სებ-ს აქვს გარკვეული სიგნალი იმასთან დაკავშირებით, რომ შეუძლია მონეტარული პოლიტიკა გაამკაცროს - ენდრიუ ჯუველი

მისი თქმით, თუ ახლო აღმოსავლეთში ომი გაგრძელდება, შესაძლებელია ინფლაციური მაჩვენებელი გაიზარდოს."ჩვენ ვფიქრობთ, რომ საქართველოს ეკონომიკის პერფორმანსი საკმაოდ ძლიერია მიუხედავად იმისა, რა ხდება ახლა ახლო აღმოსავლეთში. ორი თვის განმავლობაში, ეკონომიკა 8.5%-ით გაიზარდა. ჩვენ ვხედავთ გარკვეულ ზეგავლენას ტურიზმის სექტორზე, სასტუმროებში გაუქმდა ჯავშნები გაუქმებული ფრენების გამო და ეს სავარაუდოდ, ინფლაციაზე გავლენას იქონიებს.  უფრო მაღალი ფასით იმპორტირებული სურსათი და ნავთობიც  შესაძლოა  გახდეს ინფლაციაზე გავლენის მიზეზი.  მაგრამ შემიძლია ვთქვა, რომ ირანის ომის გავლენა საქართველოზე მაინც და მაინც დიდი არ არის და საქართველო სიტუაციას ძალიან კარგად ართმევს თავს.ჩვენ ვხედავთ გარკვეულ შენელებას ეკონომიკური ზრდის თვალსაზრისით - 7.5% იყო წინა წელს და 5.3%-მდე მიგრირებს, რაც საკმაოდ მაღალია. ზრდის ტრენდი 5%-ია და ჩვენ ვვარაუდობთ, რომ ეკონომიკური ზრდა 5%-ზე მაღალი იქნება. ჯერ არ გვინახავს, მაგრამ შესაძლებელია დავინახოთ ინფლაციის უფრო მეტად ზრდა სურსათისა და ნავთობის ფასის ზრდიდან გამომდინარე. ამ ეტაპისთვის ეროვნული ბანკისგან ასეთი პოზიცია არის საკმაოდ გონივრული. სიგნალის შემთხვევაში კი, ინფლაციის მაჩვენებელი სავარაუდოდ, გაიზრდება", - აცხადებს ენდრიუ ჯუველი.მანვე აღნიშნა, რომ ამჟამად ეროვნული ბანკის რეზერვები ადეკვატურ დონეზეა."საიდუმლო არ არის, რომ რეზერვების დონესთან დაკავშირებით შეშფოთება გამოვხატეთ. 2020 წელს საპარლამენტო არჩევნების შედეგად, ეროვნულმა ბანკმა გამოიყენა რეზერვები, როდესაც ლარის კურსს იცავდა, თუმცა, ამის შემდეგ ეროვნულმა ბანკმა საკმაოდ მნიშვნელოვანი შესყიდვები გააკეთა და ახლა რეზერვები რეკორდულ მაჩვენებელს აღწევს.ამჟამად, ჩვენ ეროვნული ბანკის რეზერვებს ადეკვატურ დონეზე ვაფასებთ. გარკვეული შეთანხმება იქნა მიღწეული იმასთან დაკავშირებით, რომ ეროვნულ ბანკს შეუძლია უფრო მეტი რეზერვების აკუმულირება, რომ უფრო უსაფრთხოდ იყოს, თუმცა ამ ეტაპზე შეფასებაა, რომ ეს ადეკვატურ დონეზეა", - აცხადებს ენდრიუ ჯუველი.წყარო: BP.GE

1775741675

მისივე თქმით, საქართველოში საბანკო სექტორი საკმაოდ დიდი მომგებიანობის შემომტანია და ამ კუთხით აქტივების ხარისხი საკმაოდ მაღალია."საქართველოში 2 ბანკი - მათ შორის, "საქართველოს ბანკი" და  TBC საკმაოდ კარგად ართმევს თავს სიტუაციას, თუმცა ეს სულ არ ნიშნავს იმას, რომ არ არსებობს რისკები, რომელიც დაკავშირებულია მაგალითად, არასაბანკო სესხებთან, მაგალითად, უძრავი ქონების, დეველოპერების მიმართულებით, რომელიც ერთ-ერთი სივრცეა და რომელიც მონიტორინგის ქვეშ უნდა იყოს. თუმცა ჩვენ ვფიქრობთ, რომ საქართველოში საბანკო სექტორი ეკონომიკის ერთ-ერთი მნიშვნელოვანი მხარეა", -  აცხადებს ენდრიუ ჯუველი.წყარო: BP.GE

