Tesla და LG აშშ-ში 4.3 მილიარდი დოლარის ღირებულების ბატარეის ქარხანას ააშენებენ

მთავრობამ და „სოკარმა“ ღიად განაცხადეს, რომ ისინი არ აპირებენ მოემსახუ...

,,ევროკავშირის სანქციების მე-20 პაკეტში ტერმინალი რამდენიმე მიზეზის გამო არ შევიდა. პირველი გახლავთ ის, რომ სანქციების დარღვევის პირდაპირი მტკიცებულებები არ ჰქონდათ და არც არსებობს. საუბარია რუსულ ნავთობზე. გარდა ამისა, საქართველოს მთავრობამ და აზერბაიჯანულმა  მხარემ ,,სოკარმა" ღიად განაცხადეს, რომ ისინი არ აპირებენ მოემსახურონ სანქცირებულ ტანკერებს და არ დაუშვებენ სანქციების გვერდის ავლას. ვფიქრობ, ამ ფაქტორებმა ევროკავშირი აიძულა ამ ზომისათვის გადაეხედა.ბუნებრივია, დასანქცირება რომ მომხდარიყო, მას ნეგატიური გავლენა ექნებოდა, რადგან ყულევის ტერმინალი არის ერთ-ერთი მნიშვნელოვანი შავი ზღვის ნავთობტერმინალი, რომლითაც ,,სოკარი"  ოპერირებს. თუ ის მოხვდებოდა სანქციების სიაში, ევროპულ კომპანიებს აეკრძალებოდათ პორტთან ოპერაციები. შეექმნებოდა პრობლემა ტვირთის გადაზიდვასთან, ფინანსურ მომსახურებასთან, ლოგისტიკასთან დაკავშირებით და  ტრანზიტი მკვეთრად შემცირდებოდა, რაც ქვეყნის შემოსავლებშიც აისახებოდა.ასევე გაიზრდებოდა ინვესტიციური რისკები. რაც იმას ნიშნავს, რომ უცხოური კომპანიების საქართველოში შემოსვლა რისკის მატარებელი გახდებოდა. ეს შეამცირებდა უცხოურ ინვესტიციებსაც. ქვეყანაც რეპუტაციული დარტყმის წინაშე დადგებოდა. საბედნიეროდ, დადასტურდა, რომ ამის არანაირი წინაპირობა არ არსებობდა," - განუცხადა "ბიზნეს-რეზონანსს" გიორგი ცუცქირიძემ და დასძინა, რომ რადგან აღნიშნული საკითხი ატარებს როგორც რეპუტაცციულ, ასევე ეკონომიკურ და ფინანსურ რისკებს, არსებულ გეოპოლიტიკურ ვითარებაში უნდა ვიყოთ ფრთხილად, რომ ამ თავიდან ავიცილოთ შესაძლო რისკები და გამოწვევები.

აშშ-მა რუსული ნავთობის შეძენაზე სანქციები 11 აპრილამდე გააუქმა

რეგიონში განვითარებული მოვლენების გამო, შეერთებულმა შტატებმა ქვეყნებს 11 აპრილამდე უფლება მისცა, შეიძინონ სანქცირებული რუსული ნავთობი და ნავთობპროდუქტები, რომლებიც ამჟამად ზღვაში გემებზეა დატვირთული.აღნიშნულ გადაწყვეტილებას გამოეხმაურა პუტინის სპეციალური წარმომადგენელი. კირილ დმიტრიევი ამბობს, რომ ამ ნაბიჯით ვაშინგტონმა აღიარა, რომ რუსული ნავთობის გარეშე გლობალური ენერგეტიკული ბაზარი სტაბილური ვერ დარჩება.აშშ-ის ფინანსთა მინისტრის სკოტ ბესენტის განცხადებით, ეს არის დროებითი ზომა, რომელიც ომის დროს მსოფლიო ენერგეტიკულ ბაზრებზე სტაბილურობის ხელშეწყობას ისახავს მიზნად.„ეს ვიწროდ სპეციალიზებული, მოკლევადიანი ღონისძიება მხოლოდ უკვე ტრანზიტში მყოფ ნავთობზე ვრცელდება და რუსეთის მთავრობას მნიშვნელოვან ფინანსურ სარგებელს არ მოუტანს“, - განაცხადა აშშ-ის ფინანსთა მინისტრმა.

