სებ-ის ფინანსური განათლების პლატფორმა "FinEdu - ფინედუ" 4 წლისაა

ცვლილებების შესაბამისად, 50 კვტ და მეტი დადგმული სიმძლავრის მქონე მიკროსიმძლავრის ელექტროსადგურების მფლობელებს, რომლებიც ქსელს 2025 წლის 1 ოქტომბრამდე მიუერთდნენ, სიმძლავრის დადასტურების ვალდებულება მიმდინარე წლის 1-ლი აპრილის ნაცვლად 1-ლ სექტემბრამდე გაუგრძელდათ.ამასთანავე, თუ დადასტურების შედეგად აღმოჩნდება, რომ მიკროსიმძლავრის ელექტროსადგურის ფაქტობრივი სიმძლავრე წინასწარ დეკლარირებულზე ნაკლებია, მომხმარებელს უნარჩუნდება მიკროსიმძლავრის ელექტროსადგურის სტატუსი და ნეტო აღრიცხვით/დარიცხვით სარგებლობის უფლება. გარდა ამისა, მომხმარებელს ეძლევა დამატებითი, 8-თვიანი ვადა, რათა სისტემის ოპერატორთან არსებული ინფორმაცია ფაქტობრივ მდგომარეობას შეუსაბამოს (წარადგინოს დადასტურებული სიმძლავრის დოკუმენტი). წესებს დაემატა სპეციალური დანართი — „ელექტროენერგიის წარმოების საკუთარი საშუალების დადგმული სიმძლავრის დადასტურების წესი“. აღნიშნული დოკუმენტი წარმოადგენს სავალდებულო სახელმძღვანელოს როგორც დამოუკიდებელი აკრედიტებული ორგანოებისთვის, ასევე სისტემის ოპერატორებისთვის. საერთო მარეგულირებელი ჩარჩოს შემოღება უზრუნველყოფს ერთგვაროვან პრაქტიკას და სრულად გამორიცხავს შეფასების პროცესში სუბიექტურ მიდგომებს.მომხმარებლებს აქვთ შესაძლებლობა, დადგმული სიმძლავრის დადასტურების მოთხოვნით ნებისმიერ დროს მიმართონ სისტემის ოპერატორს. პროცესის შეუფერხებლად წარმართვისა და მომსახურების უწყვეტობის უზრუნველსაყოფად, სისტემის ოპერატორები აღნიშნულ მომსახურებას ახორციელებენ ვებგვერდზე საჯაროდ გამოცხადებული საფასურის შესაბამისად

1774535484

ფორუმი აერთიანებს საერთაშორისო და რეგიონული საფინანსო სექტორის ლიდერებს ფინანსური სექტორის აქტუალური საკითხების, მიმდინარე ტენდენციებისა და განვითარების პერსპექტივების განსახილველად.კონფერენციაში მონაწილეობენ მაღალი რანგის სპიკერები. მათ შორის საქართველოს ეროვნული ბანკის პრეზიდენტი, ფინანსთა მინისტრი და ცენტრალური და აღმოსავლეთ ევროპის საბანკო ასოციაციის თავმჯდომარე. ღონისძიებაში მონაწილეობს 250-ზე მეტი დელეგატი 30-მდე ქვეყნიდან და 100-მდე სხვადასხვა ინსტიტუტიდან. კონფერენცია უმასპინძლებს როგორც პრეზენტაციებს, ასევე თემატურ დისკუსიებს.