1775741398

„უნდა აღინიშნოს, რომ საქართველოს საშუალო ეკონომიკური ზრდა ევროკავშირის კანდიდატი ქვეყნების ეკონომიკური ზრდის მაჩვენებელს თითქმის ორჯერ აღემატება“ - აღნიშნა ვახტანგ ცინცაძემ.მინისტრის მოადგილემ ხაზი გაუსვა მსოფლიო ბანკის შეფასებებს, რომლის მიხედვითაც, საქართველო რჩება ერთ-ერთი ყველაზე მაღალი ეკონომიკური ზრდის მაჩვენებლის მქონე ქვეყნად„შესაბამისად, ველოდებით, რომ ეკონომიკური ზრდის მაჩვენებელი როგორც 2026, ასევე 2027 წელს იმაზე უფრო მაღალი იქნება, ვიდრე ამას საერთაშორისო-საფინანსო ინსტიტუტები პროგნოზირებენ. ამის საფუძველს გვაძლევს ის მონაცემები, რომლებიც საქართველოში იანვარ-თებერვლის თვეებში დაფიქსირდა, კერძოდ: ორი თვის განმავლობაში, ჩვენი ქვეყნის საშუალო ეკონომიკური ზრდა 8.4 პროცენტს შეადგენს“ - განაცხადა ცინცაძემ.ეკონომიკის მინისტრის მოადგილის შეფასებით, ეკონომიკური ზრდის ტემპს დამატებით სტიმულს მისცემს 2026 წელს ინფრასტრუქტურული პროექტების განხორციელების გააქტიურება,  ასევე ეკონომიკური განვითარების კორპორაციის შექმნა, რომელიც უზრუნველყოფს არამხოლოდ მცირე და საშუალო მეწარმეების, არამედ ზოგადად, ეკონომიკის მხარდაჭერას სხვადასხვა ინსტრუმენტებით, რაც ასევე დააჩქარებს ეკონომიკურ ზრდას.„ჩვენი მოლოდინია, რომ  2026-27 წლებში საქართველოს ექნება ერთ-ერთი ყველაზე მაღალი  ეკონომიკური ზრდა არამხოლოდ რეგიონისა და ევროპის მასშტაბით, არამედ გლობალურად“ - აღნიშნა ვახტანგ ცინცაძემ.

1775729626

შეგახსენებთ, რომ 9 აპრილი და აღდგომის ბრწყინვალე დღესასწაულთან დაკავშირებით 10, 11, 12 და 13 აპრილი დასვენების დღეებად არის გამოცხადებული.

1775726589

მისი განმარტებით, ენერგეტიკის სექტორში მნიშვნელოვანი რეფორმა ხორციელდება, რომლის ნაწილი იყო კერძო სექტორში დაგროვილი ჯარიმების პატიება, რომლის მოცულობამაც 1 მილიარდი ლარი შეადგინა. მინისტრის  მოადგილის განმარტებითვე,  2025 წლიდან განხორციელებული ღონისძიებები კერძო სექტორის მხარდაჭერას ემსახურება და ქვეყნის სწრაფ ენერგეტიკულ განვითარებას შეუწყობს ხელს.„საქართველოს  მთავრობას დაგეგმილი აქვს, რომ უახლოესი 10 წლის განმავლობაში ქვეყნის დადგმული სიმძლავრე 11500 მეგავატი გახდეს.  ეს არის ძალიან მნიშვნელოვანი წინაპირობა იმისთვის, რომ ქვეყანა გახდეს ენერგოდამოუკიდებელი  და შესაბამისად, იმპორტზე  დამოკიდებულება ელექტროენერგიის თვალსაზრისით  გავანულოთ. მსგავსი ტიპის ღონისძიებები, რაც  2025  წლიდან საქართველოს მთავრობამ განახორციელა კერძო სექტორის  დასახმარებლად, სწორედ იმას ემსახურება, რომ ქვეყნის  ელექტროენერგეტიკული განვითარების კუთხით  ძალიან სწრაფად  მოხდეს იმ დაგეგმილი ნაბიჯების გადადგმა, რომელიც ქვეყანას  მიიყვანს ამ ეტაპამდე“, -  აღნიშნა ინგა ფხალაძემ.შეგახსენებთ, რომ 157 კომპანიას პირობით ეპატია 1 მილიარდი ლარის ჯარიმები. კომპანიების ნაწილმა უარი თქვა შეთავაზებით სარგებლობაზე, შედეგად შეწყდება 535 მეგავატის პროექტები, თუმცა, იმავდროულად გაგრძელდება 1560 მეგავატი პროექტების განხორციელება.

