მთავრობამ და „სოკარმა“ ღიად განაცხადეს, რომ ისინი არ აპირებენ მოემსახურონ სანქცირებულ ტანკერებს - ცუცქირიძე ყულევის პორტის სანქციების სიიდან ამოღებაზე

შეხვედრზე გიგლა თამაზაშვილმა ვრცლად ისაუბრა  ენერგეტიკისა და წყალმომარაგების მარეგულირებელი ეროვნული კომისიის მიერ დადგენილი საირიგაციო წყლის მომსახურების ახალი ტარიფებისა და სახელმწიფო სუბსიდირების მექანიზმზე.გენერალურმა დირექტორმა ყურადღება  გაამახვილა სუბსიდირების სქემაში ჩართვისთვის წყალსარგებლობის განრიგის შეთანხმების მნიშვნელობაზე.„იმისთვის რომ წყალმომხმარებლებმა შეძლონ სახელმწიფო სუბსიდიით  სარგებლობა, აუცილებელია დროულად, სარწყავი სეზონის დაწყებამდე,  მიმართონ „საქართველოს მელიორაციის“ სერვისცენტრებს და გააფორმონ ხელშეკრულება“ ,- აღნიშნა გიგლა თამაზაშვილმა. მან ასევე განმარტა, რომ სარწყავი წყლის საფასურს წყალმომხმარებლები გადაიხდიან მხოლოდ მომსახურების მიღების შემდგომ და არა ხელშეკრულების გაფორმებისთანავე. შეხვედრაზე საუბარი შეეხო იმ ვალდებულებებსაც, რომლებიც ხელშეკრულების გაფორმების შემდეგ როგორც წყალმომხმარებლებს, ასევე კომპანიას ეკისრება.აღსანიშნავია, რომ შპს „საქართველოს მელიორაცია“ წყალმომხმარებლების ინფორმირების მიზნით და მომსახურების მაღალი სტანდარტის უზრუნველსაყოფად, მსგავსი ფორმატის შეხვედრებს ქვეყნის სხვადასხვა მუნიციპალიტეტში აგრძელებს.

1773734603

წინანდლის მამულში „ქალთა თვის“ განსაკუთრებული პროგრამით აღნიშვნა უკვე ყოველწლიურ ტრადიციად იქცა. მარტის განმავლობაში, მამულის სივრცეებში - Radisson Collection-სა და Park Hotel-ში - სტუმრებს მრავალფეროვანი ღონისძიებები ელოდებათ.სპეციალურად შერჩეული პროგრამა კულტურულ, სპორტულ და გასართობ აქტივობებს აერთიანებს, რომელთა ფარგლებშიც სტუმრებს შესაძლებლობა ექნებათ დაესწრონ კინოჩვენებებსა და მუსიკალურ საღამოებს, მიიღონ მონაწილეობა პადელის ჩემპიონატში, პორტრეტულ ფოტოგადაღებაში, პილატესისა და იოგის მასტერკლასებში, თემატურ ვორქშოფებსა და ბავშვებისთვის განკუთვნილ გასართობ პროგრამებში. დეტალური ინფორმაციის მისაღებად, ეწვიეთ ვებგვერდს.წინანდლის მამულში „ქალთა თვის“ ფარგლებში, აღნიშნული აქტივობები გაიმართება ყოველ შაბათ-კვირას. ღონისძიებების ორგანიზატორია - Silk Hospitality.სასტუმროს დასაჯავშნად, დაინტერესებულ პირებს შეუძლიათ დაუკავშირდნენ Silk Hospitality-ის კონტაქტცენტრს: ტელ.: 032 2402 222; ელფოსტა: welcome@silkhospitality.com

