არქეოლოგებმა გევერნიკის ციხეში ქართველი მეფის, აშოტ დიდი, კურაპალატის საფლავი აღმოაჩინეს

GCCA-ი ბენზინისა და დიზელის ბაზრის მონიტორინგის შუალედურ ანგარიშს აქვე...

მათივე ცნობით, მიმდინარე წლის იანვრიდან სექტემბრის თვის ჩათვლით, სააგენტოს შეფასებით, ფასების როგორც შემცირება, ასევე ზრდა თანხვედრაში იყო საერთაშორისო ბაზარზე განვითარებულ მოვლენებთან და იმპორტირებული საწვავის ფაქტობრივ ღირებულებასთან - კომპანიების მარაგების და ლარის გაცვლითი კურსის გათვალისწინებით.„2025 წლის იანვარში, საცალო ფასების ზრდა დაფიქსირდა, როგორც ბენზინის, ასევე დიზელის ტიპის საწვავზე. ფასის ზრდამ მსხვილი კომპანიების შემთხვევაში 3-10 თეთრი, ხოლო მცირე ქსელების შემთხვევაში 10-20 თეთრი შეადგინა.2025 წლის მარტის თვის მეორე ნახევრიდან კი საცალო ფასები შემცირდა - საერთო ჯამში, მსხვილი კომპანიების დონეზე, რეგულარის ტიპის საწვავის საცალო ფასი შემცირდა 26-28 თეთრით, პრემიუმის 17-26 თეთრით, ხოლო დიზელის 18-29 თეთრით. მცირე ქსელების შემთხვევაში, ამავე პერიოდში, ფასების ზრდა, ისევე როგორც შემცირება, მსხვილ კომპანიებთან შედარებით, განხორციელდა შედარებით მყისიერად (გრაფიკი 1-3).2025 წლის ივნისიდან დღემდე, მსხვილი კომპანიების საცალო ფასები გაიზარდა საშუალოდ 15-20 თეთრით, ხოლო მცირე ქსელების შემთხვევაში ზრდა უფრო მეტი ოდენობით დაფიქსირდა დიზელის ტიპის საწვავზე - 25 თეთრამდე.2025 წლის პირველ ნახევარში, საწვავის საცალო ფასების შემცირება განპირობებული იყო ნედლი ნავთობის და შესაბამისად პლატსის დაბალი ფასით. კერძოდ, ნედლი ნავთობის ფასი 2025 წლის მაისის დასაწყისში შემცირდა 56 აშშ დოლარამდე, რაც 2021 წლის შემდეგ ყველაზე დაბალი მაჩვენებელია. აღნიშნულის შემდეგ, ნედლი ნავთობის ფასი გაიზარდა და შესაბამისად, გაიზარდა იმპორტირებული საწვავის თვითღირებულებაც, რაც აისახა საცალო ფასზეც.მსხვილი კომპანიების მარაგები ლოგისტიკურ პროცესებთან ერთად, არის ის ფაქტორი, რაც განაპირობებს საერთაშორისო ბაზარზე მიმდინარე მოვლენების დაგვიანებულ ასახვას ფასების კლების და მათ შორის ზრდის შემთხვევაშიც. ასევე, მარაგები არის ფაქტორი, რის გამოც მცირე ქსელები უფრო მოქნილად რეაგირებენ ამგვარ ფაქტორებზე, როგორც ფასების ზრდის, ასევე შემცირების კუთხით.2025 წელს, საავტომობილო საწვავის საცალო ფასების დინამიკა თანხვედრაშია ევროპული საწვავის მომწოდებელი ძირითადი ქვეყნების, რუმინეთის და ბულგარეთის საცალო ფასების დინამიკასთან, ლარის გაცვლითი კურსის გათვალისწინებით (გრაფიკი 4).სააგენტო განგრძობად რეჟიმში აკვირდება კომპანიების მიერ ფაქტობრივად იმპორტირებულ საწვავსა და მის თვითღირებულებას“,-აღნიშნულია ინფორმაციაში.გრაფიკი 1გრაფიკი 2გრაფიკი 3გრაფიკი 4

OPEC+ ქვეყნები ნოემბრიდან ნავთობის წარმოების გაზრდაზე შეთანხმდნენ

ამის შესახებ ორგანიზაციის ვებსაიტზე გამოქვეყნდა.ეს ცვლილება ძალაში შევა 1 ნოემბრიდან. განცხადებაში ასევე ნათქვამია, რომ OPEC+ ქვეყნებმა დაადასტურეს თავიანთი განზრახვა, სრულად კომპენსირება გაუწიონ ნებისმიერ ჭარბი წარმოებას 2024 წლის იანვრიდან.შეთანხმების თანახმად, რუსეთი გეგმავს ნავთობის საშუალო დღიური წარმოების 41,000 ბარელით გაზრდას და 9,532,000 ბარელის მიაღწევს.

