ფინანსთა მინისტრი ევროპის რეკონსტრუქციისა და განვითარების ბანკის (EBRD) მმართველ დირექტორს შეხვდა

შეხვედრაში მონაწილეობა მიიღო ბანკის რეგიონულმა დირექტორმა კავკასიაში თომას კაირისმა, რომელმაც აღნიშნული თანამდებობა მიმდინარე წლის პირველ სექტემბერს დაიკავა.ფინანსთა სამინისტროში გამართულ შეხვედრას დაესწრნენ ფინანსთა მინისტრის მოადგილე ეკატერინე გუნცაძე და EBRD-ის დელეგაციის წევრები.ლაშა ხუციშვილმა სტუმრებს მადლობა გადაუხადა საქართველოში მხარდაჭერილი პროექტებისთვის, განსაკუთრებით, კერძო სექტორში.მხარეებმა მიმოიხილეს საქართველოს ეკონომიკური განვითარების მიმდინარე ტენდენციები და ორმხრივი თანამშრომლობის საკითხები სუვერენული და კერძო სექტორის პროექტების მიმართულებით.

1790083305

პროცესის მიმდინარეობის გასაცნობად ცესკოს თავმჯდომარე გიორგი კალანდარიშვილი, კომისიის მდივანი გიორგი ჯავახიშვილი და წევრები არჩილ ანასაშვილი, გიორგი ძაგანია, მაია ზარიძე, დიმიტრი ჯავახაძე და მამუკა კაციტაძე ახმეტის საოლქო საარჩევნო კომისიაში იმყოფებოდნენ. ცესკოს ხელმძღვანელი პირები ადგილზე გაეცნენ თითოეულ აქტივობას, რომელიც მუნიციპალიტეტის წარმომადგენლობითი ორგანოების საკრებულოების შუალედური არჩევნებისთვის ხორციელდება. შეხვედრას ახმეტის საოლქო საარჩევნო კომისიის სრული შემადგენლობა ესწრებოდა. კომისიის თავმჯდომარე მინდია იუკურიძემ მონაწილეებთან განაცხადა, რომ სამზადისი შუალედური არჩევნებისთვის სრული დატვირთვით მიმდინარეობს.ამომრჩეველთა მაღალ დონეზე მომსახურება კენჭისყრის დღეს, საარჩევნო პროცედურების ზედმიწევნით და კანონმდებლობის სრული დაცვით განხორციელება, საოლქო და საუბნო საარჩევნო კომისიების დონეზე სწავლებისა და პროფესიული გადამზადების პროცესი შეხვედრის განხილვის ძირითადი თემები იყო. გიორგი კალანდარიშვილმა ყურადღება გაამახვილა საარჩევნო ადმინისტრატორების მაღალ პასუხისმგებლობაზე და აღნიშნა, რომ 3 ოქტომბრის არჩევნები, უკვე ორგანიზებული არჩევნების მსგავსად მაღალპროფესიულ დონეზე წარიმართება. მისივე თქმით, იმის მიუხედავად თუ რა მასშტაბის არჩევნები იმართება, საარჩევნო მოხელეები ყოველთვის სრულ მზადყოფნაში უნდა იყვნენ კენჭისყრის დღის შესაბამის დონეზე ორგანიზებისთვის.3 ოქტომბერს ვანის, წალკის, დმანისისა და ახმეტის მუნიციპალიტეტების საკრებულოების შუალედური არჩევნები გაიმართება. შუალედური არჩევნებისთვის ჯამში შვიდი საარჩევნო უბანი გაიხსნება, მათ შორის ოთხ საარჩევნო უბანზე გამოყენებული იქნება ელექტრონული ვერიფიკაციისა და ხმის მთვლელი აპარატები. ამომრჩევლები აღნიშნული მუნიციპალიტეტების საკრებულოების 4 მაჟორიტარ წევრს აირჩევენ.

