ზვიად გაჩეჩილაძე - შავი ზღვის წყალქვეშა კაბელის პროექტით გათვალისწინებულია ლოჯისტიკური მარშრუტების, ასევე პორტების დატვირთვა, მშპ-ზე და ეკონომიკის ზრდაზე, დასაქმებაზე ზეგავლენა

აღნიშნულის შედეგად, ბოლო მონაცემებით, საქართველოს საბაჟო საზღვრებიდან გაბრუნებისა და საბაჟო პროცედურების შესრულებაზე უარის თქმის 2 448 შემთხვევა დაფიქსირდა.უწყება ამ ფორმით ეხმაურება ერთ-ერთ მედია საშუალებაში გასულ სიუჟეტს, რომლის მიხედვითაც „საქართველო იქცა ავტოიმპორტისთვის შავ ხვრელად“, რომელიც მათი თქმით დეზინფორმაციაა."შემოსავლების სამსახურის მიერ, უკვე არაერთგზის გავრცელებული განცხადებების/განმარტებების მიუხედავად, კვლავ გრძელდება უწყების დისკრედიტაცია და საზოგადოების განზრახ შეცდომაში შეყვანა.როგორც ცნობილია, უკრაინაში მიმდინარე მოვლენებთან დაკავშირებით, ამერიკის შეერთებულმა შტატებმა, გაერთიანებულმა სამეფომ, ევროკავშირმა და ეკონომიკური სანქციების დაწესების პროცესში მონაწილე სხვა ქვეყნებმა, მიიღეს გადაწყვეტილება რუსეთის ფედერაციასა და ბელარუსთან განსაზღვრული საქონლით ვაჭრობაზე შეზღუდვების დაწესების შესახებ. მათ შორის, სანქციები შეეხო აღნიშნული ქვეყნებიდან მსუბუქი ავტომობილების რუსეთში ან ბელარუსში შეტანასაც.აღნიშნულ შეზღუდვას უწყება მკაცრ მონიტორინგს/აღსრულებას უწევს. ამასთან, საერთაშორისო სანქციების დაწესებისთანავე, საქართველოს ფინანსთა სამინისტროს შემოსავლების სამსახური მუდმივ კოორდინაციაშია პარტნიორ ქვეყნებთან და ხდება ინფორმაციის გაცვლა ოპერატიულ რეჟიმში. კონტროლის ფარგლებში, ტრანზიტული ნომრების მქონე მსუბუქი ავტომობილები, რომლებიც გადაადგილდებიან ტრანზიტულად, საბაჟო საზღვრის კვეთისას, მებაჟე ოფიცრების მხრიდან ექვემდებარება შესაბამისი დოკუმენტაციის შემოწმებას, თუ რომელი ქვეყნის დანიშნულებით გადაადგილდება აღნიშნული სატრანსპორტო საშუალება და როგორც ტრანზიტი, ისე ექსპორტი/რეექსპორტი ხორციელდება საერთაშორისო რეგულაციების სრული დაცვით და არ არსებობს ამის საპირისპირო დამადასტურებელი არც ერთი ფაქტი.დღეის მდგომარეობით, მოქმედი შეზღუდვები არ ეხება აშშ-დან და ევროკავშირიდან შემოყვანილი მსუბუქი ავტომობილების ექსპორტს/რეექსპორტს იმ ქვეყნებში, რომლებიც არ არიან მითითებული აშშ-სა და ევროკავშირის მიერ გამოქვეყნებულ სანქციებში. ამასთან, კიდევ ერთხელ, მკაფიოდ აღვნიშნავთ, რომ აკრძალვა არ ვრცელდება იმ მსუბუქ ავტომობილებზე, რომლებიც არის ფიზიკური პირის პირად საკუთრებაში, გამოიყენება მისი პირადი სარგებლობისთვის და არ არის განკუთვნილი გასაყიდად.აქვე აღვნიშნავთ, რომ შემოსავლების სამსახურის საბაჟო დეპარტამენტში აქტიურია რისკის 37 პროფილი, რომელიც ავტომატურ რეჟიმში ახდენს სანქცირების შესახებ მონაცემთა იდენტიფიცირებას და დამატებითი რისკ-ფაქტორების გამოვლენის ინიცირებას. ბოლო მონაცემებით, საქართველოს საბაჟო საზღვრებიდან გაბრუნებისა და საბაჟო პროცედურების განხორციელებაზე უარის თქმის 2 448 შემთხვევაა დაფიქსირებული.შემოსავლების სამსახური მოუწოდებს მედიასაშუალებებს, სანქციების აღსრულებასთან დაკავშირებით ნებისმიერი ინფორმაცია გადაამოწმონ სანქციების აღსრულებაზე პასუხიმგებელ უწყებასთან", - წერს შემოსავლების სამსახური.

