ნათია ჯანაშიას სქემა - ქართული სახელმწიფოს შანტაჟი და "ბრიტანულ-ქართული აკადემიის" ძალადობრივად ხელში ჩაგდება

მისი თქმით, უმძიმესია და რაც მთავარია, უარგუმენტოა ბრალდებებათა ის წყება, რასაც ნათია ჯანაშიას მხარე მთლიანად სახელმწიფოს უყენებს, როცა ბრიტანეთში წარდგენილ სარჩელში ამბობს, რომ საქართველოში სამართალის პოვნის იმედი არ აქვს და ამიტომ ჩივის ბრიტანეთში. პარალელურად, მთელი ამ ხნის განმავლობაში, თითქმის ყოველდღიურად გავრცელებულ განცხადებებში, ნათია ჯანაშია მთელ რიგ სახელმწიფო უწყებებს, კერძოდ, პროკურატურას, შინაგან საქმეთა სამინისტროს, ფინანსთა სამინისტროს საგამოძიებო სამსახურს და სასამართლოს კორუფციაში და სხვა მძიმე დანაშაულებრივ ქმედებებში სდებს ბრალს. ეს ყოველივე მხოლოდ ერთ მიზანს ემსახურება - შანტაჟით და მუქარით აიძულოს აღნიშნული უწყებები შეცდომები დაუშვან და შემდგომ ეს შეცდომები ისევ საზღვარგარეთ, ისევ სხვა სახელმწიფოების სტრუქტურებში ხელისუფლებაზე, და შემდგომ ინვესტორზე ზეწოლისთვის გამოიყენოს. სხვა ლოგიკური ხაზი, ნათია ჯანაშიას მხარის ნარატივში და ქმედებათა ერთობლიობაში, უბრალოდ, არ იკვეთება", - ამბობს აფბას ხელმძღვანელი. "მონიტორინგის პროცესისას გამოიკვეთა ერთი ძალიან საგულისხმო ფაქტი. კერძოდ ის, რომ  დავის მიმდინარეობისას ნათია ჯანაშიას მხარემ "საქართველოს განათლების ჯგუფს", წილის 70%-ის მფლობელს, შესთავაზა წილის გამოსყიდვა კონკრეტულ ფასად. საპასუხოდ მიიღო კონტრშეთავაზება, რომელიც გულისხმობდა პირიქით - მის მფლობელობაში არსებული  წილის გამოსყიდვას, ოღონდ ჯანაშიას მიერ შეთავაზებულთან შედარებით 33%-ით უფრო ძვირად. უცნაური ფაქტია, ამ მომგებიან გარიგებაზე, რითაც რამდენიმე ათეულ მილიონს დამატებით მიიღებდა, ნათია ჯანაშიამ უარი თქვა. ეს ერთადერთზე მეტყველებს - ნათია ჯანაშიას მიზანს ნაკლებად წარმოადგენს დავის დასრულება, თუნდაც მისთვის ფინანსურად ძალიან მოგებიანი პირობებით. მისი მიზანი, როგორც ჩანს, ერთია - მაჟორიტარი აქციონერისა და სახელმწიფოს შანტაჟის გზით, "ბრიტანულ-ქართული აკადემიის" მთლიანად ძალადობრივად დასაკუთრება", - აცხადებს გიორგი კაპანაძე.

1779786765

2025 წელს, სიღარიბის აბსოლუტური მაჩვენებელი წინა წელთან შედარებით შემცირებულია როგორც სოფლად, ასევე ქალაქად, ქვეყნის მოსახლეობის ყველა ასაკობრივ ჯგუფში.„რა თქმა უნდა, აღნიშნული განპირობებულია იმ ეკონომიკური პოლიტიკით, რომელიც უზრუნველყოფს ინკლუზიურ ეკონომიკურ ზრდას, რაც საქართველოს მოქალაქეებს საშუალებას აძლევს, თავი დააღწიონ სიღარიბეს“, - აღნიშნა ვახტანგ ცინცაძემ.გამოქვეყნებული მონაცემების თანახმად, 2025 წელს ასევე შემცირდა ფარდობითი სიღარიბე. გასულ წელს მედიანური მოხმარების 60%-ის ქვევით მყოფი მოსახლეობის წილი 1.6 პროცენტული პუნქტით შემცირდა და 17.3% შეადგინა, ხოლო მედიანური მოხმარების 40%-ის ქვევით მყოფი მოსახლეობის წილი 1.5 პროცენტული პუნქტით შემცირდა და 5.2%-ს გაუტოლდა. ეკონომიკის მინისტრის მოადგილის შეფასებით, აღნიშნული ტენდენცია ცხადყოფს, რომ შემოსავლებისა და მოხმარების გაუმჯობესება შეეხო არა მხოლოდ მოსახლეობის ყველაზე მოწყვლად ჯგუფებს, არამედ უფრო ფართო დაბალშემოსავლიან მოსახლეობასაც.„ინკლუზიური ეკონომიკურ ზრდაზე ორიენტირებული პოლიტიკა და ეკონომიკურ შესაძლებლობებზე თანაბარი ხელმისაწვდომობა არის სწორედ ის გზა, რომელიც ბუნებრივად უზრუნველყოფს დასაქმების ზრდას და სიღარიბის შემცირებას, შესაბამისად, საქართველოს მთავრობა ამ მიმართულებით აგრძელებს აქტიურ მუშაობას“, - განაცხადა მინისტრის მოადგილემ.