1773733260

,,ევროკავშირის სანქციების მე-20 პაკეტში ტერმინალი რამდენიმე მიზეზის გამო არ შევიდა. პირველი გახლავთ ის, რომ სანქციების დარღვევის პირდაპირი მტკიცებულებები არ ჰქონდათ და არც არსებობს. საუბარია რუსულ ნავთობზე. გარდა ამისა, საქართველოს მთავრობამ და აზერბაიჯანულმა  მხარემ ,,სოკარმა" ღიად განაცხადეს, რომ ისინი არ აპირებენ მოემსახურონ სანქცირებულ ტანკერებს და არ დაუშვებენ სანქციების გვერდის ავლას. ვფიქრობ, ამ ფაქტორებმა ევროკავშირი აიძულა ამ ზომისათვის გადაეხედა.ბუნებრივია, დასანქცირება რომ მომხდარიყო, მას ნეგატიური გავლენა ექნებოდა, რადგან ყულევის ტერმინალი არის ერთ-ერთი მნიშვნელოვანი შავი ზღვის ნავთობტერმინალი, რომლითაც ,,სოკარი"  ოპერირებს. თუ ის მოხვდებოდა სანქციების სიაში, ევროპულ კომპანიებს აეკრძალებოდათ პორტთან ოპერაციები. შეექმნებოდა პრობლემა ტვირთის გადაზიდვასთან, ფინანსურ მომსახურებასთან, ლოგისტიკასთან დაკავშირებით და  ტრანზიტი მკვეთრად შემცირდებოდა, რაც ქვეყნის შემოსავლებშიც აისახებოდა.ასევე გაიზრდებოდა ინვესტიციური რისკები. რაც იმას ნიშნავს, რომ უცხოური კომპანიების საქართველოში შემოსვლა რისკის მატარებელი გახდებოდა. ეს შეამცირებდა უცხოურ ინვესტიციებსაც. ქვეყანაც რეპუტაციული დარტყმის წინაშე დადგებოდა. საბედნიეროდ, დადასტურდა, რომ ამის არანაირი წინაპირობა არ არსებობდა," - განუცხადა "ბიზნეს-რეზონანსს" გიორგი ცუცქირიძემ და დასძინა, რომ რადგან აღნიშნული საკითხი ატარებს როგორც რეპუტაცციულ, ასევე ეკონომიკურ და ფინანსურ რისკებს, არსებულ გეოპოლიტიკურ ვითარებაში უნდა ვიყოთ ფრთხილად, რომ ამ თავიდან ავიცილოთ შესაძლო რისკები და გამოწვევები.

1773730523

სამდღიანი გამოფენის ფარგლებში, ღვინის ეროვნული სააგენტოს კონტრაქტორი მარკეტინგული კომპანიის ff.k Public Relations ორგანიზებით, ქართული ღვინის პროფესიული პრეზენტაცია-დეგუსტაციები გაიმართა,  რომლებსაც ღვინის ექსპერტი ინგე მაინცერი, ღვინის მწერალი და ექსპერტი რობერტ ჯოზეფი, ღვინის მაგისტრები კონსტანტინ ბაუმი და იანეკ შუმანი უძღვებოდნენ. დეგუსტაციებზე განსაკუთრებული აქცენტი ქვევრის ღვინოებზე გაკეთდა. ქართულ ღვინოსთან ერთად, გამოფენის ფარგლებში წარმოდგენილი იყო ქართული სამზარეულო და გასტრონომია.„გამოფენაზე ProWein Dusseldorf საქართველოს წარდგენა მნიშვნელოვანია ქართული ღვინის ცნობადობის გაზრდისა და საექსპორტო ბაზრების დივერსიფიკაციისთვის.  ღვინის ეროვნული სააგენტო აგრძელებს ღვინის მწარმოებელი კომპანიების მხარდაჭერას საერთაშორისო გამოფენებში მონაწილეობის მიზნით, რაც მეწარმეებს აძლევს შესაძლებლობას, მოიძიონ ახალი იმპორტიორები და შეხვდნენ პოტენციურ პარტნიორებს.გამოფენის ფარგლებში გაიმართა არაერთი სემინარი და დეგუსტაცია, სადაც ნათლად გამოჩნდა, რომ ქართული ღვინის მიმართ პროფესიონალებისა და მომხმარებლების მხრიდან დაინტერესება ძალიან დიდია“, - აღნიშნა ღვინის ეროვნული სააგენტოს თავმჯდომარის მოადგილე თამთა ყველაიძემ.გამოფენას საქართველოს კონსული ქალაქ მაინის ფრანკფურტში რუსუდან ვარდოშვილი დაესწრო. ProWein Dusseldorf-ზე ღვინის წარსადგენად ქართველმა მეღვინეებმა მხარდაჭერა გერმანიის ფედერაციულ რესპუბლიკაში საქართველოს საელჩოსგანაც მიიღეს.საქართველო გამოფენაში ProWein Dusseldorf 26-ედ მონაწილეობდა. გამოფენაზე, სამი დღის განმავლობაში,  ქართული ღვინის შეფასების შესაძლებლობა ღვინის პროფესიონალებს, კომერციული სექტორის წარმომადგენლებს და გამოფენის ათეულ ათასობით სტუმარს მიეცა, რასაც გაყიდვების ზრდისთვის განსაკუთრებული მნიშვნელობა ენიჭება.წელს გამოფენაზე „ProWein Dusseldorf“ მსოფლიოს 50 ქვეყნის 2400-მდე ღვინის კომპანია იყო წარმოდგენილი.გერმანია ევროპაში ყველაზე დიდი იმპორტიორი და ღვინის მომხმარებელი ქვეყანაა. ღვინის ეროვნული სააგენტოს მიერ მხარდაჭერილი აქტივობებისა და ქართული ღვინის მწარმოებლებთან თანმიმდევრული თანამშრომლობის შედეგად, შექმნილია ქართული ღვინის ექსპორტის მზარდი ტენდენცია.