1775724505

„ბრიტანულ-ქართული აკადემიის“ 30%-იანი აქციონერის ნათია ჯანაშიას და მისი მეუღლის მიერ გავრცელებული განცხადებიდან, რომელიც აქციონერთა კრების დეტალებს ეხებოდა, გასაჯაროვდა ამავე კრების დეტალები. კერძოდ, განხილული იყო შემდეგი საკითხები: ახალ კანონთან ბრიტანულ-ქართული აკადემიის სარეგისტრაციო მონაცემების შესაბამისობაში მოყვანის საკითხი, რათა დაკმაყოფილებულიყო საქართველოს კანონმდებლობის მოთხოვნა და 1 აპრილამდე, ანუ კანონით დადგენილ ვადამდე, ბრიტანულ-ქართული აკადემიის ხელახალი რეგისტრაცია დასრულებულიყო და ბრიტანულ-ქართული აკადემიის შემდგომი განვითარებისა და უკვე გაცხადებულად დაინტერესებული მოსწავლეების მოზიდვის მიზნით, მაჟორიტარი აქციონერის მფლობელობაში არსებული მიწის ნაკვეთის ბრიტანული აკადემიის კაპიტალში შეტანის საკითხის განხილვა, მხარეთა შორის წარსულში შეთანხმებულ ფასად და წესით.როგორც ნათია ჯანაშიას მიერ გავრცელებული განცხადებაშია მითითებული, მისი მხარე იუსტიციის მინისტრის მიერ დამტკიცებული წესდების მიღების წინააღმდეგ წავიდა, რითაც უარი განაცხადა „ბრიტანულ-ქართული აკადემიის“ რეგისტრაციის გაგრძელებაზე და საფრთხის წინაშე დააყენა მოსწავლეები. ნათია ჯანაშია გავრცელებულ განცხადებაში თავად წერს: „იმ შემთხვევაში, თუ რეესტრის მიერ დადგენილი ხარვეზი არ აღმოიფხვრება, სკოლას ემუქრება რეგისტრაციის არათუ შეჩერება, არამედ გაუქმება, რაც სკოლის ლიკვიდაციის საფრთხეს ქმნის“.გიორგი კაპანაძე უაღრესად შეშფოთებულია იმ ფაქტით, რომ ნათია ჯანაშიას მხარემ არ დაუჭირა მხარი სკოლის მომავალს და განვითარებას.აფბას ხელმძღვანელი აღწერს, თუ რა მდგომარეობაშია აკადემია ამ უმძიმესი ნაბიჯის გამო. „ნათია ჯანაშია გაცნობიერებულად მიდის სასტიკი გადაწყვეტილების აღსრულებაზე და შეგნებულად აზიანებს „ბრიტანულ-ქართულ აკადემიას“. სკოლას სრულად შეეზღუდა საბანკო ანგარიშების მართვა, თანხების განკარგვა, წარმომადგენლობითი უფლებამოსილებები. „ბრიტანულ-ქართული აკადემიის“ საოპერაციო საქმიანობა, ფაქტობრივად, პარალიზებულია.გიორგი კაპანაძის აზრით, ბრიტანულ-ქართული აკადემიის გადარჩენა ამ შექმნილ უმძიმეს მდგომარეობაში მხოლოდ „საქართველოს განათლების ჯგუფს“ შეუძლია.„ბრიტანულ-ქართული აკადემია“, რადგან მისი ლიკვიდაცია ნათია ჯანაშიას და მის მეუღლეს სურს და ყველაფერს აკეთებს ამისთვის, არ უნდა დაიხუროს. დარწმუნებული ვარ „საქართველოს განათლების ჯგუფი“ ყველაფერს იღონებს იმისთვის, რომ აკადემიამ გააგრძელოს საქმიანობა და სკოლის მოსწავლეებმა და მასწავლებლებმა ჯანაშია-ცეცხლაძის საქციელის გამო არანაირი პრობლემა არ უნდა შეექმნას“, - ამბობს კაპანაძე.

1775723862