1779719697

მისივე თქმით, მსოფლიო ბანკის მონაცემებით მკვეთრად არის გაუმჯობესებული მოსახლეობის მიგრაცია ერთი კატეგორიიდან მეორე კატეგორიაში გაუმჯობესების თვალსაზრისით.„მინიმუმამდეა შემცირებული საერთაშორისო სიღარიბის ზღვარს ქვემოთ მყოფი მოსახლეობის რაოდენობა და გაზრდილია საშუალო შემოსავლიანი მოსახლეობის რაოდენობა. ეს პარამეტრები არის მზარდი.რაც შეეხება სოციალური თანაბრობის კიდევ სხვა მაჩვენებელს, რასაც ჯინის კოეფიციენტი ეწოდება, რაც უფრო დაბალია ჯინის კოეფიციენტი, უფრო მაღალია სოციალური თანაბრობა. ჯინის კოეფიციენტი არის ისტორიულ მინიმუმზე და არის ევროპის ქვეყნების შესადარი მაჩვენებელი.სოციალური თანაბრობის, სოციალური მდგომარეობის კლასების თუ სიღარიბის, აგრეთვე საშუალო შემოსავლის ზრდის ტემპის მიხედვით საქართველოს აქვს კარგი მაჩვენებლები, რაც მიუთითებს იმას რომ ქვეყანა ვითარდება ინკლუზიურად“, - აღნიშნა მიხეილ დუნდუამ.

1779719459

ამის შესახებ ინფორმაციას საქართველოს ეროვნული ბანკი ავრცელებს. დეპოზიტების წლიურმა ზრდამ გაცვლითი კურსის ეფექტის გარეშე 20.03% შეადგინა. აპრილში, წინა თვესთან შედარებით, ვადიანი დეპოზიტები გაიზარდა 179.52 მილიონი ლარით, ანუ 0.53%-ით (გაცვლითი კურსის ეფექტის გარეშე 0.54%-ით გაიზარდა), ხოლო მოთხოვნამდე დეპოზიტები 379.92 მილიონი ლარით, ანუ 1.06%-ით გაიზარდა (გაცვლითი კურსის ეფექტის გარეშე გაიზარდა 0.95%-ით).დეპოზიტების ლარიზაციის კოეფიციენტმა 2026 წლის აპრილის ბოლოსათვის 53.40 პროცენტი შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია არ შეცვლილა (გაცვლითი კურსის ეფექტის გამორიცხვით გაიზარდა 0.03 პროცენტული პუნქტით).აპრილში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 7.05% შეადგინა. მათ შორის ეროვნული ვალუტით განთავსებულ დეპოზიტებზე 8.62% , ხოლო უცხოური ვალუტით განთავსებულ დეპოზიტებზე 2.40%.უცხოური ვალუტით განთავსებულ დეპოზიტებში აშშ დოლარის წილმა 78.18% , ხოლო ევროს წილმა 19.78% შეადგინა.