1790081911

ჯილდო ბანკს 12-ე ყოველწლიურ TSCFP Awards-ზე გადაეცა, სადაც აღინიშნა ბანკის მნიშვნელოვანი წვლილი საერთაშორისო ვაჭრობის ხელშეწყობაში, ფინანსებზე ხელმისაწვდომობის გაუმჯობესებასა და მიწოდების ჯაჭვების გაძლიერებაში. ჯილდო წელს პირველად დაწესდა აზიის განვითარების ბანკის (ADB) მიერ და საქართველოს ბანკი სიაში პირველია, ვინც ეს ჯილდო მიიღო.ეს აღიარება ხაზს უსვამს ბანკის ლიდერულ როლს მიწოდების ჯაჭვის დაფინანსების განვითარებასა და ბიზნესებისთვის საერთაშორისო ბაზრებზე წვდომის ხელშეწყობაში.„მოხარული ვართ, რომ აზიის განვითარების ბანკისგან მნიშვნელოვანი საერთაშორისო აღიარება მივიღეთ და ის აზიის განვითარების ბანკისთვის (ADB) პირველი ჯილდოა. ეს კიდევ ერთხელ ადასტურებს საქართველოს ბანკის როლს ვაჭრობისა და მიწოდების ჯაჭვის დაფინანსების მიმართულებით და იმ მხარდაჭერას, რომელსაც ბანკი ბიზნესებს საერთაშორისო ბაზრებზე განვითარებასა და ზრდაში უწევს. ჩვენთვის მნიშვნელოვანია, პარტნიორებთან ერთად შევქმნათ ბიზნესებისთვის ახალი შესაძლებლობები და ხელი შევუწყოთ მათ საერთაშორისო ბაზრებზე გაფართოებას. გვჯერა, რომ ADB-სთან ჩვენი თანამშრომლობა მომავალშიც არაერთი მნიშვნელოვანი შესაძლებლობის შექმნის საფუძველი იქნება,“ - განაცხადა საქართველოს ბანკის გლობალური საბანკო ბიზნეს მიმართულების ხელმძღვანელმა ელენე ცხადაიამ. აზიის განვითარების ბანკის ვაჭრობის და მიწოდების ჯაჭვის დაფინანსების პროგრამის ხელმძღვანელი სტივენ ბეკი აცხადებს, რომ  „ეს აღიარება ასახავს საქართველოს ბანკის წარმატებულ გამოცდილებას საქართველოს ბიზნესებისთვის, განსაკუთრებით მცირე და საშუალო საწარმოებისთვის, ვაჭრობის დაფინანსების პროდუქტებზე ხელმისაწვდომობის გაზრდის კუთხით. სწორედ ასეთი პარტნიორობა წარმოადგენს ჩვენი საქმიანობის მთავარ მიზანს: ვაჭრობის დაფინანსების სფეროში არსებული დეფიციტის აღმოსაფხვრელად საჭიროა ძლიერი ადგილობრივი პარტნიორები, რომლებიც კარგად იცნობენ საკუთარ ბაზარს და მზად არიან, მომხმარებლის ინტერესებიდან გამომდინარე, ინოვაციური მიდგომები დანერგონ. კიდევ ერთხელ გილოცავთ და მოუთმენლად ველით ჩვენი თანამშრომლობის შემდგომ განვითარებას მომავალ წლებში.“ADB-ის TSCFP Awards-ის ფარგლებში, Leading DMC Supply Chain Finance Award-ის ღონისძიება 8 სექტემბერს სინგაპურში გაიმართა. დაჯილდოების ცერემონია Global Trade Review-ის (GTR) Asia Conference-ის პარალელურად ჩატარდა და მას სავაჭრო დაფინანსების სფეროს წამყვანი პროფესიონალები, პარტნიორი ბანკები და ინდუსტრიის სხვა წარმომადგენლები ესწრებოდნენ.

1790080278

ახალი ეკომეგობრული საწარმო სახიფათო სამედიცინო და ინფექციური ნარჩენების დაწვის გარეშე უსაფრთხო გაუვნებელყოფას უზრუნველყოფს, რაც საქართველოში სამედიცინო ნარჩენების მართვის თანამედროვე სისტემის განვითარებასა და გარემოსდაცვითი სტანდარტების გაძლიერებას შეუწყობს ხელს.„ნარჩენების მართვა სპეციფიკური და კომპლექსური პროცესია, რომელიც სისტემურ მიდგომას, თანამედროვე ინფრასტრუქტურასა და მუდმივ მონიტორინგს საჭიროებს. სამინისტრო ნარჩენების მართვის სისტემის გაუმჯობესებისა და განვითარების მიმართულებით მნიშვნელოვან ღონისძიებებს ახორციელებს, მათ შორის, ნარჩენების მართვის ინფრასტრუქტურის განვითარებისა და სახიფათო ნარჩენების მართვისთვის საჭირო ობიექტების შექმნის მიმართულებით. ჩვენი მიზანია, საქართველო გადავიდეს ნარჩენების მართვის ისეთ სისტემაზე, სადაც ნარჩენი განიხილება რესურსად, რომლის შემცირება, ხელახალი გამოყენება, გადამუშავება და უსაფრთხო მართვა მწვანე და ცირკულარული ეკონომიკის განვითარების ნაწილია. ამ პროცესში მნიშვნელოვანია კერძო სექტორის ინიციატივები და ინვესტიციები, რასაც სახელმწიფოს მიერ შექმნილი სტაბილური და პროგნოზირებადი გარემო უწყობს ხელს“, - განაცხადა დავით სონღულაშვილმა.საქართველოში და ამიერკავკასიის რეგიონში პირველად ინერგება ECOSTERYL-ის თანამედროვე ტექნოლოგია, რომელიც სამედიცინო და ინფექციური ნარჩენების უსაფრთხო გაუვნებელყოფისა და შემდგომი მართვისთვის გამოიყენება. პროექტი მნიშვნელოვანი ნაბიჯია სამედიცინო ნარჩენების მართვის სისტემის მოდერნიზებისა და გარემოსდაცვითი პრაქტიკის გაუმჯობესების მიმართულებით.ECOSTERYL-ის ტექნოლოგია ნარჩენების დამუშავებას ინსინერაციის გარეშე, მიკროტალღური ტექნოლოგიის გამოყენებით უზრუნველყოფს. სისტემა სრულად ელექტროენერგიაზე მუშაობს და პროცესის შედეგად მიიღება მშრალი, სტერილური და უსაფრთხო მასალა, რაც ამცირებს ტოქსიკური გამონაბოლქვის წარმოქმნის რისკებს და ხელს უწყობს ნარჩენების შემდგომი მართვის უსაფრთხოებას.ახალი საწარმოს ამოქმედება ხელს შეუწყობს სამედიცინო ნარჩენების მართვის პროცესის მოდერნიზებას, ოპერაციული უსაფრთხოების გაუმჯობესებას და თანამედროვე გარემოსდაცვითი სტანდარტების დანერგვას. პროექტი ეფუძნება ევროპულ და საერთაშორისო პრაქტიკას და საქართველოში ნარჩენების მართვის სფეროში თანამედროვე, ეკოლოგიურად უსაფრთხო ტექნოლოგიების გამოყენების კიდევ ერთ შესაძლებლობას ქმნის.საწარმოს გახსნის ღონისძიებაზე გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი და საქართველოს მყარი ნარჩენების მართვის კომპანიის დირექტორი მიხეილ გოგოლიძე იმყოფებოდნენ.