1773730182

შეხვედრაზე მხარეებმა ქვეყნებს შორის სავაჭრო-ეკონომიკური თანამშრომლობის გაღრმავების პერსპექტივები განიხილეს. განსაკუთრებული ყურადღება დაეთმო სოფლის მეურნეობისა და გარემოსდაცვითი მიმართულებებით თანამშრომლობის გაძლიერებას, მათ შორის, სურსათის უსაფრთხოებას, მეცხოველეობას, აკვაკულტურის, სამონადირეო მეურნეობების განვითარების და სასოფლო-სამეურნეო მექანიზაციის საკითხებს.ხაზგასმით აღინიშნა ცოდნისა და პრაქტიკული გამოცდილების გაცვლის მნიშვნელობა, რაც ერთობლივი პროექტების განხორციელებას შეუწყობს ხელს.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილეები ლაშა დოლიძე და ლაშა ავალიანი,  ბელარუსის რესპუბლიკის სოფლის მეურნეობისა და სურსათის მინისტრის მოადგილე იგორ დოროფეიჩიკი, ბელარუსის რესპუბლიკის საგარეო საქმეთა მინისტრის მოადგილე პაველ უტიუპინი, საქართველოს საგანგებო და სრულუფლებიანი ელჩი ბელარუსის რესპუბლიკაში გიორგი საგანელიძე, ბელარუსის რესპუბლიკის ელჩი  საქართველოში ნიკოლაი როგაშჩუკი და საქართველოს გარემოს დაცვისა და სოფლის მეურნეობის სამინისტროს შესაბამისი სამსახურის ხელმძღვანელი პირები ესწრებოდნენ.

1773729902

გამორჩეული იყო „ავტო გალერის“ გახსნის ცერემონია. ოფიციალური ნაწილის გარდა, სტუმრებს სხვადასხვა აქტივობა, ბევრი სიურპრიზი და საჩუქრები დახვდათ - საინტერესო გათამაშებები და სპეციალური შეთავაზებები „ავტო გალერის“ პარტნიორი კომპანიებისგან. ღონისძიებას 300-მდე სტუმარი დაესწრო.პეტრე წაქაძე, „თეგეტა ჰოლდინგის“ მსუბუქი ავტომობილების მიმართულების მთავარი ოფიცერი: „ბათუმი ამ ეტაპზე ბაზრის ზრდის ძალიან მაღალი ტემპით გამოირჩევა. გვინდოდა, მომხმარებლებისთვის უნიკალური შესაძლებლობა მიგვეცა - ერთ მისამართზე შეგვეთავაზებინა ნებისმიერი კატეგორიის ავტომობილი: ბიუჯეტურიდან პრემიუმ კლასამდე. ეს არა მხოლოდ კომფორტს უზრუნველყოფს, არამედ რეგიონში ახალი ავტომობილების მოთხოვნის ზრდას უწყობს ხელს. ეს პროექტი „თეგეტა ჰოლდინგის“ სტრატეგიის ნაწილია, რომელიც რეგიონების განვითარებას უწყობს ხელს და მომავალში მსგავსი კონცეფციის შოურუმის გახსნას სხვა ქალაქებშიც ვგეგმავთ“.ახალ შოურუმში მისულ მომხმარებლებს Tegeta Cars-ის პორტფელიდან ავტომობილების მრავალფეროვანი არჩევანი დახვდებათ, მათ შორის, Mazda, Volvo, Geely, Zeekr... ასევე, ბათუმში ოფიციალურად პირველად იქნება წარმოდგენილი ისეთი ლუქს კლასის ბრენდები, როგორებიცაა Porsche, Lamborghini და Bentley. ეს კი კომპანიას შესაძლებლობას აძლევს, დააკმაყოფილოს ნებისმიერი გემოვნებისა და ბიუჯეტის მქონე მომხმარებელი.„ავტო გალერის“ ახალი ფილიალი ბათუმში მომხმარებელს უკვე სრული დატვირთვით ემსახურება. ავტომობილის შეძენისა და ტექნიკური მომსახურების მიღების გარდა, მომხმარებელს შესაძლებლობა აქვს, ისარგებლოს საბანკო პროდუქტებით, მათ შორის, ავტოგანვადებითა და ლიზინგით, ასევე დაზღვევის სპეციალური პირობებით, პარტნიორი ფინანსური ინსტიტუტების მეშვეობით.

1773672180