1779719292

მარეგულირებლის ინფორმაციით, სესხების წლიურმა ზრდამ გაცვლითი კურსის ეფექტის გამორიცხვით 14.14% შეადგინა. ამავე პერიოდში, წინა თვესთან შედარებით ეროვნული ვალუტით გაცემული სესხების მოცულობა 89.18 მლნ ლარით (0.21%-ით), ხოლო უცხოური ვალუტით გაცემული სესხების მოცულობა 55.09 მლნ ლარით (0.18%-ით) გაიზარდა (გაცვლითი კურსის ეფექტის გარეშე, შემცირდა 0.10%-ით).რეზიდენტი იურიდიული პირებისათვის 2026 წლის აპრილის ბოლოს, კომერციულ ბანკებს ეროვნული ვალუტით გაცემული ჰქონდათ 11.00 მილიარდი ლარის (წინა თვესთან შედარებით 0.40%-ით ნაკლები), ხოლო უცხოური ვალუტით 21.16 მილიარდი ლარის (წინა თვესთან შედარებით 0.58%-ით მეტი) მოცულობის სესხი (გაცვლითი კურსის ეფექტის გარეშე, 0.34 %-ით მეტი).2026 წლის აპრილის განმავლობაში 1.20%-ით, ანუ 453.23 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და აპრილის ბოლოსათვის 38.24 მილიარდი ლარი შეადგინა.2026 წლის აპრილის ბოლოსათვის, მთლიანი სესხების ლარიზაციის კოეფიციენტმა 57.51% შეადგინა. წინა თვის ბოლო მდგომარეობასთან შედარებით, გაიზარდა 0.01 პროცენტული პუნქტით (გაცვლითი კურსის ეფექტის გამორიცხვით, გაიზარდა 0.08 პროცენტული პუნქტით).

1779718744

საერთაშორისო პრაქტიკის ანალიზის, მიმდინარე და მოსალოდნელი ტენდენციების, პრაქტიკაში გამოვლენილი საჭიროებების, დაინტერესებული მხარეების მიერ წარმოდგენილი მოსაზრებების და სხვა არაერთი შესაბამისი ფაქტორის გათვალისწინებით, საქართველოს ეროვნულმა ბანკმა 2026-2028 წლებისთვის შემდეგი საზედამხედველო პრიორიტეტები განსაზღვრა:  საუკეთესო საერთაშორისო პრაქტიკასა და სტანდარტებთან დაახლოება; საფინანსო სექტორის მდგრადი ფუნქციონირების მიზნით რისკების მართვის ჩარჩოს გაუმჯობესება; ფინანსური ინოვაციების განვითარება, კონკურენციისა და მომხმარებელთა უფლებების დაცვის ხელშეწყობა; ფასიანი ქაღალდების ბაზრის განვითარება; მომავალზე ორიენტირებული ზედამხედველობის გაძლიერება და ინკლუზიურობის ზრდა. აღსანიშნია, რომ ეროვნული ბანკის 2026-2028 წლების საზედამხედველო პრიორიტეტების მიმართ საფინანსო სექტორისა და დაინტერესებული პირების მოსაზრებების, მოლოდინებისა და ზოგადად მიმდინარე გამოწვევებზე ხედვის გაზიარების მიზნით, ეროვნულმა ბანკმა შესაბამისი კითხვარი გამოაქვეყნა. ეროვნული ბანკი მადლობას უხდის ჩართულ მხარეებს არაერთი საინტერესო მოსაზრებისა და რეკომენდაციის გაზიარებისთვის. მიღებული უკუკავშირი დეტალურად იქნა გაანალიზებული და რიგი საკითხები გათვალისწინებული იქნა საზედამხედველო პრიორიტეტებისა და შესაბამისი აქტივობების ფორმირებისას. აღსანიშნავია, რომ ის საკითხები და წინადადებები, რომლებიც თავისი შინაარსით სცდებოდა საზედამხედველო სტრატეგიის ფარგლებს, გაზიარდა ეროვნული ბანკის შესაბამის მიმართულებებთან.ეროვნული ბანკი აქტიურად განაგრძობს მუშაობას 2026-2028 წლების საზედამხედველო სტრატეგიაზე, ასევე, თითოეული პრიორიტეტის ფარგლებში დასახული აქტივობების რეალიზაციაზე. ამასთან, ეროვნული ბანკისთვის მნიშვნელოვანია საზედამხედველო სტრატეგიის სამუშაო ვერსიასთან დაკავშირებით საფინანსო სექტორის წარმომადგენლებისა და დაინტერესებული პირების მოსაზრებების გაგება. აღნიშნულის გათვალისწინებით, გთხოვთ დოკუმენტთან დაკავშირებით თქვენი მოსაზრებები 2026 წლის 9 ივნისის ჩათვლით გამოაგზავნოთ შემდეგ ელექტრონულ ფოსტაზე: supervisorystrategy@nbg.gov.geწინამდებარე განხილვის ეტაპის დასრულების შემდგომ, მიღებული უკუკავშირი კიდევ ერთხელ დეტალურად გაანალიზდება, რის საფუძველზეც დოკუმენტი საბოლოოდ ფორმირდება და გამოქვეყნდება ეროვნული ბანკის ვებგვერდზე.

1779714900