1790080185

კონფერენცია, აზერბაიჯანის რესპუბლიკის აუდიტორთა პალატის ორგანიზებით, გაიმართა და პალატის საქმიანობის დაწყებიდან 30 წლის იუბილეს მიეძღვნა. ღონისძიების მიზანი იყო აუდიტის განვითარების ძირითადი ეტაპების, თანამედროვე გამოწვევებისა და სამომავლო მიმართულებების განხილვა, ასევე საერთაშორისო გამოცდილების გაზიარება.კონფერენციის ფარგლებში ყურადღება დაეთმო აუდიტის მარეგულირებელი სამართლებრივი ჩარჩოს განვითარებას, პროფესიულ თვითრეგულირებას, ხარისხის უზრუნველყოფისა და ზედამხედველობის მექანიზმების გაძლიერებასა და აუდიტის საერთაშორისო სტანდარტების დანერგვას. განხილვის თემებს შორის იყო ციფრული ტრანსფორმაცია და ხელოვნური ინტელექტის გავლენა ბუღალტრული აღრიცხვისა და აუდიტის პროფესიაზე, პროფესიული ეთიკის დაცვა და აუდიტის როლი ფინანსური გამჭვირვალობისა და საზოგადოებრივი ნდობის განმტკიცებაში.ღონისძიებაზე თორნიკე ძაგნიძემ წარადგინა მოხსენება თემაზე - „აუდიტის რეგულირების სისტემა საქართველოში და პროფესიული ორგანიზაციების როლი“. მოხსენებამ მონაწილეებს შესაძლებლობა მისცა, გასცნობოდნენ საქართველოში აუდიტის რეგულირების მოდელსა და ამ სისტემაში პროფესიული ორგანიზაციების ადგილს. საქართველოს გამოცდილების წარდგენით სამსახურმა წვლილი შეიტანა აუდიტის რეგულირების განსხვავებული მიდგომების შესახებ საერთაშორისო პროფესიულ მსჯელობაში, რაც ქვეყნებს შორის გამოცდილების გაცვლისა და თანამშრომლობის გაღრმავების მნიშვნელოვანი საფუძველია.ღონისძიებაში ბუღალტრული აღრიცხვის, ანგარიშგებისა და აუდიტის ზედამხედველობის სამსახურის როგორც საქართველოში სფეროს ზედამხედველი უწყების მონაწილეობა, ხელს უწყობს რეგიონული თანამშრომლობის გაღრმავებასა და საზედამხედველო პრაქტიკის შესახებ გამოცდილების გაცვლას.

1790080038

შეხვედრაზე ხაზი გაესვა საქართველოსა და სომხეთის ცენტრალურ ბანკებს შორის მჭიდრო და მრავალწლიან თანამშრომლობას. ყურადღება გამახვილდა ინფორმაციისა და გამოცდილების რეგულარული გაცვლის მნიშვნელობაზე, რაც ხელს უწყობს ინსტიტუციური შესაძლებლობების გაძლიერებასა და საერთო გამოწვევებზე ეფექტიან რეაგირებას. მხარეებმა ასევე იმსჯელეს რეგიონში არსებულ მაკროეკონომიკურ გარემოსა და  საფინანსო სექტორის მდგომარეობაზე.შეხვედრაზე ხელი მოეწერა ურთიერთთანამშრომლობის ახალ მემორანდუმს, რომელიც მნიშვნელოვნად აფართოებს თანამშრომლობის სფეროებს. მემორანდუმი ითვალისწინებს ინფორმაციისა და გამოცდილების გაზიარებას ფინანსური ინსტიტუტების რეგულირებისა და ზედამხედველობის, მონეტარული პოლიტიკის, საგადახდო სისტემების, ფასიანი ქაღალდების ბაზრის, ვირტუალური აქტივების მომსახურების პროვაიდერებისა და ფინანსური ტექნოლოგიების საკითხებზე.

1790077281