1761136224

გამოცემა "როიტერის" გათვლებით, გერმანიის იმპორტმა და ექსპორტმა ჩინეთთან იანვრიდან აგვისტომდე 163.4 მილიარდი ევრო (190.7 მილიარდი აშშ დოლარი) შეადგინა, ხოლო აშშ-სთან ვაჭრობის მაჩვენებელი 162.8 მილიარდ ევროს გაუტოლდა.2024 წელს გერმანიის უმსხვილესი სავაჭრო პარტნიორი აშშ გახდა, რითაც დასრულდა ჩინეთის რვაწლიანი ლიდერობა. ამ ცვლილების მიზეზი იყო გერმანიის მცდელობა, შეემცირებინა ჩინეთზე დამოკიდებულება - ბერლინი ამას პოლიტიკური უთანხმოებებით ხსნიდა და პეკინს არაკეთილსინდისიერ სავაჭრო პრაქტიკაში სდებდა ბრალს. თუმცა, წელს სავაჭრო დინამიკა კვლავ შეიცვალა დონალდ ტრამპის თეთრ სახლში დაბრუნებისა და განახლებული ტარიფების გამო.გამოცემის ცნობით, აშშ-ის ტარიფები უარყოფითად მოქმედებს გერმანულ ექსპორტზე. კერძოდ, ტარიფების გამო შემცირდა გერმანული ექსპორტი შეერთებულ შტატებში - 2025 წლის პირველი რვა თვის განმავლობაში ექსპორტის მოცულობა 2024 წელთან შედარებით 7.4%-ით დაეცა და 99.6 მილიარდ ევროს მიაღწია. აგვისტოში კი, გერმანიიდან აშშ-ში ექსპორტი წლიურად 23.5%-ით შემცირდა, რაც მიუთითებს, რომ ეს ტენდენცია კიდევ უფრო ძლიერდება.„ეჭვგარეშეა, რომ აშშ-ის ტარიფები და სავაჭრო პოლიტიკა გაყიდვების შემცირების მნიშვნელოვანი მიზეზია“, - თქვა დირკ იანდურამ, გერმანიის საგარეო ვაჭრობის ასოციაციის, BGA-ს პრეზიდენტმა.ჩინეთიდან გერმანიაში იმპორტი 8.3%-ით გაიზარდა და 108.8 მილიარდ ევროს მიაღწია. კარსტენ ბჟესკიმ, ING-ის გლობალურმა მაკროეკონომიკურმა ხელმძღვანელმა, ჩინეთიდან იმპორტის განახლებულ ბუმს შემაშფოთებელი უწოდა, „განსაკუთრებით იმის გათვალისწინებით, რომ მონაცემები აჩვენებს, რომ ეს იმპორტი დემპინგური ფასებით ხორციელდება“.