1774530193

ცვლილების მიზანია წყლის რესურსების უფრო რაციონალურად გამოყენება, სამელიორაციო მომსახურების ხარისხის გაუმჯობესება და სისტემის გამართული ფუნქციონირება.როგორც შპს „საქართველოს მელიორაციის“ გენერალურმა დირექტორმა გიგლა თამაზაშვილმა აღნიშნა, მოქმედი ტარიფი 14 წლის წინ იყო დადგენილი და ვეღარ პასუხობდა თანამედროვე მოთხოვნებს.„საქართველოს ენერგეტიკის მარეგულირებელი ეროვნული კომისიის მიერ დადგენილი ახალი ტარიფი ეფუძნება რეალურ საოპერაციო ხარჯებს და არ მოიცავს კაპიტალურსა თუ მიმდინარე დანახარჯებს, რადგან მათ სრულად აფინანსებს სახელმწიფო. ტარიფის ცვლილებამდე სარწყავი წყლის საფასური ჰექტარზე 75 ლარი იყო, თუმცა დარჩენილ ნაწილს მაშინაც სახელმწიფო აფინანსებდა.მიღებული განკარგულებით, განისაზღვრა არა ერთჯერადი მორწყვის, არამედ ერთი კუბური მეტრი წყლის საფასური, რომელიც ერთწლოვანი და მრავალწლოვანი კულტურებისთვის 0.0826 ლარს შეადგენს. ამ გათვლით, ერთი მორწყვის ციკლის ღირებულება 116.50 ლარია.ერთწლოვანი კულტურებისთვის 4 მორწყვის ოპერაციის საფასური ჯამურად შეადგენს 466 ლარს, საიდანაც 349 ლარს სახელმწიფო აფინანსებს, ხოლო მრავალწლოვანებისთვის 408 ლარს, საიდანაც 306 ლარი სუბსიდირდება. შედეგად, მომხმარებლის მიერ გადასახდელი თანხის დაახლოებით 80%-ს სახელმწიფო ფარავს“, - განაცხადა გიგლა თამაზაშვილმა.

1774528383

შეხვედრაზე მხარეებმა ორ ქვეყანას შორის სავაჭრო-ეკონომიკური ურთიერთობების გაღრმავებისა და ტურიზმის მიმართულებით თანამშრომლობის გაძლიერების პერსპექტივები განიხილეს. განსაკუთრებული ყურადღება დაეთმო ღვინის, ტროპიკული ხილისა და თამბაქოს სექტორებში თანამშრომლობის შესაძლებლობებს, ასევე გამოცდილების გაზიარებას გარემოს დაცვის მიმართულებით.მინისტრმა დავით სონღულაშვილმა ყურადღება გაამახვილა სამინისტროს მიერ მიმდინარე რეფორმებზე, რომლებიც პლასტმასის გამოყენების შემცირებას, სატყეო სექტორის განვითარებასა და დაცული ტერიტორიების გაფართოებას უკავშირდება.„ნარჩენების მართვა დღეს გლობალური გამოწვევაა და ამ მიმართულებით საერთაშორისო თანამშრომლობა განსაკუთრებით მნიშვნელოვანია. საქართველოში აქტიურად ვმუშაობთ პლასტმასის გამოყენების შემცირებაზე, ასევე, ვახორციელებთ მასშტაბურ სატყეო რეფორმას, ტყეების აღდგენის, მდგრადი მართვისა და მათი მრავალფუნქციური გამოყენების მიზნით. ამ პროცესში პარტნიორი ქვეყნების გამოცდილების გაზიარება ჩვენთვის მნიშვნელოვანია“, - აღნიშნა დავით სონღულაშვილმა.შეხვედრაზე ხაზი გაესვა საქართველოს, როგორც რეგიონული სავაჭრო ჰაბის როლს. აღინიშნა, რომ საქართველოს აქვს ლიბერალური სავაჭრო პოლიტიკა და თავისუფალი ვაჭრობის შეთანხმებები ევროკავშირთან, ჩინეთთან, თურქეთთან და დსთ-ს ქვეყნებთან, რაც დამატებით შესაძლებლობებს ქმნის საერთაშორისო პარტნიორებისთვის.დომინიკის რესპუბლიკის ელჩმა ელვის ანტონიო ალამ ლორამ თანამშრომლობის გაღრმავების მზადყოფნა გამოთქვა.„ჩვენ დაინტერესებული ვართ, შევისწავლოთ არსებული შესაძლებლობები და გავაძლიეროთ თანამშრომლობა სხვადასხვა მიმართულებით, მათ შორის, გარემოს დაცვის სფეროში, სადაც გამოცდილების გაზიარება განსაკუთრებულად მნიშვნელოვანია“, - აღნიშნა ელჩმა.შეხვედრას ესწრებოდნენ დომინიკის რესპუბლიკის დესპანი საქართველოში რემი მაკლოფ მალეკი, დომინიკის რესპუბლიკის საპატიო კონსული ლევან ჭოლაძე და გარემოს დაცვისა და სოფლის მეურნეობის სამინისტროს საერთაშორისო ურთიერთობებისა და ევროინტეგრაციის დეპარტამენტის უფროსი დავით ჩიტაიშვილი.