სემეკმა "თელასი" 56 200 ლარით დააჯარიმა

კერძოდ, მომხმარებელთა განცხადებების საფუძველზე სემეკში წარმოებული მოკვლევის შედეგად დადასტურდა, რომ სს „თელასის“ მხრიდან ადგილი ჰქონდა კანონმდებლობით გათვალისწინებული მოთხოვნების უხეშ დარღვევებს."რიგ შემთხვევებში უგულებელყოფილი იყო უსაფრთხოების ნორმები, არაჯეროვნად სრულდებოდა კომპანიის ფუნქცია-მოვალეობები. ასევე, სს „თელასის“ მიერ უგულებელყოფილი იყო სემეკის მოთხოვნები.საჯარო სხდომაზე სს „თელასს“ დაევალა დაფიქსირებული დარღვევების გამოსწორება. ამასთანავე, მიეცა გაფრთხილება, რომ დარღვევების განმეორების შემთხვევაში სემეკი უფლებამოსილია კომპანიას დააკისროს გაორმაგებული ჯარიმა", - აცხადებენ სემეკში.

„ენერგეტიკაში იყო არასწორი პრაქტიკა, მათ შორის ნებართვების გადაყიდვის...

ჩვენი ამოცანაა ეკონომიკური ზრდის ტემპის კიდევ უფრო დაჩქარება. მიუხედავად იმისა, რომ ვართ პირველ პოზიციაზე რეგიონში და ევროპაში ეკონომიკური ზრდის თვალსაზრისით, ვფიქრობთ, რომ არსებობს ტემპის კიდევ უფრო მეტად დაჩქარების პოტენციალი და ამისათვის გაკავეთებთ მაქსიმუმს“,- განაცხადა ირაკლი კობახიძემ.მისივე თქმით, მიმდინარეობს მუშაობა საერთაშორისო კავშირების განვითარებაზეც.„ძალიან საინტერესო ვიზიტი შედგა არაბთა გაერთიანებული საამიროებიდან, სადაც გვქონდა საუბარი არაერთ ძალიან საინტერესო ერთობლივ პროექტზე, რაზეც უკვე პრაქტიკულად დაწყებულია მუშაობა. უკვე შეთანხმებული ვართ 6,6 მილიარდი დოლარის მოცულობის ინვესტიციის განხორციელებაზე EMAAR ჯგუფის მიერ, Eagle Hills-ის მიერ საქართველოში, რაც ასევე ხელს შეუწყობს ეკონომიკის განვითარებას, ეკონომიკურ ზრდას დააჩქარებს. თუმცა სხვა მიმართულებითაც არაერთი საინტერესო ინიციატივა განვიხილეთ ჩვენს პარტნიორებთან. ვფიქრობთ, ძალიან ბევრი მიმართულებით შედგება წარმატებული თანამშრომლობა“, - განაცხადა ირაკლი კობახიძემ.მისივე განცხადებით, მნიშვნელოვანია შესრულებული პროექტების ხარისხის გაუმჯობესება.„ინფრასტრუქტურის მიმართულებით იყო სერიოზული, მნიშვნელოვანი ხარვეზები. ჩვენ გვქონდა შეხვედრა ბიზნესის წარმომადგენლებთან, რომლებიც არიან ჩართულები ინფრასტრუქტურული პროექტების განხორციელებაში. შევთანხმდით ერთ რამეზე, რომ იქნება უზრუნველყოფილი სრულიად სამართლიანი კონკურენცია, რამაც უნდა უზრუნველყოს როგორც ხარჯეფექტიანობის გაუმჯობესება, ასევე, მნიშვნელოვანია შესრულებული პროექტების ხარისხის გაუმჯობესება. მინდა მადლობა გადავუხადო ბატონ რეზი სოხაძეს, იმისათვის, რომ მაქსიმუმს აკეთებს ამისათვის“, - განაცხადა კობახიძემ.

საქართველოს ბანკი, DANGEO Energy-სთან პარტნიორობით, რეგიონულ ფილიალებს...