1761135878

სტუდენტური AI კვლევითი კლუბი უნიკალური შესაძლებლობაა ბაკალავრიატის და მაგისტრატურის სტუდენტებისთვის, ასევე კურსდამთავრებულებისთვის, ჩაერთონ რეალურ კვლევით პროექტებში, გამოაქვეყნონ სამეცნიერო ნაშრომები და მოემზადონ საერთაშორისო კონფერენციებისა და წამყვანი სამაგისტრო და სადოქტორო პროგრამებისთვის.კლუბის ფარგლებში, გუნდები იმუშავებენ კვლევის ხელმძღვანელებთან ერთად, სიღრმისეულად შეისწავლიან საკვლევ თემას, მასთან დაკავშირებულ ტექნოლოგიებს და მოამზადებენ სამეცნიერო ნაშრომს. საუკეთესო ნაშრომის ავტორები კი, ტექნოლოგიების მიმართულებით საერთაშორისო კონფერენციაზე/ექსპოზე გაემგზავრებიან.„სტუდენტური კლუბის მიზანი საქართველოში კვლევით დაინტერესებული ახალი თაობის პროფესიონალების ხელშეწყობა და ქვეყანაში AI კვლევის კულტურის ჩამოყალიბებაა. რეგიონში და მსოფლიოში კონკურენციისთვის საქართველოშიც უნდა არსებობდეს AI კვლევები, რისთვისაც ტალანტების განვითარება ყველაზე მთავარი გამოწვევაა. GAIA, თიბისის მხარდაჭერით და აკადემიურ სექტორთან თანამშრომლობით, სწორედ ამ მიზანს ისახავს.” - გიგი გიორგაძე, საქართველოს ხელოვნური ინტელექტის ასოციაციის დირექტორი.კლუბის მენტორები წამყვანი ქართველი AI მკვლევარები იქნებიან სხვადასხვა საერთაშორისო უნივერსიტეტებიდან და კომპანიებიდან.AI კლუბის შეხვედრები ჰიბრიდულ რეჟიმში წარიმართება. კლუბში მისაღებად რეგისტრაცია 2 ნოემბრამდე გაგრძელდება. დეტალური ინფორმაციისთვის და კლუბის წევრობისთვის გადადით ბმულზე.ხელოვნური ინტელექტის კვლევა ის მიმართულებაა, რომელიც მომავალს ქმნის - ცოდნის, ინოვაციისა და პროგრესის გზით. თიბისისთვის განსაკუთრებით მნიშვნელოვანია ისეთი ინიციატივების მხარდაჭერა, რომლებიც ახალ თაობას აძლევს შესაძლებლობას განვითარდნენ, იკვლიონ და შექმნან რეალური ცვლილება ტექნოლოგიების სამყაროში.