1774528238

ღონისძიებას ესწრებოდნენ ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები.ამასთან, გაიმართა პანელური დისკუსიები მდგრადი და ინკლუზიური ეკონომიკის განვითარებაში საფინანსო სექტორის როლის შესახებ. მასში მონაწილეობას იღებდნენ საერთაშორისო დონის ექსპერტები და საერთაშორისო ფინანსური ინსტიტუტების წარმომადგენლები, მათ შორის: ვირჯინია მერტინ ჰერიცი, J&P Morgan-ის ESG კვლევის მეთოდოლოგიებისა და ინტეგრაციის გლობალური მიმართულების ხელმძღვანელი; ელენ ვუდ-გაში, S&P Global-ის მდგრადი გადაწყვეტების სპეციალისტი; ლილიანა პოცო (Liliana Pozzo), საერთაშორისო ფინანსური კორპორაციის - IFC-ის ევროპის მენეჯერი მდგრადი დაფინანსების სერვისების მიმართულებით; ანდრეას ბერკოფი, ევროპის საინვესტიციო ბანკის (EIB) დაფინანსების უფროსი ოფიცერი; ზოი პაი, EBRD-ის ფინანსური ინსტიტუტების სექტორის დირექტორი გარემოს და მდგრადი განვითარების მიმართულებით; ლესლი ბერმან ლამი, აზიის განვითარების ბანკის (ADB) წარმომადგენლობის დირექტორი საქართველოში.  საქართველოს ბანკის 2025 წლის მდგრადი განვითარების ანგარიში ხელმისაწვდომია ბმულზე.ინფორმაციისთვის, მდგრადი განვითარების დოკუმენტი ასახავს საქართველოს ბანკის სტრატეგიას, მიღწევებსა და გაზომვად შედეგებს გარემოსდაცვითი, სოციალური და მმართველობითი (ESG) მიმართულებით. ბანკის ESG მიმართულება მოიცავს ისეთ პროექტებსა და ინიციატივებს, როგორებიცაა: მდგრადი დაფინანსების პროდუქტები, პროექტები და სერვისები, განახლებადი ენერგიის პროექტები, ენერგოეფექტურობა, კლიმატგონივრული სოფლის მეურნეობა, ენერგოეფექტური მშენებლობა და სხვა. ამასთან, მხარს უჭერს ქალ მეწარმეებს, მცირე და საშუალო ბიზნესების განვითარებას, ფინანსურ რესურსებზე ხელმისაწვდომობას, ფინანსურ განათლებასა და ფინანსურ ინკლუზიურობას. გარდა ამისა, ბანკი აქტიურად ახორციელებს ღონისძიებებს ორგანიზაციის მიერ საოპერაციო საქმიანობის შედეგად, გარემოსთვის მიყენებული უარყოფითი გავლენის შესამცირებლად, კერძოდ, გარდა ენერგოეფექტური ღონისძიებებისა, ბანკის ელექტროენერგიის მოხმარების 88% რეგიონებში მზის ენერგიით მარაგდება.ამასთან, საქართველოს ბანკი განათლების, კულტურის, სპორტისა და დაცული ტერიტორიების მთავარი მხარდამჭერია. აღნიშნული ინიციატივები მიზნად ისახავს ახალგაზრდებისთვის შესაძლებლობების შექმნას, ეროვნული კულტურული მემკვიდრეობის შენარჩუნებასა და ჯანსაღი ცხოვრების წესის პოპულარიზაციას, რაც ქვეყნის გრძელვადიანი და მდგრადი განვითარების საწინდარია.