2026 წლის იანვარში BTC-ის მეშვეობით ნავთობის საშუალო დღიური ექსპორტი 7...

ამის შესახებ აზერბაიჯანული Report-ი ინფორმირებულ წყაროებზე დაყრდნობით იტყობინება.გასული წლის დეკემბერთან შედარებით, BTC-ით ნავთობის ტრანსპორტირება 7%-ით, ანუ დღეში 39 000 ბარელით შემცირდა.2025 წლის იანვართან შედარებით, მილსადენით ნავთობის ტრანსპორტირება 14%-ით, ანუ 86 000 ბარელით შემცირდა.შეგახსენებთ, რომ BTC 2006 წლის 13 ივლისს გაიხსნა. მისი სიგრძე 1 768 კმ-ია: 443 კმ აზერბაიჯანის, 249 კმ საქართველოს და 1 076 კმ თურქეთის გავლით.

როვშან ნაჯაფი: SOCAR დაინტერესებულია აშშ-ში პროექტებში წვდომისა და წილ...

ამის შესახებ აზერბაიჯანის სახელმწიფო ნავთობკომპანიის (SOCAR) პრეზიდენტმა, როვშან ნაჯაფმა განაცხადა.მისი გამოსვლა აშშ-აზერბაიჯანის სავაჭრო-სამრეწველო პალატის 30 წლის იუბილესადმი მიძღვნილ საერთაშორისო კონფერენციაზე „აშშ-აზერბაიჯანის სავაჭრო და ბიზნესის დღის წესრიგი: ბაზრების დაკავშირება - მომავლის შექმნა“ გახსნის სესიაზე შედგა, სახელწოდებით „ორმხრივი ვაჭრობისა და სტრატეგიული თანამშრომლობის გაძლიერება“.ხაზგასმით აღნიშნა, რომ ამერიკული კორპორაციები პირველთა შორის იყვნენ, ვინც მონაწილეობა მიიღო აზერბაიჯანის მასშტაბურ ნავთობისა და გაზის ინიციატივებში. SOCAR-ის ხელმძღვანელმა გაიხსენა, რომ ამ პარტნიორობას მყარი საფუძველი ჩაეყარა „საუკუნის კონტრაქტის“ ხელმოწერით.როვშან ნაჯაფმა აღნიშნა, რომ ბოლო წლების განმავლობაში SOCAR-სა და ამერიკულ ბიზნესს შორის ნაყოფიერი თანამშრომლობა ენერგეტიკული სექტორის მრავალ სეგმენტში გაფართოვდა. მან ხაზგასმით აღნიშნა, რომ დღევანდელი პარტნიორობა მოიცავს არა მხოლოდ კვლევასა და წარმოებას, არამედ ინჟინერიას, ციფრულ ინოვაციებსა და მდგრადი განვითარების პროექტებსაც. ხაზგასმით აღინიშნა, რომ ბიზნეს პროცესებში ხელოვნური ინტელექტის აქტიური დანერგვისა და მონაცემთა ცენტრებზე მზარდი მოთხოვნის გათვალისწინებით, ამ სფეროსაც დიდი ყურადღება ექცევა.კომპანიის პრეზიდენტმა ასევე აღნიშნა, რომ აზერბაიჯანი უზრუნველყოფს ევროპის ბაზრებზე ბუნებრივი აირის სტაბილურ მიწოდებას სამხრეთის გაზის დერეფნის მეშვეობით. ამრიგად, ქვეყანა მნიშვნელოვან როლს ასრულებს ევროპის ენერგეტიკული უსაფრთხოების განმტკიცებაში.როვშან ნაჯაფმა ხაზგასმით აღნიშნა, რომ ხელსაყრელი გეოგრაფიული მდებარეობის, თანამედროვე ინფრასტრუქტურისა და წარმატებული საერთაშორისო პარტნიორობის მრავალწლიანი გამოცდილების წყალობით, აზერბაიჯანი აგრძელებს თავისი სტატუსის განმტკიცებას, როგორც რეგიონალური ენერგეტიკული ცენტრისა და კასპიის აუზის მთავარი კარიბჭის.„SOCAR დიდ ინტერესს იჩენს ამერიკულ ბაზარზე შესვლისა და აშშ-ში პროექტებში წილების შეძენის მიმართ. ამჟამად აქტიური მოლაპარაკებები მიმდინარეობს რიგ ამერიკელ პარტნიორებთან“, - დაასკვნა მან.

