას, ამის გაკეთება არის შესაძლებელი საშუალოვადიან პერსპექტივაში. ჩვენ ცდას არ დავაკლებთ – მათ შორის, კორუფციის შემცირება, ახალი პროექტები, ახალი ინვესტიციები – ყველა მიმართულებით გვექნება სერიოზული პროგრესი“, – განაცხადა პრემიერმა.

1757671000