1774526400

მისი თქმით, ტარიფის ზრდა დარგის განვითარებისთვის და იმპორტის მინიმიზაციისთვის საჭიროა."ჩვენს დარგს ტარიფის მომატება აუცილებლად სჭირდება, რათა არსებული პრობლემები გადაიჭრას, მათ შორის, ინვესტიციების და ტექნიკური ნაწილის გაუმჯობესების კუთხით. ჩვენს დარგს ასევე, აქვს სოციალური დატვირთვა და როდესაც სემეკი ამბობს, რომ ბალანსი დაცულია - ყოველთვის ცდილობს დაიცვას ბალანსი მწარმოებელს, ენერგოკომპანიასა და მომხმარებლებს შორის. გამოსავალია ის, რომ მომხმარებლებმა შეძლონ ამ პროდუქტის მიღება და გამოყენება, ხოლო ენერგოკომპანიებმა შეძლონ მუშაობის გაგრძელება.დარგის განვითარების გარდა, იანვარში 1200 მეგავატამდე ავიდა ჩვენი იმპორტი, ამიტომ ამის მინიმიზაცია, რომ გაკეთდეს აუცილებელია გენერაციის გაზრდა, რისთვისაც აუცილებელია სადგურების მშენებლობა, ხოლო ამისთვის აუცილებელია ინვესტიცია. ამას გარდა, იმისათვის, რომ სრულფასოვნად შემოვიდეს ენერგიის განახლებადი წყაროებიდან ნაწარმოები ელექტრული ენერგია ჩვენს სისტემაში, ამისათვის აუცილებელია სარეზერვო სიმძლავრეები", - აცხადებს გია არაბიძე.ცნობისთვის, სემეკმა დროებითი ტარიფი დაადგინა, შედეგად ელექტროენერგიაზე არსებული ტარიფი შემდეგი 3 თვის განმავლობაში შენარჩუნდა -  აღნიშნული 3 თვე კი, მარტის ბოლოს იწურება.როგორც 2025 წლის ბოლოს ენერგეტიკისა და წყალმომარაგების მარეგულირებელი კომისიის თავმჯდომარე დავით ნარმანიამ ჟურნალისტებს განუცხადა, პროცესის 3 თვით გადავადებას ელექტროენერგიის გამანაწილებელმა კომპანიებმა ითხოვეს. ამასთან, როგორც ნარმანიამ აღნიშნა, ტარიფებთან დაკავშირებით კონსულტაციები ჰქონდათ საქართველოს პრემიერ-მინისტრთან.ამ დროისთვის თბილისში მცხოვრები აბონენტები, რომლებიც ყოველთვიურად 0-დან 101 კილოვატამდე ელექტროენერგიას მოიხმარენ ერთ კილოვატში 15,041 თეთრს იხდიან.შეგახსენებთ, რომ 2024 წლის პირველი იანვრიდან, სემეკის გადაწყვეტილებით, თბილისის და საქართველოს რეგიონებისთვის ელექტროენერგიის საყოფაცხოვრებო ტარიფები 3 თეთრით შემცირდა.კერძოდ, თელმიკოს მომხმარებლებისთვის 0-დან 101 კილოვატის ჩათვლით დენის ტარიფი  გახდა 15 თეთრი 18 თეთრის ნაცვლად, 101-დან 301 კილოვატამდე მომხმარებლებისთვის 19 თეთრი 22 თეთრის ნაცვლად, ხოლო 301 კილოვატზე მეტის შემთხვევაში, ტარიფი გახდა 23.5 თეთრი 26 თეთრის ნაცვლად."ენერგო-პროს" მომხმარებლებისთვის 0-დან 101 კილოვატის ჩათვლით დენის ტარიფი გახდა 14,7 თეთრი 17.7 თეთრის ნაცვლად, 101-დან 301 კილოვატამდე მომხმარებლებისთვის 15.7 თეთრი 18.7 თეთრის ნაცვლად, ხოლო 301 კილოვატზე მეტს ვინც მოიხმარს მათთვის ტარიფი გახდა 23.2 თეთრი 26.2 თეთრის ნაცვლად.

1774526100