დავით ნარმანია: სემეკის ერთ-ერთი მთავარი პრიორიტეტი მომხმარებელთა უფლე...

დავით ნარმანიამ სიტყვით გამოსვლისას ყურადღება გაამახვილა ენერგეტიკისა და წყალმომარაგების სექტორებში მოქმედ რეგულაციებსა და მომხმარებელთა უფლებებზე:„სემეკის ერთ-ერთი მთავარი პრიორიტეტი მომხმარებელთა უფლებების დაცვაა. შესაბამისად, სემეკი მუდმივად ნერგავს ისეთ რეგულაციებს, რომლებიც ხელს უწყობს მომსახურების ხარისხის გაუმჯობესებასა და მომხმარებელთა უფლებების ეფექტიან დაცვას. მინდა მივმართო მოსახლეობას, თუ კომუნალური კომპანიების მიერ ადგილი ექნება მათი უფლებების დარღვევას, მაგალითისთვის ადგილი ექნება ზედმეტ დარიცხვებს ან მომსახურების ხარისხის გაუარესებას, აუცილებლად მომართონ სემეკს. 2025 წელს, მომხმარებელთა უფლებების დაცვის კუთხით, სემეკმა განიხილა 1827 საკითხი, რომელთა შესწავლის შედეგადაც კომისიამ მოქალაქეებს ჩამოაწერა 1,290,244 ლარი.აქვე, აღსანიშნავია, რომ მომსახურების ხარისხის კონტროლის მიმართულებით სემეკს შემუშავებული აქვს შესაბამისი სტანდარტები, რომელთა შესრულებაც კომუნალური კომპანიებისათვის სავალდებულოა. მათი დარღვევის შემთხვევაში, სემეკის რეგულაციის შესაბამისად, კომპანიებს ევალებათ კომპენსაციის გადახდა მოქალაქეებისათვის. საგულისხმოა, რომ 2017 წლიდან დღემდე, სემეკის რეგულაციების შესაბამისად, კომუნალური კომპანიების მიერ კომპენსაციის სახით მოქალაქეებზე გაცემულია  24,919,703 ლარი“, - აღნიშნა დავით ნარმანიამ.სემეკის თავმჯდომარემ შეხვედრის მონაწილეებს გააცნო ელექტროენერგეტიკის, ბუნებრივი გაზის, წყალმომარაგებისა და მელიორაციის სექტორში არსებული სიახლეები, ასევე ისაუბრა გამარტივებულ მომსახურებებზე, რომლებიც მოქალაქეებს უმარტივებს სერვისების მოკლე დროში მიღებას. მისი თქმით, სემეკისა და იუსტიციის სახლის ერთობლივი პროექტის ფარგლებში, რომელიც მომხმარებლისთვის გამარტივებული მომსახურების შეთავაზებას  ისახავს მიზნად, დღემდე 137,434-მა მოქალაქემ ისარგებლა: „რაც შეეხება სემეკის მიერ დანერგილ *303#-ის მომსახურებას, რომელიც მომხმარებელს აძლევს შესაძლებლობას, რომ მოკლე დროში მობილური ტელეფონის საშუალებით მიიღოს კომუნალური ინფორმაცია, დღემდე 8 მილიონამდე ტრანზაქცია განხორციელდა“, - აღნიშნა დავით ნარმანიამ.9-16 მარტს ექვსი მარეგულირებელი უწყების - სემეკის, კონკურენციისა და მომხმარებლის დაცვის სააგენტოს, კომუნიკაციების კომისიის, ეროვნული ბანკის, დაზღვევის სახელმწიფო ზედამხედველობის სამსახურისა და სურსათის ეროვნული სააგენტოს ერთობლივი ორგანიზებით მომხმარებლის დაცვის IV საერთაშორისო კვირეული იმართება. კვირეულის მიზანია მომხმარებელთა უფლებების დაცვის მექანიზმების გაუმჯობესება.