1761135300

მისი თქმით, პროექტით გათვალისწინებული ინტერნეტ კაბელი დააკავშირებს დიდ ბაზარს აზიასა და ევროკავშირს, რაც საქართველოს ერთ-ერთ ძირითად მონაცემთა ჰაბს გახდის.„შავი ზღვის კაბელის პროექტი შედგება ორი კომპონენტისგან. ეს არის ძალოვანი კაბელი და მონაცემთა, ანუ ინტერნეტის კაბელი. ჩვენ დღეს ფორუმზე ორივე პროექტი გვქონდა განხილული.შავი ზღვის კაბელის პროექტი ხელს უწყობს დაკავშირებადობას. ხელს უწყობს აზიისა და ევროპის დაკავშირებას, როგორც განახლებადი ენერგიის მიმოცვლის კუთხით, ასევე მონაცემების და ინტერნეტის მიმოცვლის კუთხითაც.ჩვენ წარვადგინეთ ტექნიკურ-ეკონომიკური კვლევის შედეგები. მოგეხსენებათ, რომ 2024 წელს დასრულდა ტექნიკურ-ეკონომიკური კვლევა, რომელმაც დააზუსტა პროექტის ბიუჯეტი, ასევე ის ბენეფიტები, რომელიც უნდა მიიღოს თითოეულმა ჩართულმა მხარემ.ალბათ, იცით, რომ მისი ბიუჯეტი არის დაახლოებით 3 მილიარდი ევრო, თუმცა ბენეფიტები გაცილებით უფრო მეტია. ეს არის გამოწვეული როგორც სოციალურ-ეკონომიკური სარგებლიდან, ანუ ფასთაშორის სხვაობიდან გამომდინარე ბენეფიტები, ასევე, ეს არის განახლებადი ენერგიების განვითარება და ხელშეწყობა, როგორც ჩვენს ქვეყანაში, ასევე მთელს რეგიონში. სხვა დამატებითი სარგებელიცაა გათვალისწინებული ამ პროექტში, ეს არის ლოჯისტიკური მარშრუტების დატვირთვა, ასევე პორტების დატვირთვა, მშპ-ზე და ეკონომიკის ზრდაზე ზეგავლენა, დასაქმებაზე ზეგავლენა, ასევე მწვანე სერტიფიკატებით ევროპაში ვაჭრობის დამატებითი სარგებელი და შესაძლებლობები, რომელიც მიეცემა ჩვენი განახლებადი ენერგიის მწარმოებელ კომპანიებს. მათ მიეცემათ საშუალება, რომ ფიზიკური დაკავშირებადობის შემდეგ გაიტანონ მწვანე სერტიფიკატები, გაყიდონ და დამატებითი შემოსავალი მიიღონ.პროექტი ძალიან მნიშვნელოვანია ასევე, ინტერნეტის მიმოცვლის კუთხით, მონაცემების საიმედოობის და დამოუკიდებლობის კუთხით. რა თქმა უნდა, ეს არ არის გათვალისწინებული მხოლოდ ჩვენი ქვეყნისა და რეგიონისთვის. ინტერნეტ კაბელი დააკავშირებს ძალიან დიდ ბაზარს აზიაში ჩინეთის ჩათვლით ევროკავშირთან, რაც ჩვენს ქვეყანას გახდის ერთ-ერთ ძირითად მონაცემთა ჰაბს, გაცვლის წერტილს.ახლა ძალიან მალე, ვიწყებთ შავი ზღვის ფსკერის კვლევას. ეს საჭიროა იმისთვის, რომ ჩატარდეს გეოფიზიკური, გეოტექნიკური კვლევები, რათა დაზუსტდეს მარშრუტი, ამას დასჭირდება გარკვეული დრო. ამის შემდეგ შესაძლებელი იქნება, რომ გადავიდეთ სამშენებლო ეტაპზე.რაც შეეხება ძალოვანი კაბელის პროექტს. ჩვენ ტექნიკურ-ეკონომიკური კვლევით ორი სცენარი გვაქვს გათვალისწინებული, ეს არის 2031 წელი და 2033 წელი, როგორც დასრულების და ექსპლუატაციაში შესვლის წელი. ეს დამოკიდებული იქნება სხვადასხვა ფაქტორებზე.ჩვენ ტექნიკურ და ეკონომიკურ დონეზე ძალიან ინტენსიურად ვმუშაობთ ევროპის გადამცემ სისტემის ოპერატორების გაერთიანებასთან, ასევე ევროკომისიასთან და ენერგეტიკულ დირექტორატთან. არანაირი შეფერხება ამ კუთხით არ გვიგრძნია. პირიქით, ბოლო კვლევები და ინტერაქციები ხაზს უსვამს იმას, რომ ეს არ არის მხოლოდ საქართველო-რუმინეთის დაკავშირებადი ხაზი. მიუხედავად იმისა, რომ შეიძლება ფიზიკურად ასე ჩანდეს, ეს არის რეგიონული პროექტი. როგორც ჩვენი რეგიონისთვის, ისე აღმოსავლეთ ევროპის რეგიონისთვის.კონსულტაციები მიმდინარეობს. სულ რაღაც 2 დღის წინ, მივიღეთ ინფორმაცია, რომ შავი ზღვის კაბელის პროექტი ევროპის გადამცემი სისტემის ოპერატორების გაერთიანებამ უკვე შეიტანა 2026-36 წლების 10-წლიანი განვითარების გეგმაში, რაც ძალიან მნიშვნელოვანია“,- განაცხადა გაჩეჩილაძემ.