პროექტი 2025 წლის სექტემბრიდან გააქტიურდა და პარტნიორი კომპანიისგან წლიურად დაახლოებით 2,200,000 კვტ.სთ ენერგიის მიღებას გულისხმობს. უშუალოდ DANGEO Energy-სთან პარტნიორობით მიღებული ენერგია რეგიონებში საქართველოს ბანკის ფილიალების ელექტროენერგიის მოხმარების 37%-ს დაფარავს.“აღნიშნული პროექტი ჩვენი გრძელვადიანი სტრატეგიის განუყოფელი ნაწილია. საქართველოს ბანკის როლი გარემოს დაცვის საკითხში ძალიან დიდია. სწორედ ამიტომ, ვმოქმედებთ პასუხისმგებლობით როგორც საოპერაციო საქმიანობის (ენერგოეფექტურობის გაუმჯობესება და განახლებადი ენერგიის გამოყენება), ისე დაკრედიტების გზით (მწვანე დაფინანსება).  განახლებადი ენერგიის მოხმარებით, ჩვენ აქტიურად ვამცირებთ სათბური აირების ემისიებს, გრძელვადიან პერსპექტივაში კი ეს გადაწყვეტილება მჭიდროდ არის დაკავშირებული ჩვენს ხედვასთან -  საზოგადოებისთვის შევქმნათ ღირებულება, შევამციროთ გარემოზე უარყოფითი ზეგავლენა, ვიქცეთ მაგალითად სხვა ორგანიზაციებისთვის და ამ გზით  მომავლის გამოწვევებს ეფექტიანად ვუპასუხოთ. ამ პროცესში მადლობას ვუხდით ჩვენს პარტნიორს, DANGEO Energy-ს გაწეული ძალისხმევისთვის”, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.DANGEO Energy კომუნალური მასშტაბის მზის ენერგიის წამყვანი დეველოპერია საქართველოში. კომპანიების ჯგუფი 2023-2024 წლებში, როგორც დანიელი და ქართველი ინვესტორების ერთობლივი საწარმოს სახით დაარსდა და განახლებადი ენერგიისა და ფოტოელექტრული („PV“) პროექტების შემუშავების დიდი გამოცდილება აქვს.„DANGEO Energy-ში ვამაყობთ, რომ საქართველოს ბანკთან ერთად გვაქვს შესაძლებლობა, მონაწილეობა მივიღოთ სუფთა და მდგრადი მომავლის შექმნაში. ეს პარტნიორობა ნათლად აჩვენებს, თუ როგორ შეუძლიათ პროგრესულ ინსტიტუტებს სათავეში ჩაუდგნენ ნახშირბადის ემისიების შემცირებასა და გრძელვადიანი ენერგოდამოუკიდებლობის უზრუნველყოფას.რეგიონული ფილიალების ელექტროენერგიის მოხმარების თითქმის 40%-ის მზის ენერგიით დაფარვით, კიდევ ერთხელ ვადასტურებთ, რომ განახლებადი ენერგია არა მხოლოდ შესაძლებელი, არამედ აუცილებელია საქართველოს ეკონომიკური და ეკოლოგიური წინსვლისთვის. DANGEO Energy, როგორც ქართული და დანიური ინვესტორების ერთობლივი საწარმო, აერთიანებს საერთაშორისო და ადგილობრივ გამოცდილებას. ჩვენ მტკიცედ მივყვებით მისიას – დავაჩქაროთ განახლებადი ენერგიის ტრანზიცია მასშტაბური პროექტებით, რომლებიც რეალურ ღირებულებას ქმნის ბიზნესებისთვის, საზოგადოებისთვის და მომავალი თაობებისთვის საქართველოში. განსაკუთრებულ მადლობას ვუხდით საქართველოს ბანკს ნდობისთვის და მოუთმენლად ველით ჩვენი თანამშრომლობის გაფართოებას, რომელიც კიდევ უფრო გაამყარებს ქვეყნის ენერგეტიკულ მომავალს“, - აცხადებს გიორგი აბულაძე, DANGEO Energy-ის გენერალური დირექტორი.საქართველოს ბანკი ESG ინიციატივების განხორციელებას განაგრძობს. მათ შორის მიზნად ისახავს განახლებადი ენერგიის წყაროებზე სრულად გადასვლას. მწვანე დაფინანსების, ენერგოეფექტურობისა თუ ნარჩენების მართვის გზით კი ბაზარზე ლიდერულ პოზიციებს ინარჩუნებს. ინფორმაციისთვის, 2024 წელს საქართველოს ბანკის მწვანე პორტფელის მოცულობამ 1,024 მილიონი ლარი შეადგინა.