1761134247

როლფ ვერნერმა თბილისის აბრეშუმის გზის ფორუმზე თბილისის აბრეშუმის გზის ფორუმის პანელზე გააკეთა მოხსენება. მან მონაწილეობა პანელურ დისკუსიაში „ციფრული ტრანსფორმაცია: მომავლის სამყარო” მიიღო.“დღევანდელი ღონისძიება ძალიან მნიშვნელოვანი იყო „ნოკიასთვის“ და ჩვენ მას ვიხილავთ, როგორც ერთ-ერთ უმნიშვნელოვანეს მოვლენას, განსაკუთრებით ციფრული ინფრასტრუქტურის საინვესტიციო მიმართულებით.ვფიქრობ, საქართველოს შეუძლია აბსოლუტურად მისაბაძი მაგალითი იყოს იმის დემონსტრირების, თუ რა არის შესაძლებელი ინვესტიციების განხორციელების კუთხით რეგიონში, განსაკუთრებით კი თავად საქართველოში.ინვესტიციები ძალიან მნიშვნელოვანია საქართველოში, განსაკუთრებით მაშინ, როცა საქმე ეხება ენერგეტიკულ, კომუნალურ და ციფრულ ინფრასტრუქტურას. ნოკია კიდევ უფრო მოწადინებულია, რომ მეტი ინვესტიცია ჩადოს აქ. ჩვენ დიდ ინფრასტრუქტურულ შესაძლებლობებს ვხედავთ საქართველოში, განსაკუთრებით მაშინ, როდესაც საქმე ეხება საქართველოს საერთო მდგომარეობას, სადაც გყავთ აქტიური ახალგაზრდა მოსახლეობა, გაქვთ კარგი უნივერსიტეტები და გყავთ მაღალკვალიფიციური ადამიანები, რომლებიც დემონსტრირებას აკეთებენ იმაზე , რომ საქართველოს დიდი მომავალი აქვს.ჩვენ ვართ ტექნოლოგიების მიმწოდებლები. განსაკუთრებით მობილური ქსელებისთვის ვმუშაობთ და საქართველოში ამის ბევრი მომხმარებელი გვყავს, სხვადასხვა მობილური ოპერატორები და ვაპირებთ ძალიან მალე განვვითარდეთ. ვპოზიციონირებთ არა მარტო საქართველოს ბაზარზე, არამედ ბევრ რეგიონში, მაგრამ აქაური ბაზარი ჩვენთვის ძალიან მნიშვნელოვანია”, - განაცხადა როლფ ვერნერმა.შეგახსენებთ, რომ 22-23 ოქტომბერს საქართველოს დედაქალაქში „თბილისის აბრეშუმის გზის ფორუმი 2025“ ტარდება. ფორუმი წელს უკვე მეხუთედ იმართება. მასში მონაწილეობას იღებენ მაღალი რანგის პოლიტიკური პირები, ბიზნესსექტორის და საერთაშორისო ორგანიზაციების წარმომადგენლები.ცნობისთვის, „თბილისის აბრეშუმის გზის ფორუმი“ 2015 წლიდან, ორ წელიწადში ერთხელ ტარდება. ამ პერიოდის განმავლობაში ფორუმი ჩამოყალიბდა საერთაშორისო ბრენდად და მაღალი დონის პლატფორმად სხვადასხვა ქვეყნების მთავრობებს შორის დიალოგისთვის, ასევე ორგანიზაციებსა და ბიზნესის წარმომადგენლებს შორის ორმხრივი და მრავალმხრივი შეხვედრებისთვის.www.bpn.ge

1761133144

ლაშა აბაშიძე ქართველი და უცხოელი სტუმრების წინაშე პრეზენტაციით წარსდგა. საქართველოს რკინიგზის მიმდინარე პროექტები, მოსალოდნელი შედეგები და ,,შუა დერეფანი“ - ამ საკითხებზე გაამახვილა ყურადღება რკინიგზის ხელმძღვანელმა.ლაშა აბაშიძემ მოდერნიზაციის პროექტის უპირატესობები მიმოიხილა და აღნიშნა, რომ პროექტის სრულად ამოქმედება საქართველოს როგორც სატრანზიტო ქვეყანას ტრანსკასპიური საერთაშორისო მარშრუტში უფრო მიმზიდველს გახდის.რაც შეეხება, ბაქო-თბილისი-ყარსის მიმართულებას, კი საქართველოს რკინიგზის გენერალური დირექტორის განმარტებით, პროექტის სრულად ამოქმედება მეტი ტვირთის გატარების შესაძლებლობას გულისხმობს, რაც კომპანიისთვის მეტი შემოსავლის გენერირების პირდაპირ პროპორციულია.,,აბრეშუმის გზის ფორუმს“ აქართველოს რკინიგზის მენეჯმენტის სხვა წევრებიც დაესწრნენ.

1761132028